# isiXhosa FAL Grade 12 P1 NSC November Exams 2021 QP > Grade 12 isiXhosa FAL Paper 1 question paper from the NSC November Exams 2021, 14 pages. Read online or get the free PDF download, memo linked when available. - Page: https://www.hlayiso.com/library/isixhosa-fal-p1-nov-2021/f0752327-ea57-47e6-89ed-6721d3004e74 - Updated: 2026-09-27 - Subject: isiXhosa FAL - Grade: Grade 12 - Language: Isixhosa - Document type: Question paper - Year: 2021 - Exam period: NSC November Exams - Paper: 1 - Curriculum: CAPS - Pages: 14 Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiXhosa FAL](https://www.hlayiso.com/library/grade-12/isixhosa-fal) › [isiXhosa FAL Grade 12 P1 NSC November Exams 2021 QP](https://www.hlayiso.com/library/isixhosa-fal-p1-nov-2021/f0752327-ea57-47e6-89ed-6721d3004e74) ## About this document Isixhosa Fal · Grade 12 · NSC November Exams · 2021 · isixhosa. Question paper, 14 pages. Read online or download the PDF. Read it free online on the page above; download the PDF from there. ## Document text Text extracted from the PDF. Layout, diagrams and tables may not survive extraction. ### Page 1 Downloaded from hlayiso.com NATIONAL SENIOR CERTIFICATE IBANGA 12 ISIXHOSA ULWIMI LOKUQALA OLONGEZELELWEYO (FAL) IPHEPHA LOKUQALA (P1) NOVEMBA 2021 AMANQAKU: 80 IXESHA: Iiyure 2 Olu viwo lunamaphepha ali-14. Akuvumelekanga ukufotokopa eli phepha Tyhila iphepha ### Page 2 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 2 DBE/Novemba 2021 NSC IMIYALELO NENGCACISO 1. Eli phepha lemibuzo linamaCANDELO AMATHATHU angala: ICANDELO A: Uvavanyo lokuqonda (30) ICANDELO B: Ushwankathelo (10) ICANDELO C: Izakhi nemigaqo yokusetyenziswa kolwimi (40) 2. Phendula YONKE imibuzo. 3. Qala ICANDELO NGALINYE kwiphepha ELITSHA. 4. Krwela umgca ekupheleni kweCANDELO NGALINYE. 5. Nombola iimpendulo zakho ngokuchanekileyo ngokwendlela yokunombola esetyenzisiweyo kwiphepha lemibuzo. 6. Shiya umgca emva kwempendulo ngaNYE. 7. Qwalasela ngokukodwa upelo nolwakhiwo lwezivakalisi. 8. Iingcebiso malunga nolwabiwo lwexesha: ICANDELO A: Imizuzu engama-50 ICANDELO B: Imizuzu engama-20 ICANDELO C: Imizuzu engama-50 9. Bhala ngokucocekileyo nangokucacileyo. Akuvumelekanga ukufotokopa eli phepha Tyhila iphepha ### Page 3 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 3 DBE/Novemba 2021 NSC ICANDELO A: UVAVANYO LOKUQONDA UMBUZO 1 1.1 Funda esi sicatshulwa singezantsi uze uphendule imibuzo elandelayo. ISICATSHULWA A UNXIBELELWANO NGEE-EMOJI 1 Uninzi lwethu luthabathekile sisimbo sokuthumelelana imiyalezo ekhatshwa yimifanekiso okanye iimpawu ezithile zobhalo ekuthiwa ziiemoji. Ezi emoji zithunyelwa ngeeselulafowuni ezenziwe ngobuchule nobuxhakaxhaka bokumelana neemfuno zetekhnoloji yale mihla. Uninzi 5 lwee-emoji sele lufakelwe kwizakhelo zeeselulafowuni zala maxesha. Akwenzayo umntu kukubhala umyalezo alandelise ngokukhetha iemoji ehambelana nawo ukuze othunyelelwayo azive esondelelene ngakumbi nalowo athetha naye. Asinto ixhaphakileyo kule mihla ukuthumela umyalezo ozihambela njee ungakhatshwa bubuso okanye uphawu 10 oludlulisa uvakalelo lwalowo uthumelayo. Akukhathaliseki nokuba ubani uwuthumela ngamaqonga ooFacebook okanye ooTwitter umyalezo wakhe, iiemoji zisoloko zikho. 2 Imbali yezi emoji isukela kunyaka we-1999 kwilizwe laseJapan. Umfana owayeneminyaka engama-27, uShigetaka Kurita wazenzela igama 15 ngokuyila iiemoji. Wayesebenzela inkampani enkulu yezonxibelelwano i-NTT DoCoMo eJapan, njengochwepheshe kwicandelo le-IT, ejongene kakhulu nokuyila (nokudizayina). Ngeli xesha zonke iinkampani ezithengisa iiselulafowuni kwelaseJapan zazikwiphulo lokuzama ukwanelisa abathengi ababethe swii kukuthumelelana imiyalezo 20 ekhatshwa yimifanekiso. Lo kaKutira akazange aphozise maseko, walithi nqaku ithuba walisebenzisa. NgesiJapan u-'e' ka emoji umele 'umfanekiso' aze u-'moji' amele 'uphawu'. Oku kuthiywa ngolu hlobo kudiza inyaniso yokuba iJapan likhaya lezi emoji zisetyenziswa kuwo onke amazwe namhlanje. Lo kaKurita uthi waphawula ukuba 25 iimbalelwano zeimeyile aziwudlulisi ngemfezeko umyalezo oquka iimvakalelo zabantu. Uthetha athi, 'ndikhetha ukubona umfanekiso welanga kunokuba ndifunde umyalezo ondixelela ukuba kuza kuba shushu namhlanje.' 3 Wathi akuwugqiba umsebenzi wakhe uShigetaka neqela awayesebenza 30 nalo wawusa kwiinkampani ezivunyiweyo ezingooFujitsu, ooPanasonic nooSharp. Injongo yakhe yayiyeyokuba ezi nkampani ze zithathe apho yena ayeke khona kodwa azamnika thuba. Zaqala zamkhaba ngawo omane kanti ziza kubuya zimvumele, zenze ngokomnqweno wakhe. Zatsho zazifaka iiemoji zasisixhobo esakhelweyo kwiiselulafowuni. 35 Ukuthathwa komsebenzi kaShigetaka njengoko unjalo kamva kwaba likroba, kuba, iinkampani ezilandelayo zawuphucula zawubeka kwizinga eliphezulu ngokufakela iinkcukacha ezithile ezizihombisa nangakumbi iiemoji. Akuvumelekanga ukufotokopa eli phepha Tyhila iphepha ### Page 4 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 4 DBE/Novemba 2021 NSC 4 Ukuthunyelwa kwee-emoji ngeeselulafowuni ezahlukileyo kwaba 40 nobunzima kuba zazikhabana okanye zixinge zitsho zingaveli nokuvela kulowo zithunyelwa kuye. Oku kwakusenziwa kukugxalathelana kolwazi olutsha kwezi selulafowuni zibe zingenazo iziseko zokwamkela unxibelelwano ngee-emoji. Ngonyaka wama-2005 kwaqala kwakho indlela entsha nencomekayo yokulawula umthamo wenani lee-emoji 45 elithathwa yiselulafowuni ngexesha. Akuthandabuzeki ukuba uluntu luyazithanda ezi emoji kwaye wonke umntu ufuna iselulafowuni eza kuvumela ukuba athumele okanye athunyelelwe umyalezo okhatshwa yiemoji. 5 Inkampani eyabanegalelo elikhulu nelincomekayo ukukhuthaza 50 ukusetyenziswa kwee-emoji lihlabathi lonke yi-Apple yaseMelika. Oku yakwenza ngokuthi ivelise iiselulafowuni ezizii-iPhones ngowama-2007. Le nkampani yazimisela ukuba nangona iJapan yayisele izenzele igama ngokuvelisa iiemoji, yona iza kwenza umda wayo ngokuyila iindidi zoovimba bee-emoji ezahlukileyo kwezo zisetyenziswa eJapan. Ngubani 55 owayesazi ukuba imigudu yomfo kaKurita ingajika ibelinqatha ekuxhwithwana ngalo ngamazwekazi aphesheya? Akothusi ukubona iiemoji ziyinxalenye yolwimi nonxibelelwano ehlabathini xa kunamhlanje. 6 Ngokungathandabuzekiyo, ukusetyenziswa kwee-emoji kuseza kuqhuba ixesha elide kuba liyakhula inani labathandi bazo kwaye kusekho 60 namaqhawe asamana ukufakelela koko kukhoyo. Zonke iintlanga zifumana iiemoji ezizitolika ngokuchanekileyo iimvakalelo ezikhapha imiyalezo yazo ebhaliweyo. Kaloku iziseko ekwakhelwe kuzo zinephatheni efanayo nemlungeleyo umntu nokuba ukweliphi na ilizwe. Oku kukhuthaza ukubandakanyeka komntu wonke nokuzibona ezi emoji 65 njengenxalenye yenkcubeko yoluntu. Kule mihla akumzali, akumntwana, wonke umntu ukholisa ukuwukhapha nge-emoji umyalezo wakhe. Ukusetyenziswa kwee-emoji kufana nqwa nokunwenwa komlilo wedobo. [Sithatyathwe kuwww.webdesignerdepot.com saze saguqulelwa, salungislelwa uviwo.] Jonga kumhlathi 1 1.1.1 Khetha igama kwesi sivakalisi silandelayo elithetha ukuba abantu bangene kakhulu kwisimbo sokuthumelelana imiyalezo ngee-emoji. Uninzi lwethu luthabathekile sisimbo sokuthumelelana imiyalezo ekhatshwa yimifanekiso ... (1) 1.1.2 Xela uhlobo lweeselulafowuni ezisetyenziswa xa kuthunyelelwana iiemoji ngokwalo mhlathi. (1) 1.1.3 Yeyiphi imvakalelo abanayo umntu othunyelelwa umyalezo onee-emoji ngokwalo mhlathi? (2) 1.1.4 Khankanya abemaBINI amaqonga onxibelelwano axelwe kulo mhlathi, anokusetyenziswa xa kuthunyelwa imiyalezo ekhatshwa ziiemoji. (2) Akuvumelekanga ukufotokopa eli phepha Tyhila iphepha ### Page 5 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 5 DBE/Novemba 2021 NSC Jonga kumhlathi 2 1.1.5 Wayesenza msebenzi mni uShigetaka kwinkampani i-NTT DoCoMo eJapan? (2) 1.1.6 Kuthethwa ukuthini xa kusithiwa uShigetaka 'akazange aphozise maseko'? (1) 1.1.7 Nika iingongoma eziMBINI ezibubungqina bokuba iJapan likhaya lee-emoji. (2) 1.1.8 Ngqina ukuba isihloko sesi sicatshulwa siyangqinelana nenkcaza ekwisivakalisi esibhalwe ngqindilili. (2) Jonga kumhlathi 3 1.1.9 Khetha impendulo echanekileyo kwezi zilandelayo. U 'kanti' obhalwe ngqindilili kulo mhlathi usetyenziselwe ukubonisa ukuba ulwazi olulandelayo ... A luyaxhasa. B luyongezelela. C luyatshintsha. D luyagqwetheka. (1) 1.1.10 Xela ukuba zibhekiselele entweni izakhi ezikrwelelwe umgca ngaphantsi kulo mhlathi? (1) Jonga kumhlathi 4 1.1.11 Yintoni eyayibangela ukuba kudale ingxaki ukugxalathelana kolwazi olutsha kwiiselulafowuni ezahlukileyo? (1) 1.1.12 Xela ukuba luluvo okanye yinyani inkcaza ebhalwe ngqindilili kulo mhlathi uze uxhase impendulo yakho. (2) Jonga kumhlathi 5 1.1.13 Nika ingcamango ephambili yalo mhlathi. (2) Jonga kumhlathi 6 1.1.14 Tolika okuthethwa sesi sivakalisi silandelayo. Kule mihla akumzali, akumntwana, wonke umntu ukholisa ukuwukhapha nge-emoji umyalezo wakhe. (2) Jonga kwitekisi yonke 1.1.15 Ingaba le tekisi iphumelele ukudlulisa ulwazi olwaneleyo ngee-emoji? Xhasa impendulo yakho. (2) Akuvumelekanga ukufotokopa eli phepha Tyhila iphepha ### Page 6 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 6 DBE/Novemba 2021 NSC 1.2 Funda lo mfanekiso ungezantsi uze uphendule imibuzo elandelayo. ISICATSHULWA B: OKUBONWAYO [Uthathwe kwi-www.iToons.com, waze wahlelwa.] 1.2.1 Nika ubungqina bokuba kuyaphekwa kulo mfanekiso. (2) 1.2.2 Chaza uvakalelo lomntu omi ngeenyawo. Xhasa impendulo yakho. (2) 1.2.3 Nika injongo yomzobi ngalo mfanekiso. (2) AMANQAKU ECANDELO A: 30 Akuvumelekanga ukufotokopa eli phepha Tyhila iphepha ### Page 7 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 7 DBE/Novemba 2021 NSC ICANDELO B: USHWANKATHELO UMBUZO 2 Isicatshulwa C esingezantsi simalunga nokuqala ubomi eyunivesithi. Funda isicatshulwa C esingezantsi uze ubhale iingongoma eziphambili unika iingcebiso ezingezinto amakazenze umntu oza kuqala ubomi eyunivesithi. IMIYALELO 1. Bhala isishwankathelo sibe kwimo yeengongoma ungadluli kumagama angama-70. 2. Nombola izivakalisi zakho ukusuka ku-1 ukuya ku-7. 3. Sebenzisa izivakalisi ezipheleleyo ukubhala iingongoma. 4. Sebenzisa AMAZWI AKHO kangangoko unako. 5. Bhala inani lamagama owasebenzisileyo kwizibiyeli ekupheleni kwesishwankathelo. ISICATSHULWA C IYUNIVESITHI LIKHAYA ELITSHA Ingcinga yokuqala ubomi obutsha eyunivesithi ingakuzisela ixhala elikhulu. Zininzi iinguqu oza kudibana nazo kodwa ngezi ngcebiso zilandelayo ungazixhobisa ukuze uwonwabele unyaka wakho wokuqala eyunivesithi. Ezo ngcebiso zezi: Qinisekisa ukuba uqokelele zonke izinto eziza kufuneka eyunivesithi uzilungise kwangethuba. Umzekelo; indawo yokuhlala nezixhobo zokusebenza ezinjengee- laptop neencwadi, ungahlala uzilungise kwangethuba ukuze iveki yakho yokuqala iphele kakuhle. Zipakishe iimpahla ngobuchule, ngokukhetha ezo uza kuzidinga. Oku kwakukongela ixesha kuba eyunivesithi kuhanjwa ngokungxama ngalo lonke ixesha, kuleqwa amagumbi okufundela. Kungakunceda ukuqala ngokuzibhala phantsi, uzihlele kangangoko ezo uza kuzidinga. Qalisa kwangoku ukufunda ukupheka kuba ukutya okuthengwa yonke imihla kuyayigqiba ibhajethi yomntwana wesikolo. Ngaphezulu, kukuziphosanisa namathuba okuziphekela ukutya okukukhumbuza ikhaya. Thatha inxaxheba kumaphulo nakwiinkqubo zokuziqhelanisa nale ndawo intsha, iyiyunivesithi. Kaloku, phaya abafundi bafakwa kwiinkqubo zokubaqhelisa, basiwe ngapha nangapha xa befika. Ukungazibandakanyi nezi nkqubo kukuphosanisa nethuba lokuzifumanela abahlobo abatsha oza kuncedisana nabo ezifundweni zakho. Wugcine umdla wakho wokufunda uphezulu ukuze ukwazi ukumelana nobuninzi bomsebenzi wezifundo zaseyunivesithi. Phaya kufundwa ngaphezu kokuba ubufunda ngeli thuba ubulungiselela ukubhala ibanga le-12. Kubalulekile ke ngoko ukuyigcina ingqondo yakho ilolekile. Akuvumelekanga ukufotokopa eli phepha Tyhila iphepha ### Page 8 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 8 DBE/Novemba 2021 NSC Sebenzisa amaqonga onxibelelwano ukhangele abahlobo oza kufunda nabo ukuze nixoxe nicebisane ngezidingo zekhosi oyikhethileyo. Amaqonga onxibelelwano anjengoo-Facebook namanye, angakunceda kakhulu ukuphumeza ezi njongo. Cinga ngeendlela zokulondoloza imali ngethuba useyunivesithi ukuze uqiniseke ukuba akuyimoshi. Oku kwakunceda ukuba yonke imali oyiphiweyo uyisebenzise kwizinto ezibalulekileyo ungayichithi kwizinto zolonwabo. Ngaphezulu, kwakukukhuthaza ukuba ukhangele iindlela zokuzonwabisa ungayanga epokothweni. [Sithathwe kuwww.topuniversities.com saze saguqulelwa salungiselewa uviwo.] AMANQAKU ECANDELO B: 10 Akuvumelekanga ukufotokopa eli phepha Tyhila iphepha ### Page 9 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 9 DBE/Novemba 2021 NSC ICANDELO C: IZAKHI NEMIGAQO YOKUSETYENZISWA KOLWIMI UMBUZO 3: ISIBHENGEZO-NTENGISO Funda esi sibhengezo-ntengiso singezantsi uze uphendule imibuzo elandelayo. ISICATSHULWA D [Sithatyathwe kugooglepics.com saza sahlelwa, salungiselelwa uviwo.] 3.1 Khankanya zibeMBINI izinto umthengi anokuzihlanjelwa yile nkampani iGutyulakonke Services ngokwakwesi sibhengezo. (2) Akuvumelekanga ukufotokopa eli phepha Tyhila iphepha ### Page 10 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 10 DBE/Novemba 2021 NSC 3.2 Chonga ibinzana eliqulethe ulwazi lokuba kubhengezwa inkampani egqwesayo kumsebenzi wayo. (2) 3.3 Khetha impendulo echanekileyo kwezi zilandelayo uvale isikhewu esishiyiweyo kwesi sivakalisi singezantsi. Intetho ethi, 'sikushiya ubamb'ongezantsi', ityhila ukuba umthengisi ... ngomsebenzi wakhe. A ukhululekile B uqinisekile C ubhidekile D uneentloni (1) 3.4 Chonga amagama amabini alandelelanayo kule ntengiso, athetha ukuba ezi nkonzo zifumaneka ngalo naluphi na usuku lweveki. (1) 3.5 Nika injongo yokusetyenziswa kwegama 'leqa' kule ntengiso. (2) 3.6 Ingaba isilogani 'Let us do the dirty work!' siyiphuhlisa ngokupheleleyo injongo yale ntengiso yokutsala abathengi? Xhasa impendulo yakho. (2) [10] Akuvumelekanga ukufotokopa eli phepha Tyhila iphepha ### Page 11 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 11 DBE/Novemba 2021 NSC UMBUZO 4: IKHATHUNI Funda le khathuni ingezantsi uze uphendule imibuzo elandelayo. ISICATSHULWA E [Ithathwe kuwww.comicstrips.com yaze yalungiselelwa uviwo.] 4.1 Xela ukuba kutheni igama likaEve libhalwe ngoonobumba abakhulu kwisakhelo soku-1. (1) 4.2 Chonga igama elibonisa ukuba uEve udikiwe kwisakhelo sesi-2. (1) 4.3 Chaza ukuba ahluke njani amehlo kaMadam kwisakhelo sesi-2 nakwesesi-3. (2) 4.4 Khankanya zibeMBINI izinto athi uEve ubonwa zimfanele ngokwesakhelo sesi-3. (2) 4.5 Ibonisa ntoni impendulo kaMadam kwisakhelo sesi-4? (2) 4.6 Ingaba ulwazi olukwiselulafowuni kaEve lumncedisile ukujika ingqondo kaMadam malunga nemiba yomsebenzi kaEve? Xhasa impendulo yakho. (2) [10] Akuvumelekanga ukufotokopa eli phepha Tyhila iphepha ### Page 12 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 12 DBE/Novemba 2021 NSC UMBUZO 5: IPROZI 5.1 Funda esi sicatshulwa singezantsi uze uphendule imibuzo esekwe kuso. ISICATSHULWA F GIGITHEKA MZANTSI OkaNkwinti usibalisela ngendoda yaseLusikisiki eyathi ngenxa yomkhuhlane yayokubona ugqr owayefika kwelo laseMthatha. Wathi akugqiba ukuyinceda wayiyalela ukuba ingahambi engqeleni. Naanko umnene ephendula esithi, 'Hayi wena, nam bendisele ndisithathile isigqibo sokuba ndingahambi eNgqeleni koko ndiqabel' aph'eLibode kuba 5 ikufutshane kakhulu ukufika ekhaya.' Ithini ke ukungaguli ngakumbi le ndoda xa izakwenza kanye oku inqandwa kuko? Asiyomiyalelo na esiphoxayo? Sithini ukungakhangeleki okwezimuncu xa imiyalelo imise ngale ndlela? Yona inkwenkwana yaphaya eSoqhayisa High School yathi isakubuzwa 10 ngumhloli owayetyelele isikolo eso ukuba ngawaphi amaqabane awomeleleyo esiXhoseni, yaphendula ngokuqiniseka okukhulu isithi, nguMandela noSisulu. Endibona ke ukuba idyongwana le yayisathiwe phithi lifuthe lomzabalazo nepolitiki yabaNtsundu. [Sicatshulwe kwiphephandaba, I'Solezwe,16–22 EyoMqungu 2020; iphepha 11 saza salungiselelwa uviwo.] 5.1.1 Bhala ngokupheleleyo igama elikrwelelwe umgca ngaphantsi kwisicatshulwa. (1) 5.1.2 Xela ukuba sikweliphi ixesha isenzi esibhalwe ngqindilili kwisivakalisi esingezantsi. Wathi akugqiba ukuyinceda wayiyalela ukuba ingahambi engqeleni. (1) 5.1.3 Chaza umsebenzi wombuzo buciko osetyenziswe kwizivakalisi ezibhalwe ngqindilili kwisicatshulwa. (2) 5.1.4 Guqula isivakalisi esilandelayo sibe kwingxelo-ntetho. Indoda ithe, 'Nam bendisele ndisithathile isigqibo.' (2) 5.1.5 Xela ukuba kutheni lishiyiwe iceba lesibizo kwesi sivakalisi singezantsi. Ithini ke ukungaguli ngakumbi le ndoda? (1) Akuvumelekanga ukufotokopa eli phepha Tyhila iphepha ### Page 13 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 13 DBE/Novemba 2021 NSC 5.1.6 Khetha impendulo echanekileyo kwezi zilandelayo. Isimamva esibhalwe ngqindilili kwisivakalisi, 'Yona inkwenkwana yaphaya ...,' sibonisa ubuncinci ... A ngokomlinganiselo. B ngokokuzalwa. C ngokomyinge. D ngokwesiqu. (1) 5.1.7 Xela umsebenzi wesixando esibhalwe ngqindilili kwisivakalisi esingezantsi. Inkwenkwana yabuzwa ngumhloli. (2) 5.1.8 Yakha isenzi kwisibizo esingu 'umhloli' wandule ukusisebenzisa ngokuchanekileyo kwisivakalisi. (2) 5.1.9 Xela indlela esisetyenziswe ngayo isikhombisi u-le kwisivakalisi esingezantsi. Idyongwana le yayisathiwe phithi lifuthe lomzabalazo. (2) Akuvumelekanga ukufotokopa eli phepha Tyhila iphepha ### Page 14 Downloaded from hlayiso.com IsiXhosa Ulwimi Lokuqala Olongezelelweyo (FAL)/P1 14 DBE/Novemba 2021 NSC 5.2 Funda lo mfanekiso ungezantsi uze uphendule imibuzo elandelayo. ISICATSHULWA G: UMFANEKISO [Uthatyathwe kwiintanethi waze walungiselelwa uviwo.] 5.2.1 Bhala isivakalisi esilandelayo sibe kwimo elandulayo. Uyandihlekisa lo myalezo kaLindi. (2) 5.2.2 Khetha isibizo esiyintloko nesiyinjongosenzi kwisivakalisi esingezantsi, ugcwalise itheyibhile elandelayo. Umfana uncumela umfanekiso. ISIBIZO ESIYINTLOKO ISIBIZO ESIYINJONGOSENZI (i) (ii) (2) 5.2.3 Yakha isibizo esimbaxa ngamagama akwizibiyeli kwesi sivakalisi singezansti. Umzekelo: (Iphepha + iindaba) = iphephandaba (Ukuchuba + ubuchopho) iyile iiemoji. (2) [20] AMANQAKU ECANDELO C: 40 AMANQAKU EWONKE: 80 Akuvumelekanga ukufotokopa eli phepha ## Related documents - [IsiXhosa FAL P2 Nov 2021](https://www.hlayiso.com/library/isixhosa-fal-p2-nov-2021/8c252ee9-bd73-4f01-9972-d9b51142d9b4) — isiXhosa FAL · QP · 2021 · isiXhosa - [IsiXhosa FAL P1 Nov 2019](https://www.hlayiso.com/library/isixhosa-fal-p1-nov-2019/537983a8-5873-4fe7-bddc-62e74e024cfa) — isiXhosa FAL · QP · 2019 · isiXhosa - [IsiXhosa FAL P1 Nov 2018](https://www.hlayiso.com/library/isixhosa-fal-p1-nov-2018/487ed04e-37a3-436d-90bf-54defdd477a8) — isiXhosa FAL · QP · 2018 · isiXhosa - [IsiXhosa FAL P1 Nov 2017](https://www.hlayiso.com/library/isixhosa-fal-p1-nov-2017/c385c5ff-9cf9-44cc-94b3-ae62c158445d) — isiXhosa FAL · QP · 2017 · isiXhosa - [IsiXhosa FAL P1 Nov 2014](https://www.hlayiso.com/library/isixhosa-fal-p1-nov-2014/c5745299-3a31-45f3-a040-207c588f1d2d) — isiXhosa FAL · QP · 2014 · isiXhosa - [IsiXhosa FAL P1 Nov 2018 FINAL Memo](https://www.hlayiso.com/library/isixhosa-fal-p1-nov-2018-final-memo/7fb93378-5379-4c7c-b7f3-5a9a66a3a942) — isiXhosa FAL · Memo · 2018 · isiXhosa ## More from Grade 12 isiXhosa FAL - [ISIXHOSA FAL P2 GR12 MEMO SEPT 2025 watermark](https://www.hlayiso.com/library/isixhosa-fal-p2-gr12-memo-sept-2025-watermark/9129edfc-7f89-491a-88fb-23270581f911) — Memo · 2025 · isiXhosa - [ISIXHOSA FAL P3 GR12 MEMO SEPT2025 watermark](https://www.hlayiso.com/library/isixhosa-fal-p3-gr12-memo-sept2025-watermark/854a529e-2cc7-4f28-b2d3-f7735c0d615c) — Memo · 2025 · isiXhosa - [IsiXhosa FAL P1 May-June 2025 MG](https://www.hlayiso.com/library/isixhosa-fal-p1-may-june-2025-mg/6858023a-bdef-4e8f-a091-79d94e109d28) — Memo · 2025 · isiXhosa - [IsiXhosa FAL P3 May-June 2025 MG](https://www.hlayiso.com/library/isixhosa-fal-p3-may-june-2025-mg/e6f77f14-fd5e-4415-9cd4-23e671adcb30) — Memo · 2025 · isiXhosa - [XHOSA FAL P1 MEMO GR12 SEPT 2024](https://www.hlayiso.com/library/xhosa-fal-p1-memo-gr12-sept-2024/4c02fe41-62c6-462b-aa2a-9c6efd2e97ba) — Memo · 2024 - [XHOSA FAL P2 MEMO GR 12 SEPT 2024](https://www.hlayiso.com/library/xhosa-fal-p2-memo-gr-12-sept-2024/b9606eda-21f0-469e-bf5d-ffb2f9da1ea1) — Memo · 2024 ## Collection - [Grade 12 past papers](https://www.hlayiso.com/grade-12/past-papers) --- Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.