# isiZulu FAL Grade 12 Paper 1 NSC June 2015 Question Paper

> Grade 12 isiZulu FAL Paper 1 question paper from the NSC June Exam 2015, 14 pages. Read online or get the free PDF download, memo linked when available.

- Page: https://www.hlayiso.com/library/isizulu-fal-p1-june-july-2015/0762629f-1640-4c78-ad91-6c88c1c12226
- Updated: 2026-09-27
- Subject: isiZulu FAL
- Grade: Grade 12
- Language: Isizulu
- Document type: Question paper
- Year: 2015
- Exam period: NSC June Exam
- Paper: 1
- Curriculum: CAPS
- Pages: 14

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiZulu FAL](https://www.hlayiso.com/library/grade-12/isizulu-fal) › [isiZulu FAL Grade 12 Paper 1 NSC June 2015 Question Paper](https://www.hlayiso.com/library/isizulu-fal-p1-june-july-2015/0762629f-1640-4c78-ad91-6c88c1c12226)

## About this document

Isizulu Fal · Grade 12 · NSC June Exam · 2015 · isizulu. Question paper, 14 pages. Read online or download the PDF.

Read it free online on the page above; download the PDF from there.

## Matching paper and memo

- [IsiZulu FAL P1 June July 2015 Memo](https://www.hlayiso.com/library/isizulu-fal-p1-june-july-2015-memo/6a6df35f-eabe-4427-bb2b-a302b04b6ab4) — Memo · 2015 · isiZulu

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                    SENIOR CERTIFICATE EXAMINATION

                ISIZULU ULIMI LOKUQALA LOKWENGEZA (FAL)

                                IPHEPHA LOKUQALA (P1)

                                            2015

                                                                        AMAMAKI: 80

                                                             ISIKHATHI: amahora ama-2

                               Leli phepha linamakhasi ayi-14.

Akuvumelekile ukukopisha leli phepha                                       Pheqa ikhasi

### Page 2

Downloaded from hlayiso.com
IsiZulu Ulimi Lokuqala Lokwengeza (FAL)/P1    2                              DBE/2015
                                             SCE

IMIYALELO KWABAHLOLWAYO

1.        Leli phepha lehlukaniswe IZIQEPHU EZINTATHU:

          ISIQEPHU A: Isivivinyo sokuqondisisa              (30)
          ISIQEPHU B: Ukufingqa                             (10)
          ISIQEPHU C: Uhlelo nokusetshenziswa kolimi        (40)

2.        Fundisisa YONKE imiyalelo ngaphambi kokuba uphendule imibuzo.

3.        Phendula YONKE imibuzo ekuleli phepha.

4.        Qala isiqephu NGASINYE ekhasini ELISHA bese udweba umugqa emva
          kwaleso siqephu.

5.        Bhala izinombolo zezimpendulo njengoba zibhalwe embuzweni.

6.        Shiya umugqa emva kombuzo ngamunye.

7.        Bhala ngobunono nangesandla esifundekayo.

8.        Qaphela upelomagama kanye nokwakheka kwemisho.

9.        Ungahlukanisa isikhathi obhala ngaso ngokwalezi ziqephu:

          ISIQEPHU A:       imizuzu engama-50
          ISIQEPHU B:       imizuzu engama-30
          ISIQEPHU C:       imizuzu engama-40

10.       Bhala ngobunono nangesandla esifundekayo.

Akuvumelekile ukukopisha leli phepha                                      Pheqa ikhasi

### Page 3

Downloaded from hlayiso.com
IsiZulu Ulimi Lokuqala Lokwengeza (FAL)/P1    3                                   DBE/2015
                                             SCE

ISIQEPHU A: ISIVIVINYO SOKUQONDISISA

UMBUZO 1

1.1     Fundisisa lesi siqephu esingezansi bese uphendula imibuzo ezolandela.

                              INTUTHUKO ENDAWENI YASESALUTHI

        ISaluthi indawo edume umhlaba wonke. Le ndawo itholakala ezweni lase
        Ningizimu Afrika esifundazweni saseMpumalanga. Kule ndawo kwakukhona
        owesifazane igama lakhe kunguNontombi. UNontombi wadlala indima enkulu
        ekuthuthukeni kwale ndawo yasemakhaya ize yaziwe umhlaba wonke. Le
        ndawo yayinabantu abaningi abahluphekayo kanti nemisebenzi yabe ingekho.
        Ngelinye ilanga kwafika abaphathi benkampani yakwaMayibuye Constructions
        bezocela enkosini yendawo ukwakha ihhotela. Inkosi yaseSaluthi yabona kuyisu
        elihle leli nelizosiza ukuvula amathuba emisebenzi kubantu bayo. Yabanika
        indawo, bathokoza kakhulu.

        Inkosi yabiza imbizo/umhlangano wabantu bendawo ukubachazela ngesicelo
        sabakwaMayibuye Constructions. Abantu bavumela phezulu kwazise kwa-
        kuzotholakala amathuba emisebenzi, abantu bakwazi ukuxosha ikati eziko.
        Lokhu kwakuzoletha intuthuko endaweni yaseSaluthi futhi yayizothola
        nokwaziwa. Kwenziwa onke amalungiselelo afanele okwakha ihhotela. Ngosuku
        lomcimbi wokukhonjwa kwendawo yokwakha ihhotela inkosi yayihambela
        phezulu ngenxa yenjabulo. Umphathi wakwaMayibuye Constructions waxhawula
        inkosi. Wabe usuqala umsebenzi wokwakha ihhotela.

        Abantu bafika ngobuningi babo ukuzofuna imisebenzi eyehlukene. Baningi
        abaqashwa ikakhulukazi abesilisa ukuze basize ekwakheni ihhotela. Abanye
        babenikwa amatoho. Emva kokuphela komsebenzi wokwakhiwa kwehhotela
        kwabe sekuqashwa abesifazane abaningi ababezosebenza ukulihlanza/
        ukuliklina ngaphambi kokuba liqale ukusebenza. Emva kwalokho abantu
        baqeqeshwa izinyanga ezintathu ukuze bathole amakhono amaningi
        ababezowasebenzisa ehhotela. Waqala umsebenzi, abanye bathola imisebenzi
        yokuba izimenenja, ukwamukela izivakashi, ukukhangisa ihhotela, ukupheka
        neminye eminingi.

        Kwaba buhlungu kubantu abangaqashwanga. Kwaqashwa kakhulu abantu
        abasebasha. Isizathu salokhu ukuthi abantu abasha bayakwazi ukumelana
        nokusebenza amahora amaningi kanti bayakwazi nokukhuluma ulimi lwesiNgisi.
        UNontombi waphatheka kabi ngoba abantu abadala abanikwanga ithuba
        lokusebenza ehhotela kanti yibona abayinsika yale ndawo. Banolwazi oluningi
        lomlando olungaba usizo ezivakashini. Wabakhuthaza abantu abadala ukuthi
        baqhubeke nokwenza imisebenzi yezandla abazoyidayisela izivakashi. Lokhu
        kwakukhombisa ukuthi unozwela futhi uyimvu. Umphathi wehhotela wazithenga
        ezinye zalezi zinto wazisebenzisela ukuhlobisa ihhotela. Inkosi yahlonishwa
        ngokunikwa ithuba lokuthi iqambe igama lehhotela. Nebala yaliqamba ngokuthi;
        yiZavela Hotel. Leli gama kwakuyizibongo zenkosi eyaziqanjwa umkhulu wayo
        uMehlwenyoka. UNontombi wayesebenza njengomuntu owamukela izivakashi
        abuye akhangise/alimakethe ihhotela kwamanye amazwe. Wavula i-website
        ukuze ihhotela laziwe umhlaba wonke.

Akuvumelekile ukukopisha leli phepha                                            Pheqa ikhasi

### Page 4

Downloaded from hlayiso.com
IsiZulu Ulimi Lokuqala Lokwengeza (FAL)/P1    4                                    DBE/2015
                                             SCE

          Ukusebenza kuka Nontombi njengomamukeli wezivakashi ehhotela
          kwamenza ukuba abe sethubeni elihle elamenza wakwazi ukuxhumana
          nabantu bemikhakha eyehlukene. Leli thuba walisebenzisa ukusiza abantu
          baseSaluthi ukuba bavule amabhizinisi abo amancane. Abantu abadala
          baseSaluthi wabasiza ngokuthi bagcine sebenenkampani yabo eyabe ibizwa
          ngokuthi iSinamuva. Yathuthuka le nkampani idayisa izinto ababezenza
          ngezandla. Nayo le nkampani yagcina isiqasha abantu ababezosebenza
          kuyona. Imisebenzi yabo yaheha izivakashi ezikude neziseduze. Kwavuleka
          namanye amathuba emisebenzi ahambisana nezokuvakasha. Amakhono
          abantu ehlukene athuthuka ngokushesha.

          Izivakashi zazijatshuliswa ngomculo wesiNtu, ukusina kanye nokuxoxelwa
          ngomlando wendawo. Abanye bagcina sebeqopha umculo wabo
          owawudlalwa emisakazweni nakumabonakude. Intuthuko yaqhubekela
          phambili kwaze kwakhona abesifazane abavula izindawo zokupheka ukudla
          kwesiNtu. Izivakashi zazikujabulela kakhulu ukuyodla kulezi zindawo,
          zazizitika ngezibiliboco.

          Ngezikhathi zamaholidi indawo yaseSaluthi kwakuba yindawo evakashelwa
          kakhulu ngoba yayinakho konke okudingwa izivakashi. Osomabhizinisi
          babebambela imihlangano eZavela Hotel, abanye babelisebenzisela
          imishado, nokugubha izinsuku zokuzalwa. UHulumeni walisebenzisa naye
          ukubamba imihlangango yezikhulu zeMinyango eyehlukene.

          Yathuthuka kanjalo-ke indawo yaseSaluthi. Ubuhle bayo babubuye
          bufakazelwe nayizintaba nemifula kanye nabantu bakhona abanobuntu
          nothando. Oke wavakashela khona akawuvali umlomo. Sekungathi iphupho
          ukuthi abantu base-Saluthi bake bahlupheka.

                                                                          [Own source]

          1.1.1     ISaluthi itholakala kusiphi isifundazwe?                                    (1)

          1.1.2     Yini eyenza inkosi ivumele abaphathi benkampani yakwaMayibuye
                    Constructions ukuthi bakhe ihhotela eSaluthi?                               (1)

          1.1.3     Tomula igama elisendabeni elisho ukujabula.                                 (1)

          1.1.4     Khetha impendulo efanele kulezi ozinikeziwe:

                    Abantu abaqashwa ehhotela baqeqeshwa ...

                    A    Iminyaka emithathu.
                    B    Izinyanga ezintathu.
                    C    Amasonto amathathu.
                    D    Izinsuku ezintathu.                                                    (1)

          1.1.5     Gcwalisa isikhala ngegama elifanele kulo musho olandelayo.

                    Inkosi yaseSaluthi yayingu ... kaMehlwenyoka.                               (1)

Akuvumelekile ukukopisha leli phepha                                             Pheqa ikhasi

### Page 5

Downloaded from hlayiso.com
IsiZulu Ulimi Lokuqala Lokwengeza (FAL)/P1    5                                 DBE/2015
                                             SCE

          1.1.6     Inkosi yayiyibizelani imbizo?                                            (1)

          1.1.7     Bhala izinto EZIMBILI zokuhlobisa ocabanga ukuthi zazenziwa
                    ngezandla yinkampani iSinamuva.                                          (2)

          1.1.8     Ukuxhawula kukhombisa ziphi izinto EZIMBILI ngokushiwo yindaba?          (2)

          1.1.9     Kungani kwaqashwa kakhulu abantu abasebasha? Bhala amaphuzu
                    AMABILI.                                                                 (2)

          1.1.10    Chaza lezi zimo zokukhuluma ezibhalwe ngokugqamile njengoba
                    zisetshenzisiwe endabeni:

                    (a)    UNontombi uyimvu.                                                 (2)

                    (b)    Abantu bakwazi ukuxosha ikati eziko.                              (2)

                    (c)    Oke wavakasha khona akawuvali umlomo.                             (2)

          1.1.11    Ukusebenza kukaNontombi njengomamukeli wezivakashi ehhotela
                    kwaba namthelela muni kubantu baseSaluthi?                               (2)

          1.1.12    Ngabe IQINISO noma UMBONO ukuthi ukuthuthuka kwendawo
                    yaseSaluthi kwaletha impilo engcono kubantu bakhona? Sekela
                    impendulo yakho ngamaphuzu AMABILI.                                      (2)

          1.1.13    Ngokucabanga kwakho yisiphi         isizathu   esenza   inkampani
                    iSinamuva iqanjwe ngaleli gama?                                          (2)

Akuvumelekile ukukopisha leli phepha                                          Pheqa ikhasi

### Page 6

Downloaded from hlayiso.com
IsiZulu Ulimi Lokuqala Lokwengeza (FAL)/P1       6                                      DBE/2015
                                                SCE

1.2       Bukisisa le khathuni bese uphendula imibuzo elandeyo:

                                                      [Isithombe sicashunwe kuSolezwe-2013]

          1.2.1     Yiluphi uhlelo athanda ukulubuka ugogo?                                          (1)

          1.2.2     Zithini izindaba ezishisayo zalolu suku?                                         (1)

          1.2.3     Tomula amagama akhombisa ukubabaza enkulumeni kagogo.                            (2)

          1.2.4     Le ntombazane            esesithombeni   ayithembekile.    Sekela     lesi
                    sitatimende.                                                                     (2)

                                                                 AMAMAKI ESIQEPHU A:                 30

Akuvumelekile ukukopisha leli phepha                                                  Pheqa ikhasi

### Page 7

Downloaded from hlayiso.com
IsiZulu Ulimi Lokuqala Lokwengeza (FAL)/P1        7                                    DBE/2015
                                                 SCE

ISIQEPHU B: UKUFINGQA

UMBUZO 2

Fundisisa lesi siqeshana esingezansi esikhuluma ngezimo lapho umuntu ebonga bese
usifingqa ngamaphuzu ayi-7.

IMIYALELO

1.      Bhala amaphuzu ayi-7 ngemisho ephelele. Amagama akho angeqi/angadluli
        kwangama-60.

2.      Imisho yakho mayibe nezinombolo kusukela kweyoku-1 kuya kweye-7.

3.      Bhala iphuzu elilodwa emshweni ngamunye.

4.      Bhala ngamagama akho.

5.      Ekugcineni kwamaphuzu                wonke     owabhalile   bhala   inani   lamagama
        owasebenzisile.

                                               UKUBONGA

        Ukubonga yinto esemqoka empilweni yomuntu. Singakubuka njengento encane
        kanti kuhamba ibanga elide. Ukubonga akukhethi iminyaka, isikhundla, isimo
        somnotho, imfundo nobuzwe. Abantu babonga ngezindlela ezingafani. Kukhona
        abasebenzisa amazwi athile njengokuthi 'iNkosi ikubusise' noma bathi 'kwande
        lapho uthathe khona'. Abanye bathenga izipho zokubonga.

        Isipho sokuba nomzali sikhulu kunazo zonke. Kufanele ngaso sonke isikhathi
        sibonge abazali bethu ngokusiletha emhlabeni, ukusithanda, ukusikhulisa
        nokusinakekela. Kukhona abantu abahlale benathi ngezikhathi ezimnandi noma
        ezibuhlungu. Labo bantu bayadinga ukubongwa besaphila. Uyakhuthazeka
        umuntu uma ebongwa. Ukubonga akwenziwa ngoba uphiwa okuthile kuphela.
        Umuntu uyabonga uma enconywa ngalokho akwenzayo/akwenzile, anakho
        kanye nendlela abukeka ngayo.

        Kujwayelekile ukuthi abashayeli bezimoto namabhasi basizane emgwaqweni.
        Umshayeli osiziwe kumele abonge ngokusebenzisa uphawu olujwayelekile
        lokuphakamisa isandla noma ukukhanyisa izibani. Ukumenywa emcimbini
        kuyinto ejabulisayo, uzizwa ubalulekile ngokuba yingxenye yalowo mcimbi.
        Umuntu uma ekumemile ubobonga ngoba basuke bebaningi abangamenyiwe
        kodwa wakhetha wena. Abanye basuke bacabange ukuthi usuke umsiza loyo
        okumemile ngokuya emcimbini bese bengabongi. Lowo owenze umcimbi naye
        kufanele ababonge abantu ngokumhambela kwabo. Umcimbi angeke ube
        yimpumelelo uma abantu bengekho.

        Ababhali bezincwadi nabo bayabonga. Lokhu siyakubona ezincwadini zabo
        ezinamakhasi lapho bebonga khona abantu ngempumelelo yabo. Basuke
        bebonga bonke ababambe iqhaza emsebenzini wabo, njengemindeni,
        ozakwabo, othisha nabashicileli.

Akuvumelekile ukukopisha leli phepha                                                 Pheqa ikhasi

### Page 8

Downloaded from hlayiso.com
IsiZulu Ulimi Lokuqala Lokwengeza (FAL)/P1    8                               DBE/2015
                                             SCE

          Okubalulekile kunakho konke, ukubonga uMdali ngesipho sempilo. Kumele
          simbonge ngazo zonke izikhathi. Kuhle ukuzifundisa ukubonga ngoba akubizi
          mali. Lokhu kuyokwenza ukuthi abantu bakuhloniphe. Ukubonga kwandisa
          ubuntu, kufundisa nesizukulwane esisha indlela enhle yokuphila.

                                                                        [Own source]

                                                          AMAMAKI ESIQEPHU B:              10

Akuvumelekile ukukopisha leli phepha                                        Pheqa ikhasi

### Page 9

Downloaded from hlayiso.com
IsiZulu Ulimi Lokuqala Lokwengeza (FAL)/P1        9                                    DBE/2015
                                                 SCE

ISIQEPHU C: UHLELO NOKUSETSHENZISWA KOLIMI

UMBUZO 3

Bukisisa lesi sikhangisi bese uphendula imibuzo ezolandela.

                 SABELA        ZIYAKUBIZA          IZINTABA ZOKHAHLAMBA!

             THOLA UMOYA ONEMPILO NGAPHANSI KWEZINTABA ZOKHAHLAMBA.

               Angeke uphinde ulale kwenye indawo uma uke walala eMajuba Guesthouse!

                               eMajuba Guesthouse uthola:

                                        Umuzi omkhulu one-Wi-Fi
                                     Amakamelo okulala anezindlu
                                               zangasese
                               Ikamelo elikhulu lokuphumula eline-DStv
                                         Indawo yokuzivocavoca
                                           Indawo yokubhukuda
                                  Isidlo sasekuseni esehla esiphundu

                                              Bhukha manje:
                                             www.maguho.com
                                               032 352 9782
                                                    noma
                                             uzifikele mathupha
                                              17 Sitron Avenue
                                                Sunny Ridge
                                                Drakensberg
                                                     3200

                Kunesaphulelo samaphesenti angama-30 uma ubhukhela izinsuku eziyi-7.

                                                                              [Own source]

Akuvumelekile ukukopisha leli phepha                                              Pheqa ikhasi

### Page 10

Downloaded from hlayiso.com
IsiZulu Ulimi Lokuqala Lokwengeza (FAL)/P1    10                                DBE/2015
                                             SCE

3.1       Kungani amagama athi: 'Majuba Guesthouse' ebhalwe ngefonti enkulu?                 (1)

3.2       Yini etholakala eMajuba Guesthouse? Bhala OKUBILI.                                 (2)

3.3       Khetha impendulo efanele kulezi ozinikeziwe:

          Lo musho olandelayo uqukethe hlobo luni lwesifengqo:

          Sabela ziyakubiza izintaba zoKhahlamba.

          A     Ukwenza sasilwane.
          B     Ukwenza samuntu.
          C     Isifaniso.
          D     Isingathekiso.                                                               (1)

3.4       Tomula umusho onolimi olukhohlisayo kulesi sikhangisi esingenhla.                  (2)

3.5       Kusho ukuthini ukuthi isidlo sehla esiphundu?                                      (2)

3.6       Ngokubona kwakho ngabe kungumqondo omuhle ukuba neGuesthouse
          endaweni ekude nedolobha? Sekela impendulo yakho ngamaphuzu AMABILI.               (2)
                                                                                             [10]

Akuvumelekile ukukopisha leli phepha                                          Pheqa ikhasi

### Page 11

Downloaded from hlayiso.com
IsiZulu Ulimi Lokuqala Lokwengeza (FAL)/P1        11                                            DBE/2015
                                                 SCE

UMBUZO 4

Bukisisa le khathuni bese uphendula imibuzo ezolandela.

      We Tiza! Usuzwile                      Kahle MaMgobhozi
      ukuthi kunenyoka evele                 ukuxoxa
      iqhamuke kulo mgwaqo                   inganekwane emini,
      igwinye izimoto?                       sizomila izimpondo!                Hawu
      Kuthiwa sebephelile                    Inyoka pho!                        amanga kulo
      abantu!                                                                   mama ...

                                                               [Isithombe sicashunwe kuSolezwe-2014]

4.1       Hlobo luni lwemoto lolu olugitshelwe yilaba bantu?                                                 (1)

4.2       Iyiphi le ndaba exoxwa nguMaMgobhozi?                                                              (2)

4.3       Bhala lo musho olandelayo ulungise amaphutha.

          Hawu amanga kulo mama ...                                                                          (2)

4.4       Khetha impendulo efanele kulezi ozinikeziwe:

          Indaba emilisa izimpondo yindaba ...

          A   Emnandi.
          B   Engakholakali.
          C   Ethusayo.
          D   Eyiqiniso.                                                                                     (1)

4.5       Bhala izinto EZIMBILI ezingenzeka njengoba umshayeli eshayela ebheke
          emuva.                                                                                             (2)

4.6       Phawula ngesimo              esikhonjiswa    ubuso       babagibeli    abasesithombeni
          esingenhla.                                                                                        (2)
                                                                                                             [10]

Akuvumelekile ukukopisha leli phepha                                                          Pheqa ikhasi

### Page 12

Downloaded from hlayiso.com
IsiZulu Ulimi Lokuqala Lokwengeza (FAL)/P1     12                                     DBE/2015
                                              SCE

UMBUZO 5

5.1       Fundisisa lesi siqeshana bese uphendula imibuzo ezolandela.

          USipho uthi namhlanje uzoxoxela izivakashi nge-Big Five.

          'Ziningi izinhlobo zezilwane ezihlala ehlathini. Kulezi zilwane kukhona
          ezibizwa ngokuthi i-Big Five. Lezo; yindlovu, ubhejane, inyathi, ibhubesi
          kanye nengwe. Ibhubesi laziwa ngokuthi yilona eliyinkosi yehlathi. Zikhona
          nezinye ezinkulu njengendlulamithi, idube njalo njalo, kodwa ibhubesi yilona
          eliyingozi kakhulu kunezinye. Liyakwazi ukuzingela. Mina ngithanda ingwe
          ngoba yinhle ngenxa yamabala ayo. Kuze kube khona isaga esithi ingwe idla
          ngamabala. Isikhumba sayo sisetshenziselwa ukwenza imvunulo yamakhosi.
          Inejubane, ayigijimi ishiya isithunzi!

          Kukhona abantu abathanda indlovu ngoba yinkulu futhi inamandla.
          Okubalulekile ngayo ukuthi ayikhohlwa kanti ubhejane uzingelwa kakhulu
          ngenxa yophondo lwawo. Inyathi yona yinkomo yehlathi enesisindo esikhulu
          nolaka.'
                                                                                [Own source]

          5.1.1     Bhala isifinyezo segama elibhalwe ngokugqamile esiqeshini.                     (1)

          5.1.2     Bhala igama elisebenze ukukhomba indawo kulo musho olandelayo:

                    Ziningi izinhlobo zezilwane ezihlala ehlathini.                                (1)

          5.1.3     Khetha impendulo efanele kulezi ozinikeziwe:

                    Ingwe idla ngamabala. Lesi saga sichaza ukuthi:

                    A    Umuntu othanda imibala emihle.
                    B    Umuntu othanda ukuzingela.
                    C    Umuntu othanda ukubukwa.
                    D    Umuntu ozakhela udumo ngezenzo zakhe ezinhle.                             (1)

          5.1.4     Khetha isihlanganiso esifanele kubakaki bese uhlanganisa le misho
                    elandelayo ibe umusho owodwa.
                    (mhlawumbe, uma, ngoba, ukuze)
                    Abantu bayalesaba ibhubesi.
                    Ibhubesi liyingozi kakhulu.                                                    (2)

          5.1.5     Nciphisa igama elibhalwe ngokugqamile emshweni ongezansi.

                    Ubhejane uzingelwa kakhulu ngenxa yophondo lwawo.                              (1)

          5.1.6     Bhala lo musho           olandelayo    uqale      ngegama    elibhalwe
                    ngokugqamile.
                    Abantu abaningi bathanda indlovu.                                              (2)

Akuvumelekile ukukopisha leli phepha                                                Pheqa ikhasi

### Page 13

Downloaded from hlayiso.com
IsiZulu Ulimi Lokuqala Lokwengeza (FAL)/P1     13                                 DBE/2015
                                              SCE

          5.1.7     Guqula le nkulumombiko ibe yinkulumo ngqo:

                    USipho uthi namhlanje uzoxoxela izivakashi nge-Big Five.                   (2)

          5.1.8     Sebenzisa igama isithunzi emshweni ozakhele wona ukuze kuvele
                    incazelo ehlukile kunale esesiqeshini.                                     (2)

          5.1.9     Hlobo luni lwesifengqo oluqukethwe umusho olandelayo:

                    Ibhubesi yinkosi yehlathi.                                                 (2)

5.2       Bukisisa lesi sithombe bese uphendula imibuzo elandelayo.

                                                     [www.googlepictures.com]

                          'Ngiyakuthanda Betty sithandwa sami!
                          Anginandaba ukuthi umndeni wakho awungifuni
                          ngoba nakhu ngingowolunye uhlanga ('race').
                          Ngizokujabulisa    impilo    yakho   yonke    size
                          sehlukaniswe ukufa. Sizoba nabantwana abahle!
                          Ngizothandaza ukuze umndeni wakho ugcine
                          ukwamukela      ukuthi   usunguNkosikazi  Ndlovu.'
                          Kwasho uThabani ngelanga lomshado wakhe
                          noBetty.

Akuvumelekile ukukopisha leli phepha                                            Pheqa ikhasi

### Page 14

Downloaded from hlayiso.com
IsiZulu Ulimi Lokuqala Lokwengeza (FAL)/P1    14                                DBE/2015
                                             SCE

          5.2.1     La mazwi alandelayo avusa muphi umuzwa?

                    'Ngiyakuthanda Betty sithandwa sami!'                                  (1)

          5.2.2     Hlobo luni lokucwasa olwenziwa umndeni kaBetty kuThabani?              (1)

          5.2.3     Bhala OKUBILI okufiswa uThabani emshadweni wabo.                       (2)

          5.2.4     Ngabe IQINISO noma UMBONO ukuthi abantu abashadile bahlala
                    baze behlukaniswe ukufa.                                               (2)
                                                                                           [20]

                                                            AMAMAKI ESIQEPHU C:            40
                                                            AMAMAKI ESEWONKE:              80

Akuvumelekile ukukopisha leli phepha

## Related documents

- [IsiZulu FAL P3 June July 2015](https://www.hlayiso.com/library/isizulu-fal-p3-june-july-2015/df42991f-fc6b-493c-b425-78b315787dbb) — isiZulu FAL · QP · 2015 · isiZulu
- [IsiZulu FAL P1 Feb March 2015](https://www.hlayiso.com/library/isizulu-fal-p1-feb-march-2015/1e7ce2ee-0eb0-4420-be76-48c670cd2dcf) — isiZulu FAL · QP · 2015 · isiZulu
- [IsiZulu FAL P1 May-June 2024](https://www.hlayiso.com/library/grade-12-isizulu-fal-2024-nsc-june-exam-question-paper-paper-1-isizulu/c47a757a-8039-424c-b76c-4c9e9cc84927) — isiZulu FAL · QP · 2024 · isiZulu
- [IsiZulu FAL P1 May-June 2023](https://www.hlayiso.com/library/isizulu-fal-p1-may-june-2023/134eb7e6-168d-4ffe-8ec1-467eeffe7462) — isiZulu FAL · QP · 2023 · isiZulu
- [IsiZulu FAL P1 May June 2019](https://www.hlayiso.com/library/isizulu-fal-p1-may-june-2019/d8d7bcef-81f9-45e8-bd4c-9ce1f0389275) — isiZulu FAL · QP · 2019 · isiZulu
- [IsiZulu FAL P1 May June 2018](https://www.hlayiso.com/library/isizulu-fal-p1-may-june-2018/81ac5ba1-c3d4-4194-bab1-c25b0e86e072) — isiZulu FAL · QP · 2018 · isiZulu

## More from Grade 12 isiZulu FAL

- [Gr 12 IsiZulu FAL ATP 2023-24](https://www.hlayiso.com/library/gr-12-isizulu-fal-atp-2023-24/2e221b22-767a-49bf-870c-b3cf4e8bcddd) — ATP
- [IsiZulu FAL P1 May-June 2025 MG](https://www.hlayiso.com/library/isizulu-fal-p1-may-june-2025-mg/c987c299-55ce-451b-9c9c-d9f577f9aec6) — Memo · 2025 · isiZulu
- [IsiZulu FAL P2 May-June 2025 MG](https://www.hlayiso.com/library/isizulu-fal-p2-may-june-2025-mg/fc0b2153-7afc-4c51-9210-38edf5f25888) — Memo · 2025 · isiZulu
- [IsiZulu FAL P3 May-June 2025 MG](https://www.hlayiso.com/library/isizulu-fal-p3-may-june-2025-mg/cec2350a-6309-437b-a49e-a04527a0ca1c) — Memo · 2025 · isiZulu
- [IsiZulu FAL P2 Nov 2025 MG](https://www.hlayiso.com/library/grade-12-isizulu-fal-2025-nsc-november-exam-question-paper-paper-2-isizulu/d890b2cf-f80e-4a5f-aa33-e13bde37273e) — Memo · 2025 · isiZulu
- [IsiZulu FAL P3 Nov 2025 MG](https://www.hlayiso.com/library/grade-12-isizulu-fal-2025-nsc-november-exam-question-paper-paper-3-isizulu/8210b3fd-54a1-4a7b-a22f-fe44c32fcc1a) — Memo · 2025 · isiZulu

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
