# isiXhosa FAL Grade 12 P1 NSC November Exams 2015 QP > Grade 12 isiXhosa FAL Paper 1 question paper from the NSC November Exams 2015, 14 pages. Read online or get the free PDF download, memo linked when available. - Page: https://www.hlayiso.com/library/isixhosa-fal-p1-nov-2015/2a83ec19-6ae7-4e09-8707-bb9536af80ca - Updated: 2026-09-27 - Subject: isiXhosa FAL - Grade: Grade 12 - Language: Isixhosa - Document type: Question paper - Year: 2015 - Exam period: NSC November Exams - Paper: 1 - Curriculum: CAPS - Pages: 14 Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiXhosa FAL](https://www.hlayiso.com/library/grade-12/isixhosa-fal) › [isiXhosa FAL Grade 12 P1 NSC November Exams 2015 QP](https://www.hlayiso.com/library/isixhosa-fal-p1-nov-2015/2a83ec19-6ae7-4e09-8707-bb9536af80ca) ## About this document Isixhosa Fal · Grade 12 · NSC November Exams · 2015 · isixhosa. Question paper, 14 pages. Read online or download the PDF. Read it free online on the page above; download the PDF from there. ## Document text Text extracted from the PDF. Layout, diagrams and tables may not survive extraction. ### Page 1 Downloaded from hlayiso.com NATIONAL SENIOR CERTIFICATE IBANGA 12 ISIXHOSA ULWIMI LOKUQALA OLONGEZELELWEYO (FAL) IPHEPHA LOKUQALA (P1) NOVEMBA 2015 AMANQAKU: 80 IXESHA: Iiyure 2 Olu viwo lunamaphepha ali-14. Akuvumelekanga ukufotokopa eli phepha Tyhila iphepha ### Page 2 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 2 DBE/Novemba 2015 NSC IMIYALELO NENGCACISO 1. Eli phepha lemibuzo linamaCANDELO AMATHATHU angala: ICANDELO A: Uvavanyo lokuqonda (30) ICANDELO B: Ushwankathelo (10) ICANDELO C: Izakhi nemigaqo yokusetyenziswa kolwimi (40) 2 Phendula YONKE imibuzo. 3. Qala ICANDELO NGALINYE kwiphepha ELITSHA. 4. Krwela umgca ekupheleni KWECANDELO NGALINYE. 5. Nombola iimpendulo zakho ngokuchanekileyo ngokwendlela yokunombola esetyenzisiweyo kwiphepha lemibuzo. 6. Shiya umgca emva kwempendulo NGANYE. 7. Qwalasela ngokukodwa upelo nolwakhiwo lwezivakalisi. 8. Iingcebiso malunga nolwabiwo lwexesha: ICANDELO A: 50 emizuzu ICANDELO B: 30 emizuzu ICANDELO C: 40 emizuzu 9. Bhala ngokucocekileyo nangokucacileyo. Akuvumelekanga ukufotokopa eli phepha Tyhila iphepha ### Page 3 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 3 DBE/Novemba 2015 NSC ICANDELO A: UVAVANYO LOKUQONDA UMBUZO 1 1.1 Funda esi sicatshulwa uze uphendule imibuzo elandelayo. ISICATSHULWA A UMONDE 1. Phakathi kwabantu ohlala nabo, uya kuqaphela ukuba basoloko bekho abanamagama angooMonde nooNomonde. Ukuxhaphaka kwala magama kubonakalisa ingcinga ephangaleleyo nenkolo yokokuba le nto ingumonde yenye yeziphiwo zendalo ezixabisekileyo esazinikwa nguMdali. Xa umzali enqwenela ukuba umntwana wakhe anganomonde 5 endalweni nasebomini bakhe, kusukuba ethanda ukuba afumane eyona nto iphakamileyo nebalulekileyo. Xa sizikisa ukulicingisisa eli gama, sifumanisa ukuba liliwele neli lithi 'inzondelelo' kuba ukuze umntu abe nomonde kufuneka akwazi ukuzondelela entweni. 2. Kukho ibali elikwiintsomi zikaIsophu, elithetha ngomfo owathi ukuze 10 afumane intombi yekumkani awayefuna ukuyitshata, wabalisela ikumkani intsomi engapheliyo. Le ntsomi yayingentaka eyafika endlwini enkulu ezele umbona, yathatha ukhozo lombona yemka nalo, yabuya yeza kuthabatha olunye ukhozo, yemka nalo. Lo mfo ubalisayo wayemana ukuphindaphinda esithi, 'yabuya, yathath'ukhozo yemka nalo', njalo njalo. 15 Sifundiswa izinto ezimbini ngumbalisi, umonde nenzondelelo. Ukanti umbalisi wale ntsomi wayenenjongo yokuphungula umonde omninzi wokumkani owayengadinwa kukuphulaphula yonke imihla amabali amatshawe namagorha awayefuna intombi yakhe yena engafuni kuyendisa. Unokuqonda ukuba le kumkani yayinomonde xa 20 yayinokuphulaphula la mabali ngamabali yonke imihla. Ukukruquka kwayo yile ntsomi yale ntaka, kwabonakala ngokugqwashumla nokukhalala kwayo, ukuba isoyiswa kukulinda kude kuphele eziyaa nkozo zazithelekelelwa kwizigidi ngezigidi. 3. Ingaba umonde lo yindalo, umntu uzalwa nawo okanye uyawufundiswa? 25 Ndingawuphendulanga nje lo mbuzo ndithanda ukuba sikhe siqwalasele usana oluncinane olusamuncayo okanye oseluqala ukuzityela. Ukhe uluqaphele indlela olumxhesha ngayo unina xa selulambile? Ukuba unina usalibele kukufudumeza ubisi, okanye ukuhlamba ibhotile, uya kuva ngokutsawula kwesikhalo salo ukuba akukho zicengo ziza kunceda 30 ukuba olu bisi alulungi ngoku. Naba sele bethe dlandlu ukukhula abantwana, kunzima ukulinda xa sele beyifuna into. Xa umntu evela esikolweni, elambile, waza wafika imbiza isarhoxa amanzi okugqibela uya kumbona echiphichiphiza ngenxa yokungabi namonde wokulinda. 4. Imfundo yakudala yayifunyanwa ngabo bantu bakwaziyo ukuzondelela. 35 Izikolo zazikude, kufuneke umntu avuke ngentseni asenge, athi akugqiba akhaphele iimpahla, okanye aye ediphini, kanti loo mntu useza kuya esikolweni. Ngelo xesha, nesikolo siyakrakra kuba ootitshala nabo bafuna umsebenzi wabo kwakulo mntu uxakeke olu hlobo. Kwakufuneka anyamezele ezi meko umntwana ukuze aphumelele. Abangenamonde 40 nanzondelelo bona babesishiya isikolo bakucinga ngokululamela ezi meko unyaka wonke kungekho lonwabo. Akuvumelekanga ukufotokopa eli phepha Tyhila iphepha ### Page 4 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 4 DBE/Novemba 2015 NSC 5. Umonde uhamba nokunyamezela. Akakwazi umntu ukuba nomonde engakwazi ukuzinyamezela izinto ezikhathaza umphefumlo nomzimba. Abafundi banamhlanje abafani nabakudala. Iimeko zokuhlala 45 nezokufunda ezazinyanyezelwa ngabafundi bakudala ezinaleni nasezikolweni zangaphandle azinyamezeleki kwaba banamhlanje. Loo nto ithetha ukuba abakudala babekufundile ukuba nomonde. Iimeko ababekhula phantsi kwazo zazibafundisa ukunyamezela, kodwa ke, noxa kunjalo asinguye wonke umntu onomonde. 50 6. Esi sifo sokungabi namonde sikho nasebantwini abadala. Ukuba ukhe uhambe ngemoto isithuba eside uya kubuya ubambe ongezantsi zizinto ezenziwa ngabaqhubi beemoto endleleni, kube ngakumbi wakuqaphela ukuba naba bantu benza ezi zinto ngabantu abahloniphekileyo. 7. Amadoda anomonde egazini wowabona ngempumelelo kumashishini 55 nasemisebenzini. Uthi xa uqwalasele ubukhulu bamashishini la, uqikelele ukuba lo msebenzi uthathe iminyaka ngeminyaka kunyanyezelwa iinzingo nezilingo zamashishini, kuzanywa ukuqokelelwa ezi senti. Abangenamonde oosomashishini bayacaca. Ootitshala, oomabhalana nabanye abasebenzi ababehamba nzima ngaphambili, namhlanje 60 banemizi ekhangelekayo. Xa ubuza ukuba benza njani na ukuze bafikelele kweli nqanaba, impendulo inye, ngumonde, inzondelelo nokunyamezela. 8. Abantu abangaziqeqeshanga ekubeni bakwazi ukuba nomonde ebomini nasentlalweni yabo, kunzima ukuba bakwazi ukunyamezelana. 65 Izidubedube, iimfazwe, ukunyembana yonke le nto idalwa kukuba nomonde omncinci okanye ukungabikho kwawo. [Sithathwe kwincwadi Iphulo; KS Bongela, iphepha 72–77 saze sahlelwa.] Jonga kumhlathi 1 1.1.1 Caphula ngokuchanekileyo isivakalisi esibonisa ukuba amagama aphiwa abantu aphuhlisa okuthile ngeziphiwo zikaThixo. (2) 1.1.2 Bhala isivakalisi esichanekileyo usebenzise isibizo esithi, 'inzondelelo' njengentloko yesivakalisi. (2) 1.1.3 Siphuhlisa ntoni isihlanganisi esibhalwe ngqindilili, 'ukuze'? (2) Jonga kumhlathi 2 1.1.4 Yenza ntoni iKumkani ukuvakalisa ukukruquka kwayo kukubaliselwa intsomi? (2) Akuvumelekanga ukufotokopa eli phepha Tyhila iphepha ### Page 5 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 5 DBE/Novemba 2015 NSC Jonga kumhlathi 3 1.1.5 Xela isenzo esenziwa lusana ukuxhesha unina xa lulambile? (2) 1.1.6 Khetha impendulo echanekileyo. Igama elithi, 'echiphichiphiza' lithetha: A Ukuphuma kweenyembezi kakhulu zingayeki okokoko. B Ukuphuma kweenyembezi kancinci zimana zinqamka. C Ukuphuma kweenyembezi kakhulu zimana zinqamka. D Ukuphuma kweenyembezi kancinci zingayeki okokoko. (1) 1.1.7 Bhala ngokutsha eli binzana lilandelayo, usebenzise amazwi akho. '… siqwalasele usana oluncinane olusamuncayo …' (2) Jonga kumhlathi 4 1.1.8 Bhala isivakalisi ESINYE usebenzise isibizo, 'iimpahla', ukuphuhlisa iintsingiselo ezahlukeneyo ngaso. (2) 1.1.9 Dwelisa izinto EZIMBINI ubuncinane ezenziwa ngabantu kudala phambi kokuya esikolweni. (1) Jonga kumhlathi 5 1.1.10 'Abafundi banamhlanje abafani nabakudala.' Ingaba luluvo okanye yinyaniso na oku? Xhasa impendulo yakho. (2) Jonga kumhlathi 6 1.1.11 Ngoobani abanye abanesifo sokungabi namonde? (1) Jonga kumhlathi 7 1.1.12 Chonga isivakalisi esichanekileyo esiphuhlisa ingcinga ebethelelekileyo nedlelelelayo ngokwesini. (2) 1.1.13 Xela into ibe NYE ebangela kuthathwe iminyaka ngeminyaka ukuphumeza ishishini. (1) Jonga kumhlathi 8 1.1.14 Chaza zibe MBINI izinto ezidalwa kukunqongophala komonde. (2) Akuvumelekanga ukufotokopa eli phepha Tyhila iphepha ### Page 6 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 6 DBE/Novemba 2015 NSC ISICATSHULWA B: OKUBONWAYO 1.2 Funda le grafu ingezantsi uze uphendule imibuzo elandelayo. [Ithathwe kuvimba wabevi] 1.2.1 Xela amagama amaphondo AMABINI asebenzisa itreyini kakhulu ngokulandelelana kwawo. (2) 1.2.2 Leliphi elona phondo lineqondo eliphantsi lokusebenzisa ibhasi? (1) 1.2.3 Leliphi iphondo elisebenzisa kakhulu ibhasi? (2) 1.2.4 Thelekisa ngokweepesenti ukusetyenziswa kweeTeksi eMpumakoloni naseNtshonakoloni. (1) AMANQAKU ECANDELO A: 30 Akuvumelekanga ukufotokopa eli phepha Tyhila iphepha ### Page 7 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 7 DBE/Novemba 2015 NSC ICANDELO B: USHWANKATHELO UMBUZO 2 Funda esi sicatshulwa silandelayo wandule usishwankathele ubonise amacebo anokukunceda ukuze uphumelele eyunivesithi. Shwankathela ngokwemo yokudwelisa iingongoma. Landela le miyalelo xa ushwankathela: 1. Chonga iingongoma eziphambili ezisi-7 ubude bungadluli kuma-70 amagama. 2. Zidwelise ngendlela ehambelanayo ngamazwi akho ungawulahlanga umxholo. 3. Bhala inani lamagama owasebenzisileyo kwizibiyeli ezantsi kwesishwankathelo. 4. Upelo, iimpawu zobhalo nokusetyenziswa kolwimi maluchaneke. ISICATSHULWA C OMAWUKWENZE UKUZE UQHUBE KAKUHLE EYUNIVESITHI Ibanga leshumi uligqibile, ikwamkele iyunivesithi. Uza kwenza izifundo ozinqwenelayo, uqhube kakuhle, ufumane isidanga. Wenza njani? Nanga amacebiso ambalwa aza kukunceda. Iititshala zithathe njengabahlobo bakho, kuba zifuna uqhube kakuhle kwizifundo zakho, azifuni koyikwa. Ewe ke bangakho abohlukileyo kodwa isininzi sezaseYunivesithi ziyafikeleleka kwaye ziyazamkela izimvo ezahlukeneyo. Umthetho othi, 'kweli gumbi lokufundela kulawula mna', uyaphelelwa xa ugqiba ibanga le-12. Sukuba neentloni, lucele uncedo xa ulufuna. Bakho abacebisi onokuthetha nabo malunga nezifundo omawuzithathe, bekho nabo banokucebisa ngeengxaki onazo ebomini. Lungisa izinto zakho ngendlela ukuze ubomi bakho bubelula. Khangela ukuba kufundwa eziphi izifundo, nini, phi rhoqo xa uvuka, kuba ungalibala uphoswe sisifundo. Zahlule iincwadi zakho ngemibala ngokwesifundo ngasinye, ezokufunda, iifayile, nezokubhalela. Sebenzani niliqela. Abanye abantu bayakuthanda ukuzifundela bebodwa kanti, abanye basebenza kakuhle kwiqela apho kulula ukufumana iingcamango zabahlobo. Iqela malibe namalungu amahlanu, ukuze wonke ubani afumane ithuba lokuveza iimbono zakhe. Ubuncinci beqela bunyanzelisa wonke ubani athathe inxaxheba. Yenza isicwangciso samaxesha okufunda xa kusondele iimviwo. Bala iiyure esizidingayo isifundo ngasinye ukuze uzabele amaxesha ngokulinganayo. Kukwabalulekile ukuzabela ixesha lokuziphumza nokuba lusuku olunye. Musa ukuwuthatha lula umsebenzi wesikolo kuba nguwona unzima ngaphezu kweemviwo kwaye kufuneka uwugqibe ngexesha elibekiweyo. Awunakuwufunda kubusuku obuphambi kwemini ofuneka ngayo! Usenokuthi kanti ufuna ukuba wenze uphando, oluquka udliwano-ndlebe nomntu othile. Akuvumelekanga ukufotokopa eli phepha Tyhila iphepha ### Page 8 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 8 DBE/Novemba 2015 NSC Zonwabise, wenze into oyithandayo. Unganethuba lokuzifunda uzazi wenze nezinto ezintsha. Yakha nobuhlobo nabantu ongenakufane uthethe nabo. Iyunivesithi iyakunceda ekuqondeni wahlule ixesha lokonwaba, elokufunda, elomsebenzi wesikolo, nelokuphumla kanti nelokuxakeka. Xa wonwabile uqhuba kakuhle. [Sithathwe kwiBONA magazini, Matshi 2008; iphepha 70–72 saze sahlelwa] AMANQAKU ECANDELO B: 10 Akuvumelekanga ukufotokopa eli phepha Tyhila iphepha ### Page 9 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 9 DBE/Novemba 2015 NSC ICANDELO C: IZAKHI NEMIGAQO YOKUSETYENZISWA KOLWIMI UMBUZO 3 Funda esi sibhengezo-ntengiso uze uphendule imibuzo elandelayo. ISICATSHULWA D: ISIBHENGEZO-NTENGISO Buccaneers [Sithathwe kuwww.buccaneershoes.co.za saze salungiselelwa uviwo] 3.1 Sithini isilogani sesi sibhengezo-ntengiso? (1) 3.2 Sijoliswe koobani esi sibhengezo-ntengiso? Xhasa impendulo yakho. (2) Akuvumelekanga ukufotokopa eli phepha Tyhila iphepha ### Page 10 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 10 DBE/Novemba 2015 NSC 3.3 Yintoni injongo yokusetyenziswa kwabantwana kwesi sibhengezo-ntengiso? (2) 3.4 Mangaphi amakhwenkwe namantombazana kwisibhengezo-ntengiso? (2) 3.5 Khetha impendulo echanekileyo ngezantsi. Kwibinzana elithi, 'Senzela lula ooMama ...' sifumana ulwimi oluqulethe ... A Ingcinga ebethelelekileyo ngokobuhlanga. B Ingcinga ebethelelekileyo ngokwesini. C Ingcinga ebethelelekileyo ngokwebala. D Ingcinga ebethelelekileyo ngokwendawo. (1) 3.6 Nika amagama eevenkile EZIMBINI ezifumaneka kuzo ezi zihlangu. (2) [10] Akuvumelekanga ukufotokopa eli phepha Tyhila iphepha ### Page 11 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 11 DBE/Novemba 2015 NSC UMBUZO 4: IKHATHUNI Funda le khathuni uze uphendule imibuzo elandelayo. ISICATSHULWA E [Ithathwe kwiBONA magazini, Disemba 2008, iphepha 115 yaze yahlelwa] Akuvumelekanga ukufotokopa eli phepha Tyhila iphepha ### Page 12 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 12 DBE/Novemba 2015 NSC 4.1 Chonga igama lemboleko kwisakhelo soku-1. (1) 4.2 Kwisakhelo sesi-2, impendulo kaStix ethi 'Kunjalo' inenjongo: Khetha impendulo echanekileyo kwezi: A Yokumphoxa uShoti. B Yokumncoma uShoti. C Yokumngqinela uShoti. D Yokumhlekisa uShoti. (1) 4.3 Loluphi uvakalelo oluvezwa yinkangeleko yobuso bukaStix kwisakhelo sesi-3? (2) 4.4 Zisebenze msebenzi mni iimpawu zocaphulo kwigama 'nangothando' kwisakhelo sesi-4? (2) 4.5 Nika isizathu sokushiywa kweceba kwibinzana elithi, ' eyona nto' kwisakhelo sesi-7. (2) 4.6 Nika igama nefani yomzobi wale khathuni. (2) [10] UMBUZO 5: IPROZI 5.1 Funda esi sicatshulwa uze uphendule imibuzo ebuzwe kuso. ISICATSHULWA F UKUXOKA Kambe le nto ubuxoki izindidi ezininzi, kodwa ke, mfundi ndiza kube ndisithi zintathu iindidi zokuxoka. Kwezo ndidi zikho ezinengozi, zikwakho nezilungileyo. Apha ekuxokeni kukho ukuxoka okungafunekiyo esithi xa sikubiza lulwimi. Umntu onolu hlobo lokuxoka simthiya amagama amaninzi, sithi ngumphambanisi, umxabanisi, njalo njalo. Lubi ke olu hlobo lokuxoka. 5 Umntu onolu hlobo lokuxoka uyakwazi ukuyiqweba into emqaleni ingekho, athi ithethwe ngomnye, ngeenjongo zokuxabanisa eso sibini. Obu ke ubuxoki bobu bakwaMtyholi, nomntu onabo nguMtyholi ngokwakhe, kuba kaloku uMtyholi akayifuni into entle, uyakhathazeka akubona abantu bemanyene anqwenele ukubadungadunga, abahlule phakathi, akafuni kubona into entle 10 emntwini. Unjalo ke umntu onolwimi, uyakwazi ukubeka izenyeliso nalapho zingafanelekile. [Ithathwe kwincwadi, Imitha yelanga, ebhalwe nguWK Tamsanqa, iphepha 8, yaze yalungiselwa uviwo] 5.1.1 Lungisa isiphene sopelo esikwigama elinomgca ngaphantsi kwisivakalisi esingezantsi. Kambe le nto ubuxoki izindidi ezininzi. (1) Akuvumelekanga ukufotokopa eli phepha Tyhila iphepha ### Page 13 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 13 DBE/Novemba 2015 NSC 5.1.2 Khetha isichazi kwisivakalisi esingezantsi. Apha ekuxokeni kukho ukuxoka okungafunekiyo. (1) 5.1.3 Nika isigaba sentetho segama ngalinye elibhalwe ngqindilili kwisivakalisi esingezantsi. Obu ke ubuxoki bobu (a) bakwaMtyholi, nomntu onabo nguMtyholi ngokwakhe, kuba kaloku (b) uMtyholi akayifuni into entle. (2) 5.1.4 Sebenzisa igamallhulwimi kwizivakalisi eziBINI ubonise ukuba linentsingiselo eyahlukileyo kule ikwisivakalisi esingezantsi. Apha ekuxokeni kukho ukuxoka okungafunekiyo esithi xa sikubiza lulwimi. (2) 5.1.5 Guqula esi sivakalisi singezantsi sibe kwimo elandulayo. Unjalo ke umntu onolwimi. (1) 5.1.6 Xela ukuba kutheni isibizo esibhalwe ngqindilili singenalo iceba. Lubi ke olu hlobo lokuxoka. (1) 5.1.7 Lungisa iziphene zobhalo kwisivakalisi esingezantsi. Ababantu baloluhlobo kuthiwa ngabaxabanisi. (2) 5.1.8 Guqula isenzi esikrwelelwe umgca ngaphantsi sibe sisibizo wandule ukusisebenzisa kwisivakalisi ngokuchanekileyo. Uyakhathazeka akubona abantu bemanyene. (3) 5.1.9 Khetha isifanekisozwi esichanekileyo kwizibiyeli kwesi sivakalisi singezantsi. Uthe akumva ukuba uyaxoka, wamxelela ukuba uxoka (rhushu/rhu). (1) Akuvumelekanga ukufotokopa eli phepha Tyhila iphepha ### Page 14 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 14 DBE/Novemba 2015 NSC 5.2 ISICATSHULWA G: UMFANEKISO Funda lo mfanekiso uze uphendule imibuzo elandelayo. [Uthathwe kwiBONA magazini, Julayi 2014; iphepha 130] 5.2.1 Bhala isenzi esikwizibiyeli sibe kwisixando sokwenzela. UDaniel (betha) abantwana amagubu. (1) 5.2.2 Khetha isivakalisi esibhalwe ngokuchanekileyo kwezi zilandelayo. A Inkwenkwe ibetha amagubu. B Inkwenkwe ubetha amagubu. C Inkwenkwe abetha amagubu. D Inkwenkwe babetha amagubu. (1) 5.2.3 Guqula esi sivakalisi silandelayo sibe kwintetho-ngqo. Daniel betha amagubu watsho umhlobo wakhe. (2) 5.2.4 Khetha isenzi uxele nexesha esikulo kwesi sivakalisi singezantsi: Le nkwenkwana yawudlala isencinci umculo. Bhala ngolu hlobo: Isenzi Ixesha lesenzi (2) [20] AMANQAKU ECANDELO C: 40 AMANQAKU EWONKE: 80 Akuvumelekanga ukufotokopa eli phepha ## Related documents - [IsiXhosa FAL P2 Nov 2015](https://www.hlayiso.com/library/isixhosa-fal-p2-nov-2015/3c5fad44-1343-4739-a412-d657dd4bc516) — isiXhosa FAL · QP · 2015 · isiXhosa - [IsiXhosa FAL P1 Feb-March 2015](https://www.hlayiso.com/library/isixhosa-fal-p1-feb-march-2015/5b0c8b63-1dff-4ac0-9811-df2db4cbbb4f) — isiXhosa FAL · QP · 2015 · isiXhosa - [IsiXhosa FAL P1 Nov 2021](https://www.hlayiso.com/library/isixhosa-fal-p1-nov-2021/f0752327-ea57-47e6-89ed-6721d3004e74) — isiXhosa FAL · QP · 2021 · isiXhosa - [IsiXhosa FAL P1 Nov 2019](https://www.hlayiso.com/library/isixhosa-fal-p1-nov-2019/537983a8-5873-4fe7-bddc-62e74e024cfa) — isiXhosa FAL · QP · 2019 · isiXhosa - [IsiXhosa FAL P1 Nov 2018](https://www.hlayiso.com/library/isixhosa-fal-p1-nov-2018/487ed04e-37a3-436d-90bf-54defdd477a8) — isiXhosa FAL · QP · 2018 · isiXhosa - [IsiXhosa FAL P1 Nov 2017](https://www.hlayiso.com/library/isixhosa-fal-p1-nov-2017/c385c5ff-9cf9-44cc-94b3-ae62c158445d) — isiXhosa FAL · QP · 2017 · isiXhosa ## More from Grade 12 isiXhosa FAL - [ISIXHOSA FAL P2 GR12 MEMO SEPT 2025 watermark](https://www.hlayiso.com/library/isixhosa-fal-p2-gr12-memo-sept-2025-watermark/9129edfc-7f89-491a-88fb-23270581f911) — Memo · 2025 · isiXhosa - [ISIXHOSA FAL P3 GR12 MEMO SEPT2025 watermark](https://www.hlayiso.com/library/isixhosa-fal-p3-gr12-memo-sept2025-watermark/854a529e-2cc7-4f28-b2d3-f7735c0d615c) — Memo · 2025 · isiXhosa - [IsiXhosa FAL P1 May-June 2025 MG](https://www.hlayiso.com/library/isixhosa-fal-p1-may-june-2025-mg/6858023a-bdef-4e8f-a091-79d94e109d28) — Memo · 2025 · isiXhosa - [IsiXhosa FAL P3 May-June 2025 MG](https://www.hlayiso.com/library/isixhosa-fal-p3-may-june-2025-mg/e6f77f14-fd5e-4415-9cd4-23e671adcb30) — Memo · 2025 · isiXhosa - [XHOSA FAL P1 MEMO GR12 SEPT 2024](https://www.hlayiso.com/library/xhosa-fal-p1-memo-gr12-sept-2024/4c02fe41-62c6-462b-aa2a-9c6efd2e97ba) — Memo · 2024 - [XHOSA FAL P2 MEMO GR 12 SEPT 2024](https://www.hlayiso.com/library/xhosa-fal-p2-memo-gr-12-sept-2024/b9606eda-21f0-469e-bf5d-ffb2f9da1ea1) — Memo · 2024 ## Collection - [Grade 12 past papers](https://www.hlayiso.com/grade-12/past-papers) --- Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.