# isiNdebele FAL Grade 12 P2 NSC November 2023 Question Paper

> Grade 12 isiNdebele FAL Paper 2 question paper from the NSC November Exam 2023, 18 pages. Read online or get the free PDF download, memo linked when available.

- Page: https://www.hlayiso.com/library/isindebele-fal-p2-nov-2023/54c4c3be-68b4-4495-beef-154648e2ff76
- Updated: 2026-09-27
- Subject: isiNdebele FAL
- Grade: Grade 12
- Language: Isindebele
- Document type: Question paper
- Year: 2023
- Exam period: NSC November Exam
- Paper: 2
- Curriculum: CAPS
- Pages: 18

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiNdebele FAL](https://www.hlayiso.com/library/grade-12/isindebele-fal) › [isiNdebele FAL Grade 12 P2 NSC November 2023 Question Paper](https://www.hlayiso.com/library/isindebele-fal-p2-nov-2023/54c4c3be-68b4-4495-beef-154648e2ff76)

## About this document

Isindebele Fal · Grade 12 · NSC November Exam · 2023 · isindebele. Question paper, 18 pages. Read online or download the PDF.

Read it free online on the page above; download the PDF from there.

## Matching paper and memo

- [IsiNdebele FAL P2 Nov 2023 MG](https://www.hlayiso.com/library/isindebele-fal-p2-nov-2023-mg/d30717fb-dd40-4d32-91b5-9f195f2da741) — Memo · 2023 · isiNdebele

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                          GRAAD 12

                                         NATIONAL
                                    SENIOR CERTIFICATE

                                         IGREYIDI 12

              ISINDEBELE ILIMI LOKUTHOMA LOKWENGEZA (FAL)

                                     IPHEPHA LESIBILI (P2)

                                          NOVEMBA 2023

IMITLOMELO: 70

ISIKHATHI: Ama-iri ama-2½

                                    Iphepheli linamakhasi ali-18.

Ilungelo lokukhuphela lifunjethwe                                   Phendla

### Page 2

Downloaded from hlayiso.com
IsiNdebele ILimi LokuThoma LokweNgeza (FAL)/P2       2                      DBE/Novemba 2023
                                                    NSC

YELELA

1.        Funda imilayelo ngokuyelela ngaphambi kobana uphendule imibuzo.

2.        Ungalingi ufunde iphepha lemibuzo loke. Qala ikhasi lokumunyethweko
          elisekhasini elilandelako bese utshwaya iinomboro zemibuzo ebuzweko
          ngeencwadi ozifundileko kilomnyaka. Ngemuva kwalapho, funda imibuzo le
          bese ukhetha leyo ofisa ukuyiphendula.

3.        Iphepheli LINEENGABA EZINE:

          ISIGABA A:        Inovela                 (35)
          ISIGABA B:        Umdlalo                 (35)
          ISIGABA C:        Iindaba ezifitjhani     (35)
          ISIGABA D:        Iinkondlo               (35)

4.        Khetha IINGABA EZIMBILI uphendule ngazo.

          ISIGABA A: INOVELA
          Phendula imibuzo yenovela oyifundileko.

          ISIGABA B: UMDLALO
          Phendula imibuzo yomdlalo owufundileko.

          ISIGABA C: IINDABA EZIFITJHANI
          Phendula imibuzo ngeendatjana ZOMBILI.

          ISIGABA D: IINKONDLO
          Phendula imibuzo ngeenkondlo ZOMBILI.

5.        Sebenzisa irhelo lokuhlola ukuqinisekisa bona yoke imibuzo uyiphendulile.

6.        Landela imiyalo onikelwe           yona    ekuthomeni   kwaleso   naleso   sigaba
          ngokuyelela okukhulu.

7.        Nombora iimpendulo zakho ngendlela ezinonjorwe ngayo ephepheni
          lemibuzo.

8.        Thoma isigaba ESINYE NESINYE ekhasini ELITJHA.

9.        Isikhathi esiphakanyisweko sokuphendula isigaba ngasinye:

          ISIGABA A:        Pheze imizuzu ema-75
          ISIGABA B:        Pheze imizuzu ema-75
          ISIGABA C:        Pheze imizuzu ema-75
          ISIGABA D:        Pheze imizuzu ema-75

10.       Tlola ngesandla esihle nesibonakalako.

Ilungelo lokukhuphela lifunjethwe                                                     Phendla

### Page 3

Downloaded from hlayiso.com
IsiNdebele ILimi LokuThoma LokweNgeza (FAL)/P2    3                 DBE/Novemba 2023
                                                 NSC

IKHASI LETHEYIBULA LOKUMUNYETHWEKO:

Ikhaseli lizokusiza abafundi bona bakghone ukukhetha imibuzo ebafisa ukuyiphendula
ngaphandle kokufunda loke iphepha lemibuzo.

ISIGABA A: INOVELA

Phendula YOKE imibuzo.
    INOMBORO YOMBUZO                        IMITLOMELO         INOMBORO YEKHASI
1.1 UBonakele                                    18                   5

1.2 UBonakele                                     17                      6

ISIGABA B: UMDLALO

Phendula YOKE imibuzo.
2.1 Umngani                                       17                      8

2.2 Umngani                                       18                     10

ISIGABA C: IINDABA EZIFITJHANI

Phendula YOKE imibuzo.
3.1. 'Ngakhe ngaziphandla'                        18                     12

3.2 'Sife sepoto'                                 17                     13

ISIGABA D: IINKONDLO

Phendula YOKE imibuzo.
4.1. 'Ikhambo lamaswaphelo'                       17                     15

4.2. 'Abe munye umlingani'                        18                     17

Ilungelo lokukhuphela lifunjethwe                                             Phendla

### Page 4

Downloaded from hlayiso.com
IsiNdebele ILimi LokuThoma LokweNgeza (FAL)/P2    4                   DBE/Novemba 2023
                                                 NSC

IRHELO LOKUQINISEKISA

Tlola itshwayo (√) erhelweni lokuqinisekisa elilandelako ukuhlola bona uphendule yoke
imibuzo elindelekileko.

    ISIGABA               IINOMBORO          INANI LEMIBUZO          ITSHWAYO
                           ZEMIBUZO         EZOKUPHENDULWA               (√)
ISIGABA A:

UMBUZO 1.1                1.1.1–1.1.11                 2
UMBUZO 1.2                1.2.1–1.2.11
ISIGABA B:

UMBUZO 2.1                2.1.1–2.1.10                 2
UMBUZO 2.2                2.2.1–2.2.10
ISIGABA C:

UMBUZO 3.1                3.1.1–3.1.10                 2
UMBUZO 3.2                3.2.1–3.2.11
ISIGABA D:

UMBUZO 4.1                4.1.1–4.1.10                 2
UMBUZO 4.2                4.2.1–4.2.10

Ilungelo lokukhuphela lifunjethwe                                               Phendla

### Page 5

Downloaded from hlayiso.com
IsiNdebele ILimi LokuThoma LokweNgeza (FAL)/P2    5                     DBE/Novemba 2023
                                                 NSC

ISIGABA A: INOVELA

Phendula YOKE imibuzo.

UMBUZO 1: UBONAKELE – M Sikosana

1.1       Fundisisa itheksthi engenzasi uyizwisise bese uphendula imibuzo elandelako.

          ITHEKSTHI A

          UBonakele bekagelagela loke ihlathi afunana neenthelo zemmangweni.
          Ebusuku godu alale khona lapho ehlathini. Kwaze kwaphela amalanga
          amathathu alala khona lapho ehlathini.

          'Ngimi lo osele aphenduke intandani namhlanjesi kube abazali bami basaphila
          bobabili?' Watjho njalo zehla zalandelana iinyembezi kodwana wazisula 5
          ngombana akekho umuntu angamlilela nasele kunjengobana kunje.

          'Namhlanjesi ngizwa umzimbami lo ungangivumeli kuhle bona ngiyokulala
          kilelihlathi ngombana izolo ngibone inyoka phezu komuthi.' Athule aqale
          ngehlathini lapha avame ukulala khona. 'Ipheze yangigongoda inyoka leya.
          Njeke kuncono ngiyokulala kude nehlathi namhlanjesi.' Wasuka khonokho 10
          wangena etjanini obude obumdlulako watjhinga kenye intatjana egade
          ayibona ivele kancazana kude nehlathi.

          Uthe asakhamba lapho etjanini obude, wabona intuthu ithunya kude. Wavele
          wazibonela bonyana lapha kuthunya khona intuthu le, kunomuzi. Naye akazi
          bonyana yini into eyamtjela bonyana abandamele ngapha kuvela khona 15
          intuthu le. Kodwana wazibona sele avelele ngakhona. Wajamela kude
          waqalisisa. Kwenzeka koke lokhu nje sekuthoma ukurhwalala, sekuthoma
          ukobana kube nzima yoke inarha ngombana nakhu neenkwekwezi bezivalwe
          mamafu njengombana izulu gade lithembisa ukuna ebusuku. Uthe asajame
          lapho uBonakele asararekile, wezwa umzimba ufikelwa kukwesaba.           20

                                                                           [Ikhasi 10–11]

          1.1.1        Veza bona uBonakele walala amalanga amangaki ehlathini.               (1)
          1.1.2        Tlola isilwana esapheze saluma uBonakele ngesikhathi alele
                       ehlathini.                                                            (1)
          1.1.3        Tlola ubudisi uBonakele ahlangabezana nabo nakafika ehlathini.
                       Ipendulwakho ayibe maphuzu AMABILI.                                   (2)
          1.1.4        Ngokurhunyezweko hlathulula umraro owenza bona umlingisi
                       oyikutani aziphe inarha.                                              (1)

          1.1.5        Hlathulula igadango lokuthoma elathathwa nguBonakele
                       lokurarulula umraro anawo ekhabo nelingakhange liphumelele
                       elivezwe esingenisweni senovela le.                                   (2)
          1.1.6        Inovela le inesizinda sesikhathi sakade. Hlathulula izinto
                       ezifakazela bona yenzeka esikhathini sakade. Ipendulwakho ayibe
                       maphuzu AMABILI.                                                      (2)

Ilungelo lokukhuphela lifunjethwe                                                  Phendla

### Page 6

Downloaded from hlayiso.com
IsiNdebele ILimi LokuThoma LokweNgeza (FAL)/P2    6                    DBE/Novemba 2023
                                                 NSC

          1.1.7        Hlathulula ikolelo evezwe sisenzo sakaMahlangu sokuyokufuna
                       abentwabakhe        ngemva     kokuvakatjhelwa   nguSgwadi.
                       Ipendulwakho ayibe liphuzu ELILODWA.                                (2)

          1.1.8        Khetha ipendulo enembako kilezi ezingenzasi.

                       Indlela uBonakele akhule ngayo ikhombisa …

                       A    adelela.
                       B    atlhoriswa.
                       C    atlhaga.
                       D    B no C.                                                        (1)

          1.1.9        Phendula isitatimende esingenzasi ngoLIQINISO nofana AKUSILO
                       IQINISO bese usekela isiqunto osithathako ngephuzu ELILODWA.

                       UNaMndebele ngumma owuthanda kwamambala umndenakhe.                 (2)

          1.1.10       Coca ngoBonakele amlingisi ongadlali ngamathuba nakavelako
                       epilwenakhe. Ipendulwakho ayibe liphuzu ELILODWA.                   (2)

          1.1.11       Tshwaya ngokuphumelela komtloli ukusethulela isingeniso
                       esinebako senovela le. Sekela ipendulwakho ngamaphuzu
                       AMABILI.                                                            (2)

1.2       Fundisisa itheksthi engenzasi uyizwisise bese uphendula imibuzo elandelako.

          ITHEKSTHI B

          ERhawudeni, kulapha sifumana khona unina kaBonakele. Wathi lokha
          nakasuka eSiyabuswa kwakhe, wadojwa mfazi weNdiya. Umfazi weNdiya lo
          wafumana uNaMndebele asagelagela nenarha yangeSiyabuswa, ilanga
          seliyozilahla kunina. UNaMndebele walitjela koke okwakumtshwenya. Umfazi
          weNdiya lo khabe eze la eSiyabuswa ukuzokuthengisa izambatho. Njeke 5
          uNaMndebele wazibawela umsebenzi kilomfazi weNdiya. Kwaba kukhamba
          kwakhe-ke uNaMndebele unina kaBonakele, njengombana sesimfumana
          lapha eJwanasbhege nje.

          UNaMndebele wasebenza ngokukhulu ukuzimisela ahlala khona lapha
          edorobheni. Ngitjho nanyana ungahlala kamnandi kangangani, ube nemali, 10
          izambatho nokudla okwaneleko kodwana angekhe wavala isikhundla
          somndenakho. Umndenakho uthatha indawo yokuthoma ehliziyweni. Kwaba
          njalo nakuNaMndebele. Belingatjhingi ilanga ungakamfikeli umcabango
          wendodanakhe uBonakele nomyenakhe uMahlangu. 'Namhlanje sekuphele
          iminyaka elithoba sahlukana no ... no ...' Athi asacabanga njalo 15
          uNaMndebele, azizwe zehla zilandelana iinyembezi kodwana arhabe azisule
          ngesandla. Ayizwe ihliziywakhe ingasuthi ifuna ukujama. Ezwe afikelwa
          siyeziyezi. Kufike ikungu ivale amehlwakhe kube ingasuthi uzakuwela phasi.
          Asuke aye ngekamurweni lakhe, afike khona ahlale embhedeni.

Ilungelo lokukhuphela lifunjethwe                                                Phendla

### Page 7

Downloaded from hlayiso.com
IsiNdebele ILimi LokuThoma LokweNgeza (FAL)/P2     7                           DBE/Novemba 2023
                                                  NSC

          'Wangenza uMahlangu ngokungihlukanisa nendodanami ekukuphela kwayo.     20
          UMahlangu bengimthanda ngehliziyo yami yoke. Ayikho enye indoda
          engizabe ngisayithanda njengoMahlangu. Yindoda yomtjhado, kunjalo nje.
          Ngimthanda ngayo yoke ihliziyo eneenthembiso engazenza phambi
          komfundisi nebandla lekonzo, nebusweni bababelethi bami. Ngatjho ngathi
                                                                                  25
          siyokufa silahlane sinoMahlangu.'

                                                                                 [Ikhasi: 45–46]

          1.2.1        Tlola iminyaka      uNaMndebele egade          sele ayihlezi lapha
                       ebekasebenza        khona   ngaphambi          kobana     abuyelane
                       nomndenakhe.                                                                 (1)

          1.2.2        Hlathulula indlela uNaMndebele afika ngayo eRhawudeni.                       (1)

          1.2.3        Tlola umehluko phakathi kweendlela             abantu    bakwaKhoza
                       nebakwaMahlangu ebebaphila ngayo.                                            (2)

          1.2.4        Rhunyeza ummongo webhudango uNaMndebele aba                        nalo
                       ngomndenakhe. Ipendulwakho ayibe liphuzu ELILODWA.                           (1)

          1.2.5        Rhunyeza izinto EZIMBILI ezimbi ezenziwa nguNaSilombo ezenza
                       bona ikusasa lakaBafunani lingakheka.                                        (2)

          1.2.6        Ucabanga bona uyini umnqopho womtloli wokusebenzisa uNduku
                       banoSponono bona bahlale babetha uBonakele, bamthathele
                       imalakhe bebamonele nepahlakhe? Sekela ipendulwakho
                       ngephuzu ELILODWA.                                                           (2)

          1.2.7        Ingabe isenzo sakaMahlangu sokungakhalimi uNaSilombo
                       simveza amlingisi onjani? Ipendulwakho ayibe liphuzu ELILODWA.               (2)

          1.2.8        Khetha ipendulo enembako kilezi ezilandelako.

                       Isehlakalo esisakhela isitlhori enovelini le kulokha:

                       A    UNaSilombo atlhorisa uMahlangu.
                       B    AboNduku nabatjhisa indawo la bekuhlala khona uBonakele.
                       C    UBafunani nakaziphosela phambi kwekoloyi bewahlongakala.
                       D    UBonakele nakathumba unongorwana wephasi kezeendubulo.                  (2)

          1.2.9        Siyini isisusa serarano esibangele bona uNaMndebele azithole
                       akile ndawo akiyo etheksthini engehla? Ipendulwakho ayibe
                       liphuzu ELILODWA.                                                            (1)

          1.2.10       Coca ngommoya otholakala kwaMthimunye lapha uBonakele
                       bekaqatjhe khona ikamuru. Ipendulwakho ayibe liphuzu
                       ELILODWA.                                                                    (1)

          1.2.11       Tshwaya ngokufezeka kwesithembiso esenziwa nguNaMndebele
                       kuMahlangu phambi komfundisi nababelethi bakhe. Ipendulwakho
                       ayibe liphuzu ELILODWA.                                                      (2)
                                                              IMITLOMELO YESIGABA A:                35

Ilungelo lokukhuphela lifunjethwe                                                         Phendla

### Page 8

Downloaded from hlayiso.com
IsiNdebele ILimi LokuThoma LokweNgeza (FAL)/P2    8                    DBE/Novemba 2023
                                                 NSC

ISIGABA B: UMDLALO

Phendula YOKE imibuzo.

UMBUZO 2: UMNGANI – ST Nkambule

2.1       Fundisisa itheksthi engenzasi uyizwisise bese uphendula imibuzo elandelako.

          ITHEKSTHI C

          UMLAKANA: Litjho ulibuyelele lelo Busi. Mina ngapha ngilila ngokobana
                    ngathana nginemali ngabe ngiyokufunda, kodwana uKhabo
                    unesekelo loke elifunekako, kodwana yena akafuni
                    ukulisebenzisa.
          U-OSCAR:  (Angenelela) Nami isangirarile ikulumo kaKhabo.                         5
          UKHABO:   (Agandelela) Bakwethu ngisabuyelela godu, ngithi umuntu
                    akaphiliswa yifundo kwaphela.
          UMLAKANA: (Amngene emlonyeni.) Siyakwazi lokho Khabo, kodwana thina
                    sifuna ifundo.
          U-OSCAR:  Khabo thina ibhudango lethu kufunda, ingasi irhwebo.                    10
          UBUSI:    Unembile Oscar thina sinebhudango lokufunda, begodu
                    nakungimi irhwebo okhuluma ngalo lelo angilifuni nokulibona
                    nalapha likhambe khona.
          UKHABO:   Mlakana mina ngilinga ukusiza wena njengomngani. Ungaphiki
                    noBusi bano-Oscar emakhabo bazokukghona ukubaragelisa                   15
                    phambili ngokubafundisa, wena iza kimi singalokho sidla
                    isikhathi asithome sihlele bona irhwebo engikhuluma ngalo leli
                    singaliraga njani sobabili.
          UMLAKANA: (Afuthumale) Ungangirhapheli wena, uzwe batjho mina
                    ngitlhoga ukubonisana nawe ngezamarhwebo?                               20
          UBUSI:    (Ngokuphela ihliziyo.) Khabo ngibawa bona usitjhidele,
                    ngombana ngasuthi asigidi igido linye nawe, ekuseni nguwe
                    obange irarano nagadesi ngasuthi ufuna ukubanga elinye
                    irarano.
          UMLAKANA: Unembile lapho Busi akasitjhidele uKhabo sizokwazi                      25
                    ukukhuluma kuhle sisodwa.
          UKHABO:   (Anqophise kuBusi.) Kuyafana nanyana ningangiqotha Busi,
                    kodwana nina nizikhohlisa ngelize.
          U-OSCAR:  (Amngene emlonyeni.) Khabo isintu asitologwa, ngalokho
                    sibawa bona wenze lokhu esikubawa khona.                                30

                                                                          [Ikhasi 25–26]

          2.1.1        Tlola ibhudango abantu abalandelako abanalo mayelana nekusasa
                       labo.

                       (a)   UBusi banoMlakana                                                  (1)

                       (b)   UKhabo                                                             (1)

Ilungelo lokukhuphela lifunjethwe                                                 Phendla

### Page 9

Downloaded from hlayiso.com
IsiNdebele ILimi LokuThoma LokweNgeza (FAL)/P2       9                  DBE/Novemba 2023
                                                    NSC

          2.1.2        Tlola bona ngubani unina kaMlakana.                                 (1)

          2.1.3        Ngokurhunyezweko hlathulula isisusa serarano        esiphakathi
                       kwabangani abavezwe etheksthini engehla.                            (2)

          2.1.4        Hlathulula izinto ezibufakazi bokobana umdlalo lo wenzeka
                       esikhathini sanje ukuya ngetheksthi engehla. Ipendulwakho ayibe
                       maphuzu AMABILI.                                                    (2)

          2.1.5        UMbizo uthi: 'Nawufuna imali Sello, kumele usebenzise imali.'
                       Hlathulula iqhinga elenziwa nguMbizo ukuze uMlakana agcine
                       asisebenzi sakhe.                                                   (1)

          2.1.6        Ucabanga bona ngiziphi izinto ezenza bona ubujamo bokutlhaga
                       kwakaMlakana     buvezwe     buyihlanganisa emdlalweni    lo?
                       Ipendulwakho ayibe liphuzu ELILODWA.                                (2)

          2.1.7        Ucabanga bona abadlali abalandelako bavezwe bamhlobo bani
                       wabadlali?

                       (a)    UMlakana                                                     (1)

                       (b)    USello                                                       (1)

          2.1.8        Khetha ipendulo enembako kezingenzasi.

                       Umtloli womdlalo lo ngokwenza bona uMbizo adosele uMlakana
                       ekuthengiseni     iindakamizwa   eyunivesithi  bekanqophe
                       ukusivezela …

                       A     isitlhori somdlalo.
                       B     isizinda sesikhathi.
                       C     Irarano.
                       D     Isiphetho.                                                    (2)

          2.1.9        Tshwaya ngomlayezo owufumene emdlalweni lo.                         (1)

          2.1.10       Coca wenabe ngokuphumelela komtloli ukusethulela isiphetho
                       somdlalo lo.                                                        (2)

Ilungelo lokukhuphela lifunjethwe                                                Phendla

### Page 10

Downloaded from hlayiso.com
IsiNdebele ILimi LokuThoma LokweNgeza (FAL)/P2    10                   DBE/Novemba 2023
                                                 NSC

2.2       Fundisisa itheksthi engenzasi uyizwisise bese uphendula imibuzo elandelako.

          ITHEKSTHI D

         (Kusekuseni ngerhayisini kwaMfundisi kunoNaMathibela banomfundisi.)

         UNAMATHIBELA: (Angakathabi) Baba uyabona bonyana ifundo ingisilinga
                       ngani?
         UMFUNDISI:    (Arareke) Ekuseni kangaka sekonakalephi namfazi?
         UNAMATHIBELA: UBusi akasafuni ukwenza litho ekhayapha. Nawuthi                    5
                       uyambuza ukutjela bona esikolweni bathe azokuphumula,
                       kungasi ukuzokusebenza.
         UMFUNDISI:    Iincwadi ziyadinisa namfazi, ngalokho kumele baphumule
                       abafundi, baphumuze nomkhumbulo.
         UNAMATHIBELA: Ukwazelaphi lokho ngombana wena akhange wafunda?                    10
         UMFUNDISI:    Nabadala bayatjho bona wafunda khulu uvangana
                       umkhumbulo, ngalokho kumele unande uphumula.
         UNAMATHIBELA: Kungani wena awuvangani, kodwana uhlala ufunda umtlolo
                       welizwi likaZimu?
         UMFUNDISI:    Iindaba zikaZimu zimnandi mkami, azifani nefundo                    15
                       efundwa bantwabethu. IBhayibheli iyatjho bonyana
                       kweZulu akufani nokwephasinapha.
         UNAMATHIBELA: (Akhuluma akhamba.) Ngisusela mina ngeenolwani zakho.
         UMFUNDISI:    Alo uyaphi ngombana sisakhuluma?
         UNAMATHIBELA: Ngisayokuvusa uBusi. Akusisesibhedlela nofana ehotela,              20
                       lapha angalala khona bekube semini.
         UMFUNDISI:    Namfazi lisa umntwana aphumule.
         UNAMATHIBELA: (Akokode be avule ibadi angene kungakathiwa ngena
                       ngelawini likaBusi.) Wena Busi watutumala, awuboni
                       sekusemini lapha ngaphandle?                                        25
         UBUSI:        (Angunguze) Ngi … ngi … awa.
         UNAMATHIBELA: (Amngene       emlonyeni.)     Nawusalele  ngalesikhathi
                       uyokuhlwengisa nini indlu bewupheke nini?
         UBUSI:        (Angunguze) Ngi … ngizokuvuka mma.
         UNAMATHIBELA: (Ambule ingubo.) Vuka khona nje. (Athulathule) Busi                 30
                       ngasuthi uyagula nje?
         UBUSI:        (Angunguze) A … a … awa.
         UNAMATHIBELA: Busi uyatjhisa?
         UBUSI:        (Alile)
         UNAMATHIBELA: (Asilingeke) Ngakhe ngatjho bona angeze waphasa                     35
                       eemfundweni zakho. Ngathana wangilalela, ngabe
                       uyasebenza. Bewungeze waba nesikhathi sokugijima
                       nabesanyana.
         UBUSI:        (Akhuluma alila.) Ngilibalela mma.
         UNAMATHIBELA: (Amnembe ngepama.) Ngathini kuwe Busi?                              40
         UBUSI:        (Alile khulu.)
                                                                          [Ikhasi 89–90]

Ilungelo lokukhuphela lifunjethwe                                                Phendla

### Page 11

Downloaded from hlayiso.com
IsiNdebele ILimi LokuThoma LokweNgeza (FAL)/P2    11                      DBE/Novemba 2023
                                                 NSC

          2.2.1        Tlola imisebenzi EMIBILI ekufanele yenziwe nguBusi ngokuya
                       ngoNaMathibela.                                                        (2)

          2.2.2        Veza isizathu esenza bona uNaMathibela azizwe angakathabi
                       ukuya ngetheksthi engehla le.                                          (1)

          2.2.3        Tlola amagama      wamasokana      AMABILI    ebekanobudlelwano
                       noBusi.                                                                (2)

          2.2.4        Rhunyeza umehluko phakathi kombono kaMfundisi onguyise
                       kaBusi nonina uNaMathibela mayelana nekusasa lakaBusi.
                       Ipendulwakho ayibe liphuzu ELILODWA.                                   (2)

          2.2.5        Hlathulula umqondo omunyethwe yikulumo ethi, 'Busi uyatjhisa.'         (1)

          2.2.6        Ukuya ngokwemileyo yesakhiwana somdlalo lo ucabanga bona
                       umtloli bekanqophe ukuwufikisa kiliphi izinga umdlalwakhe
                       ngokwenza bona uMlakana abhalelwe kuthola imali yokuzitlolisa
                       eyunivesithi. Ipendulwakho ayibe liphuzu ELILODWA.                     (2)

          2.2.7        Ucabanga bona mhlobo bani werarano elitholakala etheksthini
                       engehla. Sekela ipendulwakho ngephuzu ELILODWA.                        (2)

          2.2.8        Hlathulula isizinda sehlalo uqalise khulukhulu ekhabo kaMlakana.       (2)

          2.2.9        Coca ngokuphumelela komtloli ukusethulela isehlakalo esisivezela
                       isitlhori somdlalo lo.                                                 (2)

          2.2.10       Ingabe UYAMZWELA nofana AWUMZWELI uKhabo ngokuzithola
                       sele abotjhiwe esiphethweni somdlalo lo? Sekela ipendulwakho
                       ngephuzu ELILODWA.                                                     (2)

                                                           IMITLOMELO YESIGABA B:             35

Ilungelo lokukhuphela lifunjethwe                                                   Phendla

### Page 12

Downloaded from hlayiso.com
IsiNdebele ILimi LokuThoma LokweNgeza (FAL)/P2    12                   DBE/Novemba 2023
                                                 NSC

ISIGABA C: IINDABA EZIFITJHANI

Esigabenesi, imibuzo isedwe ngeendatjana ezilandelako:

     'Ngakhe ngaziphandla' – DN Msiza
     'Sife sepoto' – NJ Msiza

UMBUZO 3: PHOSA AMEHLO – NJ Msiza nabanye

Funda amatheksthi weendatjana AMABILI la bese uphendula imibuzo ngendatjana
ngayinye.  Inani    lemitlomelo   elabelwe umbuzo  ngamunye     lisetjenziswe
njengomhlahlandlela wependulo elindelweko.

TJHEJA: Phendula imibuzo ngamatheksthi WOMABILI, Isib: UMBUZO 3.1 no 3.2.

3.1       'NGAKHE NGAZIPHANDLA' – DN Msiza

          Fundisisa itheksthi engenzasi uyizwisise bese uphendula imibuzo elandelako.

          ITHEKSTHI E

          Ukhuthele uSizani. Nawungaziko uzakuthi mumuntu ozihlalele ekhaya
          ongakafundi. Nakafikileko uhlwengisa ngaphakathi nangaphandle. Uvuke
          ngamasa wathoma ngokuthanyela amacabazi. Ngesinye isikhathi kuthiwa
          umntwana akabafuzi ababelethi bakhe. NayingunaMabona wazibeletha
          emntazaneni wakwakhe. Nakabuya ekuthanyeleni wafumana unina sele 5
          avukile ahlambile, wamenzela itiye. Okwamrarako kukobana umnakwabo
          omncani akabonakali. Yena ujayele bonyana nakuvukwako kwabo
          bayatjhayisana.

          Kuthe nakuthoma ukutjhisa wavela uSithokozile. Kwafika imicabango
          eminengi kudadwabo. 'Kghani ufunde bekwaba sebusuku khulu? Kghani ulele 10
          aphilelwa?' Okwadanisa udadwabo kukobana ithabo phakathi kwakhe
          nomnakwabo alisafani nekuthomeni. Ubalekisa amehlo begodu uneenhloni.
          Udadwabo nanyana athi wenza ihlaya akasathabi kangako.

          Uqeda ukuhlwengisa uSizani uzwakala sele asithi, 'Sithokozile ngifuna
          iingubo zakho. Ngifuna nokuyokuhlwengisela ngapha ulala khona.' Iminyaka 15
          yoke bewuzwa ngaye uSizani akwakwazela sekasithi: 'Kwa! Kwa! Kwa! Kwa!
          Kwi! Wenze njalo msana wakwethu. Ungifuze ungabi litjhatjha.' Omunye
          nomunye gade azizwela bona uSithokozile uphumelele kuhle. Nakafika
          ngapha kulala umntwana wakwabo, ufumana kwendluliwe.

          Ngaphambi kobana abuthe iingubo, wezwa kunephunga angalithandiko. 20
          Uthoma ngokuvula iincwadi. Uhlangana neputjhana ephuthelweko.
          Nakayivulako     iyamrhitjha.  Njengomuntu    osebenza      kezamaphilo,
          uyakhumbula bona ikhristali-methi sidakamizwa esiyingozi. Isidakamizwesi
          singenelela eengazini khulu. Ngokuya ngebezamaphilo, phezu kweenyanga
          ezisithandathu sisetjenziswa maphesenti asuka kelilodwa aya kamatjhumi 25
          alithoba.
                                                                          [Ikhasi 68–69]

Ilungelo lokukhuphela lifunjethwe                                                 Phendla

### Page 13

Downloaded from hlayiso.com
IsiNdebele ILimi LokuThoma LokweNgeza (FAL)/P2     13                        DBE/Novemba 2023
                                                  NSC

          3.1.1        Tlola izinto   EZIMBILI     ezisitjela    bona   uSizani   umumuntu
                       okhutheleko.                                                                 (2)
          3.1.2        Rhunyeza ubujamo obafunyanwa nguSizani lapha kulala khona
                       uSithokozile. Ipendulwakho ayibe maphuzu AMABILI.                            (2)

          3.1.3        Veza   umehluko      mayelana            neemfundo    zakaSithokozile
                       ngaphambilini nagadesi.                                                      (2)

          3.1.4        Hlathulula umsebenzi wokuziphilisa owenziwa nguSizani.                       (1)

          3.1.5        Ingabe isenzo sakaSizani sokufika kwabo ahlwengise bekapheke,
                       simveza amlingisi onjani. Ipendulwakho ayibe liphuzu ELILODWA.               (1)

          3.1.6        Ingabe siyini isisusa serarano esitholakala endatjaneni le?                  (2)

          3.1.7        Hlathulula isizinda sesikhathi esitholakala          endatjaneni     le.
                       Ipendulwakho ayibe liphuzu ELILODWA.                                         (2)

          3.1.8        Hlathulula umqondo omunyethwe yikulumo ethi, 'Akwate khulu
                       akghanywe ligwebu.'                                                          (2)

          3.1.9        Coca ngokuphumelela komtloli ukuthiya umlingisi onguKhuzani
                       igama elinembako. Ipendulwakho ayibe liphuzu ELILODWA.                       (2)

          3.1.10       Tshwaya ngokuphumelela komtloli ukunikela indatjana le isihloko
                       esiyifaneleko. Sekela ipendulwakho ngephuzu ELILODWA.                        (2)
                                                 KANYE
3.2       'SIFE SEPOTO' – NJ Msiza
          Fundisisa itheksthi engenzasi uyizwisise bese uphendula imibuzo elandelako.
          ITHEKSTHI F

          UNaNjoma ulele benyoni, umtato ovela bekezamaphilo ungene nakathi
          uyalala. Akusizi ukubalabala emsebenzini bamlindile. Kufanele aphanagele
          arhabe ngombana indawo yaKwaPepezile iseentabeni. Wathaba khulu
          mhlana afunyana umbiko othi, ukhutjhulelwe esikhundleni sokuba
          ngutitjherehloko. Namhlanje umthwalo awuthweleko uphele ulethe ukuzisola. 5
          Kuthiwa ungakhulumi zalapho uyakhona, ukhulume zalapho ubuya khona.
          NakuNaNjoma kunjalo, uyowuthatha kuphi umgodi wokuthi azifihlele
          ababelethi nakafika esikolweni. Lokhu okwenzeke eThwalisanani kuyinto
          angazange ayibone nofana ayizwe. 'Madekhethu! Ngizakubona ngitheni?
          Ngilele ngithatha lokhu ngikubeka la ngithathe lokha ngikubeke le 10
          ngemicabango. Nawufika esikolweni abotitjhere bakurhudulele amehlo.'

          Nakabandamela esikolweni kwathi akabuyele emuva. Yeke-ke ijoni lifela
          emsebenzini. Wathi uzakukghona. Nakubafundi barhatjheke njengomncamo
          ngaphandle. Abotitjhere nabo bazenza amakhondlo ukatsu nakangekho.
          Abanandaba nelitho, ababelethi abane bafike bangeniswa e-ofisini 15
          lakatitjherehloko bahlala bamlinda. Utitjhere uNyathi olisekela uthe koke
          abeze ngakho kungaphezulu kwamandla wakhe. Nangathana umuntu
          omdala uyabetjhwa, uNaNjoma bekazakuthoma ngabotitjhere. Abentwana

Ilungelo lokukhuphela lifunjethwe                                                         Phendla

### Page 14

Downloaded from hlayiso.com
IsiNdebele ILimi LokuThoma LokweNgeza (FAL)/P2    14                     DBE/Novemba 2023
                                                 NSC

          barhatjheke njengomncamo nje isekela lona abalibeki ndawo. Nakangena e-
          ofisini wazibonela bonyana kumbi. Izolo kube nemilayezo evela emakhabo 20
          labentwana abane ethi bamukelwe esibhedlela ekuseni. Okumlalise
          kabuhlungu mitato yabezamaphilo ethome ukungena angakalali ebeyibuza
          ngokudla okuphiwa abentwana esikolweni.
                                                                               [Ikhasi 25–26]

          3.2.1        Tlola igama lendawo lapha indatjana le yenzeka khona.                     (1)
          3.2.2        Tlola isikhundla esiphethwe nguNaNjoma emsebenzinakhe.                    (1)
          3.3.3        Ngokurhunyezweko veza ubujamo obatholwa nguNaNjoma lokha
                       nakabandamela esikolweni. Ipendulwakho ayibe maphuzu
                       AMABILI.                                                                  (2)
          3.2.4        Rhunyeza isizathu esenza bona uNaNjoma alale kabuhlungu.                  (2)
          3.2.5        Dzubhula amagama asetheksthini engehla asitjela bona uNaNjoma
                       bekakatelelekile bona aye emsebenzini nanyana ubujamo                     (1)
                       bebubumbi nje.
          3.2.6        Ucabanga bona isenzo sakaNyathi sokulisa izinto ziphume
                       elawulweni lokha uhlokokulu nakangekho simveza amphathi
                       onjani? Ipendulwakho ayibe liphuzu ELILODWA.                              (2)

          3.2.7        Khetha ipendulo enembako kilezi ezilandelako:

                       Umlingisi oyikutani endatjaneni le …
                       A    nguNaNjoma.
                       B    nguMabilana.
                       C    babelethi babentwana abagulako.
                       D    bafundi abagulako.                                                   (1)
          3.2.8        Umtloli uthi, 'Abotitjhere nabo bazenza amakhondlo ukatsu
                       nakangekho.'

                       Ucabanga bona bobani abangathekiswa nokulandelako:
                       (a) Amakhondlo                                                            (1)
                       (b) Ukatsu                                                                (1)
          3.2.9        Phendula isitatimende esingenzasi ngoLIQINISO nofana AKUSILO
                       IQINISO bese usekela isiqunto osithetheko ngephuzu ELILODWA.

                       Isisusa serarano endatjaneni sitholakala lapha kufika khona
                       umphathi wesiyingi seLeshokeng uMabilana noRatjhotjhi omhloli
                       wokudla okhambisana nodade ovela kezamaphilo.                             (2)
          3.2.10       Ngokubona kwakho ucabanga bona ngisiphi isehlakalo esisivezela
                       isitlhori endatjana le. Ipendulwakho ayibe liphuzu ELILODWA.              (2)
          3.2.11       Tshwaya ngesifundo osithole endatjaneni engehla. Ipendulwakho
                       ayibe liphuzu ELILODWA.                                                   (1)
                                                              IMITLOMELO YESIGABA C:             35

Ilungelo lokukhuphela lifunjethwe                                                      Phendla

### Page 15

Downloaded from hlayiso.com
IsiNdebele ILimi LokuThoma LokweNgeza (FAL)/P2    15                  DBE/Novemba 2023
                                                 NSC

ISIGABA D: IINKONDLO

Esigabenesi, phendula imibuzo isedwe ngeenkondlo ezilandelako:

     'Ikhambo lamaswaphelo' – JN Malobola
     'Abe munye umlingani' – AB Mthombeni

TJHEJA: Phendula imibuzo ngeenkondlo ZOMBILI, Isib: UMBUZO 4.1 no 4.2.

UMBUZO 4

4.1       Fundisisa ikondlo engenzasi uyizwisise bese uphendula imibuzo elandelako.

          IKHAMBO LAMASWAPHELO – JN Malobola

          1         Ithenjana bengisese nalo bona
          2         Namhlanje ngizabe nginawe,
          3         Bengisenawo amabhudango wakho,
          4         Bengisathi ngizakhe ngimunye ilemuko namasiko,
          5         Kanti ngizibambise idonga.

          6         Nokho bengibonile bona uyadosa,
          7         Ubambene nengwe yomlomokazi,
          8         Akunala ungabuyi khona,
          9         Ulinga amaqhinga wokubalekela
          10        Ubukhali bengwe, lengwe ekubambileko.

          11        Ukuphuma nokutjhinga kwelanga
          12        Bekungiqinisa amadolo,
          13        Ngisithi uzakuthatha amagadango
          14        Weminyaka unathi,
          15        Sicoce siyelejane ngepilo kanti do.

          16        Amalanga wamaswaphelo akhamba,
          17        Arhabile atjhingile siwaqalile,
          18        Asiphamba sangabona
          19        Bonyana ayasibalekela,
          20        Sasala sibambe uboya bentenetjha.

          21        Ugijimile ubuthelela, utlhama umuzi,
          22        Ubethele watjhumega, watjala,
          23        La ugadange khona kuyabonakala,
          24        Ngancanye besele uvumile,
          25        Nabe kungabhali ikhambo lamaswaphelo.

Ilungelo lokukhuphela lifunjethwe                                               Phendla

### Page 16

Downloaded from hlayiso.com
IsiNdebele ILimi LokuThoma LokweNgeza (FAL)/P2     16                     DBE/Novemba 2023
                                                  NSC

          4.1.1        Dzubhula amalungu asakhela imihlobo yevumelwano elandelako
                       etholakala endimeni yoku-1 yekondlo engehla.

                       (a) Ivumelwano-thoma.                                                  (1)

                       (b) Ivumelwano-phakathi.                                               (1)

          4.1.2        Tlola ubukondlo OBUBILI obumunyethwe mumuda ongenzasi.

                       Ubukhali bengwe, lengwe ekubambileko.                                  (2)

          4.1.3        Tlola isithombengqondo esimunyethwe mumuda ongenzasi.

                       Ukuphuma nokutjhinga kwelanga.                                         (1)

          4.1.4        Dzubhula imida      ekondlweni    engehla   ehlathulula    lokhu
                       okulandelako:

                       (a) Imbongi beyizikhohlisa nabeyizitjela    bona    isazokufunda
                           okukhulu embelethinayo.                                            (1)

                       (b) Umbelethi wembongi naye wamukela asaphila bona
                           uzokubhubha nakabona angapholi ekuguleni ebekumphethe.             (1)

          4.1.5        Ucabanga bona imbongi ikhuluma ngamaqhinga anjani nayithi
                       umbelethayo bekalinga amaqhinga wokubalekela ukugula ebegade
                       kumphethe? Ipendulwakho ayibe liphuzu ELILODWA.                        (2)

          4.1.6        Hlathulula ummongondaba womuda ongenzasi.

                       Nokho bengibonile bona uyadosa.                                        (1)

          4.1.7        Hlathulula ubudisi umntwana angaqalana nabo ngemva kobana
                       ahlongakalelwe mbelethakhe asese mncani. Ipendulwakho ayibe
                       maphuzu AMABILI.                                                       (2)

          4.1.8        Ucabanga bona imbongi yenze ngokwaneleko ukusindisa ipilo
                       yombelethayo? Ipendulwakho ayibe liphuzu ELILODWA.                     (2)

          4.1.9        Coca ngommongondaba wekondlo le. Ipendulwakho ayibe liphuzu
                       ELILODWA.                                                              (1)

          4.1.10       Tshwaya ngelihlo elibukhali ummoya omunyethwe yikondlo le.             (2)

                                                 KANYE

Ilungelo lokukhuphela lifunjethwe                                                   Phendla

### Page 17

Downloaded from hlayiso.com
IsiNdebele ILimi LokuThoma LokweNgeza (FAL)/P2    17                       DBE/Novemba 2023
                                                 NSC

4.2       Fundisisa ikondlo engenzasi uyizwisise bese uphendula imibuzo elandelako.

          ABE MUNYE UMLINGANI – AB Mthombeni

          1       Akabe muny' umlinganakho,
          2       Imilwana yezepolotik' irhatjhekile,
          3       Irhatjheke njengeenthoro zamabele,
          4       Langen' emlinganin' alisalatjhwa
          5       Lilatjhwa kukufa namkh' ipumelelo.

          6       Lingena limenz' ihlanya,
          7       Ubonakala ngokuba ngumaqubutjhana,
          8       Amehl' afane nawengwemabala
          9       Nguban' ongayijamel' ilambile?
          10      Akabe munye umlinganakho.

          11      Khombela kuZimu ngethabo,
          12      Umntwana sisipho sakaZimu
          13      Kubuhlung' ukuthungela ngeboyeni,
          14      Kubuhlung' ukugawul' ungakatjheji.
          15      Kubuhlung' ukuhlwa ngongathana.

          16      Ubunengi buyalon' ibende,
          17      Ukuphuth' ilahle kubudisi,
          18      Amazond' agcina ngemilwani.
          19      Omdal' azibone sele akilo.
          20      Omdal' athwal' iinkhali
          21      Ambath' ingubo yezondo.

          4.2.1        Tlola izinto EZIMBILI imbongi ethi zilapha imilwana ekhuluma
                       ngayo le nasele ingenile emuntwini.                                    (2)

          4.2.2        Tlola umhlobo wesilwana imbongi esifanisa nalokhu ekhuluma
                       ngakho ekondlweni engehla.                                             (1)

          4.2.3        Veza umhlobo       wesithombengqondo      esitholakala    emideni
                       elandelako:

                       (a) Irhatjheke njengeenthoro zamabele.                                 (1)

                       (b) Ubonakala ngokuba ngumaqubutjhana.                                 (1)

          4.2.4        Rhunyeza ummongondaba omunyethwe yindima yesi-4 yekondlo
                       engehla le. Ipendulwakho ayibe liphuzu ELILODWA.                       (2)

          4.2.5        Phendula isitatimende esingenzasi ngoLIQINISO nofana AKUSILO
                       iqiniso bese usekela ipendulwakho ngephuzu ELILODWA.

                       Babantu abanabalingani abanengi          kwaphela     abaphathwa
                       mumulwana wentumbantonga.                                              (2)

Ilungelo lokukhuphela lifunjethwe                                                   Phendla

### Page 18

Downloaded from hlayiso.com
IsiNdebele ILimi LokuThoma LokweNgeza (FAL)/P2    18                 DBE/Novemba 2023
                                                 NSC

          4.2.6        Hlathulula umqondo omunyethwe mumuda wesi-5 wekondlo
                       engehla le.                                                      (2)

          4.2.7        Ucabanga bona iyini ihloso yembongi ngokusebenzisa
                       ibuyelelamqondo emudeni we-13 ukuya kewe-15 wekondlo
                       engehla le. Ipendulwakho ayibe liphuzu ELILODWA.                 (2)

          4.2.8        Ucabanga bona khuyini okwenza bona abantu babe nabalingani
                       abanengi? Ipendulwakho ayibe liphuzu ELILODWA.                   (1)

          4.2.9        Tshwaya ngobungozi umuntu wengubo angazithola akibo
                       ngonobangela wokuba nabalingani abanengi. Ipendulwakho ayibe
                       maphuzu AMABILI.                                                 (2)

          4.2.10       Ingabe UYAZWELANA nofana AWUZWELANI nabantu abazithola
                       batshwayeleke ngobulwele obukhulunyiswa ekondlweni engehla
                       le? Sekela isiqunto osithathako ngephuzu ELILODWA.               (2)

                                                        IMITLOMELO YESIGABA D:          35
                                                                    INANI LOKE:         70

Ilungelo lokukhuphela lifunjethwe

## Related documents

- [IsiNdebele FAL P1 Nov 2023](https://www.hlayiso.com/library/isindebele-fal-p1-nov-2023/dea210e0-0c58-4b5f-b2d1-1c5268cb6ddb) — isiNdebele FAL · QP · 2023 · isiNdebele
- [IsiNdebele FAL P3 Nov 2023](https://www.hlayiso.com/library/isindebele-fal-p3-nov-2023/29da1b87-24cc-48e2-b38d-966c86c6fe86) — isiNdebele FAL · QP · 2023 · isiNdebele
- [IsiNdebele FAL P2 May-June 2023](https://www.hlayiso.com/library/isindebele-fal-p2-may-june-2023/724fac4d-2c40-4875-9e4d-0ed1d89216b8) — isiNdebele FAL · QP · 2023 · isiNdebele
- [IsiNdebele FAL P2 Nov 2022](https://www.hlayiso.com/library/isindebele-fal-p2-nov-2022/732251eb-59b2-48e0-bcc5-f0b5a24dc71e) — isiNdebele FAL · QP · 2022 · isiNdebele
- [IsiNdebele FAL P2 Nov 2021](https://www.hlayiso.com/library/isindebele-fal-p2-nov-2021-1/7353c80e-0f98-4309-a741-9665febe859a) — isiNdebele FAL · QP · 2021 · isiNdebele
- [IsiNdebele FAL P2 Nov 2021](https://www.hlayiso.com/library/isindebele-fal-p2-nov-2021/a977b3ee-76d3-4a0b-a885-7b7566e270fe) — isiNdebele FAL · QP · 2021 · isiNdebele

## More from Grade 12 isiNdebele FAL

- [Gr 12 IsiNdebele FAL ATP 2023-24](https://www.hlayiso.com/library/gr-12-isindebele-fal-atp-2023-24/71a8c260-2b39-4030-8608-ce5fdc966166) — ATP
- [IsiNdebele FAL P1 Nov 2024 MG](https://www.hlayiso.com/library/isindebele-fal-p1-nov-2024-mg/4ee98a3e-d3e9-4bb7-affd-bef5d7af011c) — Memo · 2024 · isiNdebele
- [IsiNdebele FAL P2 Nov 2024 MG](https://www.hlayiso.com/library/isindebele-fal-p2-nov-2024-mg/fe3ac4b2-fc22-45e3-a837-b03289a12e3c) — Memo · 2024 · isiNdebele
- [IsiNdebele FAL P3 Nov 2024 MG](https://www.hlayiso.com/library/isindebele-fal-p3-nov-2024-mg/6d0eb0e9-bc51-4fa5-a18d-10839ecb95f2) — Memo · 2024 · isiNdebele
- [IsiNdebele FAL P1 May-June 2024 MG](https://www.hlayiso.com/library/grade-12-isindebele-fal-2024-nsc-june-exam-memorandum-paper-1-isindebele/bba2cecd-5168-4a44-afce-96efb6f8518a) — Memo · 2024 · isiNdebele
- [IsiNdebele FAL P2 May-June 2024 MG](https://www.hlayiso.com/library/grade-12-isindebele-fal-2024-nsc-june-exam-memorandum-paper-2-isindebele/8733b692-e617-4727-a8a5-5d714191c31c) — Memo · 2024 · isiNdebele

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
