# isiZulu FAL Grade 12 P1 NSC November 2023 Question Paper

> Grade 12 isiZulu FAL Paper 1 question paper from the NSC November Exam 2023, 13 pages. Read online or get the free PDF download, memo linked when available.

- Page: https://www.hlayiso.com/library/isizulu-fal-p1-nov-2023/5f60426c-da0d-423b-a0ba-acdcadc9d4b4
- Updated: 2026-09-27
- Subject: isiZulu FAL
- Grade: Grade 12
- Language: Isizulu
- Document type: Question paper
- Year: 2023
- Exam period: NSC November Exam
- Paper: 1
- Curriculum: CAPS
- Pages: 13

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiZulu FAL](https://www.hlayiso.com/library/grade-12/isizulu-fal) › [isiZulu FAL Grade 12 P1 NSC November 2023 Question Paper](https://www.hlayiso.com/library/isizulu-fal-p1-nov-2023/5f60426c-da0d-423b-a0ba-acdcadc9d4b4)

## About this document

Isizulu Fal · Grade 12 · NSC November Exam · 2023 · isizulu. Question paper, 13 pages. Read online or download the PDF.

Read it free online on the page above; download the PDF from there.

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                       NATIONAL
                                  SENIOR CERTIFICATE

                                       IBANGA LE-12

                 ISIZULU ULIMI LOKUQALA LOKWENGEZA (FAL)

                                 IPHEPHA LOKUQALA (P1)

                                       NOVEMBA 2023

AMAMAKI: 80

ISIKHATHI: Amahora ama-2

                               Leli phepha linamakhasi ayi-13.

Akuvumelekile ukukopisha leli phepha                             Pheqa ikhasi

### Page 2

Downloaded from hlayiso.com
IsiZulu Ulimi Lokuqala Lokwengeza (FAL)/P1      2                    DBE/Novemba 2023
                                               NSC

IMIYALELO KWABAHLOLWAYO

1.        Leli phepha lehlukaniswe IZIQEPHU EZINTATHU:

          ISIQEPHU A: Isivivinyo sokuqondisisa              (30)
          ISIQEPHU B: Ukufingqa                             (10)
          ISIQEPHU C: Uhlelo nokusetshenziswa kolimi        (40)

2.        Phendula YONKE imibuzo ekuleli phepha.

3.        Qala ISIQEPHU NGASINYE ekhasini ELISHA.

4.        Dweba umugqa emva KWESIQEPHU NGASINYE.

5.        Bhala izinombolo zezimpendulo kahle ngendlela ezihlelwe ngayo kuleli
          phepha lemibuzo.

6.        Shiya umugqa emva kombuzo ngamunye.

7.        Qaphela upelomagama nokwakheka kwemisho.

8.        Ungahlukanisa isikhathi obhala ngaso ngokwalezi ziqephu:

          ISIQEPHU A: Imizuzu engama-50
          ISIQEPHU B: Imizuzu engama-20
          ISIQEPHU C: Imizuzu engama-50

9.        Bhala ngobunono nangesandla esifundekayo.

Akuvumelekile ukukopisha leli phepha                                      Pheqa ikhasi

### Page 3

Downloaded from hlayiso.com
IsiZulu Ulimi Lokuqala Lokwengeza (FAL)/P1        3                DBE/Novemba 2023
                                                 NSC

ISIQEPHU A: ISIVIVINYO SOKUQONDISISA

UMBUZO 1

1.1       Fundisisa UMBHALO A bese uphendula imibuzo ezolandela.

          UMBHALO A (OFUNDWAYO)

                                             UTHI BEWAZI?

          1      Umhlaba wonke unezilwane eziningi ezinhlobonhlobo. Kukhona
                 ezasekhaya, ezasendle nezihlala emanzini. Abantu uma bekhuluma
                 ngezilwane abazifuyile emakhaya ungacabanga ukuthi bakhuluma
                 ngamalungu emindeni yabo. Lokhu kukhombisa ukuthi isilwane
                 ngasinye sibalulekile.                                         5

          2      Uthi bewazi ukuthi ijuba yisilwane esinomlando omkhulu? Ijuba
                 yisilwane esindizayo, yinyoni esiyazi sonke ngoba ikhona kuzo zonke
                 izindawo esihlala kuzona. Ucwaningo lusivezela ukuthi amajuba
                 ahlakaniphe kakhulu, azethemba ngendlela emangalisayo futhi
                 ahlanzekile. Amajuba ahamba ngokulandelana efundisana indlela 10
                 ukuze lingabi bikho elidukayo uma seliphindela esidlekeni salo.
                 Akwazi ukundiza amamayela ayi-1 300. Amajuba anobudlelwane
                 obubodwa impilo yawo yonke. Azalela amaqanda amabili kuphela
                 ngesikhathi esisodwa. Kula maqanda kuphuma amachwane asukela
                 kwelilodwa kuya kwayisithupha. Ngesikhathi sokufukamela (nesting) 15
                 ayalekelelana, elesilisa lihlala emaqandeni emini bese elesifazane
                 lihlale ebusuku.

          3      Kuningi okumangalisayo ngamajuba. Anekhono elivelele lokuzwa.
                 Amehlo awo abukhali, akwazi ukubona izinto ezicashile ngisho
                 nemininingwane emincane yalokho asuke ekubuka noma ngabe 20
                 kukude kangakanani. Amehlo awo akwazi ukubona izinto eziphambi
                 kwawo nasemaceleni ngesikhathi esisodwa. Amajuba ahlukile
                 kunabantu ngoba wona awakwazi ukwenza ezinye izinto uma kukhona
                 akubukayo.

          4      Kusukela kudala abantu babewafuya ukuze bawasebenzise 25
                 ngezindlela    ezahlukene.    Ngesikhathi   sezimpi    zomhlaba
                 ayesetshenziswa njengezinhloli (spies). Ayekwazi ukuxhumanisa
                 amasosha ahamba phansi nalawo asemoyeni. Ngesikhathi sempi
                 yokuqala yomhlaba eyaqala ngonyaka we-1914 yaphela ngowe-1918,
                 kwakukhona ijuba elalibizwa ngoCher Ami elalithunywa ukuhambisa 30
                 imiyalezo emasosheni. UCher Ami wayehamba ngaphansi kwesimo
                 esibucayi sempi. Wayendiza ngesikhulu isibindi edlula phakathi
                 kwemililo, evika izinhlamvu zezibhamu. Ngesikhathi ehambisa
                 umyalezo ophuthumayo waba neshwa wadutshulwa isifuba, umlenze
                 nehlo/neso.                                                     35

Akuvumelekile ukukopisha leli phepha                                     Pheqa ikhasi

### Page 4

Downloaded from hlayiso.com
IsiZulu Ulimi Lokuqala Lokwengeza (FAL)/P1             4                      DBE/Novemba 2023
                                                      NSC

          5       Waqhubeka nokundiza ihlo/iso elilodwa selivalekile. Wabekezela waze
                  wafika lapho ethunywe khona. Ukufika kwakhe nalo myalezo
                  kwasindisa amasosha ayi-194 ohlangothi lwalabo ababelwa nezwe
                  laseJalimane. UCher Ami waklonyeliswa ngendondo yeFrench Croix
                  de Guerre ngokuba yijuba elivelele. Kukhona namanye amajuba 40
                  angama-32 ahlonishwa ngezindondo zeDickin Medal ngokuhambisa
                  imiyalezo.

          6       Kukhona elinye ijuba elabeka induku ebandla elalibizwa ngokuthi uGI
                  Joe. UGI Joe wazalwa mhla zingama-24 kuMashi 1943. Igama lakhe
                  lisuselwa ku-Galvanized Iron okuyigama okwaqanjwa ngalo izikhali 45
                  zombutho wamasosha. Wayeyilungu lempi yaseMelika. Ngempi
                  yomhlaba yesibili wandiza amamayela angama-20 ngemizuzu
                  engama-20. Wayehambisa ngokushesha umyalezo wokuthi amasosha
                  angaqhubeki      nokuhlasela   ngamabhomu.       Wafika    amasosha
                  esekulungele ukuqhumisa amabhomu. Ukufika kwakhe kwaphephisa 50
                  imiphefumulo yamasosha ayi-1 000. UGI akagcinanga lapho kepha
                  wasindisa izakhamuzi zase-Italy esigodini saseCalvi Vecchia. Ngomhla
                  zi-4 kuNovemba 1946 umholi omkhulu wezempi uCharles Keightley
                  wamnika indondo iDickin Medal. Wayebizwa ngamagama amaningi
                  ahlukene. Ngesinye isikhathi wayebizwa ngoGovernment Issue, 55
                  General Issue, nangoGround Infantry. Izitha ezinkulu zikaGI
                  kwakuyiqembu lamaphekulazikhuni (terrorists) elalibizwa ngokuthi
                  iCobra elalifuna ukumbulala. UGI wafa mhla zi-3 kuJuni 1961.

          7       Amajuba amhlophe asetshenziselwa izinto ezahlukene. Amele uphawu
                  lukaMoya oNgcwele, ukuthula, ubumsulwa, impilo entsha, uthando, 60
                  inhlanhla   nenqubekela    phambili.  Emngcwabeni      ayandiziswa
                  ukuvalelisa umufi nokukhulula umoya wakhe. Emicimbini yomshado
                  nakhona ayasetshenziswa ukukhombisa uthando nesiqalo sempilo
                  entsha yalabo abashadayo. Andiziswa ngesikhathi beqeda ukubopha
                  ifindo lomshado. Uma kuvulwa imicimbi emikhulu nakhona la majuba 65
                  amhlophe ayandiziswa ukukhombisa ubumbano. ULindiwe Sono
                  ongomunye wabantu abaqashisa ngamajuba amhlophe uthi
                  amakhasimende      akhe    uyawatshela    ukuthi   angakhathazeki
                  ngokuwabuyisa ngoba ayazibuyela. Akukho nelilodwa elidukayo.

          8       Nakuba amajuba ewusizo kodwa kukhona izinselelo eziningi abhekana 70
                  nazo. Kunabantu abawadlayo, abawashayayo nabahlikiza izidleke
                  zawo. Abanye abawafuni nhlobo. Imilenze yawo emincane
                  ilinyazwa/isikwa izintambo nezinwele ezindizayo kanti nodoti ogcwele
                  amafutha uyawabulala.

          9       Asibe mnene sithandane njengamajuba.                                           75

                                             [Umbhalo osuselwe ocwaningweni wase uyahunyushwa]

          1.1.1       Hlobo luni lwesilwane ijuba?                                                  (1)

Akuvumelekile ukukopisha leli phepha                                                 Pheqa ikhasi

### Page 5

Downloaded from hlayiso.com
IsiZulu Ulimi Lokuqala Lokwengeza (FAL)/P1         5                      DBE/Novemba 2023
                                                  NSC

          1.1.2       Khetha impendulo efanele kulezi ozinikiwe echaza isidleke.

                      A    Ikhaya lezinhloli
                      B    Ikhaya lezinyoni
                      C    Indawo yamasosha
                      D    Indawo yezimpi                                                       (1)

          1.1.3       Qondanisa IKHOLOMU A neKHOLOMU B.

                              IKHOLOMU A                       IKHOLOMU B
                     (a)     1946                       A French Croix de Guerre

                     (b)     World War 1                B Inhloli yempi yaseMelika

                     (c)     GI Joe                     C 1914–1918

                     (d)     Cher Ami                   D Dickin Medal
                                                                                   (4 x 1)      (4)

          1.1.4       Tomula umusho ophelele ositshela ukuthi kuyenzeka iqanda
                      elilodwa libe namachwane amaningi.                                        (2)

          1.1.5       Chaza kafushane ubunzima uCher Ami abhekana nabo empilweni
                      yakhe.                                                                    (2)

          1.1.6       Bhala OKUBILI okusesigabeni sesi-2 okukhombisa ukuthembeka
                      amajuba akwenzayo kwezobudlelwane.                                        (2)

          1.1.7       Yiziphi izizathu ezenza ukuthi uCher Ami noGI Joe babe amajuba
                      anomlando obalulekile ngokwendaba? Bhala amaphuzu AMABILI.                (4)

          1.1.8       Chaza lesi simo sokukhuluma esibhalwe ngokugqamile kulo
                      musho olandelayo njengoba sisetshenzisiwe endabeni:

                      Kukhona elinye ijuba elabeka induku ebandla.                              (2)

          1.1.9       Waphila iminyaka emingaki uGI Joe?                                        (2)

          1.1.10      Uyavumelana yini nokuthi amajuba          aletha   uxolo   phakathi
                      kwabantu? Sekela impendulo yakho.                                         (2)

          1.1.11      Phawula ngezinto ezenza ukuthi abanye abantu bangawathandi
                      amajuba ezindaweni zabo. Bhala ngamaphuzu AMABILI.                        (2)

Akuvumelekile ukukopisha leli phepha                                             Pheqa ikhasi

### Page 6

Downloaded from hlayiso.com
IsiZulu Ulimi Lokuqala Lokwengeza (FAL)/P1               6                        DBE/Novemba 2023
                                                        NSC

1.2       Bukisisa UMBHALO B bese uphendula imibuzo ezolandela.

          UMBHALO B (OBUKWAYO)

                                       [Izithombe nolwazi kucashunwe ku-googlepics-2020]

          1.2.1       Bhala OKUBILI okwenziwa izingane ezisesithombeni esingenhla.                        (2)

          1.2.2       Yini engaba nobungozi kule ndawo esesithombeni esingenhla?
                      Bhala OKUBILI.                                                                      (2)

          1.2.3       Ngokucabanga kwakho yini okufanele yenziwe ukusiza umphakathi
                      wale ndawo esesithombeni esingenhla? Sekela impendulo yakho.                        (2)

                                                                     AMAMAKI ESIQEPHU A:                  30

Akuvumelekile ukukopisha leli phepha                                                       Pheqa ikhasi

### Page 7

Downloaded from hlayiso.com
IsiZulu Ulimi Lokuqala Lokwengeza (FAL)/P1      7                    DBE/Novemba 2023
                                               NSC

ISIQEPHU B: UKUFINGQA

UMBUZO 2

Fundisisa UMBHALO C ongezansi bese uwufingqa ngamaphuzu ayi-7 ubhale
ngongakuzuza uma ufunda zonke izinsuku.

IMIYALELO

1.     Bhala ngemisho ephelele. Amagama angeqi/angadluli kwangama-60.
2.     Imisho yakho mayibe nezinombolo kusukela kweyoku-1 kuya kweye-7.
3.     Bhala iphuzu elilodwa emshweni ngamunye.
4.     Ekugcineni kwamaphuzu wonke owabhalile bhala inani lamagama
       owasebenzisile.
UMBHALO C (OFUNDWAYO)

                  KUNGANI KUFANELE SIFUNDE ZONKE IZINSUKU?

Ngesikhathi ezobuchwepheshe zingakabi kuleli zinga ezikulo esikhathini samanje,
abantu babefunda amaphephandaba, amabhuku, izincwadi, nokunye. Babechitha
isikhathi esiningi emtatsheni yolwazi. Ukuzijwayeza ukufunda okuthile zonke izinsuku
kunenzuzo enkulu empilweni yomuntu. Ezobuchwepheshe zikhuthaza ubuvila ngoba
izinto eziningi zenziwa imishini.

Ingqondo yisitho somzimba esibalulekile kakhulu. Ukufunda kusiza umqondo ukuba
uhlale usebenza ukuze kwehle ingozi yokuhlaselwa isifo se-Alzheimer nese-Dementia
esesihlasele abantu abaningi. Odokotela bengqondo bayakukhuthaza ukufunda.

Wonke umuntu unezinto azicabangayo ezigcina zithinta imizwa yakhe ngezindlela
ezehlukene. Ukuthatha incwadi emnandi uyifunde kwehlisa ukhwantalala (depression)
uzizwe usujabula kuze kuxazululeke nenkinga obunayo. Uzizwa usuphila kangcono.

Ziningi izindlela zokuqonda impilo nakho konke okusizungezile emhlabeni. Ulwazi
oluthola emibhalweni enhlobonhlobo oyifundayo luyifa lakho ongeke uliphucwe
ngumuntu, uyoze ufe nalo. Ulwazi lungamandla.

Ayikho into ebuhlungu njengokuzibukela phansi uma uphakathi kwabantu. Ukufunda
izinhlobo zezincwadi kwandisa ulwazimagama, ukuqonda ukwenzeka nokwenziwa
kwezinto. Lokhu kusiza ukuthi uzethembe, ukwazi nokuhlanganyela ezingxoxweni
ezejwayelekile.

Ayikho into ebuhlungu neyingozi njengokukhohlwa izinto ezibalulekile nokufanele
sizigcine ezingqondweni zethu. Kukhona izincwadi ezifundwayo ezihambelana
nokusiza ukukhumbula amagama, izindawo nokunye okusemqoka kakhulu empilweni
yomuntu ngamunye. Okugcinile engqondweni kungumthombo ongashi.

Ukufunda izinto ezibhalwe phansi kuthuthukisa amakhono ahlukene kubantu bagcine
sebekwazi ukuziqambela okwabo nabo. Lokhu kwenza baziqhenye futhi kuba umlando
nasesizukulwaneni sabo.

Akuvumelekile ukukopisha leli phepha                                       Pheqa ikhasi

### Page 8

Downloaded from hlayiso.com
IsiZulu Ulimi Lokuqala Lokwengeza (FAL)/P1    8                     DBE/Novemba 2023
                                             NSC

Lonke uhlobo lwemibhalo esiyifundayo aluzibhalanga. Uyazi ukuthi konke lokhu
okufundile kulesi siqeshana kubhalwe umuntu othile?

Phela ukufunda kuyingxenye enkulu yokuthuthukisa ikhono lokubhala, ukuphimisa
amagama, ukukhuluma nokuxhumana nabantu.

Qala manje wenze ukufunda kube umkhuba wakho wansuku zonke!

                                                   [Icashunwe ephepheni iLanga, 2019]

                                                        AMAMAKI ESIQEPHU B:               10

Akuvumelekile ukukopisha leli phepha                                       Pheqa ikhasi

### Page 9

Downloaded from hlayiso.com
IsiZulu Ulimi Lokuqala Lokwengeza (FAL)/P1                9                         DBE/Novemba 2023
                                                         NSC

ISIQEPHU C: UHLELO NOKUSETSHENZISWA KOLIMI

UMBUZO 3

Bukisisa UMBHALO D bese uphendula imibuzo ezolandela.

UMBHALO D (OFUNDWAYO NOBUKWAYO)

                                                               IYONGA
                                                               A
         KHULUMA NATHI:
            086 800 000
       www.iglobhentsha.co.za                                 ITHEMBEKILE

            @khanyisa_30
                                                               IKHANYISA
                                                               AMAHORA
                                                                 AYI-12

                                                                  IMITITILIZO:
                                                               Idazini     = R300
                                                               Angama-30 = R500

       Gcwalisa ifomu ekuwebhusayithi yethu ukuze
       sikudilivele.
       Awatholakali futhi awadayiswa ezitolo.                  Gcwala ngeglobhu
       Aletha ukukhanya uma ugesi ucimile.                     Ikhanyisa!
       Anosayizi abahlukene.
       Ayasebenza emanzini.

                                [Izithombe zicashunwe ku-googlepics, umbhalo wokuziqambela]

3.1       Yini umsebenzi weglobhu 'Ikhanyisa'?                                                           (1)

3.2       Bhala OKUBILI okungakwenza uthenge iglobhu 'Ikhanyisa'.                                        (2)

3.3       Bhala isiqubulo esitholakala kulesi sikhangiso.                                                (2)

3.4       Khetha impendulo efanele kulezi ozinikeziwe echaza uhlobo lwalo musho
          olandelayo:

          Gcwalisa ifomu ekuwebhusayithi yethu ukuze sikudilivele.
          Lona umusho …

          A       oncengayo.
          B       ophoqayo.
          C       ongabazayo.
          D       obuzayo.                                                                               (1)

Akuvumelekile ukukopisha leli phepha                                                      Pheqa ikhasi

### Page 10

Downloaded from hlayiso.com
IsiZulu Ulimi Lokuqala Lokwengeza (FAL)/P1                  10                    DBE/Novemba 2023
                                                           NSC

3.5       Guqula lo musho olandelayo ukhombe ukuvuma.

          Awatholakali futhi awadayiswa ezitolo.                                                        (2)

3.6       Ngokucabanga kwakho iglobhu 'Ikhanyisa' ingasiza yini ukuxazulula
          izinkinga zokuphela kukagesi? Sekela impendulo yakho.                                         (2)
                                                                                                        [10]

UMBUZO 4

Bukisisa UMBHALO E bese uphendula imibuzo ezolandela.

UMBHALO E (OFUNDWAYO NOBUKWAYO)

                                   Hawu Nkosi yami! Imali engaka!
                                   Uyazi Bruce uma siwina singaphila
                                   i-soft life. Singathenga umuzi
                                   wamaphupho ethu.

          Thatha u-25
         miliyoni manje!

                                   Mhm …! uMelo angathathi
                                   imali yami yokugcina.
                                   Useyishaye wayibhuqa
                                   edlalana ne-Lotto.

                                             [Izithombe zicashunwe ku-googlepics, zasezihunyushwa]

4.1       Bhala izifiso EZIMBILI zikaMelo ngokwale khathuni.                                            (2)

4.2       Bhala OKUKODWA okusekhathunini okukhombisa ukuthi uMelo noBruce
          bahlala endlini encane.                                                                       (1)

Akuvumelekile ukukopisha leli phepha                                                     Pheqa ikhasi

### Page 11

Downloaded from hlayiso.com
IsiZulu Ulimi Lokuqala Lokwengeza (FAL)/P1         11                     DBE/Novemba 2023
                                                  NSC

4.3       Khetha impendulo efanele kulezi ozinikeziwe echaza umuzwa oqukethwe
          umcabango kaBruce.

          Umuzwa …

          A   wokudelela.
          B   wokujabula.
          C   wokukhathazeka.
          D   wokudinwa.                                                                       (1)

4.4       Tomula umusho onolimi oluhehayo kule khathuni engenhla.                              (2)

4.5       Sebenzisa igama elibhalwe ngokugqamile kulo musho olandelayo ukuze
          kuvele umqondo ohlukile kunalona osetshenzisiwe.

          Singathenga umuzi wamaphupho ethu.                                                   (2)

4.6       Phawula ngamaphuzu AMABILI ukuthi yini ongayenza ukugcina impilo
          yakho ingcono uma ungawina ilotho.                                                   (2)
                                                                                               [10]

UMBUZO 5

5.1       Fundisisa UMBHALO F bese uphendula imibuzo ezolandela.

          UMBHALO F (OFUNDWAYO)

          Abazali nothisha bethu bahlale besikhumbuza ukuthi thina siyikusasa
          laleli zwe. ENingizimu Afrika izingane zifundiswa inhlonipho. Abazali
          bayakhathazeka uma izingane zabo zidlala ngamathuba. Izinyembezi zomzali
          ziyilethela amashwa ingane. Kwesinye isikhathi izingane zithanda ukuphila
          impilo eziyifisayo ngaphandle kwabazali. Lokho kungazifaka ezinkingeni uma 5
          zingahlelekile. Esikoleni ziyakhuthazwa ngokuthanda izwe lazo. Uthisha
          wethu uyathanda ukuthi: 'Mfundi yakha ikusasa lakho liqhakaze'. Izwe lethu
          siyaziqhenya ngalo. Linomnotho omningi. Kufanele sisebenze kanzima ukuze
          izwe lithuthuke. Ezinye izingane zizobamba iqhaza lokuba ababusi, othisha,
          abalimi, onjiniyela, njll. Sidinga ababhali abazobhala wonke umlando wesizwe 10
          sethu ozofundwa isizukulwane esizayo. Amakhehla esizwe ayoziqhenya
          ngomlando wezwe.

          Bantu abasha kufanele nisebenze kanzima ukuze niphilise okwamakhosi.

                                                                  [Umbhalo wokuziqambela]

          5.1.1       Bhala isihlanganiso esitholakala kulo musho olandelayo:

                      Abazali nothisha bethu bahlale besikhumbuza ukuthi thina
                      siyikusasa lale lizwe.                                                   (1)
          5.1.2       Hlobo luni lwempambosi olukhonjiswa            igama      elibhalwe
                      ngokugqamile kulo musho olandelayo.

                      ENingizimu Afrika izingane zifundiswa inhlonipho.                        (1)

Akuvumelekile ukukopisha leli phepha                                            Pheqa ikhasi

### Page 12

Downloaded from hlayiso.com
IsiZulu Ulimi Lokuqala Lokwengeza (FAL)/P1            12                     DBE/Novemba 2023
                                                     NSC

          5.1.3       Guqula ibizo elibhalwe ngokugqamile emshweni olandelayo libe
                      isinciphiso bese ulisebenzisa emshweni ozakhele wona.

                      Ngizophila impilo engiyifisayo.                                            (2)

          5.1.4       Bhala lo musho olandelayo ukhombe ukuphika/ukulandula.

                      Ngiyilungele imfundo ephakeme.                                             (1)

          5.1.5       Khetha impendulo efanele kulezi ozinikeziwe esho uhlobo
                      lwesifenqo oluqukethwe yilo musho olandelayo.

                      Kufanele nisebenze kanzima ukuze niphilise okwamakhosi.

                      A   Isenzasamuntu
                      B   Isifaniso
                      C   Isingathekiso
                      D   Isifenyiso                                                             (1)

          5.1.6       Bhala igama elikhomba umenziwa kulo musho olandelayo:

                      Abazali balinyazwa izingane.                                               (1)

          5.1.7       Lungisa amagama akubakaki ukuze imisho izwakale kahle.

                      (a) Kangikaze ngingene ezinkingeni (-khulu).                               (1)

                      (b) Abazali (iNingizimu Afrika) basifundisa inhlonipho.                    (1)

          5.1.8       Guqula ibizo elibhalwe ngokugqamile kulo musho olandelayo
                      liveze ubulili besifazane.

                      Abahlengi besizwe bayothola izikhundla eziphezulu.                         (1)

          5.1.9       Guqula umusho olandelayo ube yinkulumo-mbiko.

                      Uthisha uthi: 'Mfundi akha ikusasa lakho liqhakaze'.                       (2)

          5.1.10      Khipha imisho EMIBILI eyakhe lo musho olandelayo:

                      Abazali bayakhathazeka uma izingane zabo zidlala ngamathuba.               (2)

Akuvumelekile ukukopisha leli phepha                                              Pheqa ikhasi

### Page 13

Downloaded from hlayiso.com
IsiZulu Ulimi Lokuqala Lokwengeza (FAL)/P1             13                       DBE/Novemba 2023
                                                      NSC

5.2       Bukisisa UMBHALO G bese uphendula imibuzo ezolandela.

          UMBHALO G (OFUNDWAYO NOBUKWAYO)

5.2
           Ngiyayithatha le iPad ngoba                              Yeka i-iPad yami baba!
                                                                    Shuthi mina akusafaneleke
           uyihlongandlebe.                                         ngidlale amagemu.
           Yenza i-homework oyinikwe
           uNkk. Zurith. UProf. Zaba
           wathi ingqondo iyalimala uma
           ingane ibuka izithombe
           zabantu abadala.

                                             [Izithombe zicashunwe ku-googlepics, zasezihunyushwa]

          5.2.1       Bhala lezi zifinyezo ezilandelayo ngamagama agcwele.

                      (a) Nkk.                                                                       (1)

                      (b) Prof.                                                                      (1)

          5.2.2       Lungisa amaphutha kulo musho olandelayo ukuze ufundeke kahle.

                      Shuthi mina akusafaneleke ngidlale amagemu.                                    (2)

          5.2.3       Umuntu onjani obizwa ngehlongandlebe?                                          (2)
                                                                                                     [20]

                                                                   AMAMAKI ESIQEPHU C:               40
                                                                   AMAMAKI ESEWONKE:                 80

Akuvumelekile ukukopisha leli phepha

## Related documents

- [IsiZulu FAL P2 Nov 2023](https://www.hlayiso.com/library/isizulu-fal-p2-nov-2023/efb7fd1a-88b6-409d-ba28-e55e8fce69ef) — isiZulu FAL · QP · 2023 · isiZulu
- [IsiZulu FAL P3 Nov 2023](https://www.hlayiso.com/library/isizulu-fal-p3-nov-2023/5c613be8-b8f0-46ee-9de7-818ab69ed467) — isiZulu FAL · QP · 2023 · isiZulu
- [IsiZulu FAL P1 May-June 2023](https://www.hlayiso.com/library/isizulu-fal-p1-may-june-2023/134eb7e6-168d-4ffe-8ec1-467eeffe7462) — isiZulu FAL · QP · 2023 · isiZulu
- [IsiZulu FAL P1 Nov 2022](https://www.hlayiso.com/library/isizulu-fal-p1-nov-2022/e8933181-1c5c-4e57-8bfe-e3041463d9c2) — isiZulu FAL · QP · 2022 · isiZulu
- [IsiZulu FAL P1 Nov 2021](https://www.hlayiso.com/library/isizulu-fal-p1-nov-2021/7ee373b3-b16f-4642-a5aa-27fd7c4605b7) — isiZulu FAL · QP · 2021 · isiZulu
- [IsiZulu FAL P1 Nov 2019](https://www.hlayiso.com/library/isizulu-fal-p1-nov-2019/bd21b19f-33f4-4db5-8f94-e5a48098d6a0) — isiZulu FAL · QP · 2019 · isiZulu

## More from Grade 12 isiZulu FAL

- [Gr 12 IsiZulu FAL ATP 2023-24](https://www.hlayiso.com/library/gr-12-isizulu-fal-atp-2023-24/2e221b22-767a-49bf-870c-b3cf4e8bcddd) — ATP
- [IsiZulu FAL P1 May-June 2025 MG](https://www.hlayiso.com/library/isizulu-fal-p1-may-june-2025-mg/c987c299-55ce-451b-9c9c-d9f577f9aec6) — Memo · 2025 · isiZulu
- [IsiZulu FAL P2 May-June 2025 MG](https://www.hlayiso.com/library/isizulu-fal-p2-may-june-2025-mg/fc0b2153-7afc-4c51-9210-38edf5f25888) — Memo · 2025 · isiZulu
- [IsiZulu FAL P3 May-June 2025 MG](https://www.hlayiso.com/library/isizulu-fal-p3-may-june-2025-mg/cec2350a-6309-437b-a49e-a04527a0ca1c) — Memo · 2025 · isiZulu
- [IsiZulu FAL P2 Nov 2025 MG](https://www.hlayiso.com/library/grade-12-isizulu-fal-2025-nsc-november-exam-question-paper-paper-2-isizulu/d890b2cf-f80e-4a5f-aa33-e13bde37273e) — Memo · 2025 · isiZulu
- [IsiZulu FAL P3 Nov 2025 MG](https://www.hlayiso.com/library/grade-12-isizulu-fal-2025-nsc-november-exam-question-paper-paper-3-isizulu/8210b3fd-54a1-4a7b-a22f-fe44c32fcc1a) — Memo · 2025 · isiZulu

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
