# isiZulu FAL Grade 12 P2 NSC Supplementary 2015 QP

> Grade 12 isiZulu FAL Paper 2 question paper from the NSC Supplementary Exam 2015, 18 pages. Read online or download the free PDF.

- Page: https://www.hlayiso.com/library/isizulu-fal-p2-feb-march-2015/abce6906-304d-43d0-a412-a73b6b3d3d7c
- Updated: 2026-09-27
- Subject: isiZulu FAL
- Grade: Grade 12
- Language: Isizulu
- Document type: Question paper
- Year: 2015
- Exam period: NSC Supplementary Exam
- Paper: 2
- Curriculum: CAPS
- Pages: 18

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiZulu FAL](https://www.hlayiso.com/library/grade-12/isizulu-fal) › [isiZulu FAL Grade 12 P2 NSC Supplementary 2015 QP](https://www.hlayiso.com/library/isizulu-fal-p2-feb-march-2015/abce6906-304d-43d0-a412-a73b6b3d3d7c)

## About this document

Isizulu Fal · Grade 12 · NSC Supplementary Exam · 2015 · isizulu. Question paper, 18 pages. Read online or download the PDF.

Read it free online on the page above; download the PDF from there.

## Matching paper and memo

- [IsiZulu FAL P2 Feb March 2015 Memo](https://www.hlayiso.com/library/isizulu-fal-p2-feb-march-2015-memo/f18a9d9a-646e-4b7a-9537-8acf6fc83fdf) — Memo · 2015 · isiZulu

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                        NATIONAL
                                   SENIOR CERTIFICATE

                                       IBANGA LE-12

                ISIZULU ULIMI LOKUQALA LOKWENGEZA (FAL)

                                   IPHEPHA LESIBILI (P2)

                                 FEBRUWARI/MASHI 2015

AMAMAKI: 70

ISIKHATHI: amahora ama-2

                               Leli phepha linamakhasi ayi-18.

Akuvumelekile ukukopisha leli phepha                             Pheqa ikhasi

### Page 2

Downloaded from hlayiso.com
IsiZulu Ulimi Lokuqala Lokwengeza (FAL)/P2     2                  DBE/Februwari–Mashi 2015
                                              NSC

IMIYALELO KWABAHLOLWAYO

1.        Fundisisa kahle imiyalelo ekuleli khasi ngaphambi kokuba uphendule imibuzo.

2.        Ungayifundi yonke imibuzo ekuleli phepha. Bheka OKUQUKETHWE ekhasini
          elilandelayo bese umaka izinombolo zemibuzo yezincwadi ozifundile kulo
          nyaka. Ngemuva kwalokho funda le mibuzo bese ukhetha imibuzo
          ezincwadini EZIMBILI ozophendula ngazo.

3.        Leli phepha LINEZIQEPHU EZINE:

          ISIQEPHU A:       Inoveli                       (35)
          ISIQEPHU B:       Umdlalo                       (35)
          ISIQEPHU C:       Izindaba ezimfushane          (35)
          ISIQEPHU D:       Izinkondlo                    (35)

4.        Phendula imibuzo         EMIBILI   kuphela,   umbuzo   OWODWA      esiqeshini
          NGASINYE.

          ISIQEPHU A: INOVELI
          Phendula umbuzo ngenoveli EYODWA oyifundile.

          ISIQEPHU B: UMDLALO
          Phendula umbuzo ngomdlalo OWODWA owufundile.

          ISIQEPHU C: IZINDABA EZIMFISHANE
          Phendula imibuzo ngazo ZOMBILI izindaba ezimfishane ezihlolwayo.

          ISIQEPHU D: IZINKONDLO
          Phendula imibuzo ngezinkondlo EZIMBILI ezibuziwe.

5.        Sebenzisa uhlu lokubheka imibuzo ephenduliwe (checklist) ukubheka ukuthi
          ukhethe ngendlela efanele yini.

6.        Landela imiyalelo esekuqaleni kwesiqephu NGASINYE.

7.        Bhala izinombolo njengoba zibhaliwe ephepheni lemibuzo.

8.        Qala ISIQEPHU NGASINYE ekhasini ELISHA.

9.        Bhala ngobunono nangesandla esifundekayo.

10.       Qikelela ukusebenzisa isikhathi esicishe sibe imizuzu engama-60 esiqeshini
          ngasinye.

Akuvumelekile ukukopisha leli phepha                                           Pheqa ikhasi

### Page 3

Downloaded from hlayiso.com
IsiZulu Ulimi Lokuqala Lokwengeza (FAL)/P2    3             DBE/Februwari–Mashi 2015
                                             NSC

OKUQUKETHWE:

Leli khasi lizokusiza ukukhetha imibuzo ofisa ukuyiphendula ngaphandle kokufunda
yonke imibuzo.

ISIQEPHU A: INOVELI

Phendula noma yimuphi umbuzo OWODWA kulesi siqephu.
   IZINOMBOLO ZEMIBUZO              IMIBUZO                  AMAMAKI           IKHASI
1. Kusinda Kwehlela Endodeni Umbuzo omfishane                  35                5–6

2.   Umshado                           Umbuzo omfishane          35              7–8

ISIQEPHU B: UMDLALO

Phendula noma yimuphi umbuzo OWODWA kulesi siqephu.
3. Ababulali Benyathi        Umbuzo omfishane                    35             9–10

4.   Isiko nelungelo                   Umbuzo omfishane          35            11–12

ISIQEPHU C: IZINDABA EZIMFUSHANE

Phendula imibuzo kuzona ZOMBILI izindaba ezimfishane ezihloliwe.
5.1 Ingoduso                 Umbuzo omfishane                 17               13–14
                                     NOMA
5.2 Imfihlo Kamakoti         Umbuzo omfishane                 18               14–15

ISIQEPHU D: IZINKONDLO

Phendula noma yimiphi imibuzo EMIBILI kulesi siqephu.
6.1 Ngiyogiya Ngiqephuze      Umbuzo omfishane                   18            16–17

6.2 Kuyosala Izibongo                  Umbuzo omfishane          17            17–18

Akuvumelekile ukukopisha leli phepha                                     Pheqa ikhasi

### Page 4

Downloaded from hlayiso.com
IsiZulu Ulimi Lokuqala Lokwengeza (FAL)/P2      4             DBE/Februwari–Mashi 2015
                                               NSC

Uhlu Lokubheka Imibuzo Ekhethiwe (Checklist):

ISIQEPHU                 IZINOMBOLO             IMIBUZO          THIKHA
                         ZEMIBUZO               EPHENDULIWE      UMBUZO
                                                                 OWUKHETHILE
A-INOVELI
(Imibuzo                           1–2
emifishane)
                                             NOMA
B-UMDLALO
(Imibuzo                               3–4
emifishane)
                                             NOMA
C-IZINDABA
EZIMFISHANE
(Imibuzo                               5
emifishane)
                                             NOMA
D-IZINKONDLO
(Imibuzo                     6
emifishane)
Qaphela: Qiniseka ukuthi uphendule imibuzo eziqeshini EZIMBILI kuphela.

Akuvumelekile ukukopisha leli phepha                                       Pheqa ikhasi

### Page 5

Downloaded from hlayiso.com
IsiZulu Ulimi Lokuqala Lokwengeza (FAL)/P2    5                 DBE/Februwari–Mashi 2015
                                             NSC

ISIQEPHU A: INOVELI

UMBUZO 1: KUSINDA KWEHLELA ENDODENI – SJ Mchunu

Funda isiqeshana esingezansi bese uphendula imibuzo ezolandela:

Ngibekeleni umancishana la khona ngizokwehlisa ngawo ngingaze ngishelwe yizwi
ngikhulume sekome amathe. Asho ahambe kancane aze ayosithela ngendlu. Esebuya
uhamba ekhuluma yedwa, 'Impela ukuhamba kuzala induna, uthi ngangazi ukuthi
ngoke ngikhulume insumansumane enjengekaNtombela empilweni yami. Ngabe yiwo
yini la magwababa engangithi ngiyoyixoxela wona na?'

Waba ukubuya nje, wonke umuntu wahlala wavula izindlebe wena owabona izingane
zilalele inganekwane ixoxwa ugogo zizungeze iziko. 'Ngangithi ngeke ngiyixoxe
nakancane le ndaba ngisho nakaMadala eJudeni, kodwa-ke ngoba nicela ukuba
nginixoxele kulungile. UNtombela sasisebenza naye emshinini munye ngingakabi
induna. Kwakuyindoda engangiyethemba kakhulu.

Ngangiyivakashela nasemzini wayo ngezinye izimpelasonto. Umkakhe naye
ngangimazi kakhulu. Indaba isivela ngesikhathi eseshonile sekufanele angcwatshwe.
Akekho owayazi ukuthi uNtombela unomunye umfazi le emakhaya eXobho. Sabona
sekutheleka umama ehamba nabafana abathathu asebekhulile impela. Akekho
owabuza ukuthi obani laba ngoba izinsizwa zazibonakala ukuthi ezaphi.

Uyakhala umama lo. Izinsizwa zidinwe zigane unwabu. Yavela inkathazo lapho
izingane sezithi zilande isidumbu sikababa wazo. Kwatshelwa umkakhe lo ohlezi
etshalini. Wavuka indlobane. Washaya phansi ngonyawo wathi umkhwenyana
wakhe akayi ndawo.

1.1       Ngeyakwabani isibongo le ndoda uManyoba axoxa ngayo kulesi siqeshana
          esingenhla?                                                                       (1)

1.2       UManyoba wayejwayele ukuyivakashela ngaziphi izikhathi le ndoda?                  (1)

1.3       Khetha impendulo efanele kwezilandelayo:

          Unkosikazi kaManyoba kwabe kungu:

          A      UMaNtombela
          B      UMaNdlovu
          C      UMaDuma                                                                    (1)

1.4       Bhala izinto EZIMBILI ezazenziwa izinsizwa ukuqeda isizungu ehostela.             (2)

Akuvumelekile ukukopisha leli phepha                                         Pheqa ikhasi

### Page 6

Downloaded from hlayiso.com
IsiZulu Ulimi Lokuqala Lokwengeza (FAL)/P2     6              DBE/Februwari–Mashi 2015
                                              NSC

1.5       Chaza lezi zimo zokukhuluma ezibhalwe           ngokugqamile    njengoba
          zisetshenzisiwe esiqeshini esingenhla:

          1.5.1       Esebuya uhamba ekhuluma yedwa, 'impela ukuhamba kuzala
                      induna.'                                                            (2)

          1.5.2       Izinsizwa zidinwe zigane unwabu.                                    (2)

          1.5.3       Washaya phansi ngonyawo wathi umkhwenyana wakhe akayi
                      ndawo.                                                              (2)

1.6       Bhala isizathu esenza ukuthi uManyoba ayeke ukusebenza ezimayini.               (2)

1.7       Bhala izinto EZIMBILI ezikhombisa ukuthi uManyoba           wayeyinduna
          ewenzisisayo umsebenzi wayo ngesikhathi esebenza eGoli.                         (2)

1.8       Bhala amaphuzu AMABILI afakazela ukuthi umuzi kaManyoba usendaweni
          esemakhaya/esemaphandleni.                                                      (2)

1.9       UManyoba wayewuthanda futhi ewunakekela umndeni wakhe. Fakazela lo
          mbono ngamaphuzu AMABILI.                                                       (2)

1.10      Yini eyayenza kube nzima kuManyoba ukuthola impesheni yokuguga?                 (2)

1.11      Yimiphi imizamo eyenziwa uManyoba ukuzama ukuthi amadodana akhe
          elekelele/asize ngesikhathi yena nomkakhe bengasakwazi ukuzondla?               (2)

1.12      Chaza ngobudlelwano uMaNdlovu agcina esenabo nendodakazi kaFanyana
          uThembelihle.                                                                   (2)

1.13      UMfundisi uZakwe wabasiza kanjani oManyoba noMaNdlovu ngesikhathi
          ebathola eMnambithi. Bhala amaphuzu AMABILI.                                    (2)

1.14      Wayisebenzisa kanjani uManyoba imali ayiwina kulotho? Bhala amaphuzu
          AMABILI.                                                                        (2)

1.15      Bhala isifundo ositholile ngokufunda le ndaba. Sekela impendulo yakho
          ngezibonelo.                                                                    (3)

1.16      Ngabe IQINISO noma UMBONO ukuthi amadodana kaManyoba ahluleka
          ukukhombisa uthando kubazali bawo. Sekela impendulo ngamaphuzu
          AMABILI.                                                                        (3)
                                                                                          [35]

                                             NOMA

Akuvumelekile ukukopisha leli phepha                                       Pheqa ikhasi

### Page 7

Downloaded from hlayiso.com
IsiZulu Ulimi Lokuqala Lokwengeza (FAL)/P2    7               DBE/Februwari–Mashi 2015
                                             NSC

UMBUZO 2: UMSHADO – N Zulu

Funda isiqeshana esingezansi bese uphendula imibuzo ezolandela.

'Kodwa ngizombhekelwa ubani uLindiwe?' Ukhuluma yedwa njalo uBheki, usekhohliwe
nawukuthi ubekhuluma nonina. Asole sengathi unina kokunye uyamethusa nje
ngendaba kaLindiwe. Abukisise unina futhi uBheki. Nonina kutholakale ukuthi ubuka
yena uBheki ngqo. Abuzisise kunina futhi uBheki:
'Ubani?'
'ULindiwe.'
Athule uBheki abukisise unina. Azitshele ukuthi uzobuye athi uyadlala.
'Kuzofuneka usitshele indaba eyodwa Bheki. Asisaqondi nqindi nasibhakela phela
manje.'

Inqunywe umlomo kuBheki. Ezwe sengathi ikhanda liyaduma.
'Angisayiqondi-ke manje le nto mama.'
Asuke aqonde endlini uBheki. Nebala azithele kuLindiwe. Abone ukuthi cha, konakele.
Ahleke kuwo lowo mnyama.
'Hawu Lindi! Ubuyile? Ngaze ngajabula.' Asho asondele amange. Babambane.
Esikhundleni sokuba ajabule uLindiwe, akhale. Imxake leyo nto uBheki.
'Yini Lindiwe? Athule uLindiwe. Aqhubeke nesililo sakhe. Asondele uBheki amgaxe.
'Thula Lindi. Thula.'

Axakeke uBheki. ULindiwe uyamazi ukuthi akasiye umuntu otetemayo. Azame
ukubuza futhi uBheki: 'Ukhalelani Lindiwe?'
Athule uLindiwe esule izinyembezi. Alindele impendulo uBheki. Zehle futhi kuLindiwe
izinyembezi. UBheki acabange ukuyobiza unina.
'Uyagula yini Lindiwe?'
'Yebo ngiyagula.'
'Uguliswa yini kodwa?'

'Ngiguliswa uwe Bheki. Sengizwile ukuthi uyashada. Angizukukuvimba. Engifuna
ukwazi nje kuphela ukuthi ingane yakho le engiyithwele.'
La magama angena kabuhlungu enhliziyweni kaBheki. Nakuye zacweba izinyembezi.

2.1       Uvelaphi uLindiwe njengoba efika kubo kaBhekani?                                (1)

2.2       Bhala izinto EZIMBILI ezazenza ukuthi uLindiwe akhale ngesikhathi
          bebingelelana noBhekani.                                                        (2)

2.3       Khetha impendulo efanele kwezilandelayo.

          ULindiwe:

          A     Wayengunesi
          B     Wayengasebenzi
          C     Wayenguthisha                                                             (1)

2.4       Yini eyenza uBhekani abe namahloni okubona uLindiwe?                            (2)

Akuvumelekile ukukopisha leli phepha                                       Pheqa ikhasi

### Page 8

Downloaded from hlayiso.com
IsiZulu Ulimi Lokuqala Lokwengeza (FAL)/P2     8                 DBE/Februwari–Mashi 2015
                                              NSC

2.5       Ngamaphuzu AMABILI bhala izinto ezazenziwa nguSfiso ezikhombisa ukuthi
          uthanda izindaba.                                                                  (2)

2.6       Chaza lezi zimo zokukhuluma ezibhalwe            ngokugqamile      njengoba
          zisetshenzisiwe esiqeshini esingenhla:

          2.6.1       Nakuye zacweba izinyembezi.                                            (2)

          2.6.2       Inqunywe umlomo kuBheki.                                               (2)

          2.6.3       Asiqondi nqindi nasibhakela phela manje.                               (2)

2.7       UBhekani wayemthanda kakhulu uTholakele kunoLindiwe. Sekela lo mbono
          ngamaphuzu AMABILI.                                                                (4)

2.8       Bhala isigameko esisendabeni esenzeka endlini kaBhekani esikhombisa
          ulaka lukababa wakhe.                                                              (2)

2.9       Bhala izeluleko abalingiswa abalandelayo abazinika uBhekani ukuzama
          ukumbonisa/ukumeluleka mayelana nothando lwakhe noTholakele. Bhala
          amaphuzu AMABILI umlingiswa ngamunye.

          2.9.1       Umama wakhe.                                                           (2)

          2.9.2       USifiso.                                                               (2)

2.10      Chaza ngokwenzeka ngesikhathi uBhatomu nezinsizwa ayehamba nazo
          ehlasela uBhekani endleleni ngesikhathi ebuya esibhedlela. Bhala amaphuzu
          AMATHATHU.                                                                         (3)

2.11      Ukuba khona kukaLindiwe emshadweni kaBhekani kwamsiza uBhekani.
          Sekela lo mbono ngamaphuzu AMABILI.                                                (2)

2.12      Bhala indikimba yale noveli. Sekela impendulo yakho ngokwenzeka
          endabeni.                                                                          (3)

2.13      Ngabe IQINISO noma UMBONO ukuthi uBhekani ungumlingiswa onenkani?
          Sekela.                                                                            (3)
                                                                                             [35]

                                                           AMAMAKI ESIQEPHU A:               35

                                             NOMA

Akuvumelekile ukukopisha leli phepha                                          Pheqa ikhasi

### Page 9

Downloaded from hlayiso.com
IsiZulu Ulimi Lokuqala Lokwengeza (FAL)/P2    9              DBE/Februwari–Mashi 2015
                                             NSC

ISIQEPHU B: UMDLALO

UMBUZO 3: ABABULALI BENYATHI – RM Mngadi

Funda isiqeshana esingezansi bese uphendula imibuzo ezolandela:

Duma:         Lalela phela. UMaShezi usephendukile. Wethuswe yisimo lesi sakho
              kanye nabafanyana abahambisana nenkosi, abadlule kwami badelela.
              Ngempela uyatwetwa manje. Uze wathi kungaba ngcono uma mina
              ngingazehlisa enkosini noma ngiyeke kwabukhansela lobu. Hheyi!
              Wethuke ngempela uMaShezi. Ngethukile ngoba ngiyamazi umkami.
              Ubebhodla umlilo ngokuyokhuleka enkosini kodwa manje usemane
              waphenduka kuhle kwemali uma abafana bedlala isipina.

Mbandlwa: (asukume) Uyadlala uMaShezi! Hhayi bo! Senzeni? Sijabulise lezi zilima
          ezingahambisani nezinguquko? Lutho! Lalela lapha wena! Hamba uye
          emaphoyiseni ufike ubike ngomhlangano ofuna ukuwubiza maqede
          uwacele ukuba afike ngoba kunabantu abangayifuni inqubekela phambili
          kule ndawo. Uchaze nje nangobungozi babo. Ngeke amaphoyisa
          akwenzele phansi. Akekho umuntu ongazithela emaphoyiseni ewabona.
          Uyabona, lowo mhlangano uyokunika amandla ngoba uyonunusela
          abantu ngezinhlelo ezikhangisayo okufanele zenziwe. Ngiyakutshela
          nongafuni lutho ngekhansela, uyophenduka ahambisane nalo. Emva
          kwalowo mhlangano uyophenduka inkosi. Imilomo, bheka (avale umlomo
          wakhe ngesandla elingisa amazwi akhe) koDlamini.

Duma:         Usuyakhuluma-ke manje mfo. Uyazi okunye engikucabangayo ngukuthi
              umhlangano akusadingeki siwubize ngombhobho. Sizobhala isimemo
              esikhangayo maqede sicele ozosibhalela sona ngekhompuyutha.
              Ukusukela lapho sizoyosigaya emshinini lona ozikhipha sekuyizimemo
              eziningi ukuze sikwazi ukuzinameka kulo lonke leli wadi lami.

3.1       Kunabudlelwane buni phakathi kukaMbandlwa noDuma?                               (1)

3.2       Khetha impendulo efanele kwezilandelayo:

          Indlunkulu yenkosi uShandu kwakungu ...

          A     UMaNgema.
          B     UMaShezi.
          C     UMaKhumalo.                                                               (1)

3.3       Wethuswe yini uMaShezi njengoba uDuma ethi usephendukile. Bhala
          amaphuzu AMABILI.                                                               (2)

3.4       Bhala izizathu EZIMBILI ezenza uMaShezi angamthandi uMbandlwa.                  (2)

3.5       Ngokwalesi siqeshana esingenhla ukuphi umehluko phakathi kwendlela
          uDuma nenkosi abathola ngayo izikhundla zabo.                                   (2)

Akuvumelekile ukukopisha leli phepha                                       Pheqa ikhasi

### Page 10

Downloaded from hlayiso.com
IsiZulu Ulimi Lokuqala Lokwengeza (FAL)/P2     10              DBE/Februwari–Mashi 2015
                                              NSC

3.6       Lo mdlalo uyimbangalusizi. Sekela lo mbono ngamaphuzu AMABILI.                   (2)

3.7       Chaza lezi zimo zokukhuluma ezibhalwe ngokugqamile njengoba zisebenzile
          esiqeshini osinikwe ngenhla:

          3.7.1       Uze wathi kungaba ngcono uma mina ngingazehlisa enkosini
                      noma ngiyeke kwabukhansela lobu.                                     (2)

          3.7.2       Ubebhodla umlilo ngokuyokhuleka enkosini kodwa manje
                      usemane waphenduka kuhle kwemali uma abafana bedlala isipina.        (2)

          3.7.3       Ngempela uyatwetwa manje.                                            (2)

3.8       Ngamaphuzu AMANE chaza ngokwenzeka emhlanganweni owawusesikoleni
          kuze kube kulimala uMbandlwa.                                                    (4)

3.9       UDuma uvezwe njengomlingiswa odonswa ngunkosikazi ngekhala. Sekela
          noma uphikise lo mbono ngamaphuzu AMATHATHU atholakala kulo mdlalo.              (3)

3.10      Bhala amaphuzu AMATHATHU akhombisa ukuthi inkosi uShandu uyinkosi
          ebonisekayo uma itshelwa.                                                        (3)

3.11      Ukungabi nazwi kwabesifazane kulo mdlalo yikona okudala ukuthi isimo
          senhlalo sibe sibi. Caphuna amaphuzu AMATHATHU asekela lo mbono.                 (3)

3.12      Ngamaphuzu AMATHATHU veza ukuthi uDuma ungumlingiswa onjani?                     (3)

3.13      Ngabe IQINISO noma UMBONO ukuthi uDlamini wayeyindoda eluhlaza/
          edelelayo. Sekela.                                                               (3)
                                                                                           [35]

                                             NOMA

Akuvumelekile ukukopisha leli phepha                                        Pheqa ikhasi

### Page 11

Downloaded from hlayiso.com
IsiZulu Ulimi Lokuqala Lokwengeza (FAL)/P2    11                DBE/Februwari–Mashi 2015
                                             NSC

UMBUZO 4: ISIKO NELUNGELO – N Zulu

Funda isiqeshana esingezansi bese uphendula imibuzo ezolandela:

(UThenjiwe uzobona uSipho ejele bayaxoxa)

Sipho:       Kodwa uthe uyaphi ekhaya?

Thenjiwe: Ngithe ngiya kwasisi. Kuzofuneka uma ngisuka lapha ngidlule kuye
          ngimgqibe. Kodwa uhleli kanjani lapha?

Sipho:       Kabuhlungu kabi Thenjiwe. Angazi ngingakuchazela ngithini. (Zicwebe
             izinyembezi) Ibuhlungu impilo yalapha angithandi ukukukhohlisa.
             Ngakhumbula ekhaya ngifika nje.

Thenjiwe: Ngiyakuzwela Sipho, icala lakho kuthiwa yini ngempela?

Sipho:       Kwavele kwathiwa ngonisa wena emzini. Ngikwenza ube nenkani.

Thenjiwe: Awusasho yini ukuthi wawulamula, ungaqonde kugwaza muntu.

Sipho:       Abanginikanga ithuba elide lokuchaza. Okubi-ke futhi ngangingenaye
             ufakazi.

Thenjiwe: Awusasho ngani ukuthi abangibize?

Sipho:       Ngabona ukuthi ngizokwandisela izinkinga. Ukuba kuya ngami ngabe
             ngithi mgane uDumisani lowo.

Thenjiwe: Kahle Sipho bo. Sekwenzenjani manje futhi?

Sipho:       Kwathiwa ngiyophuma uma seniganene.

Thenjiwe: Kanti awuboshelwe lona icala owalenza?
          Kwenzelwa ukuthi ngigane uDumisani?

Sipho:       Ngendlela engihlezi kabuhlungu ngayo lapha mngani wami, impela
             shintsha umqondo. Mhlawumbe uthando lukaDumisani luzobuye luvele.

Thenjiwe: Ngeke Sipho. Ngeke. Uyazi esikhundleni sokuba kuqale uthando
          lukaDumisani uya ngokuya eba yisitha. Ngizogcina ngimenzakalisile.

Sipho:       Uthanda ngidilikelwe yijele?

Thenjiwe: Cha. Uyazi inhliziyo yami ibuhlungu kabi njengoba ulapha nje. Ukuba
          kukhona engingakwenza ukuze uphume ngabe ngiyakwenza.

Sipho:       Gana uDumisani phela.

Thenjiwe: Sengicabanga ukuvele ngimbulale uDumisani Sipho. Awuqali ukungifikela
          lo mqondo.

4.1       Bakuphi laba abaxoxayo kulesi siqeshana esingenhla?                               (1)

Akuvumelekile ukukopisha leli phepha                                         Pheqa ikhasi

### Page 12

Downloaded from hlayiso.com
IsiZulu Ulimi Lokuqala Lokwengeza (FAL)/P2     12               DBE/Februwari–Mashi 2015
                                              NSC

4.2       Ngubani igama likasisi kaThenjiwe athi kuzomele adlule kuyena?                     (1)

4.3       Khetha impendulo efanele kwezilandelayo.

          Umakhelwane wakwaZungu owayezwelana noThenjiwe:

          A        UMaMkhize
          B        UMaNzuza
          C        UmaNzama                                                                  (1)

4.4       Bahlobene kanjani oSipho noThenjiwe?                                               (1)

4.5       Yiliphi icala abekwa lona uSipho enkantolo?                                        (2)

4.6       Uthini umbandela (condition) wokuphuma kukaSipho ejele.                            (2)

4.7       Chaza lezi zimo zokukhuluma ezibhalwe ngokugqamile ngezansi njengoba
          zisetshenzisiwe esiqeshini esingenhla:

          4.7.1       Uthanda ngidilikelwe yijele?                                           (2)

          4.7.2       Kuzofuneka uma ngisuka lapha ngidlule kuye ngimgqibe.                  (2)

          4.7.3       Ngizogcina ngimenzakalisile.                                           (2)

4.8       Yini eyenza uMondise axoshe uNondumiso ekhaya?                                     (2)

4.9       Yimiphi imizamo eyenziwa nguMaMbatha ukwenza isiqiniseko sokuthi
          uThenjiwe akabuyeli ekhaya. Bhala amaphuzu AMANE.                                  (4)

4.10      Ngamaphuzu AMATHATHU chaza ukuthi uDumisani wasinda kanjani
          ngenkathi uThenjiwe ezama ukumbulala.                                              (3)

4.11      Chaza ukuthi laba balingiswa abalandelayo benzani/bathini kuThenjiwe ukuze
          agcine evumile ukushada noDumisani.

          4.11.1      Ugogo kaThenjiwe.                                                      (2)

          4.11.2      UMaMbatha.                                                             (2)

4.12      Yini eyayenza uThenjiwe afune ukuyobeka izimbali ethuneni likaSipho?               (2)

4.13      Ngokucabanga kwakho isiko lokungena/lokungenwa lisenayo yini indawo
          esikhathini samanje? Sekela.                                                       (3)

4.14      Ngabe IQINISO noma UMBONO ukuthi umndeni wakwaZungu ungumndeni
          obumbene/ohlangene. Sekela.                                                        (3)
                                                                                             [35]

                                                           AMAMAKI ESIQEPHU B:               35

                                             NOMA

Akuvumelekile ukukopisha leli phepha                                          Pheqa ikhasi

### Page 13

Downloaded from hlayiso.com
IsiZulu Ulimi Lokuqala Lokwengeza (FAL)/P2    13                 DBE/Februwari–Mashi 2015
                                             NSC

ISIQEPHU C: IZINDABA EZIMFUSHANE

IZINYEMBEZI ZOTHANDO – DBZ Ntuli

Kulesi siqephu phendula YOMIBILI imibuzo; umbuzo 5.1 nombuzo 5.2.

UMBUZO 5

5.1       INGODUSO – S Bhengu

          Funda isiqeshana esingezansi bese uphendula imibuzo ezolandela:

          Ngiqhubeke-ke. Ngiphinde ngilibuke iwashi lami. Yihora leshumi manje.
          Sekuhlwile impela manje. Okungenani kumele ngiphangisele ukuthi ngifike
          lingakashayi eleshumi nomuvo ekhweni lami. Ngumuzi wendoda phela loya,
          kumele ngiwuhloniphe. Bengingeke-ke nami ngikwazi ukuthi ngingezi
          ukuzombona uNokwazi. Inkumbulo ibisingaphezu kwami.

          Lukhale unyawo. Uma ngiphakamisa amehlo, ngibone isithunzana phambili
          laphaya. Ngibukisise. Sengathi ngumuntu nje. Kwangcono uma kungumuntu
          ngempela, mhlawumbe sihambisane nje. Ngiphakamise izinyawo. Nembala
          ngumuntu ofake izingubo ezikhanyayo. Ngisheshe ukuze ngimfice. Uma
          sengiseduze kube yima ngibona ukuthi kanti ngumuntu wesifazane. Yize
          kunokwethuka ukuthi ngabe ebusuku kangaka uphumaphi, kodwa ngibuye
          ngizitshele ukuthi naye unalowo mbuzo ngami, ukuthi ngiphumaphi ebusuku
          kangaka. Mhlawumbe sibe nezinkinga ezifanayo nje.

          Ngiyifice-ke intokazi le. Ngifike ngiyibingelele: 'Nkosazana emhlophe!
          Sawubona.' Ngisho ngomoya ophansi.
          'Yebo bhuti, sawubona. Angazi-ke kodwa ukuthi ungibiza ngenkosazane
          emhlophe nje yingoba ngifake izingubo ezimhlophe yini.' Isho sakuncokola.
          Inezwi nje elihle elifuze lelo lengoduso yami uNokwazi.
          'Cha, Nkosazana, sekwaba yinjwayelo nje ukuthi kumuntu wesifazane omuhle
          njengawe ngimbize ngenkosazana emhlophe.'
          'Usutshelwe yimi ukuthi ngimuhle?'
          'Chabo Nkosazana. Akumele ukuthi uze ungitshele. Ngiyazibonela nje ukuthi
          uyisibhamu.'
          'Isibhamu!' Isho ngokwethuka okukhulu le ntokazi. Ithi ukuqhela kimi.
          'Isibhamu! Kanti nawe bhuti usazokhuluma ngesibhamu!' Yethuke kakhulu.

          5.1.1       Uyaphi uSipho njengoba ehamba nje?                                     (1)

          5.1.2       Ngubani igama lengoduso kaSipho?                                       (1)

          5.1.3       Waboshwa iminyaka emingaki uSipho ejele?                               (1)

          5.1.4       Wayeboshelweni uSipho?                                                 (1)

          5.1.5       Wayephetheni uSipho ayezofike axolise ngayo kumama wengane
                      yakhe?                                                                 (1)

Akuvumelekile ukukopisha leli phepha                                          Pheqa ikhasi

### Page 14

Downloaded from hlayiso.com
IsiZulu Ulimi Lokuqala Lokwengeza (FAL)/P2    14                   DBE/Februwari–Mashi 2015
                                             NSC

          5.1.6       Khetha impendulo efanele kwezilandelayo.

                      Igama likasibali kaSipho kwabe kungu:

                      A   UPhilani
                      B   UPhumlani
                      C   USanele                                                              (1)

          5.1.7       USipho ungumlingiswa onothando lweqiniso. Sekela impendulo
                      yakho ngamaphuzu AMABILI.                                                (2)

          5.1.8       Le ndaba yenzeka endaweni yasemakhaya. Sekela ngamaphuzu
                      AMABILI.                                                                 (2)

          5.1.9       Chaza lesi simo sokukhuluma njengoba sisetshenzisiwe endabeni:

                      Lukhale unyawo.                                                          (2)

          5.1.10      Kungani uNokwazi       engathandi   ukuthi    uSipho    akhulume
                      ngesibhamu?                                                              (2)

          5.1.11      Bhala ingwijikhwebu etholakala kule ndaba.                               (3)

5.2       IMFIHLO KAMAKOTI – MT Mkhize

          Funda isiqeshana esingezansi bese uphendula imibuzo ezolandela:

          Ekuseni, phambi kokuba ahambe uRoy wazizwa eneqholo lokuba atshele
          unina ukuba asale esexola kokwabe kwenzekile ngoba kwakungasekude
          ukuba amlethele umakoti omusha ekhaya owabe ezomsiza kuyo yonke
          imisebenzi yasendlini.

          'Ngabe usulale wavuka usunemali njalo Roy njengoba ukade uyilandula
          khona ebusuku nje?' Kubuza uMaKhulu engena ephuma nakhu phela
          ulungiselela ukuwasha izingubo ayelokhu ezicwilise ngayizolo ukuze asheshe
          azeneke angaze athathwe ngezinye izindlela zangoMgqibelo.

          'Impela Ma, nginayo noma ngingenayo imali, kufanele ukuba ngikulethele
          umuntu lapha ekhaya ozokusiza.'
          'Zaze zamnandi-ke izindaba Roy! Kodwa ebe engowakwabani yena lowo
          mntwana wabantu okwaze ukukunqoba, Roy?' Kubuza uMaKhulu.
          'UngowakwaMsomi khona lapha eMlazi, kwa-R, Ma.'
          'Ewu, kanti nguNomndayi? Kudela owaziyo ukuthi yena ubegeze kuphi!'
          'Ubengageze ndawo kodwa ngicabangela wena njengoba kade usho nje
          ebusuku. Okunye-ke futhi okungiqinisa idolo kube ngukuzwa ukuthi kubo
          akulotsholwa njengoba nami ngingenamali nje.'

          'Usho ukuthi kanti ngumfazi wamahhala lowo, Roy?'
          'Cha phela Ma, uRebecca uthi kuyisiko lakubo ukuthi umuntu angathengiswa
          ngoba akasiyona impahla.'

Akuvumelekile ukukopisha leli phepha                                            Pheqa ikhasi

### Page 15

Downloaded from hlayiso.com
IsiZulu Ulimi Lokuqala Lokwengeza (FAL)/P2     15                DBE/Februwari–Mashi 2015
                                              NSC

          'Ewu, kwasengathi ngiyakweshwama-ke lokho Roy! Kodwa-ke sesiyobona
          okwenzekayo. Ukumupha iso-ke nje nathi ebesithanda ukukwenza
          ungakamfaki lapha ekhaya.'

          5.2.1       Bahlangana kuphi oRoy noRebecca?                                       (1)

          5.2.2       Khetha impendulo efanele kwezilandelayo.

                      URoy wathola ibhantshi lakhe:

                      A   Elondolo
                      B   Ekhumbini
                      C   Ethuneni                                                           (1)

          5.2.3       Kungani uRoy ehlala nomama wakhe nakuba esemdala?                      (2)

          5.2.4       Chaza lesi simo sokukhuluma esibhalwe ngokugqamile kulo
                      musho olandelayo:

                      (a) Okunye-ke futhi okungiqinisa idolo kube ngukuzwa ukuthi
                          kubo akulotsholwa njengoba nami ngingenamali nje.                  (2)

                      (b) 'Ukumupha iso-ke nje nathi        ebesithanda    ukukwenza
                          ungakamfaki lapha ekhaya.'                                         (2)

          5.2.5       Washona kanjani uRebecca?                                              (2)

          5.2.6       Yini eyayenza umphefumulo kaRebecca ungakutholi ukuphumula?            (2)

          5.2.7       Bhala OKUKODWA uRoy okwakufanele akwenze ngale mali
                      ayinikezwa uRebecca.                                                   (2)

          5.2.8       Ngokucabanga kwakho kwakufanele enze njani               umama
                      kaRebecca ngenkathi uRebecca efika yize esashona.                      (2)

          5.2.9       Yimuphi umzamo owenziwa umama kaRebecca ukumsiza ukuthi
                      alale ngokuthula?                                                      (2)
                                                                                             [35]

                                                            AMAMAKI ESIQEPHU C:              35

                                             NOMA

Akuvumelekile ukukopisha leli phepha                                          Pheqa ikhasi

### Page 16

Downloaded from hlayiso.com
IsiZulu Ulimi Lokuqala Lokwengeza (FAL)/P2    16                  DBE/Februwari–Mashi 2015
                                             NSC

ISIQEPHU D: IZINKONDLO

AMAHLOKOHLOKO/IZINKWAZI ZOTHUKELA – EJ Mhlanga noJJ Thwala

Kulesi siqephu phendula YOMIBILI imibuzo; umbuzo 6.1 no 6.2.

UMBUZO 6

6.1       Funda inkondlo engenzansi bese uphendula imibuzo ezolandela:

          Ngiyogiya Ngiqephuze – NL Luthuli

          1           Ngiyogiya ngiqephuze,
          2           Ngihay' izibongo.
          3           Ngingqabashiye ngihalalise ngokuqhashambula
          4           Sengiphumelele ukufez'ezeminyak' izifiso
          5           Nezinhloso zami ngelokujaja ilanga.
          6           Senginqwanjiswe umnqwamb' oqavile.
          7           Sengiyikazel'iminyezane yakomfundo.

          8           Ngiyogiya ngiqephuze.
          9           Ngigiye ngiqephuze ngiqeketh' izindaba
          10          Ngigiye ngilokoth' amagam' angalokothwayo
          11          Alab' abayibekile induk' ebandla.
          12          Abachathazil' emagulen' abo ezangqondo
          13          'Ze ngiqwal'eqonsayo imimango.

          14          Ngiyogiya ngiqephuze.
          15          Ngigiye kuyiyize omame nezalukazi.
          16          Besho bempongoloza ngamaphimbo emizwilili.
          17          Usho mfo kaShandu ukuth' uyalazi leli
          18          Bhobhodleyana lakoMshibe.
          19          Usho liphekwe kweyakh' imbiza
          20          Ugiye kanye nalo ngaphimbo linye
          21          Ningqabashiye 'ze nakwabezay' ixoxw' indaba.

          6.1.1       Khetha impendulo efanele kwezilandelayo.

                      Kule nkondlo imbongi ikhuluma ngento:

                      A   Esazokwenzeka
                      B   Eseyenzeka
                      C   Engeke yenzeke                                                      (1)

          6.1.2       Iziphi lezi zifiso eziyokwenza imbongi igiye iqephuze lapho
                      seziphumelele?                                                          (1)

          6.1.3       Bhala uhlobo lwemvumelwano olutholakala kule migqa elandelayo.

                      Ngiyogiya ngiqephuze,
                      Ngihay' izibongo.
                      Ngingqabashiye ngihalalise ngokuqhashambula                             (2)

Akuvumelekile ukukopisha leli phepha                                           Pheqa ikhasi

### Page 17

Downloaded from hlayiso.com
IsiZulu Ulimi Lokuqala Lokwengeza (FAL)/P2     17                 DBE/Februwari–Mashi 2015
                                              NSC

          6.1.4       Bhala uhlobo lokuxhumana olutholakala kule migqa elandelayo:

                      Ngigiye ngiqephuze ngiqeketh' izindaba
                      Ngigiye ngilokoth' amagam' angalokothwayo                                (2)

          6.1.5       Esitanzeni    sokugcina         tomula     umugqa       oqukethe
                      ukwenzasasilwane.                                                        (2)

          6.1.6       Chaza lezi zimo zokukhuluma njengoba zisetshenzisiwe kule
                      nkondlo:

                      (a) Ukumpongoloza ngamaphimbo.                                           (2)

                      (b) Bhobhodleyana lakoMshibe                                             (2)

          6.1.7       Bhala umugqa oyimpindwa kule nkondlo.                                    (2)

          6.1.8       Iluhlobo luni le nkondlo? Sekela.                                        (2)

          6.1.9       Ngamaphuzu AMABILI bhala umqondo wale nkondlo.                           (2)

6.2       Funda inkondlo engenzansi bese uphendula imibuzo ezolandela:

          Kuyosala Izibongo – Thembinkosi B Qwabe

          1           Wayengathethi manga okaNdaba,
          2           Ngesikhathi ethi ziyofa izinsizwa kusale izibongo.
          3           Kula mathafa ezwe lethu kwake kwaphila izinsizwa,
          4           Ezazigijima mzila munye nezingwenya ezibulalayo,
          5           Zibhukuda mfula munye nezingwenya ezibulalayo
          6           Zibanga amaqele namabhubesi abulalayo,
          7           Zidwanguza amahlathi nezingwe ezibulalalayo.

          8           Ekuhambeni kwami nginqamula izwe lakithi,
          9           Ngibona inhlaba imile ngezinyawo ihlobile,
          10          Namatshe elele ngezisu elanda ezasendulo,
          11          Notshani kukhwele ngezidindi kukhinindelana ezasendulo,
          12          Kuyaye kube sengathi ngamehlo ami,
          13          Ngibona amaqhawe akithi avunule ngamabheshu,
          14          Ezandleni ebambe amahawu amaqhabanga namaklwa,
          15          Ezinyaweni embethe ukushesha okungathi okombani,
          16          Esho ingoma yempi esenukelwa yigazi,
          17          Edinwe evevezela okweminyovu ngokudlokodlwa ehlweni.

          18          Ngiwabona ethi shalushalu,
          19          Egane unwabu, ngimfunge uNonhlanhla kababa,
          20          Elwa engakhokhi moya noma seyaphela impi,
          21          Elwa ngemimoya ekhathazekile ngoba engagezwanga,
          22          Futhi kungekho namunye owathi shwele.

Akuvumelekile ukukopisha leli phepha                                            Pheqa ikhasi

### Page 18

Downloaded from hlayiso.com
IsiZulu Ulimi Lokuqala Lokwengeza (FAL)/P2     18                  DBE/Februwari–Mashi 2015
                                              NSC

          6.2.1       Khetha impendulo efanele kwezilandelayo.

                      Imbongi ... kaNonhlanhla.

                      A   Ingumakhelwane
                      B   Isithandwa
                      C   Umfowabo                                                            (1)

          6.2.2       Bhala   izinto EZIMBILI    ezaziphathwa   yilawa        maqhawe
                      okukhulunywa ngawo kule nkondlo uma eya empini.                         (2)

          6.2.3       Esitanzeni sokuqala tomula ibinzana elichaza ukuthi          lawa
                      maqhawe okukhulunywa ngawo awasekho kulo mhlaba.                        (1)

          6.2.4       Esitanzeni sokuqala tomula imigqa EMIBILI ekhomba/eveza ukuthi
                      lawa maqhawe okukhulunywa ngawo ayenza izinto eziningi
                      ezazibeka izimpilo zawo engozini.                                       (2)

          6.2.5       Chaza lezi       zimo   zokukhuluma     njengoba    zisetshenziswe
                      enkondlweni:

                      (a) Ziyofa izinsizwa kusale izibongo.                                   (2)

                      (b) Egane unwabu,                                                       (2)

          6.2.6       Bhala uhlobo lwesifengqo oluqukethwe yilo muqga olandelayo.

                      Namatshe elele ngezisu elanda ezasendulo.                               (2)

          6.2.7       Iluhlobo luni le nkondlo? Sekela impendulo yakho.                       (2)

          6.2.8       Ngamaphuzu AMATHATHU bhala umqondo wale nkondlo.                        (3)
                                                                                              [35]

                                                               AMAMAKI ESIQEPHU D:            35
                                                               AMAMAKI ESEWONKE:              70

Akuvumelekile ukukopisha leli phepha

## Related documents

- [IsiZulu FAL P1 Feb March 2015](https://www.hlayiso.com/library/isizulu-fal-p1-feb-march-2015/1e7ce2ee-0eb0-4420-be76-48c670cd2dcf) — isiZulu FAL · QP · 2015 · isiZulu
- [IsiZulu FAL P3 Feb March 2015](https://www.hlayiso.com/library/isizulu-fal-p3-feb-march-2015/98eb8df0-2e0d-4798-b4b5-25265ad059ca) — isiZulu FAL · QP · 2015 · isiZulu
- [IsiZulu FAL P2 Feb March 2018](https://www.hlayiso.com/library/isizulu-fal-p2-feb-march-2018/10d6df44-4ceb-431c-a2d4-9d645c369848) — isiZulu FAL · QP · 2018 · isiZulu
- [IsiZulu FAL P2 Feb March 2017](https://www.hlayiso.com/library/isizulu-fal-p2-feb-march-2017/2ba221aa-f478-4dbc-8366-9bddf949eb04) — isiZulu FAL · QP · 2017 · isiZulu
- [IsiZulu FAL P2 Feb March 2016](https://www.hlayiso.com/library/isizulu-fal-p2-feb-march-2016/2f41ad0f-ab0e-4d98-8af4-df82dc5c50ba) — isiZulu FAL · QP · 2016 · isiZulu
- [IsiZulu FAL P1 Feb March 2015 Memo](https://www.hlayiso.com/library/isizulu-fal-p1-feb-march-2015-memo/88896ca7-e8e3-4bb4-9155-e578f75fa338) — isiZulu FAL · Memo · 2015 · isiZulu

## More from Grade 12 isiZulu FAL

- [Gr 12 IsiZulu FAL ATP 2023-24](https://www.hlayiso.com/library/gr-12-isizulu-fal-atp-2023-24/2e221b22-767a-49bf-870c-b3cf4e8bcddd) — ATP
- [IsiZulu FAL P1 May-June 2025 MG](https://www.hlayiso.com/library/isizulu-fal-p1-may-june-2025-mg/c987c299-55ce-451b-9c9c-d9f577f9aec6) — Memo · 2025 · isiZulu
- [IsiZulu FAL P2 May-June 2025 MG](https://www.hlayiso.com/library/isizulu-fal-p2-may-june-2025-mg/fc0b2153-7afc-4c51-9210-38edf5f25888) — Memo · 2025 · isiZulu
- [IsiZulu FAL P3 May-June 2025 MG](https://www.hlayiso.com/library/isizulu-fal-p3-may-june-2025-mg/cec2350a-6309-437b-a49e-a04527a0ca1c) — Memo · 2025 · isiZulu
- [IsiZulu FAL P2 Nov 2025 MG](https://www.hlayiso.com/library/grade-12-isizulu-fal-2025-nsc-november-exam-question-paper-paper-2-isizulu/d890b2cf-f80e-4a5f-aa33-e13bde37273e) — Memo · 2025 · isiZulu
- [IsiZulu FAL P3 Nov 2025 MG](https://www.hlayiso.com/library/grade-12-isizulu-fal-2025-nsc-november-exam-question-paper-paper-3-isizulu/8210b3fd-54a1-4a7b-a22f-fe44c32fcc1a) — Memo · 2025 · isiZulu

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
