# isiXhosa HL Grade 12 P1 Supplementary Exams 2013 QP > Grade 12 isiXhosa HL Paper 1 question paper from the Supplementary Exams 2013, 15 pages. Read online or get the free PDF download, memo linked when available. - Page: https://www.hlayiso.com/library/isixhosa-hl-p1-feb-march-2013/3c36d346-ea11-424c-887a-f2e1201ba40d - Updated: 2026-09-27 - Subject: isiXhosa HL - Grade: Grade 12 - Language: Isixhosa - Document type: Question paper - Year: 2013 - Exam period: Supplementary Exams - Paper: 1 - Curriculum: CAPS - Pages: 15 Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiXhosa HL](https://www.hlayiso.com/library/grade-12/isixhosa-hl) › [isiXhosa HL Grade 12 P1 Supplementary Exams 2013 QP](https://www.hlayiso.com/library/isixhosa-hl-p1-feb-march-2013/3c36d346-ea11-424c-887a-f2e1201ba40d) ## About this document Isixhosa Hl · Grade 12 · Supplementary Exams · 2013 · isixhosa. Question paper, 15 pages. Read online or download the PDF. Read it free online on the page above; download the PDF from there. ## Document text Text extracted from the PDF. Layout, diagrams and tables may not survive extraction. ### Page 1 Downloaded from hlayiso.com NATIONAL SENIOR CERTIFICATE IBANGA 12 ISIXHOSA ULWIMI LWASEKHAYA (HL) IPHEPHA LOKUQALA (P1) FEBRUWARI/MATSHI 2013 AMANQAKU: 70 IXESHA: 2 iiyure Olu viwo lunamaphepha ali-14. Akuvumelekanga ukufotokopa eli phepha Tyhila iphepha ### Page 2 Downloaded from hlayiso.com ### Page 3 Downloaded from hlayiso.com IsiXhosa Ulwimi Lwasekhaya (HL)/P1 2 DBE/Februwari–Matshi 2013 NSC IMIYALELO NENGCACISO 1. Eli phepha lemibuzo LINAMACANDELO AMATHATHU: ICANDELO A: Uvavanyo lokuqonda (30) ICANDELO B: Isishwankathelo (10) ICANDELO C: Ulwimi (30) 2. Funda YONKE imiyalelo ngocoselelo. 3. Phendula YONKE imibuzo. 4. Qala iCandelo NGALINYE kwiphepha ELITSHA. 5. Nombola impendulo nganye kanye ngokwendlela enonjolwe ngayo kwiphepha lemibuzo. 6. Shiya umgca emva kwempendulo nganye. 7. Qwalasela ngokukodwa upelo nolwakhiwo lwezivakalisi. 8. Yaba ixesha lakho ngolu hlobo: ICANDELO A: Malunga nama-50 emizuzu ICANDELO B: Malunga nama-25 emizuzu ICANDELO C: Malunga nama-45 emizuzu 9. Bhala ngokucocekileyo nangokucacileyo. Akuvumelekanga ukufotokopa eli phepha Tyhila iphepha ### Page 4 Downloaded from hlayiso.com IsiXhosa Ulwimi Lwasekhaya (HL)/P1 3 DBE/Februwari–Matshi 2013 NSC ICANDELO A: UVAVANYO LOKUQONDA UMBUZO 1 Funda isicatshulwa A kunye nesicatshulwa B wandule ukuphendula imibuzo elandelayo. ISICATSHULWA A INKQAYI INGENA NGENTLONTLO 1 UVuyani Zenzile wayefundisa eCharles Morgan eGinsberg, kufutshane nedolophu yaseQonce. Wayengemdala kuyaphi kuba wayephantse ukufinca amashumi amathathu anesithathu. Wayenesidima nesithozela lo mfo, entsundwana nje ngebala, enodevana olunqalwe kakuhle. Wayethe ncothu esukile egadeni ebonakala kwangokuhamba oku ukuba umfo lo 5 unamatshamba, kwaye ulikhwezi kwinto yonke ayenzayo apho esikolweni. Inqununu yakhe yona, into kaLwana uRhadebe, wayengaziva ngalo mfana ingakumbi xa kufikelelwe kwixesha lomculo kuba wayengabhexeshi wayesusa amaphepha. 2 Kwalapho kweso sikolo kwakukho isiqhuza setitshala eyayibizwa 10 ngelikaJola. Eso siqhuza sasemaMpondomiseni sasithanda ukubona oogxa baso bonwabile, ngoko ke sasinamabalana anoburharha esasithanda ukuwabalisa. Ngenye imini uSimilo, owayengutitshala omtsha kweso sikolo, wafumana incwadana evela komnye wootitshalakazi balapho, eyayiphalaza iindaba zothando, kwaye imbongoza ukuba maze alinde xa kuphuma 15 isikolo. Loo leta yamtsho lo mfana wanolu lukaBlankethe esithi, "Kazi ndibonwa yintoni na?" Saphuma ke isikolo, wahamba uSimilo waya ngasegumbini likaNozibele, wafika wangqunga. Kungekudala ke yaphuma intombi yasemzini yabulisa nje, yonda ngamasango ingabhekisanga nelimdaka. Washiyeka apho ke lo mfana ethe shwamnce. 20 3 Baphuma ootitshala kwelinye igumbi sebekhokelwa nguJola begquzu- gquzuka yintsini. Kwaqala kwasa ke ngoko kuSimilo, wawubona umoya apho uvela ngakhona. "Yintoni madoda! Ningathini ukundenza nje ndifika nokufika?" Watsho uSimilo. "Hayi wena mfan'akuthi, sisakungenisa nje ekhaya." Waphendula ngelitshoyo uJol'inkomo. Wayengayenzi kootitshala 25 abatsha kuphela loo nto uJola, wayekhe ayenze nakumagqala, phofu eyolisa nje udlubu. 4 Ngaminazana ithile wadibana nabanye ootitshala ngenjongo yokuntlonta uVuyani. Ngeli xesha abhunga uVuyani, uxakekile omdala ziincwadi zabantwana. UJola neqela lakhe babhalela uLizeka Ntwana, ongomnye 30 wootitshalakazi balapho, bathumela umntwana okokuba ayise kuye. Yaphendula intombi yaza yanikela kwa-umntwana lowo. Ahleka oma amadoda esakufumana impendulo. Akuvumelekanga ukufotokopa eli phepha Tyhila iphepha ### Page 5 Downloaded from hlayiso.com IsiXhosa Ulwimi Lwasekhaya (HL)/P1 4 DBE/Februwari–Matshi 2013 NSC 5 UVuyani wothuka yena xa efumana ileta ebhalwe "Bra Vido" ngaphandle, waza waqonda okokuba ibhalelwe yena. Waqonda zisuka umfo kaZenzile 35 ukuba inonyawo lwemfene loo ncwadi, waza wayithi hlasi waya emadodeni, wafika elindwe ngentsini. Wathi esakuyiva ingcombolo waya kuLizeka esiya kucela uxolo, emchazela kananjalo intsukaphi yeleta ebeyifumene. "Ndigqiba unyaka ngoku ndilapha besele ndithe nqa okokuba undiyeke iinyanga ezingaka, kwale xa kuphela unyaka uze kundixelela okokuba 40 uyandithanda". Watsho uLizeka. "Uxolo wethu, Miss, ndintlontwe nguJola, kwaye uyayithanda le nto ayenzayo." "Ndikuxolele noko, titshala. Bendingenakuze ndikunqalele ngaloo nto." 6 Ngenye imini inqununu yahlanganisa bonke ootitshala bayo ngenjongo yokuxoxa imibandela yesikolo. Omnye wemiba eyayiza kushukuxwa apho 45 kukonyulwa kootitshala ababini ababeza kuya kumela isikolo kwinkomfa yophuhliso lwezemfundo eCentral Hotel eQonce, ngoLwesibini weveki ezayo. "Khanitsho ke manene nani manenekazi," Yatsho inqununu. Ngoobani abaza kuya kusimela kule ngqungquthela?' Konyulwa inenekazi elimanz'andonga elinguLizeka Ntwana nenene elinguZenzile ngokwecebiso 50 likaJolinkomo. Bayalwa ke abo bonyuliweyo khon'ukuze bazimisele kuloo nkomfa kuba besiya kumela isikolo. 7 Loo ngqungquthela babesiya kuyo yayiza kuthabatha iintsuku ezintathu zonke. Ukuya kwesi sibini kule nkomfa yaba sisiqalo sokuhambisana kwaso. Emveni kwenkomfa babuyela esikolweni uVuyani noLizeka 55 bebhonxile yingxelo sebengxamele nokuyityekezela koogxa babo. Balinikwa ke elo thuba baza batyatyadula, bexhasana, bencedisana bade baqongqotha konke. 8 UZine Koyana wayengomnye wootitshalakazi ababengayithandi into yokuhambisana kukaVuyani noLizeka. Wayithatha ishushu injalo waya 60 kuyithi thaca phambi kwenkosikazii kaVuyani. "UVuyani uyathandana phaya esikolweni kunye nenye i-Mistress, kwaye loo nto ithath'unyawo mihla le." Wathi engekagqibi suka weva ngeshushu impama. "UVuyani ngumyeni wam, uyandiva?" Yatsho le mazi sele ibomvu ngumsindo. "Ndithi kuwe uVuyani yindoda yam kwaye andibekanga mapolisa okuba makagade apho 65 anyathela khona. Nithanda gqitha ukuqhekeza imizi yabantu." [Sicatshulwe kwincwadi ethi, KUPHILWA NGAMNTU ebhalwe ngu MD, Dinginto amaphepha 1–6 saza sahlelwa] QAPHELA: Phendula yonke imibuzo usebenzisa amazwi akho, ngaphandle kokuba ucelwe ukuba ucaphule. Kwiimpendulo ezifuna igama elinye bhala kuphela inombolo yombuzo negama elifunwayo. 1.1 Jonga kumhlathi 1 1.1.1 Esi sihloko sithi, 'Inkqayi ingena ngeentlontlo' sisenza silindele ibali elingantoni? (1) Akuvumelekanga ukufotokopa eli phepha Tyhila iphepha ### Page 6 Downloaded from hlayiso.com IsiXhosa Ulwimi Lwasekhaya (HL)/P1 5 DBE/Februwari–Matshi 2013 NSC 1.1.2 Sasikweyiphi indawo isikolo awayefundisa kuso uVuyani Zenzile? (1) 1.1.3 UVuyani Zenzile wayengumntu ondilisekileyo, xhasa olu luvo. (1) 1.1.4 Xa kusithiwa wayelikhwezi kuyo yonke into ayenzayo uVuyani Zenzile kuthethwa ukuthini? Cacisa. (2) 1.2 Jonga kumhlathi 2 1.2.1 Khankanya indlela uJola awayesonwabisa ngayo oogxa bakhe. (1) 1.2.2 Wawusithini umxholo weleta eyayibhalelwe omnye wootitshalakazi besi sikolo? (1) 1.2.3 Chonga ibinzana eliphuhlisa uncumo olukhulu. (1) 1.3 Jonga kumhlathi 3 1.3.1 Kulincedise njani ibali ukungaxelwa koyena mbhali weleta kulo mhlathi? (2) 1.3.2 Yintoni eyayibangela ukuba ootitshala baphume sebegquzugquzuka egumbini? (1) 1.3.3 Ngumntu onjani oyolisa udlubu? (1) 1.4 Jonga kumhlathi 4 1.4.1 Chaza enye intlonti eyenziwa nguJol'inkomo neqela lakhe efumaneka kulo mhlathi. (2) 1.4.2 Chaza ifuthe lokusetyenziswa kwebinzana, 'Ahleka oma'? (1) 1.5 Jonga kumhlathi 5 1.5.1 Kuthethwa ukuthiwani xa kusithiwa 'waqonda ukuba inonyawo lwemfene loo ncwadi? (1) 1.5.2 ULizeka ungamchaza njengomntu onoxolo okanye ongenaxolo ngokwesicatshulwa? Xhasa impendulo yakho. (2) 1.6 Jonga kumhlathi 6 1.6.1 Sizathu sini esabangela ukuba uJolinkomo acebise ukuba konyulwe utitshala notitshalakazi? (2) 1.7 Jonga kumhlathi 7 1.7.1 Baqala nini uVuyani noLizeka ukuthandana? (1) Akuvumelekanga ukufotokopa eli phepha Tyhila iphepha ### Page 7 Downloaded from hlayiso.com IsiXhosa Ulwimi Lwasekhaya (HL)/P1 6 DBE/Februwari–Matshi 2013 NSC 1.8 Jonga kumhlathi 8 1.8.1 Ngubani owathi wabalasela ngokungayithandi into yokuthandana kwesi sibini sibhalwe ku-1.7.1? (1) 1.8.2 Wenza 0ntoni lo umbhale ku-1.8.1 ukubonakalisa ukuba wayengayithandi into yokuthandana kukaVuyani noLizeka? (1) 1.8.3 Ngokolwakho uluvo ungathi uZine Koyana wenza into efanelekileyo okanye engafanelekanga? Xhasa impendulo yakho. (2) ISICATSHULWA B (Ithathwe kuvimba wabevi) QAPHELA: Phendula yonke imibuzo usebenzisa amazwi akho, ngaphandle kokuba ucelwe ukuba ucaphule. 1.9 Aba bantu babini bakulo mfanekiso babonakala: A bengamapolisa B bengoonesi C bengabafundisi-ntsapho (1) 1.10 Xhasa impendulo yakho eku-1.9. (1) 1.11 Yintoni ebonakalisa ukuba bakhona abanye abantu abasebenzela kweli gumbi bahleli kulo? (1) 1.12 Thelekisa indlela esinxibelelana ngayo isicatshulwa A nesicatshulwa B. (2) [30] AMANQAKU ECANDELO A: 30 Akuvumelekanga ukufotokopa eli phepha Tyhila iphepha ### Page 8 Downloaded from hlayiso.com IsiXhosa Ulwimi Lwasekhaya (HL)/P1 7 DBE/Februwari–Matshi 2013 NSC ICANDELO B: ISISHWANKATHELO UMBUZO 2: SHWANKATHELA NGAWAKHO AMAZWI Funda ngocoselelo ISICATSHULWA C esingezantsi. Kwesi sicatshulwa kunikwa iingcebiso ngeendlela zokugcina ubudlelwane phakathi komfundi notitshala. QAPHELA: Kulindeleke ukuba wenze oku kulandelayo: • Shwankathela ngawakho amazwi ngezivakalisi ezipheleleyo, ungadluli kumagama angama-70. • Esi sicatshulwa singokugcinwa kobudlelwana obububo phakathi kukatitshala nomfundi. • Ungashwankathela ngeengongoma ezisi-7 OKANYE ngomhlathi. • Akulindelekanga ukuba ubhale isihloko sesishwankathelo. (7) • Qaphela indlela echanekileyo yokusetyenziswa kolwimi, iimpawu zobhalo nococeko. (3) ISICATSHULWA C GCINA UBUDLELWANE OBUBUBO NOTITSHALA WAKHO Amaxesha amaninzi thina nootitshala bethu sihlalisana ubomi bempuku nekati esikolweni. Ezi ngcebiso zingalubangula ulwamvila kule ngxaki. Zisuka nje, qinisekisa ukuba uyayiqonda into emkhathazileyo utitshala wakho. Kaloku ukuba akuyazi intsusa yembambano awusayi kukwazi kwaphela ukuzithethelela malunga noko nixambulisana ngako. Funa ingcaciso ungoyiki. Ewe, njengabantu abadala bonke, notitshala akafuni kuthethiswa kodwa kuyamthoboza ukubona inkathalo yakho ingakumbi xa uvuma ubonise ukuzimisela ukutshintsha imeko. Akukucacisela eyona ngxaki, zifake kwizihlangu zakhe, ucinge ude ubone ngolu hlobo abona ngalo. Cingisisa ukuba yintoni enokukhathaza umntu kuloo nto uyenzileyo. Masithathe imeko apho usuke uphume ngomnyango efundisa uze ubuye, ubungakhange uthethe nto naye, nokuba wena uyazazi ukuba ubutshutshiswa sisisu sakho esikukhathazayo. Kaloku nawe akunakuyithanda xa isehla kuwe loo nto. Akukho nto iluncedo njengokucela uxolo ngenene nangenyaniso. Loo nto ayithethi ukuba akunamandla, koko iyakunceda, ikwenza umntu. Mhlawumbi ungathi, 'ndiyaxolisa titshala, ndiyazohlwaya, ndinga andingephindi ndiyenze le nto kuba isikhathaze sobabini. Zama ukukhetha amagama uze uwasebenzisele ukubonakalisa ukuba nobulali, ungamphenduli rhabaxa kuba ukuxabana kungaya kunyukela. Bambi bakhetha ukungamhoyi umntu omdala ethetha, omnye asuke acule okanye omnye anyevule.Zonke ezo zinyusa izinga lengxabano. Kulunge kakhulu ukuthoba intloko ungamthi ntshoo emehlweni umntu omdala ethetha njengoko usenza nakowakho umzali. Nokuba uyenyuka yena ngelizwi, wena zithobe, umamele, ungadinwa, wamkele. Xa wenze njalo nokuba ubhabhazele namhlanje akanakuphinda abhabhazele kwityeli elizayo uya kucingisisa. Akuvumelekanga ukufotokopa eli phepha Tyhila iphepha ### Page 9 Downloaded from hlayiso.com IsiXhosa Ulwimi Lwasekhaya (HL)/P1 8 DBE/Februwari–Matshi 2013 NSC Sukumxokisa.Oko kukuphelisa nya ukuthembana phakathi kwenu obekuhleli kunqaphele kakade. Kaloku yakufumaneka inyani liqala phantsi kwakhona idabi. Uyakuthanda akafuni nto yenza iyantlukwano phakathi kwenu. Mamela iingcebiso zakhe, zingaluncedo ngakumbi. Kaloku umazi wendlela ngowakhe wayihamba. Abanye basuka badwanguze, bazibhuqe phantsi babe nesingqala besenziwa kukungaqondi. Indlela eya kwititshala yakho isisithabazi, yisebenzisele uloyiso lwakho. Bubaluleke kakhulu ubudlelwane phakathi kwenu. Kwaye sukunqwenela ititshala yomnye. Khumbula ukuba elowo umntu unesiphiwo sakhe. Kukho akwenzayo okungenziwayo ngomnye utitshala. (Ithathwe kuvimba wabevi) [10] AMANQAKU ECANDELO B: 10 Akuvumelekanga ukufotokopa eli phepha Tyhila iphepha ### Page 10 Downloaded from hlayiso.com IsiXhosa Ulwimi Lwasekhaya (HL)/P1 9 DBE/Februwari–Matshi 2013 NSC ICANDELO C: ULWIMI UMBUZO 3: UKUCAZULULA ISIBHENGEZO-NTENGISO QAPHELA: • Kwiimpendulo ezifuna igama elinye bhala kuphela inombolo yombuzo negama elifunwayo. • Kwimibuzo ekukhethwa kuyo, bhala inombolo yombuzo kuphela kunye nonobumba A–C wempendulo echanekileyo. Funda esi sibhengezo-ntengiso (ISICATSHULWA D) esikwiphepha elilandelayo uze uphendule imibuzo ebuziweyo. SISHIYA UMZILA ONGACIMIYO EZINGQONDWENI ZABANTU! INTAKA EVUKA MVA IKHOLWA ZIZAGWEBA [Sicatshulwe kwimagazini iButho iphepha lesi-4 sahlelwa] 3.1 Xela injongo yokusetyenziswa kwesilogani kwisibhengezo- ntengiso. (1) Akuvumelekanga ukufotokopa eli phepha Tyhila iphepha ### Page 11 Downloaded from hlayiso.com IsiXhosa Ulwimi Lwasekhaya (HL)/P1 10 DBE/Februwari–Matshi 2013 NSC 3.2 Sijoliswe koobani esi sibhengezo- ntengiso? (1) 3.3 Khankanya into ibe nye eyaziwa ngokuqaqamba ekwesi sibhengezo. (1) 3.4 Nika intsingiselo yeqhalo elithi 'Intaka evuka mva ikholwa zizagweba'. (2) 3.5 Isimnini u 'zethu' sisetyenziselwe ukuphuhlisa yiphi injongo? (1) 3.6 Chonga ibinzana elisetyenziselwe ukuba abathengi bazive benyanzelekile ukuza kweli shishini. (1) 3.7 Izibhengezo zisebenzisa isixhobo esilunyanzeliso. Khetha igama elisetyenziselwe loo njongo. (1) 3.8 Xa besiya kwenziwa nguwe esi sibhengezo-ntengiso, zinkonzo zini ezimbini obuya kuzongeza kwezi ezingqamene nolu shishino? (2) [10] Akuvumelekanga ukufotokopa eli phepha Tyhila iphepha ### Page 12 Downloaded from hlayiso.com IsiXhosa Ulwimi Lwasekhaya (HL)/P1 11 DBE/Februwari–Matshi 2013 NSC UMBUZO 4: UKUCAZULULA IKHATHUNI QAPHELA: • Kwiimpendulo ezifuna igama elinye bhala kuphela inombolo yombuzo negama elifunwayo. • Kwimibuzo ekukhethwa kuyo, bhala inombolo yombuzo kuphela kunye nonobumba A–C wempendulo echanekileyo. Funda le khathuni (ISICATSHULWA E) ingezantsi uze uphendule imibuzo elandelayo. ISICATSHULWA E 1 Molo Kukha- nyakwelanga. 2 Hi Katana nguvobe wantoni lo uphezu 3 Hayi asingovobe lo zizinto zam zokudla. 4 Le ntongana ndiyisebenzise- la ukuzikrwela ngayo 5 kwebhedi yakho? la emqolo. Thatha nazi iinwele zekati uzitye 6 Uyayibona le nto? Ngumdudla wam. Ngowokwenza ntoni? 7 8 nezikhwebu zombona ezibini, lilifa lakho elo. [Ucatshulwe kwi-intanethi waza wahlelwa] 4.1 Nika isizathu sokusetyenziswa kwefonti enkulu kwigama, Garfield. (1) 4.2 Ibonakalisa ntoni le nkwenkwe xa isithi 'Katana' kule kati? (1) Akuvumelekanga ukufotokopa eli phepha Tyhila iphepha ### Page 13 Downloaded from hlayiso.com IsiXhosa Ulwimi Lwasekhaya (HL)/P1 12 DBE/Februwari–Matshi 2013 NSC 4.3 Bhala intetho kaKukhanyakwelanga ekwibhokisi yesi-4 ethi, 'Hayi asingovobe lo.' ibe kwimo evumayo? (1) 4.4 Isibizo 'ntongana' senze msebenzi mni kwisivakalisi esikwibhokisi yesi-5? (1) 4.5 U'HELE' uphuhlisa ntoni ngokwendlela asetyenziswe ngayo kule khathuni? (1) 4.6 Xa le kati isithi kule nkwenkwe mayithathe iinwele zekati izitye ibonakalisa: A ukuyigezela B ukuyicenga C ukuyihlonipha (1) 4.7 Xa ubuyile nkwenkwe kusithiwa yitya iinwele zekati ubuza kuva njani wena? (1) 4.8 Ingaba lo mzobi wale khathuni uyibonakalisa njani indelelo kule kati? Kwimpendulo yakho qaphela umzobo okwibhokisi yesi-3. (1) 4.9 Le khathuni iyonwabisa. Xhasa olu luvo. (1) 4.10 Yeyiphi injongo ephunyezwe ngumbhali ngokuzoba le khathuni? (1) [10] Akuvumelekanga ukufotokopa eli phepha Tyhila iphepha ### Page 14 Downloaded from hlayiso.com IsiXhosa Ulwimi Lwasekhaya (HL)/P1 13 DBE/Februwari–Matshi 2013 NSC UMBUZO 5: ULWIMI NEZAKHONO ZOKUHLELA QAPHELA: • Kwiimpendulo ezifuna igama elinye bhala kuphela inombolo yombuzo negama elifunwayo. • Kwimibuzo ekukhethwa kuyo, bhala inombolo yombuzo kuphela kunye nonobumba A-C wempendulo echanekileyo. Funda esi sicatshulwa singezantsi (ISICATSHULWA F) uze uphendule imibuzo elandelayo. ISICATSHULWA F Zininzi izinto ekulindeleke ukuba zenziwe ngumfundi webanga leshumi ukuze aphumelele emagqabini. Kufuneka abe ngumfundi osithandayo isikolo nonombono. Makaziqhelise ukusoloko efika kwangoko esikolweni phambi kweyure eziqala ngayo izifundo, ukuze akwazi ukufumana ithuba lokubethelela umsebenzi wosuku oludlulileyo. Eyona nto ibalulekileyo kukuphulaphula xa ootitshala befundisa. Akufika ekhaya kufuneka afunde wonke umsebenzi wosuku ukuze alungele owosuku olulandelayo. Enye into makamane esithi gqolo ukuzivavanya esebenzisa amaphepha eemviwo eminyaka edlulileyo. Kubalulekile ukumana edibana notitshala wakhe xa efuna amcacisele kwizinto ezithile adinga ukucaciselwa kuzo. Loo nto iya kumenza azibone eziphumelela ngokulula iimviwo. Ukuphumelela kwakhe kakuhle kuya kumvulela amathuba amaninzi okuphuhlisa ikamva lakhe. Impumelelo enjalo iya kwenza kuchulumance izihlobo nezalamane ingakumbi abazali bakhe. Bambi abazali bade bamenzele ithekokazi umntwana wabo ngenjongo yokuvuyisana naye nokumkhuthaza. Kufuneka umntwana ngamnye asebenze nzima ukuze axhamle kwizinwe zabazali bakhe. Yanga ke ingasoloko iqaqambile engqondweni yomntwana ngamnye into yokuba ikamva lakhe lisezandleni zakhe, kwaye ukusebenza nzima kunembuyekezo. (Ithathwe kuvimba wabevi) 5.1 Khankanya umsebenzi owenziwe ligama 'ukuze' kwisivakalisi esingezantsi. Zininzi izinto ekulindeleke ukuba zenziwe ngumfundi webanga leshumi ukuze aphumelele emagqabini. (1) 5.2 Igama 'osithandayo' lisetyenziswe njenge: A Sibaluli B Sibanjani C Sihlomelo (1) 5.3 Nika uhlobo nexesha lesenzi esikrwelelwe umgca ngaphantsi kwibinzana elilandelayo. ... ukusoloko efika kwangoko ... (2) Akuvumelekanga ukufotokopa eli phepha Tyhila iphepha ### Page 15 Downloaded from hlayiso.com IsiXhosa Ulwimi Lwasekhaya (HL)/P1 14 DBE/Februwari–Matshi 2013 NSC 5.4 Lungisa isiphene sobhalo esikwesi sivakalisi. Eyonanto ibalulekileyo kukuphulaphula xa ootitshala befundisa. (1) 5.5 Sisetyenziswe njani isifanekisozwi esibhalwe ngqindilili kwisivakalisi esingezantsi? Enye into makamane esithi gqolo ukuzivavanya ... (1) 5.6 U-zi kwigama 'eziphumelela' wenze msebenzi mni kwisivakalisi esingezantsi? Loo nto iya kumenza azibone eziphumelela ngokulula iimviwo. (1) 5.7 Lisetyenziswe njengaluphi udidi lwesihlomelo igama,'kakuhle' kwesi sivakalisi singezantsi? Ukuphumelela kwakhe kakuhle kuya kumvulela amathuba amaninzi okuphuhlisa ikamva lakhe. (1) 5.8 Siphuhlisa ntoni isimamva u-kazi kwigama 'ithekokazi'? (1) 5.9 Guqula isenzi esikrwelelwe umgca kwisivakalisi esilandelayo sibe kwisixando sokwenziwa. Yanga ke ingasoloko iqaqambile engqondweni yomntwana ngamnye. (1) [10] AMANQAKU ECANDELO C: 30 AMANQAKU EWONKE: 70 Akuvumelekanga ukufotokopa eli phepha ## Related documents - [IsiXhosa HL P1 Feb-March 2017](https://www.hlayiso.com/library/isixhosa-hl-p1-feb-march-2017/f024a28b-34a2-48b8-bd9a-74acb05b4733) — isiXhosa HL · QP · 2017 · isiXhosa - [IsiXhosa HL P1 Feb-March 2016](https://www.hlayiso.com/library/isixhosa-hl-p1-feb-march-2016/c233f628-281c-432a-ae78-c49cdbc2cb6d) — isiXhosa HL · QP · 2016 · isiXhosa - [IsiXhosa HL P1 Feb-March 2014](https://www.hlayiso.com/library/isixhosa-hl-p1-feb-march-2014/b647fdaa-06b0-475e-b56d-e90af2457c2f) — isiXhosa HL · QP · 2014 · isiXhosa - [IsiXhosa HL P1 Feb-March 2012](https://www.hlayiso.com/library/isixhosa-hl-p1-feb-march-2012/4cf220b9-3a99-4e73-9390-54b5b6ee4203) — isiXhosa HL · QP · 2012 · isiXhosa - [IsiXhosa HL P2 Feb-March 2018](https://www.hlayiso.com/library/isixhosa-hl-p2-feb-march-2018/c241906b-af3b-450c-808c-08fda459d520) — isiXhosa HL · QP · 2018 · isiXhosa - [IsiXhosa HL P3 Feb-March 2018](https://www.hlayiso.com/library/isixhosa-hl-p3-feb-march-2018/566add75-9ef2-4bd5-af98-54eea59f5046) — isiXhosa HL · QP · 2018 · isiXhosa ## More from Grade 12 isiXhosa HL - [Gr 12 IsiXhosa HL ATP 2023-24](https://www.hlayiso.com/library/gr-12-isixhosa-hl-atp-2023-24/47d8428a-6bc8-499c-acc8-8a8ebf4dd491) — ATP - [ISIXHOSA HL P1 MEMO GR12 SEPT 2025 watermark](https://www.hlayiso.com/library/isixhosa-hl-p1-memo-gr12-sept-2025-watermark/d61da289-7a98-4204-84e7-ba0a8206f429) — Memo · 2025 · isiXhosa - [ISIXHOSA HL P3 MEMO GR12 SEPT 2025 watermark](https://www.hlayiso.com/library/isixhosa-hl-p3-memo-gr12-sept-2025-watermark/fba1d302-d085-47cd-bee2-513282cac780) — Memo · 2025 · isiXhosa - [IsiXhosa HL P1 May-June 2025 MG](https://www.hlayiso.com/library/isixhosa-hl-p1-may-june-2025-mg/84b5db34-ace8-41ee-9524-c8517ac6b171) — Memo · 2025 · isiXhosa - [IsiXhosa HL P2 May-June 2025 MG](https://www.hlayiso.com/library/isixhosa-hl-p2-may-june-2025-mg/b4f21d74-9dc5-4e7d-8fbd-4654b4536d22) — Memo · 2025 · isiXhosa - [IsiXhosa HL P3 May-June 2025 MG](https://www.hlayiso.com/library/isixhosa-hl-p3-may-june-2025-mg/7d3626eb-631c-40f6-893a-fadbe86c8359) — Memo · 2025 · isiXhosa ## Collection - [Grade 12 past papers](https://www.hlayiso.com/grade-12/past-papers) --- Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.