# isiZulu HL Grade 12 Paper 1 NSC November 2016 Question Paper

> Grade 12 isiZulu HL Paper 1 question paper from the NSC November Exam 2016, 13 pages. Read online or get the free PDF download, memo linked when available.

- Page: https://www.hlayiso.com/library/isizulu-hl-p1-nov-2016/4ef152dc-1e3f-43b6-94a2-4f57075a11ce
- Updated: 2026-09-27
- Subject: isiZulu HL
- Grade: Grade 12
- Language: Isizulu
- Document type: Question paper
- Year: 2016
- Exam period: NSC November Exam
- Paper: 1
- Curriculum: CAPS
- Pages: 13

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiZulu HL](https://www.hlayiso.com/library/grade-12/isizulu-hl) › [isiZulu HL Grade 12 Paper 1 NSC November 2016 Question Paper](https://www.hlayiso.com/library/isizulu-hl-p1-nov-2016/4ef152dc-1e3f-43b6-94a2-4f57075a11ce)

## About this document

Isizulu Hl · Grade 12 · NSC November Exam · 2016 · isizulu. Question paper, 13 pages. Read online or download the PDF.

Read it free online on the page above; download the PDF from there.

## Matching paper and memo

- [IsiZulu HL P1 Nov 2016 Memo](https://www.hlayiso.com/library/isizulu-hl-p1-nov-2016-memo/5d5b0d4f-1983-4fbb-b696-77a0e5f16185) — Memo · 2016 · isiZulu

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                          NATIONAL
                                     SENIOR CERTIFICATE

                                       IBANGA LE-12

                          ISIZULU ULIMI LWASEKHAYA (HL)

                                IPHEPHA LOKUQALA (P1)

                                       NOVEMBA 2016

AMAMAKI: 70

ISIKHATHI: Amahora ama-2

                               Leli phepha linamakhasi ayi-13.

Akuvunyelwe ukukopisha leli phepha                               Pheqa ikhasi

### Page 2

Downloaded from hlayiso.com
IsiZulu Ulimi Lwasekhaya (HL)/P1              2                         DBE/Novemba 2016
                                             NSC

IMIYALELO KANYE NOLWAZI KWABAHLOLWAYO

1.        Leli phepha lehlukaniswe IZIQEPHU EZINTATHU:

          ISIQEPHU A:       Isivivinyo sokuqondisisa                       (30)
          ISIQEPHU B:       Ukufingqa                                      (10)
          ISIQEPHU C:       Izakhiwo nezimiso zokusetshenziswa kolimi      (30)

2.        Phendula YONKE imibuzo ekuleli phepha.

3.        Qalisa ISIQEPHU NGASINYE ekhasini ELISHA.

4.        Hlukanisa ngokudwebela emuva kwesiqephu.

5.        Faka izinombolo njengoba zisetshenzisiwe ephepheni.

6.        Yeqa umugqa emuva kombuzo ngamunye.

7.        Qaphela isipelingi kanye nokwakhiwa kwemisho.

8.        Ungasebenzisa isikhathi sokubhala ngale ndlela elandelayo:

          ISIQEPHU A:       Imizuzu engama-50
          ISIQEPHU B:       Imizuzu engama-30
          ISIQEPHU C:       Imizuzu engama-40

9.        Bhala ngobunono futhi kubonakale.

Akuvunyelwe ukukopisha leli phepha                                           Pheqa ikhasi

### Page 3

Downloaded from hlayiso.com
IsiZulu Ulimi Lwasekhaya (HL)/P1             3                    DBE/Novemba 2016
                                            NSC

ISIQEPHU A: ISIVIVINYO SOKUQONDISISA
UMBUZO 1: UKUFUNDELA UKUQONDISISA
1.1       Fundisisa UMBHALO A ubuye ubukisise NOMBHALO B ongezansi bese
          uphendula imibuzo elandelayo.
          UMBHALO A (OFUNDWAYO)
                                   IZITHOMBE ZIXOXA LUKHULU
         1         UMaGumede owayedume ngelikasisi Dolly esakhula, umi kwakhe
                   endlini yokuphumula. Ubuka isithombe sakhe esengusukasambe
                   wentokazi,   ngesikhathi eseyintombi yakwabo     eyayishaya
                   ngezicathulo   zayo     okwakungachusha    kuzo    igundane.
                   Wayengumnyovu ngaleso sikhathi futhi enyathela ngabantwana. 5
                   Isikhumba sakhe sasisulekile namehlo emhlophe kwazise
                   ayengakaziboni izimanga zomhlaba. Kulesi sithombe asibukayo
                   ugqoke uyaconsa uphethe isikhwama. Uqhibulele isambulela
                   kwazise wasithathela esitudiyo lesi sithombe. Impela asikho
                   esiguga namagxolo aso.                                       10
         2         Kuningi okufika emqondweni uma kukhulunywa ngesithombe.
                   Kukhona    leso    esiphathwa   ngesandla   naleso    esihlala
                   kumakhalekhukhwini. Zithe chithi saka izithombe ezikhathini
                   zanamuhla, okwenza kube lula kabi ukumazi umuntu othile ukuthi
                   ubukeka kanjani noma ungasambonanga ngamehlo. Awusagcini 15
                   nje ngokwazi igama nesibongo sakhe noma indaba exoxwa ngaye.
                   Uke ucabange ukuthi inkulumo iyasakha isithombe esicacile
                   emqondweni walowo osuke elalele? Othisha abantu abanekhono
                   lokudweba umfanekiso ngengxoxo yabo kubafundi. Akugcini
                   ngokuthi abafundi bakuqondisise lokho abakufundiswayo kodwa 20
                   basuke sebekubona nangamehlo engqondo.
         3         Emandulo ingakabi bikho imishini yokuthwebula izithombe,
                   abadwebi babenza emihle imifanekiso lena. Yayidwetshwa
                   kusetshenziswa ikhono lokuxuba imibala yemicako eyahlukene
                   bese bekhipha umfanekiso womuntu noma wento edwetshwayo 25
                   njengoba injalo. Umdwebi onekhono wayesidweba isithombe
                   somuntu kube sengathi lowo muntu uzokhuluma. Babekhona
                   nababengakudweba umangale ukuthi bathi nguwena kanjani ngoba
                   bazidwebele omunye nje umuntu ongaziwa. Phela nawo amakhono
                   ayashiyana.                                                  30
         4         Ziyachaza izithombe ukuthi zidlulisa muphi umyalezo. Baningana
                   abanekhono lokuzichaza. Bakwazi nokuxoxa ukuthi umdwebi
                   nodwetshiwe     babekusiphi     isimo.  Imibala   esesithombeni
                   bayayichaza bayixoxise kuphume indaba obungayinakile.
                   Abadwebi bezinga eliphezulu bayaqeqeshwa. Zikhona izingwazi 35
                   zalo mkhakha wokudweba ezinjengoRembrant Van Righn
                   onemidwebo emihle eyaziwa umhlaba wonke. ULeonardo Da Vinci
                   ungumdwebi wesithombe esibizwa ngokuthi iMona Lisa,
                   sisengundabuzekwayo      ngobuciko     obuhlukile  abukhombisa
                   ekusidwebeni. Wadla umhlanganiso ngaso. Nanamuhla le 40
                   mifanekiso uma kunezindali isathengwa yize imba eqolo.
Akuvunyelwe ukukopisha leli phepha                                      Pheqa ikhasi

### Page 4

Downloaded from hlayiso.com
IsiZulu Ulimi Lwasekhaya (HL)/P1             4                         DBE/Novemba 2016
                                            NSC

         5         Ezikoleni kukhona isifundo esiqhakambisa amakhono okudweba.
                   Ezikhungweni zemfundo ephakeme kuyafundelwa ukusebenzisa
                   ezobuchwepheshe ekudwebeni nasekuthwebuleni izithombe.
                   Ogogodele lo msebenzi uzuza isitifiketi nolwazi olungamsiza ngisho 45
                   efuna ukuziqalela elakhe ibhizinisi enze eshisiwe imali
                   ngokuqashwa emicimbini enhlobonhlobo.
         6         Izenzo zomuntu wonke ophilayo ezinhle nezimbi zishiya isithombe
                   emiqondweni yabantu. Obedelela nalowo obehlonipha usuke
                   eseshiye isithombe sokuthi wayengumuntu onjani. Ngisho esadlula 50
                   kwelimagade ahlabayo akapheli emilonyeni yabanye abantu.
                   ILembe layiphaka impi libumba isizwe samaZulu. Ubuciko
                   besakhiwo sempi lapho selihlasela, buthi uma buchazwa usibone
                   lesi sithombe phambi kwakho sidlala okwebhayisikobho.
                   Nanamuhla abantu abakawuvali umlomo ngesenzo seLembe. Zofa 55
                   izinsizwa ziyosala izibongo!
         7         Ulwazi lokuthwebula izithombe seluthuthuke kakhulu ezikhathini
                   zamanje. Izihambeli zemicimbi ethile ziyaye zithathe izithombe.
                   Okubi ukuthi aziyiceli imvume kubanikazi bomcimbi. Ngakho-ke
                   azibe zisanqandeka. Zisakaza umcimbi izwe lonke zize ziwufake 60
                   nasezinkundleni zokuxhumana ngesikhathi uqhubeka. Laba
                   abasuke bengaphumelelanga abaphuthelwa lutho ngaphandle
                   kwenkonzo yesisu. Bazithola zishisa izindaba. Kuyenzeka lokhu
                   bangakuthandi abanikazi bomcimbi ngoba laba bathwebuli basuke
                   bethwebule nokungamahlazo kwesinye isikhathi.                   65
         8         Izithombe zivamise ukuveza umuzwa othile kulowo osuke ezibuka.
                   Okuhle ngezithombe ukuvela kobudlelwane kulabo abakusona
                   nalowo osuke esibuka. Kuvamise ukuba kugqame izikhathi
                   zentokozo nomlando kulezo zithombe. Kuyenzeka umuntu asisuse
                   lapho kade esibeke khona, asicishe kumakhalekhukhwini noma 70
                   asidabule uma engasezwani nalawo muntu. Kunabantu
                   abathandayo      ukuthatha    nokuthathwa    izithombe  kanye
                   nokudwetshwa. Kuyinto eyejwayelekile ukuthi uzwe abantu bethi,
                   'Usibanibani azive zimthanda izithombe'. Bakhona nalabo abaye
                   bakhalaze njalo uma kubukwa izithombe ngokuthi abaphumanga 75
                   kahle. Kungenzeka kanjani ukuthi umuntu oyedwa abe neshwa
                   lokungaphumi kahle njalo ezithombeni?
         9         Bayaxwayiswa     abantu    ngokufaka   izithombe ezinkundleni
                   zokuxhumana futhi babuye bazithumele kwabanye, ikakhulukazi
                   uma kuyizithombe zabantu abangaqgokile. Umphumela walokhu 80
                   mubi. Abaqashi bayazibheka izinkundla zokuxhumana ngaphambi
                   kwenhlolokhono yomuntu othize. Uma etholakala enze le
                   migilingwane uye azithole engaqashwa ndawo. Lapho-ke inhlanzi
                   isuke isishelwe ngamanzi. Angakwenza lokhu umuntu edudene
                   nabathile noma esemusha kodwa ngokuhamba kwesikhathi 85
                   kumlahlekisela ngekusasa lakhe. Yiwo-ke amandla esithombe
                   lawa.
                                                                    [Owokuzisungulela]

Akuvunyelwe ukukopisha leli phepha                                             Pheqa ikhasi

### Page 5

Downloaded from hlayiso.com
IsiZulu Ulimi Lwasekhaya (HL)/P1              5                        DBE/Novemba 2016
                                             NSC

          1.1.1       Nikeza izimo zokukhuluma EZIMBILI ezifakazela ukuthi uDolly
                      wayebukeka kahle ngenkathi eseyintombi.                               (2)

          1.1.2       Shono ukuthi zisiza ngani izithombe eziphathwayo nalezo eziba
                      komakhalekhukhwini. Bhekisa impendulo yakho esigabeni sesi-2.         (2)

          1.1.3       Nikeza okungumehluko wokuqukethwe isigaba sesi-3 naleso
                      sesi-7.                                                               (4)

          1.1.4       Isisho esibhalwe ngokugqamile esigabeni sesi-5 kulesi siqephu
                      sichaza ukuthi imali …

                      A   eningi.
                      B   encane.
                      C   entshontshiwe.
                      D   efihliwe.                                                         (1)

          1.1.5       Chaza ngokumele kwenziwe abantu abasha abanothando
                      lokudweba izithombe ukuze bafinyelele ezingeni elifanayo
                      nelabadwebi okukhulunywa ngabo kulesi siqephu.                        (3)

          1.1.6       Kungaba namthelela muni ukuthi umuntu onebhizinisi lokuthwebula
                      izithombe athathe izithombe kodwa ebe engenalo ikhono lalowo
                      msebenzi? Sekela impendulo yakho.                                     (2)

          1.1.7       Ucabanga ukuthi kunganqandwa kanjani ukucekelwa phansi
                      kwezichuse obekudlange ezikhungweni zemfundo ephakeme
                      yakuleli ukuthi kungenzeki esikhathini esizayo?                       (2)

          1.1.8       Ingabe umbono noma iqiniso ukuthi isithombe esashiywa iLembe
                      esizweni samaZulu asisoze sashabalala? Sekela impendulo yakho.        (2)

          1.1.9       Phawula ngokubaluleka kwesitatimende esidwetshelwe kulesi
                      siqephu.                                                              (2)

                                           KANYE NO

Akuvunyelwe ukukopisha leli phepha                                           Pheqa ikhasi

### Page 6

Downloaded from hlayiso.com
IsiZulu Ulimi Lwasekhaya (HL)/P1            6                               DBE/Novemba 2016
                                           NSC

1.2       Bukisisa lezi zithombe ezingezansi bese uphendula imibuzo elandelayo.

          UMBHALO B (OBUKWAYO)

            1                                      2

            3                                      4

                                                       [Zithathwe ku: www.typesofpictures.com]

          1.2.1       Chaza okwenzeka emfanekisweni woku-1.                                       (2)

          1.2.2       Chaza     kafushane       okuwumehluko          walezi      zithombe
                      ezisemfanekisweni wesi-2.                                                   (2)

          1.2.3       Humusha ubudlelwane obukhona phakathi kwesigaba sesi-8
                      nesithombe sesi-3.                                                          (4)

          1.2.4       Ngabe umdwebi osemfanekisweni wesi-4 unalo yini ikhono lalokho
                      akwenzayo? Sekela impendulo yakho.                                          (2)

                                                               AMAMAKI ESIQEPHU A:                30

Akuvunyelwe ukukopisha leli phepha                                                 Pheqa ikhasi

### Page 7

Downloaded from hlayiso.com
IsiZulu Ulimi Lwasekhaya (HL)/P1          7                          DBE/Novemba 2016
                                         NSC

ISIQEPHU B: UKUFINGQA

UMBUZO 2: UKUFINGQA ISIQESHANA NGAMAGAMA AKHO

Lesi siqeshana esilandelayo (UMBHALO C) simayelana nezidakamizwa esezibulele
izwe.

IMIYALELO:

1.        Fingqa lesi siqeshana esimayelana nezidakamizwa esezibulele izwe
          usebenzise amagama akho angedluli kwangama-80.
2.        Fingqa ngesigaba.
3.        Ungabe usasibhala isihloko uma usufingqa lesi siqeshana.
4.        Bhala inani lamagama owasebenzisile ekugcineni kwesiqeshana osifingqile.

UMBHALO C

                            IZIDAKAMIZWA ZILIBULELE IZWE

Intsha yakuleli isingene shi ezidakamizweni ezinhlobonhlobo. Lezi zidakamizwa yizona
eziletha ubumnandi uma intsha ihlangene ezindaweni zokuzithokozisa. Kuqala
bekukhalwa ngokuphuza kakhulu kwabafana manje namantombazane aselala avuke
ngabo. Okubuhlungu kakhulu ukuthi intsha ayisagcini nje ngokuphuza utshwala kodwa
isibuxuba nezidakamizwa ezahlukahlukene. Kukhona izidakamizwa ezifana newunga,
i-mercedes, i-tik, kanye nezinye ezinhlobonhlobo. Lezi zingane ezizitika ngalezi
zidakamizwa zize ziziteketise zizibize ngomgwinyo.

Lezi zidakamizwa azikhethi indawo lapho kumele zisetshenziswe khona. Uma kukhona
ozalwayo ziyadliwa, kusemngcwabeni ziyadliwa, iPhasika noma uKhisimuzi alukho
olwamahhala. Umkhuba omusha kulezi zinsuku yilowo wokwenza imicimbi yokubeka
phansi amapeni bese kudliwa izidakamizwa. Lokhu kuvame ukwenzeka uma izingane
seziqede ukubhala izivivinyo zokuphela konyaka. Abafundi bahlanganisa imali
yezidakamizwa bese beyokwenza umcimbi wokugeza amapeni. Kulo mcimbi akukho
okunye intsha ezijabulisa ngakho ngaphandle kotshwala kanye nomgwinyo.

Okubuhlungu kakhulu yikho nje ukuthi sezithe chithi saka izindawo ezingamajoyinti
ezidayisa utshwala emphakathini. Abanikazi bamajoyinti ababe besabheka ukuthi lo
ozothenga utshwala uneminyaka emingaki inqobo nje uma eletha imali. Okubi kakhulu
yila majoyinti asondelene nezikole. Izingane uzibona ziwuvanzi zehla zenyuka
zithungatha indawo yokuzijabulisa ngezidakamizwa. Kwasho bani ukuthi ukuze ujabule
kumele uphuze utshwala? Kusuke kungewona umcimbi uma ungazange unikeze
abantu utshwala bese kuthi intsha iminye ukuze isheshe idakwe idlule abantu abadala.
Utshwala lobu yibo obuvamise ukuvula intuba yezinye izidakamizwa.

Ukucabanga kwabantu abadle izidakamizwa akufani. Kukhona labo okuthi uma
sebezidlile baphenduke amabhubesi. Ukubulala umuntu kubona kufane nokubulala
impukane nje. Yibo laba abavamise ukwenza ubugebengu obunodlame. Badlwengula
izalukazi, izingane abakhethi. Kubona ukucabangela abanye abantu into engekho
ezingqondweni zabo. Kukhona nalabo abathi uma sebezidlile izidakamizwa zimane
zibathothobalise, bahleke ubala ubathole sebegxaza amathe anganqandeki.

Akuvunyelwe ukukopisha leli phepha                                         Pheqa ikhasi

### Page 8

Downloaded from hlayiso.com
IsiZulu Ulimi Lwasekhaya (HL)/P1        8                             DBE/Novemba 2016
                                       NSC

Umuntu osheshe wangena ezidakamizweni kuba nzima kuye ukuba aziyeke. Ubungozi
bazo ukuthi zisabalala nawo wonke umzimba angabe esakwazi ukuphila ngaphandle
kwazo. Izidakamizwa ziyikhinyabeza kakhulu ingqondo yomuntu osemncane ngoba
usuke engakakhuli ngokwanele.

Abantu abaningi sebaphelelwa unembeza. Abanandaba ukuthi kufa bani. Ukudayisela
izingane izidakamizwa kuwukubulala isizwe. Ingalo yomthetho kufanele iqine ukuze
kuboshwe bonke laba bantu abadayisa izidakamizwa. Yimuphi nje umzali ojabulela
ukubona ingane yakhe ibhuquziswa yizidakamizwa? Okuqaphelekayo ukuthi nabo labo
abadayisa lezi zidakamizwa bazele. Intuba encane ezingayithola nezabo izingane
zingathanda ukuzwa ukuthi yini le edayiswa lapha ekhaya.

Okunzima ukuthi laba bantu baphila nathi emphakathini. Umphakathi yiwo
obavikelayo. Kungalunga uma umphakathi ungabambisana nabakwasidlodlo
kunqandwe lesi sihlava.

                                       [Icashunwe yahunyushwa: Isolezwe, 27 Mashi 2016]

                                                          AMAMAKI ESIQEPHU B:               10

Akuvunyelwe ukukopisha leli phepha                                           Pheqa ikhasi

### Page 9

Downloaded from hlayiso.com
IsiZulu Ulimi Lwasekhaya (HL)/P1          9                             DBE/Novemba 2016
                                         NSC

ISIQEPHU C: IZAKHIWO NEZIMISO ZOKUSETSHENZISWA KOLIMI

UMBUZO 3: UKUHLAZIYA ISIKHANGISI

Fundisisa lesi sikhangisi (UMBHALO D) bese uphendula imibuzo ezolandela.

UMBHALO D (OFUNDWAYO NOBUKWAYO)

                                     [Sicashunwe sahunyushwa kuBona, January 2015]

Akuvunyelwe ukukopisha leli phepha                                            Pheqa ikhasi

### Page 10

Downloaded from hlayiso.com
IsiZulu Ulimi Lwasekhaya (HL)/P1             10                       DBE/Novemba 2016
                                            NSC

3.1       Yethula okukodwa okuyiqiniso ngalokhu okukhangiswayo.                            (1)

3.2       Chaza kafushane imigomo okumele ilandelwe ukuze umfundi walesi
          sikhangisi ezothola ithuba lokuzuza umklomelo wengqayika.                        (3)

3.3       Khetha impendulo eyodwa kwezilandelayo:

          Igama elithi ingqayika lisho …

          A      indlovu.
          B      umfaniswano.
          C      izicathulo.
          D      ibhayisikili.                                                             (1)

3.4       Ucabanga ukuthi isithombe sendlovu esisetshenziswe kulesi sikhangisi
          sinabudlelwane buni negama elithi 'Toughees'?                                    (3)

3.5       Phawula ngokusetshenziswa        kwesiqubulo   ukunxenxa   abafundi   balesi
          sikhangisi.                                                                      (2)
                                                                                           [10]

Akuvunyelwe ukukopisha leli phepha                                          Pheqa ikhasi

### Page 11

Downloaded from hlayiso.com
IsiZulu Ulimi Lwasekhaya (HL)/P1           11                           DBE/Novemba 2016
                                          NSC

UMBUZO 4: UKUHUMUSHA IKHATHUNI

Bukisisa UMBHALO E bese uphendula imibuzo elandelayo.

UMBHALO E (OFUNDWAYO NOBUKWAYO)

   1                                       2

      3                                     4

   5                                        6

                                           [Icashunywe ku: www.funny-comiccartoon.com]

4.1       Yini evezwa ithoni esetshenziswe ngumama enkulumeni ekufreyimi yoku-1?
          Nikeza isizathu sempendulo yakho.                                                   (2)

4.2       Chaza kafushane ngokusetshenziswa koteku efreyimini yesi-6.                         (2)

Akuvunyelwe ukukopisha leli phepha                                             Pheqa ikhasi

### Page 12

Downloaded from hlayiso.com
IsiZulu Ulimi Lwasekhaya (HL)/P1          12                          DBE/Novemba 2016
                                         NSC

4.3       Ukusetshenziswa kolimi olungamukelekile olutholakala kufreyimi yesi-3
          luchaza ukuthi …

          A      inkinga.
          B      ingozi.
          C      intuthu.
          D      indlala.                                                                 (1)

4.4       Humusha ukukhuluma ngezitho zomzimba okwenzeka efreyimini yesi-4.
          Bhekisa kubo bonke abalingiswa abakule freyimi.                                 (3)

4.5       Ngokwakho ukubona ngabe umdwebi wale khathuni ukwazile ukudlulisa
          umyalezo wakhe? Nikeza isizathu sempendulo yakho.                               (2)
                                                                                          [10]

UMBUZO 5: IZAKHIWO NEZIMISO ZOKUSETSHENZISWA KOLIMI

Funda lesi siqeshana esingezansi bese uphendula imibuzo elandelayo.

UMBHALO F

                            IGAMA LOMUNTU LIBALULEKILE

Ukwakha igama lakho empilweni kubalulekile. Yingakho umuntu elivikela igama
lakhe. Indaba yokuqanjwa kwegama iqala ngesikhathi umama wengane
esakhulelwe. Izigameko ezimehlela ngesikhathi ekhulelwe ziyasetshenziswa
ukuqamba igama lengane. Lokhu kusuke kwenzelwa ukugcina umlando othile
kuleso sibongo.                                                             5

Abazali abalicabangelayo ikusasa baqamba izingane zabo amagama amahle.
Ezinye ziyawalandela amagama azo kanti ezinye ziphuma eceleni. Kwesinye
isikhathi kuyenzeka abazali basebenzise amagama abantwana babo ukulwa izimpi
zabo. Kungumkhuba omubi lo ngoba ezinye izingane ziba namagama alumelayo
uma uwaphimisa.                                                              10

Ukuziphatha kahle phambi kwabantu kwakha igama elihle. Yingakho-ke abantu
bekuqikelela ukwenza kahle phambi kwabanye ukuze babe namagama amahle.
Lingcofe-ke wena uyoyikhotha imbenge yomile.

Abantu bayafisa ukushiya igama elihle emhlabeni. Ukwenza kahle kwakhela umuzi
kanye nesibongo igama elihle. Umnumzane uyakuqikelela ukuthi izingane zakhe 15
kaziphenduli umuzi wakhe ihlathi.

                                                                [Owokuzisungulela]

5.1       Shono ukuthi igama elidwetshwelwe emgqeni woku-1 lenze msebenzi muni
          emshweni elikuwona.                                                             (1)

5.2       Tomula isenzo esisendleleni esabizo esitholakala emgqeni wesi-4. Phinda
          usisebenzise lesi senzo sesikhomba ukulandula emshweni ozakhele wona.           (2)

Akuvunyelwe ukukopisha leli phepha                                         Pheqa ikhasi

### Page 13

Downloaded from hlayiso.com
IsiZulu Ulimi Lwasekhaya (HL)/P1           13                      DBE/Novemba 2016
                                          NSC

5.3       Nikeza umqondo oqukethwe isakhi esidwetshelwe emgqeni wesi-8.               (1)

5.4       Emshweni odwetshelwe khipha:

          5.4.1       Umusho omkhulu.

          5.4.2       Umshwana okhonzile ochazayo.                                    (2)

5.5       Khipha ingxenye yomusho equkethe inkulumo egudliselayo esigabeni sesi-3
          bese unikeza incazelo yayo.                                                 (2)

5.6       Sebenzisa igama elibhalwe ngokugqamile emgqeni we-16 emshweni
          ozakhele wona ukuze kuvele umqondo owehlukile kulo otholakala endabeni.     (2)
                                                                                      [10]

                                                         AMAMAKI ESIQEPHU C:          30
                                                         AMAMAKI ESEWONKE:            70

Akuvunyelwe ukukopisha leli phepha

## Related documents

- [IsiZulu HL P2 Nov 2016](https://www.hlayiso.com/library/isizulu-hl-p2-nov-2016/da05bfb3-94f1-4d44-9d5e-8b3bea35aa27) — isiZulu HL · QP · 2016 · isiZulu
- [IsiZulu HL P3 Nov 2016](https://www.hlayiso.com/library/isizulu-hl-p3-nov-2016/4dc5d679-a1a3-48de-a759-d818ed2c9c8f) — isiZulu HL · QP · 2016 · isiZulu
- [IsiZulu HL P1 May June 2016](https://www.hlayiso.com/library/isizulu-hl-p1-may-june-2016/2e73edec-f7f3-40c9-8ea3-d742f7be2911) — isiZulu HL · QP · 2016 · isiZulu
- [IsiZulu HL P1 Feb March 2016](https://www.hlayiso.com/library/isizulu-hl-p1-feb-march-2016/7c574fb0-fe85-40fc-8aa5-ee521753239b) — isiZulu HL · QP · 2016 · isiZulu
- [IsiZulu HL P1 Nov 2023](https://www.hlayiso.com/library/isizulu-hl-p1-nov-2023/3f446dbc-15d1-44a6-baae-193e62c660c1) — isiZulu HL · QP · 2023 · isiZulu
- [IsiZulu HL P1 Nov 2022](https://www.hlayiso.com/library/isizulu-hl-p1-nov-2022/d01394ff-3d84-43de-bb43-910b78e1d48b) — isiZulu HL · QP · 2022 · isiZulu

## More from Grade 12 isiZulu HL

- [Gr 12 IsiZulu HL ATP 2023-24](https://www.hlayiso.com/library/gr-12-isizulu-hl-atp-2023-24/93ad0a8c-bc03-4c66-8e2f-11bd20f2d951) — ATP
- [IsiZulu P1 (HL) June 2025 Possible Answers](https://www.hlayiso.com/library/isizulu-p1-hl-june-2025-possible-answers/fb8e2fe1-962f-4ce7-8ece-e8248a6089c9) — Memo · 2025 · isiZulu
- [IsiZulu HL P1 May-June 2025 MG](https://www.hlayiso.com/library/isizulu-hl-p1-may-june-2025-mg/adef4117-1c9d-4dbd-bba0-301fd76318ea) — Memo · 2025 · isiZulu
- [IsiZulu HL P2 May-June 2025 MG](https://www.hlayiso.com/library/isizulu-hl-p2-may-june-2025-mg/d4920805-f4a8-49f7-b91b-4b694f90ace1) — Memo · 2025 · isiZulu
- [IsiZulu HL P3 May-June 2025 MG](https://www.hlayiso.com/library/isizulu-hl-p3-may-june-2025-mg/f7ee88c8-ffa7-40ce-b8aa-ae25259e7d2d) — Memo · 2025 · isiZulu
- [IsiZulu HL P3 Nov 2025 MG](https://www.hlayiso.com/library/grade-12-isizulu-hl-2025-nsc-november-exam-question-paper-paper-3-isizulu/11f41a62-9c6b-4f49-9f11-861e0b53249a) — Memo · 2025 · isiZulu

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
