# Afrikaans FAL Grade 12 Paper 2 NSC June 2024 Question Paper > Grade 12 Afrikaans FAL Paper 2 question paper from the NSC June Exam 2024, 41 pages. Read online or get the free PDF download, memo linked when available. - Page: https://www.hlayiso.com/library/grade-12-afrikaans-fal-2024-nsc-june-exam-question-paper-paper-2-afrikaans/0feff6b0-aa5f-4380-acf0-f06343bc22d3 - Updated: 2026-09-28 - Subject: Afrikaans FAL - Grade: Grade 12 - Language: Afrikaans - Document type: Question paper - Year: 2024 - Exam period: NSC June Exam - Paper: 2 - Curriculum: CAPS - Pages: 41 Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Afrikaans FAL](https://www.hlayiso.com/library/grade-12/afrikaans-fal) › [Afrikaans FAL Grade 12 Paper 2 NSC June 2024 Question Paper](https://www.hlayiso.com/library/grade-12-afrikaans-fal-2024-nsc-june-exam-question-paper-paper-2-afrikaans/0feff6b0-aa5f-4380-acf0-f06343bc22d3) ## About this document Afrikaans Fal · Grade 12 · NSC June Exam · 2024 · Afrikaans. Question paper, 41 pages. Read online or download the PDF. Read it free online on the page above; download the PDF from there. ## Document text Text extracted from the PDF. Layout, diagrams and tables may not survive extraction. ### Page 1 Vertroulik SENIORSERTIFIKAAT-EKSAMEN/ NASIONALE SENIORSERTIFIKAAT-EKSAMEN AFRIKAANS EERSTE ADDISIONELE TAAL V2 MEI/JUNIE 2024 PUNTE: 70 TYD: 2½ uur Hierdie vraestel bestaan uit 41 bladsye. Kopiereg voorbehou Blaai om asseblief ### Page 2 Afrikaans Eerste Addisionele Taal/V2 2 DBE/Mei/Junie 2024 SS/NSS Vertroulik INSTRUKSIES EN INLIGTING Lees AL die instruksies aandagtig deur voordat jy die vrae beantwoord. 1. MOENIE probeer om die hele vraestel te lees nie. Raadpleeg die INHOUDSOPGAWE op die volgende bladsy en merk die vraagnommers van die vrae oor die tekste wat jy hierdie jaar bestudeer het. Lees hierdie vrae en kies die vrae wat jy wil beantwoord. 2. Hierdie vraestel bestaan uit VIER afdelings: AFDELING A: Roman (35) AFDELING B: Drama (35) AFDELING C: Kortverhale (35) AFDELING D: Gedigte (35) 3. Beantwoord vrae in TWEE afdelings, soos volg: AFDELING A: ROMAN Beantwoord die vraag oor die roman wat jy bestudeer het. AFDELING B: DRAMA Beantwoord die vraag oor die drama wat jy bestudeer het. AFDELING C: KORTVERHALE Beantwoord die vrae oor TWEE kortverhale wat jy bestudeer het. AFDELING D: GEDIGTE Beantwoord die vrae oor TWEE gedigte wat jy bestudeer het. 4. Gebruik die kontrolelys op bladsy 4 om jou te help. 5. Volg die instruksies aan die begin van elke afdeling noukeurig. 6. Nommer die antwoorde korrek volgens die nommeringstelsel wat in hierdie vraestel gebruik is. 7. Begin ELKE afdeling op 'n NUWE bladsy. 8. Bestee ongeveer 75 minute aan elke afdeling. 9. Skryf netjies en leesbaar. Kopiereg voorbehou Blaai om asseblief ### Page 3 Afrikaans Eerste Addisionele Taal/V2 3 DBE/Mei/Junie 2024 SS/NSS Vertroulik INHOUDSOPGAWE Kies TWEE afdelings. AFDELING A: ROMAN Beantwoord slegs EEN vraag. VRAAGNOMMER PUNTE BLADSYNOMMER 1. Kringe in 'n Bos 35 5 2. Die Ongelooflike Avonture van Hanna Hoekom 35 9 3. Meeulanders 35 13 4. Lien se Lankstaanskoene 35 17 AFDELING B: DRAMA Beantwoord slegs EEN vraag. 5. Poppie – Die Drama 35 21 6. Paljas 35 25 7. Fiela se kind – Die Drama 35 29 AFDELING C: KORTVERHALE Beantwoord vrae oor AL TWEE kortverhale. 8.1 "Two-step in die Moederstad" 17 34 EN 8.2 " 'n Hulpelose Samaritaan" 18 36 AFDELING D: GEDIGTE Beantwoord vrae oor AL TWEE gedigte. 9.1 " Die heks van Hexrivier" 17 38 EN 9.2 " Hanswors" 18 40 Kopiereg voorbehou Blaai om asseblief ### Page 4 Afrikaans Eerste Addisionele Taal/V2 4 DBE/Mei/Junie 2024 SS/NSS Vertroulik KONTROLELYS Gebruik die kontrolelys om te verseker dat jy die vereiste getal vrae beantwoord. AFDELING VRAAGNOMMERS GETAL VRAE DUI AAN BEANTWOORD () A: Roman 1–4 1 B: Drama 5–7 1 C: Kortverhale 8 1 (2 kortverhale) D: Gedigte 9 1 (2 gedigte) LET WEL: Maak seker dat jy vrae oor slegs TWEE afdelings beantwoord het. 2024 Kopiereg voorbehou Blaai om asseblief ### Page 5 Afrikaans Eerste Addisionele Taal/V2 5 DBE/Mei/Junie 2024 SS/NSS Vertroulik AFDELING A: ROMAN Beantwoord slegs EEN vraag oor die roman wat jy bestudeer het. VRAAG 1: KRINGE IN 'N BOS – Dalene Matthee Lees die uittreksel hieronder deur en beantwoord die vrae wat daarop volg. TEKS A Sy is soos 'n dier toe sy die geld van die tafel af gryp en tot by haar oë bring om te probeer uitmaak wat dit is. "Hoeveel is dit?" vra sy en kyk verskrik op. "Genoeg vir bontgoed en koffie en skoene en 'n paar ander goed wat jy nodig mag hê." "God sal jou seën, Saul Barnard!" En die ongeloof staan soos angs in haar oë. 5 Op die onderpunt van Groot Eiland, waar sy ma en Sara en sy pa begrawe lê, gaan staan hy 'n oomblik stil. Oor sy pa bult die aarde nog effens en hy kan die plek uitken; oor sy ma en Sara het die onderbos oorgeneem. Waar hulle naasteby moet lê, is die onderbos uitgekap en daar lê die vars graf van Jozef se kind. 'n Handvol varklelies hang verlep in 'n verroeste blik. 10 Kort voor halfdag is hy terug op Oupoot se spoor en sukkel hy met 'n skuldgevoel wat al dieper in hom invreet. 'n Skuldgevoel teenoor al die Sannas van die Bos, al die Jozefs, die Anneriese en die Maskas. Skuldgevoel waaroor?! skree dit hom later tot besinning. Hulle het hom as verraaier in hierdie bos besweer, soos hulle Oupoot as moordenaar besweer het! Saul Barnard skuld niemand nie en niemand skuld hom nie! 15 Waarom het hy dan teruggekom Bos toe? 1.1 VOLTOOI die volgende paragraaf feitelik korrek deur die ontbrekende woord(e) neer te skryf. Skryf slegs die woord(e) langs die vraagnommers (1.1.1 tot 1.1.4) neer. Saul Barnard is op sewe Januarie 1860 onder 'n wit-els boom gebore. Op die ouderdom van vyf het hy geleer dat 'n mens nie van olifante praat nie, maar van (1.1.1) ... anders dink die olifant jy roep hom en kom trap jou. Toe hy (1.1.2) ... jaar oud was, het baie dinge in Saul se lewe gebeur. Hy het uitgevind dat 'n bloubokkie se (1.1.3) ... nie in sy kop sit soos die Bosmense geglo het nie. Saul het ook vir die eerste keer op (1.1.4) ... gekom waar hy MacDonald ontmoet het. (4) 1.2 Die Bosmense soos Sanna het nie geld geken nie. (Reël 1 en 2) Waarom het Joram Barnard ook nooit geld gekry as hy die hout by MacDonald afgelaai het nie? (1) 1.3 "God sal jou seën, Saul Barnard!" (Reël 5) Sanna was reg toe sy gesê het dat God vir Saul in die toekoms sal seën. Motiveer waarom hierdie stelling WAAR is. (1) Kopiereg voorbehou Blaai om asseblief ### Page 6 Afrikaans Eerste Addisionele Taal/V2 6 DBE/Mei/Junie 2024 SS/NSS Vertroulik 1.4 Baie karakters in die roman het 'n invloed op Saul se lewe gehad. Kies die invloed uit KOLOM B wat by die karakters in KOLOM A pas. Skryf slegs die letter (A–E) langs die vraagnommers (1.4.1 tot 1.4.4) neer. KOLOM A KOLOM B 1.4.1 Harrison A ... het Saul leer meubels maak. 1.4.2 Kate B ... het Saul as tiener al daarvan bewus gemaak dat die Bos deur oorbenutting 1.4.3 Abraham Steyn vernietig kan word. 1.4.4 Maska C ... het vrede gemaak met Saul na Arend se dood sodat Saul 'n vriend in die bos kon hê. D ... het Saul Engels leer lees en praat. E ... het geglo dat Oupoot nooit vir Saul sou uitgekies het as hy 'n verraaier was nie. (4 x 1) (4) 1.5 Jozef het net soos die Bosmense geglo Oupoot was verantwoordelik vir Jorampie se dood. Watter gevolg sou dit vir Saul gehad het as Jozef dit nie geglo het nie? (1) 1.6 Kies die KORREKTE antwoord om die sin mee te voltooi. Skryf slegs die letter (A–D) langs die vraagnommer (1.6) neer. Saul se keuse om agter Oupoot aan te gaan, was moeilik omdat hy reeds 'n ander toekoms vir homself gesien het, maar ... A hy kon nie dat iemand anders vir Oupoot skiet nie. B Maska het hom gesmeek om met die Bosmense te kom praat. C hy wou sy medelye aan sy broer oordra. D daar was iets wat hy vir Terblans wou sê. (1) 1.7 "En die ongeloof staan soos angs in haar oë." (Reël 5) 1.7.1 Kies die KORREKTE antwoord uit dié tussen hakies. In hierdie reël is 'n voorbeeld van 'n (metafoor/vergelyking). (1) 1.7.2 Wat beteken dit binne die konteks van hierdie uittreksel? (1) 1.8 In reëls 6 tot 10 word die grafte van Saul se familie beskryf. Waarom pas die beskrywing by die manier hoe die Bosmense geleef het? (1) Kopiereg voorbehou Blaai om asseblief ### Page 7 Afrikaans Eerste Addisionele Taal/V2 7 DBE/Mei/Junie 2024 SS/NSS Vertroulik 1.9 Lees reëls 11 tot 14. 1.9.1 Kies die KORREKTE antwoord uit dié tussen hakies. "Hulle het hom as verraaier in hierdie bos besweer, soos hulle Oupoot as moordenaar besweer het!" (Reël 14 en 15) In hierdie reëls ervaar Saul (vrede met/woede oor) die Bos en sy mense. (1) 1.9.2 Motiveer jou antwoord op VRAAG 1.9.1. (1) 1.10 Saul het op hierdie stadium gevoel dat hy niemand iets skuld nie. (Reël 15) Watter voorbeeld stel Saul tog aan die einde van die roman hieroor? (1) EN Lees die uittreksel hieronder deur en beantwoord die vrae wat daarop volg. TEKS B "Ek verstaan jou nie, Saul! Hoeveel Sondae het ek jou agter die skuur gekry met verlange na die Bos deur jou hele lyf en kwaad in jou mond teen dié wat in hom woon? Die een oomblik het jy gesweer jy sal nooit weer jou voete in hom sit nie en die volgende oomblik het jy jou goed gevat en teruggekom. Jy het baie verander, Saul, maar nie in daardie opsig nie – jy hoort in die Bos. By die Bos." 5 Hy het weer langs haar gaan sit. "Nee, Kate. Daar is dinge wat 'n mens vinnig met jouself uitmaak, ander vat jare. Die tyd toe ek en 'n klompie ander delwers alleen hier gedelf het, was goeie jare. Ek kon my wil op hulle afdwing om dooihout vir hulle vure te kap, hulle die verskil tussen die bosbokram en 'n ooi leer en bloubokkies verbode verklaar. Eintlik het ek my verbeel ek is selfaangestelde wagter oor die Bos en my 10 daarin verlustig. Nou is dinge te anders; die eintlike stormloop lê nou eers voor. Nee, Kate, ek het dit uitgemaak oor die Bos. Ek loop." "Jy hardloop weg, Saul Barnard!" het sy hom reguit beskuldig. "Jy sal my nie só kierang nie. Die Bos is uitgelewer aan die genade van die mens, en die mens, my liewe Kate, is die mees genadelose wese op aarde." 15 1.11 Skryf die volgende vier gebeure onder mekaar in die korrekte VOLGORDE neer.  Saul het jare lank goud gedelf.  Saul het Patterson Bos toe geneem.  MacDonald het vir Kate weggestuur Kaap toe.  Arend het gesterf nadat hy in ʹn perdeskoen getrap het. (4) 1.12 Lees die uittreksel. 1.12.1 Waar vind die gesprek tussen Saul en Kate plaas? (1) 1.12.2 Na watter tyd in Saul se lewe verwys Kate as sy van die Sondae agter die skuur praat? (Reël 1) (1) Kopiereg voorbehou Blaai om asseblief ### Page 8 Afrikaans Eerste Addisionele Taal/V2 8 DBE/Mei/Junie 2024 SS/NSS Vertroulik 1.13 Kies die KORREKTE antwoord om die sin mee te voltooi. Skryf slegs die letter (A–D) langs die vraagnommer (1.13) neer. Saul kon die delwers dwing om dooihout vir hul vure te kap en bloubokkies verbode te verklaar. (Reël 8 tot 10) Hierdie optrede van Saul sluit aan by die universele tema van natuurbewaring omdat ... . A Saul sy wil op die delwers kon afdwing. B die delwers geleer het om nie skade in die Bos aan te rig nie. C Saul hom verbeel het hy is 'n selfaangestelde wagter oor die Bos. D die delwers die verskil tussen die bosbokram en die ooi geleer ken het. (1) 1.14 "... ek het dit uitgemaak ..." (Reël 12) Verduidelik die figuurlike betekenis van hierdie woorde. (1) 1.15 Hoe slaag die skrywer in hierdie uitreksel daarin om vir jou te wys dat Kate vir Saul beter geken het as wat hy homself geken het? (1) 1.16 " 'Jy hardloop weg, Saul Barnard!' het sy hom reguit beskuldig." (Reël 13) 1.16.1 Kies die KORREKTE antwoord uit dié tussen hakies. Hierdie woorde van Kate is beskuldigend, maar daar is na al die jare 'n gevoel van (vriendskap/vyandskap) tussen Saul en Kate. (1) 1.16.2 Motiveer jou anwoord op VRAAG 1.16.1. (1) 1.17 Kate het anders oor die Bos begin dink nadat sy as volwassene in die Bos gebly het. Verduidelik hoe haar idee van die Bos nóú verskil van toe sy die eerste keer met Saul oor die Bos gepraat het. (2) 1.18 Saul en Kate se tyd alleen in die Bos het die afskeid net moeiliker gemaak. Wat sou jy anders gedoen het as jy Saul was? (1) 1.19 Saul is die hoofkarakter in die roman. 1.19.1 Verduidelik waarom jy kan sê dat Saul 'n goeie kinderlewe in die Bos gehad het. (1) 1.19.2 Nadat Saul se pa hom weggejaag het, het Saul 'n baie moeilike tyd beleef. Verduidelik hoe hierdie situasie bygedra het tot Saul se sukses. (1) 1.20 Watter les oor jou planne vir die toekoms kan jy by Saul leer? (1) [35] Kopiereg voorbehou Blaai om asseblief ### Page 9 Afrikaans Eerste Addisionele Taal/V2 9 DBE/Mei/Junie 2024 SS/NSS Vertroulik VRAAG 2: DIE ONGELOOFLIKE AVONTURE VAN HANNA HOEKOM – Marita van der Vyver Lees die uittreksel hieronder deur en beantwoord die vrae wat daarop volg. TEKS C ''Mana. Ekʹs só bly Beyers het jou ontmoet. Ek het hom nog nóóit so gelukkig sien lyk nie.'' Ek het hom nog nooit so ongemaklik sien lyk nie. Of so oud nie, moet ek erken. Hy's waarskynlik nie veel ouer as hierdie stralende blonde koningin nie, maar langs haar lyk hy skielik soos iemand se oupa. 5 ''Tibo?" sê die koningin. ''Hmm, wat het ons hier? Nog 'n toekomstige hartebreker?'' ''Ek wil in Amerika gaan woon,'' bieg Tibo dadelik. ''Ek wil 'n regisseur of 'n kameraman of so iets word. Ken jy enige beroemde rolprentsterre?'' ''O, almal van hulle,'' lag die koningin, so 'n tinkelende kristallaggie, en draai na my. Ek wonder wat sy vir my gaan sê. Dis duidelik dat ek nie 'n hartebreker is nie. 10 ''Ek moet erken ek was nogal senuweeagtig om jou te ontmoet,'' sê sy terwyl haar wang vlugtig teen myne skuur. ''Ek hoor jy’s vrééslik slim.'' ''Waar hoor jy dit?'' vra ek. So oorbluf dat ek seker onbeskof klink. ''Yann sê jy’s die brein in die familie.'' "Dis nie wat ek gesê het nie,'' sê Yann dadelik. ''Ek het gesê sy verbéél haar sy's die 15 brein in die familie." My stiefbroer het sy verleentheid afgeskud; hy's weer sy gewone smalende self. ''As ek na die breins om my kyk,'' sê ek sugtend, ''is dit nie juis 'n prestasie nie.'' 2.1 VOLTOOI die volgende paragraaf feitelik korrek deur die ontbrekende woord(e) neer te skryf. Skryf slegs die woord(e) langs die vraagnommers (2.1.1 tot 2.1.4) neer. Mana het vreemde idees oor die lewe gehad. Sy wou 'n kind hê, maar nie 'n man nie. Mana het met (2.1.1) ... haar gay woonstelmaat getrou en Hanna is gebore. Volgens Mana was Hanna se eerste woord (2.1.2) ... 'n Klompie jare later wou sy nog 'n kind hê en steeds nie 'n man nie. Sy het besluit om Tibo te hê. Hy was 'n (2.1.3) ... en daarom het Hanna gesê hy was vervaardig. Hanna vier nou al haar (2.1.4) ... verjaarsdag en haar ma is nou getroud met Beyers wat twee seuns gehad het. (4) 2.2 Waarom was Hanna só bly dat haar ma, Mana, met Beyers getrou het? (1) 2.3 Lees die uittreksel. 2.3.1 In watter ruimte speel hierdie uittreksel af? (1) 2.3.2 Wie is die "blonde koningin"? (Reël 4) (1) Kopiereg voorbehou Blaai om asseblief ### Page 10 Afrikaans Eerste Addisionele Taal/V2 10 DBE/Mei/Junie 2024 SS/NSS Vertroulik 2.4 Kies die KORREKTE antwoord om die sin mee te voltooi. Skryf slegs die letter (A–D) langs die vraagnommer (2.4) neer. Hanna ervaar innerlike konflik as sy hoor van die tweede koningin se kuier omdat sy ... A bang was dat die kuier vir Mana gaan ontstel. B nog net gehoor het wat 'n moeilike mens sy kan wees. C bekommerd was oor die koningin se gevoelens vir Beyers. D bang was dat sy dalk meer van haar as van Mana gaan hou. (1) 2.5 "maar langs haar lyk hy skielik soos iemand se oupa." (Reël 4 en 5) 2.5.1 Kies die KORREKTE antwoord uit dié tussen hakies. In hierdie reël is 'n voorbeeld van 'n (metafoor/vergelyking). (1) 2.5.2 Wat beteken dit binne die konteks van hierdie uittreksel? (1) 2.6 Baie karakters in die roman het 'n invloed op Hanna se lewe gehad. Kies die invloed uit KOLOM B wat by die karakter in KOLOM A pas. Skryf slegs die letter (A–E) langs die vraagnommers (2.6.1 tot 2.6.4) neer. KOLOM A KOLOM B 2.6.1 Mana A ... het haar aangemoedig om haar skryftalent uit te leef. 2.6.2 Sharon B ... het haar geliefd laat voel deur haar 2.6.3 Fabienne 'n fabulous creature te noem. 2.6.4 Juffrou Liebenberg C ... het haar die waarde van groot gesinne laat raaksien. D ... het haar nie in tradisionele rolle ingedwing nie. E ... het haar die geleentheid gegee om uit haar daaglikse lewe te ontsnap. (4 x 1) (4) 2.7 "Nog 'n toekomstige hartebreker?" (Reël 6) Die koningin het gedink dat Tibo en Amos die hartebrekers van die gesin was. Motiveer waarom hierdie stelling ONWAAR is. (1) Kopiereg voorbehou Blaai om asseblief ### Page 11 Afrikaans Eerste Addisionele Taal/V2 11 DBE/Mei/Junie 2024 SS/NSS Vertroulik 2.8 Lees reël 17. 2.8.1 Kies die KORREKTE antwoord uit dié tussen hakies. Hanna se woorde sê vir ons dat sy (sarkasties/opgewonde) reageer op die koningin se opmerking. (1) 2.8.2 Motiveer jou antwoord op VRAAG 2.8.1. (1) 2.9 Mana het almal wat wou kom kuier, verwelkom. Watter voorbeeld stel Mana vir jou hiermee? (1) EN Lees die uittreksel hieronder deur en beantwoord die vrae wat daarop volg. TEKS D ... My sussie is skaars 'n paar minute oud en ek is klaar seker ek gaan nóóit weer die knoop loskry nie. ''Ons wil haar 'n naam gee wat iets met water te doen het,'' kondig Mana die volgende oggend aan terwyl ons in 'n koerende kring om haar bed saamdrom. ''Om die omstandighede van haar geboorte te onthou.'' 5 ''Asof ons dit ooit sal vergeet,'' grynslag Beyers. ''Elke keer as ek dink aan alles wat kon skeef geloop het ...'' ''Dit het nie skeef geloop nie, Bey.'' Mana glimlag trots vir haar kring bewonderaars. Ons is almal daar, behalwe Yann en Sharon wat kamma gaan kyk het of die water al gesak het. ''Ek voel piekfyn. En die baba – wel, kyk net na haar!'' 10 Die baba suig met toe oë en 'n salige uitdrukking aan haar ma se bors. Sy is toegedraai in 'n rooi T-hemp van Tibo en sy dra 'n doek wat Margot uit 'n pers waslap geprakseer het. ''Dis die bontste baba wat ek nog ooit gesien het,'' giggel Amos wat saam met Tibo op die voetenent van die bed geklouter het. 15 ''Wel, die baba se ma is nie juis 'n vaal voëltjie nie,'' sê Beyers. Hoewel ek moet erken dat my ma vanoggend die naaste aan vaal lyk wat ek haar nog ooit gesien het. 2.10 Skryf die volgende vier gebeure onder mekaar in die korrekte VOLGORDE neer.  Die eerste koningin het gaan werk as 'n gaskunstenaar in 'n TV-reeks in Johannesburg.  Die tweede koningin het 'n modderige aankoms op die berg gehad.  Gavin het 'n diskodans op die kombuistafel uitgevoer.  Die gesin het 'n spesiale ete vir Hanna se verjaarsdag voorberei. (4) 2.11 "My sussie is skaars 'n paar minute oud en ek is klaar seker ek gaan nóóit weer die knoop loskry nie." (Reël 1 en 2) Verduidelik die figuurlike betekenis van die vetgedrukte woorde. (1) 2.12 Die koningin het Mana baie mooi gehelp tydens Ditjie se geboorte. Wat het die gesin nóú van haar gedink? (1) Kopiereg voorbehou Blaai om asseblief ### Page 12 Afrikaans Eerste Addisionele Taal/V2 12 DBE/Mei/Junie 2024 SS/NSS Vertroulik 2.13 Mana het besluit om die baba 'n naam te gee wat iets met water te make het. Waarom kan ons sê dat hierdie besluit gepas is as ons dink aan Mana se karakter? (1) 2.14 "Ons is almal daar, behalwe Yann en Sharon wat kamma gaan kyk het of die water al gesak het." (Reël 9 en 10) Wat sou jy anders gedoen het as jy Yann was? (1) 2.15 Hoe slaag die skrywer daarin om Tibo en Amos se opgewondenheid in hierdie uittreksel uit te beeld? (1) 2.16 Sharon se ouers was bekommerd omdat hulle vir lank nie van haar gehoor het nie. 2.16.1 Kies die KORREKTE antwoord uit dié tussen hakies. Sharon se ouers se bekommernis het 'n (positiewe/negatiewe) impak op Hanna se gesin gehad. (1) 2.16.2 Motiveer jou antwoord op VRAAG 2.16.1. (1) 2.17 Volgens Hanna het Mana die vaalste gelyk wat sy haar nog ooit gesien het. Verduidelik watter verskil daar hier in Mana se voorkoms was teenoor hoe sy gewoonlik gelyk het. (2) 2.18 Kies die KORREKTE antwoord om die sin mee te voltooi. Skryf slegs die letter (A–D) langs die vraagnommer (2.18) neer. Die samekoms van die gesin in Mana se kamer spreek die tema van ... direk aan. A familiebande B aanvaarding C vooroordeel D verdraagsaamheid (1) 2.19 Hanna is die hoofkarakter in die roman. 2.19.1 Aan die begin van die roman leer ons Hanna ken as 'n kind wat ongelukkig was met haar uitgebreide gesin. Hoe het haar opinie van haar uitgebreide gesin aan die einde van die roman verander? (1) 2.19.2 Hanna wou nie saam met haar gesin op die berg gaan wittebrood hou nie. Verduidelik hoe hierdie ervaring 'n goeie ding vir Hanna se skryfwerk was. (1) 2.20 Wat leer jy by Hanna se gesin oor die hantering van moeilike situasies in jou lewe? (1) [35] Kopiereg voorbehou Blaai om asseblief ### Page 13 Afrikaans Eerste Addisionele Taal/V2 13 DBE/Mei/Junie 2024 SS/NSS Vertroulik VRAAG 3: MEEULANDERS – Esta Steyn Lees die uittreksel hieronder deur en beantwoord die vrae wat daarop volg. TEKS E Sy maak haar oë skielik oop en 'n vaag bekende reuk laat haar regop sit. Nog voordat sy weet wat dit is, voel sy hoedat die paniek elke senuwee snaarstyf laat span. Iets brand! Sy klim uit die bad en trek die japon bewend oor haar nat lyf aan en pluk die deur oop. Rook bondel die badkamer binne. Sy kom in die kombuis waar vlamme uit die 5 houtbalie en oor die vloer en oor die kombuiskas lek. Sy staar verbouereerd na die vuur. "Ronnie ... Ronnieeee!" Haar stem sit vas in haar keel. Sy hoes van die rook. Sy hardloop uit. Sy voel haar kaal voete oor die klipperige koue werf. Sy pluk Jacob se agterdeur hardhandig oop. Hy staan voor haar en sy hoor haar eie 10 stem histeries gil: "Ronnieee! Ek kan nie vir Ronnie kry nie! Ag Here, dit brand ... help hom! Dit brand!" Hy kom nader en skud haar aan die skouers. "Vincent ..." kyk sy smekend op in sy gesig. Dan los hy haar en storm by die agterdeur uit. Sy bly bewend staan. 15 In die rook was 'n man. Hy het sy arm teen sy gesig gehou. Daar was 'n tatoeëermerk op sy arm. Dit was die merk van 'n anker waardeur 'n slang kronkel. Sy hare was lank en blond en daar was 'n rooi band om sy voorkop. 3.1 VOLTOOI die volgende paragraaf feitelik korrek deur die ontbrekende woord(e) neer te skryf. Skryf slegs die woord(e) langs die vraagnommers (3.1.1 tot 3.1.4) neer. Nadat Camilla Calvin uit die Silkwood-kliniek ontslaan is, het prof. Van Keulen gereël dat sy (3.1.1) ... oor kusvoëls op 'n guano-eiland naby die dorp (3.1.2) ... gaan doen. Camilla het haar tweede naam en nooiensvan op die aansoekvorms gebruik en was nou Ryna Van Rensburg. Op hierdie dorp het (3.1.3) ... haar by die stasie gaan oplaai. Ryna sou eers by hom en sy vrou oorbly voordat sy vir (3.1.4) ... jaar op Meeuland sou gaan woon. (4) 3.2 Lees reël 1 en 2. Waarom het die "vaag bekende reuk" (reël 1) vir Ryna paniekerig gemaak? (1) 3.3 Lees reëls 1 tot 3. Watter gevolg het hierdie brand op Jacob en Ryna se verhouding gehad? (1) 3.4 Lees reëls 9 tot 13. 3.4.1 Kies die KORREKTE antwoord uit dié tussen hakies. Dit was (realisties/onrealisties) van Ryna om te dink dat sy na Meeuland gekom het om nie meer pyn te ervaar nie. (1) 3.4.2 Motiveer jou antwoord op VRAAG 3.4.1. (1) Kopiereg voorbehou Blaai om asseblief ### Page 14 Afrikaans Eerste Addisionele Taal/V2 14 DBE/Mei/Junie 2024 SS/NSS Vertroulik 3.5 Lees reël 11 en 12. Daar het 'n brand in Ryna se huis op Meeuland uitgebreek. Hoe het hierdie brand verskil van die ander brand waaraan sy gedink het? (2) 3.6 Baie karakters in die roman het 'n invloed op Ryna se lewe gehad. Kies die invloed uit KOLOM B wat by die karakter in KOLOM A pas. Skryf slegs die letter (A–E) langs die vraagnommers (3.6.1 tot 3.6.4) neer. KOLOM A KOLOM B 3.6.1 Jannerik A ... het vir Ryna aangemoedig om terug te gaan Silkwood-kliniek toe. 3.6.2 Attie B ... het vir Ryna gehelp om haar blyplek 3.6.3 Jacob op Meeuland reg te maak. 3.6.4 Fred C ... het belowe om saam met Ryna en nog 'n ander persoon die geheim oor wie Janka se pa is te bewaar. D ... was verlief op Ryna, maar het haar nie gedwing om sy liefde te aanvaar nie. E ... het saam met Ryna Janka se terapiesessie bygewoon. (4 x 1) (4) 3.7 Kies die KORREKTE antwoord om die sin mee te voltooi. Skryf slegs die letter (A–D) langs die vraagnommer (3.7) neer. Ryna het die oomblik toe sy die rook geruik het, tot aksie oorgegaan. Hierdie gebeure spreek die universele tema van ... aan. A verlange en eensaamheid B brande vernietig huishoudings C geheime wat jou gevange hou D die instink om jou geliefdes te beskerm (1) 3.8 In hierdie uittreksel verbeel Ryna haar dat sy terug is in haar brandende huis voordat sy Silkwood-kliniek toe is. Waarom pas hierdie beskrywing by iemand wat trauma beleef het? (1) 3.9 "In die rook was 'n man." (Reël 16) 3.9.1 In watter brandende huis het Ryna die man gesien? (1) 3.9.2 Na wie verwys die "man" waarvan Ryna hier praat? (1) EN Kopiereg voorbehou Blaai om asseblief ### Page 15 Afrikaans Eerste Addisionele Taal/V2 15 DBE/Mei/Junie 2024 SS/NSS Vertroulik Lees die uittreksel hieronder deur en beantwoord die vrae wat daarop volg. TEKS F "Oor julle al vantevore saamgelieg en saamgesmokkel het!" Reggie voel hy moet vir sy broer intree: "Vetlandfrik, ant Ousanna! Dis nou wragtag 'n wille ding om te sê." Maar hy bring nie Ousanna van stryk af nie. "Ek praat van die slag toe ou Langhans gevang is. Jy weet dit so goed as ek, Reginald." 5 Daar volg 'n stilte. Die sersant kyk van Billy na Reggie na Ousanna en weet nie wie om te glo nie. "Miskien weet Bonthuys iets," sê Reggie senuagtig. "Bonthuys is klaar in die Kaap in met sy skyd," weet Billy. Ousanna se kierie val op die vloer met 'n slag, sodat almal skrik en omkyk. Sy steek 10 haar hande uit en haar blinde oë staar heldersiende in die niet. "Daar lê swart puine agter Schalkie! Die vlamme wil hom verswelg ... hy wil weg ... maar hy kan nie ... hy is gebrandmerk met die doodsteken. Julle ... julle moet dit vir Hermanus gaan sê." Sersant Beukes kyk haar aan asof hy al klaar besluit het dat sy geen betroubare getuie is nie. Billy roep hom eenkant en praat sag, oortuigend: "Die ou vrou is nie reg 15 by die kop nie, sarge. Trust my, ek sal laat weet as ek iets van Skalla hoor." Maar Ousanna het blykbaar elke woord gehoor en sy roep uit haar stoel: "Pasop vir die swart gety, Billy!" 3.10 Skryf die volgende vier gebeure onder mekaar in die korrekte VOLGORDE neer.  Ryna gaan woon by Doreen Bindeman-hulle.  Janka wag vir Kersvader en word raakgeskiet.  Elsabet vaar na Meeuland op die Shiela Song 2 en verdrink.  Ryna se boek is klaar en sy het drie maande op Meeuland oor. (4) 3.11 Lees weer reël 4 en 5. Alhoewel Langhans alleen tronk toe is, was Ousanna reg om te beweer dat hy nie alleen gesmokkel het nie. Motiveer waarom hierdie stelling WAAR is. (1) 3.12 Kies die KORREKTE antwoord om die sin mee te voltooi. Skryf slegs die letter (A–D) langs die vraagnommer (3.12) neer. "Die sersant kyk van Billy na Reggie na Ousanna en weet nie wie om te glo nie." (Reël 6 en 7) Die sersant luister na almal om hom, maar hy ervaar innerlike konflik omdat hy ... A bang was vir die manier waarop Ousanna voor haar uitstaar. B nie geweet het wie nou regtig die waarheid praat nie. C ook deur Hermanus-hulle betaal word. D ou Langhans se storie ook hanteer het. (1) Kopiereg voorbehou Blaai om asseblief ### Page 16 Afrikaans Eerste Addisionele Taal/V2 16 DBE/Mei/Junie 2024 SS/NSS Vertroulik 3.13 Lees reëls 2 tot 8. Reggie is in hierdie situasie besig om sy broer te probeer beskerm. Wat sou jy anders gedoen het as jy Reggie was? (1) 3.14 Lees reëls 10 tot 13. 3.14.1 Kies die KORREKTE antwoord uit dié tussen hakies. Hierdie voorspelling van ant Ousanna het 'n gevoel van (bewondering/onheil) geskep. (1) 3.14.2 Motiveer jou antwoord op VRAAG 3.14.1 deur na een van ant Ousanna se vorige voorspellings te verwys. (1) 3.15 Ousanna se blinde oë staar soos dié van iemand wat helder kan sien. (Reël 11) 3.15.1 Kies die KORREKTE antwoord uit dié tussen hakies. Die skrywer gebruik 'n (metafoor/vergelyking) om ant Ousanna se visioen te beklemtoon. (1) 3.15.2 Wat beteken dit binne konteks van hierdie uittreksel? (1) 3.16 "Daar lê swart puine agter Schalkie! Die vlamme wil hom verswelg ... " (Reël 11 en 12) Verduidelik die figuurlike betekenis van hierdie woorde. (1) 3.17 "Julle ... julle moet dit vir Hermanus gaan sê." (Reël 13) Hoe slaag die skrywer daarin om jou jammer te laat voel vir Ousanna as sy hier praat? (1) 3.18 Lees reël 15 en 16. Waarom, dink jy, is die uitbeelding van Billy hier gepas as jy dink aan die rol wat hy in hierdie roman speel? (1) 3.19 Ryna is die hoofkarakter in hierdie roman. 3.19.1 Jannerik het vir Ryna die CB-naam, Mamma-Meeu, gegee. Hoe was Ryna 'n tipiese Mamma-Meeu op Meeuland? (1) 3.19.2 Ryna het Meeuland toe gegaan om weg te kom van die tragedie en pyn in haar verlede. Waarom kan jy sê dat Ryna se koms na Meeuland aan die einde vir haar goed was? (1) 3.20 Watter les kan jy by Ryna leer hoe om ander mense in moeilike omstandighede te ondersteun? (1) [35] Kopiereg voorbehou Blaai om asseblief ### Page 17 Afrikaans Eerste Addisionele Taal/V2 17 DBE/Mei/Junie 2024 SS/NSS Vertroulik VRAAG 4: LIEN SE LANKSTAANSKOENE – Derick van der Walt Lees die uittreksel hieronder deur en beantwoord die vrae wat daarop volg. TEKS G ... Lien Jooste, dis nou jy, sê sy vir haarself. Dinge gaan nooit weer dieselfde wees nie. Sy sluit haar weer in 'n hokkie toe en begin die munte in die rooi sportsak bymekaar- maak. Sy sal nie kan wag tot sy by die huis gekom het nie. Dis amper R150, baie geld vir een middag se hel. Sy sal kan begin spaar. 5 Nadat die bus haar voor hulle sentrum afgelaai het, stap sy stadig huis toe. Mense en karre ry by haar verby. Die ergste is oor. Dis nou Sewende Laan en macaroni en kaas. Vir Lien Jooste is dit haar ma en haar broer en Lewenswetenskappe-huiswerk (en moontlik Brahms) en dalk iets wat tannie Bets oorgestuur het. In Pep se venster sien sy die skoene. Dis swart en plat en sonder frilletjies en 10 valletjies. Dit lyk sag en gemaklik en dit kos net R38,99. Lien kyk 'n rukkie na die skoene. 'n Vrou is besig om die deur toe te maak. "Ek wil asseblief skoene koop," sê sy vir die vrou, wat lyk asof sy 'n lang dag gehad het. "We are closing." 15 "Ek sal baie gou maak." Die vrou huiwer, maar maak tog die deur oop. "Those in number six." Sy wys na die paar swart skoene in die venster. Die vrou lig die skoene op en stap agtertoe. 4.1 VOLTOOI die volgende paragraaf feitelik korrek deur die ontbrekende woord(e) neer te skryf. Skryf slegs die woord(e) langs die vraagnommers (4.1.1 tot 4.1.4) neer. As gevolg van Lien se omstandighede, het sy besluit om in haar graad (4.1.1) ...-jaar oorkant 'n besige winkelsentrum te begin bedel. Sy wou van haar geld spaar om (4.1.2) ... te gaan. By die verkeerslig waar Lien gebedel het, het sy die eerste dag vir Roos en (4.1.3) ... ontmoet. Roos het vir Lien gesê dat mense nie sal dink sy is arm nie, want haar plakkaat is te (4.1.4) ... (4) 4.2 Waarom kan ons sê dat Lien se pa die grootste rede is dat sy moes begin bedel? (1) 4.3 Kies die KORREKTE antwoord om die sin mee te voltooi. Skryf slegs die letter (A–D) langs die vraagnommer (4.3) neer. "Dis amper R150, baie geld vir een middag se hel." (Reël 4 en 5) Lien se eerste dag was hel. Sy het innerlike konflik ervaar, want dit was nie lekker om te bedel nie, maar ... A sy het baie nuwe mense leer ken. B dit was 'n kans vir haar om toneel te speel. C dit was 'n verskoning om nie huiswerk te doen nie. D sy kon die geld kry wat sy vir die gesin nodig gehad het. (1) Kopiereg voorbehou Blaai om asseblief ### Page 18 Afrikaans Eerste Addisionele Taal/V2 18 DBE/Mei/Junie 2024 SS/NSS Vertroulik 4.4 "Vir Lien Jooste is dit haar ma en haar broer en ..." (Reël 8) Hoe het Lien se ma daartoe bygedra dat Lien se lewe by die huis ook "hel" was? (1) 4.5 Baie karakters in die roman het 'n invloed op Lien se lewe gehad. Kies die invloed uit KOLOM B wat by die karakter in KOLOM A pas. Skryf slegs die letter (A–E) langs die vraagnommers (4.5.1 tot 4.5.4) neer. KOLOM A KOLOM B 4.5.1 Juffrou Breytenbach A ... het vir Lien uitgewys dat daar verskillende maniere is om geld te 4.5.2 Wouter verdien. 4.5.3 Kuifie B ... het die inisiatief geneem om 'n mooi vriendskap met Lien te begin. 4.5.4 Miemie C ... was van die begin af 'n ware steunpilaar in Lien se deurmekaar lewe. D ... het met Lien identifiseer omdat haar pa 'n verslaafde was. E ... het Lien uitgedaag om meer betrokke by die skoolaktiwiteite te wees. (4 x 1) (4) 4.6 In reëls 6 tot 9 dink Lien aan haar en die mense wat by haar verbyry op pad huis toe. Hoe dink Lien gaan die atmosfeer by hulle woonstel verskil van die atmosfeer by die ander mense se huise? (2) 4.7 Roos het vir Lien raad gegee oor haar skoene. 4.7.1 Kies die KORREKTE antwoord uit dié tussen hakies. Hierdie raad van Roos was (waardevol/nutteloos). (1) 4.7.2 Motiveer jou antwoord op VRAAG 4.7.1. (1) 4.8 Hoe slaag die skrywer daarin om die fokus in hierdie uittreksel op die skoene te plaas? (1) 4.9 "Die vrou huiwer, maar maak tog die deur oop." (Reël 17) Waarom kan jy sê dat die vrou iemand is vir wie haar werk belangrik is? (1) Kopiereg voorbehou Blaai om asseblief ### Page 19 Afrikaans Eerste Addisionele Taal/V2 19 DBE/Mei/Junie 2024 SS/NSS Vertroulik 4.10 Lien het begin bedel om geld te verdien. Wat sou jy anders in hierdie situasie gedoen het? (1) EN Lees die uittreksel hieronder deur en beantwoord die vrae wat daarop volg. TEKS H "Jy was goed," sê Roos. "Jy kan dit maak." Sy snuif. Peroxide kyk belangstellend na die skoolseuns wat by haar verbyloop. Sy draai skoon skeef om vir Christiaan dop te hou, wat met 'n mond vol kos vir Wian iets vertel. Christiaan kyk belangstellend terug na waar Peroxide terterig vir hom glimlag. Dis dalk tyd dat Roos-hulle koebaai sê, dink Lien benoud. 5 "Wil julle nie nog iets eet nie?" vra sy. Peroxide haal 'n groterige Tupperware-bak uit haar sak en begin pak. En sy pak. Roos beduie na iets in die Tupperware-bak en Peroxide pak terug. Dis tannie Bets se kerrietertjies, sien Lien dik van die lag. Sy stap nader. Lien vryf oor Roos se stywe hare. "Jy is 'n great pel." 10 Die vrekpienk marshmallow kyk vir haar met skrefiesoë en gee Lien se arm 'n knypie. Sy sê niks nie, snuif en draai om. Lien dink hulle besef albei dat Lien Jooste waarskynlik nie weer met plat skoene iewers op 'n hoek sal staan nie. "Sien jou wanneer ek jou sien," groet Roos terwyl sy en Peroxide met die Tupperware-bak buitetoe stap. Hulle verdwyn in die donker. Lien kan nog vaagweg die 15 pienk pakkie uitmaak. Sy staan 'n rukkie na die donker en kyk voor sy omdraai. Haar ma staan by Kuifie en Valetjie en gesels. Haar ma lyk anders – stiller, rustiger as vroeër die aand. 4.11 Skryf die volgende vier gebeure onder mekaar in die korrekte VOLGORDE neer.  Kuifie het Lien by haar bedelplek herken.  Sproet het Lien by die verkeerslig opgelaai.  Lien het by haar ma in die kliniek gaan kuier.  Lien se ma het dronk by die skool opgedaag. (4) 4.12 Dink aan die gesprek tussen Lien en Roos. 4.12.1 Waar vind hierdie gesprek plaas? (1) 4.12.2 Na wie verwys "Peroxide" in reël 2? (1) 4.13 "Jy was goed," sê Roos. "Jy kan dit maak." (Reël 1) In die Naspel van die roman word gesuggereer dat Roos reg was oor Lien se vermoë om toneel te speel. Sê waarom hierdie stelling WAAR is. (1) Kopiereg voorbehou Blaai om asseblief ### Page 20 Afrikaans Eerste Addisionele Taal/V2 20 DBE/Mei/Junie 2024 SS/NSS Vertroulik 4.14 Kies die KORREKTE antwoord om die sin mee te voltooi. Skryf slegs die letter (A–D) langs die vraagnommer (4.14) neer. "Peroxide haal 'n groterige Tupperware-bak uit haar sak en begin pak." (Reël 6 en 7) Hierdie optrede van Peroxide sluit aan by die universele tema van ... A drankmisbruik. B vooroordeel. C armoede. D selfsugtigheid. (1) 4.15 "Lien vryf oor Roos se stywe hare. 'Jy's 'n great pel.' " (Reël 10) 4.15.1 Kies die KORREKTE antwoord uit dié tussen hakies. Hierdie optrede van Lien wys dat sy Roos se vriendskap (waardeer het/nie as belangrik geag het nie). (1) 4.15.2 Motiveer jou antwoord op VRAAG 4.15.1. (1) 4.16 "Die vrekpienk marshmallow kyk vir haar met skrefiesoë ..." (Reël 11) 4.16.1 Kies die KORREKTE antwoord uit dié tussen hakies. Die vetgedrukte woorde is 'n voorbeeld van 'n (metafoor/vergelyking). (1) 4.16.2 Wat beteken dit binne die konteks van hierdie uittreksel? (1) 4.17 "... gee Lien se arm 'n knypie. Sy sê niks nie, snuif en draai om." (Reël 11 en 12) Waarom pas Roos se optrede in hierdie situasie? (1) 4.18 Lien het Kuifie se vrou "Valetjie" genoem. (Reël 17) Verduidelik die figuurlike betekenis van hierdie naam soos Lien dit bedoel. (1) 4.19 Lien is die hoofkarakter in die roman. 4.19.1 Aan die begin van die roman leer ons Lien ken as 'n kind wat nie 'n goeie verhouding met haar ouers gehad het nie. Hoe het hierdie verhouding aan die einde van die roman verander? (1) 4.19.2 Nadat Kuifie haar op straat sien bedel het, kon Lien haar situasie verander. Verduidelik hoe hierdie verandering 'n goeie ding vir Lien was. (1) 4.20 Wat leer jy by Lien oor die hantering van moeilike situasies in jou lewe? (1) [35] TOTAAL AFDELING A: 35 Kopiereg voorbehou Blaai om asseblief ### Page 21 Afrikaans Eerste Addisionele Taal/V2 21 DBE/Mei/Junie 2024 SS/NSS Vertroulik AFDELING B: DRAMA Beantwoord slegs EEN vraag oor die drama wat jy bestudeer het. VRAAG 5: POPPIE – DIE DRAMA – Elsa Joubert en Sandra Kotzé Lees die uittreksel hieronder deur en beantwoord die vrae wat daarop volg. TEKS I STONE (plaas sy arm om haar skouers). Toe kom die ding dat hulle nou vir ons sê, ons moet nou gaan waarnatoe ons wil, maar ons Xhosa-mense moet net weg uit Lambertsbaai uit. JAKKIE. Die mense was baie ontevrede. MOSIE (spring driftig op, loop heen en weer, beweeg na Stone en Poppie). Ek gaan 5 nie hierso weg nie. Ek het hier grootgeraak ... ek werk by die garage en ek leer by die Union College. Bhuti Mbatane het twaalf jaar in Lambertsbaai gewerk en voor dié tyd in Lüderitzbucht. Waarnatoe moet hy nou gaan? POPPIE (aan Mama). En Ouma ... en my kindjie se graftes? Wie sal vir hulle versorg? MAMA. Waar gaan ons huis kry? (Ad lib.) 10 Almal "vries". Luister na stem oor megafoon. STEM. Die mans kan aanbly, maar die vrouens en kinders wat leeglê, moet weggaan na waarvandaan hulle gekom het of by ander plekke gaan werk soek. HOEDJIE. Toe word die huise aan die brand gesteek deur die munisipaliteit. Die poeliesse het eers die goed uit die huis uit gedra. Dan gee hulle die deur so 'n skop 15 na binnetoe en dan word die mêtjie getrek. MOSIE. Die kinders en almal staan kyk na die goed wat uitgedra is en na die huis wat brand. (Die hele groep kyk na 'n huis wat brand.) 5.1 VOLTOOI die volgende paragraaf feitelik korrek deur die ontbrekende woord(e) neer te skryf. Skryf slegs die woord(e) langs die vraagnommers (5.1.1 tot 5.1.4) neer. Poppie het by haar Ouma (5.1.1) ... grootgeword. Poppie se mense is (5.1.2) ... om uit Lambertsbaai weg te gaan. Niemand het vir hulle gesê dat hulle in die Kaap (5.1.3) ... nodig gehad het om werk te kan kry nie. Nadat Stone uit Lambertsbaai weg is, het hy werk by 'n (5.1.4) ... in Philippi gekry. (4) 5.2 In reël 1 praat Stone van "hulle". Na wie verwys Stone hier? (1) 5.3 Waarom moes Poppie ook hier wegtrek? (1) 5.4 Kyk na Poppie se woorde in reël 9. 5.4.1 Kies die KORREKTE antwoord uit dié tussen hakies. Poppie se woorde sê vir ons dat sy (bekommerd/opgewonde) was om te trek. (1) 5.4.2 Motiveer jou antwoord op VRAAG 5.4.1. (1) Kopiereg voorbehou Blaai om asseblief ### Page 22 Afrikaans Eerste Addisionele Taal/V2 22 DBE/Mei/Junie 2024 SS/NSS Vertroulik 5.5 Poppie het met Stone getrou. Hoe het dit Poppie se lewe na sy dood moeiliker gemaak? Noem EEN feit. (1) 5.6 Volgens die STEM (Reël 12) was daar 'n VERSKIL tussen die mans en vrouens in Lambertsbaai. Verduidelik hierdie verskil. (2) 5.7 In reëls 14 tot 16 beskryf Hoedjie die huise wat gebrand het. 5.7.1 Kies die KORREKTE antwoord uit dié tussen hakies. Die herhaling van "dan" in die beskrywing sê vir ons dat die poeliesse elke keer (dieselfde stappe gevolg het/baie tyd gehad het) om die huise af te brand. (1) 5.7.2 Watter uitwerking het die opnoem van die aksies op die leser? (1) 5.8 Baie karakters in die drama het 'n invloed op Poppie se lewe gehad. Kies die invloed uit KOLOM B wat by die karakter in KOLOM A pas. Skryf slegs die letter (A–E) langs die vraagnommers (5.8.1 tot 5.8.4) neer. KOLOM A KOLOM B 5.8.1 Haar skoonouers A ... het Poppie laat besef hoe magteloos sy is om haar geliefdes 5.8.2 Mrs Retief te beskerm. 5.8.3 Mrs Swanepoel B ... het Poppie gehelp om haar kinders veilig te hou. 5.8.4 Vukile C ... het Poppie se siening van mense verander. D ... het Poppie gehelp om meer geld te verdien. E ... het Poppie herinner aan die plan wat God met ons almal het. (4 x 1) (4) 5.9 Familie is vir Poppie baie belangrik. Watter voorbeeld stel Poppie vir jou as leser hieroor? (1) EN Kopiereg voorbehou Blaai om asseblief Text truncated here. Open the document page to read the rest. ## Related documents - [Afrikaans FAL P2 May June 2021](https://www.hlayiso.com/library/afrikaans-fal-p2-may-june-2021/34e7b7fd-bf31-4586-9e70-44ddb4b9045e) — Afrikaans FAL · QP · 2021 · Afr - [Afrikaans FAL P1 May-June 2024 MG](https://www.hlayiso.com/library/grade-12-afrikaans-fal-2024-nsc-june-exam-memorandum-paper-1-afrikaans/0233b506-d910-4714-b690-875fa6c49f90) — Afrikaans FAL · Memo · 2024 · Afr - [Afrikaans FAL P2 May June 2019 Memo](https://www.hlayiso.com/library/afrikaans-fal-p2-may-june-2019-memo/28a2ecdb-7ac4-4b54-bb43-f4f5692a41ac) — Afrikaans FAL · Memo · 2019 · Afr - [Afrikaans FAL P2 May June 2018 Memo](https://www.hlayiso.com/library/afrikaans-fal-p2-may-june-2018-memo/5bdc6331-2a66-457f-8772-f20b9b827079) — Afrikaans FAL · Memo · 2018 · Afr - [Afrikaans FAL P2 May June 2017 Memo](https://www.hlayiso.com/library/afrikaans-fal-p2-may-june-2017-memo/4d4c9c87-bf05-4564-a79c-d7c2c8e5e4d4) — Afrikaans FAL · Memo · 2017 · Afr - [Afrikaans FAL P2 May June 2016 Memo](https://www.hlayiso.com/library/afrikaans-fal-p2-may-june-2016-memo/fec783b3-523c-4938-a821-ce695c069ffb) — Afrikaans FAL · Memo · 2016 · Afr ## More from Grade 12 Afrikaans FAL - [Afrikaans P1 (FAL) June 2025 Possible Answers](https://www.hlayiso.com/library/afrikaans-p1-fal-june-2025-possible-answers/548f1e49-d719-426b-b0e2-f6857ab2b360) — Memo · 2025 · Afr - [AFRIKAANS FAL P1 GR12 MEMO SEPT2024](https://www.hlayiso.com/library/afrikaans-fal-p1-gr12-memo-sept2024/393b8c2a-77f0-4192-b6cc-26bf3f7a1c38) — Memo · 2024 · Afr - [Afrikaans EAT V1 Memo](https://www.hlayiso.com/library/afrikaans-eat-v1-memo/b69c7bbe-bb12-439e-acfa-a77370a600bc) — Memo · 2023 · Afr - [AFRIKAANS FAL P3 QP GR12 SEPT 2023](https://www.hlayiso.com/library/afrikaans-fal-p3-qp-gr12-sept-2023/b49b9523-adfc-4fb4-87bf-f4de41182bb0) — QP · 2023 · Afr - [Afrikaans P2 2021 Memo](https://www.hlayiso.com/library/afrikaans-p2-2021-memo/fa39593a-6800-4788-88d4-bfdf1e468aa8) — Memo · 2023 · Afr - [Afrikaans P2 (FAL) Memo](https://www.hlayiso.com/library/afrikaans-p2-fal-memo/f7c0afe1-2da9-45cb-aa34-ddcb4bbd0ca2) — Memo · 2023 · Afr ## Collection - [Grade 12 past papers](https://www.hlayiso.com/grade-12/past-papers) --- Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.