# Afrikaans Hl Grade 6 P1 November Common Test 2011 Question Paper > Grade 6 Afrikaans Hl Paper 1 question paper from the November Common Test 2011, 8 pages. Read online or get the free PDF download, memo linked when available. - Page: https://www.hlayiso.com/library/gr6-afrhl-p1-n11-qp-afr/aac473de-91f9-4add-a565-027a82f8e6e4 - Updated: 2026-09-27 - Subject: Afrikaans Hl - Grade: Grade 6 - Document type: Question paper - Year: 2011 - Exam period: November Common Test - Paper: 1 - Curriculum: CAPS - Pages: 8 Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 6](https://www.hlayiso.com/library/grade-6) › [Afrikaans Hl](https://www.hlayiso.com/library/grade-6/afrikaans-hl) › [Afrikaans Hl Grade 6 P1 November Common Test 2011 Question Paper](https://www.hlayiso.com/library/gr6-afrhl-p1-n11-qp-afr/aac473de-91f9-4add-a565-027a82f8e6e4) ## About this document Afrikaans Hl · Grade 6 · November Common Test · 2011. Question paper, 8 pages. Read online or download the PDF. Read it free online on the page above; download the PDF from there. ## Document text Text extracted from the PDF. Layout, diagrams and tables may not survive extraction. ### Page 1 Downloaded from hlayiso.com Province of the EASTERN CAPE EDUCATION INTERMEDIÊRE FASE GRAAD 6 NOVEMBER 2011 AFRIKAANS HUISTAAL PUNTE: 50 TYD: 2 uur Hierdie vraestel bestaan uit 8 bladsye. ### Page 2 Downloaded from hlayiso.com 2 AFRIKAANS HUISTAAL (NOVEMBER 2011) INSTRUKSIES EN INLIGTING 1. Hierdie vraestel bestaan uit DRIE afdelings: AFDELING A KYK- EN LEESBEGRIP 20 AFDELING B TAAL IN KONTEKS 15 AFDELING C SKRYFWERK 15 2. Beantwoord al die vrae. 3. Let noukeurig op spelling en sinskonstruksie. 4. Nommer jou antwoorde korrek soos op die vraestel. 5. Skryf netjies en leesbaar. AFDELING A KYK- EN LEESBEGRIP VRAAG 1 TYDSKRIFARTIKEL Lees die volgende artikel en beantwoord die vrae wat volg: Jong Uitvinders: jy kan ook een wees! Jy is nou wel nog bloedjonk, maar weet jy wat? Jy kan die wêreld verander – nes die kinders wat van ons planeet se koelste uitvindings uitgedink het. YS OP ʼn STOKKIE Wat is een van die lekkerste dinge om op ʼn warm somersdag te eet? ʼn Waterroomys, ysie-op-ʼn-stokkie, waterlollie, ysstokkie! Noem dit net wat jy wil, maar dit bly lekker! Het jy al ooit gedink waar dit vandaan kom? Voel jammer vir kinders wat voor 1905 geleef het. Frank Epperson, ʼn 11-jarige knaap van San Francisco in Amerika het een aand gaan slaap en ʼn mengsel van verpoeierde soda, water en ʼn stokkie op sy huis se stoep vergeet. Die temperatuur het daardie nag tot onder vriespunt gedaal en toe hy die volgende oggend wakker word, kry hy die gevriesde lekkerny op ʼn stokkie! Dit was ʼn groot treffer onder sy skoolmaats en hy het sommer baie sakgeld begin verdien. Hy het seker gemaak niemand kan sy idee steel nie en in 1923 die regte om ysies te maak aan ʼn kosmaatskappy verkoop! Weet jy wat die verskil tussen roomys en ʼn ysstokkie is? Roomys se hoofproduk is melk, maar ysstokkies word met water gemaak. Mmm ... hoe lus is ek nou vir my gunsteling waterroomys! ### Page 3 Downloaded from hlayiso.com (NOVEMBER 2011) AFRIKAANS HUISTAAL 3 1.1 Wat doen ʼn uitvinder? (1) 1.2 Wat eet kinders graag op ʼn warm somersdag? (1) 1.3 Hoekom moet jy jammer voel vir kinders wat voor 1905 geleef het? (1) 1.4 Kies die korrekte antwoord. Skryf net die vraagnommer en die korrekte LETTER neer: Frank Epperson, ʼn 11-jarige knaap. Die woord “knaap” beteken ... A stout seun. B jong seun. C slim seun. (1) 1.5 Hoekom was die lekkerny die volgende oggend gevries? (1) 1.6 Waaruit het Frank se ysstokkie bestaan? (1) 1.7 Hoe weet jy Frank se maats het baie van sy ysstokkie gehou? Skryf EEN WOORD uit die leesstuk as jou antwoord neer. (1) 1.8 Dink jy Frank het geld gemaak as gevolg van sy uitvinding? Gee ʼn rede vir jou antwoord. (2) 1.9 Wat is die groot verskil tussen ʼn ysstokkie en ʼn roomys? (1) [10] ### Page 4 Downloaded from hlayiso.com 4 AFRIKAANS HUISTAAL (NOVEMBER 2011) VRAAG 2 RESEP Suikerbekkie-sosaties ʼn Suikerbekkie is ʼn voëltjie wat die soet nektar uit blomme suig met sy lang bekkie. Hy kry sy soetigheid uit die natuur – en jy kan ook, sonder om regte suiker te gebruik! Maak self hierdie Suikerbekkie-sosaties. Vra dat jou onderwyser of ouers jou moet help om die vrugte te skil. Maak ook seker of jy nie allergies is vir een van die bestanddele nie. Sommige mense is allergies vir klapper en neute. Bestanddele: 1 appel 1 piesang 1 mango 6 korrels rooi of wit druiwe 1 koppie jogurt (verkieslik laevet) ¼ koppie klapper of fyngekapte neute/grondboontjies Toerusting: skerp mes (werk versigtig of vra iemand om jou te help!) sosatiestokkies 2 groot borde ʼn bord om die sosaties op uit te pak Metode: Was die vrugte (nadat jy ook jou hande gewas het!) Skil die vrugte as jy wil. Sny die vrugte in klein stukkies. Sprei die klapper uit in die een bord. Gooi die jogurt uit in die ander bord. Sit nou die stukkies vrugte op die stokkie totdat die hele stokkie amper vol vrugte is. Hou die stokkie aan die kante vas en rol dit in die jogurt totdat dit heeltemal bedek is. Rol die stokkie nou in die klapper of neute. MMMM ... LEKKER EET! ### Page 5 Downloaded from hlayiso.com (NOVEMBER 2011) AFRIKAANS HUISTAAL 5 2.1 Hoekom dink jy is die naam van die resep “Suikerbekkie-sosaties”? (1) 2.2 Noem nog EEN ander vrug wat in die sosatie gebruik kan word. (1) 2.3 Waarom sal party mense nie klapper oor hul sosatie eet nie? (1) 2.4 Waarom is dit nodig dat die vrugte gewas moet word voordat dit gebruik word? (1) 2.5 Noem TWEE dinge wat met die mes gedoen moet word. (2) 2.6 Hoekom dink jy beveel die resep laevet joghurt aan? (1) 2.7 Waarom moet die punte van ʼn sosatiestokkie oopgehou word? (1) 2.8 Hoe sal ʼn mens hierdie gesonde vrugte sosatie ongesond kan maak? (1) 2.9 Verduidelik in jou eie woorde wat ʼn sosatie is. (1) [10] TOTAAL AFDELING A: 20 ### Page 6 Downloaded from hlayiso.com 6 AFRIKAANS HUISTAAL (NOVEMBER 2011) AFDELING B TAAL IN KONTEKS VRAAG 3 3.1 Gee die MEERVOUD van die woord: taxi. (1) 3.2 Vervang die woord tussen hakies met ʼn SINONIEM (ʼn ander woord met min of meer dieselfde betekenis). Almal sien uit na ʼn (lekker) Kersvakansie. (1) 3.3 Kies die woord wat REG GESPEL is tussen hakies en skryf net die woord as jou antwoord neer. Die (passasiers, pasasiers, pasassiers) is almal opgewonde om vir Kersfees huis toe te gaan. (1) 3.4 Skryf die volgende sin oor in die ONTKENNENDE VORM: Die taxi is altyd laat. (1) 3.5 Verbind die volgende twee sinne met die VOEGWOORD tussen hakies: Die bagasie gaan van die dak afval. Dit is nie stewig vasgemaak nie. (aangesien) (1) 3.6 Vorm EEN WOORD van die woorde tussen hakies: As die taxi deur takbokke gesleep word, verminder dit (lug+besoedel) (1) 3.7 Skryf die korrekte VOORSETSEL neer wat uitgelaat is. As jy betyds wil wees, moet jy ... vliegtuig reis. (1) [7] ### Page 7 Downloaded from hlayiso.com (NOVEMBER 2011) AFRIKAANS HUISTAAL 7 VRAAG 4 4.1 Skryf die volgende sin oor in die VERLEDE TYD: Die toeris besluit om in Suid-Afrika te gaan kuier. (1) 4.2 Skryf die volgende vraag oor in die TOEKOMENDE TYD: Die passasiers is opgewonde om deur Afrika te reis. (1) 4.3 Skryf die volgende vraag oor in die INDIREKTE REDE: Die Suid-Afrikaner vra: "Het jy al deur die wêreld getoer?" Begin so: Die Suid-Afrikaner vra of ... (2) 4.4 Skryf die volgende sin oor in die LYDENDE VORM: Die toeriste het die vakansie geniet. Begin jou antwoord so: Die vakansie is ... (1) 4.5 Gee die KORREKTE VORM van die woord tussen hakies. Skryf net die antwoord neer. Die (verf) vlae op die bussie sê vir jou watter lande hulle al besoek het. (1) 4.6 Die bussie val more-oggend om 7 vm. in die pad. Skryf die AFKORTING vir vm. in woorde uit. (1) 4.7 Kies die REGTE WOORD tussen hakies. Skryf net die woord as jou antwoord neer. Suid-Afrika is my (gunstelling; gunsteling) land om te besoek. (1) [8] TOTAAL AFDELING B: 15 ### Page 8 Downloaded from hlayiso.com 8 AFRIKAANS HUISTAAL (NOVEMBER 2011) AFDELING C SKRYFWERK VRAAG 5 DIALOOG Dit is een van die dae jou dertiende verjaarsdag en jou ouers het gesê jy kan jou eie selfoon kry. Jy is baie opgewonde en bel jou beste maat om die wonderlike nuus te deel. Skryf ʼn dialoog waarin jy die nuus meedeel. Jou dialoog moet tussen 85 en 95 woorde wees. Onthou die volgende: Skryf die naam van die persoon wat praat, langs die kantlyn. Moenie aanhalingstekens gebruik nie. Laat ʼn reël oop voor die volgende persoon praat. Gebruik hakies vir ander inligting bv. (saggies) [8] VRAAG 6 PLAKKAAT Jy wil ekstra sakgeld verdien en het besluit om jou eie yslollies te maak en verkoop. Jy het geëksperimenteer en het ʼn paar geure wat baie lekker smaak. Jy gaan in jou woonbuurt ʼn stalletjie oprig en dit vandaar verkoop. Jy sal ook op bestelling yslollies maak. Ontwerp ʼn plakkaat om jou stalletjie en jou produk te adverteer. Gee jou produk ʼn naam en noem die datum en plek en die verskillende geure. Dui aan watter ander lekkernye jy ook gaan verkoop. Versier jou plakkaat sodat dit die oog sal vang en kopers sommer lus sal maak vir ʼn yskoue yslollie. Die plakkaat moet nie meer as 30 woorde wees nie. [7] TOTAAL AFDELING C: 15 GROOTTOTAAL: 50 ## Related documents - [Gr6 AFRHL P1 N11 MEMO Afr](https://www.hlayiso.com/library/gr6-afrhl-p1-n11-memo-afr/24710950-6935-40f6-a0fe-44aac1ec88a2) — Afrikaans HL · Memo · 2011 · Afr - [Afrikaans Taal Graad 6](https://www.hlayiso.com/library/afrikaans-taal-graad-6/afe3c756-805d-4066-97de-38e92b3b936f) — Afrikaans HL · QP · 2011 · Afr - [Gr 6 Afr Huistaal Finaal](https://www.hlayiso.com/library/gr-6-afr-huistaal-finaal/57620b29-a3c8-450b-b03f-9a2b4f5fa63f) — Afrikaans HL · QP · 2011 · Afr - [Afrikaans Taal Graad 6 Memo](https://www.hlayiso.com/library/afrikaans-taal-graad-6-memo/3f849993-84f2-4917-a552-6baf95934e13) — Afrikaans HL · Memo · 2011 · Afr - [Gr 6 AFR HL MEMO June](https://www.hlayiso.com/library/gr-6-afr-hl-memo-june/0a5fd776-64ec-49c1-9af9-154a693a5a09) — Afrikaans HL · Memo · 2011 · Afr - [AFRIKAANS HL P3 QP](https://www.hlayiso.com/library/afrikaans-hl-p3-qp/b36abc2e-ee17-4480-a8b7-d825ab1ad052) — Afrikaans HL · QP · 2017 · Afr ## More from Grade 6 Afrikaans Hl - [Afrikaans HL MG June 2024](https://www.hlayiso.com/library/grade-6-afrikaans-hl-2024-north-west-june-exam-question-paper-afrikaans/fa8f3827-b75a-4391-9e2d-f02a26b61f28) — Memo · 2024 · Afr - [AFR HL P2 GR6 MEMO NOV2018 D](https://www.hlayiso.com/library/afr-hl-p2-gr6-memo-nov2018-d/53d742d1-9f86-4ef1-bdb9-284e38c4be6e) — Memo · 2018 · Afr - [AFR HL P3 GR6 MEMO NOV2018](https://www.hlayiso.com/library/afr-hl-p3-gr6-memo-nov2018/633a64e4-5a21-406a-85df-29790cc7931a) — Memo · 2018 · Afr - [AFRIKAANS HL P2 MEMO NOVEMBER 2017](https://www.hlayiso.com/library/afrikaans-hl-p2-memo-november-2017/7871f2a1-b789-457c-bee9-08c9365615ab) — Memo · 2017 · Afr - [AFRIKAANS HL P3 MEMO NOV2017](https://www.hlayiso.com/library/afrikaans-hl-p3-memo-nov2017/cf555b7a-c965-4ecc-ad4a-b424c70f4bf0) — Memo · 2017 · Afr - [Gr6 AFRHL P2 N16 MEMO](https://www.hlayiso.com/library/gr6-afrhl-p2-n16-memo/23f3439d-5d22-4ac4-a5d8-6485c8745872) — Memo · 2016 ## Collection - [Grade 6 past papers](https://www.hlayiso.com/grade-6/past-papers) --- Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.