# isiZulu FAL Grade 12 Paper 1 NSC June 2017 Question Paper

> Grade 12 isiZulu FAL Paper 1 question paper from the NSC June Exam 2017, 14 pages. Read online or get the free PDF download, memo linked when available.

- Page: https://www.hlayiso.com/library/isizulu-fal-p1-may-june-2017/dd86ed5b-6b24-4b88-961f-a229b9d44716
- Updated: 2026-09-27
- Subject: isiZulu FAL
- Grade: Grade 12
- Language: Isizulu
- Document type: Question paper
- Year: 2017
- Exam period: NSC June Exam
- Paper: 1
- Curriculum: CAPS
- Pages: 14

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiZulu FAL](https://www.hlayiso.com/library/grade-12/isizulu-fal) › [isiZulu FAL Grade 12 Paper 1 NSC June 2017 Question Paper](https://www.hlayiso.com/library/isizulu-fal-p1-may-june-2017/dd86ed5b-6b24-4b88-961f-a229b9d44716)

## About this document

Isizulu Fal · Grade 12 · NSC June Exam · 2017 · isizulu. Question paper, 14 pages. Read online or download the PDF.

Read it free online on the page above; download the PDF from there.

## Matching paper and memo

- [IsiZulu FAL P1 May June 2017 Memo](https://www.hlayiso.com/library/isizulu-fal-p1-may-june-2017-memo/e827490c-d98b-4553-a6cc-e1cf88dd2a53) — Memo · 2017 · isiZulu

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                   SENIOR CERTIFICATE EXAMINATIONS

                ISIZULU ULIMI LOKUQALA LOKWENGEZA (FAL)

                                IPHEPHA LOKUQALA (P1)

                                            2017

                                                                       AMAMAKI: 80

                                                            ISIKHATHI: Amahora ama-2

                               Leli phepha linamakhasi ayi-14.

Akuvumelekile ukukopisha leli phepha                                      Pheqa ikhasi

### Page 2

Downloaded from hlayiso.com
IsiZulu Ulimi Lokuqala Lokwengeza (FAL)/P1    2                             DBE/2017
                                             SCE

IMIYALELO KWABAHLOLWAYO

1.        Leli phepha lehlukaniswe IZIQEPHU EZINTATHU:

          ISIQEPHU A: Isivivinyo sokuqondisisa              (30)
          ISIQEPHU B: Ukufingqa                             (10)
          ISIQEPHU C: Uhlelo nokusetshenziswa kolimi        (40)

2.        Fundisisa yonke imiyalelo ngaphambi kokuba uphendule imibuzo.

3.        Phendula YONKE imibuzo ekuleli phepha.

4.        Qala isiqephu NGASINYE ekhasini ELISHA bese udweba umugqa emva
          kwaleso siqephu.

5.        Bhala izinombolo zezimpendulo njengoba zibhalwe emibuzweni.

6.        Shiya umugqa emva kombuzo ngamunye.

7.        Qaphela upelomagama kanye nokwakheka kwemisho.

8.        Ungahlukanisa isikhathi obhala ngaso ngokwalezi ziqephu:

          ISIQEPHU A: Imizuzu engama-50
          ISIQEPHU B: Imizuzu engama-30
          ISIQEPHU C: Imizuzu engama-40

9.        Bhala ngobunono nangesandla esifundekayo.

Akuvumelekile ukukopisha leli phepha                                      Pheqa ikhasi

### Page 3

Downloaded from hlayiso.com
IsiZulu Ulimi Lokuqala Lokwengeza (FAL)/P1    3                               DBE/2017
                                             SCE

ISIQEPHU A: ISIVIVINYO SOKUQONDISISA

UMBUZO 1

1.1       Fundisisa lesi siqephu esingezansi bese uphendula imibuzo ezolandela.

          UMBHALO A (Ofundwayo)

                        INKALAKATHA YAHLANGANISA IZINHLANGA

         1       INkalakatha yigama elisetshenziswa elokishini elisho umuntu
                 owenza izinto ngokudlulele kunabanye. Abanye bathi uyisikhokho.
                 UMduduzi Edmond Tshabalala owazalwa ngomhla we-17 Januwari
                 1978 endaweni yaseSOWETO elokishini laseZola naye ubenjalo.
                 Wakhula ehlala nomama wakhe, ugogo kanye nodadewabo ababili. 5
                 Ubaba wakhe akamazi ngoba washona ngonyaka azalwa ngawo.
                 Waziwa kakhulu ngegama likaMandoza. Abanye babembiza
                 ngenkalakatha.

         2       Kwathatha iculo elilodwa ukuhlanganisa abaMnyama nabaMhlophe
                 baseNingizimu Afrika. INingizimu Afrika yayihluleka ukuhlala 10
                 ngokubekezelelana ngokobuhlanga (race). UMandoza wazakhela
                 udumo (fame) ngengoma/ ngeculo lakhe elithi iNkalakatha.
                 Le ngoma wayikhipha ngonyaka wezi-2000. Ngalesi sikhathi
                 inkululeko    phakathi   kwezinhlanga    zaseNingizimu     Afrika
                 yayiseyintsha. Ukufika kwale ngoma kwaba nomphumela omuhle 15
                 wokuhlanganisa izinhlanga nokufunda umculo we-kwaito. Yayidlalwa
                 kuyo yonke imisakazo, imicimbi nakumabonakude. Kwaba yingoma
                 eyashisa izikhotha. UMandoza waqamba ngayo i-albhamu yakhe
                 yesibili eyayihlanganiswe uGabi Le Roux owayesebenza
                 ngokuzimisela ukuthuthukisa umculo we-kwaito.                     20

         3       UGabi Le Roux noMandoza babengamathe nolimi. Wasebenza
                 naye isikhathi eside kwezomculo. UGabi umchaza uMandoza
                 njengomculi owayenento ehlukile ongeke uyifundiswe noma
                 uyithenge. Wayekwazi ukuheha abantu ngomculo wakhe, bazibone
                 bonke sebedansa ngisho bengawazi amagama eculo (lyrics) 25
                 aliculayo. Wayengumfana wase-Afrika owayeyisibonelo kwabanye
                 ontanga bakhe. Uthi wakhula ehlupheka kodwa ngokusebenzisa
                 ithalente lakhe wakhombisa ukuthi noma ngubani angawafeza
                 amaphupho akhe.

         4       Umculo uyakwazi ukuthatha umuntu umbeke kwelinye izinga. 30
                 UMandoza akavelanga nje waba isibonelo esihle kwasekuqaleni
                 kwempilo yakhe. Ukukhulela elokishini kunezinselelo (challenges)
                 eziningi ikakhulukazi uma ungumfana okhula ngaphandle kukababa.
                 Maningi amaphutha owenzayo ngokududana/ngokukhohlisana
                 nabanye abafana. Ngesikhathi uMandoza eneminyaka eyi-16, 35
                 waboshelwa ukuntshontsha/ukweba imoto. Kwaba isifundo kuyena
                 ukuthi ubugebengu abubuyiseli/abukhokheli ngoba wagwetshwa
                 unyaka nohhafu ejele laseSun City.

Akuvumelekile ukukopisha leli phepha                                        Pheqa ikhasi

### Page 4

Downloaded from hlayiso.com
IsiZulu Ulimi Lokuqala Lokwengeza (FAL)/P1     4                                      DBE/2017
                                              SCE

          5       Ngenkathi ebuyela ekhaya wahlangana nabangane bakhe akhula
                  nabo uSiphiwe 'The General GTZ' Sibisi, uSizwe 'Lollipop' Motaung 40
                  noSibusiso 'Bless' Thanjekwayo, baqala iqembu lomculo elibizwa
                  ngeChiskop. I-Chiskop yayisebenza noGabi Le Roux enkampanini
                  yakhe iGroove City. Kulapho baqala khona ukukhula/ukuthuthuka.
                  Inhloso kaGabi kwakungukubenza babe ngabaculi abazimele.
                  UMandoza nguyena owashesha wakulungela ukuzimela ngenxa 45
                  yethalente ayenalo emculweni nokusebenza kanzima. UBless
                  noLollipop sebadlula nabo emhlabeni.

          6       Umculo kaMandoza wawunomyalezo kanye nesifundo kubantu.
                  Ingoma yakhe ethi: 'Uzoyithola Kanjani Uhlel' Ekhoneni' kuthiwa
                  yagqugquzela 'amajita amaningi asekasi' (abafana baselokishini) 50
                  angasebenzi ukuba ahambe ayofuna umsebenzi. Abantu
                  babeyithanda le ngoma ngoba yayinciphisa ubuvila kubantu
                  abangafuni ukuzenzela izinto. UMandoza wayecula ngezilimi
                  eziningi   ezifana   nesiBhunu,    isiNgisi,  isiXhosa  nesiZulu.
                  Wacula nabaculi bezinhlanga ezahlukene. Ngonyaka wezi-2004, 55
                  wasebenza      noDanny     K   ku-albhamu    i-Same    Difference.
                  Kwakuyisikhathi esihlukile ezweni ngoba ukusebenzisana kwabaculi
                  bezinhlanga ezingafani kwakungajwayelekile eNingizimu Afrika.
                  Kwaba nesifundo sokuthi singasebenzisana yize singafani.
                  Kwakhombisa nokuthi umculo uyabahlanganisa abantu kunciphe 60
                  ukucwasana/ukubandlululana. Lokhu kwenza abantu bathatheka
                  bayithenga kakhulu le albhamu yabo. Bathola iSAMA ye-Best Pop
                  Album nendondo yeChannel O Music Awards. Ziningi izindondo
                  azithola ngezingoma zakhe ezahlukene.

          7       UMandoza waqalwa ukugula, waphathwa isifo somdlavuza (cancer). 65
                  Wangena ephuma ezibhedlela. Ngelinye ilanga waphuma
                  esibhedlela waya ekhonsathini yomculo eyokhuluma nabalandeli
                  bakhe. Abantu bajabula kakhulu ukumbona nakuba/noma
                  babemzwela ngenxa yempilo yakhe eyayingaseyinhle. Abangani
                  bakhe babezama ukuthi ajabule angabuzweli kakhulu ubuhlungu
                  nakuba wayengasaboni kahle emehlweni.                          70

          8       Ngomhla we-18 Septhemba 2016, iNingizimu Afrika yathola izindaba
                  ezibuhlungu zokuthi akasekho emhlabeni. Imiyalezo yenduduzo
                  yavela kuwo wonke amazwe omhlaba ngenxa yomsebenzi wakhe
                  kwezomculo. INkalakatha yayidlalwa kuyo yonke imisakazo
                  ngenhloso yokumhlonipha nokumkhumbula. Washiya emhlabeni 75
                  unkosikazi wakhe uMpho Mputhi kanye nabantwana babo.

                           'Lala kahle Nkalakatha, uyibekile induku ebandla.'
                    [Icashunwe ephephandabeni Isolezwe, Sephthemba 2016, yase iyahunyushwa]

          1.1.1       Ilokishi laseZola litholakala kuyiphi indawo?                                (1)

          1.1.2       Umuntu onjani obizwa ngesikhokho?                                            (2)

Akuvumelekile ukukopisha leli phepha                                                Pheqa ikhasi

### Page 5

Downloaded from hlayiso.com
IsiZulu Ulimi Lokuqala Lokwengeza (FAL)/P1     5                                   DBE/2017
                                              SCE

          1.1.3       Iyiphi ingoma eyakhuthaza abantu ukuthi bahambe bayosebenza?              (1)

          1.1.4       Khetha impendulo efanele kulezi ozinikeziwe.

                      Ukuthi ingoma ishisa izikhotha kusho ingoma …

                      A     eshisa amazwi abantu.
                      B     eculwa nguMandoza kuphela.
                      C     edume kakhulu.
                      D     yaselokishini.                                                      (1)

          1.1.5       Bhala okufanayo phakathi kukaMandoza noGabi Le Roux.                      (2)

          1.1.6       Yini eyenziwa abangani bakaMandoza ukuze angabuzweli kakhulu
                      ubuhlungu bokugula?                                                       (1)

          1.1.7       Tomula umusho esigabeni sesi-5 ositshela ukuthi abangane
                      abaqala iqembu leChiskop sebashona.                                       (2)

          1.1.8       Chaza isifundo esatholwa uMandoza ngokwenza izinto ezenziwa
                      abafana abangalungile?                                                    (2)

          1.1.9       Yikuphi okwenza uMandoza aphumelele emculweni? Bhala
                      amaphuzu AMABILI.                                                         (2)

          1.1.10      Chaza lezi zimo zokukhuluma ezibhalwe ngokugqamile njengoba
                      zisetshenziswe endabeni:

                      (a)    Amathe nolimi                                                      (2)

                      (b)    Uyibekile induku ebandla                                           (2)

          1.1.11      Kwaba namthelela muni ukusebenza ndawonye kukaMandoza
                      noDanny K? Bhekisa endabeni.                                              (2)

          1.1.12      Uyavumelana yini nokuthi ukufa kukaMandoza kwashintsha abantu
                      abaningi. Sekela ngokubhekisa esigabeni sesi-8.                           (2)

          1.1.13      Ngokucabanga kwakho ingane ekhula               ingenaye     ubaba
                      iyahlupheka yini? Sekela impendulo yakho.                                 (2)

Akuvumelekile ukukopisha leli phepha                                             Pheqa ikhasi

### Page 6

Downloaded from hlayiso.com
IsiZulu Ulimi Lokuqala Lokwengeza (FAL)/P1    6                                       DBE/2017
                                             SCE

1.2       Bukisisa lesi sithombe bese uphendula imibuzo ezolandela.

          UMBHALO B (Obukwayo)

                                               [Sicashunwe esikhangisweni se-Arrive Alive]

          1.2.1       Yini eyenziwa yilo mshayeli engavumelekile uma eshayela?                     (2)
                      Bhala OKUBILI.

          1.2.2       Phawula ngengozi angase ayenze lo mshayeli osesithombeni.                    (2)

          1.2.3       Yini ekhombisa ukuthi yindawo ephakathi kwemizi yabantu lena
                      ashayela kuyona?                                                             (2)

                                                               AMAMAKI ESIQEPHU A:                 30

Akuvumelekile ukukopisha leli phepha                                                Pheqa ikhasi

### Page 7

Downloaded from hlayiso.com
IsiZulu Ulimi Lokuqala Lokwengeza (FAL)/P1    7                                   DBE/2017
                                             SCE

ISIQEPHU B: UKUFINGQA

UMBUZO 2

Fundisisa lesi siqeshana esingezansi bese usifingqa ngamaphuzu ayi-7 ubhale
ngezindlela zokwehlisa isisindo namafutha emzimbeni.

IMIYALELO

1.        Bhala amaphuzu ayi-7 ngemisho ephelele, amagama owasebenzisile
          angeqi/angadluli kwangama-60.
2.        Imisho yakho mayibe nezinombolo kusukela kweyoku-1 kuya kweye-7.
3.        Bhala iphuzu elilodwa emshweni ngamunye.
4.        Ekugcineni kwamaphuzu wonke owabhalile, bhala inani lamagama
          owasebenzisile.

UMBHALO C (Ofundwayo)

           IZINDLELA ZOKWEHLISA ISISINDO NAMAFUTHA EMZIMBENI

Imizimba yabantu ayifani futhi ayilingani. Kukhona abantu abazalwa bebakhulu kanti
abanye benziwa ukudla abakunikwa besebancane. Isisindo namafutha kuyinkinga
ukulwa nakho emzimbeni futhi kwenza/kubangela izifo ezahlukene. Zikhona izindlela
ezingasiza ukuze umuntu akwazi ukuphila nesisindo kanye namafutha adingwa
umzimba wakhe.

Ukuqala usuku lwakho kudinga ube namandla kanye nomfutho. Ekuseni uma uvuka
kufanele uphuze inkomishi yamanzi afudumele anolamula zonke izinsuku.
Amanzi ayadingeka egazini kumele uwaphuze usuku lonke okungenani izinkomishi
eziyi-8 ngosuku.

Abantu bacabanga ukuthi ukuya ejimini kuphela okwehlisa isisindo namafutha.
Kubalulekile ukuqala ngokwazi isisindo namafutha adingwa umzimba wakho.
Ukuzivocavoca ngokwenza ama-earobics nokuhamba imizuzu engama-60 kwenza
ujuluke, lokhu kungasehlisa isindo emzimbeni wakho. Ungenzi okwenziwa yilaba
abafuna ukuba nesisindo eseqile.

Ziningi iziphuzo ezimnandi nezihehayo abantu abaziphuzayo. Ukugwema (ukuyeka)
utshwala, ijusi neziphuzo ezinoshukela omningi kubalulekile. Itiye eliluhlaza (green tea)
nekhofi elimnyama kungcono kunalezi ziphuzo ezakha isisindo namafutha.

Izitolo zithengisa izinhlobo zamafutha amaningi amanye awo ayingozi emizimbeni
yethu. Kudingeka usebenzise amafutha i-olive oil uma upheka. Abeluleki bokudla bathi
i-olive oil ingcono ngoba inamakhalorizi amancane.

Isidlo sasebusuku sibalulekile kuwo wonke umuntu. Isikhathi odla ngaso isidlo
sasebusuku masibe ngaphambi kwehora lesi-7. Ukudla akugayeki ngokwanele uma
umuntu edla ebusuku kakhulu.

Akuvumelekile ukukopisha leli phepha                                            Pheqa ikhasi

### Page 8

Downloaded from hlayiso.com
IsiZulu Ulimi Lokuqala Lokwengeza (FAL)/P1      8                                     DBE/2017
                                               SCE

Kuyadingeka ukubheka izithako (ingredients) zokudla okuthengayo. Thenga ukudla
okunezithako ezinoshukela omncane noma ezingenawo. Funda amalebula (labels)
okudla okuthengayo.

Impilo iyashesha kanjalo nabantu bathenga ukudla okusheshayo (fast food). Umzimba
udinga ukudla okuxube imisoco elingene ukuze usebenze kahle. Kungcono
ukuziphekela kunokudla ijanki.

                               'Yidla kahle ukuze uphile kahle.'
                                                                      [Umbhalo wokuziqambela]

                                                                   AMAMAKI ESIQEPHU B:             10

Akuvumelekile ukukopisha leli phepha                                                Pheqa ikhasi

### Page 9

Downloaded from hlayiso.com
IsiZulu Ulimi Lokuqala Lokwengeza (FAL)/P1       9                                      DBE/2017
                                                SCE

ISIQEPHU C: UHLELO NOKUSETSHENZISWA KOLIMI

UMBUZO 3

Bukisisa lesi sikhangisi bese uphendula imibuzo ezolandela.

UMBHALO D (Ofundwayo nobukwayo)

    Isimo sezulu siyashintsha ngakho-ke ezolimo nokudla kumele kushintshe.

          UMnyango wezoLimo, ezaMahlathi nezokuDoba ukhethe inyanga
             ka-Okthoba ukuthi ube inyanga yokutholakala kokudla.

 Ngalolu suku:
  Kufundiswa abantu ngokubaluleka kokutshala.
  Kuqwashiswa/kuxwayiswa ngesimo sezulu esishintshayo.
  Kukhuthazwa ngokugcina imifula namadamu ehlanzekile.
  Kufundiswa indlela yokunakekela amahlathi.

            Zifikele mathupha uzozwa oSolwazi bezemvelo begeqa amagula.

                          14 Okthoba 2017, ezinkundleni zakwaDukuza.
                                 Kuyokusiza ukuvukela khona!

                     Wonke umuntu uzothola ubhasikidi onezithelo namaveji.

                                     Imithetho Nemibandela
                             Azigqokwa izikibha zamaqembu ezepolitiki.
                                                                         [Umbhalo wokuziqambela]

Akuvumelekile ukukopisha leli phepha                                                 Pheqa ikhasi

### Page 10

Downloaded from hlayiso.com
IsiZulu Ulimi Lokuqala Lokwengeza (FAL)/P1    10                            DBE/2017
                                             SCE

3.1       Yini ekhangiswayo kulesi sikhangisi esingenhla?                                (1)

3.2       Yimuphi uMnyango okhethe inyanga yokutholakala kokudla?                        (2)

3.3       Izithombe ziphumelele yini ukugcizelela okushiwo esikhangisweni? Sekela
          impendulo yakho ngokubhekisa kuso isikhangiso.                                 (2)

3.4       Khetha impendulo efanele kulezi ozinikeziwe.

          Ukugeqa amagula kusho …

          A     ukukhipha ukudla.
          B     ukufundisa ngokudla.
          C     ukushisa amahlathi.
          D     ukusho yonke into.                                                       (1)

3.5       Yiliphi isu/icebo elisetshenziswe abakhangisi ukugqugquzela abantu ukuba
          bafike ngalolu suku?                                                           (2)

3.6       Ngokucabanga kwakho kungani imithetho nemibandela ingazivumeli izikibha
          zamaqembu ezepolitiki?                                                         (2)
                                                                                         [10]

Akuvumelekile ukukopisha leli phepha                                      Pheqa ikhasi

### Page 11

Downloaded from hlayiso.com
IsiZulu Ulimi Lokuqala Lokwengeza (FAL)/P1    11                                    DBE/2017
                                             SCE

UMBUZO 4

Bukisisa le khathuni bese uphendula imibuzo ezolandela.

UMBHALO E (Ofundwayo nobukwayo)

                                                                       Eish! Awubheke uTboz
                                                                       madoda ebhayiza!
  Baba igama lami                                                      Akaboni yini ukuthi
  nginguMlungisi,                                                      umama uFlo lona acela
  sengiqedile                                                          kuye imali. Uzosiceba
  esikoleni kodwa                                                      emakhaya ukuthi sidojile
  lutho umsebenzi.                                                     esikoleni. Phela thina
  Ngicela ungiphe                                                      sizoziphantela/
  itoho ukuze                                                          sizoziphandela inyuku
  ngisize ekhaya.                                                      yokugembula!
                                                                       (washo ebaleka uMpho)

                                               [Umbhalo wokuziqambela-izithombe-www.googlepics.com]

4.1       Yini eyenza uMpho abaleke?                                                            (2)

4.2       Indlela uMlungisi amise ngayo izandla iveza muphi umuzwa?                             (1)

4.3       Khetha impendulo efanele kulezi ozinikeziwe:

          Ukuphanta/ukuphanda ulimi lwasemgwaqweni olusho …

          A   ukubaleka.
          B   ukuzizamela.
          C   ukubamba itoho.
          D   ukudabukisa.                                                                      (1)

4.4       Yimiphi imiphumela yokudoja esikoleni? Bhala OKUBILI.                                 (2)

4.5       Qhathanisa izizathu ezenza uMlungisi noTboz babe semgwaqweni.                         (2)

4.6       Ubona ukuthi yini engenziwa ukwehlisa            isibalo   sabantu     abahlala
          emgwaqweni? Bhala amaphuzu AMABILI.                                                   (2)
                                                                                                [10]

Akuvumelekile ukukopisha leli phepha                                             Pheqa ikhasi

### Page 12

Downloaded from hlayiso.com
IsiZulu Ulimi Lokuqala Lokwengeza (FAL)/P1      12                                    DBE/2017
                                               SCE

UMBUZO 5

5.1       Fundisisa lesi siqeshana bese uphendula imibuzo ezolandela.

          UMBHALO F (Ofundwayo)

          Ngifuna ukuvakashela ubabamkhulu ngamaholidi. Ngiyazi ukuthi
          uzongihlabela isikhukhukazi ngoba ngiphasile. Ubabamkhulu unezinkukhu,
          izimbuzi, izimvu nezinkomo eziningi. Ubezojabula ugogo uma engibona
          ukuba usekhona. Ubaba wami akafuni ukuya kwagogo ngoba uthi usuke
          amkhumbule ngoba washona ngokukhulu ukuzuma. 'Ndodana nginike
          umzukulu azohlala nami,' kwakusho ugogo kubaba. Ubabamkhulu
          wayemthanda ugogo. Babehlala bobabili endlini yabo enkulu. Ugogo
          wayevutha bhe uma abazukulu bengasezi ukuzovakasha ngamaholidi.
          Umama wayethi naye ugogo kufanele asivakashele ekhaya. Ubabamkhulu
          yena ulungile. Umama uzovakasha ngoKhisimusi ayophekela ubabamkhulu
          izibiliboco. Ubabamkhulu umema omakhelwane njalo ngoKhisimusi.
                                                                     [Umbhalo wokuziqambela]

          5.1.1       Guqula lo musho olandelayo ukhombise ukuphika/ukulandula:

                      Ubabamkhulu yena ulungile.                                                  (2)

          5.1.2       Bhala ubulili besilisa baleli bizo elibhalwe ngokugqamile kulo
                      musho olandelayo:

                      Ngiyazi ukuthi uzongihlabela isikhukhukazi ngoba ngiphasile.                (1)

          5.1.3       Igama elibhalwe ngokugqamile lenza msebenzi muni kulo musho
                      olandelayo?

                      Ubaba wami         akafuni   ukuya   kwagogo    ngoba    uthi   usuke
                      amkhumbule.                                                                 (2)

          5.1.4       Khetha impendulo efanele kulezi ozinikeziwe.

                      Ibizombaxa 'ubabamkhulu' lakhiwe yilezi zingcezu zenkulumo
                      ezilandelayo:

                      A   isenzo + isenzo
                      B   ibizo + isibaluli
                      C   isandiso + ongumnini
                      D   ibizo + isiphawulo                                                      (1)

          5.1.5       Nciphisa leli gama elibhalwe ngokugqamile kulo musho olandelayo
                      bese ulisebenzisa emshweni ozakhele wona.

                      Umama uzovakasha ngoKhisimusi ayophekela ubabamkhulu
                      izibiliboco.                                                                (2)

          5.1.6       Guqula lo musho oyinkulumo-ngqo ube yinkulumo-mbiko:

                      'Ndodana nginike umzukulu azohlala nami', kwakusho ugogo
                      kubaba.                                                                     (2)

Akuvumelekile ukukopisha leli phepha                                               Pheqa ikhasi

### Page 13

Downloaded from hlayiso.com
IsiZulu Ulimi Lokuqala Lokwengeza (FAL)/P1       13                                         DBE/2017
                                                SCE

          5.1.7       Bhala   ibizoqoqa        esikhundleni      sala     magama       abhalwe
                      ngokugqamile:

                      Ubabamkhulu        unezinkukhu,      izimbuzi,     izimvu     nezinkomo
                      eziningi.                                                                        (1)

          5.1.8       Qala lo musho olandelayo ngegama elibhalwe ngokugqamile:

                      Ubabamkhulu umema omakhelwane njalo ngoKhisimusi.                                (2)

          5.1.9       Tomula isenzukuthi kulo musho olandelayo:

                      Ugogo wayevutha bhe ulaka                uma      abazukulu     bengasezi
                      ukuzovakasha ngamaholidi.                                                        (1)

5.2       Bukisisa lesi sithombe bese uphendula imibuzo ezolandela.

          UMBHALO G (Ofundwayo nobukwayo)

               Yehlisa umoya baba.                        Uyambona uBen
               Ukhumbule Fuze s'thandwa                   akasayikhokhi imali yami?
               sami ukuthi unesifo                        Ngiyamfonela akaphenduli
               senhliziyo. Uzokufonela uBen               ngamabomu! Kanti abantu
               uma ebona i-miss-call yakho.
                                                          banjani? Uwena Bhelekazi
               Asiyophuza itiye, sibuke
                                                          owathi angimnike!
               ne-TV.

                                         [Isithombe sicashunwe ku-www.googlecartoons.com]

          5.2.1       Yini eyenza uFuze abeke phansi ucingo ngokudinwa?                                (1)

          5.2.2       Tomula amazwi           akhombisa     imizwa      yothando    enkulumeni
                      kaBhelekazi?                                                                     (1)

Akuvumelekile ukukopisha leli phepha                                                   Pheqa ikhasi

### Page 14

Downloaded from hlayiso.com
IsiZulu Ulimi Lokuqala Lokwengeza (FAL)/P1       14                               DBE/2017
                                                SCE

          5.2.3       Bhala OKUBILI uBhelekazi athi abayokwenza benoFuze.                    (2)

          5.2.4       Hlobo luni lwesifengqo oluqukethwe yilo musho olandelayo?

                      'Kanti abantu banjani?'                                                (2)
                                                                                             [20]

                                                            AMAMAKI ESIQEPHU C:              40
                                                             AMAMAKI ESEWONKE                80

Akuvumelekile ukukopisha leli phepha

## Related documents

- [IsiZulu FAL P2 May June 2017](https://www.hlayiso.com/library/isizulu-fal-p2-may-june-2017/4973975f-58b6-4f42-8de7-d58af9fc5a58) — isiZulu FAL · QP · 2017 · isiZulu
- [IsiZulu FAL P3 May June 2017](https://www.hlayiso.com/library/isizulu-fal-p3-may-june-2017/52b1cf57-35f3-4c92-8f70-26e03b2d283c) — isiZulu FAL · QP · 2017 · isiZulu
- [IsiZulu FAL P1 Nov 2017](https://www.hlayiso.com/library/isizulu-fal-p1-nov-2017/ff15e645-43d0-4553-9a45-eb55747e8633) — isiZulu FAL · QP · 2017 · isiZulu
- [IsiZulu FAL P1 Feb March 2017](https://www.hlayiso.com/library/isizulu-fal-p1-feb-march-2017/b09c42e5-f598-4b60-be83-0cd7526d5d4e) — isiZulu FAL · QP · 2017 · isiZulu
- [IsiZulu FAL P1 May-June 2024](https://www.hlayiso.com/library/grade-12-isizulu-fal-2024-nsc-june-exam-question-paper-paper-1-isizulu/c47a757a-8039-424c-b76c-4c9e9cc84927) — isiZulu FAL · QP · 2024 · isiZulu
- [IsiZulu FAL P1 May-June 2023](https://www.hlayiso.com/library/isizulu-fal-p1-may-june-2023/134eb7e6-168d-4ffe-8ec1-467eeffe7462) — isiZulu FAL · QP · 2023 · isiZulu

## More from Grade 12 isiZulu FAL

- [Gr 12 IsiZulu FAL ATP 2023-24](https://www.hlayiso.com/library/gr-12-isizulu-fal-atp-2023-24/2e221b22-767a-49bf-870c-b3cf4e8bcddd) — ATP
- [IsiZulu FAL P1 May-June 2025 MG](https://www.hlayiso.com/library/isizulu-fal-p1-may-june-2025-mg/c987c299-55ce-451b-9c9c-d9f577f9aec6) — Memo · 2025 · isiZulu
- [IsiZulu FAL P2 May-June 2025 MG](https://www.hlayiso.com/library/isizulu-fal-p2-may-june-2025-mg/fc0b2153-7afc-4c51-9210-38edf5f25888) — Memo · 2025 · isiZulu
- [IsiZulu FAL P3 May-June 2025 MG](https://www.hlayiso.com/library/isizulu-fal-p3-may-june-2025-mg/cec2350a-6309-437b-a49e-a04527a0ca1c) — Memo · 2025 · isiZulu
- [IsiZulu FAL P2 Nov 2025 MG](https://www.hlayiso.com/library/grade-12-isizulu-fal-2025-nsc-november-exam-question-paper-paper-2-isizulu/d890b2cf-f80e-4a5f-aa33-e13bde37273e) — Memo · 2025 · isiZulu
- [IsiZulu FAL P3 Nov 2025 MG](https://www.hlayiso.com/library/grade-12-isizulu-fal-2025-nsc-november-exam-question-paper-paper-3-isizulu/8210b3fd-54a1-4a7b-a22f-fe44c32fcc1a) — Memo · 2025 · isiZulu

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
