# Afrikaans HL Grade 12 P1 Eastern Cape Mock 2019 QP > Grade 12 Afrikaans HL Paper 1 question paper from the Eastern Cape Mock Exam 2019, 13 pages. Read online or download the free PDF. - Page: https://www.hlayiso.com/library/afrhl-p1-gr12-qp-sept2019/8db57ba8-86db-4255-a859-46d87bf20d2f - Updated: 2026-09-27 - Subject: Afrikaans HL - Grade: Grade 12 - Document type: Question paper - Year: 2019 - Exam period: Eastern Cape Mock Exam - Paper: 1 - Curriculum: CAPS - Pages: 13 Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Afrikaans HL](https://www.hlayiso.com/library/grade-12/afrikaans-hl) › [Afrikaans HL Grade 12 P1 Eastern Cape Mock 2019 QP](https://www.hlayiso.com/library/afrhl-p1-gr12-qp-sept2019/8db57ba8-86db-4255-a859-46d87bf20d2f) ## About this document Afrikaans Hl · Grade 12 · Eastern Cape Mock Exam · 2019. Question paper, 13 pages. Read online or download the PDF. Read it free online on the page above; download the PDF from there. ## Document text Text extracted from the PDF. Layout, diagrams and tables may not survive extraction. ### Page 1 NASIONALE SENIOR SERTIFIKAAT GRAAD 12 SEPTEMBER 2019 AFRIKAANS HUISTAAL V1 PUNTE: 70 TYD: 2 uur Hierdie vraestel bestaan uit 13 bladsye. ### Page 2 2 AFRIKAANS HUISTAAL V1 (EC/SEPTEMBER 2019) INSTRUKSIES EN INLIGTING 1. Hierdie vraestel bestaan uit DRIE afdelings: AFDELING A: Leesbegrip (30) AFDELING B: Opsomming (10) AFDELING C: Taalstrukture en -konvensies (30) 2. Lees ALLE instruksies noukeurig deur. 3. Beantwoord AL die vrae. 4. Begin ELKE afdeling op ʼn NUWE bladsy. 5. Trek ʼn streep ná elke afdeling. 6. Nommer die antwoorde korrek volgens die nommeringstelsel wat in hierdie vraestel gebruik is. 7. Laat ʼn reël oop na elke antwoord. 8. Skenk veral baie aandag aan spelling en sinskonstruksie. 9. Voorgestelde tydsindeling: AFDELING A: 50 minute AFDELING B: 30 minute AFDELING C: 40 minute 10. Skryf netjies en leesbaar. Kopiereg voorbehou Blaai om asseblief ### Page 3 (EC/SEPTEMBER 2019) AFRIKAANS HUISTAAL V1 3 AFDELING A: LEESBEGRIP VRAAG 1 Lees en kyk na die bygaande tekste en beantwoord die vrae wat daarna volg. TEKS A: ARTIKEL AS DIE (s)POTLOOD PRAAT Spotprente prik ons sosiale gewete terwyl ons lag vir die dwalings van bekendes. Strokiesprente delf weer in ons diepste fantasieë en drome. 1 As kind sonder televisie (in die jare sestigs) het ek my uitgeleef in 1 strokiesprentverhale – Tarzan en Die Skim, die een ʼn Britse edelman wat wild rondswaai in sy wildsvelbroekie, die ander ʼn koelkopheld wat skynbaar nooit sweet in sy vollyf-kleefpak in ʼn tropiese woud nie. 2 Ek het uitgesien na Huisgenoot, waarin Kosie en Kwak my infantielste drange 5 bevredig het. In die dagblad het ek my ingeleef in Blits Gordon se avonture, veral toe hy op ʼn planeet vol vroue as die enigste man beland het. Twee vrouestamme, blondines versus donkerkoppe in wit en swart katpakke, het oor hom handgemeen geraak – ʼn sappige fantasie vir ʼn jong seun! 3 My ouers was weer lief vir T.O. Honiball se ikoniese bobbejane: die Adoonse 10 van die Magaliesberge, so Afrikaans-inheems soos boeretroos. Dié harige jafels kon sedig en bekkig kommentaar lewer op intriges van toeka se dae. Lesers het die karakters se kaskenades 24 jaar lank in Huisgenoot gevolg en die strokie was so gewild dat dit in boekvorm verskyn het en vir die radio en televisie verwerk is. Honiball het Die Burger se politieke spotprentkunstenaar 15 geword. Sy werk het ook in die Landbouweekblad en Die Jongspan verskyn. In 1984 is hy deur die Federasie van Afrikaanse Kultuurverenigings (FAK) en in 1989 deur die Suid-Afrikaanse Akademie vir Wetenskap en Kuns vereer. 4 Honiball se waardige opvolger was die talentvolle Fred Mouton, wat in 1972 by Die Burger aangesluit het en in 1976 as spotprentkunstenaar oorgeneem het 20 en steeds die potlood swaai. “Niks omtrent Mouton se werk is voorspelbaar of vervelig nie,” meen Henry Jeffreys, voormalige redakteur van Die Burger. Wanneer Mouton ʼn bekende persoonlikheid uitbeeld, kan daar geen twyfel wees vir wie hy sy mes in het nie. Hy gebruik graag spraakborrels met woorde in hoofletters, en is ʼn meester met gelade kwinkslae en karakters wat in 25 streeksdialek praat. 5 Fred het bydraes gelewer vir Beeld en Rapport en doen gereeld illustrasies vir ander boeke en tydskrifte. In 1983 is hy met die Standard Bank Spotprenttekenaar van die Jaar-toekenning bekroon en in 2000 het hy die P.J. Cillié Medalje vir Kreatiwiteit in Joernalistiek ontvang. Onlangse versamelings 30 van sy werk sluit in Van Zuma tot Zille en Laat daar lig wees. 6 Gepraat van Zuma, wie spot feller met die voormalige president as Zapiro (oftewel Jonathan Shapiro), die vreeslose spotprentmeester van The Sunday Times. Sy uitdagende werk, wat hom gereeld die woede van politici op die hals haal, is bekroon met talle prestigeryke pryse, onder meer ʼn toekenning vir 35 Dapperheid in Redaksionele Spotprentwerk. Kopiereg voorbehou Blaai om asseblief ### Page 4 4 AFRIKAANS HUISTAAL V1 (EC/SEPTEMBER 2019) 7 Volgens Martinie Moller is spotprente en strokies opvoedkundige hulpmiddels omdat ʼn karikatuur (cartoon) ontwerp is om openbare mening te beïnvloed, terwyl strokiesprente (comics) bestaan uit ʼn reeks opeenvolgende tekeninge in raampies met spraak- en gedagteborrels met ʼn storie wat lesers opvoed of 40 vermaak. Oordrywing word ingespan om sekere eienskappe soos ʼn houding of gelaatstrekke (neus, snor, ken) satiries aan te dik. Spotprente lewer skerp kommentaar op die dwaashede en morele flaters van openbare en gesagsfigure, omwentelinge, giere, beleidsrigtings, skandale en belangrike gebeure op plaaslike en internasionale front. Die doel is om skynheilighede, 45 vals en morele tekortkominge te ontmasker. Soms is spotprente omstrede omdat dit die politieke bestel uitdaag of taboe onderwerpe aanroer. 8 Eenvoud en ekonomie van styl en woorde kenmerk spotprente, asook ʼn voorliefde vir idiome, simboliek, volksgrappe, woordspel en stereotipes. Len Lindeque het altyd iewers in sy spotprente in Rapport ʼn wurmpie geteken wat 50 die ‘laaste woord’ inkry, ʼn ekstra klein kwinkslag. Sulke alwetende figuurtjies duik ook gereeld in ander kunstenaars se spotprente op. 9 Strokiesprente maak gebruik van beweging, spraak- en gedagteborrels, klanke as woorde en die tegnieke van die rolprentmedium soos ver-, medium- en 55 nabyskote om ʼn storie te vertel. Teatergebruike soos dialoog, karakterisering, groot gebare, agtergrond en rekwisiete word ook ingespan. Dit was die heel eerste instrumente van globalisering lank voor dit ʼn modewoord geword het: ”Karakters van Amerika soos Garfield, Charlie Brown en Dagwood is wêreldwyd bekend danksy honderde plaaslike koerante.” 10 Moderne strokies sluit in Madam & Eve wat in ʼn dosyn plaaslike koerante 60 gepubliseer word en in Sweeds, Deens en Noorweegs vertaal is. In 1992 het Anton Kannemeyer (Joe Dog) en Conrad Botes, studente en later lektore aan die kunsdepartement van die Universiteit van Stellenbosch, ʼn reeks hardekwas strokiesprente, Bitterkomix, in Afrikaans en Engels begin publiseer. Die stories was hardebaard en het op die verbreking van taboes gefokus. Hierdie 65 aweregse aanslag kan ook gesien word in die rockgroep Van Coke Kartel se aanlynstrokie in die Wie’s Bang-reeks en die skeppers van kort animasieflieks in De Kat se TV-joernaalprogram op kykNet. 11 Die kunskonsultant, Cecile Loedolf, meen spotprente en strokiesprente moet bewaar word. Sy sê dat net soos kuns die tydvak weerspieël, so beeld 70 spotprente die norme, belangstellings, smake en selfs besonderhede, soos klere, van ʼn spesifieke tydperk uit. Bitterkomix word selfs in Frankryk gelees. Zapiro se stortkop het ikonies geword. Honiball is bekroon vir sy tekeninge. Hierdie kunstenaars se werk is belangrik en neem mettertyd in waarde toe, nes kuns. 75 12 Dit het nostalgiese waarde ook. Ek verlang na Walter die Wonderman se towerspuitkan wat jou nooi om deur die sagte spieël te klim na ʼn alternatiewe wêreld wat nogal soos ons eie is. Lees en kyk dus fyn. [Verwerk uit Rapport, 27 Mei 2018] Kopiereg voorbehou Blaai om asseblief ### Page 5 (EC/SEPTEMBER 2019) AFRIKAANS HUISTAAL V1 5 TEKS B: VISUELE TEKS Gevaar: SA Nee, niks met bek-en-klouseer te verloor sy bek- doen nie – dis net dat ons die rieme en-klouseer moet dun sny … betaaldag lê nog status ver. Ons lyk bekaf, maar braai sal ons! [Verwerk uit Die Burger, 4 Januarie 2019] VRAE: TEKS A 1.1 Haal ʼn woordgroep uit paragraaf 1 aan wat by die onderstreepte woorde in die subopskrif aansluit. (1) 1.2 Verduidelik hoe die opskrif by paragraaf 1 aansluit. (1) 1.3 Wat is die verskil tussen strokiesprente en spotprente? (2) 1.4 Verklaar die oorsaak van die skrywer se belangstelling in strokiesprente. (1) 1.5 Watter DRIE bewyse is daar volgens die teks vir die Adoonse se ikoniese status? (3) 1.6 Herlees paragraaf 3 en paragraaf 4. Wat het Honiball en Mouton in gemeen? Watter een van die twee sou jy aanstel? Motiveer jou antwoord. (2) 1.7 Watter sienswyse huldig Jeffreys oor Fred Mouton se spotprente? Kan sy sienswyse as geloofwaardig beskou word? Motiveer jou antwoord. (2) 1.8 Watter kenmerke is eie aan Fred Mouton se spotprente? (3) 1.9 Dink jy dat Zapiro hom veel aan kritiek steur? Motiveer jou antwoord. Verduidelik ook hoe sy toekenning van Mouton s’n verskil. (2) Kopiereg voorbehou Blaai om asseblief ### Page 6 6 AFRIKAANS HUISTAAL V1 (EC/SEPTEMBER 2019) 1.10 Herlees paragraaf 7. Watter verskillende sienswyse huldig Martinie Moller oor spotprente en strokiesprente? Beskou jy spotprente of strokies as die belangrikste opvoedkundige hulpmiddel? Motiveer jou keuse. (2) 1.11 Noem enige VIER middele wat ʼn spotprentkunstenaar gebruik om sy/haar boodskap oor te dra. (4) 1.12 Waarom kan strokiesprente as die eerste ‘vorm’ van globalisering beskou word? (1) 1.13 Dink jy dat hardekwas strokiesprente uitdagend is? Motiveer jou antwoord. (1) VRAE: TEKS B 1.14 Watter visuele leidraad dui daarop dat die hond teleurgesteld is met dit wat in sy kosbak is? (1) 1.15 Wat word met die vrou se verduideliking geïmpliseer? (1) 1.16 Op watter wyse slaag die spotprent daarin om die fokus op die uitbreek van bek-en-klouseer te plaas? (1) VRAE: TEKS A EN B 1.17 Herlees paragraaf 7 van TEKS A en TEKS B. Noem TWEE maniere waarop hierdie spotprent die funksionaliteit van spotprente uitlig. (2) TOTAAL AFDELING A: 30 Kopiereg voorbehou Blaai om asseblief ### Page 7 (EC/SEPTEMBER 2019) AFRIKAANS HUISTAAL V1 7 AFDELING B: OPSOMMING VRAAG 2 Lees die teks hieronder en maak ʼn opsomming van SEWE wenke wat jy kan gebruik om jou eksamen suksesvol af te lê en spanning te beveg. LET WEL: 1. Jou opsomming moet in jou eie woorde (in duidelike volsinne) in paragraafvorm aangebied word en mag nie meer as 90 woorde beslaan nie. 2. Jy moet ʼn samehangende paragraaf skryf. 3. Dit is nie nodig om die opsomming ʼn titel te gee nie. 4. Dui die getal woorde aan wat jy vir die opsomming gebruik het. TEKS C EKSAMENSTRES SE MOSES! Dis dié tyd van die jaar dat die eksamenmonster sy kop lig. Wat nou gemaak? Raak sosiaal, maar moenie te opgewonde raak nie. Dit beteken nie Facebook en Instagram nie. Kry eerder ʼn paar vriende bymekaar en begin vaslêgroepe om deur ʼn vasvra te kyk hoe goed julle in sekere vakke vaar. Dit is baie belangrik om te oefen tydens die eksamen om jou liggaam en brein ʼn ruskans te gee. As jy en jou vriende ʼn studierooster deel, kan jy jou tyd beter benut deur byvoorbeeld saam te gaan draf. Wees aktief. Dit maak jou positief – as jy en jou vriende hard leer en saam oefen. Kry jou vriende bymekaar en skryf ʼn ‘oefen-eksamen’ deur ou vraestelle deur te werk. Ruil ná die tyd vraestelle om sodat almal iemand anders s’n nasien. Dit is ʼn goeie manier om te bepaal of jy jou werk baasgeraak het. Gebruik ook visuele voorstellings om jou werk meer toeganklik te maak. Dit span nog dele van jou brein aktief in. Spanning en angs kan jou kelder. Voorkom dit deur te fokus op jou asemhaling. Moenie paniekerig raak nie. Oefen diep asemhaling. Sien dinge in perspektief. Kyk vorentoe en nie agtertoe nie. Dit help nie om jou te bekommer oor vraestelle wat nie goed gegaan het nie. Sit dit agter jou en fokus op dit wat voorlê. Elke dag is ʼn nuwe geleentheid om beter te doen. Verander dus jou perspektief. Neem doelbewus beheer van jou studietyd. Hou by jou skedule! Dan hoef jy dit nie te oorweeg om elke dag ʼn uur of twee langer te studeer nie. Onthou dié tyd gaan nie vir ewig aanhou nie. En wanneer dit klaar is, is dit die begin van die res van jou lewe! [Verwerk uit Kuier, 31 Oktober 2018] TOTAAL AFDELING B: 10 Kopiereg voorbehou Blaai om asseblief ### Page 8 8 AFRIKAANS HUISTAAL V1 (EC/SEPTEMBER 2019) AFDELING C: TAALSTRUKTURE EN -KONVENSIES VRAAG 3: ADVERTENSIE Bestudeer die advertensie en beantwoord die vrae wat volg. TEKS D 1 2 3 4 5 6 Jou taal is soveel meer as net 7 woorde. Dis die uitvloeisel van 8 wie jy is … dis waar jy vandaan 9 kom en waarheen jy oppad is. 10 Daarom is jou taal altyd deel 11 van jou bestaan. 12 Wat van Afrikaans maak jou 13 aartsgelukkig? 14 Besoek www.afrikaans.com #onmisbaar 15 16 afrikaans.com [Verwerk uit Kuier, 31 Oktober 2018] Kopiereg voorbehou Blaai om asseblief ### Page 9 (EC/SEPTEMBER 2019) AFRIKAANS HUISTAAL V1 9 VRAE: TEKS D 3.1 Watter boodskap wil die adverteerder met reël 1 tot 5 oordra? (1) 3.2 Gee die verkleinwoord van die onderstreepte woord in reël 5. (1) 3.3 Gee die stellende trap van die onderstreepte woord in reël 6. (1) 3.4 Is die onderstreepte woord in reël 7 ʼn samestelling, samestellende afleiding of ʼn afleiding? Verskaf ʼn gepaste sinoniem vir die woord. (2) 3.5 Wat is die funksie van die ellips in reël 8? (1) 3.6 Verbeter die spelfout wat in die advertensie voorkom. (1) 3.7 Identifiseer die woord wat op ʼn verduideliking dui. (1) 3.8 Watter aanname kan daar oor taal vanaf reël 8 tot 9 gemaak word? (1) 3.9 Gee die betekenisfunksie van die voorvoegsel van die onderstreepte woord in reël 13. (1) [10] Kopiereg voorbehou Blaai om asseblief ### Page 10 10 AFRIKAANS HUISTAAL V1 (EC/SEPTEMBER 2019) VRAAG 4: STROKIESPRENT Bestudeer die strokiesprent hieronder en beantwoord die vrae wat volg. TEKS E MAMA TAXI RAAMPIE 1 RAAMPIE 2 RAAMPIE 3 Het jy geweet? 80% van alle Wat dink jy Wel, dis Hang aan, Mavis. Ek moet mense onderbreek hul daarvan? ongeskik, net nou eers kyk na hierdie gesprekke om na hul selfone dis... boodskap te kyk. RAAMPIE 4 RAAMPIE 5 RAAMPIE 6 Kan jy glo! Hulle het ʼn Wel, niemand sal ooit ʼn Waar sal hulle nou wegkruip? versteekte persoon op ʼn skip versteekte persoon in ons in die hawe gekry. bussie ontdek nie! RAAMPIE 7 RAAMPIE 8 RAAMPIE 9 RAAMPIE 10 Ek is steeds nie Hulle is so Dit sal baie Hallo, Dalk net seker oor ʼn vroue- onvoorspelbaar. Ek sal oortuiging kos julle! hierdie een bestuurder nie. nie veilig voel nie. keer! [Verwerk uit https://www.arrivealive.co.za] Kopiereg voorbehou Blaai om asseblief ### Page 11 (EC/SEPTEMBER 2019) AFRIKAANS HUISTAAL V1 11 VRAE: TEKS E 4.1 Benoem die onderstreepte werkwoord in die eerste sin in RAAMPIE 1 volledig. (1) 4.2 Verander die vetgedrukte woord in RAAMPIE 1 na ʼn sterk verlede deelwoord in ʼn verduidelikende sin. (1) 4.3 Gebruik ʼn toepaslike skryfteken om die vetgedrukte woord in RAAMPIE 2 op ʼn ander manier te beklemtoon. (1) 4.4 Herskryf die eerste sin in RAAMPIE 3 sonder die Anglisisme. (1) 4.5 Gee EEN woord vir die onderstreepte woorde in RAAMPIE 4. (1) 4.6 Ondersteun die visuele voorstelling in RAAMPIE 5 die onderstreepte sin in hierdie raampie? Motiveer jou antwoord. (1) 4.7 Skryf die sin in RAAMPIE 6 in die lydende vorm. (1) 4.8 Brei die onderstreepte woord in RAAMPIE 7 uit met ʼn byvoeglike bysin. (1) 4.9 Watter gevoel dra die woorde in RAAMPIE 7 oor? Dui ook die aard van die vooroordeel aan. (2) [10] Kopiereg voorbehou Blaai om asseblief ### Page 12 12 AFRIKAANS HUISTAAL V1 (EC/SEPTEMBER 2019) VRAAG 5: ARTIKEL Beantwoord die vrae wat op die teks gebaseer is. TEKS F SKOONHEID IN GEBROKENHEID 1 Voortreflik en perfek is wonderlik. Is dit regtig so? Perfek is nie noodwendig die beste, of die voortreflikste, die mooiste nie. Bestaan daar dan so iets soos lieflike littekens en kan dit gevind word in stukkende gebrokenheid? 2 Ons kan leer by oeroue beskawings, hierdie keer by Japan. Hulle wat die sensitiwiteit, eerlikheid en waagmoed gehad het om te besef dat daar skoonheid in gebrokenheid is. Hulle het dit tot ʼn verbysterende kunsvorm ontwikkel, ook genoem kintsugi of kintsukuroi, die kuns van lieflike littekens. 3 Dit het glo alles begin in die vyftiende eeu, by die Japanse heerser wat sy gunsteling-teekoppie gebreek het. Hy het dit na Chinese vakmanne gestuur om te laat herstel, net om te hoor hulle kon niks doen om die teekoppie na sy vroeëre glorie te herstel nie. Al hulle pogings was onsuksesvol. Die heerser het voet by stuk gehou. Hy het hardnekkig besluit dat ʼn nederige teekoppie herstel moet word. Waarom nie maar net ʼn ander een kry nie? Maak reg, het die heerser beveel. 4 Dan moet dit ʼn juweel word, het die vakmanne besluit en die krake gevul met hars en poeiergoud. ʼn Gebreekte teekoppie het ʼn kunswerk geword. Meer waardevol as tevore, ʼn objek met karakter, ʼn ding met ʼn storie. Die littekens het lieflik geword. 5 Maar as jy glo aan die beginsel van kintsugi of kintsukuroi, dan is dit ʼn lewensbeginsel ook, dan gebeur wonderwerke. My ander Nuwejaarsvoorneme? Om my nie so te verknies oor al my krake nie. [Verwerk uit Sarie.com, Januarie 2019] VRAE: TEKS F 5.1 Identifiseer die eerste diftong in die titel en onderstreep dit. (1) 5.2 Skryf EEN woord uit paragraaf 1 neer wat direk met ‘gebrokenheid’ in die titel verband hou. (1) 5.3 Benoem die taalverskynsel wat ons in paragraaf 1 aantref. (1) 5.4 Verskaf die persoonsnaam van diegene wat in Japan woonagtig is. (1) 5.5 Die artikel gebruik die woord ‘herstel’ in paragraaf 3. Gebruik die woord ‘verstel’ in ʼn verduidelikende sin. (1) Kopiereg voorbehou Blaai om asseblief ### Page 13 (EC/SEPTEMBER 2019) AFRIKAANS HUISTAAL V1 13 5.6 Gebruik die bepaler van die woord ‘poeiergoud’ in paragraaf 4 as kern van jou eie samestelling en gebruik dit in ʼn volgende verklarende sin. (2) 5.7 Benoem die woord in paragraaf 5 wat op kontras dui. (1) 5.8 Identifiseer die woord in paragraaf 5 waar daar assimilasie kan plaasvind. (1) 5.10 Kan die skrywer se slotsin as denotatief of konnotatief beskou word? (1) [10] TOTAAL AFDELING C: 30 GROOTTOTAAL: 70 Kopiereg voorbehou Blaai om asseblief ## Related documents - [AFR HL P2 QP GR12 SEPT2019](https://www.hlayiso.com/library/afr-hl-p2-qp-gr12-sept2019/3fb234fe-faec-4aa8-9afa-d859445dd944) — Afrikaans HL · QP · 2019 · Afr - [Afrikaans HL P1 May June 2019](https://www.hlayiso.com/library/afrikaans-hl-p1-may-june-2019/367ff59a-d2b3-4a61-9ec2-462562ce9a61) — Afrikaans HL · QP · 2019 · Afr - [AFRIKAANS HL P1 QP GR12 SEPT 2021](https://www.hlayiso.com/library/afrikaans-hl-p1-qp-gr12-sept-2021/3d8a0765-43fa-465c-8b97-0c72f3e99464) — Afrikaans HL · QP · 2021 · Afr - [AFRIKAANS HL P1 GR 12 QP SEPT2020](https://www.hlayiso.com/library/afrikaans-hl-p1-gr-12-qp-sept2020/54595e79-3d93-4ae2-b134-974b78fd2965) — Afrikaans HL · QP · 2020 · Afr - [AFR HL P1 GR12 QP SEPT 2018](https://www.hlayiso.com/library/afr-hl-p1-gr12-qp-sept-2018/1ce4fa24-e898-4838-aca4-201440bb7177) — Afrikaans HL · QP · 2018 · Afr - [AFRHL P1 QP SEPT2017](https://www.hlayiso.com/library/afrhl-p1-qp-sept2017/ca71256c-c51c-4147-a3cd-2f0c73e04472) — Afrikaans HL · QP · 2017 ## More from Grade 12 Afrikaans HL - [AFRIKAANS HL P1 GR12 MEMO SEPT2025 watermark](https://www.hlayiso.com/library/afrikaans-hl-p1-gr12-memo-sept2025-watermark/c501289f-c0e0-40a2-986b-3ffe3b34a8f5) — Memo · 2025 · Afr - [AFRIKAANS HL P1 GR 12 MEMO SEPT2024](https://www.hlayiso.com/library/afrikaans-hl-p1-gr-12-memo-sept2024/fe926efa-37db-43ba-8e99-14b4ba566efd) — Memo · 2024 · Afr - [AFRIKAANS HL P3 GR12 MEMO SEPT2024](https://www.hlayiso.com/library/afrikaans-hl-p3-gr12-memo-sept2024/98e89642-94ce-4beb-95d7-ec1003ae5b5c) — Memo · 2024 · Afr - [AFRIKAANS HL P3 GR12 QP SEPT2024](https://www.hlayiso.com/library/afrikaans-hl-p3-gr12-qp-sept2024/1ba40bb9-6fbd-4dbf-a0f7-5587c98d4f79) — QP · 2024 · Afr - [Afrikaans HL P1 Nov 2024](https://www.hlayiso.com/library/afrikaans-hl-p1-nov-2024/55a79721-4c8b-40e3-bc64-524821cb118f) — QP · 2024 · Afr - [Afrikaans HL P3 Nov 2024](https://www.hlayiso.com/library/afrikaans-hl-p3-nov-2024/c479704a-f838-42b0-bb57-dbb72d8e978f) — QP · 2024 · Afr ## Collection - [Grade 12 past papers](https://www.hlayiso.com/grade-12/past-papers) --- Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.