# isiZulu FAL Grade 12 P1 NSC Supplementary 2016 QP

> Grade 12 isiZulu FAL Paper 1 question paper from the NSC Supplementary Exam 2016, 13 pages. Read online or download the free PDF.

- Page: https://www.hlayiso.com/library/isizulu-fal-p1-feb-march-2016/e62ab943-178d-4f7d-b4ad-2076011c9e16
- Updated: 2026-09-27
- Subject: isiZulu FAL
- Grade: Grade 12
- Language: Isizulu
- Document type: Question paper
- Year: 2016
- Exam period: NSC Supplementary Exam
- Paper: 1
- Curriculum: CAPS
- Pages: 13

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiZulu FAL](https://www.hlayiso.com/library/grade-12/isizulu-fal) › [isiZulu FAL Grade 12 P1 NSC Supplementary 2016 QP](https://www.hlayiso.com/library/isizulu-fal-p1-feb-march-2016/e62ab943-178d-4f7d-b4ad-2076011c9e16)

## About this document

Isizulu Fal · Grade 12 · NSC Supplementary Exam · 2016 · isizulu. Question paper, 13 pages. Read online or download the PDF.

Read it free online on the page above; download the PDF from there.

## Matching paper and memo

- [IsiZulu FAL P1 Feb March 2016 Memo](https://www.hlayiso.com/library/isizulu-fal-p1-feb-march-2016-memo/a73633d7-3279-4a0e-9471-3a6a15c87204) — Memo · 2016 · isiZulu

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                        NATIONAL
                                   SENIOR CERTIFICATE

                                       IBANGA LE-12

                 ISIZULU ULIMI LOKUQALA LOKWENGEZA (FAL)

                                 IPHEPHA LOKUQALA (P1)

                                 FEBRUWARI/MASHI 2016

AMAMAKI: 80

ISIKHATHI: Amahora ama-2

                               Leli phepha linamakhasi ayi-13.

Akuvumelekile ukukopisha leli phepha                             Pheqa ikhasi

### Page 2

Downloaded from hlayiso.com
IsiZulu Ulimi Lokuqala Lokwengeza (FAL)/P1    2                 DBE/Februwari–Mashi 2016
                                             NSC

IMIYALELO KWABAHLOLWAYO

1.        Leli phepha lehlukaniswe IZIQEPHU EZINTATHU:

          ISIQEPHU A: Isivivinyo sokuqondisisa              (30)
          ISIQEPHU B: Ukufingqa                             (10)
          ISIQEPHU C: Uhlelo nokusetshenziswa kolimi        (40)

2.        Fundisisa YONKE imiyalelo ngaphambi kokuba uphendule imibuzo.

3.        Phendula YONKE imibuzo ekuleli phepha.

4.        Qala isiqephu NGASINYE ekhasini ELISHA bese udweba umugqa emva
          kwaleso siqephu.

5.        Bhala izinombolo zezimpendulo njengoba zibhalwe emibuzweni.

6.        Shiya umugqa emva kombuzo ngamunye.

7.        Bhala ngobunono nangesandla esifundekayo.

8.        Qaphela upelomagama kanye nokwakheka kwemisho.

9.        Ungahlukanisa isikhathi obhala ngaso ngokwalezi ziqephu:

          ISIQEPHU A: Imizuzu engama-50
          ISIQEPHU B: Imizuzu engama-30
          ISIQEPHU C: Imizuzu engama-40

Akuvumelekile ukukopisha leli phepha                                         Pheqa ikhasi

### Page 3

Downloaded from hlayiso.com
IsiZulu Ulimi Lokuqala Lokwengeza (FAL)/P1    3                 DBE/Februwari–Mashi 2016
                                             NSC

ISIQEPHU A: ISIVIVINYO SOKUQONDISISA

UMBUZO 1

1.1       Fundisisa UMBHALO A bese uphendula imibuzo ezolandela.

          UMBHALO A (Ofundwayo)

                                  UMNCINTISWANO WONOBUHLE
                                      (BEAUTY CONTEST)

          Ziningi izinhlobo zemincintiswano yoNobuhle emhlabeni. Umncintiswano
          woNobuhle boMhlaba waqala ngonyaka we-1951. Kulo mncintiswano
          kungenela izintokazi eziphuma emazweni ahlukene ukuzomela amazwe azo.
          Kusuke kukhethwa intokazi enhle nehlakaniphile kunazo zonke. Intokazi
          eyaphumelela umncintiswano wokuqala woNobuhle boMhlaba kwakungu-
          Kicki Hakansson wasezweni lase-Sweden. Baningi abanye abalandela emva
          kwakhe. ENingizimu Afrika uNobuhle wokuqala woMhlaba kwaba ngu-Louise
          Crous ngonyaka we-1963. Lokhu kwanika izwe laseNingizimu Afrika
          umdlandla (courage) wokuthuthukisa imincintiswano yoNobuhle.

          Ngesikhathi iqala le mincintiswano eNingizimu Afrika kwakungenela
          abaMhlophe kuphela. Ngonyaka we-1993 waqala wavulela zonke izinhlanga
          (races). Intokazi yokuqala eMnyama eyawina isicoco sokuba nguNobuhle
          wase Ningizimu Afrika ngalo nyaka kwaba ngu-Jacqui Mofokeng. Lokhu
          kwaqopha umlando.

          Kunemithetho eminingi elandelwayo ukuze ungenele umncintiswano
          woNobuhle baseNingizimu Afrika. Ungenelwa kuphela yizintokazi ezizalelwe
          eNingizimu Afrika, ezineminyaka ephakathi kweyi-18 nengama-27 futhi zibe
          nesitifiketi sikaMatikuletsheni noma ngaphezulu. Intokazi eshadile,
          esithenjiswe umshado nenengane ayivunyelwe ukungenela lo mncintiswano.
          Okubalulekile ukuthi akubhekwa ubuhle bobuso nokuma kahle komzimba
          kuphela kodwa kubhekwa indlela abaphendula ngayo imibuzo nokuzethemba
          kwabo.

          Intokazi ewinile iba neminyaka emibili iphethe isicoco (title) sokuba
          nguNobuhle. Ngesikhathi isaphethe lesi sicoco ayivunyelwe ukuthola ingane
          uma ingakashadi, ukuqhubeka nezifundo zayo nokusebenza kuze kuphele
          iminyaka emibili. Owinile uba nohlelo lwemisebenzi okufanele ayenze
          emiphakathini ehlukene yaseNingizimu Afrika. Isikhathi esiningi izintokazi
          zikhetha    izinhlelo    zokusiza  abesifazane   nezingane,   ezemfundo,
          okuphathelene nabantu abasha nokunye. UNobuhle wezwe uwina izinto
          eziningi; imoto, imali, ubucwebe, ukuhambela kwamanye amazwe mahhala
          nokumenywa emicimbini emikhulu.

          Ngesikhathi somncintiswano izintokazi zifaka izicathulo zazo ezinde zigqoke
          nezimpahla zokubhukuda. Zifika esiteji zimodele phambi kwezibukeli/
          kwezethameli kanye namajaji zibe zizethula/zizazisa.

Akuvumelekile ukukopisha leli phepha                                         Pheqa ikhasi

### Page 4

Downloaded from hlayiso.com
IsiZulu Ulimi Lokuqala Lokwengeza (FAL)/P1    4                  DBE/Februwari–Mashi 2016
                                             NSC

          Emva kwalokho izintokazi zingena sezigqoke izingubo zikanokusho. Lapho
          zisuke sezizinhle sengathi izingelosi. Ezinye izingubo zinemisila emide
          nemibala emihle njengothingo lwenkosazana (rainbow). Ngaleso sikhathi
          izintokazi zisuke seziziqhenya, zingamapigogo uqobo lwawo. Amajaji
          ayabhekisisa ngoba kusuke sekuzokhethwa abazobuya esigabeni
          esilandelayo. Ekugcineni kubuya izintokazi eziyi-5 ezizobuzwa imibuzo. Ijaji
          ngalinye liba nombuzo owodwa oqondene nentokazi eliyikhethile ukuba
          liyibuze. Kungalesi sikhathi lapho okuvela khona ulwazi nezinga lokufunda
          lentokazi. Intokazi uma iphendula umbuzo kufanele kubonakale ukuthi
          iyazethemba futhi iyayazi into ekhuluma ngayo.

          Ayaphela amaphupho ngesikhathi sokuphuma kwemiphumela. Kubizwa
          kuqala intokazi ephume isithathu, kulandele ephume isibili bese kugcina
          ezishaye zonke emakhanda. Leyo ewinile ibe isithweswa/isifakwa isicoco
          ekhanda. Lesi sicoco isifakwa nguNobuhle okunguye obesiphethe eminyakeni
          emibili edlule. Izinyembezi zenjabulo zisuke sezizehlela kuleyo ewinile.
          Kusuka omkhulu umsindo izibukeli zishaya izandla kuthathwa nezithombe
          zalezo eziwinile. Zonke izintokazi ebezingenele lo mncintiswano
          ziyamhalalisela uNobuhle omusha.

          Lapha eNingizimu Afrika intokazi eyayiphethe isicoco sikaNobuhle ngonyaka
          wezi-2014 uRolene Strauss. URolene yintokazi esencane ebifundela
          ubudokotela. Njengoba kungumthetho ukuthi uNobuhle kube nemisebenzi
          ayenzela umphakathi, yena wakhetha uhlelo lokukhuthaza amantombazane
          asemancane ngokubaluleka kwemfundo. URolene wathola ithuba lokuyomela
          iNingizimu Afrika emncintiswaneni woNobuhle boMhlaba. Wafike waphuma
          phambili nakhona. Kumanje uphethe isicoco sokuba nguNobuhle woMhlaba.

          Imincintiswano yoNobuhle isivulele amantombazane amathuba amaningi.
          Sekukhona umncintiswano woNobuhle besiNtu obizwa ngokuthi u-'Miss
          iNdoni'. Lapha izintokazi zimodela zigqoke imvunulo yesiNtu ngoba zisuke
          zikhangisa ngamasiko azo. Lo mncintiswano waqalwa uDkt Nomcebo
          Mthembu ngoba efuna ukukhuthaza amantombazane ukuthi aziphathe kahle.
          Maningi amantombazane awungenelayo lo mncintiswano.

                                                                [Umbhalo wokuziqambela]

          1.1.1       Ngubani owawina umncintiswano wokuqala wokuba nguNobuhle
                      woMhlaba?                                                              (1)

          1.1.2       Ngobani abangenela umncintiswano woNobuhle boMhlaba?                   (1)

          1.1.3       Yini ewinwa uNobuhle waseNingizimu Afrika? Bhala OKUBILI.              (2)

          1.1.4       Kwakuyini   inhloso    kaDkt    Nomcebo    Mthembu      ukuqala
                      umncintiswano ka-'Miss iNdoni'?                                        (2)

          1.1.5       Gcwalisa isikhala ngempendulo efanele kulo musho olandelayo:

                      U-Jacqui Mofokeng wawina isicoco sokuba nguNobuhle wase
                      Ningizimu Afrika ngonyaka we ...                                       (1)

Akuvumelekile ukukopisha leli phepha                                          Pheqa ikhasi

### Page 5

Downloaded from hlayiso.com
IsiZulu Ulimi Lokuqala Lokwengeza (FAL)/P1      5                       DBE/Februwari–Mashi 2016
                                               NSC

          1.1.6       Bhala    imithetho    EMIBILI         yomncintiswano          kaNobuhle
                      waseNingizimu Afrika.                                                          (2)

          1.1.7       Chaza ukuthi izintokazi zenzenjani ngesikhathi somncintiswano
                      ukuze kukhethwe ozowina. Bhala amaphuzu AMATHATHU.                             (3)

          1.1.8       Yini engenzeka uma uNobuhle ophethe isicoco ethola ingane?                     (2)

          1.1.9       Bhala incazelo yalezi zimo zokukhuluma ezilandelayo:

                      (a) Ukuqopha umlando.                                                          (2)
                      (b) Ukuzishaya zonke emakhanda.                                                (2)

          1.1.10      Kungabe ibaluleke ngani imfundo emncintiswaneni woNobuhle?
                      Bhala amaphuzu AMABILI.                                                        (2)

          1.1.11      Ngokucabanga kwakho le mincintiswano kufanele iqhubeke noma
                      iyekwe? Sekela impendulo yakho.                                                (2)

          1.1.12      Kungabe IQINISO noma UMBONO ukuthi bonke oNobuhle
                      bayisibonelo esihle kubantu abasha? Sekela impendulo yakho.                    (2)

1.2       Bukisisa le khathuni bese uphendula imibuzo ezolandela:

          UMBHALO B (Obukwayo)

             Uyazi Khumalo        Suka! Udlala        Niyabona nina! Qhubekani nesiteleka,
             kungcono wona        ngathi lo basi      ngizoqasha abantu abadinga
             amakinati            Mkhize. Yiningi     umsebenzi. Angazi nizoqashwa ubani
             kunokuthi ikati      imali ayenzayo      ningafundile nje! Aninazo ngisho
             lilale eziko.        kodwa usiphatha     izincwadi zokushayela lezi! Nizolamba,
             Izingane zithola     njengezinja!        niyezwa!
             nokwesikole.

                                             [Sicashunwe kuphephandaba i-The Times, Mashi 2014]

Akuvumelekile ukukopisha leli phepha                                                  Pheqa ikhasi

### Page 6

Downloaded from hlayiso.com
IsiZulu Ulimi Lokuqala Lokwengeza (FAL)/P1    6                    DBE/Februwari–Mashi 2016
                                             NSC

          1.2.1       Kungani amanye amadoda ehlezi phansi engagibeli emotweni?                (1)

          1.2.2       Ngabanjani abantu abadinga umsebenzi?                                    (2)

          1.2.3       Ngokwekhathuni yini lena abayibiza ngamakinati?                          (1)

          1.2.4       Khetha impendulo efanele kwezilandelayo:

                      Ikati lilele eziko.
                      Lesi simo sokukhuluma sisho:

                      A   Ukusutha
                      B   Ukusebenza
                      C   Ukubusa
                      D   Ukulamba                                                             (1)

          1.2.5       Ukwenzenjani ukuphatha abantu njengezinja?                               (1)

                                                            AMAMAKI ESIQEPHU A:                30

Akuvumelekile ukukopisha leli phepha                                            Pheqa ikhasi

### Page 7

Downloaded from hlayiso.com
IsiZulu Ulimi Lokuqala Lokwengeza (FAL)/P1    7               DBE/Februwari–Mashi 2016
                                             NSC

ISIQEPHU B: UKUFINGQA

UMBUZO 2

Fundisisa lesi siqeshana esingezansi esikhuluma ngezizathu zokuzibhala umzimba
(Tattooing) bese usifingqa ngamaphuzu ayi-7.

IMIYALELO

1.        Bhala amaphuzu ayi-7 ngemisho ephelele. Amagama akho angeqi/angadluli
          kwangama-60.
2.        Imisho yakho mayibe nezinombolo kusukela kweyoku-1 kuya kweye-7.
3.        Bhala iphuzu elilodwa emshweni ngamunye.
4.        Bhala ngamagama akho.
5.        Ekugcineni kwamaphuzu wonke owabhalile bhala inani lamagama
          owasebenzisile.

UMBHALO C (Okufundwayo)

                         UKUZIBHALA UMZIMBA (TATTOOING)

Siyakhuphuka zonke izinsuku isibalo sabantu abazibhala imizimba. Lokhu kuzibhala
kwenziwa umhlaba wonke ngabantu abancane nabadala. Bazibhala kunoma iyiphi
indawo emzimbeni. Ziningi izizathu abazibekayo abantu zokwenza lokhu emizimbeni
yabo.

Kukhona abazibhala imizimba ngoba befuna ukuthi baziwe ukuthi bangobani. Lokhu
bakwenza ngokubhala amagama abo, izithombe zobuso babo, usuku lokuzalwa,
inkanyezi yenyanga abazalwe ngayo nomlando wempilo yabo. Abanye bazibhala
ngoba behlonipha abantu abangasekho ababalulekile ezimpilweni zabo. Babhala
igama noma badwebe isithombe salowo muntu ukuze ahlale eyingxenye yempilo yabo.

Ukuzibhala umzimba kuyisitayela noma imfashini kwabanye. Baningi abakwenza
ngoba benzela ukuthi bangadlulwa yilesi sitayela. Emva kwesikhathi abanye
bayazisola ngoba basuke bebhale izinto ezingezinhle, ezinye zisuke seziphelelwe
isitayela.

Izibazi (scars) emizimbeni yabantu zenza bangayithandi imizimba yabo ngoba lezo
zibazi zibuyisa ubuhlungu okwabehlela. Babhala kulezo zibazi ukuze zivaleke
zingabonakali. Lokhu kuletha ukuzethemba.

Osaziwayo banemithelela yokuthi abantu bazibhale imizimba. Abantu babukela kubo
noma babhale labo saziwayo ababathanda kakhulu. Kuyingozi lokhu ngoba impilo
yomuntu ishintsha njalo, kusasa lowo saziwayo angenza into engathandeki bese
ubukeka kabi wena onesithombe noma onegama lakhe.

Ezinye izinkampani zibhala imizimba yabantu ukukhangisa amabhizinisi azo. Kufanele
ucabange ngaphambi kokwenza lokhu noma ngabe uzokhokhelwa imali engakanani.
Emajele iziboshwa zibhala imizimba ukukhombisa ukuthi zikuliphi iqembu.
Kunezinombolo ezizibhalayo ezibanika amandla ukuze zesatshwe ngezinye iziboshwa.

Akuvumelekile ukukopisha leli phepha                                       Pheqa ikhasi

### Page 8

Downloaded from hlayiso.com
IsiZulu Ulimi Lokuqala Lokwengeza (FAL)/P1    8            DBE/Februwari–Mashi 2016
                                             NSC

Ukuzibhala kunemithelela emibi empilweni yomuntu, njengokuba nomdlavuza/ikhensa
yesikhumba. Kulukhuni ukuwususa umdwebo obhaliwe emzimbeni. Kuyabiza
ukuzibhala emzimbeni futhi akuhambisani nezinye izinkolo.

                                                          [Umbhalo wokuziqambela]

                                                       AMAMAKI ESIQEPHU B:             10

Akuvumelekile ukukopisha leli phepha                                    Pheqa ikhasi

### Page 9

Downloaded from hlayiso.com
IsiZulu Ulimi Lokuqala Lokwengeza (FAL)/P1        9                    DBE/Februwari–Mashi 2016
                                                 NSC

ISIQEPHU C: UHLELO NOKUSETSHENZISWA KOLIMI

UMBUZO 3

Bukisisa lesi sikhangisi bese uphendula imibuzo ezolandela:

UMBHALO D (Ofundwayo nobukwayo)

                  ISIKOLE SOKUPHEKA ESIPHAMBILI!!
                 EMnandi Cooking School sikufundisa okulandelayo:

     •   Ukupheka izitshulu ezehlukene
     •   Amaphasta
     •   Ukudla kwasolwandle
     •   Amasaladi anhlobonhlobo
     •   Indlela yokosa inyama
     •   Ukudeka itafula
     •   Ukuhlela imicimbi emikhulu nemincane

  Zibeke ethubeni lokufunda ukupheka ukudla okuconsisa amathe, uwine
                         nesethi yamabhodwe!

             Thumela isicelo sakho ku: mnandicookingschool@gmail.com

                                  UTHI UBUWAZI?
                   SMSa igama nesibongo zingakapheli izinsuku eziyi-7
                               ukuze ufunde mahhala:
                                    086 865 1083
                                       Imithetho Nemibandela:

                  Zonke izicelo ziyavalwa ekupheleni kwenyanga kaDisemba 2015.
                     Uyokwamukelwa uma usukhokhe yonke imali yokubhalisa.
                                                                        [Umbhalo wokuziqambela]

Akuvumelekile ukukopisha leli phepha                                                 Pheqa ikhasi

### Page 10

Downloaded from hlayiso.com
IsiZulu Ulimi Lokuqala Lokwengeza (FAL)/P1        10              DBE/Februwari–Mashi 2016
                                                 NSC

3.1       Bhala izinto EZIMBILI ezifundwa kulesi sikole esikhangiswayo.                           (2)

3.2       Tomula isimo sokukhuluma esichaza ukuthi ukudla kumnandi kakhulu.                       (1)

3.3       Iyiphi indlela esetshenziswe abakwaMnandi Cooking School ukuheha abantu
          abafuna ukuzofunda kulesi sikole?                                                       (2)

3.4       Ngokwalesi sikhangisi umuntu ongenayo imali angenzenjani ukuze akwazi
          ukuzofunda kulesi sikole?                                                               (1)

3.5       Ngokucabanga kwakho, kwenziwa yini ukuthi imibandela kulesi sikhangisi
          ibhalwe ngefonti encane kakhulu?                                                        (2)

3.6       Ukusetshenziswa kwezithombe kulesi sikhangisi kunamthelela muni?                        (2)
                                                                                                  [10]

UMBUZO 4

Bukisisa le khathuni bese uphendula imibuzo ezolandela:

UMBHALO E (Ofundwayo nobukwayo)

      Mbali! Ngithi!       Hawu mama! Yini
      Angeke uye           inkinga? Ayigqokwa
      esikoleni            iyunifomu namhlanje
      ugqoke kanje!        esikoleni!
      Uyangizwa!
                                                                 Mhmm! Lafa
                                                                 elihle kakhulu!

                                                          [Sicashunwe ku-www.cartoons.com]

4.1       Yini eyenza uMbali agqoke kanjena namhlanje?                                            (1)

4.2       Yisiphi isikhathi sosuku ngokwale khathuni?                                             (1)

Akuvumelekile ukukopisha leli phepha                                               Pheqa ikhasi

### Page 11

Downloaded from hlayiso.com
IsiZulu Ulimi Lokuqala Lokwengeza (FAL)/P1     11                   DBE/Februwari–Mashi 2016
                                              NSC

4.3       Bhala leli gama elibhalwe ngokugqamile ngesiZulu sangempela:
          Ayigqokwa iyunifomu namhlanje!                                                        (1)

4.4       Khetha impendulo efanele kwezilandelayo:

          Lafa elihle kakhulu
          Lesi simo sokukhuluma sisho ukuthi:

          A       Izwe lihle kakhulu
          B       Izwe selishintshile
          C       Kuyafiwa kakhulu ezweni
          D       Izitayela zeyunifomu                                                          (1)

4.5       Umama akahambisani           nendlela   agqoke   ngayo   uMbali.   Sekela   lesi
          sitatimende.                                                                          (2)

4.6       Kungabe IQINISO noma UMBONO ukuthi umfowabo kaMbali ufunda
          kwesinye isikole? Sekela impendulo yakho.                                             (2)

4.7       Ngokucabanga kwakho yini eyenza abazali bakaMbali bangayithandi indlela
          agqoke ngayo?                                                                         (2)
                                                                                                [10]

UMBUZO 5

5.1       Fundisisa lesi siqeshana bese uphendula imibuzo ezolandela:

          UMBHALO F (Ofundwayo)

          Kunomkhuba omubi owande emhlabeni wonke. Kukhona abantu
          abantshontsha     izingane.     Bazintshontsha     ezibhedlela, ezikoleni
          nasezindaweni eziphithizelayo njengase-Mall, emini kabha.

          Ziningi izizathu zokuntshontshwa kwezingane. Abanye basuke bezozidayisela
          labo abangatholi abantwana. Abanye bazidayisele abakwamanye amazwe
          abenza ibhizinisi lokuzisebenzisa njengezigqila zocansi. Izinyanga nazo
          ziyazithenga ngoba zifuna ukuthatha ezinye izitho zomzimba khona
          zizokwenza imithi. Bathi imithi isebenza kahle uma kutholakale usana ngoba
          alunaso isono. Laba bantu izigilamkhuba zoqobo. Amaphoyisa angazibopha
          uma engasebenza kanzima.

          Ubuntu buphelile. Kumele kuhlonishwe ilungelo lomuntu lokuphila. Ingane
          iyisibusiso esivela kuMdali. Amazwi eBhayibheli athi; 'Ungabulali, ungebi.'
          UHulumeni yena uthi; 'Ngizomfaka ejele ozotholakala entshontsha ingane.'

                                                                   [Umbhalo wokuziqambela]

          5.1.1       Bhala isinciphiso segama elibhalwe ngokugqamile emshweni
                      olandelayo:

                      Kunomkhuba omubi owande emhlabeni wonke.                                  (1)

Akuvumelekile ukukopisha leli phepha                                             Pheqa ikhasi

### Page 12

Downloaded from hlayiso.com
IsiZulu Ulimi Lokuqala Lokwengeza (FAL)/P1     12                  DBE/Februwari–Mashi 2016
                                              NSC

          5.1.2       Bhala igama ELILODWA elisesiqeshini esikhundleni salo musho
                      olandelayo:

                      Ingane encane esanda kuzalwa.                                             (1)

          5.1.3       Funda umusho olandelayo bese ubhala ukuthi ibizo elibhalwe
                      ngokugqamile liluhlobo luni:

                      Laba bantu izigilamkhuba zoqobo.                                          (2)

          5.1.4       Khetha impendulo efanele kwezilandelayo:

                      Isenzo esibhalwe ngokugqamile emshweni olandelayo sikuyiphi
                      indlela?

                      Amaphoyisa angazibopha uma engasebenza kanzima.

                      A   Indlela yamandla
                      B   Indlela ephoqayo
                      C   Indlela yesimo
                      D   Indlela yenhloso                                                      (1)

          5.1.5       Bhala  igama    elinomqondo    ophikisana       naleli    elibhalwe
                      ngokugqamile emshweni olandelayo:

                      Ingane iyisibusiso esivela kuMdali.                                       (1)

          5.1.6       Sebenzisa igama 'inyanga' emshweni ozakhele wona ukuze kuvele
                      incazelo ehlukile kunale esesiqeshini.                                    (2)

          5.1.7       Guqula isenzo esikubakaki emshweni olandelayo ukuze kuvele
                      umqondo (impambosi) yokwenzela:

                      Izigebengu (zidayisa) abafuna izingane ezintshontshiwe.                   (1)

          5.1.8       Khetha isenzukuthi esifanele kulezi ezilandelayo bese ugcwalisa
                      isikhala emshweni olandelayo:

                      [qwa, hlwi, bha, bhuqe]

                      Izingane bazifihla sekumnyama …                                           (1)

          5.1.9       Tomula igama eliyisandiso senkathi emshweni olandelayo bese
                      ulisebenzisa emshweni ozozakhela wona ongafani nalona
                      osesiqeshini.

                      Izingane zintshontshwa emini ezikoleni.                                   (2)

          5.1.10      Guqula le        nkulumo-ngqo   ibe   yinkulumo-mbiko     emshweni
                      olandelayo:

                      UHulumeni yena uthi; 'Ngizomfaka ejele ozotholakala entshontsha
                      ingane yami.'                                                             (2)

Akuvumelekile ukukopisha leli phepha                                             Pheqa ikhasi

### Page 13

Downloaded from hlayiso.com
IsiZulu Ulimi Lokuqala Lokwengeza (FAL)/P1    13                 DBE/Februwari–Mashi 2016
                                             NSC

5.2       Bukisisa lesi sithombe bese uphendula imibuzo ezolandela:

          UMBHALO G (Ofundwayo nobukwayo)

           Uyabona Sam,                                                Hahaha! Mtshele
           kufanele                                                    Bra Shakes.
           ufunde uze ube                                              Imfundo ukhiye
           umshayeli                                                   wokuvula yonke
           wamabhanoyi.                                                iminyango.
           Ubaba wakho                                                 Uyabona
           lo usebenza                                                 mfwethu, ngifuna
           kanzima ukuze                                               uSam afunde aze
           ube nekusasa                                                aphumelele.
           elihle.                                                     Abazali bami
           Ngimethulela                                                bangishiya
           isigqoko                                                    ngisemncane
           ngomsebenzi                                                 ngabe nami
           omuhle                                                      ngafunda.
           wokukufundisa.

                                                                 [www.googlepictures.com]

          5.2.1       La mazwi alandelayo avusa muphi umuzwa?

                      Abazali bami bangishiya ngisemncane ngabe nami ngafunda.              (1)

          5.2.2       Lo musho olandelayo uqukethe hlobo luni lwesifengqo?

                      Imfundo ukhiye wokuvula yonke iminyango.                              (2)

          5.2.3       Yini inhloso yala mazwi ashiwo uBra Shakes kuSam?                     (1)

          5.2.4       Tomula isimo sokukhuluma esisho ukuncoma emazwini kaBra
                      Shakes.                                                               (2)
                                                                                            [20]

                                                            AMAMAKI ESIQEPHU C:             40
                                                            AMAMAKI ESEWONKE:               80

Akuvumelekile ukukopisha leli phepha

## Related documents

- [IsiZulu FAL P2 Feb March 2016](https://www.hlayiso.com/library/isizulu-fal-p2-feb-march-2016/2f41ad0f-ab0e-4d98-8af4-df82dc5c50ba) — isiZulu FAL · QP · 2016 · isiZulu
- [IsiZulu FAL P3 Feb March 2016](https://www.hlayiso.com/library/isizulu-fal-p3-feb-march-2016/bc497858-eb0c-4a8e-9dd1-860bba1ddc09) — isiZulu FAL · QP · 2016 · isiZulu
- [IsiZulu FAL P1 May June 2016](https://www.hlayiso.com/library/isizulu-fal-p1-may-june-2016/671f9104-e7f0-4402-a850-db7053caba6b) — isiZulu FAL · QP · 2016 · isiZulu
- [IsiZulu FAL P1 Nov 2016](https://www.hlayiso.com/library/isizulu-fal-p1-nov-2016/58e93745-edb4-448d-b9d0-de7ae4eb407b) — isiZulu FAL · QP · 2016 · isiZulu
- [IsiZulu FAL P1 Feb March 2018](https://www.hlayiso.com/library/isizulu-fal-p1-feb-march-2018/96b8b4b0-22b7-4ee6-b977-4237a12ade2f) — isiZulu FAL · QP · 2018 · isiZulu
- [IsiZulu FAL P1 Feb March 2017](https://www.hlayiso.com/library/isizulu-fal-p1-feb-march-2017/b09c42e5-f598-4b60-be83-0cd7526d5d4e) — isiZulu FAL · QP · 2017 · isiZulu

## More from Grade 12 isiZulu FAL

- [Gr 12 IsiZulu FAL ATP 2023-24](https://www.hlayiso.com/library/gr-12-isizulu-fal-atp-2023-24/2e221b22-767a-49bf-870c-b3cf4e8bcddd) — ATP
- [IsiZulu FAL P1 May-June 2025 MG](https://www.hlayiso.com/library/isizulu-fal-p1-may-june-2025-mg/c987c299-55ce-451b-9c9c-d9f577f9aec6) — Memo · 2025 · isiZulu
- [IsiZulu FAL P2 May-June 2025 MG](https://www.hlayiso.com/library/isizulu-fal-p2-may-june-2025-mg/fc0b2153-7afc-4c51-9210-38edf5f25888) — Memo · 2025 · isiZulu
- [IsiZulu FAL P3 May-June 2025 MG](https://www.hlayiso.com/library/isizulu-fal-p3-may-june-2025-mg/cec2350a-6309-437b-a49e-a04527a0ca1c) — Memo · 2025 · isiZulu
- [IsiZulu FAL P2 Nov 2025 MG](https://www.hlayiso.com/library/grade-12-isizulu-fal-2025-nsc-november-exam-question-paper-paper-2-isizulu/d890b2cf-f80e-4a5f-aa33-e13bde37273e) — Memo · 2025 · isiZulu
- [IsiZulu FAL P3 Nov 2025 MG](https://www.hlayiso.com/library/grade-12-isizulu-fal-2025-nsc-november-exam-question-paper-paper-3-isizulu/8210b3fd-54a1-4a7b-a22f-fe44c32fcc1a) — Memo · 2025 · isiZulu

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
