# isiNdebele FAL Grade 12 Paper 1 NSC June 2024 Question Paper > Grade 12 isiNdebele FAL Paper 1 question paper from the NSC June Exam 2024, 14 pages. Read online or get the free PDF download, memo linked when available. - Page: https://www.hlayiso.com/library/grade-12-isindebele-fal-2024-nsc-june-exam-question-paper-paper-1-isindebele/26445a24-dc0a-4db8-a071-936f33f599aa - Updated: 2026-09-28 - Subject: isiNdebele FAL - Grade: Grade 12 - Language: Isindebele - Document type: Question paper - Year: 2024 - Exam period: NSC June Exam - Paper: 1 - Curriculum: CAPS - Pages: 14 Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiNdebele FAL](https://www.hlayiso.com/library/grade-12/isindebele-fal) › [isiNdebele FAL Grade 12 Paper 1 NSC June 2024 Question Paper](https://www.hlayiso.com/library/grade-12-isindebele-fal-2024-nsc-june-exam-question-paper-paper-1-isindebele/26445a24-dc0a-4db8-a071-936f33f599aa) ## About this document Isindebele Fal · Grade 12 · NSC June Exam · 2024 · isindebele. Question paper, 14 pages. Read online or download the PDF. Read it free online on the page above; download the PDF from there. ## Matching paper and memo - [IsiNdebele FAL P1 May-June 2024 MG](https://www.hlayiso.com/library/grade-12-isindebele-fal-2024-nsc-june-exam-memorandum-paper-1-isindebele/bba2cecd-5168-4a44-afce-96efb6f8518a) — Memo · 2024 · isiNdebele ## Document text Text extracted from the PDF. Layout, diagrams and tables may not survive extraction. ### Page 1 Confidential SENIOR CERTIFICATE EXAMINATIONS/ NATIONAL SENIOR CERTIFICATE EXAMINATIONS ISINDEBELE ILIMI LOKUTHOMA LOKWENGEZA (FAL) IPHEPHA LOKUTHOMA (P1) MRHAYILI/MGWENGWENI 2024 IMITLOMELO: 80 ISIKHATHI: Ama-iri ama-2 Iphepheli linamakhasi ali-14. Ilungelo lokukhuphela lifunjethwe Phendla ### Page 2 IsiNdebele ILimi LokuThoma LokweNgeza (FAL)/P1 2 DBE/Mrhayili/Mgwengweni 2024 SC/NSC Confidential YELELA 1. Iphepheli LINEENGABA EZINTATHU: ISIGABA A, B, no-C. ISIGABA A: Ukufunda nokuzwisisa (30) ISIGABA B: Ukurhunyeza (10) ISIGABA C: Izakhi nemithetjhwana yokusetjenziswa kwelimi (40) 2. Phendula YOKE imibuzo. 3. Thoma isigaba ESINYE NESINYE ekhasini ELITJHA. 4. Thalela ngemva kokuphendula imibuzo YESIGABA NGASINYE. 5. Nombora iimpendulo zakho njengobana zinonjorwe ephepheni lemibuzo. 6. Tjhiya umuda OWODWA ngemva kwaleyo naleyo pendulo. 7. Yelela kobana upeleda amagama ngendlela efaneleko bewutlole nemitjho ezwakalako. 8. Isikhathi esiphakanyisweko sokutlola ISIGABA NGASINYE: ISIGABA A: Pheze imizuzu ema-50 ISIGABA B: Pheze imizuzu ema-20 ISIGABA C: Pheze imizuzu ema-50 9. Tlola kuhle ngesandla esibonakalako. Ilungelo lokukhuphela lifunjethwe Phendla ### Page 3 IsiNdebele ILimi LokuThoma LokweNgeza (FAL)/P1 3 DBE/Mrhayili/Mgwengweni 2024 SC/NSC Confidential ISIGABA A: UKUFUNDA NOKUZWISISA UMBUZO 1 Phendula UMBUZO 1.1 kanye NOMBUZO 1.2. 1.1 Fundisisa itheksthi engenzasi uyizwisise bese uphendula imibuzo elandelako. ITHEKSTHI A IPUMELELO IYASETJENZELWA 1 Woke umuntu ufuna ukuzibona aphumelele entweni ayenzako. Ngamanye amagama woke umuntu ufuna ipumelelo epilwenakhe. UKendra Cherry ongusolwazi womkhumbulo ovela ehlanganweni ebizwa bona yi-Grow Your Success uthi, ipumelelo kufumana okufunako nofana yituthuko oyenzako ezokufikisa ebhudangweni 5 lakho. Ihlathululo kaKendra Cherry le isivezela bona ipumelelo ilikhambo elide (journey) begodu ifuna bona umuntu abe nekghono lokuqinisekisa bona uyafika kilokho ahlose ukukwenza ngepilwakhe. 2 Abantu bahlathulula ipumelelo ngeendlela ezihlukileko nokwenza 10 bona kube budisi ukwazi bonyana ngiyiphi ipengu yepumelelo. Nanyana kunjalo, kunemihlobo yabantu egcina iphumelela epilweni. Kunabantu abaphumelela ngokobana baye eenkolweni bakwazi ukufundela imisebenzi ebonakalako. Kube nabanye abasebenzisa amakghono wabo ukwakha amabhizinisi. Abanye 15 baphumelela ngamatalente nangamakghono abazibandakanya kiwo nabhadelako. Napa aboSiya Kolisi, aboSphiwe Tjhabalala nebamatalente aboZozibini Tunzi naboMakhadzi baphumelele epilweni. Kube nalabo abazenzela imisebenzi yezandla. 3 Yeke-ke woke umuntu kufanele azi bona ngikuphi 20 angakusebenzisa ukufeza amabhudangwakhe. Ekufanele sizibuze khona sibabantu abatjha kukobana ngikuphi okwenziwa babantu abaphumelelako thina esingakwenziko? Abosolwazi baveza bona manengana amaqhinga angenza bona umuntu aphumelele epilweni. Ukudzimelela ebhudangweni lakho, ukuba nomkhumbulo 25 obukhali nokuba nekghono lokujamelana nobudisi obuvelako epilweni kuyipengu yepumelelo. 4 UPatrice Motsepe obalwa neenjinga namhlanje wabekezelela ukuthengisa esitodlwaneni sakayise, lokho kwangezelela ikghono lakhe lokuba ngusomabhizinisi. Umkhumbulwakhe obukhali 30 umfake emikhakheni ehlukahlukeneko yepumelelo. Hlangana nokhunye okuvezwako kukobana umuntu ofuna ukuphumelela kufanele kube mumuntu okwazi ukuhlela izinto zakhe. Ilungelo lokukhuphela lifunjethwe Phendla ### Page 4 IsiNdebele ILimi LokuThoma LokweNgeza (FAL)/P1 4 DBE/Mrhayili/Mgwengweni 2024 SC/NSC Confidential 5 Nawulandelela ipilo yabantu abaphumeleleko njengabavumi bathoma basese bancani ukuvuma, bakhuphuke babe bosaziwako. 35 Imali nasele ingena ngamandla kuvela tjhatjhalazi bona kukhona abangakwenziko ukuze bahlale esiqongolweni sepumelelo. Ekugcineni ufunyana umuntu sele atlhaga. 6 Zinengi iindlela ongazisebenzisa ukuze uphumelele epilweni kodwana iqhinga elingakusebenzela liya ngokobana ipumelelo itjho 40 ukuthini kuwe. Nawucabanga bona ipumelelo kulokha nawusebenza kuhle bewurhole nomrholo ophezulu, ukuzikhandla kwakho ngomsebenzakho kuzokukhamba phambili. Khumbula bona nangabe ukuzikhandla ngikho okukhamba phambili ufanele wazi bona kunezinye izinto eziqakatheke khulu ezingathikamezeka 45 nofana ezizokusalela emva. 7 Ukusalela emuva kezinye izinto nakho kuyayithikameza ipumelelo yomuntu. Ugcina ubona kwanga alikho iragelo phambili nofana liza buthaka khulu. Omunye umuntu ugcina ahlangahlangana bekalahlekelwe zizinto eziqakathekileko epilwenakhe. Khumbula 50 bona umzimba ophilileko ngiwo osizako lokha umuntu nakafuna ukwenza kuhle epilwenakhe. Umzimba womuntu ofuna ipumelelo kufanele uhlale uphilile ngaso soke isikhathi ukuze ukghone ukusebenza. 8 Ikghono lokuhlela izinto nalo liyafuneka. Nasiyelela ikghono 55 lokuhlela izinto zakho sisuka sikhuluma ngekghono lokwenza irhelo lalokho ofuna ukukwenza. Irhelweli ulenza ngendlela yokobana utlole bona khuyini okufanele ukwenze qobe lilanga nekuzokudosela bona ufike emnqophenakho omkhulu. Kufanele ube nehlelo lelanga lapha uveza khona izinto ekufanele uzenze 60 mhlokho. 9 Irhubhululo elivezwa bosolwazi abanengi lithi abantu abaphumelelako babantu abayijamelako into ebayifunako. Babantu abathi nabafuna nofana banebhudango elithileko bajame kilo bebasebenzele kilo kwaphela. Kungebangelo abantu abatlhagako 65 bagcina baphumelele kunalaba abaziinjinga. Ngamanye amagama abosolwazi bathi nawufuna ukuphumelela ufanele udzimelele entweni oyifunako bewuyisebenze ngokuyikatelela bona igcine iphumelele. UMengameli wangaphambilini uNelson Rolihlahla Mandela usibonelo esihle ephasini mazombe nowakhombisa bona 70 uyadzimelela entweni oyifunako. 10 Pheze woke umuntu uyazi bona ipumelelo akusiyinto eza lula emuntwini. Okutjho bona iyasetjenzelwa nanyana iba budisi esikhathini esinengi nje. Yeke-ke kufanele umuntu ancame bekabe nekghono lokujamelana nobudisi obungaba khona endlelenakhe 75 yepumelelo. Ukujamelana nobudisi akusiyinto elula. Kufuna bona umuntu abe nesibindi sokuqinisekisa bona uqinelele kilokho akufunako. 2024 Ilungelo lokukhuphela lifunjethwe Phendla ### Page 5 IsiNdebele ILimi LokuThoma LokweNgeza (FAL)/P1 5 DBE/Mrhayili/Mgwengweni 2024 SC/NSC Confidential 11 Okhunye okuqakatheke khulu kukwazi bona indlela eya epumelelweni ibudisi begodu ayigijimeki lula. Nanyana kunjalo 80 kufanele sazi bona amabhudango ayafezeka. Nawe lakho lingafezeka. [Ithethwe ku-inthanethi yatjhugululelwa eLimini lesiNdebele] 1.1.1 Tlola ibizo lakasolwazi ovezwe esigabeni soku-1 ohlathulula indaba yepumelelo. (1) 1.1.2 Ngokutjho kwesigaba soku-1 setheksthi engehla kuthiwa usolwazi lo ubuya kiyiphi ihlangano? (1) 1.1.3 Tlola bona yini ipumelelo ngokuya ngokwehlathulula kwasolwazi ovezwe esigabeni soku-1. (2) 1.1.4 Tlola imihlobo EMIBILI yabantu ekuthiwa iyaphumelela evezwe etheksthini engehla. (2) 1.1.5 Ngokurhunyezweko tlola amaqhinga angenza bona uphumelele ukuya ngesigaba sesi-3. Ipendulwako ayibe maphuzu AMABILI. (2) 1.1.6 Veza okuhlukileko phakathi kwetalente lakaSimphiwe Tshabalala nelakaMakhadzi. (2) 1.1.7 Ucabanga bona ngiziphi izinto ezingasalela emuva lokha umuntu nakazikhandla khulu emsebenzinakhe wokuphumelela? Ipendulwakho ayibe maphuzu AMABILI. (2) 1.1.8 Hlathulula isizathu esenza bona abantu ababosaziwako basebenze budisi kodwana ipumelelo yabo igcine iphelele emoyeni. Ipendulwakho ayibe liphuzu ELILODWA. (1) 1.1.9 Esikhathini esinengi kubonakala abentwana ababuya emindenini etlhagako baphumelela ukudlula labo ababuya emindenini enjingileko. Hlathulula unobangela walokho ngephuzu ELILODWA. (1) 1.1.10 Umzimbakho nawungawutjhejiko, ucabanga bona ungayithinta njani ipumelelo yebhudango lakho? Ipendulwakho ayibe liphuzu ELILODWA. (2) 1.1.11 Ucabanga bona yini engenza bona nanyana unalo ihlelo olenzileko bonyana uzokufikelela njani epumelelweni kodwana ubhalelwe kuphumelela? Ipendulwakho ayibe liphuzu ELILODWA. (2) 1.1.12 Phendula ngoLIQINISO nofana AKUSILO IQINISO bese usekela isiqunto osithathako ngephuzu ELILODWA. UMengameli wangaphambilini uNelson Rolihlahla Mandela usibonelo esihle ephasini mazombe wakhombisa bona uyadzimelela entweni oyifunako. (2) Ilungelo lokukhuphela lifunjethwe Phendla ### Page 6 IsiNdebele ILimi LokuThoma LokweNgeza (FAL)/P1 6 DBE/Mrhayili/Mgwengweni 2024 SC/NSC Confidential 1.1.13 Ngokubona kwakho ucabanga bona ifundo etholakala eenkolweni ibasiza ngokwaneleko nofana ayibasizi ngokwaneleko abantu abatjha ekuphumeleliseni amabhudangwabo. Ipendulwakho ayibe liphuzu ELILODWA. (2) 1.1.14 Nange ungutitjhere ungabayelelisa uthini abentwana obafundisako ababonakala bangasithandi isikolo. Ipendulwakho ayibe liphuzu ELILODWA. (2) 1.2 Qalisisa isithombe esingenzasi bese uphendula imibuzo elandelako. ITHEKSTHI B [Sithethwe ku-www.images.com] 1.2.1 Tlola OKUKODWA okubona kusenzeka esithombeni esingehla. (1) 1.2.2 Khetha ipendulo enembako kilezi ezilandelako. Abantwaba abasesithombeni bahlezi phezu … A kwesofa. B kombhede. C kwesitulo. D komada. (1) 1.2.3 Ucabanga bona ngimaphi amakghono AMABILI alethwa sisenzo sabentwanaba ekusaseni labo. (2) 1.2.4 Ingabe isenzo sabantu abadala abavezwe esithombeni esingehla sisitjelani ngabo? Ipendulwakho ayibe liphuzu ELILODWA. (2) IMITLOMELO YESIGABA A: 30 Ilungelo lokukhuphela lifunjethwe Phendla ### Page 7 IsiNdebele ILimi LokuThoma LokweNgeza (FAL)/P1 7 DBE/Mrhayili/Mgwengweni 2024 SC/NSC Confidential ISIGABA B: UKURHUNYEZA UMBUZO 2 Fundisisa itheksthi engenzasi uyizwisise bese uyirhunyeza ngamaphuzu ali-7 amayelana neendlela ababelethi abangasekela ngazo abentwababo nabafunda igreyidi letjhumi nambili. IMIYALO: 1. Amagama angadluli kwama-60. 2. Nombora imitjhwakho kusukela kewoku-1 bekufike kewe-7. 3. Umutjho NGAMUNYE owutlolako awube nomqondo OWODWA opheleleko. 4. Tlola ngelimi elitsengileko ngombana uzokwabelwa imitlomelo emi-3. 5. Sebenzisa amagamakho ngendlela ongakghona ngayo ungabuyeleli utlole okusesirhunyezweni. 6. Tlola inani lamagama owasebenzisileko ekupheleni kwesirhunyezo sakho. ITHEKSTHI C IINDLELA ABABELETHI ABANGASEKELA NGAZO ABENTWABABO NABAFUNDA IGREYIDI LETJHUMI NAMBILI ESewula Afrika umuntu akasililitho nakangakafiki egreyidini letjhumi nambili. Umfundi ofunda igreyidi letjhumi nambili uba negandeleleko ukudlula kamanye amagreyidi awafundileko. Ulala benyoni ngombana uba nemisebenzi eminengi yesikolo kanti ufunda nangepelaveke. Umfundi okilobu bujamo isekelo ulitlhoga khulu ebabelethini nemndenini wakhe. Ababelethi kufanele bamuphe isikhathi sokwenza imisebenzi yesikolo ngantambama. Indaba yokupheka nokuthanyela ngantambama kufanele ibekelwe ngeqadi. Abentwana abafunda igreyidi letjhumi nambili bambatha iyunifomu ehlukileko eenkolweni. Ababelethi ababathengele iyunifomu le, ivuselela ukuzithemba kwabo njengombana kumgijimo wokugcina esikolweni. Kunelwazi elinengi elifunyanwa kumawebhsayidi, ku-inthanethi, emaphepheni weminyaka egadungileko neencwadini ezimihlahlandlela ezihlathulula ngcono iimfundo ngokuhlukahlukana. Ilwazi lakhona ukghona ukulifikelela kwaphela nawunama-data. Ababelethi abaqinisekise bona bayabathengela abentwababo ama-data. Iinkolo nofana umNyango wezeFundo uyabasusa emakhaya abafundi, ubabuthelele kuma-Camps bafundiswe botitjhere nabosolwazi abahlukahlukeneko. Ama-Camps la atlhoga imali nakazakuraga kuhle. Ababelethi abakhuphe imali babhadelele abentwababo baye kuma-Camps. Abafundaba bavuka nebusuku sekulelwe. Ababelethi kufanele balale bavule ilihlo linye basize abentwababo ukuvuka khulukhulu ngeenkhathi zokutlola iinhlahlubo. Iinkundla zokuthintana zidla isikhathi sokufunda. Nawumbelethi ufanele umgade umntwanakho bona akaditjhi khulu eenkundleni zokuthintana. Umntwana nakangakghoniko ukuhlukana nomaliledininakhe akamnikele umbelethakhe ngantambama. Umbelethi akasize umntwanakhe ukwenza ihlelo leenkhathi zokufunda. Akakatelelwe bona alilandele ihlelwelo. Ilungelo lokukhuphela lifunjethwe Phendla ### Page 8 IsiNdebele ILimi LokuThoma LokweNgeza (FAL)/P1 8 DBE/Mrhayili/Mgwengweni 2024 SC/NSC Confidential UZig Ziglar uthi; 'Ipumelelo yenzeka ithuba nalihlanganiswa nokuzilungiselela.' Umfundi ophumelelako ngozinikela ithuba lokuzilungiselela khulukhulu ngeenkhathi zeenhlahlubo. Ngeenkhathi lezi umntwana nakunesifundo esimtlhagisako, ababelethi kufanele bamfunele utitjhere wangeqadi amhlathululele lokho angakuzwisisiko. Ifundo nanamhlanje isese silodlhelo sepumelelo ngombana nawunganaso isitifikedi segreyidi letjhumi nambili kuba ngathi azange khewulibhade inyawo lakho esikolweni. [Ithethwe ku-inthanethi yatjhugululelwa eLimini lesiNdebele] IMITLOMELO YESIGABA B: 10 Ilungelo lokukhuphela lifunjethwe Phendla ### Page 9 IsiNdebele ILimi LokuThoma LokweNgeza (FAL)/P1 9 DBE/Mrhayili/Mgwengweni 2024 SC/NSC Confidential ISIGABA C: IZAKHI NEMITHETJHWANA YOKUSETJENZISWA KWELIMI UMBUZO 3: UKURHUMUTJHA ISIKHANGISO Qalisisa isikhangiso esingenzasi bese uphendula imibuzo elandelako. ITHEKSTHI D UYAFUNA UKULALA BESANA UBUTHONGO BEWUBE NAMABHUDANGO AMNANDI? Gijimela kwaHlalakuhle uzifumanele umbhede omtofotofo. Ungadiselwa ziinyawo, isitoko sijame ngalendlela ama-Queen wemibhede ali-10, ama-Double wemibhede ali-10 nama-Single wemibhede mahlanu. - Isaphulelo usifumana nawuthenge imibhede emibili. - Asidilivi kufanele uzozithathela okuthengileko. - Nawuthenga ngesikolodo kufanele ukube urhola iinkulungwana ezili-10 zamaranda nokuya phezulu. [Sithethwe ku-www.images.com] 3.1 Buyelela utlole umutjho ongenzasi kodwana ube sesikhathini sanje. Asidilivi kufanele uzozithathela okuthengileko. (1) 3.2 Hlathulula bona kubayini umtloli wesikhangiswesi atlola amagama asesikhangisweni ngeendlela ezilandelako: (a) Ngamagabhadlhela. (b) Ngamagama amancani. (c) Butjhigama. (3) Ilungelo lokukhuphela lifunjethwe Phendla ### Page 10 IsiNdebele ILimi LokuThoma LokweNgeza (FAL)/P1 10 DBE/Mrhayili/Mgwengweni 2024 SC/NSC Confidential 3.3 Buyelela utlole umutjho ongenzasi ukhombise ubunye. Isaphulelo usifumana nawuthenge imibhede emibili. (1) 3.4 Dzubhula umutjho onomqondo welimi lokudlelezela esikhangisweni esingehla. (1) 3.5 Khetha ipendulo enembako kilezi ezilandelako. Amagama athi, 'ungadiselwa ziinyawo' ahlathulula bona … A Iinyawo zakho ziphakamise. B Yiza ngeenyawo. C Gijima nawuza esitolo. D Ungafiki ngemva kwesikhathi ufumane izinto sele ziphelile. (2) 3.6 Ngokucabanga kwakho ingabe umtlami wesikhangiswesi uphumelele nofana akakaphumeleli ukusebenzisa amaqhinga wokukhangisa? Sekela isiqunto osithathako ngamaphuzu AMABILI. (2) [10] Ilungelo lokukhuphela lifunjethwe Phendla ### Page 11 IsiNdebele ILimi LokuThoma LokweNgeza (FAL)/P1 11 DBE/Mrhayili/Mgwengweni 2024 SC/NSC Confidential UMBUZO 4: UKURHUMUTJHA IKHATHUNI Qalisisa ikhathuni engenzasi bese uphendula imibuzo elandelako. ITHEKSTHI E [Sithethwe ku-www.images.com] 4.1 Tlola bona abantwaba abasekhathunini engehla bayikuphi indawo. (1) 4.2 Tlola into EYODWA efakazela ipendulo oyitlole ku-4.1 ngehla. (1) 4.3 Veza ubudlelwano babantwaba ngokweenkhundla zabo. (2) 4.4 Khetha ipendulo enembako kilezi ezilandelako: Ikulumo kababa lo ethi, 'saziphandla' ihlathulula bona … A benza iphoso ngokumqatjha. B benza kuhle ngokumqatjha. C bayazisola ngokumqatjha. D A no C. (2) 4.5 Hlathulula umqondo omunyethwe yikulumo kababa lo ethi, 'Isiquntwesi kusafanele sibuyekezwe'. (2) 4.6 Tshwaya ngokungakhambelani kwekulumo kamma lo nommongondaba wekhathuni le. Ipendulwakho ayibe liphuzu ELILODWA. (2) [10] Ilungelo lokukhuphela lifunjethwe Phendla ### Page 12 IsiNdebele ILimi LokuThoma LokweNgeza (FAL)/P1 12 DBE/Mrhayili/Mgwengweni 2024 SC/NSC Confidential UMBUZO 5: IPHROZI Fundisisa itheksthi engenzasi uyizwisise bese uphendula imibuzo elandelako. 5.1 ITHEKSTHI F Ukufunda igreyidi le-12 akusiyisango! Kuphela nya ukwehla wenyuke nabangani ube yikomo enganamelusi ngombana akudlalwa la. Umsebenzi omnengi wenziwa mfundi. Yincani indima edlalwa ngutitjhere ngombana kwakhe kusekela kwaphela. NakuKanabo kunjalo. Isikhatjhana asitholako uhlala phezu kweencwadi, nalokha ayokuvakatjha kuba ngisweso nekuyinto 5 angakhange ayibhudange ngaphambilini. Umfundi uzila angakafelwa. Ulayelisa ubumnandi anamathele eencwadini. Umbhede nawo uyazilwa ngombana ayikho ikomo yobuthongo. Ababelethi nabo bayasekela ngombana basazi bona ikunzi isematholeni. Kwamambala boke abazidelako ababuyi bamkhonoze. Bayavuna, ithabo kube lithabo bebathole ukwamukelwa 10 neemfundalize emazikweni aphakemeko wezefundo. Abavela emindenini edobha phasi uRhulumende ubasekela ngemalimboleko i-NSFAS nomfundalize i-Funza Lushaka. Boke abakubonako ukuqakatheka kwefundo sibathulela ingwani. 5.1.1 Buyelela utlole umutjho ongenzasi uveze ukuvuma. Akudlalwa la. (1) 5.1.2 Buyelela utlole umutjho ongenzasi bese unciphisa igama elithalelweko kiwo. Umbhede nawo uyazilwa ngombana ayikho ikomo yobuthongo. (1) 5.1.3 Tlola umhlobo webizo elitholakala ebizweni elithalelweko emutjhweni ongenzasi. NakuKanabo kunjalo. (1) 5.1.4 Buyelela utlole umutjho ongenzasi uveze ubunengi. Umfundi uzila angakafelwa. (2) 5.1.5 Tlola igama elinomqondofana naleli elithalelweko. Ulayelisa ubumnandi anamathele eencwadini. (1) Ilungelo lokukhuphela lifunjethwe Phendla ### Page 13 IsiNdebele ILimi LokuThoma LokweNgeza (FAL)/P1 13 DBE/Mrhayili/Mgwengweni 2024 SC/NSC Confidential 5.1.6 Tlola bona igama elithalelweko emutjhweni ongenzasi lakhiwe ngaziphi iinkhekhe zekulumo ngokukhetha ipendulo enembako kilezi ezilandelako. Abavele emndenini edobha phasi uRhulumende naye uthi ngila ngokubasekela ngemalimboleko. A Ngebizo nebizo. B Ngebizo nenani. C Ngebizo nesenzo. D Ngebizo nesiphawulo. (2) 5.1.7 Buyelela utlole umutjho ongenzasi bese kuthi esikhundleni samagama athalelweko ujamiselele ngehlathululo yawo. (a) Boke abakubonako ukuqakatheka kwefundo sibathulela ingwani. (1) (b) Kwamambala boke abazidelako ababuyi bamkhonoze. (1) 5.1.8 Tjhugulula igama elithalelweko emutjhweni ongenzasi libe libizonto bese ulisebenzisa emutjhweni ozakhele wona kuvele ihlathululo ehlukileko kile esetheksthini. Isikhatjhana asitholako uhlala phezu kweencwadi nalokha ayokuvakatjha kuba ngisweso nekuyinto angakhange ayibhudange ngaphambilini. (2) 5.1.9 Thatha isaga esitholakala etheksthini engehla usisebenzise emutjhweni ozakhele wona kuvele bona uyayazi ihlathululwaso. (2) Ilungelo lokukhuphela lifunjethwe Phendla ### Page 14 IsiNdebele ILimi LokuThoma LokweNgeza (FAL)/P1 14 DBE/Mrhayili/Mgwengweni 2024 SC/NSC Confidential 5.2 Qalisisa isithombe esingenzasi bese uphendula imibuzo elandelako. ITHEKSTHI G Ubuhle bemvelo bukhamba bodwa bufakazela ithabo elibakhona emnyanyeni wokuhlanganisa imindeni nokukhula kobuhlobo. [Sithethwe ku-www.images.com] 5.2.1 Tlola umhlobo wesabizwana othalelweko emutjhweni ongenzasi. Ubuhle bemvelo bukhamba bodwa. (1) 5.2.2 Buyelela utlole umutjho ongenzasi bese ukhulisa igama elithalelweko. Ithabo libakhona emnyanyeni wokuhlanganisa imindeni. (1) 5.2.3 Sebenzisa isihlanganiso esifaneleko ukuhlanganisa imitjho elandelako: Imvelo yihle. Imvelo iyakarisa. (1) 5.2.4 Buyelela utlole umutjho ongenzasi kodwana uthome ngegama elithalelweko. Iinthandani zithanda imvelo. (1) 5.2.5 Buyelela utlole ikulumo engenzasi ibe yikulumo enqophileko. Umfundisi uthe yena ufuna umakoti ohlonipha indodana yakhe. (2) [20] IMITLOMELO YESIGABA C: 40 INANI LOKE: 80 Ilungelo lokukhuphela lifunjethwe ## Related documents - [IsiNdebele FAL P1 May June 2018](https://www.hlayiso.com/library/isindebele-fal-p1-may-june-2018/fee0d391-7872-4b8b-b919-b581b1dd9850) — isiNdebele FAL · QP · 2018 · isiNdebele - [IsiNdebele FAL P1 May June 2017](https://www.hlayiso.com/library/isindebele-fal-p1-may-june-2017/5e4bc540-a49b-46cb-982b-0ccda6327037) — isiNdebele FAL · QP · 2017 · isiNdebele - [IsiNdebele FAL P1 May June 2016](https://www.hlayiso.com/library/isindebele-fal-p1-may-june-2016/7f8c50b0-ec33-45d0-a312-8e92c85c6b8b) — isiNdebele FAL · QP · 2016 · isiNdebele - [IsiNdebele FAL P1 June July 2015](https://www.hlayiso.com/library/isindebele-fal-p1-june-july-2015/06ccc753-f6dc-4736-bbf9-86d098a6c817) — isiNdebele FAL · QP · 2015 · isiNdebele - [IsiNdebele FAL P2 May-June 2024 MG](https://www.hlayiso.com/library/grade-12-isindebele-fal-2024-nsc-june-exam-memorandum-paper-2-isindebele/8733b692-e617-4727-a8a5-5d714191c31c) — isiNdebele FAL · Memo · 2024 · isiNdebele - [IsiNdebele FAL P3 May-June 2024 MG.doc](https://www.hlayiso.com/library/grade-12-isindebele-fal-2024-nsc-june-exam-memorandum-paper-3-isindebele/494db809-d93e-4cf2-a023-584707947303) — isiNdebele FAL · Memo · 2024 · isiNdebele ## More from Grade 12 isiNdebele FAL - [Gr 12 IsiNdebele FAL ATP 2023-24](https://www.hlayiso.com/library/gr-12-isindebele-fal-atp-2023-24/71a8c260-2b39-4030-8608-ce5fdc966166) — ATP - [IsiNdebele FAL P1 Nov 2024 MG](https://www.hlayiso.com/library/isindebele-fal-p1-nov-2024-mg/4ee98a3e-d3e9-4bb7-affd-bef5d7af011c) — Memo · 2024 · isiNdebele - [IsiNdebele FAL P2 Nov 2024 MG](https://www.hlayiso.com/library/isindebele-fal-p2-nov-2024-mg/fe3ac4b2-fc22-45e3-a837-b03289a12e3c) — Memo · 2024 · isiNdebele - [IsiNdebele FAL P3 Nov 2024 MG](https://www.hlayiso.com/library/isindebele-fal-p3-nov-2024-mg/6d0eb0e9-bc51-4fa5-a18d-10839ecb95f2) — Memo · 2024 · isiNdebele - [IsiNdebele FAL P1 May-June 2023 MG](https://www.hlayiso.com/library/isindebele-fal-p1-may-june-2023-mg-2/aedd4cfa-149c-434c-897c-70798461c376) — Memo · 2023 · isiNdebele - [IsiNdebele FAL P2 May-June 2023 MG](https://www.hlayiso.com/library/isindebele-fal-p2-may-june-2023-mg/5d683de8-810a-4f65-bb67-d7d2d9efbe10) — Memo · 2023 · isiNdebele ## Collection - [Grade 12 past papers](https://www.hlayiso.com/grade-12/past-papers) --- Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.