# Afrikaans HL Grade 12 North West Mock 2019 Question Paper > Grade 12 Afrikaans HL question paper from the North West Mock Exam 2019, 13 pages. Read online or get the free PDF download, memo linked when available. - Page: https://www.hlayiso.com/library/nw-afrikaans-hl-v1-2019/d6a582b4-16a6-4af8-a47e-07295eb43fe3 - Updated: 2026-09-27 - Subject: Afrikaans HL - Grade: Grade 12 - Language: Afrikaans - Document type: Question paper - Year: 2019 - Exam period: North West Mock Exam - Curriculum: CAPS - Pages: 13 Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Afrikaans HL](https://www.hlayiso.com/library/grade-12/afrikaans-hl) › [Afrikaans HL Grade 12 North West Mock 2019 Question Paper](https://www.hlayiso.com/library/nw-afrikaans-hl-v1-2019/d6a582b4-16a6-4af8-a47e-07295eb43fe3) ## About this document Afrikaans Hl · Grade 12 · North West Mock Exam · 2019 · Afrikaans. Question paper, 13 pages. Read online or download the PDF. Read it free online on the page above; download the PDF from there. ## Document text Text extracted from the PDF. Layout, diagrams and tables may not survive extraction. ### Page 1 Downloaded from hlayiso.com NASIONALE SENIOR SERTIFIKAAT GRAAD 12 AFRIKAANS HUISTAAL V1 SEPTEMBER 2019 PUNTE: 70 TYD: 2 uur Hierdie vraestel bestaan uit 13 bladsye. Kopiereg voorbehou Blaai om asseblief ### Page 2 Downloaded from hlayiso.com Afrikaans Huistaal/V1 2 NW/September 2019 NSS INSTRUKSIES EN INLIGTING 1. Hierdie vraestel bestaan uit DRIE afdelings: AFDELING A: Leesbegrip (30) AFDELING B: Opsomming (10) AFDELING C: Taalstrukture en -konvensies (30) 2. Beantwoord AL die vrae. 3. Begin ELKE afdeling op 'n NUWE bladsy. 4. Trek 'n streep ná elke afdeling. 5. Nommer elke antwoord korrek volgens die nommeringstelsel wat in hierdie vraestel gebruik is. 6. Laat 'n reël oop na elke antwoord. 7. Skenk veral baie aandag aan spelling en sinskonstruksie. 8. Voorgestelde tydsindeling: AFDELING A: 50 minute AFDELING B: 30 minute AFDELING C: 40 minute 9. Skryf netjies en leesbaar. Kopiereg voorbehou Blaai om asseblief ### Page 3 Downloaded from hlayiso.com Afrikaans Huistaal/V1 3 NW/September 2019 NSS AFDELING A: LEESBEGRIP VRAAG 1 Lees en kyk na die tekste hieronder en beantwoord die vrae wat daarna volg. TEKS A: ARTIKEL Klinkklaar Afrikaans 'n Jonger geslag skeppende moedertaalsprekers maak klanke en woorde vir 'n brawe nuwe wêreld. Teks deur LIEN BOTHA 1 Op pad na hul huis in die Strand, ry jy verby woonstelblokke met name soos Blinkwater, Oranje en Welgelegen. Kronkel-kronkel in die rigting van klank, agter die musiektowenaars aan tot in die huis waar soveel musikante al kom saamsnoer het. 2 Riku Lätti is deur berge en dale sedert sy dae as filosofiestudent aan Wits. 5 "Ek het nooit bedoel om musiek te maak nie en wou in die akademie gaan." Maar ʼn mens vermoed dat genetika sy behoefte bepaal het om heeltyds 'n orkes aan die gang te hou. Sy Estoniese voorsate was musikante, en hoewel musiek vir sy ma verpligtend was, het sy haar kinders laat begaan. 3 "My fokus was nog altyd om iets nuuts te probeer skep. Ek het nog nooit 10 in ʼn cover band gespeel nie en dit is ook wat ek probeer doen met Die Wasgoedlyn." Hy gaan soek mense wat hul eie musiek maak, outentieke klank, nie iemand wat Maria Callas, die Spaanse operasangeres, foutloos nadoen nie. "Ek is in ʼn konstante staat van halfpad gereed om musikante te ontmoet. Jou lamp moet net vol olie wees." 15 4 Die Wasgoedlyn het sewe jaar gelede ontstaan met opnames vir ʼn TV- program in die Bosveld en die klankies van die veld vloei toe sommer mee as ingenooide musikant. "Wasgoedlyn is soos 'n instamatic klankfoto, druk die opnemer en dan is dit ʼn foto van 'n stukkie tyd wat werklik was, met sy skete en afbeentjies, die resultaat eintlik meer perfek as die stukkie 20 waaraan jy hard getimmer het." 5 'n Lang lys produksies en toekennings getuig van Riku se vaardigheid en toewyding, onder meer ʼn SAFTA vir klankontwerp en die klankbaan van die fliek Abraham. Sy diskografie beslaan tien uitreikings, insluitende Wasgoedlyn se twee volumes, waarvan die nuwe reeks binnekort op 25 televisie sal wees. 6 Jackie, Riku se ander helfte, het van kleins af chronies gesing, pragstukke met kryte geteken, gedigte en stories geskryf en haar sibbe tot trane gedryf met haar vervolgverhale elke aand voor slaaptyd. Dié fassinerende vrou, se maan-ouma, het Jackie deur haar stories bewus gemaak van die 30 Kopiereg voorbehou Blaai om asseblief ### Page 4 Downloaded from hlayiso.com Afrikaans Huistaal/V1 4 NW/September 2019 NSS magiese elemente van die maan. Dit is heel waarskynlik waar sy haar kreatiewe gene geërf het. "Ons huis is vol chaos, maar ʼn lekker chaos." 7 Riku se drif slaan deur wanneer hy praat oor die negatiewe effek van die formaat van Afrikaans se gestandaardiseerde popmusiek, waarvan 60% van die liedjies uit Europa ingevoer en vertaal word. Dit is ongelukkig die 35 soort musiek wat die botoon op die meeste radiostasies voer. 8 Die eerste rock ʼn roll-groep in Kleinmond was Tribal Echo. Lede van die groep was jare lank betrokke by gemeenskapsontwikkeling en deel van 'n proaktiewe groep wat bendes en dwelms uit hul woonbuurt gehou het. Vandag word Tribal Echo se musiek in die tronke gespeel as deel van 40 rehabilitasie! Die groep het baie ysters in die vuur en tree gereeld by verskeie kunstefeeste op. In 2016 het hulle die Woordfeestrofee ontvang vir deelname in Kô, lat ons sing, waarvoor Frazer Adam Small se gedigte getoonset is. "Oom Adam het my verryk, die ritme van sy poetry – dis rock ʼn roll, kerkliedere, ghoema – dan kom jy agter hoe wyd sy inspirasie 45 loop." 9 Dan is daar ook Jolyn Phillips, woordbreker van Blompark, gebore en getoë in Gansbaai en deesdae 'n gesoute pendelaar tussen Kaapstad en UWK, waar sy tans ingeskryf is vir haar doktorale studies – die eerste in haar familie. 50 10 Maar haar pad tot hier is oopgekap uit gedigte waarin sy moes beitel aan gebreekte ballades. "Eintlik is my tong 'n klomp tonge deurmekaar. Ek moes vrede maak met die Afrikaans wat ek het en dit was 'n wonderlike vryheid. 'n Mens praat dit, maar wanneer jy meer daaroor begin lees, besef jy wat hierdie jong taal al deurgemaak het; die Sestigers wat hulself 55 vry moes skryf om 'n landskap oop te skryf vir jonger skrywers soos ek." 11 Klank bring haar by Die Wasgoedlyn. "Ek het gehou van toe Afrikaanse musiek digkuns was, en toe ek Riku se musiek hoor, het ek gedink dis hóé musiek moet klink." 12 Jolyn voel Wasgoedlyn is 'n argief van die land. "As jy wil hoor hoe die 60 land op die oomblik klink, gaan luister na Wasgoedlyn." 13 "Tong-trilogie is die vers wat ek vir myself gelos het om myself te vind. As ek teruggaan, gaan ek altyd na daai vers toe." [Verwerk uit Rooi Rose, Oktober 2018] Kopiereg voorbehou Blaai om asseblief ### Page 5 Downloaded from hlayiso.com Afrikaans Huistaal/V1 5 NW/September 2019 NSS TEKS B: SPOTPRENT Rock 'n Roll onner die Afrika son - Boereorkes! Mooiplaas! [Bron: Volksblad, 16 Mei 2016] VRAE: TEKS A 1.1 Herlees paragraaf 1 tot 3. Haal 'n frase aan om te bewys dat Riku Lätti nie ʼn maklike lewensreis gehad het nie. (1) 1.2 In paragraaf 2 word daar verwys na Riku Lätti se studies. Watter vakrigting het hy bestudeer en waarom het hy nie daardie akademiese pad gevolg nie? (3) 1.3 Watter afleiding kan die leser maak oor die feit dat sy ma verplig was om aan musiek deel te hê, maar het haar kinders laat begaan? (1) 1.4 Wat is die betekenis van die onderstreepte woord in paragraaf 3? (1) 1.5 Wat is Riku Lätti se ingesteldheid teenoor nuwe musikante? Motiveer jou antwoord deur na die teks te verwys. (2) 1.6 Jou lamp moet net vol olie wees. (Paragraaf 3) Word hierdie sin denotatief of konnotatief gebruik? Motiveer jou antwoord deur na die betekenis van die sin in konteks te verwys. (1) Kopiereg voorbehou Blaai om asseblief ### Page 6 Downloaded from hlayiso.com Afrikaans Huistaal/V1 6 NW/September 2019 NSS 1.7 Herlees paragraaf 4. Verduidelik die rede vir die geslaagdheid van die woordkeuse ingenooide musikant. Haal TWEE opeenvolgende woorde aan om te bewys dat die musiek baie visueel is. (2) 1.8 Riku Lätti is ʼn toegewyde en vaardige musikant. Motiveer waarom hierdie stelling as ʼn geloofwaardige stelling gesien kan word. (2) 1.9 Herlees paragraaf 6. Wat word bedoel met die woorde dat Jackie Riku se ander helfte is en watter verskil is daar tussen hulle wat die uitoefening van hul kuns betref? Waaraan word haar kreatiewe vermoë toegeskryf? (4) 1.10 Wat word gesuggereer deur die volgende stelling in paragraaf 6: Sy het haar sibbe tot trane gedryf met haar vervolgverhale elke aand voor slapenstyd.? (1) 1.11 Wat impliseer die woord drif in paragraaf 7 oor Riku Lätti se gemoedstoestand? Hoe verskil sy eie manier om Afrikaanse musiek te skep van die huidige tendens van Afrikaanse gestandaardiseerde Afrikaanse popmusiek? (3) 1.12 Is die slotsom waartoe die skrywer kom oor die rock 'n roll-groep Tribal Echo oor gemeenskapsontwikkeling objektief? Motiveer jou antwoord. (2) 1.13 Herlees paragraaf 10-12. Oorweeg die gepastheid van Jolyn Phillips se woorde in paragraaf 12 dat ”Die Wasgoedlyn ʼn argief van die land is” met ʼn gepaste motivering. (2) 1.14 Haal ʼn woord uit paragraaf 13 aan wat die onderstreepte sin in parargraaf 10 ondersteun. (1) VRAE: TEKS B 1.15 Watter boodskap wil die spotprentkunstenaar oordra as jy die liedjies se name en visuele beelde in ag neem? (2) VRAE: TEKS A EN B 1.16 Verduidelik hoe TEKS B by Die Wasgoedlyn TEKS A (paragraaf 12) aansluit. (1) 1.17 Die Volksblad verwys na 90% plaaslike musiek wat deur die SAUK gespeel word. Dink jy die aanname is korrek? Verwys in jou antwoord na beide tekste. (1) TOTAAL AFDELING A: 30 Kopiereg voorbehou Blaai om asseblief ### Page 7 Downloaded from hlayiso.com Afrikaans Huistaal/V1 7 NW/September 2019 NSS AFDELING B: OPSOMMING VRAAG 2 Lees die teks hieronder en maak 'n opsomming van SEWE wenke vir ouers van dít wat jy nie vir 'n tiener moet sê nie. LET WEL: 1. Jou opsomming moet in jou eie woorde (in volsinne) in paragraafvorm aangebied word en mag nie meer as 90 woorde beslaan nie. 2. Dit is nie nodig om die opsomming ʼn titel te gee nie. 3. Dui die getal woorde aan wat jy vir die opsomming gebruik het. TEKS C Tel nou woorde As jy ʼn goeie verhouding met ʼn tiener wil hê, is daar ʼn paar dinge wat jy liefs nie moet sê nie… Deur Anys Rossouw Geduld en wysheid en baie daarvan. Probeer om nie die volgende goed vir jou kind te sê in hul storm-en-drangjare nie. Die Amerikaanse lewensafrigter Simon Bailie sê kinders het op 17 reeds 150 000 keer "nee" gehoor teenoor net 5000 "ja"-antwoorde. Kinders wil nie net ʼn "nee" hoor nie. ʼn "Nee" laat mense voel hulle word nie gehoor nie of hul behoeftes geld nie. Dikwels hoor kinders dat ouers nie tyd het nie en dan voel hulle onbelangrik. Tog moet hulle besef ouers het ook ʼn skedule en lewe. Hulle moet die boodskap kry dat hulle belangrik is en dat dit lekker is om by hulle te wees. Kinders se vriende is vir hulle uiters belangrik. As jy hul vriende kritiseer en nie aanvaar nie, voel dit vir hulle of jy hulle en hul keuses nie aanvaar nie. Tieners verpes dit om met ander vergelyk te word, of te hoor dat hulle nie so goed soos ander is nie. Elke kind het ruimte nodig om homself te wees, sonder om te voel dat hy in iemand se skaduwee leef. Kinders wil ook nie die negatiewe toekomsvoorspellinge hoor wat as ʼn beheermeganisme gebruik word sodat hulle akademies beter sal presteer nie. Sekere klere, fone of besittings is vir kinders statussimbole wat hulle laat voel hulle is deel van hulle portuurgroep. Ouers moet dus versigtig wees om kinders se behoeftes te ontken deur te sê dat hulle nie geld daarvoor het nie. Ouers moet versigtig wees om aannames te maak. As ʼn tiener oneerlik is, moet ʼn mens se optrede dit juis vir hulle makliker maak om wel die waarheid te vertel. As jy jou tiener gereeld daarvan beskuldig dat hul nie die waarheid praat nie, gaan dit volgende keer nog moeiliker wees om die waarheid te vertel. [Verwerk uit Rooi Rose, Oktober 2018] TOTAAL AFDELING B: 10 Kopiereg voorbehou Blaai om asseblief ### Page 8 Downloaded from hlayiso.com Afrikaans Huistaal/V1 8 NW/September 2019 NSS AFDELING C: TAALSTRUKTURE EN -KONVENSIES VRAAG 3: ADVERTENSIE Bestudeer die advertensie (TEKS D) hieronder en beantwoord die vrae wat volg. TEKS D 1 Internasionale bekroonde reeks 2 Kalahari-velsorg is ʼn hoogs doeltreffende, 3.2 (resultaat + dryf) reeks produkte 3 wat bestaan uit ʼn kombinasie van natuurlike plantolies en plantekstrakte, 4 gekombineer met moderne bestandele. 5 Resultate is duidelik sigbaar. 6 Dít is geskik vir alle veltipes en -toestande. 7 Jou perfekte planteffektiewe reeks. 8 ʼn Doeltreffende gesigroom sonder tierlantyntjies wat jou vel bevogtig, teen 9 skadelike UV-strale beskerm, die plooie op ʼn afstand hou en dalk self ʼn bietjie 10 kleur gee. 11 Kenners meen: "Met so ʼn produk kan enige man mos 'oorlog' toe gaan." [Bron: Netwerk24, 10 Oktober 2017] 3.1 Gee 'n voorbeeld van oorrendende taal uit reël 1–3 en toon aan wat die kopieskrywer daarmee wil bereik. (1) Kopiereg voorbehou Blaai om asseblief ### Page 9 Downloaded from hlayiso.com Afrikaans Huistaal/V1 9 NW/September 2019 NSS 3.2 Vorm die korrekte deelwoord van die woorde tussen hakies in reël 2. (1) 3.3 Skryf die woord in reël 4 wat verkeerd gespel is, korrek oor. (1) 3.4 Hoe dink jy dra die foto tot die geslaagdheid van die advertensie by? (1) 3.5 Benoem die onderstreepte woord in reël 6 volledig ten opsigte van die woordsoort waartoe dit behoort. (1) 3.6 Vervang die koppelteken in reël 6 met 'n gepaste woord? (1) 3.7 Verdeel die onderstreepte woord in reël 7 in klankgrepe. (1) 3.8 Watter klankverskynsel kan moontlik voorkom by die uitspreek van tierlantyntjies in reël 8? (1) 3.9 Waarom word oorlog in reël 11 in aanhalingstekens geskryf? (1) 3.10 Herskryf reël 11 in die indirekte rede. (1) [10] Kopiereg voorbehou Blaai om asseblief ### Page 10 Downloaded from hlayiso.com Afrikaans Huistaal/V1 10 NW/September 2019 NSS VRAAG 4: STROKIESPRENTE Bestudeer die strokiesprente (TEKS E) hieronder en beantwoord die vrae wat volg. TEKS E STROKIE 1 1 Gryp julle wapens, Manne! Ons gaan Noorweë inval! 5 Noorweë 4 Te gevaarlik! is vol 2 Nee dankie! 3 Vergeet dit! Vikings!!! 6 Ons het 8 Was die bloed met koue water verdwaal. Ons het uit julle klere! aanwysings nodig. 7 Weg met julle Vikings. Julle bloed gaan vloei. 9 Sy vrou is darem hulpvaardig. [Verwerk uit Netwerk24, 20 September 2018] Kopiereg voorbehou Blaai om asseblief ### Page 11 Downloaded from hlayiso.com Afrikaans Huistaal/V1 11 NW/September 2019 NSS STROKIE 2 11 Ook maar goed ek het 10 Wat is dit dié? nooit leer lees ʼn Klagtebrief van nie! die manne. Die verskriklike 12 Julle noem julleself Vikings? 13 Regte VIKINGS… 14 Regte Vikings sal BLINDELINGS in ʼn geveg in- 15 Waar is my REGTE Vikings? 16 Hulle word gaan! sterker. [Verwerk uit Netwerk24, 20 September 2018] 4.1 Waarom is daar ʼn komma voor manne in SPRAAKBORREL 1? (1) 4.2 Watter gevoel dra die soldate se woorde in SPRAAKBORRELS 3 en 4? (1) 4.3 Brei die sin in SPRAAKBORREL 5 met ʼn bywoordelike bepaling uit en onderstreep die bepaling. (1) 4.4 Herskryf Hägar se eerste sin in SPRAAKBORREL 6 in ʼn spesifieke vraagsin. (1) 4.5 Verbind die sinne van die koning in SPRAAKBORREL 7 met ʼn neweskikkende voegwoord. (1) 4.6 Watter afleiding behoort Hägar uit die koning se woorde in SPRAAKBORREL 7 te maak? (1) 4.7 Gee 'n persoonsnaam vir iemand wat in Noorweë bly. (1) Kopiereg voorbehou Blaai om asseblief ### Page 12 Downloaded from hlayiso.com Afrikaans Huistaal/V1 12 NW/September 2019 NSS 4.8 Watter taalverskynsel kom in die woord blindelings in SPRAAKBORREL 14 voor? Kies een van die volgende deur slegs die letter neer te skryf. A Kontaminasie B Toutologie C Analogie D Onomatopee (1) 4.9 Die woord regte word in SPRAAKBORREL 15 beklemtoon. Skryf die woord oor deur van die nodige skryftekens gebruik te maak. 4.10 Is die soldate se optrede teenoor Hägar geloofwaardig? Motiveer jou antwoord. (1) [10] VRAAG 5: ARTIKEL Bestudeer die artikel (TEKS F) hieronder en beantwoord die vrae wat volg. TEKS F ONTSPANNING – OM JOU BATTERYE TE HERLAAI 1 Probeer om ’n naweekmentaliteit in die week te volg en die resultaat: ’n gelukkiger, gesonder en meer huppel-in-jou-stap jy! 2 Ontspanning is nie effektief as jy jou werk of frustrasies op jou reis saamneem nie en nog die hele tyd lewendig hou nie – dis juis om ’n oomblik daarvan te vergeet. 3 Naweke is belangrik. Dit is ongelooflik hóé baie goed jy in hierdie twee dae kan inpas! Dit is geen wonder dat 72% van vroue sê hulle sal met ’n kleiner salaris tevrede wees as hulle net ’n drie-dag-naweek kan hê nie! As hierdie strategie werk, het die naweek mos sy doel gedien. 4 Gelukkig is daar ’n meer koste-effektiewe manier hoe jy meer naweek in jou week kan inwerk. Doen minder. Raak ontslae van die dinge wat jou dag (5.8 vol). 5 Maak Maandagoggende rustiger. Die Griekse geskiedkundige Herodotus het geskryf dat oorhaastigheid die oorsaak van mislukking is. En ’n chaotiese week begin gewoonlik met ’n mal-Maandag. Raak ontslae van die struikelblokke deur op Vrydae vooruit te beplan. Bly ’n bietjie langer by die werk en skryf ’n doen-dit-lysie, sorteer jou lessenaar uit en dateer jou kalender op. So kan jy die volgende Maandag heerlik (5.10 ___) ’n koppie koffie en die koerant klets. [Verwerk uit Voelgoed, 27 September 2018] Kopiereg voorbehou Blaai om asseblief ### Page 13 Downloaded from hlayiso.com Afrikaans Huistaal/V1 13 NW/September 2019 NSS 5.1 Op watter manier van woordvorming is die onderstreepte woord in paragraaf 1 saamgestel? (1) 5.2 Gee die intensiewe vorm van gelukkiger in paragraaf 1. (1) 5.3 Skryf die infinitiewe vorm van die werkwoord wat in paragraaf 2 voorkom, neer. (1) 5.4 Maak 'n verduidelikende sin met die homofoon van reis in paragraaf 2. (1) 5.5 Brei die onderstreepte sin in paragraaf 3 met ʼn byvoeglike bysin uit. Skryf die hele sin oor en onderstreep jou bysin. (1) 5.6 Skryf 72% in woorde uit. (1) 5.7 Skryf die sin "Doen minder" (paragraaf 4) oor in die lydende vorm. (1) 5.8 Gee die verkleining van dinge in paragraaf 4. (1) 5.9 Vorm met behulp van 'n metamorfeem die korrekte vorm van die woord tussen hakies in paragraaf 4. (1) 5.10 Vul die ontbrekende voorsetsel in paragraaf 5 in. (1) [10] TOTAAL AFDELING C: 30 GROOTTOTAAL: 70 Kopiereg voorbehou ## Related documents - [ANALISE PER VRAAG AFRIKAANS HUISTAAL V 1 2019](https://www.hlayiso.com/library/analise-per-vraag-afrikaans-huistaal-v-1-2019/833377e2-1640-49da-b7d3-0ea76bc7c710) — Afrikaans HL · QP · 2019 · Afr - [Afrikaans HL P1 May June 2019](https://www.hlayiso.com/library/afrikaans-hl-p1-may-june-2019/367ff59a-d2b3-4a61-9ec2-462562ce9a61) — Afrikaans HL · QP · 2019 · Afr - [NW AFR HL P2 SEPTEMBER 2019](https://www.hlayiso.com/library/nw-afr-hl-p2-september-2019/ea860de6-acca-40e8-b1ba-da9a739ef857) — Afrikaans HL · QP · 2019 · Afr - [AFRIKAANS HL P3 GR12 MEMO SEPT2019 D](https://www.hlayiso.com/library/afrikaans-hl-p3-gr12-memo-sept2019-d/8cfb8d64-c90d-4948-8241-77d73f1d8009) — Afrikaans HL · Memo · 2019 · Afr - [Afrikaans HL P2 May June 2019 Memo](https://www.hlayiso.com/library/afrikaans-hl-p2-may-june-2019-memo/669ef435-fb0c-4809-bd37-e82d905f388f) — Afrikaans HL · Memo · 2019 · Afr - [AFRIKAANS HL P3 GR12 QP SEPT2024](https://www.hlayiso.com/library/afrikaans-hl-p3-gr12-qp-sept2024/1ba40bb9-6fbd-4dbf-a0f7-5587c98d4f79) — Afrikaans HL · QP · 2024 · Afr ## More from Grade 12 Afrikaans HL - [AFRIKAANS HL P1 GR12 MEMO SEPT2025 watermark](https://www.hlayiso.com/library/afrikaans-hl-p1-gr12-memo-sept2025-watermark/c501289f-c0e0-40a2-986b-3ffe3b34a8f5) — Memo · 2025 · Afr - [AFRIKAANS HL P1 GR 12 MEMO SEPT2024](https://www.hlayiso.com/library/afrikaans-hl-p1-gr-12-memo-sept2024/fe926efa-37db-43ba-8e99-14b4ba566efd) — Memo · 2024 · Afr - [AFRIKAANS HL P3 GR12 MEMO SEPT2024](https://www.hlayiso.com/library/afrikaans-hl-p3-gr12-memo-sept2024/98e89642-94ce-4beb-95d7-ec1003ae5b5c) — Memo · 2024 · Afr - [Afrikaans HL P1 Nov 2024](https://www.hlayiso.com/library/afrikaans-hl-p1-nov-2024/55a79721-4c8b-40e3-bc64-524821cb118f) — QP · 2024 · Afr - [Afrikaans HL P3 Nov 2024](https://www.hlayiso.com/library/afrikaans-hl-p3-nov-2024/c479704a-f838-42b0-bb57-dbb72d8e978f) — QP · 2024 · Afr - [Afrikaans HL P2 May-June 2024](https://www.hlayiso.com/library/grade-12-afrikaans-hl-2024-nsc-june-exam-question-paper-paper-2-afrikaans/0d3edb3f-1c44-4a82-a9fa-7832a4161288) — QP · 2024 · Afr ## Collection - [Grade 12 past papers](https://www.hlayiso.com/grade-12/past-papers) --- Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.