# isiZulu FAL Grade 12 P1 NSC Supplementary 2015 QP

> Grade 12 isiZulu FAL Paper 1 question paper from the NSC Supplementary Exam 2015, 13 pages. Read online or download the free PDF.

- Page: https://www.hlayiso.com/library/isizulu-fal-p1-feb-march-2015/1e7ce2ee-0eb0-4420-be76-48c670cd2dcf
- Updated: 2026-09-27
- Subject: isiZulu FAL
- Grade: Grade 12
- Language: Isizulu
- Document type: Question paper
- Year: 2015
- Exam period: NSC Supplementary Exam
- Paper: 1
- Curriculum: CAPS
- Pages: 13

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiZulu FAL](https://www.hlayiso.com/library/grade-12/isizulu-fal) › [isiZulu FAL Grade 12 P1 NSC Supplementary 2015 QP](https://www.hlayiso.com/library/isizulu-fal-p1-feb-march-2015/1e7ce2ee-0eb0-4420-be76-48c670cd2dcf)

## About this document

Isizulu Fal · Grade 12 · NSC Supplementary Exam · 2015 · isizulu. Question paper, 13 pages. Read online or download the PDF.

Read it free online on the page above; download the PDF from there.

## Matching paper and memo

- [IsiZulu FAL P1 Feb March 2015 Memo](https://www.hlayiso.com/library/isizulu-fal-p1-feb-march-2015-memo/88896ca7-e8e3-4bb4-9155-e578f75fa338) — Memo · 2015 · isiZulu

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                        NATIONAL
                                   SENIOR CERTIFICATE

                                       IBANGA LE-12

                 ISIZULU ULIMI LOKUQALA LOKWENGEZA (FAL)

                                 IPHEPHA LOKUQALA (P1)

                                 FEBRUWARI/MASHI 2015

   AMAMAKI: 80

   ISIKHATHI: amahora ama-2

                               Leli phepha linamakhasi ayi-13.

Akuvumelekile ukukopisha leli phepha                             Pheqa ikhasi

### Page 2

Downloaded from hlayiso.com
IsiZulu Ulimi Lokuqala Lokwengeza (FAL)/P1    2                 DBE/Februwari–Mashi 2015
                                             NSC

IMIYALELO

1.        Leli phepha lehlukaniswe IZIQEPHU EZINTATHU:

          ISIQEPHU A: Isivivinyo sokuqondisisa                                   (30)
          ISIQEPHU B: Ukufingqa                                                  (10)
          ISIQEPHU C: Uhlelo nokusetshenziswa kolimi                             (40)

2.        Fundisisa YONKE imiyalelo ngaphambi kokuba uphendule imibuzo.

3.        Phendula YONKE imibuzo ekuleli phepha.

4.        Qala isiqephu NGASINYE ekhasini ELISHA bese udweba umugqa emva
          kwaleso siqephu.

5.        Bhala izinombolo zezimpendulo njengoba zibhalwe embuzweni.

6.        Shiya umugqa emva kombuzo ngamunye.

7.        Bhala ngobunono nangesandla esifundekayo.

8.        Qaphela upelomagama kanye nokwakheka kwemisho.

9.        Ungahlukanisa isikhathi obhala ngaso ngokwalezi ziqephu:

          ISIQEPHU A:       Imizuzu engama-50
          ISIQEPHU B:       Imizuzu engama-30
          ISIQEPHU C:       Imizuzu engama-40

Akuvumelekile ukukopisha leli phepha                                         Pheqa ikhasi

### Page 3

Downloaded from hlayiso.com
IsiZulu Ulimi Lokuqala Lokwengeza (FAL)/P1    3                 DBE/Februwari–Mashi 2015
                                             NSC

ISIQEPHU A: ISIVIVINYO SOKUQONDISISA

UMBUZO 1

1.1       Fundisisa lesi siqephu esingezansi bese uphendula imibuzo ezolandela.

                                   UZETHEMBA KANGAKANANI?

          Ukuzethemba kubalulekile. Kunomehluko omkhulu phakathi kokuzethemba
          okujwayelekile nokuzethemba ngokweqile. Kuphinde kube nomehluko
          omncane phakathi kokuzethemba ngokweqile/ngokwedlulele nokuzenyeza
          (low self-esteem). Lezi zinto ziyahambisana. Umuntu ozenyezayo ujwayele
          ukubona sengathi abantu bambukela phansi kanti kusuke kunguye uqobo
          ozibukela phansi. Ukuzenyeza nokucabanga kwakhe ukuthi ubukelwa phansi
          yikhona okumenza afune ukuthi wonke umuntu abone ukuthi naye
          akamncane. Ukuzama ukukhombisa ukuthi naye ubalulekile yikona
          okumenza azwakale aphinde abukeke sengathi usezethemba ngokweqile.

          Ziningi izinto ezenziwa ngumuntu ozethemba ngokweqile. Okujwayelekile
          ukuthi akhulume angaqedi kulalelwe yena. Akabaniki abanye ithuba lokuthi
          nabo baphendule. Inkulumo yakhe iqala ngo 'mina.' Nakho lokho
          akukhulumayo kusuke kungenamqondo. Kuvame/Kujwayeleke ukuba izinto
          ezifana nokuthi yena ugqoka kahle noma uhlala endaweni engcono nokunye
          nje okuzokwenza abantu babone ukuthi yena unemali kangakanani. Konke
          akukhulumayo kuba ngaye nempilo yakhe. Ngesikhathi ekhuluma engaqedi
          ezama ukuveza ukuthi wazi kangakanani kulapho eziveza ukuthi wazi
          kancane kangakanani.

          Lolu hlobo lomuntu aluphatheki. Alushayelwa imithetho. Uma kuyilona
          oluqashiwe luba inkinga kubaqashi ngoba bazithola bengasazi ukuthi
          bazobhekana kanjani nalo. Aluvami ukwenza okwenziwa abanye, luphuma
          eceleni njalo. Umuntu ozethemba ngokweqile uyehluleka ukubona umehluko
          phakathi kwakhe nomqashi. Okuba yinkinga ukuthi ugcina esenza
          nemisebenzi okungeyona eyakhe noma angawenzi umsebenzi ngoba
          engqondweni yakhe yena ungaphezu kwabo bonke abantu. Uzibona
          kunguyena kuphela owaziyo futhi engekho nongenza kangcono kunaye. Uma
          kunguyena ophethe uba ngundlovu kayiphikiswa. Kokunye abone sengathi
          nenkampani leyo ayisebenzelayo ingawa uma engayeka ukusebenza.
          Kwesinye isikhathi angafuni nokuhlaba ikhefu ngoba usaba ukuthi izinto
          zizosala zonakale/zimosheka.

          Ezinye zezimpawu zokuzethemba ngokweqile ukuthi umuntu aqambe
          amanga ngezinto anazo noma akwazi ukuzenza isidingo sibe singekho.
          Lokhu kuqamba amanga kusuke kuyindlela yokwenza ukuthi labo bantu
          anabo bangambukeli phansi. Asuke engakwazi ukuthi lokhu kuqamba
          amanga yikhona okwenza abantu bambone sengathi akaphilile ekhanda.
          Amanga awaqambayo afana nokuthi yena wazana nabantu abasezikhundleni
          eziphezulu, noma ngempilo ephezulu ayiphilayo. Okusuke kuxake ukuthi uma
          azana nabantu abaphezulu kangaka kungani esaphila nabantu abasezingeni
          eliphansi.

Akuvumelekile ukukopisha leli phepha                                         Pheqa ikhasi

### Page 4

Downloaded from hlayiso.com
IsiZulu Ulimi Lokuqala Lokwengeza (FAL)/P1    4                  DBE/Februwari–Mashi 2015
                                             NSC

          Okunye okugqamile ngomuntu ozethemba ngokweqile ukuthi akakwazi
          ukukhetha afanele akukhulume noma angakukhulumi okungahambisani
          nohlobo lwabantu asuke enabo ngaleso sikhathi. Isibonelo nje, angathi ehlezi
          nabantu abasezingeni eliphezulu kunelakhe, avele abatshele ukuthi uhamba
          ngahlobo luni lwemoto. Ukwenza lokhu kungekho muntu obuzile. Nalaba
          bantu abaxoxelayo mhlawumbe banezimoto eziphindwe kabili noma kathathu
          ngobuhle kunale yakhe. Inhloso yakhe ukuthi izikhulu lezi asuke ehlezi nazo
          zingamthathi kancane. Kunokuthi zikhombise ukumhlonipha izikhulu zivele
          zibe namahloni okuthi luhlobo luni lomuntu lolu oluveza ukuthi lunothe
          kangakanani emphakathini. Abantu abanemali abakhulumi ngemali yabo.

          Ucwaningo (research) olwenziwa yiLukhozi Research Institute lukhomba
          ukuthi umuntu ozethemba ngokweqile ushintshashintsha izithombe zakhe
          ezinkundleni zokuxhumana (social networks) eveza ubuso bakhe. Lokhu
          ukwenza ngoba ezibona emuhle kunawo wonke umuntu. Uthanda nokwazisa
          umhlaba wonke ukuthi yena wenzani ngasikhathi sini. Lokhu ukwenza ngoba
          ecabanga ukuthi wonke umuntu ukukhathalele ukuthi wenzani, nini nobani.
          Imiphumela yocwaningo ikhombisa ukuthi umuntu ozibona engcono
          kunabanye akakwazi ukuhlela impilo yakhe. Konke akwenzayo yilokhu
          okwenziwa abangani bakhe.

          Lolu hlobo lokuziphatha luyisifo esingalapheka. Umuntu akazalwa naso
          kodwa sidalwa izimo ezithile umuntu abhekana nazo ngesikhathi esakhula,
          ikakhulukazi esemncane. Ukubonana nabalaphi bengqondo (psychologists)
          kungamsiza onalesi sifo/mkhuba ukuthi abone izenzo nezinkulumo zakhe
          zimenza abukeleke phansi. Nawe ake uzibuze ukuthi uzethemba
          kangakanani.

          1.1.1       Bhala izinto EZIMBILI ezenziwa ngumuntu ozethemba ngokweqile.          (2)

          1.1.2       Khetha impendulo efanele kwezilandelayo:

                      Ngesikhathi umuntu ozethemba kakhulu ekhuluma engaqedi
                      uziveza ukuthi ulwazi lwakhe … kanganani:

                      A   Lukhulu
                      B   Lubanzi
                      C   Lubaluleke
                      D   Luncane                                                            (1)

          1.1.3       Yini evame ukucatshangwa ngumuntu ozenyezayo?                          (1)

          1.1.4       Ngokwale ndaba kusuke kuyini inhloso yokuqamba amanga
                      kumuntu ozethemba ngokweqile?                                          (1)

          1.1.5       Bhala OKUKODWA umuntu ozethemba ngokweqile ajwayele
                      ukuqamba amanga ngakho.                                                (1)

Akuvumelekile ukukopisha leli phepha                                          Pheqa ikhasi

### Page 5

Downloaded from hlayiso.com
IsiZulu Ulimi Lokuqala Lokwengeza (FAL)/P1    5                  DBE/Februwari–Mashi 2015
                                             NSC

          1.1.6       Umuntu ozethemba ngokweqile uba yinkinga kanjani kubaqashi
                      bakhe?                                                                 (1)

          1.1.7       Esiqeshini osifunde ngenhla caphuna umusho osho okufanayo
                      nalo olandelayo:

                      Owakhe umbono awuphikiswa.                                             (2)

          1.1.8       Chaza lezi zimo zokukhuluma ezibhalwe ngokugqamile kule misho
                      elandelayo:

                      (a) Ukuzenyeza nokucabanga kwakhe ukuthi ubukelwa phansi
                          yikhona okumenza afune wonke umuntu abone ukuthi naye
                          akamncane.                                                         (2)

                      (b) Aluvami ukwenza okwenziwa abanye, luphuma eceleni njalo.           (2)

                      (c) Kwesinye isikhathi angafuni nokuhlaba ikhefu.                      (2)

          1.1.9       Ukukhuluma kakhulu komuntu ozethemba ngokweqile kuba
                      namuphi umphumela kubantu asuke ehleli nabo?                           (2)

          1.1.10      Ungamsiza kanjani umuntu onenkinga yokuzethemba ngokweqile?
                      Bhala amaphuzu AMABILI.                                                (2)

          1.1.11      Ngokwale ndaba ukuzethemba kakhulu kuyiphazamisa kanjani
                      inqubekela phambili yomuntu.                                           (2)

          1.1.12      Ngabe iqiniso noma umbono ukuthi wonke umuntu oshintsha
                      izithombe zakhe ezinkundleni zokuxhumana yingoba ezethemba
                      ngokweqile. Sekela.                                                    (3)

Akuvumelekile ukukopisha leli phepha                                          Pheqa ikhasi

### Page 6

Downloaded from hlayiso.com
IsiZulu Ulimi Lokuqala Lokwengeza (FAL)/P1    6                             DBE/Februwari–Mashi 2015
                                             NSC

1.2       Bukisisa lesi sithombe bese uphendula imibuzo ezolandela.

                                                      [Sicashunwe ephephandabeni iLanga, Okthoba 2013]

          1.2.1       Umkhankaso wani lo ovezwe kulesi sithombe?                                             (1)

          1.2.2       Yini inhloso yalesi sithombe?                                                          (1)

          1.2.3       Yimuphi uMnyango kaHulumeni obhekene nalo mkhankaso?                                   (1)

          1.2.4       Yisiphi isiFundazwe obanjwe kuso lo mkhankaso?                                         (1)

          1.2.5       Ngokwalesi sithombe umphumela wokuphuza utshwala bese
                      ushayela imoto kuba yini?                                                              (2)

                                                                      AMAMAKI ESIQEPHU A:                    30

Akuvumelekile ukukopisha leli phepha                                                          Pheqa ikhasi

### Page 7

Downloaded from hlayiso.com
IsiZulu Ulimi Lokuqala Lokwengeza (FAL)/P1       7                   DBE/Februwari–Mashi 2015
                                                NSC

ISIQEPHU B: UKUFINGQA

UMBUZO 2

Fundisisa lesi siqeshana esingezansi esikhuluma ngezindlela zokunakekela amateki
bese usifingqa ngamaphuzu ayi-7.

IMIYALELO:

1.        Bhala amaphuzu ayi-7 ngemisho ephelele. Amagama akho abe phakathi
          kwamagama angama-50 kuya kwangama-60.

2.        Imisho yakho mayibe nezinombolo kusukela ku-1 kuya ku-7.

3.        Bhala iphuzu elilodwa emshweni.

4.        Sebenzisa amagama akho emshweni.

5.        Ekugcineni kwamaphuzu              onke   owabhalile   bhala   inani   lamagama
          owasebenzisile.

                              GCINA AMETEKI AKHO EHLANZEKILE

          Amateki yizicathulo ezithambile futhi ezithandwa kakhulu ngabantu
          abasebancane kanye nalabo abadala. Abiza imali eshisiwe futhi
          asesitayeleni. Ziningi izinhlobo zawo; kukhona enziwa ngendwangu, ipulasitiki
          kanye nesikhumba. Amateki agqokelwa izizathu ezahlukene. Abanye
          bawagqoka uma beya emsebenzini, abanye bawagqokele ezemidlalo kanti
          abanye bawagqokela imfashini.

          Ungawagcina kuwodilophu ekamelweni noma uwabeke ebhokisini lawo.
          Zama ukungawabeki phezu kwamanye noma uwacindezele ngezinye
          izicathulo ngoba lokho kungenza alahlekelwe indlela akhiwe ngayo.
          Ukuwawasha njalo ngamanzi kungawalimaza ngokuthi asheshe athambe
          futhi ashintshe nombala wawo. Uma ukade uwagqokile kuhle ukuthi uthathe
          indwangu emanzi bese uwasula ngayo ngaphambi kokuwabeka.
          Ungasebenzisa insipho eyenzelwe ukuwasha izicathulo uma uwawasha.
          Kubalulekile ukukhipha izintambo zawo ukuze uwashisise kahle ingaphakathi
          lawo. Waneke elangeni kodwa ugade ukuthi ilanga lingawashisi kakhulu
          ngoba lokho kungenza alahlekelwe umbala wawo.

          Amateki akho ayonuka kahle uma uwashayisa ngomoya kancane emva
          kokuwakhumula. Kuhle ukugqoka amasokisi uma ugqoke amateki.
          Ungawaphindi amasokisi uma ungumuntu ogqoka njalo amateki. Lokho
          kusiza ukubamba umjuluko kugcine amateki akho kanye nezinyawo
          kunephunga elihle. Ukugqoka amateki ngezinyawo ezingcolile kungenza ube
          nezilonda ezinyaweni ugcine usunalesi sifo okuthiwa impehlwa. Iphunga eliba
          sematekwini anganakekelwa alithandeki kwabanye abantu. Khumbula ukuthi
          izinyawo ezivaleleke ematekwini ziyajuluka.

Akuvumelekile ukukopisha leli phepha                                              Pheqa ikhasi

### Page 8

Downloaded from hlayiso.com
IsiZulu Ulimi Lokuqala Lokwengeza (FAL)/P1    8                       DBE/Februwari–Mashi 2015
                                             NSC

          Ungalivimba iphunga elibi ngokuthi usebenzise uphawuda wabantwana noma
          wezicathulo. Lezi zindlela zokunakekela amateki ziyokongela imali ngoba
          angeke ube nenkinga yokuba namateki adabukile/agugile futhi angeke ulokhu
          uwathenga njalo. Izinyawo zakho ziyohlala zithokozile.

          Yiba namateki abukeka emasha zonke izinsuku!
                                                   [Sicashunwe ephephandabeni iLanga, Okthoba 2013]

                                                                AMAMAKI ESIQEPHU B:                   10

Akuvumelekile ukukopisha leli phepha                                                   Pheqa ikhasi

### Page 9

Downloaded from hlayiso.com
IsiZulu Ulimi Lokuqala Lokwengeza (FAL)/P1             9                            DBE/Februwari–Mashi 2015
                                                      NSC

ISIQEPHU C: UHLELO NOKUSETSHENZISWA KOLIMI
UMBUZO 3
Bukisisa lesi sikhangisi bese uphendula imibuzo ezolandela.

                                     Zama Zama Caterers
                      Ngabe ziyawushaya, noma unomcimbi omkhulu?
                    Uxakekile? Awunaso isikhathi sokwenza amalungiselelo?
                     Woza kwaZama Zama Catering sizokusetha.
          Abapheki noweta bethu basezingeni eliphezulu, angeke uzisole ngokukhetha
                                             thina!
           Ngemadlana encane sihlela, sihlobise siphekele imicimbi elandelayo:
                                       Imishado.
                                     Imingcwabo.
                                   Imigubho yesintu.
                         Siqashisa ngalokhu okulandelayo:
                                      Amatende
                                         Izitulo
                                      Izitofu zegesi
                                    Amafriji amakhulu
                                           Izitsha
                                Amatafula nezindwangu.

          Sitholakala:
          11 McTosh Avenue
          Newcastle
          083 762 4567/083 366 1234
                Fika nalesi sikhangisi UZITHOLELE ifriji eliqashisayo
                                 MAHHALA!!!
                   Imithetho nemibandela: Kukhokhwa idiphozi engamaphesenti angama-50.

                                                                              [Sicashunwe kumagazini i-Drum, 2013]

Akuvumelekile ukukopisha leli phepha                                                                  Pheqa ikhasi

### Page 10

Downloaded from hlayiso.com
IsiZulu Ulimi Lokuqala Lokwengeza (FAL)/P1    10               DBE/Februwari–Mashi 2015
                                             NSC

3.1       Bhala imisebenzi EMIBILI eyenziwa eZama Zama Caterers.                           (2)

3.2       Kungani amagama 'Zama Zama Caterers' ebhalwe ngefonti enkulu?                    (2)

3.3       Khetha impendulo efanele kwezilandelayo:

          Oweta baseZama Zama Caterers basezingeni:

          A        Eliphansi
          B        Eliphakathi nendawo
          C        Eliphezulu
          D        Elilindelekile                                                          (1)

3.4       Igama 'sizokusetha' lichazani ngohlobo lomsebenzi owenziwa yile nkampani?        (2)

3.5       Bhala okukodwa okudingekayo eZama Zama Caterers ngaphambi kokuthi
          bakwenzele umsebenzi.                                                            (1)

3.6       Ngokwakho ukucabanga ibinzana 'UZITHOLELE ifriji eliqashisayo MAHHALA'
          liyiqiniso kangakanani?                                                          (2)
                                                                                           [10]

Akuvumelekile ukukopisha leli phepha                                        Pheqa ikhasi

### Page 11

Downloaded from hlayiso.com
IsiZulu Ulimi Lokuqala Lokwengeza (FAL)/P1    11                       DBE/Februwari–Mashi 2015
                                             NSC

UMBUZO 4

Bukisisa le khathuni bese uphendula imibuzo ezolandela.

                                                    [Sicashunwe ephephandabeni iSolezwe, 2012]

4.1       Yini le ephethwe umkhulu?                                                                    (1)

4.2       Uqonde ukuthini umkhulu uma ethi uyibambile?                                                 (1)

4.3       Sebenzisa upelomagama olufanele ukulungisa lo musho olandelayo:

          Ngaze ngay'bamba mabhebeza, seng'zokwazi uk'thumela abakhongi.                               (3)

4.4       Khetha impendulo efanele kwezilandelayo:

          Kule khathuni engenhla igama ukukipita lisho:

          A     Ukuthatha into okungeyona eyakho
          B     Ukuwina
          C     Ukuhlala nomuntu ongashadile naye
          D     Ukulobola                                                                              (1)

4.5       Chaza igama 'abakhongi.'                                                                     (2)

4.6       Ngokwakho ukucabanga kungani umkhulu esefisa ukuzibulala? Chaza.                             (2)
                                                                                                       [10]

Akuvumelekile ukukopisha leli phepha                                                    Pheqa ikhasi

### Page 12

Downloaded from hlayiso.com
IsiZulu Ulimi Lokuqala Lokwengeza (FAL)/P1    12                   DBE/Februwari–Mashi 2015
                                             NSC

UMBUZO 5

5.1       Fundisisa lesi siqeshana bese uphendula imibuzo ezolandela:

          Sekusondele    ukubhala     izivivinyo zokuphela   konyaka.     Abafundi
          bakaMatikuletsheni abasalali. Sekuphele nya ukudlala. Akusekho ngisho
          noyedwa owehla enyuka ezitaladini. Bonke bazivalele endlini bayafunda.
          Impumelelo ayitholakali ngamlingo, ukufunda nje kuphela. Abafundi
          sebekhuthazwa amazwi kathishanhloko awasho njalo athi; 'Bafundi
          sebenzani ngokuzimisela ukuze ningaphoxi abazali benu.' Abazali kufanele
          babambe iqhaza ekufundeni kwezingane zabo ukuze ziphumelele.
          Lokhu abazali bangakwenza ngokuthi baqinisekise ukuthi ungabibikho
          umsindo ozophazamisa abafundi emakhaya. Abafundi akumele banikwe
          umsebenzi wasekhaya omningi ukuze bakwazi ukuchitha isikhathi esiningi
          befunda izincwadi zabo. Ayikho into ebuhlungu njengokuthi umfundi ahlale
          esikoleni iminyaka eminingi kodwa ekugcineni angaphumeleli. Kubamba
          ezingelayo bafundi sebenzani.

          5.1.1       Shono ukuthi amagama abhalwe          ngokugqamile     emishweni
                      elandelayo enza misebenzi mini?
                      (a) Bonke bazivalele endlini bayafunda.                                  (1)
                      (b) Abafundi bakaMatikuletsheni abasalali.                               (1)
          5.1.2       Esiqeshini esingenhla caphuna isimo sokukhuluma esichazwa yilo
                      musho olandelayo:

                      Abazali kumele basize ekufundeni kwezingane zabo.                        (2)
          5.1.3       Phinda ubhale umusho olandelayo ukhombe ukuphika:
                      Sebenzani kanzima ukuze nijabulise abazali benu.                         (2)
          5.1.4       Phinda ubhale umusho olandelayo uqale ngegama elibhalwe
                      ngokugqamile.
                      UThishanhloko ukhuthaza abafundi ukuthi bazimisele.                      (2)
          5.1.5       Khetha isihlanganiso esisodwa kulezi ezikubakaki usisebenzise
                      ukuhlanganisa imisho elandelayo: (noma, uma, mhlawumbe).
                      Bangaphasa bonke abafundi.
                      Abafundi bafunda ngokuzimisela.                                          (2)
          5.1.6       Phinda ubhale umusho olandelayo ube yinkulumo mbiko.
                      UThishanhloko    wakhuthaza     abafundi    wathi:     'Sebenzani
                      ngokuzimisela ukuze ningaphoxi abazali benu.'                            (2)
          5.1.7       Phinda ubhale umusho olandelayo uqale ngebinzana elibhalwe
                      ngokugqamile:
                      Abazali basiza izingane zabo.
                      Ngonyaka ozayo …                                                         (2)

Akuvumelekile ukukopisha leli phepha                                            Pheqa ikhasi

### Page 13

Downloaded from hlayiso.com
IsiZulu Ulimi Lokuqala Lokwengeza (FAL)/P1      13                    DBE/Februwari–Mashi 2015
                                               NSC

5.2       Buka isithombe esilandelayo bese uphendula imibuzo ezolandela.

         Ungiphoxile, sahluleki
         ndini! Bengicabanga
         ukuthi uhlukile kwabanye
         kodwa sengiyabona
         ukuthi amadoda wonke
         ayefana, wonke
         angosathane! Kodwa-ke
         ngiyazi ukuthi kungani
         ungishiyile. Ngiyazi ukuthi
         abafana bayazithanda
         izintombi ezikhulele
         emadolobheni ngoba
         bathi ziyazazi izinto.

                                                [Sicashunwe kuDestiny Magazine,Septemba 2013]

          5.2.1        Ibinzana 'sehluleki ndini' lichukuluza/livusa miphi imizwa?                (1)

          5.2.2        Caphuna umusho okhombisa ukuthi bonke abantu besilisa
                       bayafana.                                                                  (2)

          5.2.3        Khetha impendulo efanele kwezilandelayo:

                       Umusho othi; 'Amadoda angosathane uqukethe ulimi:

                       A    Oluhehayo
                       B    Olunenzondo
                       C    Olukhohlisayo
                       D    Olunothando                                                           (1)

          5.2.4        Shono ukuthi umusho olandelayo ukuthi uqukethe luphi uhlobo
                       lwenkolelo:

                       Ngiyazi ukuthi abafana bayazithanda            izintombi      ezikhulele
                       emadolobheni ngoba bathi ziyazazi izinto.                                  (2)
                                                                                                  [20]
                                                                AMAMAKI ESIQEPHU C:               40
                                                                AMAMAKI ESEWONKE:                 80

Akuvumelekile ukukopisha leli phepha

## Related documents

- [IsiZulu FAL P2 Feb March 2015](https://www.hlayiso.com/library/isizulu-fal-p2-feb-march-2015/abce6906-304d-43d0-a412-a73b6b3d3d7c) — isiZulu FAL · QP · 2015 · isiZulu
- [IsiZulu FAL P3 Feb March 2015](https://www.hlayiso.com/library/isizulu-fal-p3-feb-march-2015/98eb8df0-2e0d-4798-b4b5-25265ad059ca) — isiZulu FAL · QP · 2015 · isiZulu
- [IsiZulu FAL P1 June July 2015](https://www.hlayiso.com/library/isizulu-fal-p1-june-july-2015/0762629f-1640-4c78-ad91-6c88c1c12226) — isiZulu FAL · QP · 2015 · isiZulu
- [IsiZulu FAL P1 Feb March 2018](https://www.hlayiso.com/library/isizulu-fal-p1-feb-march-2018/96b8b4b0-22b7-4ee6-b977-4237a12ade2f) — isiZulu FAL · QP · 2018 · isiZulu
- [IsiZulu FAL P1 Feb March 2017](https://www.hlayiso.com/library/isizulu-fal-p1-feb-march-2017/b09c42e5-f598-4b60-be83-0cd7526d5d4e) — isiZulu FAL · QP · 2017 · isiZulu
- [IsiZulu FAL P1 Feb March 2016](https://www.hlayiso.com/library/isizulu-fal-p1-feb-march-2016/e62ab943-178d-4f7d-b4ad-2076011c9e16) — isiZulu FAL · QP · 2016 · isiZulu

## More from Grade 12 isiZulu FAL

- [Gr 12 IsiZulu FAL ATP 2023-24](https://www.hlayiso.com/library/gr-12-isizulu-fal-atp-2023-24/2e221b22-767a-49bf-870c-b3cf4e8bcddd) — ATP
- [IsiZulu FAL P1 May-June 2025 MG](https://www.hlayiso.com/library/isizulu-fal-p1-may-june-2025-mg/c987c299-55ce-451b-9c9c-d9f577f9aec6) — Memo · 2025 · isiZulu
- [IsiZulu FAL P2 May-June 2025 MG](https://www.hlayiso.com/library/isizulu-fal-p2-may-june-2025-mg/fc0b2153-7afc-4c51-9210-38edf5f25888) — Memo · 2025 · isiZulu
- [IsiZulu FAL P3 May-June 2025 MG](https://www.hlayiso.com/library/isizulu-fal-p3-may-june-2025-mg/cec2350a-6309-437b-a49e-a04527a0ca1c) — Memo · 2025 · isiZulu
- [IsiZulu FAL P2 Nov 2025 MG](https://www.hlayiso.com/library/grade-12-isizulu-fal-2025-nsc-november-exam-question-paper-paper-2-isizulu/d890b2cf-f80e-4a5f-aa33-e13bde37273e) — Memo · 2025 · isiZulu
- [IsiZulu FAL P3 Nov 2025 MG](https://www.hlayiso.com/library/grade-12-isizulu-fal-2025-nsc-november-exam-question-paper-paper-3-isizulu/8210b3fd-54a1-4a7b-a22f-fe44c32fcc1a) — Memo · 2025 · isiZulu

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
