# isiXhosa FAL Grade 12 Paper 1 NSC June 2022 Question Paper > Grade 12 isiXhosa FAL Paper 1 question paper from the NSC June Exam 2022, 14 pages. Read online or get the free PDF download, memo linked when available. - Page: https://www.hlayiso.com/library/isixhosa-fal-p1-may-june-2022/5c6e63a5-b00b-47f2-95bf-b139f99ac9d0 - Updated: 2026-09-27 - Subject: isiXhosa FAL - Grade: Grade 12 - Language: Isixhosa - Document type: Question paper - Year: 2022 - Exam period: NSC June Exam - Paper: 1 - Curriculum: CAPS - Pages: 14 Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiXhosa FAL](https://www.hlayiso.com/library/grade-12/isixhosa-fal) › [isiXhosa FAL Grade 12 Paper 1 NSC June 2022 Question Paper](https://www.hlayiso.com/library/isixhosa-fal-p1-may-june-2022/5c6e63a5-b00b-47f2-95bf-b139f99ac9d0) ## About this document Isixhosa Fal · Grade 12 · NSC June Exam · 2022 · isixhosa. Question paper, 14 pages. Read online or download the PDF. Read it free online on the page above; download the PDF from there. ## Matching paper and memo - [IsiXhosa FAL P1 May-June 2022 MG](https://www.hlayiso.com/library/isixhosa-fal-p1-may-june-2022-mg/a38bf92b-14af-42c8-83f2-6bb25849ab30) — Memo · 2022 · isiXhosa ## Document text Text extracted from the PDF. Layout, diagrams and tables may not survive extraction. ### Page 1 Downloaded from hlayiso.com SENIOR CERTIFICATE EXAMINATIONS/ NATIONAL SENIOR CERTIFICATE EXAMINATIONS ISIXHOSA ULWIMI LOKUQALA OLONGEZELELWEYO (FAL) IPHEPHA LOKUQALA (P1) 2022 AMANQAKU: 80 IXESHA: Iiyure 2 Olu viwo lunamaphepha ali-14. Akuvumelekanga ukufotokopa eli phepha Tyhila iphepha ### Page 2 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 2 DBE/2022 SC/NSC IMIYALELO NENGCACISO 1. Eli phepha lemibuzo linamaCANDELO AMATHATHU angala: ICANDELO A: Uvavanyo lokuqonda (30) ICANDELO B: Ushwankathelo (10) ICANDELO C: Izakhi nemigaqo yokusetyenziswa kolwimi (40) 2. Phendula YONKE imibuzo. 3. Qala ICANDELO NGALINYE kwiphepha ELITSHA. 4. Krwela umgca ekupheleni kweCANDELO NGALINYE. 5. Nombola iimpendulo zakho ngokuchanekileyo ngokwendlela yokunombola esetyenzisiweyo kwiphepha lemibuzo. 6. Shiya umgca emva kwempendulo ngaNYE. 7. Qwalasela ngokukodwa upelo nolwakhiwo lwezivakalisi. 8. Iingcebiso malunga nolwabiwo lwexesha: ICANDELO A: Imizuzu engama-50 ICANDELO B: Imizuzu engama-20 ICANDELO C: Imizuzu engama-50 9. Bhala ngokucocekileyo nangokucacileyo. Akuvumelekanga ukufotokopa eli phepha Tyhila iphepha ### Page 3 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 3 DBE/2022 SC/NSC ICANDELO A: UVAVANYO LOKUQONDA UMBUZO 1 1.1 Funda esi sicatshulwa singezantsi uze uphendule imibuzo elandelayo. ISICATSHULWA A LUMKA! BAGINYWA ABANTWANA NGAMAQONGA ONXIBELELWANO 1 Emhlabeni phantsi kwelanga akukho nto intle kwaphela, kungekho nto imbi kwaphela. Nto nganye inecala elihle nelibi. Kunjalo nakumba wamaqonga onxibelewano, asele eyimpilo yale mihla. Akukho nto yoyikisa abazali ngaphezu kobukho nokuxhaphaka kokusetyenziswa kwamaqonga onxibelelwano. Umbuzo ngowokuba, 'Yintoni le 5 ibaxhalabisa kangaka ngawo? Bamele ukuxhalaba abazali. La maqonga onxibelelwano asisilwanyana esikhamisele ukuginya abantwana mihla le. Ngakumbi kule mihla abantwana bathi behleli nje babe becofana neeselula. Bethe phithi ingqondo ngala maqonga, oo-Twitter, oo-Facebook, oo-Instagram noo-TikTok. La maqonga 10 onxibelelwano aya esibanobungozi obugqithisileyo ngenxa yeendidi zonke zenkohlakalo ezenzeka kuwo. Zona eziquka ukubhulishwa kwi-intanethi, kunye nezingcoli ezixhaphaza abantwana ngokwesondo kwi-intanethi. Kunjalo, ayinakushiywa inyaniso yokuba amaqonga onxibelelwano akayiyo ingozi, koko ubungozi bukwindlela athi 15 asetyenziswe ngayo ngabantu. 2 Iingcali ezifundisa ngolwazi neendlela zokusebenzisa amaqonga onxibelelwano zilumkisa, zikwanika neengcebiso kuluntu malunga neendlela zokukhusela abantwana kubungozi bawo. Kukho uluvo oluthi uxhaphazo nge-intanethi lolona luyingozi kubantwana, kwaye abazali 20 kumele balubazele amehlo. Isizathu sesokuba abantwana babanoxinzelelo olugqithisileyo lomphefumlo bade ngamanye amaxesha babeneengcinga zokuzibulala. Oku kubangelwa kukuhletywa, ukuthukwa nokuzibona behluthwe ukuzingca kwabo. Ezinye iimpawu zomntwana olixhoba lolu didi lokubhulishwa 25 kukuphazamiseka angalali kakuhle, aphakuzele ade aphelelwe nangumdla kwizifundo zakhe. Kuqhutywa kuthiwe, ngumsebenzi womzali ukukhusela umntwana wakhe kubhulisho nge-intanethi. Okungaphezu koku, kukuqinisekisa ukuba nowakhe umntwana akasenzi esi senzo sibi. Umntwana obhulishayo mbi kwaye akakwazi 30 ukuhlalisana kakuhle nabanye. 3 EMelika kukho abaququzeleli bekhampeyini yokuba abazali bangabaniki abantwana iiselfowuni de bafikelele kwibanga lesibhozo. Idatha bangayifumani de babeneminyaka eli-16. Oku kungenxa yefuthe elibi elenziwa zi-smartphones nokusetyenziswa kwamaqonga 35 onxibelelwano ngabantwana abasebancinci. Ngokweziphumo zophando lwabo iiselfowuni namaqonga onxibelelwano zibangela ukuba abantwana abancinci baphazamiseke kumsebenzi wesikolo kuhle neegreyidi zabo. Okunye kukuba baye boyiswe kukuzilawula. Akuvumelekanga ukufotokopa eli phepha Tyhila iphepha ### Page 4 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 4 DBE/2022 SC/NSC Ngenxa yoko, bafumane ulwazi lwezesondo olungabafanelanga 40 ngokweminyaka, de kuqwele ngokuthi impilo yabo ibesemngciphekweni wokuhlaselwa ludandatheko lomphefumlo (idipreshini). 4 Nangaphandle kokuba umntwana abe uyinikwe engakanani iselfowuni, okubalulekileyo kukubekwa kwemithetho engqongqo emakhaya, 45 elawula iindlela zokuyisebenzisa. Imithetho kufuneka ibekwe kwasekuqaleni, kwenziwe izivumelwano zokuzibophelela phakathi komntwana nabazali. Oko kungathintela iingxaki ezisele zikhankanyiwe neengxabano ezinokubakho. Umzekelo, kunokuvunyelwana lusapho ukuba akuvumelekanga ukuba ubani asebenzise iselfowuni 50 ngamaxesha okutya, xa kuphunyiwe ngeholide nasebusuku. OkaGrover yena ude abethelele ukuba, ukuba umntwana unikwe ifowuni esemncinci, umzali makabenephasiwedi yokungena kwii-akhawunti zakhe, ahlole akubhala kumaqonga onxibelelwano. 5 Kubalulekile ukuba abazali babalumkise abantwana ngamandla 55 e-intanethi ekugcineni ulwazi olumalunga nomntu, nkqu nasemva kweminyaka emininzi. Maninzi amabali abantu ababhala izimvo zabo kumaqonga onxibelelwano besengabantwana, ezibajikele kakubi sele bebadala. Bambi de zachaphazela nekamva labo. Kaloku kwezi nkcukacha bazipowustayo kukho nezinokubavalela kumathuba 60 emisebenzi. Okubhalwe kumaqonga onxibelelwano kwapowustwa, akucimi. Kubalulekile ke ngoko ukuba abantwana bazi ukuba nantoni abayipowusta kumaqonga onxibelelwano ifikelela kubantu abaninzi. Ngoko ke, mabakucingisise abakupowusta kuwo. 6 Okokugqibela, abantwana babangamaxhoba eentengiso ezibubuxoki 65 ezipapashwa kula maqonga. Njengokuba kulula kubazali ukuziqonda iintengiso nee-akhawunti zobuxoki zoo-Instagram, kumnyama kubantwana malunga noku. Iinkcukacha zeentengiso ezifumaneka kumaqonga onxibelelwano ziyabaxwa. Injongo yoko kukwenza ukuba abantwana bakholelwe kulwazi olungenabunyani. Ezi ntengiso 70 zinobungozi kubo ngokubenza bazidele, bangazithembi. Oku kusenziwa kukuba ixesha elininzi baphela bezithelekisa nobuhle babantu obupapashwa kula maqonga. Buhle obo bungeyonyani, obenziwe ngobugcisa betekhnoloji. Abaqondi bona ukuba kwenzelwa ukuthengisa iimveliso ezithile. Ngumsebenzi wabazali ke ngoko ukuba 75 babafundise abantwana babo ukuwazi amaqhinga asetyenziswa kwiintengiso kula maqonga. 7 Elokuqukumbela, itekhnoloji ayilolungelo koko yinzuzo ekungafunekanga ukuba abazali babayeke abantwana bayixhaphaze. Mababanqwanqwadele ukuba bayisebenzise ngendlela eyakhayo. 80 [Sithatyathwe kwi-socialmedmob.net, saza saguqulelwa, salungiselelwa uviwo.] Jonga kumhlathi 1 1.1.1 Xela into eyoyikisa abazali ngokwalo mhlathi. (1) Akuvumelekanga ukufotokopa eli phepha Tyhila iphepha ### Page 5 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 5 DBE/2022 SC/NSC 1.1.2 Khetha impendulo echanekileyo kwezi zilandelayo. Intetho ethi, 'asisilwanyana esikhamisele ...' imenza ofundayo abengathi ... le nto kuthethwa ngayo. A uyayiva B uyayingcamla C uyayinukisa D uyayibona (1) 1.1.3 Lizisa ntsingiselo ni ngokwalo mhlathi igama, 'aya' elibhalwe ngqindilili kwesi sivakalisi singezantsi? La maqonga onxibelelwano aya esibanobungozi ... (2) 1.1.4 Nika zibeMBINI izenzo zenkohlakalo ezenzeka ebantwaneni kusetyenziswa amaqonga onxibelelwano ngokwalo mhlathi. (2) Jonga kumhlathi 2 1.1.5 Nika intsingiselo yentetho, 'balubazele amehlo' ngokwalo mhlathi. (2) 1.1.6 Sizathu sini esibangela ukuba kuthiwe uxhaphazo nge-intanethi malubazelwe amehlo? (2) 1.1.7 Xela uphawu abonakala ngalo umntwana olixhoba lokubhulishwa nge-intanethi ngokwalo mhlathi. (1) Jonga kumhlathi 3 1.1.8 Xela ukuba ngokwekhampeyini yaseMelika abantwana bafanele ukuzinikwa xa kutheni iiselfowuni nedatha. (2) 1.1.9 Libhekisa koobani igama, 'lwabo' elibhalwe ngqindilili kwesi sivakalisi singezantsi ngokwalo mhlathi? Ngokweziphumo zophando lwabo iiselfowuni namaqonga onxibelelwano zibangela ... (1) Jonga kumhlathi 4 1.1.10 Luluvo okanye yinyani le nkcaza ilandelayo ngokwalo mhlathi? Xhasa impendulo yakho. Oko kungathintela iingxaki ezisele zikhankanyiwe neengxabano ezinokubakho. (2) 1.1.11 Chaza ukuba wahluka njani umhlathi wesi-3 kowesi-4 ngokomxholo. (2) 1.1.12 Ngqina ukuba oku kuthethwa kwesi sivakalisi singezantsi kungabenza babe nexhala abantwana. Umzali makabenephasiwedi yokungena kwii-akhawunti zakhe, ahlole okubhalwa ngumntwana kumaqonga onxibelelwano. (2) Akuvumelekanga ukufotokopa eli phepha Tyhila iphepha ### Page 6 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 6 DBE/2022 SC/NSC Jonga kumhlathi 5 1.1.13 Nika injongo yolwazi olufumaneka kulo mhlathi. (2) Jonga kumhlathi 6 1.1.14 Cacisa ukufaneleka kwegama, 'babangamaxhoba' ngokwalo mhlathi. (2) 1.2 Funda lo mfanekiso ungezantsi uze uphendule imibuzo elandelayo. ISICATSHULWA B: OKUBONWAYO [Uthatyathwe ku-myessay.com] 1.2.1 Xela zibeMBINI iindidi zamaqonga onxibelelwano ezikulo mfanekiso. (2) 1.2.2 Yintoni ebonisa ukuba umntu osemfanekisweni uwanyuka ngokuzithemba amanqwanqwa? (2) 1.2.3 Myalezo mni odluliswa ngulo mfanekiso ngokubhekiselele kumaqonga onxibelelwano? (2) AMANQAKU ECANDELO A: 30 Akuvumelekanga ukufotokopa eli phepha Tyhila iphepha ### Page 7 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 7 DBE/2022 SC/NSC ICANDELO B: USHWANKATHELO UMBUZO 2 ISICATSHULWA C esingezantsi simalunga neendidi zezibhengezo-ntengiso noncedo lwazo ekubhengezeni amashishini. Funda ISICATSHULWA C esingezantsi uze ubhale iingongoma eziphambili unika iingcebiso ngeendidi zezibhengezo-ntengiso ezinokusetyenziswa ukubhengeza amashishini. IMIYALELO 1. Bhala isishwankathelo sibe kwimo yeengongoma ungadluli kumagama angama-60. 2. Nombola izivakalisi zakho ukusuka ku-1 ukuya ku-7. 3. Sebenzisa izivakalisi ezipheleleyo ukubhala iingongoma. 4. Sebenzisa AMAGAMA AKHO kangangoko unako. 5. Bhala inani lamagama owasebenzisileyo kwizibiyeli ekupheleni kwesishwankathelo. ISICATSHULWA C: USHWANKATHELO YAZISA ISHISHINI LAKHO NGEZIBHENGEZO-NTENGISO Zininzi iindidi zezibhengezo-ntengiso eziluncedo umntu angazisebenzisa ukubhengeza ishishini lakhe. Ezinye zenziwa ngaphandle kwe-intanethi ezinye kuyo. Nazi ezi ndidi: Udidi lokuqala zizibhengezo-ntengiso ezenziwa kunomathotholo nakwithivi, ezinceda ukulazisa ngokubanzi ishishini lakho. Ukusebenza kolu hlobo lwezibhengezo kuxhomekeka kwibhajethi etshintshatshintsha ngokweemeko nobungakanani beshishini ngelo xesha. Amaphephandaba neemagazini nazo ziluncedo kakhulu ekubhengezeni amashishini ngokwenza ukuba okuthengisayo kufikelele kuninzi lwabantu. Oku kusenzeka kuba zidlulisa ulwazi ngeshishini lakho ngokuhambelana nebhajethi yakho. Ezinye iindidi zezibhengezo-ntengiso zeziphandle, kwiibhilibhodi kunye nezincanyathiselwe kwizithuthi ezinceda ukufikelelisa ulwazi kubantu abaninzi. Zona zijolise kubantu abakwiindawo ezimi kuzo iibhilibhodi nabakwiindlela ezihamba kuzo izithuthi ezo. Ziyafana nezo zikumaphephandaba nto nje zona zijolise kwiqela elahlukileyo labantu. Kukho izibhengezo ezenziwa kwiinjini zokukhangela ulwazi ezifana noo-Google Search ezinceda ukutsala abantu abanokuba ngabaxhasi. Abo ngabafuna ulwazi ngeshishini lakho. Kolu didi lokubhengeza uhlawuliswa kuphela xa kuthe kwakho umntu oye waklikha kwisibhengezo-ntengiso sakho. Kwakhona, kukho uhlobo lwezibhengezo lwakutsha nje olusebenzisa okubonwayo neevidiyo, olunceda ukutsala umdla wabantu ngokukhawuleza. Lusebenzisa iiwebhusayithi, ii-App zeefowuni no-YouTube. Lona lwenza ukuba ukubhengeza ishishini lakho kube kwizinga olinqwenelayo. Akuvumelekanga ukufotokopa eli phepha Tyhila iphepha ### Page 8 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 8 DBE/2022 SC/NSC Amaqonga onxibelelwano alolunye udidi oluluncedo kuba anika amathuba alungelelaniselwe iinjongo nebhajethi yakho. Oko kusenziwa ngokusebenzisa u-Facebook, u-Instagram, u-Twitter ne-Snapchat. Kukho olunye udidi lokubhengeza olwenziwa ngezixhobo zee-smartphones, ezenza kubelula ukugaya abantu abanokuba ngabaxhasi beshishini lakho. Oku kwenziwa ngemiyalezo emifutshane ethunyelwa ngeefowuni kubasebenzisi bee-smartphones. Kusetyenziswa iibhena kwiiwebhusayithi kunye nee-App. Ngenene, kuyinyani ukuba ukukhula kweshishini lomntu kukwaxhomekeke nakwiindlela ezisetyenzisiweyo ukulibhengeza. [Sithatyathwe ku-www.techstart.com saza saguqulelwa, salungiselelwa uviwo.] AMANQAKU ECANDELO B: 10 Akuvumelekanga ukufotokopa eli phepha Tyhila iphepha ### Page 9 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 9 DBE/2022 SC/NSC ICANDELO C: IZAKHI NEMIGAQO YOKUSETYENZISWA KOLWIMI UMBUZO 3: ISIBHENGEZO-NTENGISO Funda esi sibhengezo-ntengiso singezantsi uze uphendule imibuzo elandelayo. ISICATSHULWA D [Uthatyathwe ku-www.bing.com yaza yahlelwa.] 3.1 Sizisa luphi ulwazi esi sibhengezo-ntengiso? (1) 3.2 Khankanya ibeNYE kwiinkcukacha ezinikiweyo zokufikelela kule nkonzo (isevisi) ibhengezwayo kule ntengiso. (1) 3.3 Ngcinga ni eziswa ngumzobo wesandla esifumbethe iibhrashi ezahlukileyo kwesi sibhengezo-ntengiso? (2) Akuvumelekanga ukufotokopa eli phepha Tyhila iphepha ### Page 10 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 10 DBE/2022 SC/NSC 3.4 Khetha impendulo echanekileyo kwezi zilandelayo. Isakhi u, 'nga' kwisivakalisi, 'ungayifaka yonke imibala yemfundo kubomi bomntwana wakho' sinika intsingiselo yesenzo … A esesenzekile. B esingenakwenzeka. C esinokwenzeka. D ebesenzekile. (1) 3.5 Sijolise koobani esi sibhengezo-ntengiso? (1) 3.6 Cacisa indlela esifanaleke ngayo isilogani 'Learning starts where teaching begins' kule ntengiso. (2) 3.7 Ingaba imifanekiso iwuxhasa ngokupheleleyo umyalezo wemfundo ekumgangatho ophezulu efumaneka kweli ziko? Xhasa impendulo yakho. (2) [10] Akuvumelekanga ukufotokopa eli phepha Tyhila iphepha ### Page 11 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 11 DBE/2022 SC/NSC UMBUZO 4: IKHATHUNI Funda le khathuni ingezantsi uze uphendule imibuzo elandelayo. ISICATSHULWA E [Ithatyathwe kwi-www.creators syndicate skuns.com yalungiselelwa uviwo.] 4.1 Nika isizathu sokuba umnwe wokukhomba kaSolly alathe ngawo ifowuni wenziwe ubemde kakhulu. (1) 4.2 Zityhila ntoni ngesimo sikaSolly izinto ezisecaleni kwesofa? (1) 4.3 Chonga igama kwikhathuni elitolika indlela angqengqe ngayo esofeni uSolly. (1) 4.4 Nika imvelaphi yeli gama, 'ncumfu-ncumfu' ngokomxhholo wale khathuni. (2) 4.5 Khetha impendulo echanekileyo ibeNYE kwezi zilandelayo. Udaba lomzimba lukamama lubonisa ukuba … A Akafuni kucaphukisa uSolly. B Akasafuni uSolly ahleke. C Akasafuni nokumbona uSolly. D Akasafuni nokuthetha noSolly. (1) 4.6 Ngeengongoma ezimbini ngqina ukuba uSolly akayihoyanga le nto ithethwa ngutata wakhe. (2) 4.7 Ingaba ngamaqonga onxibelelwano amenza abeleli vila kuthiwa ulilo uSolly? Xhasa impendulo yakho. (2) [10] Akuvumelekanga ukufotokopa eli phepha Tyhila iphepha ### Page 12 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 12 DBE/2022 SC/NSC UMBUZO 5: IPROZI 5.1 Funda esi sicatshulwa singezantsi uze uphendule imibuzo elandelayo. ISICATSHULWA F INGXOXO-MPIKISWANO MALUNGA NEESELFOWUNI EZIKOLWENI Abafundi abathandathu besikolo saseGoli banqunyanyisiwe ngenxa yokuphatha iiselfowuni esikolweni. Ingaba yinto elungileyo leyo? Lo mbuzo uvele ngethuba abafundi kwizithili zonke zePhondo laseMpuma Koloni bebebuthelene eMthatha kukhuphiswano lwengxoxo-mpikiswano. Kolu khuphiswano kungenela abafundi bebanga leshumi neleshumi 5 elinanye apho kuye kuqalwe ngokubhalwa kwesincoko, ze xa eso sincoko sithe sabhalwa ngokufanelekileyo, kuthathwe izikolo ezibini kwisithili ngasinye ziyokukhuphisana kwibakala lephondo. Kulapho ke iXolilizwe isikolo samabanga aphakamileyo saseNqadu sithe saphumelela khona sisodlula zonke ezinye izikolo. Ngoku aba bafundi baza 10 kuya kukhuphiswano lukaZwelonke ePitoli ekuqaleni kwenyanga ezayo. Bonke baxoxa ngokuzimisela okukhulu. Iinjongo zolu khuphiswano kukuvulela ulwazi kubafundi ngemiba yomgaqo-siseko nendlela esebenza ngayo imithetho yokuphathwa kweeselfowuni ezikolweni jikelele. [Sicatshulwe kwi-I'Solezwe eyoMsintsi 2021, iphepha le-14 salungiselelwa uviwo.] 5.1.1 Xela umsebenzi wegama, 'abathandathu' elikrwelewe umgca ngaphantsi kwisicatshulwa. (1) 5.1.2 Tshintsha esi sivakalisi silandelayo sibe sisivakalisi esiyingxelo. Yinto elungileyo leyo? (1) 5.1.3 Faka igama elithetha into enye neli likrwelelwe umgca ngaphantsi kwesi sivakalisi singezantsi. Lo mbuzo uvele ngethuba abafundi beseMthatha. (1) 5.1.4 Nika isizathu sokuba igama, 'Mthatha' liqalwe ngonobumba omkhulu kwesi sivakalisi silandelayo. ... bebebuthelene eMthatha kukhuphiswano lwengxoxo- mpikiswano. (1) 5.1.5 Bhala kwakhona esi sivakalisi singezantsi usiqale ngegama elikrwelelwe umgca ngaphantsi. Lo mbuzo uvele ngethuba. (1) Akuvumelekanga ukufotokopa eli phepha Tyhila iphepha ### Page 13 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 13 DBE/2022 SC/NSC 5.1.6 Khetha impendulo echanekileyo kwezi zilandelayo. Igama u-'kulapho' obhalwe ngqindilili kwisicatshulwa … A sisichazi. B sisihlomelo. C sisibizo. D sisikhombisi. (1) 5.1.7 Lizisa yiphi intsingiselo igama u-'zonke' kwesi sivakalisi singezantsi? ... sithe saphumelela khona sisodlula zonke ezinye izikolo. (2) 5.1.8 Bhala isivakalisi esilandelayo sibe kwimo yokuyalela. Abafundi bayaxoxa. (2) 5.1.9 Chonga ibinzana kwesi sivakalisi silandelayo elibonisa ukuba isiganeko ekuthethwa ngaso asikenzeki. Ngoku aba bafundi baza kuya kukhuphiswano lukazwelonke ePitoli. (1) 5.1.10 Bhala isenzi esikwesi sivakalisi silandelayo sibe kwimo ende. Abafundi baxoxa kukhuphiswano. (1) 5.1.11 Cazulula esi sivakalisi singezantsi ukhuphe igatya eliyintloko negatya elayamileyo. Iinjongo zokhuphiswano kukuvulela ulwazi kubafundi ngemiba yomgaqo-siseko. Cwangcisa impendulo yakho ngolu hlobo: IGATYA ELIYINTLOKO IGATYA ELAYAMILEYO (i) (ii) (2) Akuvumelekanga ukufotokopa eli phepha Tyhila iphepha ### Page 14 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 14 DBE/2022 SC/NSC 5.2 Funda lo mfanekiso ungezantsi uze uphendule imibuzo elandelayo. ISICATSHULWA G: UMFANEKISO [Uthatyathwe kwi-BizarroComics.com waza wahlelwa] 5.2.1 Bhala kwakhona esi sivakalisi silandelayo ulungise igama elikwizibiyeli. Khangela, ukuguga kuseminweni (nasezintamo). (2) 5.2.2 Bhala esi sivakalisi singezantsi siqale ngesimelabiso u 'bona'. Sijongene neziphumo zokuteksta iminyaka ngeminyaka. (2) 5.2.3 Fakela isimamva sexesha elimiyo kwigama elikwizibiyeli ukuze ivakale intsingiselo yesi sivakalisi singezantsi. Abantu abalapha (bagoba). (2) [20] AMANQAKU ECANDELO C: 40 AMANQAKU EWONKE: 80 Akuvumelekanga ukufotokopa eli phepha ## Related documents - [IsiXhosa FAL P2 May-June 2022](https://www.hlayiso.com/library/isixhosa-fal-p2-may-june-2022/1b6b5ddb-5697-4e8d-871b-aaaf7a175b33) — isiXhosa FAL · QP · 2022 · isiXhosa - [IsiXhosa FAL P1 May-June 2025 MG](https://www.hlayiso.com/library/isixhosa-fal-p1-may-june-2025-mg/6858023a-bdef-4e8f-a091-79d94e109d28) — isiXhosa FAL · Memo · 2025 · isiXhosa - [ISIXHOSA FAL P3 GR12 QP SEPT2022 (Corr 23 Aug)](https://www.hlayiso.com/library/isixhosa-fal-p3-gr12-qp-sept2022-corr-23-aug/84c9883f-167c-4b5b-b7e7-eda3f18f2708) — isiXhosa FAL · QP · 2022 · isiXhosa - [IsiXhosa FAL P3 May-June 2024](https://www.hlayiso.com/library/grade-12-isixhosa-fal-2024-nsc-june-exam-question-paper-paper-3-isixhosa/04ab24a6-11eb-48dd-8982-55d658ed43ce) — isiXhosa FAL · QP · 2024 · isiXhosa - [IsiXhosa FAL P2 May-June 2023](https://www.hlayiso.com/library/isixhosa-fal-p2-may-june-2023/c2ccb5a8-b3fd-4bac-ae46-e6328b577441) — isiXhosa FAL · QP · 2023 · isiXhosa - [IsiXhosa FAL P3 May-June 2023](https://www.hlayiso.com/library/isixhosa-fal-p3-may-june-2023/d4034b7d-5afd-410d-a337-d368fe936e3d) — isiXhosa FAL · QP · 2023 · isiXhosa ## More from Grade 12 isiXhosa FAL - [ISIXHOSA FAL P2 GR12 MEMO SEPT 2025 watermark](https://www.hlayiso.com/library/isixhosa-fal-p2-gr12-memo-sept-2025-watermark/9129edfc-7f89-491a-88fb-23270581f911) — Memo · 2025 · isiXhosa - [ISIXHOSA FAL P3 GR12 MEMO SEPT2025 watermark](https://www.hlayiso.com/library/isixhosa-fal-p3-gr12-memo-sept2025-watermark/854a529e-2cc7-4f28-b2d3-f7735c0d615c) — Memo · 2025 · isiXhosa - [IsiXhosa FAL P3 May-June 2025 MG](https://www.hlayiso.com/library/isixhosa-fal-p3-may-june-2025-mg/e6f77f14-fd5e-4415-9cd4-23e671adcb30) — Memo · 2025 · isiXhosa - [XHOSA FAL P1 MEMO GR12 SEPT 2024](https://www.hlayiso.com/library/xhosa-fal-p1-memo-gr12-sept-2024/4c02fe41-62c6-462b-aa2a-9c6efd2e97ba) — Memo · 2024 - [XHOSA FAL P2 MEMO GR 12 SEPT 2024](https://www.hlayiso.com/library/xhosa-fal-p2-memo-gr-12-sept-2024/b9606eda-21f0-469e-bf5d-ffb2f9da1ea1) — Memo · 2024 - [ISIXHOSA FAL P3 GR12 MEMO SEPT2024](https://www.hlayiso.com/library/isixhosa-fal-p3-gr12-memo-sept2024/bffdc7ae-e26d-41ce-85b3-45556351b8c5) — Memo · 2024 · isiXhosa ## Collection - [Grade 12 past papers](https://www.hlayiso.com/grade-12/past-papers) --- Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.