# isiZulu FAL Grade 12 Paper 1 NSC June 2025 Question Paper

> Grade 12 isiZulu FAL Paper 1 question paper from the NSC June Exam 2025, 14 pages. Read online or get the free PDF download, memo linked when available.

- Page: https://www.hlayiso.com/library/isizulu-fal-p1-may-june-2025/6598b8ea-2286-41e6-bda0-ba108f48a7c8
- Updated: 2026-09-27
- Subject: isiZulu FAL
- Grade: Grade 12
- Language: Isizulu
- Document type: Question paper
- Year: 2025
- Exam period: NSC June Exam
- Paper: 1
- Curriculum: CAPS
- Pages: 14

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiZulu FAL](https://www.hlayiso.com/library/grade-12/isizulu-fal) › [isiZulu FAL Grade 12 Paper 1 NSC June 2025 Question Paper](https://www.hlayiso.com/library/isizulu-fal-p1-may-june-2025/6598b8ea-2286-41e6-bda0-ba108f48a7c8)

## About this document

Isizulu Fal · Grade 12 · NSC June Exam · 2025 · isizulu. Question paper, 14 pages. Read online or download the PDF.

Read it free online on the page above; download the PDF from there.

## Matching paper and memo

- [IsiZulu FAL P1 May-June 2025 MG](https://www.hlayiso.com/library/isizulu-fal-p1-may-june-2025-mg/c987c299-55ce-451b-9c9c-d9f577f9aec6) — Memo · 2025 · isiZulu

## Document text

Text extracted from the PDF. Layout, diagrams and tables may not survive extraction.

### Page 1

Confidential

             SENIOR CERTIFICATE EXAMINATIONS/
         NATIONAL SENIOR CERTIFICATE EXAMINATIONS

                ISIZULU ULIMI LOKUQALA LOKWENGEZA (FAL)

                                IPHEPHA LOKUQALA (P1)

                             NHLABA/NHLANGULANA 2025

                                                                      AMAMAKI: 80

                                                           ISIKHATHI: Amahora ama-2

                         Leli phepha lemibuzo linamakhasi ayi-14.

Akuvumelekile ukukopisha leli phepha                                     Pheqa ikhasi

### Page 2

IsiZulu Ulimi Lokuqala Lokwengeza (FAL)/P1          2              DBE/Nhlaba/Nhlangulana 2025
                                             SC/NSC Confidential

 IMIYALELO KWABAHLOLWAYO

 1.        Leli phepha lehlukaniswe IZIQEPHU EZINTATHU:

           ISIQEPHU A: Isivivinyo sokuqondisisa                    (30)
           ISIQEPHU B: Ukufingqa                                   (10)
           ISIQEPHU C: Uhlelo nokusetshenziswa kolimi              (40)

 2.        Phendula YONKE imibuzo ekuleli phepha.

 3.        Qala ISIQEPHU NGASINYE ekhasini ELISHA.

 4.        Dweba umugqa emva KWESIQEPHU NGASINYE.

 5.        Bhala izinombolo zezimpendulo kahle ngendlela ezihlelwe ngayo kuleli phepha
           lemibuzo.

 6.        Shiya umugqa emva kombuzo ngamunye.

 7.        Qaphela upelomagama kanye nokwakheka kwemisho.

 8.        Ungahlukanisa isikhathi obhala ngaso ngokwalezi ziqephu:

           ISIQEPHU A: Imizuzu engama-50
           ISIQEPHU B: Imizuzu engama-20
           ISIQEPHU C: Imizuzu engama-50

 9.        Bhala ngobunono nangesandla esifundekayo.        2025

Akuvumelekile ukukopisha leli phepha                                              Pheqa ikhasi

### Page 3

IsiZulu Ulimi Lokuqala Lokwengeza (FAL)/P1          3              DBE/Nhlaba/Nhlangulana 2025
                                             SC/NSC Confidential

 ISIQEPHU A: ISIVIVINYO SOKUQONDISISA

 UMBUZO 1

 1.1       Fundisisa UMBHALO A bese uphendula imibuzo ezolandela.

           UMBHALO A (OFUNDWAYO)

                               IKUSASA ASILAZI UKUTHI LISIPHATHELENI

           1     Impilo yethu isezandleni zoMdali, nguye owazi konke ngekusasa lethu.
                 Kwaba njalo nakuMafika Khumalo, insizwa yaseNdlende esigodini
                 sakwaNgoza. Umfo kaMntungwa wazalwa efumbethe ithalente lokudlala
                 ibhola lezinyawo. Iphupho lakhe kwakungukuba umdlali ovelele futhi
                 ohlonishwa umhlaba wonke.                                                       5

           2     UMafika waqala ukubonakala esemncane nje ukuthi uzoba umpetha
                 emdlalweni webhola likanobhutshuzwayo. Uyise, uNdoda, wamfunela
                 isikole esasikhuthaza izingane kwezemidlalo. Wangena uMafika
                 eMbayimbayi LP School eneminyaka eyisi-7. Isikole sakhe sasiyibanga
                 elingamakhilomitha ama-3 kodwa akakugqizanga qakala lokho ngoba                 10
                 wayezoqala uhambo lwephupho lakhe kwezemidlalo. Endleleni lapho eya
                 nalapho ebuya esikoleni wayehamba ekhahlela ibhola lakhe lesikhumba.
                 Eseqalile kulesi sikole othisha bezemidlalo baqala ukuqaphela ikhono
                 lakhe kwezemidlalo, ikakhulukazi ebholeni likanobhutshuzwayo.
                 Ngenkathi isikole sihlunga abadlali abazongena eqenjini elibalulekile           15
                 lemidlalo, uMafika wakhethwa kuqala. Abafundi bamqamba igama elithi
                 uBullet ngenxa yamashodi ayewashaya uma efaka amagoli.

           3     Impilo kaMafika yashintsha ngokuphazima kweso mhla bedlala
                 imiqhudelwano yomkhumulajezi nezikole ezahlukene. Kule midlalo
                 kwakukhona     nabaphathi    bamaqembu      ahlonishwayo   ebholeni             20
                 laseNingizimu Afrika, babezokhetha abafana abancane abazozikhulisela
                 bona emaqenjini abo. Leli kwakuyithuba lokufeza amaphupho akhe
                 kwezemidlalo. Ngomdlalo wokuqala wonke amehlo ayethe njo kuMafika
                 ngendlela ayekhombisa ngayo ikhono lokudlala ibhola. Umdlalo
                 usaqhubeka, kusemnandi kwabonakala ngoMafika egingqika phansi kanti             25
                 omunye wabadlali abayizimbangi usemkhahlele kabuhlungu emlenzeni
                 wesokunxele. Wayebonakala ukuthi ulimele kakhulu okwenza nokuthi
                 nabosizo lokuqala bamphuthumise esibhedlela ngokushesha.

           4     Esibhedlela odokotela bazama ukuhlolisisa lapho elimele khona kodwa
                 kwanhlanga zimuka nomoya. Wayekhala ngezinhlungu azizwa                         30
                 ngaphakathi emlenzeni. Kwasiza ukuba anikwe umjovo olalisayo ukuze
                 aphumule ezinhlungwini. Odokotela babedidekile bengayitholi inkinga
                 edala ubuhlungu obungaka ngoba kwakungekho thambo eliphukile.
                 Emva kokucwaningisisa bathola ukuthi umsuka wenkinga udalwa uhlobo
                 lomdlavuza wamathambo obizwa ngokuthi yi-osteosarcoma. Kwacaca                  35
                 ukuthi ukulimala kwakhe kwakungekhona okwakudala ubuhlungu
                 emlenzeni kodwa kwasiza ukuveza isifo esasingambulala kunganakiwe.
                 Lezi zindaba zaba buhlungu kakhulu emndenini wakhe nasesikoleni
                 ayefunda kusona. Waqala ukwelashelwa lo mdlavuza ngokwesigaba

Akuvumelekile ukukopisha leli phepha                                              Pheqa ikhasi

### Page 4

IsiZulu Ulimi Lokuqala Lokwengeza (FAL)/P1          4              DBE/Nhlaba/Nhlangulana 2025
                                             SC/NSC Confidential

                   sokuqala esibizwa ngechemotherapy engazange ibe yimpumelelo.                  40
                   Kwadingeka ukuthi odokotela bavumelane nomndeni ukuthi umlenze
                   wakhe unqunywe. Azamukelekanga kahle lezi zindaba kuMafika
                   nomndeni. Uthishomkhulu wesikole sakhe wayemvakashela esibhedlela
                   futhi ekhuthaza nomndeni ukuba usithembe isinqumo sodokotela ukuze
                   kuhlengeke impilo kaMafika. Ngempela uMafika wakwamukela                      45
                   ukunqunywa umlenze. Kusukela lapho wabe esehamba ngezinduku
                   impilo yakhe yonke.

           5       UMafika waqala ukubuka impilo ngendlela ehlukile, wazitshela ukuthi
                   angeke avumele lesi simo siqede ngempilo yakhe. Waqhubeka nesikole
                   waze waqeda ibanga le-12. Ngelinye ilanga wamenywa emcimbini                  50
                   womdanso wentsha. Kulo mcimbi wathatheka kakhulu ngesikhathi
                   umfana wangakubo, uBobo, enza ezibukwayo ngemidanso
                   enhlobonhlobo. Wacela uBobo ukuba amfundise ukudansa.
                   Wayezilolonga ubusuku nemini esebenzisa izinduku ahamba ngazo
                   ukwenza imidanso ehlukene. UBobo wamkhuthaza ukuba ajoyine                    55
                   iqembu lomdanso wasemgwaqeni elalizilolonga njalo ngamaSonto.
                   Emncintiswaneni wokuqala owaba khona ehholo lomphakathi, uMafika
                   washiya abantu abaningi bemangele ngenxa yekhono alikhombisa lapho
                   edansa ngomlenze owodwa, eshwibeka ngezinduku. Wabuya nendondo
                   yegolide kulo mncintiswano. Emuva kwalo mncintiswano wathatha                 60
                   isinqumo sokuya ekolishi lokudansa ukuze abe neziqu zokuqeqesha
                   abanye abasesimeni esinjengesakhe.

           6       Ukukhuphula izinga kwezomdanso kwavulela uMafika iminyango
                   eminingi. Omunye wosaziwayo kwezomculo nomdanso wacela
                   ukusebenzisana naye kwenye yezingoma zakhe. Kwaba ukuqala                     65
                   kodumo lwakhe-ke lokho, wagcina esevula isikole somdanso
                   emphakathini wangakubo esasimukela nabantu abakhubazekile. Lokhu
                   kwaba yingqophamlando. Maningi amathuba omsebenzi avuleka, isikole
                   sathola nokuxhaswa ngamazwe ahlukene. Saqanjwa ngokuthi iMafika
                   Dance Academy. Ngaphandle kokuphatha lesi sikole, uMafika                     70
                   wayephinde amenywe ezindaweni ezahlukene ukuzonika izinkulumo
                   ezikhuthazayo ukuba umuntu angaphonsi ithawula empilweni uma
                   ehlelwa isimo esicishe sifane nesakhe.

           7       Impela ikusasa alaziwa. Akekho owayazi ukuthi uMafika uyogcina
                   esehlonishwa umhlaba wonke.                                                   75

                                                                     [Umbhalo wokuziqambela]

           1.1.1       Yiliphi ithalente azalwa nalo uMafika?                                    (1)

           1.1.2       Bhala OKUBILI okwenza ukuthi uMafika afunde eMbayimbayi
                       LP School?                                                                (2)

           1.1.3       Wangena kanjani uMafika eqenjini lebhola lesikole?                        (2)

           1.1.4       Yini eyenza ukuthi uMafika abizwe ngoBullet?                              (2)

Akuvumelekile ukukopisha leli phepha                                              Pheqa ikhasi

### Page 5

IsiZulu Ulimi Lokuqala Lokwengeza (FAL)/P1          5              DBE/Nhlaba/Nhlangulana 2025
                                             SC/NSC Confidential

           1.1.5       Sibizwa ngokuthini isifo esasiphethe uMafika?                             (1)

           1.1.6       Yini ekhombisa ukuzwelana nomndeni kaMafika                eyenziwa
                       nguthishomkhulu? Nikeza amaphuzu AMABILI.                                 (2)

           1.1.7       Khetha impendulo efanele kulezi ozinikeziwe.

                       Ukungagqizi qakala kuchaza …

                       A     ukungabi nandaba.
                       B     ukungabi nalwazi.
                       C     ukungabi nathemba.
                       D     ukungabi nasibindi.                                                 (1)

           1.1.8       Tomula umusho ophelele osendabeni ositshela ukuthi nodokotela
                       babengazi ukuthi yini imbangela yobuhlungu ayebuzwa uMafika.              (2)

           1.1.9       Chaza lezi zimo zokukhuluma njengoba zisetshenzisiwe endabeni.

                       (a)    Impilo kaMafika yashintsha ngokuphazima kweso.                     (2)

                       (b)    Esibhedlela odokotela bazama ukwehlisa izinhlungu kodwa
                              kwanhlanga zimuka nomoya.                                          (2)

           1.1.10      Chaza ukuthi kwamsiza kanjani uMafika ukungalilahli ithemba
                       ngempilo yakhe. Bhala amaphuzu AMATHATHU.                                 (3)

           1.1.11      Phawula ngesifundo ositholile ngokufunda le ndaba?                        (2)

           1.1.12      Ngokucabanga kwakho kungabe bonke abantu abakhubazekile
                       banalo ithuba lokuphumelela ezimpilweni zabo? Sekela impendulo
                       yakho ngephuzu ELILODWA.                                                  (2)

Akuvumelekile ukukopisha leli phepha                                              Pheqa ikhasi

### Page 6

IsiZulu Ulimi Lokuqala Lokwengeza (FAL)/P1             6                DBE/Nhlaba/Nhlangulana 2025
                                                SC/NSC Confidential

 1.2       Bukisisa UMBHALO B bese uphendula imibuzo ezolandela.

           UMBHALO B (OBUKWAYO)

                ISITHOMBE SOKU-1                                 ISITHOMBE SESI-2

                                             [Izithombe zithathwe ku-googlepic, umbhalo wokuziqambela]

           1.2.1       Bhala OKUBILI okwenziwa abesifazane uma besemakhaya
                       ngokwesithombe sesi-2.                                                            (2)

           1.2.2       Yini ekhombisa ukuthi owesifazane                 osesithombeni      soku-1
                       umangele? Bhala OKUBILI.                                                          (2)

           1.2.3       Uyavumelana yini nokuthi abantu besifazane bafaniswe
                       nembokodo? Sekela impendulo yakho ngephuzu ELILODWA,
                       ubhekise ezithombeni ezingenhla.                                                  (2)

                                                                      AMAMAKI ESIQEPHU A:                30

Akuvumelekile ukukopisha leli phepha                                                     Pheqa ikhasi

### Page 7

IsiZulu Ulimi Lokuqala Lokwengeza (FAL)/P1          7              DBE/Nhlaba/Nhlangulana 2025
                                             SC/NSC Confidential

 ISIQEPHU B: UKUFINGQA
 UMBUZO 2
 Fundisisa UMBHALO C bese uwufingqa ngamaphuzu ayi-7, ubhale ngezimbangela
 zokuqwasha.
 IMIYALELO
 1.        Bhala ngemisho ephelele. Amagama angeqi/angadluli kwangama-60.
 2.        Imisho yakho mayibe nezinombolo kusukela kweyoku-1 kuya kweye-7.
 3.        Bhala iphuzu elilodwa emshweni ngamunye.
 4.        Ekugcineni kwamaphuzu wonke owabhalile bhala inani lamagama
           owasebenzisile.
           UMBHALO C (OFUNDWAYO)

                                       HAWU, NGAZE NGAQWASHA!

           Ukuqwasha yilapho ubuthongo buphela nya noma bungafiki ngesikhathi
           okufanele ulale ngaso. Ukuqwasha kuwukuphazamiseka okudalwa izinto
           ezahlukene. Kuningi okwenza ukuthi umuntu azithole ekulesi simo
           sokuqwasha.

           Kukhona imithi namaphilisi enzelwe ukusiza abantu ukuba balale kahle
           ebusuku. Imithi namaphilisi akusebenzi ngokufana kumuntu nomuntu.
           Kwabanye kwenza baphelelwe ubuthongo, kuvuke nezifo ezibaphethe.
           Ngaleyo ndlela ubuthongo babo buyaphazamiseka.

           Isimo somnotho sithinta wonke umuntu. Imali iyinkinga kumuntu ongenayo,
           onencane noneningi. Kukhona abantu abagcina beqwasha ngenxa yemali,
           okungaba izikweletu noma ukungazi ukuthi bazoyisebenzisa kanjani.

           Abantu bayathanda ukudla kakhulu noma baphuze izinto ezimnandi
           ngezikhathi zasebusuku. Ukudla neziphuzo ezihlohlozayo nezinoshukela
           omningi kunika umdlandla bese ubuthongo buphela nya ngesikhathi sokulala,
           okungenza ukuthi umuntu kuze kuse engalele. Odokotela bathi ushukela
           ukhuphula umdlandla kumuntu.

           Ukulala emini kuba nezinselelo eziningi. Imizimba yakhelwe ukuba iphaphame
           emini ukuze ibe nesikhathi esikahle sokuphumula ebusuku. Ukulala emini
           kuphazamisa isigqi sokusebenza komzimba bese ubuthongo buyanqamuka
           noma buphele ngesikhathi sokulala.

           Ebusuku kulindeleke ukuthi kube nokuthula. Ukunyakaza okwenzeka ebusuku
           nomsindo kuyamphazamisa umuntu olele, agcine esehleli engasakwazi
           ukulala. Lokhu kungaba umsindo oqhamuka ngaphandle noma ngaphakathi
           endlini.

           Kuthiwa ingqondo nenhliziyo ekhathazekile ayiphumuli. Ingcindezi
           nokhwantalala kwenza umuntu acabange kakhulu, ubuthongo bungafiki noma
           bunqamuke kungakasi. Omunye umuntu ugcina esehlaselwa izifo eziningi.

Akuvumelekile ukukopisha leli phepha                                              Pheqa ikhasi

### Page 8

IsiZulu Ulimi Lokuqala Lokwengeza (FAL)/P1           8              DBE/Nhlaba/Nhlangulana 2025
                                              SC/NSC Confidential

           Amazwe ngamazwe anezikhathi ezahlukene, kwenye indawo bayavuka kanti
           kwenye bayalala, njalonjalo. Ukufika ezweni elinesikhathi esihlukile kunalesi
           osijwayele kuphazamisa isikhathi sakho sokulala bese ugcina ungalele
           ngesikhathi okulalwa ngaso kulelo zwe.

                                             [Umbhalo osuselwa ocwaningweni wase uyahunyushwa]

                                                                     AMAMAKI ESIQEPHU B: 10

Akuvumelekile ukukopisha leli phepha                                                Pheqa ikhasi

### Page 9

IsiZulu Ulimi Lokuqala Lokwengeza (FAL)/P1          9               DBE/Nhlaba/Nhlangulana 2025
                                             SC/NSC Confidential

 ISIQEPHU C: UHLELO NOKUSETSHENZISWA KOLIMI

 UMBUZO 3

 Bukisisa UMBHALO D bese uphendula imibuzo ezolandela.

                                 ISINKWA ISUTHA
                            Sesifikile esitolo sangakini!
                         Thatha ucezu lwesinkwa njalo ekuseni!

                        Mmm … iSutha, ithambile, imnandi futhi ifreshi!

    •   Wake walibona ibhulakufesi elingenaso isinkwa?
    •   Isinkwa siyintandokazi kuyona yonke imindeni.
    •   Sikugcina unamandla usuku lonke.
    •   Senza abantwana bakhule behlakaniphile.
    •   Intengo yaso ilungele ompofu nocebile.
    •   Usidla nanoma yini.

                                        Thola ucezu lwempilo

                                    Ungaphuthelwa!
                     Thenga isinkwa esisodwa uthole esinye mahhala!

                                  +                =

                              SUTHA NGESUTHA NAMHLANJE!
                                                 [iZithombe ku-googlepic, umbhalo wokuziqambela]

 3.1       Yini ekhangiswayo kulesi sikhangiso esingenhla?                                          (1)

 3.2       Bhala OKUBILI okwenziwa yilesi sinkwa empilweni yomuntu.                                 (2)

Akuvumelekile ukukopisha leli phepha                                                 Pheqa ikhasi

### Page 10

IsiZulu Ulimi Lokuqala Lokwengeza (FAL)/P1          10             DBE/Nhlaba/Nhlangulana 2025
                                             SC/NSC Confidential

 3.3       Khetha impendulo efanele kulezi ozinikiwe, echaza uhlobo lomuzwa
           oqukethwe yilo musho olandelayo.

           Mmm … iSutha, ithambile, imnandi futhi ifreshi!

           A     Wokwesaba
           B     Wokucasuka
           C     Wokujabula
           D     Wosizi                                                                          (1)

 3.4       Bhala ubuningi bamagama abhalwe ngokugqamile kule misho elandelayo:

           (a)    Thatha ucezu lwesinkwa njalo ekuseni.                                          (1)

           (b)    Intengo yaso ilungele ompofu nocebile.                                         (1)

 3.5       Bhala umusho onolimi oluhehayo kulesi sikhangiso.                                     (2)

 3.6       Ngokucabanga kwakho kunamuphi umthelela ukusetshenziswa kwezithombe
           kulesi sikhangiso?                                                                    (2)
                                                                                                 [10]

Akuvumelekile ukukopisha leli phepha                                              Pheqa ikhasi

### Page 11

IsiZulu Ulimi Lokuqala Lokwengeza (FAL)/P1          11              DBE/Nhlaba/Nhlangulana 2025
                                             SC/NSC Confidential

 UMBUZO 4

 Bukisisa UMBHALO E bese uphendula imibuzo ezolandela.

 UMBHALO E (OFUNDWAYO NOBUKWAYO)

   Juba, bamba nakhu
   okuya ngasethunjini.
   Ngiyathemba ngeke
   ukudayise. Kusasa
   ngizozama ukukunika                                             Hawu waze wayingilosi!
   ublankethi wokulala.                                            Nalokhu kugula okudalwa
                                                                   yindlala sekuyoba ngozi
                                                                   makhaza. Ngiyazama
                                                                   ukuthola usizo kodwa
                                                                   lutho, isiminingi le
                                                                   minyaka ngihlala
                                                                   ezitaladini.

                                                  [Umbhalo wokuziqambela,izithombe u-googlepic]

 4.1       Yini ekhombisa ukuthi uJuba ucela imali kubantu?                                        (2)

 4.2       Ucabanga ukuthi sinjani isimo sezulu ngokwekhathuni? Sekela impendulo
           yakho ngephuzu ELILODWA.                                                                (2)

 4.3       Khetha impendulo efanele kulezi ozinikiwe echaza umuntu obizwa ngengilosi:

           A   Onemali eningi.
           B   Onomusa kwabanye.
           C   Othenga ukudla.
           D   Othanda ukupheka.                                                                   (1)

 4.4       Bhala isizathu ESISODWA esenza abantu bagcine sebehlala ezitaladini.                    (1)

 4.5       Chaza isimo sokukhuluma esibhalwe ngokugqamile ekhathunini.                             (2)

 4.6       Yikuphi ongakwenza ukuqeda ukwanda kwabantu abahlala ezitaladini uma
           unikwa ithuba? Bhala amaphuzu AMABILI.                                                  (2)
                                                                                                   [10]

Akuvumelekile ukukopisha leli phepha                                                Pheqa ikhasi

### Page 12

IsiZulu Ulimi Lokuqala Lokwengeza (FAL)/P1          12             DBE/Nhlaba/Nhlangulana 2025
                                             SC/NSC Confidential

 UMBUZO 5

 5.1       Fundisisa UMBHALO F bese uphendula imibuzo ezolandela.

           UMBHALO F (OFUNDWAYO)

           Uthi uyazi ukuthi iwashi libaluleke kanjani? Iwashi aliniki isikhathi kuphela
           kodwa ungahlobisa ngalo. Abanye abantu balithenga ngoba benemali. Lona
           lisiza abantu ngokubakhumbuza isikhathi. Esikhathini samanje wonke
           amaselula nawo aveza isikhathi. Lokhu kwenza amawashi angabe esathengwa
           kakhulu. UXulu uthengela izingane zakhe amawashi kanokusho. Izingane 5
           zakhe zithanda amawashi egolide. Phela onkabi laba bayathanda ukuba
           onontandakubukwa. Izingane zikaXulu zithi; 'Thina asiwafaki amawashi ayi-
           fake.' Amanye amawashi abo anamabhande ezikhumba zangempela. Umfana
           mumbe wangena belele wantshontsha wonke amawashi abo. Izigebengu
           ziyawathanda amawashi abizayo, ziwadayisa kalula.                             10

                                                                     [Umbhalo wokuziqambela]

           5.1.1       Guqula lo musho ube inkathi yamanje eqhubekayo.

                       Abanye abantu balithenga ngoba benemali.                                  (1)

           5.1.2       Bhala inhloko yalo musho olandelayo bese uyisebenzisa emshweni
                       ozakhele wona.

                       Lona lisiza abantu ngokubakhumbuza isikhathi.                             (2)

           5.1.3       Guqula amagama AMABILI akubakaki abe ondaweni/izandiso
                       zendawo.

                       (Ikhaya uXulu) banamawashi kanokusho.                                     (2)

           5.1.4       Hlobo luni lwesabizwana olukhonjiswa             yigama    elibhalwe
                       ngokugqamile kulo musho olandelayo.

                       Esikhathini samanje wonke amaselula nawo aveza isikhathi.                 (1)

           5.1.5       Bhala lo musho olandelayo ukhombe ukuphika/ukulandula.

                       Izingane zakhe zithanda amawashi egolide.                                 (1)

           5.1.6       Bhala isinciphiso segama elibhalwe ngokugqamile.

                       Amanye amawashi abo anezikhumba zangempela.                               (2)

           5.1.7       Hlobo luni lwesakhi olubhalwe ngokugqamile kuleli gama elikulo
                       musho olandelayo.

                       Umfana mumbe wangena belele wantshontsha wonke amawashi
                       abo.                                                                      (1)

Akuvumelekile ukukopisha leli phepha                                              Pheqa ikhasi

### Page 13

IsiZulu Ulimi Lokuqala Lokwengeza (FAL)/P1          13              DBE/Nhlaba/Nhlangulana 2025
                                             SC/NSC Confidential

           5.1.8       Hlanganisa le misho elandelayo ibe umusho OWODWA.

                       Abantu bayasaba ukugqoka amawashi abizayo.

                       Izigebengu ziyawathatha amawashi abizayo.                                        (2)

           5.1.9       Guqula umusho olandelayo ube inkulumo-mbiko.

                       Izingane zikaXulu zithi; 'Thina asiwafaki amawashi ayi-fake.'                    (2)

 5.2       Bukisisa UMBHALO G bese uphendula imibuzo ezolandela.

           UMBHALO G (OFUNDWAYO NOBUKWAYO)

                                                                            Gijima, gijima!
                                                                            Nangu uebony
                                                                            efuna ukukudlula.
                                                                            Ngifuna umshiye
                                                                            sengathi umile.
                                                                            Abantu bazondiza
                                                                            uma sebewinile.
                                                                            Phela wena
                                                                            uyimfivilithi kulo
                                                                            mjaho.

                                                        [Isithombe sicashunwe ku-googlepic, sahlelwa]

           5.2.1       Phinda ubhale lo musho olandelayo ulungise amaphutha.

                       'Gijima, gijima! Nangu uebony efuna ukukudlula.'                                 (2)

           5.2.2       Guqula isenzo esibhalwe ngokugqamile kulo musho olandelayo sibe
                       impambosi yokwenzisisa.

                       Ngifuna uwashiye wonke la mahhashi.                                              (1)

Akuvumelekile ukukopisha leli phepha                                                  Pheqa ikhasi

### Page 14

IsiZulu Ulimi Lokuqala Lokwengeza (FAL)/P1          14             DBE/Nhlaba/Nhlangulana 2025
                                             SC/NSC Confidential

           5.2.3       Khetha impendulo efanele kulezi ozinikeziwe esho uhlobo
                       lwesifenqo oluqukethwe yilo musho olandelayo.

                       Abantu bazondiza uma sebewinile.

                       A   Isifaniso
                       B   Isihlonipho
                       C   Isenzasamuntu
                       D   Isenzasasilwane                                                       (1)

           5.2.4       Chaza ukuthi igama elibhalwe ngokugqamile kulo musho olandelayo
                       lisho ukuthini.

                       Phela wena uyimfivilithi kulo mjaho.                                      (2)
                                                                                                 [20]

                                                                   AMAMAKI ESIQEPHU C:            40
                                                                   AMAMAKI ESEWONKE:              80

Akuvumelekile ukukopisha leli phepha

## Related documents

- [IsiZulu FAL P1 May-June 2024](https://www.hlayiso.com/library/grade-12-isizulu-fal-2024-nsc-june-exam-question-paper-paper-1-isizulu/c47a757a-8039-424c-b76c-4c9e9cc84927) — isiZulu FAL · QP · 2024 · isiZulu
- [IsiZulu FAL P1 May-June 2023](https://www.hlayiso.com/library/isizulu-fal-p1-may-june-2023/134eb7e6-168d-4ffe-8ec1-467eeffe7462) — isiZulu FAL · QP · 2023 · isiZulu
- [IsiZulu FAL P1 May June 2019](https://www.hlayiso.com/library/isizulu-fal-p1-may-june-2019/d8d7bcef-81f9-45e8-bd4c-9ce1f0389275) — isiZulu FAL · QP · 2019 · isiZulu
- [IsiZulu FAL P1 May June 2018](https://www.hlayiso.com/library/isizulu-fal-p1-may-june-2018/81ac5ba1-c3d4-4194-bab1-c25b0e86e072) — isiZulu FAL · QP · 2018 · isiZulu
- [IsiZulu FAL P1 May June 2017](https://www.hlayiso.com/library/isizulu-fal-p1-may-june-2017/dd86ed5b-6b24-4b88-961f-a229b9d44716) — isiZulu FAL · QP · 2017 · isiZulu
- [IsiZulu FAL P1 May June 2016](https://www.hlayiso.com/library/isizulu-fal-p1-may-june-2016/671f9104-e7f0-4402-a850-db7053caba6b) — isiZulu FAL · QP · 2016 · isiZulu

## More from Grade 12 isiZulu FAL

- [Gr 12 IsiZulu FAL ATP 2023-24](https://www.hlayiso.com/library/gr-12-isizulu-fal-atp-2023-24/2e221b22-767a-49bf-870c-b3cf4e8bcddd) — ATP
- [IsiZulu FAL P2 May-June 2025 MG](https://www.hlayiso.com/library/isizulu-fal-p2-may-june-2025-mg/fc0b2153-7afc-4c51-9210-38edf5f25888) — Memo · 2025 · isiZulu
- [IsiZulu FAL P3 May-June 2025 MG](https://www.hlayiso.com/library/isizulu-fal-p3-may-june-2025-mg/cec2350a-6309-437b-a49e-a04527a0ca1c) — Memo · 2025 · isiZulu
- [IsiZulu FAL P2 Nov 2025 MG](https://www.hlayiso.com/library/grade-12-isizulu-fal-2025-nsc-november-exam-question-paper-paper-2-isizulu/d890b2cf-f80e-4a5f-aa33-e13bde37273e) — Memo · 2025 · isiZulu
- [IsiZulu FAL P3 Nov 2025 MG](https://www.hlayiso.com/library/grade-12-isizulu-fal-2025-nsc-november-exam-question-paper-paper-3-isizulu/8210b3fd-54a1-4a7b-a22f-fe44c32fcc1a) — Memo · 2025 · isiZulu
- [IsiZulu FAL P3 Nov 2024 MG](https://www.hlayiso.com/library/isizulu-fal-p3-nov-2024-mg/ca5fed94-6233-425b-8802-1cabd2af8ca9) — Memo · 2024 · isiZulu

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
