# Sepedi FAL Grade 12 Paper 1 NSC June 2019 Question Paper

> Grade 12 Sepedi FAL Paper 1 question paper from the NSC June Exam 2019, 12 pages. Read online or get the free PDF download, memo linked when available.

- Page: https://www.hlayiso.com/library/sepedi-fal-p1-may-june-2019/9a81b72d-90d2-4442-b91b-a6e59a94606f
- Updated: 2026-09-27
- Subject: Sepedi FAL
- Grade: Grade 12
- Language: Sepedi
- Document type: Question paper
- Year: 2019
- Exam period: NSC June Exam
- Paper: 1
- Curriculum: CAPS
- Pages: 12

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Sepedi FAL](https://www.hlayiso.com/library/grade-12/sepedi-fal) › [Sepedi FAL Grade 12 Paper 1 NSC June 2019 Question Paper](https://www.hlayiso.com/library/sepedi-fal-p1-may-june-2019/9a81b72d-90d2-4442-b91b-a6e59a94606f)

## About this document

Sepedi Fal · Grade 12 · NSC June Exam · 2019 · sepedi. Question paper, 12 pages. Read online or download the PDF.

Read it free online on the page above; download the PDF from there.

## Matching paper and memo

- [Sepedi FAL P1 May June 2019 Memo](https://www.hlayiso.com/library/sepedi-fal-p1-may-june-2019-memo/46ae51b8-8b8a-4238-8135-00fd1a662e0a) — Memo · 2019 · Sepedi

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

              SENIOR CERTIFICATE EXAMINATIONS/
          NATIONAL SENIOR CERTIFICATE EXAMINATIONS

                    SEPEDI LELEMETLALELETŠO LA PELE (FAL)

                                  LEPHEPHE LA PELE (P1)

                                             2019

                                                                        MEPUTSO: 80

                                                                      NAKO: Diiri tše 2

                           Palomoka ya matlakala a dipotšišo ke 12.

Tokelo ya ngwalollo e ileditšwe                                                 Phetla

### Page 2

Downloaded from hlayiso.com
Sepedi Lelemetlaleletšo la Pele (FAL)/P1         2                     DBE/2019
                                              SC/NSC

DITAELO LE TSHEDIMOŠO

1.        Lephephe le, le arotšwe ka DIKAROLO TŠE THARO, e lego YA A, YA B le
          YA C.

          KAROLO YA A: Tekatlhaloganyo                         (30)
          KAROLO YA B: Kakaretšo                               (10)
          KAROLO YA C: Thutapolelo le Tšhomišopolelo           (40)

2.        Badišiša ditaelo ka šedi. Araba dipotšišo KA MOKA.

3.        KAROLO YE NNGWE le YE NNGWE e ngwalwe letlakaleng LE LEFSA.

4.        Thalela mošomo wa gago ka morago ga KAROLO YE NNGWE le YE
          NNGWE.

5.        Dikarabo di nomorwe go swana le dipotšišo.

6.        Tshela mothaladi ka morago ga karabo YE NNGWE le YE NNGWE.

7.        Ela hloko mopeleto le tlhamego ya mafoko.

8.        Nako ye e ukangwago:

          KAROLO YA A:            Metsotso ye 50
          KAROLO YA B:            Metsotso ye 20
          KAROLO YA C:            Metsotso ye 50

9.        Ngwala ka bothakga ka mongwalo wo o bonalago.

Tokelo ya ngwalollo e ileditšwe                                           Phetla

### Page 3

Downloaded from hlayiso.com
Sepedi Lelemetlaleletšo la Pele (FAL)/P1          3                               DBE/2019
                                               SC/NSC

KAROLO YA A: TEKATLHALOGANYO

POTŠIŠO YA 1

1.1       Badišiša temana ya tekatlhaloganyo ye e latelago gore o tle o kgone go araba
          dipotšišo ka yona.

          SETŠWELETŠWA SA A

                                           KE GA MMA GA MPONE

          1    Gantši ge dipoelo tša marematlou di etšwa barutwana ba tsenwa ke
               mororomelo. Barutwana ba swara dipelo ka diatla mola le diyamaleng di
               se sa tsena. Lesiba le yena o be a letile dipoelo tša marematlou ka
               phišegelo ye kgolo. Di rile ge di etšwa, a ikhwetša a tšweletše gabotse.
               Se se ra gore o ya go thoma ngwaga wo moswa lefelong le leswa, 5
               dithutong tša godimo. Motswadi a swanelwa ke go emaemela ngwana
               gore a yo thoma ngwaga wa dithuto ka mafolofolo.

          2    Go fihleng ga gagwe yunibesithing, o ile a ingwadiša gomme a fiwa
               madulo. Lethabo e bile la go se lekane le selo gobane o ile a
               ipeakanyetša lefelo la gagwe la madulo gabotse. A re go fetša bothakga 10
               bjoo a yo lekola diphapoši tša boithutelo. Letšatšing la mathomo, bagolo
               ba yunibesithi ba ba amogetše ka tshwanelo. Ba ba lemošitše gore ga go
               yo a yago go šalwa morago ka dithuto le gore ba be le maikemišetšo ka
               bobona. Kgankga e ile ya ja nkgawane gomme ge e le ntepa yona ya ja
               legeu. Ya ba semphete ke go fete, ge bafahloši ba swere ba fahlolla 15
               baithuti.

          3    Motšeakatsebe o tšere, a itshwarela gore ka moso a tle a kgone go
               ipshina ka melekwana ya mo yunibesithi. Lesiba le yena o gare ga
               baithuti bao. Ge beke e fela ke ge a sa tšerwe ke mantladima. Labohlano
               ya ba manamolele gomme baithuti ba ithoma dikgapane. Go tlogeng ga 20
               gagwe le bagwera diphapošingthutelo ba leba boitapološongtsoko. O be
               o ekwa ka mmino go porotla gore mo ga go robalwe. Lesiba a hlakana
               hlogo ge a bona tšeo ka ge e le kgale a di duma. O feditše beke a nagana
               ka taba ye, fela a hwetša e sa mo fe ntlha le thito.

          4    Mokibelo wa go latela, a tšea sepheto sa go ba šala morago ka ge dipotla 25
               tša gagwe dingangane. Gabotse mašeleng go nwewa afe, ka ntle le ona
               ale batswadi ba ba filego ona a go lefela dithuto? Go tloga tšatšing leo
               Lesiba a lemoga gore boithabišo ke maphaaphaa. La Mošupologo botse
               bo bonwe ke ba go di dula kgauswi ka ge moisa mahlo e be nke ke
               bobete. Papalase e mo ngangile. Mo a fetilego gona batho ba šala ba 30
               itshwere dinko o be o kare go fetile poponono.

          5    Melekwana ya semesetera e rile go kokota, ya ba moisa ga se a
               itokišetša selo. Go ngwala ya fo ba go itlhatlola, mola tše dingwe le leina
               la gagwe le sa tšwelela lenaneong la ba go ngwala ditlhahlobo.
               Gwa pethega la gore a di gole mmogo di tla bonwa mohla wa kotulo.           35

Tokelo ya ngwalollo e ileditšwe                                                      Phetla

### Page 4

Downloaded from hlayiso.com
Sepedi Lelemetlaleletšo la Pele (FAL)/P1      4                                  DBE/2019
                                           SC/NSC

          6    Dipoelo di rile go tšwa, Lesiba a ikhwetša a sa tšwelela fao. Hlogo ya mo
               golela, a se tsebe gore batswadi o tlo ba botša eng. Ka kwešišo ya gore a
               ka se sa dumelelwa yunibesithing, ka ge a kolota e bile a šitilwe, a loga
               maano a go tšwa bothateng bjoo gomme a dira gore batswadi ba nagane
               gore e sa le moithuti. Theknolotši ka ge e le makgonatšohle, a bona e le 40
               yona e ka mo namolelago. Moisa a napa a gopola khomphuthara ya
               gagwe. A šomiša mabjoko a gagwe go loga mathaithai ao a kago mo
               hlatlola mo tlalelong ye. A ikadima embleme ya yunibesithi, a thaepa
               dipoelo tša go phadima ka yona, a romela batswadi.

          7    Dipoelo tšeo di thabišitše batswadi ba gagwe kudu ba be ba fahlwa. 45
               Ba mo romela mašeleng a mantši ka kgopolo ya gore ngwana o holofetše
               dithuto. Mašeleng ale a thušitše Lesiba kudu go lefela madulo a maswa
               ka ge a rakilwe go a ka yunibesithi. Kgwedi ge e fela, e tsebja ke bona ka
               go lemoga ge Lesiba a ka ba a na le tlhaelelo ya dijo. Ka gona go se
               hloke selo fao ga Lesiba, a napa a ikhweletša mosadi. Mafelelong a 50
               ngwaga moisa a se dire phošo ya go nyantšha batswadi monwana ka go
               se ba romele dipoelo gae, gore lešoba la mašeleng le se thibege.
               Batswadi ba Lesiba ba ile yunibesithi go yo mmona. Manyami ya ba gore
               ga e sa le moithuti gomme ba šupša lekheišeneng. A hwetšwa, a tšewa
               ka diethiethi go ya gae.                                                   55

                                                                            [Boitlhamelo]

          1.1.1        Tsopola dilo TŠE THARO go ya ka temana ya pele tšeo di
                       laetšago go tšhoga ga barutwana pele ba amogela dipoelo.               (3)

          1.1.2        Efa lentšu leo le laetšago go ba le 'mahlahla' temaneng ya
                       mathomo.                                                               (1)

          1.1.3        Ke dilo dife TŠE PEDI tšeo Lesiba a di dirilego ka morago ga go
                       ingwadiša yunibesithing?                                               (2)

          1.1.4        Ka dintlha TŠE PEDI go tšwa temaneng ya bobedi tšweletša ka fao
                       bafahloši ba ilego ba eletša baithuti ka gona.                         (2)

          1.1.5        Hlaloša mebolelwana ye e latelago go ya le ka mo e šomišitšwego
                       ka gona mo temaneng ya 2:

                       (a) Ke nnete kgankga e ja nkgawane.                                    (1)

                       (b) Ya ba semphete ke go fete.                                         (1)

          1.1.6        Kgetha karabo ya maleba. Lentšu le 'mantladima' temaneng ya 3
                       le laetša:

                       A    Kgakanego
                       B    Kwešišo                                                           (1)

Tokelo ya ngwalollo e ileditšwe                                                      Phetla

### Page 5

Downloaded from hlayiso.com
Sepedi Lelemetlaleletšo la Pele (FAL)/P1        5                                 DBE/2019
                                             SC/NSC

          1.1.7        Tsopola tiragalo yeo e ka dirago gore Lesiba a išwe kgolegong go
                       tšwa temaneng ya 7.                                                        (1)

          1.1.8        Ka dintlha TŠE THARO laetša ditlamorago tšeo di ka tšweletšwago
                       ke ditiragalo tša temana ya 5.                                             (3)

          1.1.9        Ka dintlha TŠE THARO ke eng seo se ka dirwago go fediša
                       ditiragalo tša mohuta wo?

                       'A ikadima embleme ya yunibesithi, a thaepa dipoelo tša go
                       phadima ka yona, a romela batswadi.'                                       (3)

          1.1.10       Ka dintlha TŠE PEDI utolla molaetša wa hlogo ya ditemana tše tša
                       ka godimo.                                                                 (2)

          1.1.11       Ge o be o le Lesiba ke eng seo o bego o ka se dira ka morago ga
                       ge batswadi ba go bušeditše gae? Efa dintlha TŠE PEDI.                     (2)

          1.1.12       Ke maikutlo afe ao a go aparelago ge o bala ditemana tše tša ka
                       godimo? Fahlela.                                                           (2)

1.2       Lebeledišiša seswantšho sa tekatlhaloganyo sa go latela gore o tle o kgone
          go araba dipotšišo ka sona.

          SETŠWELETŠWA SA B

                                                                           [Inthanete]

          1.2.1        Kgetha karabo ya maleba. Seswantšho sa ka godimo se laetša:

                       A      Monna o bešetša mollo.
                       B      Monna o tima hlaga.
                       C      Monna o nwešetša dibjalo.
                       D      Koloi ya setimamollo.                                               (1)

Tokelo ya ngwalollo e ileditšwe                                                          Phetla

### Page 6

Downloaded from hlayiso.com
Sepedi Lelemetlaleletšo la Pele (FAL)/P1       6                                 DBE/2019
                                            SC/NSC

          1.2.2        Efa selo SE TEE seo se laetšago boitšhireletšo seswantšhong.            (1)

          1.2.3        Na tiragalo ya seswantšhong se e ka thibelwa bjang? Hlaloša ka
                       dintlha TŠE PEDI.                                                       (2)

          1.2.4        Ka dintlha TŠE PEDI laetša ditlamorago tša tiragalo ye.                 (2)

                                                       PALOMOKA YA KAROLO YA A:                30

Tokelo ya ngwalollo e ileditšwe                                                       Phetla

### Page 7

Downloaded from hlayiso.com
Sepedi Lelemetlaleletšo la Pele (FAL)/P1      7                              DBE/2019
                                           SC/NSC

KAROLO YA B: KAKARETŠO

POTŠIŠO YA 2

Bala temana ya ka tlase gore o kgone go ngwala dintlha TŠE ŠUPA ka mantšu
A GAGO ao a sa fetego a 70 ka dikganyogo tšeo batho ba bago le tšona mathomong
a ngwaga.

ELA HLOKO

1.    Ngwala mafoko ao a feletšego.
2.    Nomara mafoko a gago go tloga go 1 go fihla go 7.
3.    Ngwala ntlha E TEE lefokong LE LENGWE le LE LENGWE.
4.    Laetša palomoka ya mantšu ka mašakaneng mafelelong a kakaretšo.

SETŠWELETŠWA SA C

                               NGWAGA O MOSWA
Ke sephethephethe. Lethabo le tletše mahlakore ka moka a bophelo. Go thomile
ngwaga o moswa wo mang le mang a hutšago tša go kgotsofatša nama le moya.
Dithapelo di gohlegohle, ka mekgwa ya go fapana. Yo a hlomolago pelo ke Modimo le
badimo ka gore letšatši e le leo ga go yo a sa galagalego. Bohle batho ba kgopela
katlego maphelong a bona. Katlego re bolela ka maphelo a mabotse a go ba le dintlo
le dikoloi tša mabaibai. Bana ba dikolo ba rapelela katlego dithutong tša bona,
mola bao ba šetšego ba tšweletše ba kgopela go hwetša dikgoba
diyunibesithing/mešomong.

Ba go se šome ba kgopela mešomo, ba go šoma ba na le tumo ya ditlhatlošo. Ba go
nyaka manyalo ba a nyaka, bao ba lego ka gare, bangwe ba nyaka go tšwa. Batšofe
ba swere ya bona thapelo, 'bophelo bjo botelele' mola o bona gabotse gore e fula e
okametše ka leopeng. Bakgalabje bona ba lebeletše gore leruo la bona le tlo ata go
feta ngwagola. Ka gare ga thapelo tše, bana le masea ba a balwa, ka gore ba
tshephišitšwe dimpho ngwageng wo. Gohle go rena moya wa šebešebe.

                                                                        [Boitlhamelo]

                                                    PALOMOKA YA KAROLO YA B:              10

Tokelo ya ngwalollo e ileditšwe                                                  Phetla

### Page 8

Downloaded from hlayiso.com
Sepedi Lelemetlaleletšo la Pele (FAL)/P1            8                                DBE/2019
                                                 SC/NSC

KAROLO YA C: THUTAPOLELO LE TŠHOMIŠOPOLELO

POTŠIŠO YA 3: PAPATŠO

Lebeledišiša papatšo ye gomme o arabe dipotšišo tša go e latela.

SETŠWELETŠWA SA D

                                           MADI KE BOPHELO!!!
                                        Etla ga SANBS o abe madi
               Se ga se mahala, o hwetša
               pukuntšu, legogwa la mabonwa,
               dilwanalwana tša go ithabiša le
               mašeleng a gona.

              Phološa mašabašaba, bophelo bo tla ga tee fela! Le a laletšwa bohle.
                                                           [E amantšwe go tšwa go inthanete]

3.1       Go tšwa lefokong la ka fase tsopola lekopanyi leo mmapatši a tšweletšago
          tlhohleletšo ka lona.
                                                                                                  (1)
          '... dilwanalwana tša go ithabiša le mašeleng a gona.'
3.2       Papatšo ye e mabapi le ...
          A       dithapo tša mohlagase.
          B       kabo ya madi.
          C       bagobatšwa.
          D       mašabašaba.                                                                     (1)
3.3       Ke dilo dife tšeo mmapatši a di šomišitšego go gokagoketša batho go tla
          lefelong le? Efa TŠE PEDI fela.                                                         (2)
3.4       Na mohola wa fonte e kgolo le e nnyane mo papatšong ke eng?                             (2)
3.5       Seswantšhong go bonala motho a apere ditlelafo yo mongwe a swere polo.
          Tšweletša mehola ya tšona.                                                              (2)
3.6       Ke ntlha goba kgopolo go re: 'Madi ke bophelo'? Fahlela.                                (2)
                                                                                                  [10]

Tokelo ya ngwalollo e ileditšwe                                                          Phetla

### Page 9

Downloaded from hlayiso.com
Sepedi Lelemetlaleletšo la Pele (FAL)/P1               9                                        DBE/2019
                                                    SC/NSC

POTŠIŠO YA 4: KHATHUNI
Lebeledišiša khathuni ye le mantšu a yona gomme o arabe dipotšišo tša go latela.

SETŠWELETŠWA SA E

                                                                         2. Nna ke
                                  1. Ke rwele boima. Bašomi              ngaka ya
                                  ga ba sa nyaka go dira selo.           monagano.
                                  Mešomo ka moka e
                                  magetleng a ka.

                                                   [E amantšwe go tšwa go Sunday World, 2017]

4.1       Tiragalo ya mo khathuning e diragala lefelong lefe? Fahlela.                                      (2)

4.2       Kgetha karabo ya maleba. Khathuni ye e mabapi le go thuša bao ba ...
          A       nago le kgatelelo ya monagano.
          B       opšago ke hlogo.
          C       metšego manaka.
          D       robalago ka dieta.                                                                        (1)

4.3       Ke eng seo se laetšago gore monna wa pudula ya 1 ke moetapele
          mošomong?                                                                                         (1)

4.4       Tafoleng ya ngaka go na le didirišwa tše pedi. Tšweletša mošomo wa tšona
          go ya ka khathuni ye.                                                                             (2)

4.5       Ka dintlha TŠE PEDI ke eng seo o naganago gore motho wa pudula ya 2
          o swanetše go se botša molwetši?                                                                  (2)

4.6       Gantši motho wa go swantšhwa a metše manaka o swantšhwa/bapetšwa
          le eng? Fahlela ka lebaka.                                                                        (2)
                                                                                                            [10]

Tokelo ya ngwalollo e ileditšwe                                                                    Phetla

### Page 10

Downloaded from hlayiso.com
Sepedi Lelemetlaleletšo la Pele (FAL)/P1        10                                  DBE/2019
                                              SC/NSC

POTŠIŠO YA 5: SENGWALO

5.1       Bala temana ya sengwalo ya ka tlase ka šedi gore o tle o kgone go araba
          dipotšišo tša go latela.

          SETŠWELETŠWA SA F

                                  MOTHO BOKAMOSO O A IKGETHELA

          Motho o na le boikgethelo. Ga go motswadi yo a sa dumego go bona ngwana
          wa gagwe a na le bokamoso bja go phadima. Ke ka fao o bonago motswadi a
          leka ka mešogofela go kgala mekgwa ya go tšwa tseleng bjalo ka go tla
          bošego le go se ngwale mešomo ya sekolo. Tšeo ka moka e le mediro ya go
          hloka hlompho. Ngwana wa mohuta wo o hwetša a itirile sefofane bophelong 5
          ba gagwe. A dule a le lebelong.

          Motswadi yo mongwe le yo mongwe o re go belega ngwana a mmea
          bophagamong, a mo godiša ka tshwanelo. Seo se ra gore o mo godiša ka
          lethabo, tshepho le kholofelo ya go bona dienywa tše kaone. O ekgafa go mo
          direla a lokologile.                                                       10

          Go re go tla bjang gore e be lehotšwana, setagwana le mmolayi ke mo
          kgakanego ya yena motswadi e bago gona. Ngwana o a ikgethela, a tle a
          gakanege bokamosong bja gagwe, ka ge a hlokile tsebe ka go ipotša gore ga
          a tsebe. O lahleditšwe. O ganne keletšo ya motswadi. Ka mantšu a mangwe,
          ba iphetošitše dihlogo tša malapa a go hloka dihlogo.                     15
                                                                               [Boitlhamelo]

          5.1.1        Mafoko a a latelago a na le diphošo tša mopeleto le maswaodikga.
                       A phošolle gore a balege.

                       (a)    ... mediro ya go hloka hlompho.
                       (b)    bophelong ba gagwe.
                       (c)    O ekgafa go mo direla a lokologile.
                       (d)    O ganne keletšo ya Motswadi.                                       (4)

          5.1.2        Ngwalolla lefoko le la ka tlase ka go tšweletša lešalašupi la kgato
                       ya pele ka maleba.

                       Ga go ngwana (yona) a sa kgonego.                                         (1)

          5.1.3        Ngwala lefoko le le latelago ka tumelo.
                       ... ba ka se mo fihlelelego.                                              (1)

          5.1.4        Moselana wa -ana mo mantšung a temana ya 3 fao a
                       ntshofaditšwego o laetša eng?                                             (1)

          5.1.5        Ngwalolla lefoko la go latela ka mokgwa wa lefokotharedi:

                       'Motho o na le boikgethelo'                                               (1)

Tokelo ya ngwalollo e ileditšwe                                                         Phetla

### Page 11

Downloaded from hlayiso.com
Sepedi Lelemetlaleletšo la Pele (FAL)/P1       11                                DBE/2019
                                             SC/NSC

          5.1.6        Go tšwa temaneng ya mathomo, tsopola leina la sedirišwa se se
                       reetšwego go ya ka modiro wa sona o be o le šomiše lefokong.             (2)

          5.1.7        Efa sebopego sa leina le:

                       'Setagwa'                                                                (2)

          5.1.8        Tšweletša phapano ya tšhomišo ya mantšu ao a thaletšwego
                       lefokong le le latelago:

                       'Ka mantšu a mangwe, ba iphetošitše dihlogo tša malapa tša go
                       hloka dihlogo'                                                           (2)

5.2       Lebelela seswantšho sa sengwalo se, le mantšu a sona, gore o tle o kgone
          go araba dipotšišo tšeo di latelago.

          SETŠWELETŠWA SA G

                  Afrika-Borwa e
                  tletše ka masodi a
                  diphoofolo. Di fela
                  di thulwa ke
                  difatanaga.

                                                            1

                                                                            2

                                                                         [Inthanete]

          5.2.1        Kgetha karabo ya maleba.

                       Lehlalošetšagotee la masodi ke ...

                       A      dithokgwa.
                       B      diruiwa.
                       C      dithaba.
                       D      mehlare.                                                          (1)

          5.2.2        Ngwala lefoko le le latelago ka kganetšo

                       'Afrika-Borwa e tletše ka masodi a diphoofolo.'                          (1)

Tokelo ya ngwalollo e ileditšwe                                                        Phetla

### Page 12

Downloaded from hlayiso.com
Sepedi Lelemetlaleletšo la Pele (FAL)/P1        12                                 DBE/2019
                                              SC/NSC

          5.2.3        Ngwala leadingwa leo le tšweletšwago ke nomoro ya 2 ka
                       bontšing.                                                              (1)

          5.2.4        Tšweletša modiro wo o dirwago ke phoofolo ya seswanšhong.              (1)

          5.2.5        Lefokong la ka fase, laetša lethuši o be o le šomiše lefokong bjalo
                       ka lediri.
                                                                                              (2)
                       Di fela di thulwa ke difatanaga.                                       [20]

                                                          PALOMOKA YA KAROLO YA C:            40
                                                           PALOMOKA YA TLHAHLOBO:             80

Tokelo ya ngwalollo e ileditšwe

## Related documents

- [Sepedi FAL P2 May June 2019](https://www.hlayiso.com/library/sepedi-fal-p2-may-june-2019/fe9559a6-46c3-4a8d-ab39-0ecf6a9bead5) — Sepedi FAL · QP · 2019 · Sepedi
- [Sepedi FAL P3 May June 2019](https://www.hlayiso.com/library/sepedi-fal-p3-may-june-2019/a92a3e58-ed8e-46aa-83ce-a6f1909d0853) — Sepedi FAL · QP · 2019 · Sepedi
- [Sepedi FAL P1 Nov 2019](https://www.hlayiso.com/library/sepedi-fal-p1-nov-2019/2f813fd0-4b60-4bf7-863f-143cc2b5c131) — Sepedi FAL · QP · 2019 · Sepedi
- [Sepedi FAL P1 May-June 2024](https://www.hlayiso.com/library/grade-12-sepedi-fal-2024-nsc-june-exam-question-paper-paper-1-sepedi/3116bf7b-984d-4d63-9536-f68969fb9921) — Sepedi FAL · QP · 2024 · Sepedi
- [Sepedi FAL P1 May-June 2023](https://www.hlayiso.com/library/sepedi-fal-p1-may-june-2023/3b623724-82f4-4c0c-82a0-768fa4ccdd87) — Sepedi FAL · QP · 2023 · Sepedi
- [Sepedi FAL P1 May June 2021](https://www.hlayiso.com/library/sepedi-fal-p1-may-june-2021/7fd5009a-d69e-4446-8bdf-5bb0fd9e9719) — Sepedi FAL · QP · 2021 · Sepedi

## More from Grade 12 Sepedi FAL

- [Gr 12 Sepedi FAL ATP 2023-24](https://www.hlayiso.com/library/gr-12-sepedi-fal-atp-2023-24/aa66bf3c-3748-497a-b1fc-b406f4fd3e4b) — ATP
- [Sepedi FAL P1 May-June 2025 MG](https://www.hlayiso.com/library/sepedi-fal-p1-may-june-2025-mg/d76ab8d2-14f0-4322-9896-51180e3fda90) — Memo · 2025 · Sepedi
- [Sepedi FAL P2 May-June 2025 MG](https://www.hlayiso.com/library/sepedi-fal-p2-may-june-2025-mg/487242e3-1260-489f-8d91-5b201b9dfbca) — Memo · 2025 · Sepedi
- [Sepedi FAL P3 May-June 2025 MG](https://www.hlayiso.com/library/sepedi-fal-p3-may-june-2025-mg/eb83ae83-85f3-4ebb-b6e8-d35f11f32626) — Memo · 2025 · Sepedi
- [Sepedi FAL P1 Nov 2025 MG](https://www.hlayiso.com/library/grade-12-sepedi-fal-2025-nsc-november-exam-memorandum-paper-1-sepedi/806eaadc-1d1b-4333-860a-f230e185fdd3) — Memo · 2025 · Sepedi
- [Sepedi FAL P1 Nov 2025 MG](https://www.hlayiso.com/library/grade-12-sepedi-fal-2025-nsc-november-exam-question-paper-paper-1-sepedi/bcece954-738e-42ad-928b-b5411db789f3) — Memo · 2025 · Sepedi

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
