# isiZulu HL Grade 12 P1 NSC Supplementary 2015 Question Paper

> Grade 12 isiZulu HL Paper 1 question paper from the NSC Supplementary Exam 2015, 12 pages. Read online or get the free PDF download, memo linked when available.

- Page: https://www.hlayiso.com/library/isizulu-hl-p1-feb-march-2015/796747ff-1b14-48d9-9644-d81090c55675
- Updated: 2026-09-27
- Subject: isiZulu HL
- Grade: Grade 12
- Language: Isizulu
- Document type: Question paper
- Year: 2015
- Exam period: NSC Supplementary Exam
- Paper: 1
- Curriculum: CAPS
- Pages: 12

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiZulu HL](https://www.hlayiso.com/library/grade-12/isizulu-hl) › [isiZulu HL Grade 12 P1 NSC Supplementary 2015 Question Paper](https://www.hlayiso.com/library/isizulu-hl-p1-feb-march-2015/796747ff-1b14-48d9-9644-d81090c55675)

## About this document

Isizulu Hl · Grade 12 · NSC Supplementary Exam · 2015 · isizulu. Question paper, 12 pages. Read online or download the PDF.

Read it free online on the page above; download the PDF from there.

## Matching paper and memo

- [IsiZulu HL P1 Feb March 2015 Memo](https://www.hlayiso.com/library/isizulu-hl-p1-feb-march-2015-memo/71aee93b-abc4-4faa-9592-a677f3d23bf3) — Memo · 2015 · isiZulu

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                        NATIONAL
                                   SENIOR CERTIFICATE

                                       IBANGA LE-12

                          ISIZULU ULIMI LWASEKHAYA (HL)

                                IPHEPHA LOKUQALA (P1)

                                 FEBRUWARI/MASHI 2015

AMAMAKI: 70

ISIKHATHI: amahora ama-2

                               Leli phepha linamakhasi ayi-12.

Akuvumelekile ukukopisha leli phepha                             Pheqa ikhasi

### Page 2

Downloaded from hlayiso.com
IsiZulu Ulimi Lwasekhaya (HL)/P1            2                   DBE/Februwari–Mashi 2015
                                           NSC

IMIYALELO KANYE NOLWAZI KWABAHLOLWAYO

1.        Leli phepha lehlukaniswe IZIQEPHU EZINTATHU:

          ISIQEPHU A: Isivivinyo sokuqondisisa                             (30)
          ISIQEPHU B: Ukufingqa                                            (10)
          ISIQEPHU C: Izakhiwo nezimiso zokusetshenziswa kolimi.           (30)

2.        Fundisisa YONKE imiyalelo ngaphambi kokuba uphendule imibuzo.

3.        Phendula YONKE imibuzo ekuleli phepha.

4.        Qalisa isiqephu NGASINYE ekhasini ELISHA.

5.        Bhala izinombolo zezimpendulo njengoba zibhalwe emibuzweni.

6.        Yeqa umugqa emuva kombuzo ngamunye.

7.        Bhala ngobunono nangesandla esifundekayo.

8.        Qaphela upelomagama kanye nokwakheka kwemisho.

9.        Ungasebenzisa isikhathi sokubhala ngale ndlela elandelayo:

          ISIQEPHU A:       Imizuzu engama-50
          ISIQEPHU B:       Imizuzu engama-30
          ISIQEPHU C:       Imizuzu engama-40

Akuvumelekile ukukopisha leli phepha                                         Pheqa ikhasi

### Page 3

Downloaded from hlayiso.com
IsiZulu Ulimi Lwasekhaya (HL)/P1              3                    DBE/Februwari–Mashi 2015
                                             NSC

ISIQEPHU A: ISIVIVINYO SOKUQONDISISA

UMBUZO 1: UKUFUNDELA UKUQONDISISA

1.1       Fundisisa UMBHALO A ubuye ubukisise NOMBHALO B ongezansi bese
          uphendula imibuzo elandelayo.

          UMBHALO A (Ofundwayo)

                          YAZI AMALUNGELO AKHO NJENGOMTHENGI

          1.       Kuyajabulisa ukuthenga impahla osuke ukade ulangazelela ukuba
                   nayo. Uye uzithole usuhambela phezulu lapho usuka nayo esitolo.
                   Kusuke sekunendawo oyicabangile futhi wayihlela endlini ukuze
                   uyibeke kuyona. Uma kuyinto egqokwayo, usuke usunqume ngisho
                   nosuku ozoyigqoka ngalo. Kuyenzeka abathile baphume ezitolo
                   sebezigqokile lezo zimpahla. Ababe besapholisa maseko. Ngumuzwa
                   omnandi-ke lo.

          2.       Abakhiqizi bezimpahla kanye nosomabhizinisi benza umsebenzi
                   omuhle ezimbonini ngokudayisa izimpahla eziseqophelweni
                   eliphezulu ezidingwa umphakathi. Bakhona-ke abathile abenza
                   ukungathembeki. Abawunaki umthetho wezwe okufanele uvikele
                   umthengi ngempahla asuke eyithengile. Lokhu kungawushayi ndiva
                   umthetho kusho ukuthi bazicabangela bona bodwa futhi
                   ababakhathalele abathengi.

          3.       Kubalulekile-ke ukuba umthengi awazi amalungelo akhe ukuze
                   angahlangabezani nembibizane. Umthetho wokuvikela abathengi
                   ebugebengwini nasebuqilini bezokuhwebelana washaywa eminyakeni
                   emithathu eyedlule kuleli lakithi. Abawazi lo mthetho abantu abaningi,
                   ngenxa yokungachazelwa ngamabomu abadayisi. Phela basuke
                   bengafuni ukubavula amehlo abathengi ngoba bangagcina
                   sebekhononda njalo.

          4.       Abathengi banelungelo lokubuyisela izimpahla ezonakele kanye
                   nalezo ezingagculisi. Lokhu kuvunyelwe ukuba kwenzeke
                   zingakapheli izinyanga eziyisithupha impahla ithengiwe. Ezinye izitolo
                   zikunika isiqiniseko sonyaka wonke ukuze uma kuvela izinkinga
                   ngalowo mkhiqizo ukwazi ukuwubuyisela emuva. Umkhiqizi
                   wempahla ohwebelana nesitolo osuke uthenge kusona kufanele
                   awuhlolisise lowo mkhiqizo obuyiselwe emuva. Ukwenza lokhu
                   ngesikhathi esingaba yisonto kuya kwamabili emva kwesikhalazo.
                   Usuke eqinisekisa ukuthi iphutha ngabe likuyena noma likumthengi.
                   Kungenzeka umthengi aphathe impahla budedengu qede ayibeke
                   izici. Abakhiqizi nabadayisi bayakwazi ukubona uma impahla
                   ingazange iphathwe ngendlela efanele noma kulandelwe imiyalelo
                   ebhalwe kuyona.

Akuvumelekile ukukopisha leli phepha                                            Pheqa ikhasi

### Page 4

Downloaded from hlayiso.com
IsiZulu Ulimi Lwasekhaya (HL)/P1             4                   DBE/Februwari–Mashi 2015
                                            NSC

          5.       Impahla enogcobho idinga ukubuyiselwa lapho ithengwe khona ukuze
                   umthengi abuyelwe imali yakhe egcwele. Kuyenzeka impahla
                   ilungiswe noma umthengi anikezwe enye efana naleyo ayibuyisile.
                   Ngumthengi owenza isinqumo salokho ofisa kwenziwe. Kuyilungelo
                   lakhe leli okungafanele aliphucwe ngumdayisi noma amfihlele ulwazi
                   ngalo. Isitolo esigcizelela futhi siphoqe ukuba impahla ikhandwe
                   noma ilungiswe siphula umthetho. Akuvumelekile ukuba umthengi
                   anikwe ivawusha ngempoqo esikhundleni semali. Impahla
                   engalungile kufanele ingabuthikamezi ubudlelwano phakathi
                   komdayisi nomthengi.

          6.       Kubalulekile ukuthi othengayo akwazi okulindeleke kuyena
                   njengomthengi. Abaninizitolo nabo banamalungelo abo. Umthengi
                   ulindeleke kuba agcine ipheshana elingubufakazi elibizwa ngokuthi
                   irisidi noma isiliphu. Lesi siliphu sinekhodi, inombolo yamagabelo,
                   inani lempahla, uhlobo lwayo negama lalolwo osuke ekusizile
                   ngesikhathi ukhokha. Lesi siliphu senza abasesitolo osuke uthenge
                   kusona babe nobufakazi bokuthi impahla ithengwe kubona. Kulesi
                   siliphu kukhona imininingwane evelayo okuba usuku lokuthenga.

          7.       Isimo siye sehluke lapho umthengi ezwe engasahlabeki mxhwele
                   ngomkhiqizo awuthengile, bese ewuphindisela emuva. Akekho
                   umthengi onelungelo lokuphindisela impahla emuva ngoba nje
                   edinwa umbala wayo noma kuyisipho angasasithandi. Kwezinye
                   izitolo akuvumelekile ngisho ukushintsha usayizi wengubo yokugqoka
                   ikakhulukazi uma kungeyangasese.

          8.       Akukho lapho abezitolo bephoqeke khona ukuba bathathe umkhiqizo
                   noma ungonakele. Uma bekwenza lokhu, kusuke kungumusa nje.
                   Izitolo eziningi zike zikuvume ukubuyiselwa kwezimpahla ngaphansi
                   kwemigomo noma imibandela ethile esayinelwa phansi. Kungaba
                   ukuzibuyisa kungakapheli izinsuku ezithile futhi nobufakazi
                   obuyisiliphu okufanele buvezwe. Kuyenzeka isitolo simnike umthengi
                   ivawusha noma imali ukuze ajabule.

          9.       Ucwaningo luyaziveza izitolo ezinesandla esihle kubathengi. Abantu
                   asebenolwazi lwale mithetho ekumele iqashelwe uma kuthengwa
                   sebeyabazi osomabhizinisi abangamaqola. Kukhona izinhlelo
                   ezifundisayo zibuye zixwayise abathengi. Zitholakala komabonakude,
                   emisakazweni nasemibhalweni etholakala mahhala ezindaweni
                   ezehlukene. Abathengi bangabuza imibuzo uma bengaqondisisi
                   ngala malungelo kulabo abanolwazi kwezamabhinisi.

          10.      Kuyihlazo ukukhononda komthengi onolwazi olungenele mayelana
                   naloko akukhonondelayo. Ukuqophisana nomuntu okubonayo
                   njengomthengi ukuthi awuwazi amalungelo akho kwenza akuhleke
                   usulu lapho ethola iphutha lingakuwena. Umdayisi obanjwe
                   oqotsheni enza ubuqili wembule- ka izinqe agcine ehlawulisiwe, bese
                   liyonakala igama lakhe. Indaba yakhe yokungaphathi kahle abathengi
                   iduma izwe lonke bese ibhizinisi lakhe liwa bhu phansi.

Akuvumelekile ukukopisha leli phepha                                          Pheqa ikhasi

### Page 5

Downloaded from hlayiso.com
IsiZulu Ulimi Lwasekhaya (HL)/P1             5                    DBE/Februwari–Mashi 2015
                                            NSC

          11.      Ngaso sonke isikhathi ubudlelwano obuhle obunokwethembeka
                   buyagqugquzelwa phakathi kwabadayisi nabathengi ukuze izwe
                   laseNingizimu Afrika lisimame kwezomnotho. Lokhu kuphonsa
                   inselelo enkulu kubo osomabhizinisi kanye nabathengi. Yingakho
                   kuphoqelekile ukuthi abenzi bemikhiqizo baqikelele ukugcina izinga
                   lemikhiqizo yabo liphezulu kanjalo nabathengi bawasebenzise
                   ngokufanele amalungelo abo.

          1.1.1       Yisho usizo abakhiqizi nosomabhizinisi abalunika umphakathi
                      ngokwalesi siqephu.                                                     (1)

          1.1.2       Kungani abanikazi bamabhizinisi bengawunaki umthetho ovikela
                      abathengi?                                                              (2)

          1.1.3       Yiziphi izizathu ezenza kubaluleke ukugcina isiliphu sempahla
                      oyithengile?                                                            (3)

          1.1.4       Shono okungumehluko phakathi kwamalungelo abathengi kanye
                      nabadayisi mayelana nokubuyiselwa kwempahla esitolo. Bheka
                      esigabeni sesi-4.                                                       (2)

          1.1.5       Khetha impendulo EYODWA kulezi ozinikiwe.

                      Isimo sokukhuluma esibhalwe ngokugqamile esigabeni se-10
                      sichaza ...

                      A   ukuhleka sakudlala.
                      B   ukuhleka sakuteketisa.
                      C   ukuhleka sakujwayela.
                      D   ukuhleka sakubhuqa.                                                 (1)

          1.1.6       Chaza inhloso yomninisitolo yokunika umthengi ivawusha
                      esikhundleni sokumnika imali uma umthengi ebuyisela impahla
                      engamgculisi.                                                           (3)

          1.1.7       Chaza ukuthi ukudayiswa kwezimpahla ezingekho ezingeni
                      elifanelekile kungaba namthelela muni emnothweni wakuleli zwe.          (4)

          1.1.8       Uyavumelana yini nesenzo sabanikazi bezitolo sokwenqaba
                      ukuphindiselwa kwezingubo zokugqoka zangasese? Sekela
                      impendulo yakho.                                                        (2)

          1.1.9       Ake uncome indlela umbhali aphethe ngayo lesi siqephu.                  (2)
                                                                                              [20]

                                        KANYE NO

Akuvumelekile ukukopisha leli phepha                                           Pheqa ikhasi

### Page 6

Downloaded from hlayiso.com
IsiZulu Ulimi Lwasekhaya (HL)/P1             6                    DBE/Februwari–Mashi 2015
                                            NSC

1.2       Bukisisa lezi zithombe ezingezansi bese uphendula imibuzo elandelayo.

          UMBHALO B (Obukwayo)

          1

                                                              [Ithathwe ku-internet]

          2

                                                             [Ithathwe ku-internet]

          1.2.1       Sichazani isaziso esisesithombeni soku-1?                                  (2)

          1.2.2       Shono okufanayo okwenziwa abathengi abasesithombeni soku-1
                      kanye nomthengi osesithombeni sesi-2.                                      (2)

          1.2.3       Ngokucabanga kwakho inkulumo esesithombeni sesi-2 ingaba
                      namphumela muni kubanikazi bamabhizinisi?                                  (2)
          1.2.4       Emuva kokufunda isiqephu esikuMBHALO A kanye nokubuka
                      izithombe ezikuMBHALO B efreyimini yokuqala, phawula
                      ngeqhaza elibanjwe umthetho wokuvikela abathengi.                          (4)
                                                                                                 [10]

                                                             AMAMAKI ESIQEPHU A:                 30

Akuvumelekile ukukopisha leli phepha                                              Pheqa ikhasi

### Page 7

Downloaded from hlayiso.com
IsiZulu Ulimi Lwasekhaya (HL)/P1           7                     DBE/Februwari–Mashi 2015
                                          NSC

ISIQEPHU B: UKUFINGQA

UMBUZO 2: UKUFINGQA ISIQESHANA NGAMAGAMA AKHO

Lesi siqeshana esilandelayo (UMBHALO C) simayelana nezinto ongazenza ukwehlisa
isisindo somzimba ngesikhathi sasebusika.

UMBHALO C

IMIYALELO:

1.        Fingqa lesi siqeshana esikhuluma ngokwehlisa umzimba ngesikhathi
          sasebusika usebenzise amagama akho angeqile kwangama-80.
2.        Fingqa ngesigaba.
3.        Ungabe usasibhala isihloko uma usufingqa lesi siqeshana.
4.        Bhala inani lamagama owasebenzisile ekugcineni kwesiqeshana osifingqile.

            ONGAKWENZA UKWEHLISA ISISINDO SOMZIMBA EBUSIKA

Umzimba womuntu udinga ukunakekelwa ngaso sonke isikhathi.

Kumele ugweme ukuphuza iziphuzo ezine-caffein kanye noshukela omningi uma ufuna
ukunciphisa umzimba. Lezo ziphuzo kungaba izinhlobonhlobo zamakhofi. Esikhundleni
sala makhofi ungazifudumeza ngokuphuza amanzi afudumele. Kulawo manzi
ungafaka ulamula nengcosana yoju esikhundleni sikashukela ukuze kunambitheke
kahle.

Zonke izinto ozidlayo kumele uziqaphele ngoba yizona ezingenza ukhuluphale
ngokweqile. Gwema ukudla okunokolweni omningi, amafutha kanye nosawoti omningi.
Okunalokho ungadla izithelo kanye nemifino. Inyama ungayidla kodwa unciphise
ebomvu. Kube yinyama emhlophe ekhishwe isikhumba kanye nenyama yenhlanzi.
Bese uphuza amanzi afudumele. Ungadla izikalana ezincane zokudla.

Thola umuntu ozokusiza ekuzilolongeni nasekuvocavoceni umzimba. Qikelela
ukuzijwayeza lo mkhutshana, ungavilaphiswa amakhaza. Ukuzivocavoca ngeke
kwehlise isisindo kuphela kodwa kungakwenza uphile kahle. Ungavikeleka nasesifweni
sikashukela, esenhliziyo nezinye. Lezi zifo ziyingozi futhi zinciphisa nezinsuku zakho
zokuphila emhlabeni.

Thola umdlalo ozowudlala wena nomngani wakho ubusika buqala buze buyophela.
Lokhu kukusiza ekutheni uhlezi umatasatasa ngokuzivocavoca. Umdlalo
ungakuchithisa isizungu ngendlela enempilo. Ngeke uchithe isizungu ngezinto
ezingenampilo njengokudla kakhulu amaswidi. Noma kube ukwenza izinto
ezinobungozi njengokubhema izidakamizwa kanye nokunye.

Gwema ukudla okuthengwe sekuphekiwe kodwa yidla ukudla okuphekwe ngendlela
efanele ekhaya. Isizathu salokhu ukuthi imvamisa ukudla okuthengiwe kuphekwe
ngamafutha nosawoti omningi. Ungakugwema lokhu ngokupheka ukudla
okunhlobonhlobo okunempilo ukufake esiqandisini. Ungalokhu ukukhipha kancane
kancane ukufudumeze uma usulungele ukukudla.

Akuvumelekile ukukopisha leli phepha                                          Pheqa ikhasi

### Page 8

Downloaded from hlayiso.com
IsiZulu Ulimi Lwasekhaya (HL)/P1        8                  DBE/Februwari–Mashi 2015
                                       NSC

Thola intambo yokudlala ingqathu uma ungayanga endaweni yokuzivocavoca. Le
ntambo ungadlala ngayo imizuzu eyi-15 ukuya kwengama-20. Kuyindlela elula futhi
engabizi mali yokuzivocavoca uwedwa ekhaya ngesikhathi esilungele wena sosuku.
Ukugxumagxuma lokhu kungadlala enkulu indima ekwehliseni isisindo nasekugcineni
umzimba wakho uphilile.

Thenga izimpahla zasebusika ezifudumele zokuzivocavoca. Singabala ama-tights,
amagilavu kanye namateki ukuze ufudumale ngaphambi kokuba uphumele phandle.
Ukufudumala phela kubalulekile ukuze ungangenwa umkhuhlane. Ukufudumala futhi
kungakugqugquzela ukuthi unganqeni ukuzivocavoca ngoba wesaba amakhaza.                [10]

                                                       AMAMAKI ESIQEPHU B:             10

Akuvumelekile ukukopisha leli phepha                                    Pheqa ikhasi

### Page 9

Downloaded from hlayiso.com
IsiZulu Ulimi Lwasekhaya (HL)/P1        9                 DBE/Februwari–Mashi 2015
                                       NSC

ISIQEPHU C: IZAKHIWO NEZIMISO ZOKUSETSHENZISWA KOLIMI

UMBUZO 3: UKUHUMUSHA ISIKHANGISI

Fundisisa lesi sikhangisi (UMBHALO D OFUNDWAYO NOBUKWAYO) bese
uphendula imibuzo ezolandela.

UMBHALO D (Ofundwayo nobukwayo)

                                                          [Sithathwe kuBONA]

3.1       Ukuphakamisa izingalo okwenziwa yilona wesifazane      osesikhangisini
          kungakugqugquzela kanjani ukuba uthenge lo mkhiqizo?                         (2)

Akuvumelekile ukukopisha leli phepha                                    Pheqa ikhasi

### Page 10

Downloaded from hlayiso.com
IsiZulu Ulimi Lwasekhaya (HL)/P1            10                      DBE/Februwari–Mashi 2015
                                           NSC

3.2       Chaza kafushane ukungqubuzana kolwazi oluqukethwe yila magama
          adwetshelwe esikhangisini.                                                            (2)

3.3       Khetha impendulo eyodwa enembayo kulezi ozinikiwe.

          Ukusetshenziswa kophawu lwejuba kulesi sikhangisi kutshengisa ...

          A      uphawu olumele uthando.
          B      uphawu olumele umkhiqizo.
          C      uphawu olumele ubumnene.
          D      uphawu olumele okumhlophe.                                                     (1)

3.4       Yini imbangela yokuphindaphindwa kwegama 'wina' elisesikhangisini?                    (1)

3.5       Ngabe ukumamatheka kwale ntombazane esesikhangisini, kwelekelele
          kanjani ukudlulisa umyalezo walesi sikhangisi? Nikeza isizathu sempendulo
          yakho.                                                                                (2)

3.6       Hlolisisa ukusetshenziswa kwegama, 'amahle' esihlokweni salesi sikhangisi.            (2)
                                                                                                [10]

UMBUZO 4: UKUQONDISISA EZINYE IZINGXENYE ZEMITHOMBO YEZINDABA

Bukisisa UMBHALO E bese uphendula imibuzo elandelayo.

UMBHALO E (IKHATHUNI)

                                                 [Sithathwe ku-Internet]

Akuvumelekile ukukopisha leli phepha                                             Pheqa ikhasi

### Page 11

Downloaded from hlayiso.com
IsiZulu Ulimi Lwasekhaya (HL)/P1              11                DBE/Februwari–Mashi 2015
                                             NSC

4.1       Nikeza isizathu esenza ukuba lona wesifazane ozikalayo angazigqoki
          izicathulo kanye nebhantshi uma ezikala.                                           (1)

4.2       Xoxa ngomyalezo odluliswa umdwebi wale khathuni ngowesifazane ociphize
          isikali ngonyawo olulodwa.                                                         (2)

4.3       Khetha impendulo EYODWA kulezi ezilandelayo:

          Ngabe isimo sokukhuluma esidwetshelwe kule khathuni sichaza ukuthi ...

          A        bangithukile ngesisindo sami.
          B        bangikhohlisile ngesisindo sami.
          C        bangilimazile emzimbeni wami.
          D        bangiloyile emzimbeni wami.                                               (1)

4.4       Qhathanisa izenzo zalaba bantu besifazane abavezwe kule khathuni.                  (4)

4.5       Phawula ngokusetshenziswa kwesibiyelo esicijile samagama enkulumeni
          yowesifazane ozikalayo.                                                            (2)
                                                                                             [10]

UMBUZO 5: IZAKHIWO NEZIMISO ZOKUSETSHENZISWA KOLIMI

Funda lesi siqeshana esingezansi bese uphendula imibuzo elandelayo.

UMBHALO F

                 OMAKHALEKHUKHWINI BAYINKINGA EZIKOLENI

Omakhalekhukhwini bathi bewusizo kepha bagcine sebeyisidina ezikhungweni
zemfundo. Umfundi ufika nomakhalekhukhwini obizayo abukise ngawo kontanga.
Kume nse ukufunda ngaleso sikhathi. Lokhu kuyabahlukumeza abafundi
abahlwempu. Kwenza bazibone sengathi abathandwa emakubo uma
bengathengelwanga bona labo makhalekhukhwini.                              5

Uma belahleka noma bentshontshwa labo makhalekhukhwini, othisha baphenduka
abaseshi. Kugcina kulahleka isikhathi sokufunda befunwa. Akuwona umsebenzi
wothisha lo. Okungamukelekile ukukhala kwawo kuphazamiseke ukufunda.
Kuyenzeka kube ububanibani kungena imiyalezo. Lapho umfundi usehleli ngesinqe
esisodwa. Angaze acele nokuya endlini encane ukuze angaphuthelwe izindaba 10
zoMaMgobhozi. Laba bafundi bagcina sebebuka izithombe ezingemukelekile.
Uthi ejulukile uthisha efundisa bona abezwa lutho ngoba amehlo abo athe njo kule
mikhuba!

Izikole eziningi sezithathe isinqumo sokuvala ukuphathwa kwabo emagcekeni
esikole. Lowo oke atholakale nawo usuke esezidonsele amanzi ngomsele. 15
Uyajeziswa noma aphucwe wona. Ngubani-ke osuke engadabukela umuntu
ozigwaze ngowakhe?

Akuvumelekile ukukopisha leli phepha                                          Pheqa ikhasi

### Page 12

Downloaded from hlayiso.com
IsiZulu Ulimi Lwasekhaya (HL)/P1          12                  DBE/Februwari–Mashi 2015
                                         NSC

5.1       Sebenzisa igama elinomqondo ophikisana naleli elidwetshelwe emgqeni
          wesi-4 emshweni ozakhele wona.                                                 (2)

5.2       Shono ukuthi isakhi esidwetshelwe egameni elisemgqeni we-11 siqukethe
          mqondo muni?                                                                   (1)

5.3       Gagula isisho esitholakala esigabeni sokugcina esichaza ukuthi umuntu
          uzifake yena enkingeni.                                                        (1)

5.4       Khetha impendulo enembayo kulezi ozinikeziwe.

          Isimo sokukhuluma esidwetshelwe emgqeni we-10 sichaza ...

          A      akanaso isinqe.
          B      akahlali azinze.
          C      akanaso isikhathi.
          D      akahleli kahle.                                                         (1)

5.5       Yakha umusho ube senkathini ezofika eveza ukulandula usebenzise umusho
          odwetshelwe osemgqeni we-14.                                                   (1)

5.6       Emgqeni we-16 kunegama elibhalwe ngokugqamile. Phinda usebenzise leli
          gama emshweni ozakhele wona selikhomba umqondo owehlukile kunalo
          otholakala esiqeshini.                                                         (2)

5.7       Phinda ubhale umusho obhalwe ngokugqamile osemgqeni we-11 nowe-12
          usuwuqalise ngomenziwa ukuze isenzo sibe sempambosini yokwenziwa.              (2)
                                                                                         [10]

                                                          AMAMAKI ESIQEPHU C:            30
                                                          AMAMAKI ESEWONKE:              70

Akuvumelekile ukukopisha leli phepha

## Related documents

- [IsiZulu HL P2 Feb March 2015](https://www.hlayiso.com/library/isizulu-hl-p2-feb-march-2015/0e0a31b4-5f9e-4c0c-a7b9-3e8f4e61587b) — isiZulu HL · QP · 2015 · isiZulu
- [IsiZulu HL P3 Feb March 2015](https://www.hlayiso.com/library/isizulu-hl-p3-feb-march-2015/b40526f4-f026-4367-825a-7c1f25c3fb62) — isiZulu HL · QP · 2015 · isiZulu
- [IsiZulu HL P1 June July 2015](https://www.hlayiso.com/library/isizulu-hl-p1-june-july-2015/77ba1b5c-42a7-4a7a-bb18-25057b1e8d29) — isiZulu HL · QP · 2015 · isiZulu
- [IsiZulu HL P1 Feb-March 2015](https://www.hlayiso.com/library/isizulu-hl-p1-feb-march-2015/72730531-f147-4eda-bf54-1f1138128c3f) — isiZulu HL · QP · 2015 · isiZulu
- [IsiZulu HL P1 Feb March 2018](https://www.hlayiso.com/library/isizulu-hl-p1-feb-march-2018/c717363b-264f-48c6-bc28-fc2b4ade8af1) — isiZulu HL · QP · 2018 · isiZulu
- [IsiZulu HL P1 Feb March 2016](https://www.hlayiso.com/library/isizulu-hl-p1-feb-march-2016/7c574fb0-fe85-40fc-8aa5-ee521753239b) — isiZulu HL · QP · 2016 · isiZulu

## More from Grade 12 isiZulu HL

- [Gr 12 IsiZulu HL ATP 2023-24](https://www.hlayiso.com/library/gr-12-isizulu-hl-atp-2023-24/93ad0a8c-bc03-4c66-8e2f-11bd20f2d951) — ATP
- [IsiZulu P1 (HL) June 2025 Possible Answers](https://www.hlayiso.com/library/isizulu-p1-hl-june-2025-possible-answers/fb8e2fe1-962f-4ce7-8ece-e8248a6089c9) — Memo · 2025 · isiZulu
- [IsiZulu HL P1 May-June 2025 MG](https://www.hlayiso.com/library/isizulu-hl-p1-may-june-2025-mg/adef4117-1c9d-4dbd-bba0-301fd76318ea) — Memo · 2025 · isiZulu
- [IsiZulu HL P2 May-June 2025 MG](https://www.hlayiso.com/library/isizulu-hl-p2-may-june-2025-mg/d4920805-f4a8-49f7-b91b-4b694f90ace1) — Memo · 2025 · isiZulu
- [IsiZulu HL P3 May-June 2025 MG](https://www.hlayiso.com/library/isizulu-hl-p3-may-june-2025-mg/f7ee88c8-ffa7-40ce-b8aa-ae25259e7d2d) — Memo · 2025 · isiZulu
- [IsiZulu HL P3 Nov 2025 MG](https://www.hlayiso.com/library/grade-12-isizulu-hl-2025-nsc-november-exam-question-paper-paper-3-isizulu/11f41a62-9c6b-4f49-9f11-861e0b53249a) — Memo · 2025 · isiZulu

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
