# isiZulu FAL Grade 12 P2 NSC Supplementary 2016 QP

> Grade 12 isiZulu FAL Paper 2 question paper from the NSC Supplementary Exam 2016, 19 pages. Read online or download the free PDF.

- Page: https://www.hlayiso.com/library/isizulu-fal-p2-feb-march-2016/2f41ad0f-ab0e-4d98-8af4-df82dc5c50ba
- Updated: 2026-09-27
- Subject: isiZulu FAL
- Grade: Grade 12
- Language: Isizulu
- Document type: Question paper
- Year: 2016
- Exam period: NSC Supplementary Exam
- Paper: 2
- Curriculum: CAPS
- Pages: 19

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiZulu FAL](https://www.hlayiso.com/library/grade-12/isizulu-fal) › [isiZulu FAL Grade 12 P2 NSC Supplementary 2016 QP](https://www.hlayiso.com/library/isizulu-fal-p2-feb-march-2016/2f41ad0f-ab0e-4d98-8af4-df82dc5c50ba)

## About this document

Isizulu Fal · Grade 12 · NSC Supplementary Exam · 2016 · isizulu. Question paper, 19 pages. Read online or download the PDF.

Read it free online on the page above; download the PDF from there.

## Matching paper and memo

- [IsiZulu FAL P2 Feb March 2016 Memo](https://www.hlayiso.com/library/isizulu-fal-p2-feb-march-2016-memo/a2b18248-df0d-46df-952a-9f7b3adcf9d8) — Memo · 2016 · isiZulu

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                        NATIONAL
                                   SENIOR CERTIFICATE

                                       IBANGA LE-12

                ISIZULU ULIMI LOKUQALA LOKWENGEZA (FAL)

                                   IPHEPHA LESIBILI (P2)

                                 FEBRUWARI/MASHI 2016

AMAMAKI: 70

ISIKHATHI: Amahora ama-2

                               Leli phepha linamakhasi ayi-19.

Akuvumelekile ukukopisha leli phepha                             Pheqa ikhasi

### Page 2

Downloaded from hlayiso.com
IsiZulu Ulimi Lokuqala Lokwengeza (FAL)/P2      2                DBE/Februwari–Mashi 2016
                                               NSC

IMIYALELO KWABAHLOLWAYO

1.        Fundisisa kahle imiyalelo ngaphambi kokuba uphendule imibuzo.

2.        Ungayifundi yonke imibuzo ekuleli phepha. Bheka OKUQUKETHWE ekhasini
          elilandelayo bese umaka izinombolo zemibuzo yezincwadi ozifundile kulo
          nyaka. Ngemuva kwalokho funda le mibuzo bese ukhetha imibuzo
          ezincwadini EZIMBILI ozophendula ngazo.

3.        Leli phepha LINEZIQEPHU EZINE:

          ISIQEPHU A:       Inoveli                       (35)
          ISIQEPHU B:       Umdlalo                       (35)
          ISIQEPHU C:       Izindaba ezimfishane          (35)
          ISIQEPHU D:       Izinkondlo                    (35)

4.        Phendula imibuzo         EMIBILI   kuphela,   umbuzo   OWODWA      esiqeshini
          NGASINYE.

          ISIQEPHU A: INOVELI
          Phendula umbuzo ngenoveli EYODWA oyifundile.

          ISIQEPHU B: UMDLALO
          Phendula umbuzo ngomdlalo OWODWA owufundile.

          ISIQEPHU C: IZINDABA EZIMFISHANE
          Phendula imibuzo ngazo ZOMBILI izindaba ezimfishane ezihlolwayo.

          ISIQEPHU D: IZINKONDLO
          Phendula imibuzo ngazo ZOMBILI izinkondlo ezihlolwayo.

5.        Sebenzisa uhlu lokubheka imibuzo ephenduliwe (checklist) ukubheka ukuthi
          ukhethe ngendlela efanele.

6.        Landela imiyalelo esekuqaleni kwesiqephu NGASINYE.

7.        Bhala izinombolo zezimpendulo zakho ngale ndlela ezibhalwe ngayo
          emibuzweni.

8.        Qala ISIQEPHU ngasinye ekhasini ELISHA.

9.        Bhala ngobunono nangesandla esibonakalayo nesifundekayo.

10.       Qikelela ukusebenzisa isikhathi esicishe sibe imizuzu engama-60 esiqeshini
          ngasinye.

Akuvumelekile ukukopisha leli phepha                                           Pheqa ikhasi

### Page 3

Downloaded from hlayiso.com
IsiZulu Ulimi Lokuqala Lokwengeza (FAL)/P2    3           DBE/Februwari–Mashi 2016
                                             NSC

OKUQUKETHWE:

Leli khasi lizokusiza ukukhetha imibuzo ofisa ukuyiphendula ngaphandle kokufunda
yonke imibuzo.

ISIQEPHU A: INOVELI

Phendula noma yimuphi umbuzo OWODWA ngenoveli oyifundile.
    IZINOMBOLO ZEMIBUZO               AMAMAKI                        IKHASI
1. Kusinda Kwehlela Endodeni             35                             5

2.   Umshado                                       35                   7

ISIQEPHU B: UMDLALO

Phendula noma yimuphi umbuzo OWODWA ngomdlalo owufundile.
3. Ababulali Benyathi                   35                              9

4.   Isiko Nelungelo                               35                  12

ISIQEPHU C: IZINDABA EZIMFUSHANE

Phendula imibuzo YOMIBILI.
5.1 'UNozimoto'                                    18                  14

5.2 'Lapho Kukhona Uthando'                        17                  15

ISIQEPHU D: IZINKONDLO

Phendula imibuzo YOMIBILI.
6.1 'Phansi'                                       17                  17

6.2 'Kwamfaz' ongemama'                            18                  18

Akuvumelekile ukukopisha leli phepha                                    Pheqa ikhasi

### Page 4

Downloaded from hlayiso.com
IsiZulu Ulimi Lokuqala Lokwengeza (FAL)/P2         4            DBE/Februwari–Mashi 2016
                                                  NSC

Uhlu Lokubheka Imibuzo Ekhethiwe:

        ISIQEPHU                IZINOMBOLO          IMIBUZO        THIKHA
                                 ZEMIBUZO         EPHENDULIWE      UMBUZO
                                                                 OWUKHETHILE

A: INOVELI                             1–2
                                          NOMA

B: UMDLALO                             3–4
                                          NOMA
C: IZINDABA
   EZIMFISHANE                         5
                                           NOMA

D: IZINKONDLO                          6

QAPHELA: Qiniseka ukuthi uphendula imibuzo eziqeshini EZIMBILI kuphela.

Akuvumelekile ukukopisha leli phepha                                          Pheqa ikhasi

### Page 5

Downloaded from hlayiso.com
IsiZulu Ulimi Lokuqala Lokwengeza (FAL)/P2     5                DBE/Februwari–Mashi 2016
                                              NSC

ISIQEPHU A: INOVELI

UMBUZO 1: KUSINDA KWEHLELA ENDODENI – SJ Mchunu

Funda isiqeshana esingezansi bese uphendula imibuzo ezolandela:

ISIQESHANA A

UManyoba wasebenza eGoli iminyaka eminingi engakwazi ukuzijabulisa ngoba
efundisa izingane zakhe, efuna ukuba zisebenze zinganceli isithupha njengaye.
Engakayi ukuyofuna umsebenzi ePitoli, wake wahlaselwa ukufa okwamenza
waphindela ekhaya. Wahlatshwa izibhobo zathi azimbulale, zaze zathi izinsizwa
zakubo kungcono abuyele ekhaya ukuze alashwe ngesiZulu ngoba becabanga ukuthi
waphuzela okhambeni okwakuphehlelwa amanzi ngalo.

Wahanjiswa ekhaya ngokushesha. Walashwa kodwa kwanhlanga zimuka nomoya,
wase eyiswa esibhedlela saseGreytown. Esengcono waphindela eGoli lapho
ayesebenza khona, wahlala unyaka wonke wase ethola umsebenzi ePitoli. Kwaba kubi
impela ezinsizweni zangakubo esehamba eGoli, kodwa-ke kwakungekho
ababezokwenza ngalokho ngoba babengeke balawule impilo yakhe.

Wahamba kanjalo-ke eGoli. Engakashiyi ePitoli wafunda ukushayela izimoto ezincane,
wazithola izincwadi zokushayela ngemuva kokukhulu ukwehluleka lokhu. Wajabula
kakhulu ngoba uNdabazabantu wamnika umsebenzi wokushayela khona ngaphakathi
efemini, ngemuva nje kwesikhashana esanda kuthola izincwadi.

Ngemuva kwezinyanga ezimbalwa, wanikwa umuntu owazi kahle indawo ukuze aqale
ukuhambisa izimpahla ezindaweni lapho zifuneka khona. Lo msebenzi wamhambisa
iPitoli neGoli lonke ngoba wayediliva izimpahla. Wawusebenza-ke lo msebenzi
ngokukhulu ukuzimisela lokhu. Wagcina ewushiyile umsebenzi wabuyela kwelakubo.
EPitoli wasebenza kahle impela ehlala ehositela eMamelodi. Nakhona la kwakukhona
ezinye izinsizwa zangakubo, okwakuyizo ezamtholela umsebenzi. Inkinga yakhe
manje kwakungukuthi izingane sezikhulakhulile, sekufanele ziyosebenza isithupha

1.1       Wayeguliswa yini uManyoba ngesikhathi esebenza eGoli?                              (1)

1.2       Yini eyayizosiza       uManyoba    njengoba   egula   ngokusho   kwezinsizwa
          zangakubo?                                                                         (2)

1.3       Tomula umusho osesiqeshini ositshela ukuthi uManyoba akumsizanga
          ukwelashwa ekhaya.                                                                 (2)

1.4       Khetha impendulo efanele kwezilandelayo:

          Isimo sokukhuluma esibhalwe ngokugqamile kulo musho olandelayo sisho:
          'Wayefuna ukuthi zisebenze zinganceli isithupha njengaye.'

          A     Ukudla
          B     Ukuhlupheka
          C     Ukusola
          D     Ukudideka                                                                    (1)

Akuvumelekile ukukopisha leli phepha                                          Pheqa ikhasi

### Page 6

Downloaded from hlayiso.com
IsiZulu Ulimi Lokuqala Lokwengeza (FAL)/P2       6                   DBE/Februwari–Mashi 2016
                                                NSC

1.5       UManyoba washada esenezingane ezimbili noMaNdlovu. Bhala amagama
          alezo zingane.                                                                           (2)

1.6       Yini ayenza uManyoba ngenkathi esasebenza eGoli ukuzithuthukisa. Bhala
          amaphuzu AMABILI.                                                                        (2)

1.7       Bhala izinto ezimbi ezazishiwo unkosikazi kaFanyana kuMaNdlovu ngenkathi
          ehlala emzini wabo. Bhala amaphuzu AMABILI.                                              (2)

1.8       Bhala izibonelo EZIMBILI zobugebengu ezitholakala kule noveli.                           (4)

1.9       Chaza ukuthi uManyoba wafunda kanjani ukudlala ilotho.                                   (2)

1.10      Ukungathembeki kukaNtombela kumakhosikazi akhe kwaba namthelela muni
          ngenkathi eseshonile. Bhala amaphuzu AMATHATHU.                                          (3)

1.11      UMaNdlovu uvezwe njengomlingiswa onjani? Bhala amaphuzu AMABILI.                         (2)

1.12      Yisiphi isifundo       ositholile   mayelana     nempilo     kaManyoba?     Bhala
          OKUTHATHU.                                                                               (3)

1.13      Umbhali wale noveli uphumelele kahle ukuphetha le ndaba. Sekela lesi
          sitatimende ngokulandela indaba.                                                         (2)

1.14      Ucabanga ukuthi uManyoba walaba kahle yini ifa lakhe? Sekela impendulo
          yakho.                                                                                   (2)

1.15      Qondanisa IKHOLOMU B neKHOLOMU A.

                     IKHOLOMU A                                  IKHOLOMU B
          1.15.1       UBheki                        A Ummeli

          1.15.2      UMjwayeli                      B Uthisha

          1.15.3      UMgoza                         C Umshayeli wezimoto ezinkulu

          1.15.4      UFanyana                       D Umcwaningi wamabhuku

          1.15.5      UMduduzi                       E Uthishanhloko
                                                                                      (5 x 1)      (5)
                                                                                                   [35]

                                              NOMA

Akuvumelekile ukukopisha leli phepha                                                Pheqa ikhasi

### Page 7

Downloaded from hlayiso.com
IsiZulu Ulimi Lokuqala Lokwengeza (FAL)/P2      7                 DBE/Februwari–Mashi 2016
                                               NSC

UMBUZO 2: UMSHADO – N Zulu

Funda isiqeshana esingezansi bese uphendula imibuzo ezolandela:

ISIQESHANA B

'Kanti usubuyile Bheki?'
'Sengibuyile mama. Into embi nje ukuthi umakoti uyagula usesibhedlela.'
'Bathi uphethwe yini?'
'Unesi uthe bazothola kahle kusasa; basamhlola.'
'Kwakubi-ke lokho. Nokho-ke ungethuki, uzoba ngcono.'
'Usho ukuthini uma usho njalo, kanti awusiye unesi?'
'Angisale sengikutshela nje mfana noma lolu daba bekuyimfilo yami kuphela.'
Athule uBheki alindele le ndaba eza nonina.
'Mina mntanami ngake ngaya kwababonayo. Bangitshela ukuthi umakoti uzoguliswa
ukudla izidakamizwa.'
'Izidakamizwa!'
'Yebo mfana wami.'
Kume umqondo kuBheki. Abone ukuthi uhlangene nezimbila zithutha kuTholi.
Acabange into engapheli uBheki. Ashaywe uvalo uma ecabanga ukuthi uzomyekisa
kanjani uTholi lo mkhuba. Abone kuyinto elikhuni kabi ukuhlala nomuntu odla
izidakamizwa.
'Kodwa yinto engizoyithini lena mama?'
'Impela angazi Bheki. Inkinga phela ukuthi wena uvele uvimbe ngokuthi umthanda
kakhulu lo makoti wakho.'
Athule uBheki. Kufike umqondo othi akavele amale uTholi lo azihlalele. Abuye
akhumbule inkinga yephupho likayise. Kufike umqondo wokuthi akavele ayozifunela
uLindiwe ashade naye kuphele kanjalo. Abuye abone ukuthi ngoba noTholi
uyamthanda kokunye uyoziyeka zonke lezi zinto azenzayo. Azitshele ukuthi
ngaphambi kokuba bashade uyombuza uTholi ukuthi uzohlukana yini nazo zonke lezi
zinto zokungcola.
'Mama, ake ngiyophumuza ikhanda ngingaze ngihlanyiswe yilo mlobokazi.'

2.1       Ubani lo makoti ogulayo kulesi siqeshana esingenhla? Kuthiwa ugulela
          kuphi?                                                                               (2)

2.2       Obani abatshela          umama     kaBhekani   ukuthi    umakoti   uzoguliswa
          izidakamizwa?                                                                        (1)

2.3       Ubani igama lomngani walo makoti okukhulunywa ngaye esiqeshini?                      (1)

2.4       Khetha impendulo efanele kwezilandelayo:

          Isimo sokukhuluma esithi: uhlangene nezimbila zithutha sisho ukuthi:

          A     Uhlangene namagundane ephuma engena endlini.
          B     Ubhekene nenkinga.
          C     Ubhekene necala.
          D     Uhlangene nabantu bethutha ummbila.                                            (1)

Akuvumelekile ukukopisha leli phepha                                            Pheqa ikhasi

### Page 8

Downloaded from hlayiso.com
IsiZulu Ulimi Lokuqala Lokwengeza (FAL)/P2         8                  DBE/Februwari–Mashi 2016
                                               NSC

2.5       UBhekani wayengakuthandi ukuyobhula.                Bhala   izizathu     EZINTATHU
          ayezibeka/ayezisho mayelana nalokhu.                                                         (3)

2.6       Yini eyenziwa uBhekani eyayiphambene nesiko? Bhala ngamaphuzu
          AMABILI.                                                                                     (2)

2.7       ULindiwe wayemthanda           kakhulu       uBhekani.   Sekela   lesi   sitatimende
          ngamaphuzu AMABILI.                                                                          (2)

2.8       Yisiphi isilwane esaphushwa         nguTholi       esasiwuphawu     lokuthi     ubaba
          kaBhekani unolaka?                                                                           (1)

2.9       Bhala isigameko ESISODWA sodweshu lwangaphakathi olutholakala kule
          ndaba.                                                                                       (2)

2.10      Bhala izizathu EZIMBILI ezazenza ukuthi umalume kaBhekani angamthandi
          uTholakele.                                                                                  (2)

2.11      UBhekani uvezwe njengomlingiswa onjani? Bhala amaphuzu AMABILI.                              (2)

2.12      USifiso wayemazi kakhulu uTholakele. Sekela lesi sitatimende ngamaphuzu
          AMABILI.                                                                                     (2)

2.13      Yimuphi umyalezo uZenze ayewulethele uBhekani athi uvela kubo kwaTholi?                      (2)

2.14      Ukuba wawungumama kaBhekani wawungameluleka                       uthini ngenkathi
          umshado ungasaphumeleli.                                                                     (2)

2.15      Bhala indikimba yale noveli.                                                                 (2)

2.16      Xoxa ngesigameko esenzeka ngenkathi uBhekani ephuma ukuyobona uTholi
          esibhedlela. Bhala amaphuzu AMATHATHU.                                                       (3)

2.17      Qondanisa IKHOLOMU B neKHOLOMU A.

                     IKHOLOMU A                            IKHOLOMU B
          2.17.1       Ukuya kwababonayo           A Umlobokazi

          2.17.2      Basamhlola                   B Ukulungela okuthile

          2.17.3      Umakoti                      C Ukuxilonga

          2.17.4      Ukuyophumuza                 D Ukuyobhula
                      ikhanda
                                                   E Ukuyophumula
          2.17.5      Ukuma ngomumo
                                                                                          (5 x 1)      (5)
                                                                                                       [35]

                                                                   AMAMAKI ESIQEPHU A:                 35

Akuvumelekile ukukopisha leli phepha                                                    Pheqa ikhasi

### Page 9

Downloaded from hlayiso.com
IsiZulu Ulimi Lokuqala Lokwengeza (FAL)/P2      9           DBE/Februwari–Mashi 2016
                                               NSC

ISIQEPHU B: UMDLALO

UMBUZO 3: ABABULALI BENYATHI – RM Mngadi

Funda isiqeshana esingezansi bese uphendula imibuzo ezolandela:

ISIQESHANA C

(Ntambama emzini wenkosi. UShandu uhleli nomkakhe, bayaxoxa.)

SHANDU:         MaNgema angikuphikisanga mhlazana uzama ukuthi ngimbize uDuma.
                Yebo, ngakwenza lokho kodwa akusebenzanga. Manje, uthi
                angenzenjani-ke futhi.

MANGEMA: Baba, ngizoqala ngokubonga ngoba wangilalela yize nje wawunalokho
         kungabaza.     Khona    akukho   osengakwenza.     Angazi  kodwa,
         sengethembele enhlanganweni yakhe uDuma ikakhulu labo
         abasezihlalweni eziphezulu kulesi sifundazwe. Kwanginika ithemba
         ukuthi isikhulu soMnyango wezendabuko sakuthembisa ngokuthi
         sizobikela abenhlangano yakhe emazingeni aphezulu.

SHANDU:         Hhayi-ke bandla, masethembe bona osopolitiki. (athule kancane)
                Uyabona, ukube kuseyisendulo, bengizomane ngimdingise uMbandlwa
                ngoba nguye oyimpethu.

MANGEMA: Khohlwa-ke baba. Njengoba sekubonwa ngentando yeningi nje, ngeke
         uyilinge leyo nto. Kwabanye abantu intando yeningi isho ukuthi kufanele
         umuntu alifune ilungelo lakhe bese naye enikeza abanye elabo ilungelo.

SHANDU:         Uyakhuluma lapho MaNgema. Kafushane nje singathi, konke
                esikwenzayo kufanele kuncike kuthatha-nika. Uma wena uthatha nje
                kwaphela kodwa unganiki, uyayibulala intando yeningi. (banqekuzise
                amakhanda bobabili, bevumelana)

                (Phandle kukhuleke induna uDlamini.)

DLAMINI:        Ndabezitha! Ndabezitha!

SHANDU:         Ngena Mzizi!

                (Angene uDlamini. Iphepha aliphethe ngesandla alibeke phambi
                kwenkosi bese ehlala phansi.)

DLAMINI:        Ngiyanibingelela Ndabezitha.

SHANDU:         (ufunda iphepha ngesikhathi ekhuluma) Yebo Mzizi. (alibuke iphepha
                aze anikine ikhanda, ubuso bugcwale intukuthelo)

Akuvumelekile ukukopisha leli phepha                                      Pheqa ikhasi

### Page 10

Downloaded from hlayiso.com
IsiZulu Ulimi Lokuqala Lokwengeza (FAL)/P2   10             DBE/Februwari–Mashi 2016
                                             NSC

MANGEMA: (eqondise kuDlamini) Mzizi, leli phepha sengathi alilungile nje. (abhekise
         kuShandu) Baba, yini? Hhayi bo! Leli phepha kanti libhalweni?

SHANDU:         MaNgema, ngiyadumala. Uyazi, kuphela ngisho nasozwaneni. Leli
                phepha libhalwe isaziso somhlangano ozobanjwa ngoMgqibelo lo
                wakusasa njengoba kunguLwesithathu nje namuhla. Lapha, kubhalwe
                nezihlokwana zezinhlelo zentuthuko. Amanzi, ugesi, umtholampilo,
                izinkundla zezemidlalo kanye nemigwaqo ezofakwa itiyela. Ekugcineni
                kubhalwe kwagqama ukuthi amaphoyisa azobe ekhona.

3.1       Wayenasikhundla sini uDuma?                                                    (1)

3.2       Bhala izinto EZIMBILI ezazizosiza abantu uma kulethwa intuthuko kule
          ndawo.                                                                         (2)

3.3       Sithini isethembiso esanikezwa ngaboMnyango wezeNdabuko enkosini
          uShandu?                                                                       (2)

3.4       Yini eyenza ukuthi inkosi uShandu ingakwazi ukudingisa uMbandlwa?              (2)

3.5       Khetha impendulo efanele kwezilandelayo:

          Isimo sokukhuluma esibhalwe ngokugqamile kulo musho olandelayo sisho
          ukuthi:

          'Uyazi kuphele ngisho nasozwaneni':

          A     Ukujabula
          B     Ukucasuka
          C     Ukudumala
          D     Ukungazi ukuthi uzothini                                                 (1)

3.6       Bhala indlela ekhombisa inhlonipho uma umuntu ekhuluma nenkosi yendawo.        (2)

3.7       Bhala   isigameko     esenzeka    emhlanganweni         owawusesikoleni
          saseNdabuzekwayo. Bhala amaphuzu AMATHATHU.                                    (3)

3.8       Wakukhombisa kanjani uMaShezi ukuthi akahambisani/akezwani nendlela
          uDuma noMbandlwa abenza ngayo izinto?                                          (2)

3.9       Tomula umusho ochaza indlela abaholi okufanele basebenzisane ngayo
          embusweni wentando yeningi.                                                    (2)

3.10      Ngabe umbhali ubaveze kanjani laba badlali abalandelayo? Bhala amaphuzu
          AMABILI ngomdlali ngamunye.

          3.10.1      UMbandlwa                                                          (2)

          3.10.2      UMazongolo                                                         (2)

Akuvumelekile ukukopisha leli phepha                                      Pheqa ikhasi

### Page 11

Downloaded from hlayiso.com
IsiZulu Ulimi Lokuqala Lokwengeza (FAL)/P2   11               DBE/Februwari–Mashi 2016
                                             NSC

3.11      Bhala izigameko zodlame EZIMBILI ezenzeka endaweni yenkosi uShandu.              (2)

3.12      Incwadi eyabhalwa inkosi uShandu yaba namuphi umthelela? Bhala
          amaphuzu AMATHATHU.                                                              (3)

3.13      Xoxa ngesisusa sodweshu phakathi kukaDuma nonogada wenkosi.                      (2)

3.14      Kungabe IQINISO noma UMBONO ukuthi abantu besifazane abakulo mdlalo
          yibona abenza kwaba noxolo kule ndawo. Sekela impendulo yakho.                   (2)

3.15      Qondanisa IKHOLOMU B neKHOLOMU A.

                     IKHOLOMU A                        IKHOLOMU B
          3.15.1       Isizinda                A Ushandu

          3.15.2      Udabula                  B Umbandlwa

          3.15.3      Ummeleli                 C Unogada

          3.15.4      Umzizi                   D Indawo, isikhathi nesimo senhlalo

          3.15.5      Umqhathi                 E Isithakazelo senduna
                                                                              (5 x 1)      (5)
                                                                                           [35]

                                        NOMA

Akuvumelekile ukukopisha leli phepha                                        Pheqa ikhasi

### Page 12

Downloaded from hlayiso.com
IsiZulu Ulimi Lokuqala Lokwengeza (FAL)/P2     12               DBE/Februwari–Mashi 2016
                                               NSC

UMBUZO 4: ISIKO NELUNGELO – N Zulu

Funda isiqeshana esingezansi bese uphendula imibuzo ezolandela:

ISIQESHANA D

(UThenjiwe uyasebenza ekhishini ukhuluma yedwa)

THENJIWE: Sengathi ayisekho le nto engiyiphilelayo emhlabeni. Ukufa kukaSipho
          kuyimbokodo engisindayo emahlombe. Uyena umuntu engangicabanga
          ukumthanda, Ngiziganele yena ngokuzayo. Manje akasekho. Kodwa
          uDumisani wonke lo. Namuhla ngiyamsusa. Angimenzele itiye. Uphi loya
          muthi (acinge). Ngakhumbula ngawufihla lapha phezulu. Loya baba
          wangitshela ukuthi uma uwufake etiyeni, ujuqu. (Awuthathe). Abakithi
          sebeyongixolela. Angizenzi. Ngeke ngijabule uDumisani esaphila. Konje
          ugogo kuthiwa uyangifuna? Angisheshise. Kufuneka uyafika ubaba
          sengimsusile uDumisani. Ugogo ngiyamesaba. Uzongiphoqelela ukuba
          ngigane uDumisane. Kufuneka athi eqambe ekhuluma kube kuthiwa
          ishoba selilele amazolo kulowo. Ingabe uyothini ubaba? Kodwa naye
          wavele wangitshela ngesiko wagcina lapho. UDumisani angimfuni futhi
          angizenzisi. Kubi ukubulala umuntu. Sengathi ngingathola into
          ezonginika isibindi. Ngizovele ngiliginge nje. Hhayi, angingaphuzi ibucayi
          le nto engiyenzayo, ifuna umqondo uphile kahle. Konje ingane isimbizile
          uDumisani. Angilithele itiye ngiqulele lo muthi. Uma eke waqhabula
          kathathu kuyobe sekwanele. (Aqaqe iphepha. Afake umuthi etiyeni. Athi
          ukugoqoza. Kungene uDumisani) Bengithi uThabi! (Ethukile) Nanti itiye.
          (Alisondeze etafuleni. Ahlale phansi uDumisani)

DUMISANI:       Bengithi alikalungi itiye makoti. Cha uyasheshisa. (Athele ushukela.
                Agoqoze. Kungene uThabi) Nangu-ke uThabi obumfuna.

THENJIWE: (Abheke kuThabi) Nawe ufuna itiye?

DUMISANI:       Kufuneka azenzele. Suka lapha uzochitha itiye lami!

THABI:          Ngifuna ukuphuza kanye leli lakho.
                (Alithathe)

THENJIWE: Kahle wena              Thabi!   Wenzani!   Ngizokwenzela   elakho!    (Azame
          ukumephuca)

4.1       UThenjiwe usola bani ngokufa kukaSipho?                                              (1)

4.2       Yini eyayenza ukuthi uThabi afune ukuphuza itiye likaDumisani?                       (2)

4.3       Babehlobene kanjani oDumisani noThabi?                                               (1)

4.4       Tomula umusho osesiqeshini ositshela ukuthi uthando uThenjiwe ayenalo
          ngoSipho lwalungaphezu kobungani.                                                    (2)
4.5       Yisiphi isizathu esenza uThenjiwe afune ukuya kugogo eseqedile ngalokhu
          afuna ukukwenza kuDumisani?                                                          (2)
Akuvumelekile ukukopisha leli phepha                                            Pheqa ikhasi

### Page 13

Downloaded from hlayiso.com
IsiZulu Ulimi Lokuqala Lokwengeza (FAL)/P2   13             DBE/Februwari–Mashi 2016
                                             NSC

4.6       Khetha impendulo efanele kwezilandelayo:

          Isimo sokukhuluma esithi:
          Ishoba selilele amazolo, sisho ukuthi:

          A       Ukugula
          B       Ukulala
          C       Ukufa
          D       Ukugodola                                                              (1)

4.7       Yini eyenziwa nguSipho ngaphambi kokuba ashone?                                (2)
4.8       Chaza ngamaphuzu AMABILI ukuthi uNondumiso wenza miphi imizamo
          ukusiza uThenjiwe ukuthi angaphoqwa ngesiko lokungenwa/lokungena.              (2)

4.9       Bavezwe njengabadlali abanjani laba badlali abalandelayo? Bhala amaphuzu
          AMABILI ngomdlali ngamunye.

          4.9.1       UMondise                                                           (2)

          4.9.2       UDumisani                                                          (2)

4.10      Yisiphi isethembiso esashiwo ugogo uma uThenjiwe evuma ukugana/
          ukushada uDumisani?                                                            (2)

4.11      Ukuhlangana komndeni wakwaMondise nowakwaZungu kwaba namthelela
          muni? Bhala amaphuzu AMABILI.                                                  (2)

4.12      Phawula ngesisusa sodweshu esitholakala kulo mdlalo?                           (2)

4.13      Kungabe IQINISO noma UMBONO ukuthi umbhali walo mdlalo uveza
          ukucindezelwa kwamalungelo abantu besifazane? Sekela impendulo yakho.          (2)

4.14      Ngokucabanga kwakho ukube uThenjiwe wagcina enqabile ukungenwa
          uDumisani abakwaZungu babezokwenzani?                                          (2)

4.15      Bhala ingwijikhwebu mayelana necala likaSipho. Bhala amaphuzu AMABILI.         (4)

4.16      Qondanisa IKHOLOMU B no KHOLOMU A.

                     IKHOLOMU A                        IKHOLOMU B
          4.16.1       UManzini                A Wabulawa udlame

          4.16.2      USkhumbuzo               B Umyeni kaMaMbatha

          4.16.3      USipho                   C Umyeni kaMaMkhize

          4.16.4      UMondise                 D Wabulawa ukugula
                                                                            (4 x 1)      (4)
                                                                                         [35]

                                                          AMAMAKI ESIQEPHU B:            35

Akuvumelekile ukukopisha leli phepha                                      Pheqa ikhasi

### Page 14

Downloaded from hlayiso.com
IsiZulu Ulimi Lokuqala Lokwengeza (FAL)/P2   14              DBE/Februwari–Mashi 2016
                                             NSC

ISIQEPHU C: IZINDABA EZIMFUSHANE

IZINYEMBEZI ZOTHANDO – DBZ Ntuli (Umhleli)

Kulesi siqephu phendula YOMIBILI imibuzo; UMBUZO 5.1 NOMBUZO 5.2.
UMBUZO 5
5.1       'UNOZIMOTO' – NPA Khumalo

          Fundisisa isiqephu esilandelayo bese uphendula imibuzo ezolandela:

          ISIQESHANA E

          Ngakusasa kusempondozankomo, bamthatha uKaMaseko ngemoto
          baguduza naye. Wayeboshwe ngeduku ebusweni, kwathiwa wathi nje nkente,
          iyangena insabula. Nezibhamu banazo ababhemu laba. Yimigundatshani
          yoqobo ngoqobo. Ivutheleke imoto.

          'Engathi yimoto yamaphoyisa nje lena esizohlangana nayo?' kubuza uSam.
          Nokho kutholakale ukuthi akugqamile kahle, ngoba nakhu alikaphumi ilanga,
          nezimoto zisakhanyisile.

          'Kungaba yiyo, kungebe yiyo,' kusho uJoe.

          'Kodwa bengishilo ukuthi asisukuzikhipha izinombolo        zemoto      ngoba
          kuzosolisa. Bekungcono sigaxe zona ezaseJozi.'

          'Sewukhala emva kwendaba-ke. Akusasizi. Akusiwo futhi amaphoyisa lana,
          ngenye nje impatha lena esethusa ngenyoka efile.' kusho uJoe. Nebala
          baphambane naleyo moto efana neyamaphoyisa.
          'Kodwa-ke akusafuneki silale ngqu ngoba …' USam aphazanyiswe ukubona
          enye esolisayo imile ngaphambili. Nemoto yabo nje ayethembisi kahle ngoba
          elinye iso layo alikhanyi kahle. Nebala, ibasolisa nje le moto yiyo kanye
          eyephoyisa lomgwaqo. Libamise. Ahlale emafutheni uJoe. Kube abafulathele
          ngejubane, bezwe nje, 'Qhu!' Kudutshulwa isondo. Iphaphalaze imoto
          iyophonseka esihluthu.
                                                 ***
          Ubuya kancane nje umqondo kuKaMaseko, ulele embhedeni. Usesibhedlela.
          Ekhanda ubhandishile ngoba wathinteka engozini yemoto. Nengalo
          yangakwesokunxele ibhandishiwe. Kukhona abamzungezile embhedeni,
          abazombona. Ngabakubo, kanye noNtokozo, nabazali bakhe.

          Emva kokubuza konke ngendaba yokulimala kwakhe, echaza, bese
          bemchazela ukuthi izigebengu zaphuma zingenamyocu. Nokho-ke amacala
          obugebengu amaningi, kuhlangene nawokuhamba ngemoto entshontshiwe,
          nokungemi uma bemiswa, azilahla. Bembeswa amabhantshi aluhlaza.

          5.1.1       Wayeyaphi uKaMaseko eze evelelwa yingozi?                               (1)

          5.1.2       Yini eyayenza uKaMaseko angafuni ukuhlala ekhaya?                       (2)

Akuvumelekile ukukopisha leli phepha                                           Pheqa ikhasi

### Page 15

Downloaded from hlayiso.com
IsiZulu Ulimi Lokuqala Lokwengeza (FAL)/P2     15                DBE/Februwari–Mashi 2016
                                              NSC

          5.1.3       Ubani igama lomngani kaKaMaseko ahlangana naye esitobhini?                (1)
          5.1.4       Bhala isizathu esenza ukuthi iphoyisa lidubule isondo lemoto.             (1)
          5.1.5       Khetha impendulo efanele kwezilandelayo:

                      Ukuphuma ungenamyocu, kusho:
                      A   Ukulimala engozini yemoto
                      B   Ukuhamba ngemoto entshontshiwe
                      C   Ukusinda engozini
                      D   Ukuhamba ngemoto egijimayo                                            (1)
          5.1.6       UNtokozo uvezwe njengomlingiswa onjani? Bhala amaphuzu
                      AMABILI.                                                                  (2)
          5.1.7       Izigebengu zathweswa/zabekwa maphi amacala?                               (2)
          5.1.8       Tomula umusho       osesiqeshini   ositshela   ukuthi    izigebengu
                      zagwetshwa.                                                               (2)
          5.1.9       Le ndaba yenzeka endaweni yasemakhaya.                  Sekele    lesi
                      sitatimende ngamaphuzu AMABILI.                                           (2)
          5.1.10      Yini eyenziwa abakwaMaseko ukuxolisela           indodakazi      yabo
                      ngesenzo sayo sokungalaleli umyeni wayo?                                  (2)
          5.1.11      Ukuba wawungumyeni kaKaMaseko               wawuzomxolela         yini
                      umkakho? Sekela impendulo yakho.                                          (2)
5.2       'LAPHO KUKHONA UTHANDO' – NE Mbesa
          Fundisisa isiqephu esilandelayo bese uphendula imibuzo ezolandela:

          ISIQESHANA F

          Waya elulama-ke ngokuqhubeka kwezinsuku. Nezilokotho zikaWanda
          zazingena zingenile.

          Kuthe ngemuva kwezinsuku ezine, wabe esekwazi nokuhamba.
          NgoLwesihlanu umama wathi abalungise, ngoba uzosiwa ezindlini
          zikaHulumeni, ukuze kulungiswe izincwadi zakhe. 'Nazi izingubo ozozigqoka.'

          'Hawu, Mama, kodwa ngizokubonga ngani?'

          'Chabo uWanda uselungise yonke into. Uselungiselele nokuthi niyohlangana
          nesoka lakho ehhotela.' Zonke lezi zehlakalo zamane zamdida uSebenzile.
          Yena lo Wanda akasaveli ngani azibongele kuyena?

          Nansi imoto yakwanokusho isidunusile. Wabonga engaphezi uSebenzile kulo
          mama. Yabe isuka imoto ishaya ichitha. Ithubeleze-ke imoto. Impela isima
          ehhotela. Hawu, yilo lona lelo ebebezohlanganela khona nesoka lakhe.
          Nanxa bengezwisisani nomshayeli wemoto, amchushachushise aze
          ayombeka lapho ebhukelwe khona.

Akuvumelekile ukukopisha leli phepha                                             Pheqa ikhasi

### Page 16

Downloaded from hlayiso.com
IsiZulu Ulimi Lokuqala Lokwengeza (FAL)/P2       16                DBE/Februwari–Mashi 2016
                                                NSC

          Athole uSebenzile ukuthi ayikho into engekho. Wena mpahla yokugqoka,
          wena zicathulo, kukhona nezimbali kanye nencwajana abhalelwe yona.
          Mhlawumbe izochaza ukuthi pho akusaqalwanga ngani ngokulungisa
          izincwadi. Athi lapho eyifunda athole ukuthi iyamemukela, ibisithi noma nini
          manje usezongena amthandayo. Cishe waze wafa efela eziweni. Umuntu
          abengafisa ukumbona kuqala uWanda ukuze azibongele. Nezithombe
          zomuntu wakhe zemuke namanzi. Ngabe manje uyazivuselela ngokumbuka.

          Ezwe kungqongqoza emnyango. Lumuthi nke uvalo. Nalo-ke ithuba
          abelilindele. 'Ngiyeza!' Asho athi ukuzilungilungisa, azithintathinte ebusweni,
          alungise nengubo. Kwaleyo ngubo uyithole isimlindile. Avule umnyango.

          5.2.1       Ngokwalesi siqephu wabe ezoyokwenzani uSebenzile ezindlini
                      zikaHulumeni?                                                             (1)

          5.2.2       Ngubani igama langempela lesoka likaSebenzile ayelivakashela?             (1)

          5.2.3       Lalihlala kuphi leli soka likaSebenzile?                                  (1)

          5.2.4       Bhala izinto EZINTATHU uSebenzile azifica ehhotela.                       (3)

          5.2.5       Khetha impendulo efanele kwezilandelayo:

                      Abantu ayegibele nabo esitimeleni uSebenzile babekhuluma:

                      A   IsiNdebele
                      B   IsiXhosa
                      C   IsiSotho
                      D   IsiSwati                                                              (1)

          5.2.6       Umbhali uqonde ukuthini ngala mazwi alandelayo:
                      'Cishe waze wafa efela ezizweni.'                                         (2)

          5.2.7       Xoxa ngamaphuzu AMABILI ukuthi walimala kanjani uSebenzile.               (2)

          5.2.8       Lapho kukhona uthando, nendlela ikhona. Sekela lesi sitatimende
                      ngokulandela okwenzeka endabeni.                                          (2)

          5.2.9       Bhala ingwijikhwebu etholakala kule ndaba.                                (2)

          5.2.10      Ngokucabanga kwakho kungumqondo omuhle yini ukuthanda
                      umuntu ongakaze umbone ngamehlo. Sekela impendulo yakho
                      ngamaphuzu AMABILI.                                                       (2)

                                                                 AMAMAKI ESIQEPHU C:            35

Akuvumelekile ukukopisha leli phepha                                             Pheqa ikhasi

### Page 17

Downloaded from hlayiso.com
IsiZulu Ulimi Lokuqala Lokwengeza (FAL)/P2     17                DBE/Februwari–Mashi 2016
                                              NSC

ISIQEPHU D: IZINKONDLO

IZINKWAZI ZOTHUKELA/AMAHLOKOHLOKO – EJ Mhlanga no JJ Thwala

Kulesi siqephu phendula YOMIBILI imibuzo; UMBUZO 6.1 NOMBUZO 6.2.

UMBUZO 6:

6.1       Funda le nkondlo engezansi bese uphendula imibuzo ezolandela:

          Phansi – LMMS Madondo

          1       Umhlaba ungumhlaba ngokuhlaba
          2       Uwuhloniphe uwukhonze uyakukuhlonipha
          3       Ubazonda kabi abazazi ukuhlakanipha.
          4       Lunye kuwo uhambo
          5       Impinda ayikho.
          6       Sinye kuwo isikhathi
          7       Sifushane asanele
          8       Ubupigogo nobusakabuli buyaqedwa
          9       Bushazwe yizangqotho nemishazo yomhlaba
          10      Omahlalothini abantengenyekayo ntengentenge
          11      Bawe bhu bahuhuluze okwamahobosha
          12      Abaqhwaklazela phezul'onontandakubukwa
          13      Baphenduk'izinqibi kugayingane imilomo
          14      Osemuva limshwibe shwi limbeke phambili
          15      Ngentobeko yobuphansi okwezintuthwane
          16      Ube phansi nangenzolo ezothile yobuntu.

          6.1.1       Hlobo luni lwenkondlo lolu?                                             (1)

          6.1.2       Bhala izenzukuthi ezitholakala emgqeni we-11 nasemgqeni we-14.          (2)

          6.1.3       Tomula umugqa onefanangwaqa otholakala kule nkondlo.                    (2)

          6.1.4       Hlobo luni lokuxhumana olutholakala emigqeni we-15 nowe-16?             (2)

          6.1.5       Khetha impendulo efanele kwezilandelayo:

                      Igama elibhalwe ngokugqqamile kulo musho olandelayo lisho:

                      Abaqhwaklazela phezul' onontandakubukwa.

                      A   Abantu abade
                      B   Abantu abathanda ukudelela
                      C   Abantu abathanda ukuhleka
                      D   Abantu abathanda ukuziveza                                          (1)

Akuvumelekile ukukopisha leli phepha                                           Pheqa ikhasi

### Page 18

Downloaded from hlayiso.com
IsiZulu Ulimi Lokuqala Lokwengeza (FAL)/P2     18                DBE/Februwari–Mashi 2016
                                              NSC

          6.1.6       Hlobo luni lwesifengqo olutholakala emgqeni we-15?                       (1)

          6.1.7       Ngokwale     nkondlo          umhlaba     ubenzenjani      abantu
                      abaziphakamisayo?                                                        (2)

          6.1.8       Bhala igama elisenkondlweni elisho okufanayo nelithi izinyoka.           (1)

          6.1.9       Bhala uhlobo lwemvumelwano olutholakala emgqeni we-6 nowe-7
                      bese unika nesibonelo.                                                   (2)

          6.1.10      Uthini umqondo oqukethwe yile nkondlo? Bhala amaphuzu
                      AMATHATHU ngamagama akho.                                                (3)

6.2       Funda le nkondlo engezansi bese uphendula imibuzo ezolandela:

          Kwamfaz' ongemama – FF Mbatha

          1    Awuthunyelwa gundane
          2    Ngidele konke ngayokwenda,
          3    Ngidel' ikhaya likababa,
          4    Ngadel' izihlobo nabangani,
          5    Ngadel nezinkalo zakithi,
          6    Uze ungilonde Mveli
          7    Kwamfaz' ongemama.

          8    Namuhla ngiqombol' izintaba,
          9    Ngilibangise kwamfaz' ongemama.
          10   Noma ngibangwa nezibi,
          11   Liyophuma lithi
          12   Ngiyatefa ngiyazenzisa,
          13   Uze ungigcine Menzi
          14   Lapho kwanhliziyo ngise.

          15   Noma ngingayisisulu sikamamezala,
          16   Noma angangicakafula angichaphe
          17   Ngelumelayo yodwa,
          18   Ngiyobekezela ngizithobe.
          19   Mntanomuntu ngibekezele,
          20   Ngigcine yonk' eyasemendweni.
          21   Uz' ube yisihlangu sami Baba,
          22   Lapho kwamfaz' ongemama.

          23   Konke kwenzeka samlingo,
          24   Nokho lolu thando luyithumbil' eyami,
          25   Lolu thando lungishay' indali emajukujukwini,
          26   Ngiyazesaba ezakhona izehlo.
          27   Nokho akusenani
          28   Sengobekezela ngizithobe,
          29   Kwamfaz' ongemama.

Akuvumelekile ukukopisha leli phepha                                            Pheqa ikhasi

### Page 19

Downloaded from hlayiso.com
IsiZulu Ulimi Lokuqala Lokwengeza (FAL)/P2        19             DBE/Februwari–Mashi 2016
                                                 NSC

          6.2.1       Bhala izinto EZIMBILI ezisenkondlweni          ezidelwa     umuntu
                      wesifazane uma eya kogana.                                            (2)

          6.2.2       Hlobo luni lwemigqa lolu olulandelayo?

                      Uze ungilonde Mveli
                      Kwamfaz' ongemama.                                                    (1)

          6.2.3       Bhala uhlobo lokuxhumana olutholakala esitanzeni sesi-3 bese
                      ubhala nesibonelo.                                                    (2)

          6.2.4       Khetha impendulo efanele kwezilandelayo:

                      Ukubangwa nezibi kusho:

                      A     Ukushada
                      B     Ukugula kakhulu
                      C     Ukushanela
                      D     Ukungcola                                                       (1)

          6.2.5       Tomula igama elisho ukutetema enkondlweni engenhla.                   (1)

          6.2.6       Hlobo luni lwesifengqo oluqukethwe yilo mugqa olandelayo:

                      Uz' ube yisihlangu sami Baba                                          (2)

          6.2.7       Kungabe umbhali wale nkondlo uthembele kubani njengoba eya
                      emendweni? Sekela impendulo yakho.                                    (2)

          6.2.8       Yini inhloso yombhali ngokusebenzisa impindwa kule nkondlo?           (2)

          6.2.9       Uthini umoya wale nkondlo?                                            (1)

          6.2.10      Qondanisa IKHOLOMU B no KHOLOMU A.

                                IKHOLOMU A                     IKHOLOMU B
                      (a)       Kwamfaz' ongemama         A Indawo ekude

                      (b)       Ukuchapha                 B Lapho uthanda khona

                      (c)       Emajukujukwini            C Emendweni

                      (d)       Kwanhliziyo ngise         D Ukuthuka inhlamba
                                                                                  (4 x 1)   (4)

                                                               AMAMAKI ESIQEPHU D:          35
                                                               AMAMAKI ESEWONKE:            70

Akuvumelekile ukukopisha leli phepha

## Related documents

- [IsiZulu FAL P1 Feb March 2016](https://www.hlayiso.com/library/isizulu-fal-p1-feb-march-2016/e62ab943-178d-4f7d-b4ad-2076011c9e16) — isiZulu FAL · QP · 2016 · isiZulu
- [IsiZulu FAL P3 Feb March 2016](https://www.hlayiso.com/library/isizulu-fal-p3-feb-march-2016/bc497858-eb0c-4a8e-9dd1-860bba1ddc09) — isiZulu FAL · QP · 2016 · isiZulu
- [IsiZulu FAL P2 May June 2016](https://www.hlayiso.com/library/isizulu-fal-p2-may-june-2016/dc343548-bdc0-4396-bb6b-717cde3f72a3) — isiZulu FAL · QP · 2016 · isiZulu
- [IsiZulu FAL P2 May June 2016](https://www.hlayiso.com/library/isizulu-fal-p2-may-june-2016-1/6c206073-9309-4ad8-a721-fbaaf1b2b528) — isiZulu FAL · QP · 2016 · isiZulu
- [IsiZulu FAL P2 Nov 2016](https://www.hlayiso.com/library/isizulu-fal-p2-nov-2016-1/42a44fe4-b19c-4910-b428-1bcfb31777eb) — isiZulu FAL · QP · 2016 · isiZulu
- [IsiZulu FAL P2 Nov 2016](https://www.hlayiso.com/library/isizulu-fal-p2-nov-2016/fe027d37-631c-4229-8dfd-1222825ac3b2) — isiZulu FAL · QP · 2016 · isiZulu

## More from Grade 12 isiZulu FAL

- [Gr 12 IsiZulu FAL ATP 2023-24](https://www.hlayiso.com/library/gr-12-isizulu-fal-atp-2023-24/2e221b22-767a-49bf-870c-b3cf4e8bcddd) — ATP
- [IsiZulu FAL P1 May-June 2025 MG](https://www.hlayiso.com/library/isizulu-fal-p1-may-june-2025-mg/c987c299-55ce-451b-9c9c-d9f577f9aec6) — Memo · 2025 · isiZulu
- [IsiZulu FAL P2 May-June 2025 MG](https://www.hlayiso.com/library/isizulu-fal-p2-may-june-2025-mg/fc0b2153-7afc-4c51-9210-38edf5f25888) — Memo · 2025 · isiZulu
- [IsiZulu FAL P3 May-June 2025 MG](https://www.hlayiso.com/library/isizulu-fal-p3-may-june-2025-mg/cec2350a-6309-437b-a49e-a04527a0ca1c) — Memo · 2025 · isiZulu
- [IsiZulu FAL P2 Nov 2025 MG](https://www.hlayiso.com/library/grade-12-isizulu-fal-2025-nsc-november-exam-question-paper-paper-2-isizulu/d890b2cf-f80e-4a5f-aa33-e13bde37273e) — Memo · 2025 · isiZulu
- [IsiZulu FAL P3 Nov 2025 MG](https://www.hlayiso.com/library/grade-12-isizulu-fal-2025-nsc-november-exam-question-paper-paper-3-isizulu/8210b3fd-54a1-4a7b-a22f-fe44c32fcc1a) — Memo · 2025 · isiZulu

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
