# Afrikaans FAL Grade 12 P2 NSC November 2025 Question Paper > Grade 12 Afrikaans FAL Paper 2 question paper from the NSC November Exam 2025, 44 pages. Read online or get the free PDF download, memo linked when available. - Page: https://www.hlayiso.com/library/grade-12-afrikaans-fal-2025-nsc-november-exam-question-paper-paper-2-afrikaans/2c8fc7b4-71e9-458b-9a8f-343e0d11b805 - Updated: 2026-09-28 - Subject: Afrikaans FAL - Grade: Grade 12 - Language: Afrikaans - Document type: Question paper - Year: 2025 - Exam period: NSC November Exam - Paper: 2 - Curriculum: CAPS - Pages: 44 Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Afrikaans FAL](https://www.hlayiso.com/library/grade-12/afrikaans-fal) › [Afrikaans FAL Grade 12 P2 NSC November 2025 Question Paper](https://www.hlayiso.com/library/grade-12-afrikaans-fal-2025-nsc-november-exam-question-paper-paper-2-afrikaans/2c8fc7b4-71e9-458b-9a8f-343e0d11b805) ## About this document Afrikaans Fal · Grade 12 · NSC November Exam · 2025 · Afrikaans. Question paper, 44 pages. Read online or download the PDF. Read it free online on the page above; download the PDF from there. ## Document text Text extracted from the PDF. Layout, diagrams and tables may not survive extraction. ### Page 1 Vertroulik NASIONALE SENIOR SERTIFIKAAT GRAAD 12 AFRIKAANS EERSTE ADDISIONELE TAAL V2 NOVEMBER 2025 PUNTE: 70 TYD: 2½ uur . Hierdie vraestel bestaan uit 44 bladsye. Kopiereg voorbehou Blaai om asseblief ### Page 2 Afrikaans Eerste Addisionele Taal/V2 2 DBE/November 2025 NSS Vertroulik INSTRUKSIES EN INLIGTING Lees AL die instruksies aandagtig deur voordat jy die vrae beantwoord. 1. MOENIE probeer om die hele vraestel te lees nie. Raadpleeg die INHOUDSOPGAWE op die volgende bladsy en merk die vraagnommers van die vrae oor die tekste wat jy hierdie jaar bestudeer het. Lees hierdie vrae en kies die vrae wat jy wil beantwoord. 2. Hierdie vraestel bestaan uit VIER afdelings: AFDELING A: Roman (35) AFDELING B: Drama (35) AFDELING C: Kortverhale (35) AFDELING D: Gedigte (35) 3. Beantwoord vrae in TWEE afdelings, soos volg: AFDELING A: ROMAN Beantwoord die vraag oor die roman wat jy bestudeer het. AFDELING B: DRAMA Beantwoord die vraag oor die drama wat jy bestudeer het. AFDELING C: KORTVERHALE Beantwoord die vrae oor TWEE kortverhale wat jy bestudeer het. AFDELING D: GEDIGTE Beantwoord die vrae oor TWEE gedigte wat jy bestudeer het. 4. Gebruik die kontrolelys op bladsy 4 om jou te help. 5. Volg die instruksies aan die begin van elke afdeling noukeurig. 6. Nommer die antwoorde korrek volgens die nommeringstelsel wat in hierdie vraestel gebruik is. 7. Begin ELKE afdeling op 'n NUWE bladsy. 8. Bestee ongeveer 75 minute aan elke afdeling. 9. Skryf netjies en leesbaar. Kopiereg voorbehou Blaai om asseblief ### Page 3 Afrikaans Eerste Addisionele Taal/V2 3 DBE/November 2025 NSS Vertroulik INHOUDSOPGAWE 2025 Kies TWEE afdelings. AFDELING A: ROMAN Beantwoord slegs EEN vraag. VRAAGNOMMER PUNTE BLADSYNOMMER 1. Kringe in 'n Bos 35 5 2. Die Ongelooflike Avonture van Hanna Hoekom 35 10 3. Meeulanders 35 15 4. Lien se Lankstaanskoene 35 19 AFDELING B: DRAMA Beantwoord slegs EEN vraag. 5. Poppie – Die Drama 35 23 6. Paljas 35 27 7. Fiela se kind – Die Drama 35 31 AFDELING C: KORTVERHALE Beantwoord vrae oor AL TWEE kortverhale. 8.1 "Kom ons stuur vir Tasu" 18 35 EN 8.2 "Opdrag" 17 37 AFDELING D: GEDIGTE Beantwoord vrae oor AL TWEE gedigte. 9.1 "Krisis" 17 40 EN 9.2 "Ken jy die see …" 18 42 Kopiereg voorbehou Blaai om asseblief ### Page 4 Afrikaans Eerste Addisionele Taal/V2 4 DBE/November 2025 NSS Vertroulik KONTROLELYS Gebruik die kontrolelys om te verseker dat jy die vereiste getal vrae beantwoord. AFDELING VRAAGNOMMERS GETAL VRAE DUI AAN BEANTWOORD () A: Roman 1–4 1 B: Drama 5–7 1 C: Kortverhale 8 1 (2 kortverhale) D: Gedigte 9 1 (2 gedigte) LET WEL: Maak seker dat jy vrae oor slegs TWEE afdelings beantwoord het. Kopiereg voorbehou Blaai om asseblief ### Page 5 Afrikaans Eerste Addisionele Taal/V2 5 DBE/November 2025 NSS Vertroulik AFDELING A: ROMAN Beantwoord slegs EEN vraag oor die roman wat jy bestudeer het. VRAAG 1: KRINGE IN 'N BOS – Dalene Matthee Lees die uittreksel hieronder deur en beantwoord die vrae wat daarop volg. TEKS A ''Kate ... is dit een van jou uitgedinkte bosstories dié, soos die een oor die kastige bosmannetjies wat op die olifante ry?'' ''Ek sweer, Saul.'' Iets soos angs het in hom opgestoot. Veronderstel dit is waar? Dit kon nie waar wees nie. Maar veronderstel! So waar as die Here, hy sal met sy hande loop grawe! Hulle 5 moet hom net wys waar, hy sal met sy kaal hande ... Hulle sal almal met die kaal hande gaan grawe! As dit moet waar wees, is dit die mirakel waarop almal wag! Die uitkoms. Maar nee, dit kan nie waar wees nie. Daar gebeur nie meer wonderwerke nie ... ''Saul?'' Kate het onrustig geklink. ''Dit lyk of jy skoon weg is ... Miskien is dit glad nie eers waar nie.'' 10 ''Ja, miskien is dit glad nie eers waar nie, Kate.'' Maar die hoop het skielik soos vrees in hom gelê. ''Miskien is dit waar ...'' Daardie Maandag het oom Wiljam se wa die eerste hout van die week gebring. Saul het sy kans afgewag en oor die werf geloop. Die laaste paar maande het hy selde na die boswaens toe geloop; die ding waarvan Jozef hom beskuldig het, het op elke wa 15 ook gesit. ''Dag, oom Wiljam.'' ''As jy kom spaai het of ek tande onder die hout het, kan jy maar omdraai!'' het die ou man stuurs gesê. 1.1 VOLTOOI die volgende paragraaf feitelik korrek deur die ontbrekende woord uit die roman neer te skryf. Skryf slegs die woord langs die vraagnommers (1.1.1 tot 1.1.4) neer. Saul was amper (1.1.1) … jaar in die skuur by MacDonald toe Kate die nuus van die goud vir Saul gee. (1.1.2) …, wat vir die Kaapse Goewerment paaie gemaak het, het dit vir MacDonald vertel. Hy het ook gesê (1.1.3) … gaan die grootste hawe word, selfs groter as die een in die Kaap. Oubaas Hooper het die eerste goud opgetel en dit is by die (1.1.4) … getoets om te bewys dat dit goud was. (4) 1.2 Waarom het Saul besluit om by MacDonald te gaan werk? (1) 1.3 Waarom kan 'n mens verstaan dat Saul gedink het dat Kate weer net 'n storie oor die Bos vir hom vertel het? (1) Kopiereg voorbehou Blaai om asseblief ### Page 6 Afrikaans Eerste Addisionele Taal/V2 6 DBE/November 2025 NSS Vertroulik 1.4 ''Iets soos angs het in hom opgestoot. Veronderstel dit is waar? Dit kon nie waar wees nie. Maar veronderstel!'' (Reël 4 en 5) 1.4.1 Kies die KORREKTE antwoord uit dié tussen hakies. Saul het innerlike konflik ervaar, want hy was bang (oor wat dit aan die Bos sou doen/om dit vir sy pa te vertel). (1) 1.4.2 Motiveer jou antwoord op VRAAG 1.4.1. (1) 1.5 ''Hulle sal almal met die kaal hande gaan grawe!'' (Reël 6 en 7) 1.5.1 Na wie verwys die ''hulle''? (1) 1.5.2 Wat beteken hierdie aanhaling binne die konteks van die roman? (1) 1.6 Kies die KORREKTE antwoord om die sin mee te voltooi. Skryf slegs die letter (A–D) langs die vraagnommer (1.6) neer. ''Saul?'' Kate het onrustig geklink. ''Dit lyk of jy skoon weg is ... Miskien is dit glad nie eers waar nie.'' (Reël 9 en 10) Die toon in Kate se stem kan as ... beskryf word. A opgewonde B gelukkig C onseker D kwaad (1) 1.7 Saul se werk by MacDonald het Kate in sy lewe gebring. Gee TWEE voorbeelde van hoe dit Saul se lewe positief beïnvloed het. (2) Kopiereg voorbehou Blaai om asseblief ### Page 7 Afrikaans Eerste Addisionele Taal/V2 7 DBE/November 2025 NSS Vertroulik 1.8 Die dinge wat mense doen, het altyd gevolge. Kies die gevolg uit KOLOM B wat by die gebeure in KOLOM A pas. Skryf slegs die letter (A–E) langs die vraagnommers (1.8.1 tot 1.8.4) neer. KOLOM A KOLOM B 1.8.1 MacDonald het Saul A Saul kon leer hoe om meubels te se boek oor David maak. Copperfield in die skuur gekry. B Saul het Kate ná 'n lang tyd weer gesien. 1.8.2 Saul het oom Abraham Steyn leer C Kate is met die Venice weggestuur ken. Kaap toe. 1.8.3 Maska het Saul in D Saul kon die nuus oor Joram se Meulbos besoek. dood kry. 1.8.4 Saul het vir Crompton E Kate het vir Saul sewe erwe passasiers by die gekoop. halte gaan haal. (4 x 1) (4) 1.9 Saul was ongelukkig oor die dinge wat die Bosmense van hom gedink en gesê het. Waarom kan jy hiermee identifiseer? (1) EN Lees die uittreksel hieronder deur en beantwoord die vrae wat daarop volg. TEKS B ... Sy lyf wou slaap, maar sy kop wou wakker bly. Later het hy weer onder die krans uitgekruip en hout op die kole gegooi. Sy kos was op. Snaaks, het hy gedink, nes die dae toe hy nog vir sy pa gekap het: die kos kom altyd net-net uit totdat die hout reg is vir uitry dorp toe. Die dink het ou wrewel in hom losgeknoop. Sal hulle hom glo as hy vir hulle die goud gaan wys? Sal hul oë dán oopgaan? Sal hulle dan die byle en die sae 5 ruil en die Bos alleen laat om sy wonde gesond te kry? Die letsels toe te groei? Jaag die vreemde delwers hier uit en kom vat wat aan julle behoort! wou hy skree. Hy het geweet dis 'n sotlike droom. Dis net so goed jy skree vir die maan: Draai om en wys my jou agterkant. Miskien het die Engelse reg, miskien is hulle dom gebore en is hy, Saul Barnard, 'n vreemde verskynsel ... Nee, dis nie waar nie. Die swaai van 'n 10 byl en die trek van 'n saag is oor geslagte heen maar net te diep in hulle ingewortel. Swaarkry het vir hulle soos asemhaal geword. Wat van die kinders? Wat van Izak? Die vuur het lui gebrand. Waarom sal hy oor die kinders skuldig voel? Kopiereg voorbehou Blaai om asseblief ### Page 8 Afrikaans Eerste Addisionele Taal/V2 8 DBE/November 2025 NSS Vertroulik 1.10 Skryf die VIER gebeure onder mekaar in die korrekte VOLGORDE neer soos wat dit in die roman gebeur. • Saul het ontdek dat die bloubokkie se gal nie in sy kop sit nie. • Saul het vir die eerste keer besef dat die dorp nie in die Bos is nie. • Saul se ma en suster is oorlede aan die godsiekte. • Saul het Oupoot vir die eerste keer gesien. (4) 1.11 Saul het sy goud aan MacDonald verkoop. Gee 'n feit uit die roman om te sê waarom hierdie stelling ONWAAR is. (1) 1.12 Wat het Saul die oggend voordat hy die twee onse goud uitgewas het, gesien? (1) 1.13 Kies die KORREKTE antwoord om die sin mee te voltooi. Skryf slegs die letter (A–D) langs die vraagnommer (1.13) neer. ''... die Bos alleen laat om sy wonde gesond te kry?'' (Reël 6) Dit beteken dat die ... A Bosmense mekaar seergemaak het. B Bos vernietig is en kans moes kry om te herstel. C Bosmense op 'n ander plek moes gaan bly. D Bos die houtkopers nie langer sou verryk nie. (1) 1.14 ''Miskien het die Engelse reg, miskien is hulle dom gebore …'' (Reël 9) 1.14.1 Kies die KORREKTE antwoord uit dié tussen hakies. Saul het gedink dat die Engelse (teen die Bosmense gediskrimineer het omdat daar nie 'n skool in die Bos was nie/die Bosmense gestereotipeer het omdat die meeste nie kon lees en skryf nie). (1) 1.14.2 Waarom is dit wat Saul dink geloofwaardig binne die konteks van die roman? (1) 1.15 ''Swaarkry het vir hulle soos asemhaal geword.'' (Reël 12) 1.15.1 Kies die KORREKTE antwoord uit dié tussen hakies. Dit is 'n voorbeeld van 'n (vergelyking/metafoor). (1) 1.15.2 Wat beteken die vetgedrukte woorde binne die konteks van die roman? (1) 1.16 Waarom laat dit jou goed voel as Saul hier aan Jozef se kinders dink? (Reël 14) (1) 1.17 Wat was die direkte gevolg vir Saul toe hy besluit het om goud te delf? (1) Kopiereg voorbehou Blaai om asseblief ### Page 9 Afrikaans Eerste Addisionele Taal/V2 9 DBE/November 2025 NSS Vertroulik 1.18 Een van die lewenslesse in hierdie roman is dat jy moet doen wat jý dink reg is. Noem TWEE positiewe gevolge wat dit vir Kate in haar lewe gehad het. (2) 1.19 Hoe kry Saul dit reg om jou saam met hom bekommerd te laat voel oor die houtkappers wat tevrede is om maar net soos altyd aan te gaan? (1) 1.20 Die skewe sirkel van die lewe raak almal se lewens. Waarom pas hierdie tema by die slot van die roman? (1) [35] Kopiereg voorbehou Blaai om asseblief ### Page 10 Afrikaans Eerste Addisionele Taal/V2 10 DBE/November 2025 NSS Vertroulik VRAAG 2: DIE ONGELOOFLIKE AVONTURE VAN HANNA HOEKOM – Marita van der Vyver Lees die uittreksel hieronder deur en beantwoord die vrae wat daarop volg. TEKS C ''Jy weet nie wat gebeur het nie, Hanna,'' sê Sharon sag. ''Ek is seker dit was nie vir haar maklik om dit te doen nie.'' ''Sy't dit nogtans gedoen.'' ''Jy's die een wat altyd so aangaan oor vroue wat alles kan doen wat mans kan doen. As sy 'n man was, sou jy nie ...'' 5 ''Dis nie ék wat daaroor aangaan nie,'' knip ek haar kort. ''Dis my ma.'' ''Partykeer is jy nes jou ma.'' Dis nie wat ek wil hoor nie. Dis beslis nie wat ek wil hoor nie. ''Maar kyk hoe lyk sy, Sharon!'' ''Oukei, ek weet, jy lýk nie soos jou ma nie, maar …'' 10 ''Nee! Ek bedoel, kyk hoe lyk Margot! Al daai make-up, die stywe langbroek, die lang naels, die … die … die hare! Dis goedkoop!'' ''Wel, ek sal haar nou nie as 'n deftige dame beskryf nie.'' Dit klink of Sharon haar kop in haar kussing druk om nie te lag nie. ''Maar jy's ook die een wat altyd sê mens kan nie mense oordeel aan hoe hulle lyk nie.'' 15 Helaas. As Sharon my moes oordeel aan hoe ek lyk – 'n vaal muis met 'n paar puisies wat nooit die regte klere met die regte etikette dra nie – sou ons seker nooit maats geword het nie. ''Maar alles aan haar is vals,'' hou ek vol. 2.1 VOLTOOI die volgende paragraaf feitelik korrek deur die ontbrekende woord uit die roman neer te skryf. Skryf slegs die woord langs die vraagnommers (2.1.1 tot 2.1.4) neer. Hanna was ontevrede met haar lewe. Haar eerste woord was (2.1.1) …, want sy het alles bevraagteken. Haar ma het besluit om 'n tweede kind, (2.1.2) …, te hê, maar met 'n proefbuispa. Haar ma is later met Beyers getroud en hulle was 'n (2.1.3) … gesin wat mekaar nog moes leer ken. Hanna het nie van die idee gehou om saam met die gesin te gaan vakansie hou nie en het die plek (2.1.4) … genoem. (4) 2.2 ''Jy weet nie wat gebeur het nie, Hanna,'' sê Sharon sag. ''Ek is seker dit was nie vir haar maklik om dit te doen nie.'' (Reël 1 en 2) 2.2.1 Kies die KORREKTE antwoord uit dié tussen hakies. Hanna en Sharon gesels oor Margot. Hanna (was bevooroordeeld omdat sy dinge van Margot gehoor het/wou Sharon manipuleer omdat Sharon háár vriendin is). (1) 2.2.2 Waarom is Hanna se optrede geloofwaardig binne die konteks van die roman? (1) Kopiereg voorbehou Blaai om asseblief ### Page 11 Afrikaans Eerste Addisionele Taal/V2 11 DBE/November 2025 NSS Vertroulik 2.3 Waarom was Hanna so ongelukkig omdat Sharon so laat kamer toe gekom het? (1) 2.4 Waaroor was Amos bekommerd voordat Margot op die berg aangekom het? (1) 2.5 " 'Partykeer is jy nes jou ma.' Dis nie wat ek wil hoor nie. Dis beslis nie wat ek wil hoor nie." (Reël 7 en 8) 2.5.1 Kies die KORREKTE antwoord uit dié tussen hakies. Hanna ervaar al baie jare lank innerlike konflik oor haar ma, want sy voel haar ma (is vreemd en dink anders oor dinge/kies altyd die seuns in die gesin se kant). (1) 2.5.2 Motiveer jou antwoord op VRAAG 2.5.1. (1) 2.6 Kies die KORREKTE antwoord om die sin mee te voltooi. Skryf slegs die letter (A–D) langs die vraagnommer (2.6) neer. ''Nee! Ek bedoel kyk hoe lyk Margot! Al daai make-up, die stywe langbroek, die lang naels, die … die … die hare! Dis goedkoop!'' (Reël 11 en 12) Die toon in Hanna se woorde kan as ... beskryf word. A positief B aggressief C negatief D vermaaklik (1) 2.7 In die vakansiehuis op die berg het Hanna haar gesin anders leer ken. Gee TWEE voorbeelde van hoe dit Hanna se verhouding met haar gesin positief beïnvloed het. (2) 2.8 Waarom kan 'n mens sê dat Sharon in hierdie uittreksel reg opgetree het teenoor Hanna? (1) Kopiereg voorbehou Blaai om asseblief ### Page 12 Afrikaans Eerste Addisionele Taal/V2 12 DBE/November 2025 NSS Vertroulik 2.9 Die dinge wat mense doen, het altyd gevolge. Kies die gevolg uit KOLOM B wat by die gebeure in KOLOM A pas. Skryf slegs die letter (A–E) langs die vraagnommers (2.9.1 tot 2.9.4) neer. KOLOM A KOLOM B 2.9.1 Gavin se rooi MG het A Hy het almal laat lag en van die in die modder vasgesit. reën laat vergeet. 2.9.2 Gavin het nie met die B Hy het klere aangetrek wat hom helikopter vertrek nie. soos 'n bosbouer laat lyk het. 2.9.3 Gavin het die gesin C Hy het 'n diskodans op die tafel aan 'n konsert laat gedoen. deelneem. D Hy het 'n spesiale ete vir almal 2.9.4 Gavin het geskenke voorberei. soos slangvelbroeke en stywe bloese E Hy het geleer dat mense se gegee. behoeftes verskil. (4 x 1) (4) EN Lees die uittreksel hieronder deur en beantwoord die vrae wat daarop volg. TEKS D … Gavin en die seuns begin juig. Hulle klink soos 'n klomp rugby-ondersteuners wie se span pas 'n beker gewen het. ''Dankie, Margot,'' sê my ma toe sy die baba weer vir Margot aangee. ''Ek sou dit nooit sonder jou kon gedoen het nie …'' ''Jy't al die harde werk self gedoen,'' glimlag Margot. ''Ek het jou maar net deur die ding 5 gepraat.'' My ma skud haar kop. Dan kyk sy na my, steeds verstar teen die muur, asof sy nou eers besef dat ek ook in die kamer is. ''Hanna? Wat sê jy van jou sussie?'' Ek het 'n suster, dring dit tot my deur. Ek kyk hoe Margot twee flentertjies lap om die 10 naelstring bind en draai my kop vinnig weg toe sy 'n groot skêr optel. ''Dis oukei,'' troos my ma. ''Sy gaan nie seerkry nie.'' ''Ek wil nie hê sy moet ooit in haar lewe seerkry nie,'' fluister ek. Ek wonder of dít is hoe dit voel om 'n suster te hê. Iets wat my binnegoed laat saamtrek in 'n knoop. My sussie is skaars 'n paar minute oud en ek is klaar seker ek gaan nóóit 15 weer die knoop loskry nie. ''Ons wil haar 'n naam gee wat iets met water te doen het,'' kondig Mana die volgende oggend aan terwyl ons in 'n koerende kring om haar bed saamdrom. Kopiereg voorbehou Blaai om asseblief ### Page 13 Afrikaans Eerste Addisionele Taal/V2 13 DBE/November 2025 NSS Vertroulik 2.10 Skryf die VIER gebeure onder mekaar in die korrekte VOLGORDE neer soos wat dit in die roman gebeur. • Margot het Hanna mooigemaak vir haar verjaarsdag. • Tibo en Amos het Hanna se gedig gelees. • Hanna het na Pampoen en Patat gaan soek. • Sharon se pa het haar met 'n nuwe 4x4 kom aflaai. (4) 2.11 ''Hulle klink soos 'n klomp rugby-ondersteuners wie se span pas 'n beker gewen het.'' (Reël 1 en 2) 2.11.1 Kies die KORREKTE antwoord uit dié tussen hakies. Dit is 'n voorbeeld van (klanknabootsing/'n vergelyking). (1) 2.11.2 Wat beteken die vetgedrukte woorde binne die konteks van die uittreksel? (1) 2.12 ''Ek het jou maar net deur die ding gepraat.'' (Reël 5 en 6) 2.12.1 Waarna verwys ''die ding''? (1) 2.12.2 Wat beteken hierdie aanhaling binne die konteks van die roman? (1) 2.13 Mana het voor die baba se geboorte na die baba as Amanzi verwys. Gee 'n feit uit die roman om te sê waarom hierdie stelling ONWAAR is. (1) 2.14 Kies die KORREKTE antwoord om die sin mee te voltooi. Skryf slegs die letter (A–D) langs die vraagnommer (2.14) neer. ''Iets wat my binnegoed laat saamtrek in 'n knoop.'' (Reël 14 en 15) Dit beteken dat Hanna ... A baie senuweeagtig was. B die naelstring wou knoop. C dadelik lief geraak het vir haar sussie. D nie goed gevoel het ná wat sy gesien het nie. (1) 2.15 Hoe kry Hanna dit reg om jou saam met haar opgewonde te laat voel oor haar nuwe sussie? (1) 2.16 Waarom laat dit jou goed voel om te sien hoe almal om Mana se bed gesit het? (1) 2.17 Mana was baie dankbaar teenoor almal wat met die baba se geboorte gehelp het. Waarom kan jy hiermee identifiseer? (1) Kopiereg voorbehou Blaai om asseblief ### Page 14 Afrikaans Eerste Addisionele Taal/V2 14 DBE/November 2025 NSS Vertroulik 2.18 Watter direkte gevolg het die baba se geboorte vir Gavin en Hanna gehad? (1) 2.19 Een van die lewenslesse in hierdie roman is om te besef dat mense tweede kanse kan kry. Noem TWEE positiewe gevolge wat die vakansie vir Margot gehad het. (2) 2.20 'n Mens het nie 'n alter ego nodig om jou beter oor jouself te laat voel nie. Waarom pas hierdie tema by die slot van die roman? (1) [35] Kopiereg voorbehou Blaai om asseblief ### Page 15 Afrikaans Eerste Addisionele Taal/V2 15 DBE/November 2025 NSS Vertroulik VRAAG 3: MEEULANDERS – Esta Steyn Lees die uittreksel hieronder deur en beantwoord die vrae wat daarop volg. TEKS E Maar haar liggaam ruk in sy arms, sodat hy haar stywer vashou. Liggaam teen liggaam totdat haar hortende asem bedaar en hy haar kop teen sy bors vasdruk. "Ek … was bang," prewel sy gesmoord. "Toemaar … die vuur is weg." Sy beweeg weg uit sy arms en gaan sit in ′n klein hopie by die tafel. Hy haal 5 koffiebekers uit en maak sterk, swart koffie en bring dit tafel toe. Toe sy uiteindelik praat, is haar stem doods: "My man en my kind het … verbrand. Ek kon hulle nie kry nie. Die rook was te erg." Sy neem haar koffiebeker in albei hande, asof sy die hitte daarvan soek. Sy kyk na Jacob. Hy steek sy hand versigtig uit en vee ′n sliert hare uit haar gesig uit. Hy kyk na haar asof hy glad nie kan glo wat sy sê nie: "Maar dit maak nie saak … 10 dat … want hulle was klaar dood. My man … Vincent … wou alles uitwis. En hy hét. Hy't die brand gestig en toe vir Ronnie geskiet. En toe homself." Hy praat eers ná 'n lang, geskokte oomblikke: "My God, Ryna. Hoekom het jy nie lankal gepraat nie? Weet Attie?" Sy skud haar kop en kyk stip voor haar uit. 15 "Ek wou nie daaroor praat nie. Ek wil ook nooit weer daaroor praat nie." 3.1 VOLTOOI die volgende paragraaf feitelik korrek deur die ontbrekende woord uit die roman neer te skryf. Skryf slegs die woord langs die vraagnommers (3.1.1 tot 3.1.4) neer. Ryna het na drie jaar besluit dat sy nie teruggaan (3.1.1) … toe nie. Sy het besluit om Ousanna se huis op Salamanderbaai te koop. Baie mense het gehelp om die huisie reg te kry, sodat Ryna in (3.1.2) … (die maand) kon intrek. Attie het haar huis (3.1.3) … genoem. In die huis het Ryna 'n (3.1.4) … met al Kinnie se besittings daarin gekry. (4) 3.2 Kies die KORREKTE antwoord om die sin mee te voltooi. Skryf slegs die letter (A–D) langs die vraagnommer (3.2) neer. "Toemaar … die vuur is weg." (Reël 4) Die toon in Jacob se stem as hy met Ryna praat, kan as … beskryf word. A sarkasties B kwaai C rustig D vrolik (1) Kopiereg voorbehou Blaai om asseblief ### Page 16 Afrikaans Eerste Addisionele Taal/V2 16 DBE/November 2025 NSS Vertroulik 3.3 Dink aan die hele uittreksel. 3.3.1 Kies die KORREKTE antwoord uit dié tussen hakies. (1) Ryna ervaar innerlike konflik, want (sy kon nie lank gelede haar man en kind red nie/die vuur het haar aan dinge laat dink wat sy liewer wou vergeet). 3.3.2 Motiveer jou antwoord op VRAAG 3.3.1. (1) 3.4 "Weet Attie?" (Reël 14) Waarom het Jacob hierdie vraag vir Ryna gevra? (1) 3.5 Wat het Jacob en Janka by Ryna gedoen die aand voordat die brand begin het? (1) 3.6 Wat was die direkte gevolg van Vincent en Ronnie se dood vir Ryna? (1) 3.7 Die dinge wat mense doen, het altyd gevolge. Kies die gevolg uit KOLOM B wat by die gebeure in KOLOM A pas. Skryf slegs die letter (A–E) langs die vraagnommers (3.7.1 tot 3.7.4) neer. KOLOM A KOLOM B 3.7.1 Skalla het Magrietjie A Janka het sonder 'n ma verkrag. grootgeword. 3.7.2 Elsabet het Meeuland B Jacob het besef dat hy lief geword verlaat om by Fred te het vir Ryna. wees. C Skalla het in die tronk beland. 3.7.3 Attie en Ryna het lekker saam gekuier en pret D Jacob het Meeuland toe gevlug. gehad. E Janka se Kersdag het tragies 3.7.4 Skalla het kreef geëindig. gesmokkel naby Meeuland. (4 x 1) (4) 3.8 Jacob se optrede teenoor Ryna in hierdie situasie is anders as vroeër. Waarom laat hierdie optrede van Jacob jou goed voel? (1) 3.9 Hoe kry Ryna dit reg om jou die skok oor haar man en kind saam met haar te laat voel? (1) 3.10 Die huis op Meeuland het 'n impak op Ryna se lewe gehad. Gee TWEE voorbeelde van hoe hierdie huis Ryna se lewe positief beïnvloed het. (2) EN Kopiereg voorbehou Blaai om asseblief ### Page 17 Afrikaans Eerste Addisionele Taal/V2 17 DBE/November 2025 NSS Vertroulik Lees die uittreksel hieronder deur en beantwoord die vrae wat daarop volg. TEKS F ... "Ek kom op die ingewing van die oomblik." "Dis wonderlik om jou te sien! Sal ek tee bestel? Of sal ons uitgaan en iewers iets gaan drink?" "Moenie moeite doen nie. Ek gaan nie lank wees nie." Maar hy tel tog die binnefoon op en vra tee vir twee. "Sit gerus! My aarde, man, waar 5 in die wêreld is jy? Jy het soos 'n groot speld verdwyn." "Ek hou skool op Salamanderbaai." Die tee kom ná 'n rukkie en sy skink vir hulle in. Sy voel dat hy haar dophou. "Hoe gaan dit?" vra hy weer. "Jy moet my asseblief help, Henning. Jy is al mens wat Vincent goed genoeg geken 10 het." 'n Frons skuif tussen sy klein swart oë in. "Ek help graag as ek kan, Camilla." "Destyds met die ondersoek … onthou jy, die man met die lang, blonde hare … van wie ek gepraat het?" "Ek onthou," sê hy sag. 15 "Henning," haar lippe voel droog, sodat sy eers van die warm tee drink. "Klink die naam Schalk Blanckenberg miskien vir jou bekend?" Sy kyk hom intens aan. Daar is geen herkenning van dié naam in sy oë nie. "Blanckenberg?" Sy knik gretig. "Hulle noem hom Skalla. Probeer asseblief onthou. Miskien is dit 'n 20 naam wat Vincent voor jou genoem het." Hy skud sy kop stadig. "Dit lui geen klokkie nie." 3.11 Skryf die VIER gebeure onder mekaar in die korrekte VOLGORDE neer soos wat dit in die roman gebeur. • Attie het in Windhoek gaan werk. • Ryna se boek oor kusvoëls is bekendgestel. • Ryna het vir Fred vertel dat Janka sy kind is. • Jacob het Skalla doodgesteek. (4) 3.12 "Jy het soos 'n groot speld verdwyn." (Reël 6) 3.12.1 Kies die KORREKTE antwoord uit dié tussen hakies. Hierdie is 'n voorbeeld van 'n (hiperbool/vergelyking). (1) 3.12.2 Wat beteken die vetgedrukte woorde binne die konteks van die uittreksel? (1) Kopiereg voorbehou Blaai om asseblief ### Page 18 Afrikaans Eerste Addisionele Taal/V2 18 DBE/November 2025 NSS Vertroulik 3.13 Kies die KORREKTE antwoord om die sin mee te voltooi. Skryf slegs die letter (A–D) langs die vraagnommer (3.13) neer. "Dit lui geen klokkie nie." (Reël 22) Dit beteken dat Henning … A iets kon onthou, maar nie seker is daarvan nie. B glad nie die naam kon onthou nie. C Vincent nie regtig goed geken het nie. D die dame in sy kantoor nie gehoor het toe hy die klokkie gelui het nie. (1) 3.14 "Ek help graag as ek kan, Camilla." (Reël 12) 3.14.1 Na wie verwys Henning as hy die naam "Camilla" gebruik? (1) 3.14.2 Wat beteken hierdie aanhaling binne die konteks van die roman? (1) 3.15 Ryna het onthou dat Skalla 'n tatoeëermerk van 'n kreef op sy arm gehad het. Noem 'n feit uit die roman om te sê waarom hierdie stelling ONWAAR is. (1) 3.16 "Probeer asseblief onthou." (Reël 20) 3.16.1 Kies die KORREKTE antwoord uit dié tussen hakies. Met hierdie woorde het Ryna (die aanname gemaak dat Henning weet/probeer om Henning te manipuleer). (1) 3.16.2 Waarom is hierdie woorde van Ryna geloofwaardig binne die konteks van die roman? (1) 3.17 Waarom kan 'n mens verstaan dat Henning nie vir Ryna die antwoorde wou gee waarna sy soek nie? (1) 3.18 Kort nadat Janka geskiet is, het dit vir Ryna belangrik geword om die waarheid oor Skalla uit te vind. Waarom kan jy met Ryna se optrede identifiseer? (1) 3.19 Een van die lewenslesse in hierdie roman is dat dit nooit te laat is om jou foute te erken nie. Noem TWEE positiewe gevolge wat dit aan die einde van die roman vir Fred gehad het. (2) 3.20 Vreemdelinge kan soos familie vir mekaar word. Waarom pas hierdie tema by die slot van die roman? (1) [35] Kopiereg voorbehou Blaai om asseblief ### Page 19 Afrikaans Eerste Addisionele Taal/V2 19 DBE/November 2025 NSS Vertroulik VRAAG 4: LIEN SE LANKSTAANSKOENE – Derick van der Walt Lees die uittreksel hieronder deur en beantwoord die vrae wat daarop volg. TEKS G Van toe af ry sy elke keer saam, gewoonlik ongemaklik, maar dikwels dankbaar ná die lang dag. Dis donker toe sy die voordeur oopmaak. Dis nie gesluit nie. Braam lê reeds en slaap voor die televisie. Sy is honger, maar daar was nie tyd om iets by Pick n Pay te koop nie. Sy wonder wat hy geëet het. In die kombuis staan 'n glasbak met 'n berg vetkoeke, sien 5 sy dankbaar. Wat sou hulle sonder tannie Bets gedoen het? Sy maak vir haar koffie en val gulsig weg. Daar is kerriemaalvleis in die vetkoeke. Sy eet en vir die eerste keer die dag ontspan sy. Sy gaan haal haar geldsakkie uit die rooi sportsak in haar kamer en begin die dag se buit tel. Haar ma se deur is toe, sien sy dankbaar. Sy maak hopies met die verskillende munte op die eetblad in die kombuis. Daar is 10 altesaam R217,35. Dis die eerste keer dat sy meer as R200 'n middag gemaak het. Sy kan môre weer 'n paar rand gaan bank. Sy maak gewoonlik meer op 'n Saterdag, maar sy weet nie hoe lank sy nog Saterdae sal kan werk nie. Juffrou Breytenbach wil hê hulle moet nou Saterdae ook repeteer. Sy wil elke week kop uittrek, maar sy raak op 'n manier geheg aan Weird Maria. 15 ''Alles, alles niks. Too bad,'' sê Maria terwyl sy snuif. 4.1 VOLTOOI die volgende paragraaf feitelik korrek deur die ontbrekende woord(e) uit die roman neer te skryf. Skryf slegs die woord(e) langs die vraagnommers (4.1.1 tot 4.1.4) neer. Lien was baie besig. Omdat sy in graad (4.1.1) ... was, het sy baie skoolwerk gehad. Smiddae na skool het sy op haar (4.1.2) ... gaan bedel. In die aand het sy haar rol as Weird Maria vir die (4.1.3) ... geoefen. Nadat Lien een aand saam met (4.1.4) ... huis toe gery het, het dit gereeld gebeur. Lien het later daar gaan kuier. (4) 4.2 Wat het hierdie aand op die pawiljoen gebeur voordat Lien toneeloefening toe is? (1) 4.3 ''In die kombuis staan 'n glasbak met 'n berg vetkoeke, ...'' (Reël 5) 4.3.1 Kies die KORREKTE antwoord uit dié tussen hakies. Hierdie is 'n voorbeeld van 'n (metafoor/hiperbool). (1) 4.3.2 Wat beteken die vetgedrukte woorde binne die konteks van die uittreksel? (1) 4.4 Waarom het Lien geld gespaar? (1) 4.5 Lien was dankbaar toe sy sien haar ma se kamerdeur is toe. (Reël 9) Waarom kan jy hiermee identifiseer? (1) Kopiereg voorbehou Blaai om asseblief ### Page 20 Afrikaans Eerste Addisionele Taal/V2 20 DBE/November 2025 NSS Vertroulik 4.6 Kies die KORREKTE antwoord om die sin mee te voltooi. Skryf slegs die letter (A–D) langs die vraagnommer (4.6) neer. ''Sy wil elke week kop uittrek, maar … '' (Reël 14) Dit beteken dat Lien … A soms gevoel het sy wil nie langer deel van die toneel wees nie. B die woorde wat sy moes sê uit haar kop geleer het. C glad nie meer 'n pruik wou dra nie. D elke week 'n ander pruik wou dra. (1) 4.7 Waarom laat dit jou goed voel om te weet daar is iemand soos tannie Bets in Lien se lewe? (1) 4.8 Lien het dit al meer geniet om op die verhoog te wees. Gee TWEE voorbeelde van hoe Lien se deelname aan die toneelstuk haar lewe positief beïnvloed het. (2) 4.9 Hoe kry Lien dit reg om jou te laat voel dat sy eintlik eensaam is? (1) 4.10 Die dinge wat mense doen, het altyd gevolge. Kies die gevolg uit KOLOM B wat by die gebeure in KOLOM A pas. Skryf slegs die letter (A–E) langs die vraagnommers (4.10.1 tot 4.10.4) neer. KOLOM A KOLOM B 4.10.1 Kuifie het ernstig met A Lien kon reg voorberei om op straat Lien gesels. te bedel. 4.10.2 Sproet het Lien B Lien het op die harde manier geleer probeer verlei. dat reëls belangrik is. 4.10.3 Roos het vir Lien goeie C Lien het besef dat party mense raad gegee. verkeerde gedagtes het. 4.10.4 Lien het by tant Malie D Lien het haar pa in die tronk gaan se koffiewinkel gewerk. besoek. E Lien het meer tyd gehad om op haar skoolwerk te fokus. (4 x 1) (4) EN Kopiereg voorbehou Blaai om asseblief ### Page 21 Afrikaans Eerste Addisionele Taal/V2 21 DBE/November 2025 NSS Vertroulik Lees die uittreksel hieronder deur en beantwoord die vrae wat daarop volg. TEKS H ''Dis hoekom ek hier is. Hy wil weer hier kom bly, en hy wil weer kom werk.'' Die man kyk haar 'n rukkie snaaks aan. ''Is sy bene of arms of iets nie af nie? Hoe de duiwel wil hy werk?'' vra hy terwyl hy op sy horlosie kyk. ''Sy bene is af, maar hy kan nog baie doen.'' Lien besef sy sal haar storie gou moet 5 vertel. Dié man het nie tyd vir warra-warra nie. ''Hy gaan 'n karretjie hê wat hom sal help om oor die weg te kom. Hy sal maklik regkom. Hy werk in die week op 'n ander plek en kan vir die kamer betaal. Hy sal naweke die karre hier oppas, verniet. Hy vra net 'n dak oor sy kop. Hy sê hulle steel nogal karre hier. Veral naweke.'' Die man kyk haar nog steeds aan asof sy pas van Mars geland het. 10 ''Hoe de duiwel wil hy die karre oppas? Gaan hy die skelms met sy rystoel jaag?'' ''Dis nie 'n rystoel nie en ons gaan vir hom 'n fluitjie koop. As hy iets snaaks sien, gaan hy 'n hengse lawaai maak en die mense sal hom hoor.'' Lien weet dis nou of nooit. Hy sit die gehoorstuk terug op die mikkie. 15 ''Ek is jammer vir die ou, maar dis nie die Welsyn dié nie.'' 4.11 Skryf die VIER gebeure onder mekaar in die korrekte VOLGORDE neer soos wat dit in die roman gebeur. • Dirkie het gebel om uit te vind in watter hospitaal Tibbey was. • Lien het die jong dominee vir die eerste keer ontmoet. • Sproet het Lien na sy woonstel toe geneem. • Lien het haar verjaardag saam met vriende geniet. (4) 4.12 ''Hoe de duiwel wil hy werk?'' (Reël 3) 4.12.1 Na wie verwys ''hy''? (1) 4.12.2 Wat beteken hierdie aanhaling binne die konteks van die roman? (1) 4.13 Kies die KORREKTE antwoord om die sin mee te voltooi. Skryf slegs die letter (A–D) langs die vraagnommer (4.13) neer. ''Gaan hy die skelms met sy rystoel jaag?'' (Reël 11) Die toon in Meneer Van Biljon se woorde kan as ... beskryf word. A vrolik B hartseer C sarkasties D tevrede (1) 4.14 Wouter het vir Lien gehelp om hierdie karretjie (reël 6) te maak. Gee 'n feit uit die roman om te sê waarom hierdie stelling ONWAAR is. (1) Kopiereg voorbehou Blaai om asseblief ### Page 22 Afrikaans Eerste Addisionele Taal/V2 22 DBE/November 2025 NSS Vertroulik 4.15 ''..., maar dis nie die Welsyn dié nie.'' (Reël 16) 4.15.1 Kies die KORREKTE antwoord uit dié tussen hakies. Meneer Van Biljon ervaar innerlike konflik, want hy (stem saam met Lien/weet nie wat die regte ding is om te doen nie). (1) 4.15.2 Motiveer jou antwoord op VRAAG 4.15.1. (1) 4.16 Hou die hele uittreksel in gedagte. 4.16.1 Kies die KORREKTE antwoord uit dié tussen hakies. Lien probeer om Meneer Van Biljon te (manipuleer om welsynswerk in sy omgewing te doen/oorreed om Tibbey se situasie en goeie kwaliteite te verstaan). (1) 4.16.2 Waarom is Lien se optrede geloofwaardig binne die konteks van die roman? (1) 4.17 Wat was die direkte gevolg van Lien en Hein se samewerking vir hulle verhouding? (1) 4.18 Waarom kan 'n mens sê dat dit verkeerd van Roos was om Johnny van die entertainment corner af weg te hou? (1) 4.19 Een van die lewenslesse in hierdie roman is dat ware vriende mekaar ook in moeilike omstandighede ondersteun. Noem TWEE positiewe gevolge wat dit vir Tibbey gehad het. (2) 4.20 Een van die temas wat sterk in die roman na vore kom, is dat 'n mens op die positiewe dinge in die lewe moet fokus. Waarom pas hierdie tema by die slot van die roman? (1) [35] TOTAAL AFDELING A: 35 Kopiereg voorbehou Blaai om asseblief ### Page 23 Afrikaans Eerste Addisionele Taal/V2 23 DBE/November 2025 NSS Vertroulik AFDELING B: DRAMA Beantwoord slegs EEN vraag oor die drama wat jy bestudeer het. VRAAG 5: POPPIE – DIE DRAMA – Elsa Joubert en Sandra Kotzé Lees die uittreksel hieronder deur en beantwoord die vrae wat daarop volg. TEKS I MAMA. Maar sy het baie verlang en toe dit tyd word vir haar eerste bybie om gebore te word, toe wil sy huis toe gaan om haar bybie by haar mama te gaan kry. POPPIE. Ek het dadelik mos swanger geword. Ek was mos dom. Ek weet nie of ek bly was nie of nie, dit gebeur mos maar net. (Sy beweeg effens weg; staan dan stil.) MAMA. In die eerste winter, op vyf maande, het die kindjie gesterwe aan kinkhoes. 5 POPPIE. Ek weet nie wat dit daai jaar was nie, maar al die mense se klein kindertjies het afgesterwe. Ek kan nie sê dit was die swaar van die sinkhuise in die winter nie, want my ma het dan al haar bybies daar gekry en grootgemaak. Daai jaar was net 'n ander jaar, alle kinders het afgesterwe, bruin en swart. PLANK. Bonsile is 'n paar maande later gebore. Poppie het hom Bonsile genoem, wat 10 beteken, ons het iets gewys, iets het reggekom. Sy Engelse naam was Stanford … POPPIE. My klonkie! PLANK. … en as sy alleen by hom is of by Mama-goed het sy sommer gesê my klonkie. En as sy van haar man praat, het sy gesê tata-ka-Bonsile, wat beteken pa-van- Bonsile, uit respek. 15 STONE (plaas sy arm om haar skouers). Toe kom die ding dat hulle nou vir ons sê, ons moet nou gaan waarnatoe ons wil, … 5.1 Voltooi die volgende paragraaf feitelik korrek deur die ontbrekende woord(e) uit die drama neer te skryf. Skryf slegs die woord(e) langs die vraagnommers (5.1.1 tot 5.1.4) neer. Poppie se Ouma (5.1.1) … het ná haar man se dood (5.1.2) … toe getrek omdat sy haar kinders naby 'n kerk en skool wou hê. Mama Lena is later met Poppie se pa getroud, maar hy is weg oorlog toe. Hy was 'n (5.1.3) … in die Noorde. Poppie is gebore en haar naam was Ntombizodumo. Haar ma het ook vir haar twee Engelse name gegee. Haar name was (5.1.4) … en Regina. (4) 5.2 Waarom het Poppie ook vir Stone Bhuti-ka-nombi genoem? (1) 5.3 Waarom kan 'n mens sê dat Stone tevrede was ná hulle besoek aan Herschel? (1) 5.4 Poppie het saam met die vrouens op die lande in Herschel gewerk. Gee TWEE voorbeelde van hoe Herschel Poppie se lewe positief beïnvloed het. (2) Kopiereg voorbehou Blaai om asseblief ### Page 24 Afrikaans Eerste Addisionele Taal/V2 24 DBE/November 2025 NSS Vertroulik 5.5 ''Ek het dadelik mos swanger geword. Ek was mos dom.'' (Reël 3) 5.5.1 Kies die KORREKTE antwoord uit dié tussen hakies. Poppie het innerlike konflik ervaar, want sy (was onseker of dit die regte tyd was om 'n kind te hê/wou graag verder leer). (1) 5.5.2 Motiveer jou antwoord op VRAAG 5.5.1. (1) 5.6 Kies die KORREKTE antwoord om die sin mee te voltooi. Skryf slegs die letter (A–D) langs die vraagnommer (5.6) neer. ''Ek kan nie sê dit was die swaar van die sinkhuise in die winter nie, want my ma het dan al haar bybies daar gekry en grootgemaak.'' (Reël 7 en 8) Die toon in Poppie se stem kan as … beskryf word. A kwaad B onseker C tevrede D gelukkig (1) 5.7 ''Toe kom die ding dat hulle nou vir ons sê, ons moet nou gaan waarnatoe ons wil, ...'' (Reël 16 en 17) 5.7.1 Na wie verwys die ''ons''? (1) 5.7.2 Wat beteken hierdie aanhaling binne die konteks van die uittreksel? (1) 5.8 Waarom laat dit jou goed voel dat Poppie haar seun toe Bonsile genoem het? (1) 5.9 Die dinge wat mense doen, het altyd gevolge. Kies die gevolg uit KOLOM B wat by die gebeure in KOLOM A pas. Skryf slegs die letter (A–E) langs die vraagnommers (5.9.1 tot 5.9.4) neer. KOLOM A KOLOM B 5.9.1 Teen Kerstyd kon Poppie A Poppie se dogters het in Herschel nie weer haar pas gaan bly. verleng nie. B Vukile is deur 'n dwaalklip getref. 5.9.2 Stone het gesterf. C Jakkie moes vlug vir die polisie. 5.9.3 Die jongmense het hulleself die Comrades D Poppie en haar kinders moes begin noem. Mdantsane toe gaan. 5.9.4 Tweede Kersdag het die E Die oorlog teen die sjebeens het jongmense oorlog teen begin. die migrants gemaak. (4 x 1) (4) EN Kopiereg voorbehou Blaai om asseblief ### Page 25 Afrikaans Eerste Addisionele Taal/V2 25 DBE/November 2025 NSS Vertroulik Lees die uittreksel hieronder deur en beantwoord die vrae wat daarop volg. TEKS J POPPIE (met bitterheid). Dit gaan goed met almal. Almal het huise. En ons dan? Ek wat hier ver by die vreemde mense moet bly? Almal kom klaar sonder my. HOEDJIE. Maar tata-ka-Bonsile was tevrede met die huis en die mielies wat Poppie geplant het. Die kinders het goed gedoen in die skool, dis net Bonsile wat nog steeds sy eie pad geloop het, vir wie Poppie snags wakker gelê het, lê en wag het 5 dat hy moet inkom. PLANK. Ná twee weke is Stone weer huis toe. JAKKIE. Kort daarna het moeilikheid by Poppie se deur kom aanklop. Poppie sit op blik, skryf 'n brief aan tata-ka-Bonsile. Lees hardop. POPPIE. Op Saterdag het twee manne na ons huis gekom. Hulle sê: Iets het verkeerd 10 gegaan by ons plek en die spoor loop na jou huis toe. Die moeilikheid is met ons meisiekind. Aan die ander kant van die verhoog ontvang en lees Stone die brief. STONE. Hulle vra damage-geld, soveel soos jy kan stuur. Die meisie is 'n weeskind. Sy gaan saam met Bonsile skool, sy is saam met hom in st. 8. Die mense wat die 15 geld vra, sê hulle het haar grootgemaak en nou is sy pregnant deur hom. Bonsile het haar geleerdheid bederf. MOSIE. Tata-ka-Bonsile het veertig rand gestuur en die mense was tevrede. Maar daar het hierdie tyd 'n groot eensaamheid en verlange in Poppie se hart gekom. 5.10 Skryf die VIER gebeure onder mekaar in die korrekte VOLGORDE neer soos wat dit in die drama gebeur. • Poppie het inslaapwerk by die kwekery gekry. • Poppie het agt pond 'n maand by Mrs Scobie verdien. • Mrs Swanepoel het Poppie gehelp om haar pas reg te kry. • Poppie het by die garage gewerk en by die Union Kollege geleer. (4) 5.11 Wat het in Stone se lewe gebeur voordat Poppie weg is Ciskei toe? (1) 5.12 Kindjie en Fezi het na Stone se dood by Jakkie gaan bly. Gee 'n feit uit die drama om te sê waarom hierdie stelling ONWAAR is. (1) 5.13 ''Almal kom klaar sonder my.'' (Reël 2) Hoe kry Poppie dit reg om jou jammer vir haar te laat voel? (1) Kopiereg voorbehou Blaai om asseblief Text truncated here. Open the document page to read the rest. ## Related documents - [Afrikaans FAL P2 Nov 2021](https://www.hlayiso.com/library/afrikaans-fal-p2-nov-2021/da02e74c-b98c-4a0b-ad99-7fee322675fd) — Afrikaans FAL · QP · 2021 · Afr - [Afrikaans FAL P2 Nov 2020](https://www.hlayiso.com/library/afrikaans-fal-p2-nov-2020/f4a85505-bf3c-4d21-9f1a-4ba27be67400) — Afrikaans FAL · QP · 2020 · Afr - [Afrikaans FAL P2 Nov 2017](https://www.hlayiso.com/library/afrikaans-fal-p2-nov-2017/ee064d8b-979d-4573-8a64-e27394400145) — Afrikaans FAL · QP · 2017 · Afr - [Afrikaans FAL P2 Nov 2012](https://www.hlayiso.com/library/afrikaans-fal-p2-nov-2012/3f85c035-f152-4594-bcdc-51046b8337e8) — Afrikaans FAL · QP · 2012 · Afr - [Afrikaans FAL P2 Nov 2020 Memo](https://www.hlayiso.com/library/afrikaans-fal-p2-nov-2020-memo/89a7509b-2f93-4fbc-b439-e6a5eb70b0fc) — Afrikaans FAL · Memo · 2020 · Afr - [Afrikaans FAL P2 Nov 2014 Memo](https://www.hlayiso.com/library/afrikaans-fal-p2-nov-2014-memo/80433dff-8d61-41e3-98eb-a15aa34445eb) — Afrikaans FAL · Memo · 2014 · Afr ## More from Grade 12 Afrikaans FAL - [Afrikaans P1 (FAL) June 2025 Possible Answers](https://www.hlayiso.com/library/afrikaans-p1-fal-june-2025-possible-answers/548f1e49-d719-426b-b0e2-f6857ab2b360) — Memo · 2025 · Afr - [AFRIKAANS FAL P1 GR12 MEMO SEPT2024](https://www.hlayiso.com/library/afrikaans-fal-p1-gr12-memo-sept2024/393b8c2a-77f0-4192-b6cc-26bf3f7a1c38) — Memo · 2024 · Afr - [Afrikaans FAL P1 May-June 2024 MG](https://www.hlayiso.com/library/grade-12-afrikaans-fal-2024-nsc-june-exam-memorandum-paper-1-afrikaans/0233b506-d910-4714-b690-875fa6c49f90) — Memo · 2024 · Afr - [Afrikaans EAT V1 Memo](https://www.hlayiso.com/library/afrikaans-eat-v1-memo/b69c7bbe-bb12-439e-acfa-a77370a600bc) — Memo · 2023 · Afr - [AFRIKAANS FAL P2 GR12 QP SEPT2023 Final](https://www.hlayiso.com/library/afrikaans-fal-p2-gr12-qp-sept2023-final/66b739c3-ec90-43cb-af74-a6d4848432bc) — QP · 2023 · Afr - [AFRIKAANS FAL P3 QP GR12 SEPT 2023](https://www.hlayiso.com/library/afrikaans-fal-p3-qp-gr12-sept-2023/b49b9523-adfc-4fb4-87bf-f4de41182bb0) — QP · 2023 · Afr ## Collection - [Grade 12 past papers](https://www.hlayiso.com/grade-12/past-papers) --- Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.