# Sepedi FAL Grade 12 Paper 1 NSC June 2023 Question Paper

> Grade 12 Sepedi FAL Paper 1 question paper from the NSC June Exam 2023, 12 pages. Read online or get the free PDF download, memo linked when available.

- Page: https://www.hlayiso.com/library/sepedi-fal-p1-may-june-2023/3b623724-82f4-4c0c-82a0-768fa4ccdd87
- Updated: 2026-09-27
- Subject: Sepedi FAL
- Grade: Grade 12
- Language: Sepedi
- Document type: Question paper
- Year: 2023
- Exam period: NSC June Exam
- Paper: 1
- Curriculum: CAPS
- Pages: 12

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Sepedi FAL](https://www.hlayiso.com/library/grade-12/sepedi-fal) › [Sepedi FAL Grade 12 Paper 1 NSC June 2023 Question Paper](https://www.hlayiso.com/library/sepedi-fal-p1-may-june-2023/3b623724-82f4-4c0c-82a0-768fa4ccdd87)

## About this document

Sepedi Fal · Grade 12 · NSC June Exam · 2023 · sepedi. Question paper, 12 pages. Read online or download the PDF.

Read it free online on the page above; download the PDF from there.

## Matching paper and memo

- [Sepedi FAL P1 May-June 2023 MG](https://www.hlayiso.com/library/sepedi-fal-p1-may-june-2023-mg/ae246386-a9d2-4a09-a38d-d5a8ced8e8aa) — Memo · 2023 · Sepedi

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

              SENIOR CERTIFICATE EXAMINATIONS/
          NATIONAL SENIOR CERTIFICATE EXAMINATIONS

                    SEPEDI LELEMETLALELETŠO LA PELE (FAL)

                                  LEPHEPHE LA PELE (P1)

                                             2023

                                                                        MEPUTSO: 80

                                                                      NAKO: Diiri tše 2

                           Palomoka ya matlakala a dipotšišo ke 12.

Tokelo ya ngwalollo e ileditšwe                                                 Phetla

### Page 2

Downloaded from hlayiso.com
Sepedi Lelemetlaleletšo la Pele (FAL)/P1         2                      DBE/2023
                                              SC/NSC

DITAELO LE TSHEDIMOŠO

1.        Lephephe le, le arotšwe ka DIKAROLO TŠE THARO, e lego YA A, YA B le
          YA C.

          KAROLO YA A: Tekatlhaologanyo                          (30)
          KAROLO YA B: Kakaretšo                                 (10)
          KAROLO YA C: Dibopego le melao ya tšhomišo ya polelo   (40)

2.        Badišiša ditaelo ka šedi.

3.        Araba dipotšišo KA MOKA.

4.        KAROLO YE NNGWE le YE NNGWE e ngwalwe letlakaleng LE LEFSA.

5.        Thalela mošomo wa gago ka morago ga KAROLO YE NNGWE le YE
          NNGWE.

6.        Dikarabo di nomorwe go swana le dipotšišo.

7.        Tshela mothaladi ka morago ga karabo YE NNGWE le YE NNGWE.

8.        Ela hloko mopeleto le tlhamego ya mafoko.

9.        Nako ye e ukangwago:

          KAROLO YA A:            Metsotso ye 50
          KAROLO YA B:            Metsotso ye 20
          KAROLO YA C:            Metsotso ye 50

10.       Ngwala ka bothakga, ka mongwalo wa go balega.

Tokelo ya ngwalollo e ileditšwe                                            Phetla

### Page 3

Downloaded from hlayiso.com
Sepedi Lelemetlaleletšo la Pele (FAL)/P1       3                                  DBE/2023
                                            SC/NSC

KAROLO YA A: TEKATLHAOLOGANYO

POTŠIŠO YA 1

1.1       Badišiša temana ya tekatlhaologanyo ye e latelago gore o tle o kgone go
          araba dipotšišo ka yona.

          SETŠWELETŠWA SA A

                                  NAMAKGAPELETŠWA E PHUMA PITŠA

          1            Bophelong ke meedi le meboto yeo e re tšeatšeago ka go fapana.
                       Ranku bjalo ka masogana a mangwe motseng wa Ntholeng, o ile a
                       namela setimela go yo nyaka mošomo. Batswadi ba be ba duma
                       gore di mo tsogele a tle a ba tlišetše lešaetšana. Mahlo a bona a
                       be a kganyoga motswalagwe Mohlopi wa go dula le bona 5
                       magaeng.

          2            Ge a fihla Gauteng, a kopana le batho ba go loka. O ile a thwalwa
                       ga Van Donder. O bontšhitše bothakga, maikarabelo le botswerere
                       mošomong. Kgauswi le moo ba bego ba dula, go be go na le
                       mabenkelekgoparara, ao ba bego ba kgona go reka le go ikapeša 10
                       go tšwa go ona.

          3            Ranku o ile a gopola go yo hlola batswadi ba gagwe gae. Bona ba
                       ile ba thabela go bona monna wa senatla, a imelwa ke merwalo.
                       Tumo yela ya bona ya golela godimo. Ba ipona ba šetše ba na le
                       ditlogolo. O dutše letšatši le tee, ka la bobedi a gomiša dinao. Ba 15
                       mo felegeditše ka la gore ba na le dikgomonaka tše tlhano tšeo ba
                       ka mo nyalelago mosadi ka tšona.

          4            Morago ga beke, a tšwa le mathaka, ba tšhepile. Ge ba sa iketlile a
                       gahlantšha mahlo le Moipone. A kwa madi a kitima ka lebelo la
                       mmutla. Ba rile go bolela ka mahlo, a emelela a tloga. Ka le le 20
                       latelago, a ikgaša moo go šomago Moipone. A ntšha sa mafahleng
                       gomme sa hwetša madulo pelong ya Moipone.

          5            Ge tše ka moka di diragala, ke ge kua gae batswadi ba boledišana
                       le rakgadi Mokgaetši. Rakgadi a di amogela ka atla tše pedi.
                       Mohlopi o rile ke a di gana a ba a di dumela. Ke mang a ka ganago 25
                       monna wa go ithata go swana le Ranku? Ba rile go di bea gabotse,
                       ba kwana gore ba tla di solela Ranku ge a boa gae. Ba be ba bona
                       go se seo se ka mo šitišago go nyala ga rakgadia'gwe.

          6            E rile ka morago ga dikgwedi tše tshela, Ranku a boa gae. Bjalo ka
                       maloba, a tla a ba rwaletše tše bose. Batswadi ba mo thabetše, ya 30
                       ba gore ge e ka se rage, e tla tlatša kgamelo. Mesong mokgekolo a
                       kokotela Ranku ba dula fase, a mmotša kwano ya bona le rakgadi.
                       Yena a ba botša ge a ikhweleditše lekgarebe mošomong.

Tokelo ya ngwalollo e ileditšwe                                                      Phetla

### Page 4

Downloaded from hlayiso.com
Sepedi Lelemetlaleletšo la Pele (FAL)/P1       4                                   DBE/2023
                                            SC/NSC

          7            Letšatšing leo Ranku o hlwele a le bodutwana. Batswadi ba gagwe
                       ba ile ba mo hlohleletša go yo bona rakgadi'agwe. Ge a fihla ga 35
                       rakgadi'agwe, a fahlwa ke botsana bja Mohlopi, a lebala gore o
                       forane le Moipone. Ka le le latelago,a tla ka marobalo
                       gaboMohlopi. Di sepetše gabotse ebile dikgomo di išwa ga
                       rakgadi'agwe gomme Mohlopi o ya ga malome'agwe. Ranku le
                       Mohlopi ba dutše beke mmogo gomme mošomo wa mmitša a 40
                       sepela pelo e sa rate.

          8            Moipone o rile go kwa gore Ranku o boile, a ya go mmona. Ranku
                       a bethwa ke letswalo, a se tsebe gore a dire eng. Ranku a lebala
                       ka Mohlopi gomme ba tšwela pele mo ba tlogetšego gona. Mohlopi
                       o ikhweditše a tshetšwe ke kgwedi gomme seo se ile sa kgahla 45
                       batswadi ba gagwe le ba Ranku. Ba be ba fela pelo gore Ranku o
                       boa neng gae gore ba tle ba thabe mmogo. Ba ile ba bea
                       mokganya phatleng dikgwedi tše nne eupša Ranku a se bonale
                       fela mafelelong a kgwedi a iponagatša.

          9            Ranku o rile go fihla, ba mo tšhela ka ditaba tše bose tša go ima ga 50
                       Mohlopi. Sebakeng sa gore a thabe le bona, a ba botša ge a nyaka
                       go khutša. Bošegong bjoo go letšwe go se gwa robalwa ka ge go
                       be go sa tsebje gore Ranku o gopotše bjang. Mesong ke ge mahlo
                       a Mohlopi a re hwibii! Ranku o rile go tsoga a laela, gomme a
                       tlogela batswadi ka pelo ye bohloko.                                 55

          10           Batswadi ba ile ba šala ba hlokometše ngwetši ya bona, Ranku a
                       boetše go Moipone. Ge a romelwa melaetša, a foša batswadi ka
                       mae a go bola. A ba gopotša gore mmapelo o ja serati. Go llela
                       teng ga mokgalabje go ile gwa mo hlolela bolwetši. Ba sa lebeletše
                       gore o tla fola, a ikela badimong eupša a tlogelela Mohlopi la gore 60
                       a se boele ga gabo.

                                                                              [Boitlhamelo]

          1.1.1        Efa leina la motse wo Ranku a bego a dula go wona.                       (1)

          1.1.2        Tlhalošo ya lentšu le 'tšeatšeago' temaneng ya 1 ke (tlošago/
                       swarago).                                                                (1)

          1.1.3        Go tšwa temaneng ya 2 tsopola dilo TŠE THARO tšeo Ranku a
                       ilego a di tšweletša mošomong.                                           (3)

          1.1.4        Efa mabaka A MABEDI go tšwa temaneng ya 3 ao a godišitšego
                       tumo ya batswadi ba Ranku ya gore a nyale.                               (2)

          1.1.5        Ka dintlha TŠE THARO akaretša temana ya 4.                               (3)

Tokelo ya ngwalollo e ileditšwe                                                        Phetla

### Page 5

Downloaded from hlayiso.com
Sepedi Lelemetlaleletšo la Pele (FAL)/P1       5                                       DBE/2023
                                            SC/NSC

          1.1.6        Hlaloša mebolelwana ye e latelago go ya ka tsela yeo e
                       šomišitšwego ka gona ditemaneng tša ka godimo:

                       (a) Di mo tsogele.                                                          (1)

                       (b) Go gomiša dinao.                                                        (1)

          1.1.7        Ka dintlha TŠE PEDI laetša ka fao Mohlopi le Moipone ba
                       fapanago ka gona.                                                           (2)

          1.1.8        Ke moya wa mohuta mang wo o fokago mo temaneng ya 9.
                       Fahlela.                                                                    (2)

          1.1.9        Naa o gopola gore seo se dirilwego ke batswadi ba Ranku ka go
                       mo nyakela mosadi ke tshwanelo? Thekga karabo ya gago ka
                       dintlha TŠE PEDI.                                                           (2)

          1.1.10       Ke ponelopele efe yeo o bago le yona mabapi le seemo seo
                       Mohlopi a tlogetšwego go sona. Tšweletša dintlha TŠE PEDI.                  (2)

          1.1.11       Maikutlo a gago ke afe ka seo se dirilwego ke Ranku ka go tlogela
                       Mohlopi a imile. Fahlela.                                                   (2)

          1.1.12       Ke sephetho sefe seo o bego o ka se tšea ge o be o le Ranku ka
                       go kgethelwa mosadi? Fahlela ka dintlha TŠE PEDI.                           (2)

1.2       Lebeledišiša seswantšho se se latelago gore o tle o kgone go araba dipotšišo
          ka sona.

          SETŠWELETŠWA SA B

                           KGOŠI MAMPURU CORRECTIONAL SERVICES

                           1                                                     3

                                                           2

                                              [E amantšwe go tšwa go inthanete: www.google.com]

Tokelo ya ngwalollo e ileditšwe                                                           Phetla

### Page 6

Downloaded from hlayiso.com
Sepedi Lelemetlaleletšo la Pele (FAL)/P1       6                                 DBE/2023
                                            SC/NSC

          1.2.1        Ke lefelo lefe leo banna ba ba bonalago ba le go lona?                (1)

          1.2.2        Kgetha karabo ya maleba. Motho wa 1 o bontšha a:

                       A    Šoma
                       B    Bala
                       C    Maketše
                       D    Iketlile                                                         (1)

          1.2.3        Senotlelo sa monna wa 1 le wa 3 di hlaloša eng? Fahlela ka ntlha
                       E TEE.                                                                (2)

          1.2.4        Na maikutlo a gago ke afe ge o lebeletše monna wa 2? Fahlela ka
                       ntlha E TEE.                                                          (2)

                                                       PALOMOKA YA KAROLO YA A:              30

Tokelo ya ngwalollo e ileditšwe                                                     Phetla

### Page 7

Downloaded from hlayiso.com
Sepedi Lelemetlaleletšo la Pele (FAL)/P1       7                               DBE/2023
                                            SC/NSC

KAROLO YA B: KAKARETŠO

POTŠIŠO YA 2

Akaretša temana ye e latelago o tšweletše ka fao madila a lego kotsi ka gona
bophelong.

ELA HLOKO

1.     Ngwala mafoko ao a feletšego.
2.     Nomora mafoko a gago go tloga go 1 go fihla go 7.
3.     Ngwala ntlha E TEE lefokong LE LENGWE le LE LENGWE.
4.     Laetša palomoka ya mantšu ka mašakaneng mafelelong a kakaretšo.

SETŠWELETŠWA SA C

                                       KOTSI YA BJALA

Bjala ke seno seo se ratwago ke batho ka bontši. Banna le basadi ka bontši ba nwa
bjala tšatši ka tšatši, ba lebala ditlamorago tša go se loke tšeo bo di tlišago.
Ditlamorago tšeo ke tša go swana le go hlagatša mebele ya batho. Bjona bo kotsi ge o
bonwa gofetiša gobane ditho tše bjalo ka sebete le maswafo di a gobala. Ge sebete se
swele, motho a ka swarwa ke malwetši a mašoro gomme a ikela badimong.

Bjala bo ka dira gore basepela ka maoto le baotledi ba difatanaga ba hlole dikotsi mo
mebileng. Bjala bo ka tsoša dintwa ka malapeng. Monna a ka thoma go hloriša mosadi
le bana ka lapeng mola mosadi le yena a ka dira seo monneng le baneng ba gagwe.
Go kotsi go motho yo a yago mošomong a gamotše. Ka lebaka la botagwa mošomi a
ka palelwa ke go phethagatša mošomo wa gagwe ka tshwanelo. Matšatšing a mantši a
ka no se iponagatše mošomong, seo se ka dira gore a lahlegelwe ke mošomo. Ka go
realo lapa le ka bolawa ke tlala, bana ba fetoga mahodu le babolai.

Taba ye ya bjala gape e ama le bana ba sekolo. Ba ikhwetša nako le nako ba sa dire
mešomo ya bona ka tshwanelo. Bana ka boati ba thoma go nyatša batswadi le barutiši
ba bona. Ngwana yo a nwelego bjala ga a laolege. Ge bjala bo ka nwewa ka taolo ye
botse, go ka ba le diphetogo tše ntši mo bophelong bja batho.

                                                                          [Boitlhamelo]

                                                     PALOMOKA YA KAROLO YA B:               10

Tokelo ya ngwalollo e ileditšwe                                                    Phetla

### Page 8

Downloaded from hlayiso.com
Sepedi Lelemetlaleletšo la Pele (FAL)/P1      8                                       DBE/2023
                                           SC/NSC

KAROLO YA C: DIBOPEGO LE MELAO YA TŠHOMIŠO YA POLELO

POTŠIŠO YA 3: PAPATŠO

Lebeledišiša papatšo ye gomme o arabe dipotšišo tša go e latela.

SETŠWELETŠWA SA D

                                              Hwetša phepo ya 100%
                                           Lebenkeleng la Mabosabosane

                                                               [Inthanete: www.canva.com]

3.1       Ke eng se se bapatšwago ka godimo?                                                      (1)

3.2       Tsopola polelo ya go jabetša yeo e dirišitšwego papatšong ye.                           (1)

3.3       Ka ntlha E TEE efa tshedimošo yeo e tlogetšwego papatšong ye.                           (1)

3.4       Ngwala lefelo leo sebapatšwa se se hwetšagalago gona.                                   (1)

3.5       Ka dintlha TŠE PEDI laetša seo mmapatši a se šomišitšego go bitša bareki.               (2)

3.6       Laetša kgegeo ye e šomišitšwego mo papatšong ye.                                        (1)

3.7       Bontšha lentšu la kgethologanyo leo le šomišitšwego mo papatšong ye.                    (1)

3.8       Laetša leekiši leo le tšwelelago papatšong o be o hlaloše tirišo ya lona.               (2)
                                                                                                  [10]

Tokelo ya ngwalollo e ileditšwe                                                          Phetla

### Page 9

Downloaded from hlayiso.com
Sepedi Lelemetlaleletšo la Pele (FAL)/P1         9                                 DBE/2023
                                              SC/NSC

POTŠIŠO YA 4: KHATHUNI

Lebeledišiša khathuni ye le mantšu a yona gomme o arabe dipotšišo tša go latela.

SETŠWELETŠWA SA E

                             1 O reng o
                             nthuntšhetša ka                   2 Banna
                             marole ke eja?                    bona ga ba
                             Basadisadi ba                     kwelane
                             hlwekiša e sa le ka               bohloko ruri.
                             masa.                             .

                                                                 [Inthanete: www.canva.com]

4.1       Tsopola lefokopotšišo o be o fe lebaka la karabo ya gago.                            (2)

4.2       Efa polelo ya kgethologanyo go tšwa khathuning ye.                                   (1)

4.3       Ngwala seo o bonago se ka palediša mosadi yo go hlwekiša gabonolo.                   (1)

4.4       Kgetha karabo ya maleba.

          Polelo ya gore 'basadisadi ba hlwekiša e sa le ka masa' e tšweletša kgopolo
          ya go ... motho.

          A      nyatša
          B      reta
          C      godiša
          D      gopotša                                                                       (1)

4.5       Laetša ditlamorago tša tiragalo ya khathuning ye.                                    (1)

4.6       Hlaloša ka botlalo seo se dirago gore pudula ya 1 e fapane le ya 2.                  (2)

4.7       Ke maikutlo afe ao a go aparelago ge o lebeletše maitshwaro a monna yo?              (2)
                                                                                               [10]

Tokelo ya ngwalollo e ileditšwe                                                       Phetla

### Page 10

Downloaded from hlayiso.com
Sepedi Lelemetlaleletšo la Pele (FAL)/P1      10                                   DBE/2023
                                            SC/NSC

POTŠIŠO YA 5: SENGWALO

5.1       Bala temana ya ka tlase ka šedi gore o tle o kgone go araba dipotšišo tša go
          latela.

          SETŠWELETŠWA SA F

                          TŠHIWANA YE E SA HWEGO, E LETA MONONO

          Madimabe ke lekgarebe leo le hlokofaletšwego ke batswadi e sa le lesea.
          O ile a godišwa ke kokoa'gwe yoo a bego a topa tša fase. O ile a holofela
          thuto ka ge a be a na le mabjoko. O ile a tšwelela mphathong wa marematlou
          ka dinaletšana, a hwetša pasari ya go mo iša Yunibesithi. A ithutela go ba
          ngaka gore a thuše setšhaba sa gabo ka ge go be go na le tlhaelelo ya 5
          dingaka.

          Madimabe o ile a feleletša a phethile lengwalo la gagwe la bongaka gomme
          ya ba lethabo le legolo go kokoa'gwe. Ka letšatši la dikapešo, koko wa
          Madimabe o ile a rothiša meokgo ge a gopola bošuwana bjo motlogolo wa
          gagwe a gotšego ka fase ga bjona. Yena o ile a re: 'Ruri kgotlelelo e tswala 10
          katlego.' Madimabe o agile setšeri motseng wa gabo. E ile ya ba lethabo le
          legolo go badudi ka ge bjale ba na le fao ba hwetšago thušo gona.

          Se se ile sa ruta batho ba motse wa gaboMadimabe gore thuto ga e na
          tšhiwana. Ge o ikemišeditše, ga go na seo se ka palago. Bona ba ile ba mo
          hlabela dinku tše pedi.                                                   15

                                                                              [Boitlhamelo]

          5.1.1        Go tšwa lefokong la 1 Madimabe ke (leinagohle/leinaina.)                 (1)

          5.1.2        Go tšwa temaneng ya 1 tsopola mebolelwana ye e laetšago tše di
                       latelago:

                       (a)    Go dila.                                                          (1)

                       (b)    Go hlalefa.                                                       (1)

          5.1.3        Efa lelatodi la lediri le 'rata' o be o le šomiše lefokong la go
                       kwagala.                                                                 (2)

          5.1.4        Laetša lehlaodi le le šomišitšwego temaneng ya 3.                        (1)

          5.1.5        Bontšha leadingwa leo le šomišitšwego temaneng ya 2 o be o
                       bolele gore ke ka lebaka la eng le bitšwa leadingwa.                     (2)

          5.1.6        Ngwala lešala leo le šomišitšwego lefokong la 3 temaneng ya 2 o
                       be o ngwale gore ke la mohuta mang.                                      (2)

Tokelo ya ngwalollo e ileditšwe                                                        Phetla

### Page 11

Downloaded from hlayiso.com
Sepedi Lelemetlaleletšo la Pele (FAL)/P1         11                                DBE/2023
                                               SC/NSC

          5.1.7        Ngwala lefoko le le latelago 'Madimabe o agile setšeri motseng wa
                       gabo' ka:

                       (a)    Lebjale                                                          (1)

                       (b)    Kganetšo                                                         (1)

          5.1.8        Hlama mafoko A MABEDI ka lentšu le 'bona' go laetša ditlhalošo
                       tša go fapana.                                                          (2)

5.2       Lebelela seswantšho se le mantšu a sona gore o tle o kgone go araba
          dipotšišo tšeo di latelago.

          SETŠWELETŠWA SA G

                                  Itatswe menwana ka bogobe le nama.

                                                                   [Mothopo www.google.com]

          5.2.1        Kgetha karabo ya maleba. Polelo ya seswantšho se sa ka godimo
                       e laetša:

                       A      Bobodu
                       B      Bohloko
                       C      Bohloki
                       D      Boipshino                                                        (1)

          5.2.2        Ngwala botee bja lentšu le 'menwana'.                                   (1)

          5.2.3        Laetša legoro la sedirišwa seo se apeilego bogobe.                      (1)

Tokelo ya ngwalollo e ileditšwe                                                       Phetla

### Page 12

Downloaded from hlayiso.com
Sepedi Lelemetlaleletšo la Pele (FAL)/P1       12                                DBE/2023
                                             SC/NSC

          5.2.4        Bontšha lehlalošetšagotee la lentšu le: 'bogobe'.                    (1)

          5.2.5        Tšweletša lediri le le šomišitšwego seswantšhong o be o bolele le
                       mohuta wa lona.                                                      (2)
                                                                                            [20]

                                                        PALOMOKA YA KAROLO YA C:            40
                                                         PALOMOKA YA TLHAHLOBO:             80

Tokelo ya ngwalollo e ileditšwe

## Related documents

- [Sepedi FAL P2 May-June 2023](https://www.hlayiso.com/library/sepedi-fal-p2-may-june-2023/5c1e795d-dc16-429c-b3bf-30459735af72) — Sepedi FAL · QP · 2023 · Sepedi
- [Sepedi FAL P3 May-June 2023](https://www.hlayiso.com/library/sepedi-fal-p3-may-june-2023/5326d56c-9177-4945-b790-0d0e8c6eec45) — Sepedi FAL · QP · 2023 · Sepedi
- [Sepedi FAL P1 Nov 2023](https://www.hlayiso.com/library/sepedi-fal-p1-nov-2023/6c34b327-0b9f-4df3-b171-c6dba04e540a) — Sepedi FAL · QP · 2023 · Sepedi
- [Sepedi FAL P1 May-June 2024](https://www.hlayiso.com/library/grade-12-sepedi-fal-2024-nsc-june-exam-question-paper-paper-1-sepedi/3116bf7b-984d-4d63-9536-f68969fb9921) — Sepedi FAL · QP · 2024 · Sepedi
- [Sepedi FAL P1 May June 2021](https://www.hlayiso.com/library/sepedi-fal-p1-may-june-2021/7fd5009a-d69e-4446-8bdf-5bb0fd9e9719) — Sepedi FAL · QP · 2021 · Sepedi
- [Sepedi FAL P1 May June 2019](https://www.hlayiso.com/library/sepedi-fal-p1-may-june-2019/9a81b72d-90d2-4442-b91b-a6e59a94606f) — Sepedi FAL · QP · 2019 · Sepedi

## More from Grade 12 Sepedi FAL

- [Gr 12 Sepedi FAL ATP 2023-24](https://www.hlayiso.com/library/gr-12-sepedi-fal-atp-2023-24/aa66bf3c-3748-497a-b1fc-b406f4fd3e4b) — ATP
- [Sepedi FAL P1 May-June 2025 MG](https://www.hlayiso.com/library/sepedi-fal-p1-may-june-2025-mg/d76ab8d2-14f0-4322-9896-51180e3fda90) — Memo · 2025 · Sepedi
- [Sepedi FAL P2 May-June 2025 MG](https://www.hlayiso.com/library/sepedi-fal-p2-may-june-2025-mg/487242e3-1260-489f-8d91-5b201b9dfbca) — Memo · 2025 · Sepedi
- [Sepedi FAL P3 May-June 2025 MG](https://www.hlayiso.com/library/sepedi-fal-p3-may-june-2025-mg/eb83ae83-85f3-4ebb-b6e8-d35f11f32626) — Memo · 2025 · Sepedi
- [Sepedi FAL P1 Nov 2025 MG](https://www.hlayiso.com/library/grade-12-sepedi-fal-2025-nsc-november-exam-memorandum-paper-1-sepedi/806eaadc-1d1b-4333-860a-f230e185fdd3) — Memo · 2025 · Sepedi
- [Sepedi FAL P1 Nov 2025 MG](https://www.hlayiso.com/library/grade-12-sepedi-fal-2025-nsc-november-exam-question-paper-paper-1-sepedi/bcece954-738e-42ad-928b-b5411db789f3) — Memo · 2025 · Sepedi

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
