# Sepedi FAL Grade 12 Paper 1 NSC November 2018 Question Paper

> Grade 12 Sepedi FAL Paper 1 question paper from the NSC November Exam 2018, 11 pages. Read online or get the free PDF download, memo linked when available.

- Page: https://www.hlayiso.com/library/sepedi-fal-p1-nov-2018/f43a04b9-5807-4400-a748-d3c40610bbaa
- Updated: 2026-09-27
- Subject: Sepedi FAL
- Grade: Grade 12
- Language: Sepedi
- Document type: Question paper
- Year: 2018
- Exam period: NSC November Exam
- Paper: 1
- Curriculum: CAPS
- Pages: 11

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Sepedi FAL](https://www.hlayiso.com/library/grade-12/sepedi-fal) › [Sepedi FAL Grade 12 Paper 1 NSC November 2018 Question Paper](https://www.hlayiso.com/library/sepedi-fal-p1-nov-2018/f43a04b9-5807-4400-a748-d3c40610bbaa)

## About this document

Sepedi Fal · Grade 12 · NSC November Exam · 2018 · sepedi. Question paper, 11 pages. Read online or download the PDF.

Read it free online on the page above; download the PDF from there.

## Matching paper and memo

- [Sepedi FAL P1 Nov 2018 Final Memo](https://www.hlayiso.com/library/sepedi-fal-p1-nov-2018-final-memo/50221df0-b050-4c2e-9eda-a1f4bc9aff1a) — Memo · 2018 · Sepedi

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                        GRADE 12

                                       NATIONAL
                                  SENIOR CERTIFICATE

                                      KREITI YA 12

                   SEPEDI LELEMETLALELETŠO LA PELE (FAL)

                                  LEPHEPHE LA PELE (P1)

                                     DIBATSELA 2018

MEPUTSO: 80

NAKO: Diiri tše 2

                           Palomoka ya matlakala a dipotšišo ke 11.

Tokelo ya ngwalollo e ileditšwe                                       Phetla

### Page 2

Downloaded from hlayiso.com
Sepedi Lelemetlaleletšo la Pele (FAL)/P1            2                    DBE/Dibatsela 2018
                                                   NSC

DITAELO LE TSHEDIMOŠO

1.        Lephephe le, le arotšwe ka DIKAROLO TŠE THARO, e lego YA A, YA B le
          YA C.

          KAROLO YA A:            Tekatlhaloganyo                 (30)
          KAROLO YA B:            Kakaretšo                       (10)
          KAROLO YA C:            Thutapolelo le Tšhomišopolelo   (40)

2.        Badišiša ditaelo ka šedi.

3.        Araba dipotšišo KA MOKA.

4.        Ngwala KAROLO YE NNGWE le YE NNGWE letlakaleng LE LEFSA.

5.        Thalela mošomo wa gago ka morago ga KAROLO YE NNGWE le YE
          NNGWE.

6.        Nomora dikarabo go swana le dipotšišo.

7.        Tshela mothaladi ka morago ga karabo YE NNGWE le YE NNGWE.

8.        Ela hloko mopeleto le tlhamego ya mafoko.

9.        Nako ye e ukangwago:

          KAROLO YA A:            Metsotso ye 50
          KAROLO YA B:            Metsotso ye 20
          KAROLO YA C:            Metsotso ye 50

10.       Ngwala ka bothakga ka mongwalo wo o bonalago.

Tokelo ya ngwalollo e ileditšwe                                                      Phetla

### Page 3

Downloaded from hlayiso.com
Sepedi Lelemetlaleletšo la Pele (FAL)/P1     3                          DBE/Dibatsela 2018
                                            NSC

KAROLO YA A: TEKATLHALOGANYO

POTŠIŠO YA 1

1.1       Badišiša temana ya ka tlase gomme o arabe dipotšišo tša go e latela.

          SETŠWELETŠWA SA A

                                           TSOGA O ITIRELE

          1      'Ga re na mešomo'. Wo ke mmolelwana wo o tletšego melomong ya
                 magagešo. Bontši bo dutše ka menagano. Bangwe ba bolela ge bona
                 ba ka se rekiše mebileng e lego seo ba rego se ba nyatšiša ka batho.
                 Mantšu a, 'batho ba tlo reng' a medile megopolong ya mašabašaba.
                 Go kota le go loga meriri, go loga mekotla le magogwa, go roka diaparo 5
                 le dieta, ke mešongwana yeo motho a ka iphedišago ka yona. Se se ka
                 mo kgontšha go ba le mathomo a ditlalemeso.

          2      Mosadi šo, o tsoga mašego o boa mašego ka kgopolo ya go selela
                 digotlane tšeo di butšego melomo bjalo ka mafotwana a swerwe ke tlala.
                 Dirathana di mo lebeletše ka mahlong ka ge a atetšwe ke mohlako. 10
                 O naganne go ya go moagišane gore a time hlaga ye e swago. A ba a
                 ikgala e sa le yena ka noši ka la gore yoo le yena ke gona a tsena le
                 morwalo hlogong go tšwa mebileng go rekiša, a ka kgopela motho yo
                 mobjalo bjang?

          3      Mafelelong a beta pelo, a tšea hlong a e phaela ka thoko, a re yo a 15
                 segago a sege le sa mo hlabetše. Monagano wa šila matlabotša wa ba
                 wa thumeletša. Go loga magogwa, meriri le mekotla ga a kgone, go roka
                 diaparo le gona nkhokho. Kgale le kgale o be a bontšha gabotse gore ke
                 nala di a rotha. A lemoga ge fela a kgona go hlatswa le go apeela bana
                 dijo ka gae. Go hlatswetša motho yo mongwe go yena ke morotoga ka 20
                 gore o tlo šalašalwa morago ka la gore mo le mola ga se tša tloga
                 gabotse. A bona mošomo wa go apea bogobe o le bobebe. Pitša,
                 dikgong, sešebo, gammogo le bupi di gona.

          4      A thoma ka go nyakanyaka lefelo, a bona banna ba aga moago wo
                 mogolo, a tseba ge e le batho le bogobe. Tšatši la mathomo a kokobana 25
                 moo, a ba a swarwa ke boroko, a sa tsebe ye tšhweu le ye ntsho.
                 Mathapameng ao ge banna ba fologa meago, ba mo tloša hlong ka go
                 reka tše pedi tše tharo. A boela gae a boetšwe ke yela ya sešebo sa
                 bana le bupi. Seo sa mmea pelwanatšhwana. Tshepo le kholofelo tša
                 mo etela.                                                             30

          5      Ka moswane a swara kgogo molomo. Botse bo bonwe mohlang e le
                 woo. Botšheladitšhila bo meditše melatša ya banna ge ba gopotše bja
                 go fiša bja mosadimogolo yo. Go a holofetša. O ile gae a khuparetše.
                 Matšatšing ano, e bile o apea ka ye kgolo. Mošomo ke o mo ntšhi.
                 Bareki ba beeletša sesola ba sa fihla gore ba se hlaelwe. Ka nako ya ge 35
                 dijo di lokile, ke semphetekegofete, ba kgobokana boka motšhišhi wa
                 dinose.
Tokelo ya ngwalollo e ileditšwe                                                     Phetla

### Page 4

Downloaded from hlayiso.com
Sepedi Lelemetlaleletšo la Pele (FAL)/P1         4                          DBE/Dibatsela 2018
                                                NSC

                  O feditše a nyakile wa go mo hlatswetša dibjana gore mošomo o tšhabe
                  diatla. Ke nnete la go tšwa kgauswi ga le gona lehumo, motho ke go
                  tšwa sethitho. Lela la gore mešomo ga e gona, ke nonwane go mosadi 40
                  yo. O ra tšhego ge e se ya kokota mojako wa ntlo ya gago!

          6       Go kota meriri, ga go nyake mašeleng a go bonala. Ge sekotameriri se
                  le gona le sepiritšhi sa go bolaya ditwatši gore maphelo a batho a
                  bolokege, o bolaile. Meriri ke mosegaohloga, ga go ne gore batho ba se
                  tle ka gore ba ka se dule ka meriri ya ntšhuthu. Modimo o re file 45
                  matsogo le maoto, ka tšona A kwešiša gore re tlo di šomiša go loga
                  maano a diišamaleng.

          7       Ke nnete mošomo re ka se o hlakanele, sa motho ke go iteka, e sego go
                  phutha matsogo mo e kego o thapelong. Ba ba di bonego, ba tshwetše
                  mare moleteng wa ditšhoši, ba etela mohlwa gore ba bone, go swana le 50
                  mosadi yo. Mohlomongwe ke gona gore ga se tša go fihlela, ke ka fao
                  matepe a sa go širago. Segolothata ke go tsoga le bona, wa boa le bona
                  ge le sobela.
                                                                                [Boitlhamelo]

          1.1.1        Tsopola mantšu ao a bolelwago thwii ke magagešo go ya ka
                       TEMANA YA 1 mabapi le mošomo.                                              (1)

          1.1.2        Efa lebaka leo le dirago gore batho ba bangwe ba se rate go rekiša
                       mekgotheng go ya ka TEMANA YA 1.                                           (1)

          1.1.3        Ka dintlha TŠE PEDI tšweletša seo lefoko le le latelago le se
                       bolelago.

                       'Mafelelong a beta pelo, a tšea hlong a e phaela ka thoko, a re yo a
                       segago a sege le sa mo hlabetše.'                                          (2)

          1.1.4        Mešomo ke ye mentši go ya ka TEMANA YA 1. Efa YE MERARO
                       fela.                                                                      (3)

          1.1.5        Ka dintlha TŠE THARO ke eng seo se gapeleditšego mosadi yo go
                       tsoga le go boa mašego go ya ka TEMANA YA 2?                               (3)

          1.1.6        Efa sekapolelo le mohuta wa sona seo se laetšago gore bana ba
                       swerwe ke tlala, TEMANENG YA 2.                                            (2)

          1.1.7        Hlaloša mebolelwana ye e latelago go ya le ka mokgwa wo e
                       šomišitšwego ka gona.

                        (a) 'nala di a rotha'

                        (b) 'ke morotoga'                                                         (2)

Tokelo ya ngwalollo e ileditšwe                                                          Phetla

### Page 5

Downloaded from hlayiso.com
Sepedi Lelemetlaleletšo la Pele (FAL)/P1          5                             DBE/Dibatsela 2018
                                                 NSC

          1.1.8        Lefoko le le thaletšwego TEMANENG YA 4 le re utollela
                       diponelopele dife? Efa dintlha TŠE PEDI.                                       (2)

          1.1.9        Bapetša TEMANA YA 3 le YA 5 o lebeletše bophelo bja mosadi yo
                       go bolelwago ka yena setšweletšweng se.                                        (2)
          1.1.10       Na ke ntlha goba ke kakanyo gore batho ba go rekiša mebileng ke
                       bao ba hlakago? Fahlela ka dintlha TŠE PEDI.                                   (2)
          1.1.11       Ke thuto efe yeo e tšweletšwago ke ditemana tše? Efa dintlha
                       TŠE PEDI.                                                                      (2)
          1.1.12       Maikutlo a gago ke afe go lebeletšwe mosadi yo go bolelwago ka
                       yena mo DITEMANENG TŠA 2 go fihla go 5? Fahlela.                               (2)
1.2       Lebelela seswantšho sa ka tlase gomme o arabe dipotšišo tša go se latela.
          SETŠWELETŠWA SA B

                                                  [E amantšwe go tšwa go inthanete]

          1.2.1        Kgetha karabo ya maleba. Seswantšho sa ka godimo se laetša:
                       A    Go hlapa matsogo.
                       B    Seno sa go tšwa go apola.
                       C    Seno sa matutu a dinamune.
                       D    Seno sa go tšwa go perekisi.                                              (1)
          1.2.2        Ke leekiši lefe     leo    le   tšweletšwago     ke   tiragalo   ya   mo
                       seswantšhong?                                                                  (1)
          1.2.3        Leadingwa ke lentšu leo le adimilwego go tšwa dipolelong tše
                       dingwe. Ngwala mehlala YE MEBEDI ya maadingwa go tšwa
                       seswantšhong.                                                                  (2)
          1.2.4        Tšweletša bohlokwa bja go ja le go nwa meetse a seenywa sa mo
                       seswantšhong.                                                                  (2)
                                                           PALOMOKA YA KAROLO YA A:                   30

Tokelo ya ngwalollo e ileditšwe                                                              Phetla

### Page 6

Downloaded from hlayiso.com
Sepedi Lelemetlaleletšo la Pele (FAL)/P1    6                           DBE/Dibatsela 2018
                                           NSC

KAROLO YA B: KAKARETŠO

POTŠIŠO YA 2

Bala temana ya ka tlase gore o kgone go ngwala dintlha TŠE ŠUPA ka mathata ao a
dirago gore dipoelo di phuhlame.

ELA HLOKO

1.    Ngwala dintlha TŠE ŠUPA mafokong ao a feletšego ka mantšu ao a sa fetego 70.
2.    Nomora mafoko a gago go tloga go 1 go fihla go 7.
3.    Ngwala ntlha E TEE lefokong LE LENGWE le LE LENGWE.
4.    Šomiša mantšu A GAGO.
5.    Ngwala palomoka ya mantšu ao o a šomišitšego ka mašakaneng mafelelong
      a kakaretšo ya gago.

SETŠWELETŠWA SA C

                      MAITSHWARO A GO PHUHLAMIŠA DIPOELO

Lefaseng ka moka go lliwa sa rare ijoo! Kgomoyarare ijoo! Bana ba iphetošitše diphiri
ka malapeng, dikolong le mekgotheng. E le gore go ka dirwang ge di eme ka tsela ye?
Kgoro ya Thuto e lla ka dipoelo tšeo di theogang ka peresente ya godimo ngwaga
ka ngwaga. Diokobatši le dinotagi ke bagwera ba maseana ao a sa nkgago mekgato.
Tšona di nyameletša bokamoso bja bona. Ga go robalwe, go lalwa go sepelwa
le mebila.

Naa nako ya go bala dipuku ba tla e hwetša kae? Ba ikgapa ba ikgoroša. Ge e le
lentšu la batswadi le barutiši, ga ba sa le ela hloko. Ba dira mediro ya bosawane yeo e
sa kgahlego batswadi ba bona. Borakgwebo ga ba bo pate le gatee. Dithoto tšeo ba di
šometšego ka boima, di tšewa ka motsotswana.

Makgarebjana le ona a nwa gore motho a lebale gore ke yena mang. Gona moo go
hlolega dimpa tša go se beakanyetšwe. Mmušo o rile o dira botho ka gore ba tsene
dikolo ka dimpa, bona ba o kwetše thoko. Ke re bomamišana ga ba na nako ya go ka
hloma dihlophana. Go ima le ba kreiti tša fase. Ga ba nagane le go ka hloma
dihlophana tša go ithuta le ge e le go ka kgopela thušo barutišing ba bona.
                                                                            [Boitlhamelo]

                                                    PALOMOKA YA KAROLO YA B:                  10

Tokelo ya ngwalollo e ileditšwe                                                      Phetla

### Page 7

Downloaded from hlayiso.com
Sepedi Lelemetlaleletšo la Pele (FAL)/P1         7                            DBE/Dibatsela 2018
                                                NSC

KAROLO YA C: THUTAPOLELO LE TŠHOMIŠOPOLELO

POTŠIŠO YA 3
Lebeledišiša papatšo ya ka tlase gomme o arabe dipotšišo tša go e latela.
SETŠWELETŠWA SA D

                           ETLANG MADULONG A MAKGONTHE

                        O lefela madulo wa ikhweletša dijo ntle le tefo

                                  CAVES ke lefelo la banna fela
                                                               [E amantšwe go tšwa go inthanete]

3.1       Kgetha karabo ya maleba. Ke eng se se bapatšwago ka godimo?

          A       Madulo
          B       Lewa
          C       Sethokgwa
          D       Mohlagase                                                                         (1)

3.2       Tsopola lefoko leo le laetšago kgethologanyo papatšong.                                   (1)

3.3       Laetša dithekniki TŠE PEDI tšeo di šomišitšwego papatšong.                                (2)

3.4       Ke dilo dife TŠE PEDI tše bohlokwa tšeo mongwadi a sego a di tšweletša
          papatšong ye?                                                                             (2)

3.5       Go tšwa papatšong, hlama 'slogan' seo se ka sepedišanago le papatšo ye.                   (2)

3.6       Go tšwa go lefoko le: 'ETLANG MADULONG A MAKGONTHE', bontšha
          lentšu la go jabetša o be o fahlele karabo ya gago.                                       (2)
                                                                                                    [10]

Tokelo ya ngwalollo e ileditšwe                                                            Phetla

### Page 8

Downloaded from hlayiso.com
Sepedi Lelemetlaleletšo la Pele (FAL)/P1     8                               DBE/Dibatsela 2018
                                            NSC

POTŠIŠO YA 4

Lebeledišiša khathuni ya ka tlase gomme o arabe dipotšišo tša go e latela.

SETŠWELETŠWA SA E

          1.Yo wa tša polokano o                 2. Mokgalabje, o         3. Morena'ka!
          a re diegiša. Ngwanaka                  šaletše morago
             o swerwe ke tlala.                    ka ditefelo tša
                                                 polokano.

                                                       [E amantšwe go tšwa go: Sowetan, 2017]

4.1       Tiišetša seo se bolelwago ke PUDULA YA 2 o lebeletše khathuni.                           (1)

4.2       Khathuni ye e laetša ...

          A       batho ba go ya kliniking.
          B       batho ba go gola mphiwafela.
          C       bašomi ba Sassa.
          D       batho ba go ipereka.                                                             (1)

4.3       Polelommele ya motho wa PUDULA YA 3 khathuning e tšweletša botšofadi.
          Efa mehlala YE MEBEDI.                                                                   (2)

4.4       Ka dintlha TŠE PEDI, laetša kgegeo yeo e tšweletšwago ke PUDULA YA 2,
          o lebeletše khathuni ka moka.                                                            (2)

4.5       Polelo ya PUDULA YA 3 ya gore 'Morena'ka' e tšweletša eng? Tšweletša ka
          dintlha TŠE PEDI.                                                                        (2)

4.6       Sefahlego sa motho wa PUDULA YA 1 se tšweletša maikutlo a mohuta ofe?
          Fahlela ka lebaka.                                                                       (2)
                                                                                                   [10]

Tokelo ya ngwalollo e ileditšwe                                                           Phetla

### Page 9

Downloaded from hlayiso.com
Sepedi Lelemetlaleletšo la Pele (FAL)/P1        9                         DBE/Dibatsela 2018
                                               NSC

POTŠIŠO YA 5

5.1       Bala temana ya ka tlase ka šedi gore o tle o kgone go araba dipotšišo tša
          go e latela.

          SETŠWELETŠWA SA F

                                    TLHOMPHO E TLIŠA KATLEGO

          1       Morutiši o ruta barutwana gore ba be le bokamoso bja go phadima. Ge o
                  sa theeletše, o tla šitwa. Malose o rile ge a re phaphara! Ya ba selemo
                  ke ngwagola.

          2       O be a ke tira yo bohlajana mo ga re ga ngwaga. Lehono o šupa barutiši
                  ka monwana. Ke tšeo di bonwago ke barutiši. Gare ga ngwaga ba leka 5
                  ka mešogofela go fa barutwana tsebo eupša ga ba theeletšwe.

          3       Mešomo ya gae le ya phapoši go bona ke kotlo mola e le yona e ba
                  tlatšago ka tsebo ya go lebana le tlhahlobo ya mafelelo a ngwaga.

          4       Bašemane ba rata segwera, ba itulela botshwelamare ka nako ya
                  dithuto mola banenyana ba budušitše tsejana ya bookelong. O ka 10
                  beakanya lapa le se gona? Gona o tla le beakanya wa tla wa le fepa ka
                  eng o sa šome? Go bohlokwa go ba le kgetho ye botse ya segwera.
                  Ba be le ditoro ba be ba fišagalelwe go di fihlelela.

          5       Batswadi, mmušo le setšhaba ka moka ralokang karolo ye bohlokwa
                  maphelong a bafsa. A re boleleng ge re bona ditiro tšeo di bušetšago 15
                  bafsa morago bokamosong bja bona. Tau tša hloka seboka di
                  šitwa ke ...
                                                                              [Boitlhamelo]

          5.1.1        Ngwala lefoko le le latelago ka letlago:

                       'Morutiši o ruta barutwana'                                              (1)

          5.1.2        Kgetha karabo ya maleba: Lentšu leo le thaletšwego go lefoko la
                       ka fase ke (leekiši/lelahlelwa).

                       Malose o rile ge a re phaphara, ya ba selemo ke ngwagola.                (1)

Tokelo ya ngwalollo e ileditšwe                                                        Phetla

### Page 10

Downloaded from hlayiso.com
Sepedi Lelemetlaleletšo la Pele (FAL)/P1        10                           DBE/Dibatsela 2018
                                               NSC

          5.1.3        Lebanya karabo ya maleba go tšwa go KHOLOMO YA B le YA A.

                              KHOLOMO YA A                         KHOLOMO YA B
                       (a)   Morutiši o ruta barutwana.    A    lefokopotšišo

                       (b)   Batswadi, mmušo le            B    paronimi
                             setšhaba ke ...
                                                           C    mainagohle
                       (c)   Ke leina leo le bopilwego
                             ka diripa tše fapanego tša    D    botshwelamare
                             polelo.
                                                           E    honorofiki
                       (d)   O ka beakanya lapa le se
                             gona?
                                                                                     (4 x 1)      (4)

          5.1.4        Lefoko le le latelago le na le diphošo tša mopeleto le
                       maswaodikga. Le phošolle ka mokgwa wa go le ngwalolla.

                       'O be a ke tira yo bohlajana mo ga re ga ngwaga.'                          (3)

          5.1.5        Kopanya mafoko a a latelago gomme o bope lefoko LE TEE la go
                       kwagala:

                       Bašemane ba rata segwera. Ba itulela botshwelamare.                        (1)

          5.1.6        Tšweletša lefoko le 'Bašemane ba rata segwera'.

                       (a)    Ka tirwa                                                            (1)

                       (b)    Ka kganetšo                                                         (1)

          5.1.7        Feleletša seema sa ka tlase o be o bolele gore gantši se šomišwa
                       neng polelong.

                       'Tau tša hloka seboka di šitwa ke ...'                                     (2)

Tokelo ya ngwalollo e ileditšwe                                                          Phetla

### Page 11

Downloaded from hlayiso.com
Sepedi Lelemetlaleletšo la Pele (FAL)/P1     11                             DBE/Dibatsela 2018
                                            NSC

5.2       Lebeledišiša diswantšho tša ka tlase gomme o arabe dipotšišo tša go di
          latela.

          SETŠWELETŠWA SA G

                     Yunifomo         1            2
                   letšatšing la
                  mafelelo la go                             3            4
                ngwala ditlhahlobo
                 tša marematlou.

                                                        [E amantšwe go tšwa go inthanete]

          5.2.1        'Letšatšing' go tšwa seswantšhong e šomišitšwe bjalo ka nako.
                       Le ngwale lefokong bjalo ka lehlathifelo.                                 (1)

          5.2.2        Kgetha karabo ya maleba: Sehlophantšu se 'tša marematlou' se
                       šomile bjalo ka:

                       A    Lehlaodi
                       B    Lediri
                       C    Leamanyi
                       D    Lekgokedi                                                            (1)

          5.2.3        Homonimi ke mantšu ao a swanago ka go ngwalwa a fapanago ka
                       tlhalošo yeo e laolwago ke segalo.

                       Ngwala homonimi yeo e tšweletšwago ke polelommele ya
                       mosetsana wa 3 le 4 mafokong a maleba go laetša gore phapano
                       e tlišwa ke segalo.                                                       (2)

          5.2.4        Go tšwa seswantšhong efa lehlaodi la mmala o be o le šomiše
                       lefokong.                                                                 (2)
                                                                                                 [20]

                                                       PALOMOKA YA KAROLO YA C:                  40
                                                        PALOMOKA YA TLHAHLOBO:                   80

Tokelo ya ngwalollo e ileditšwe

## Related documents

- [Sepedi FAL P2 Nov 2018](https://www.hlayiso.com/library/sepedi-fal-p2-nov-2018/6ecaabcb-2c5a-420e-b19a-6cec65c89990) — Sepedi FAL · QP · 2018 · Sepedi
- [Sepedi FAL P3 Nov 2018](https://www.hlayiso.com/library/sepedi-fal-p3-nov-2018/d8b62e48-0c90-4651-ba30-9f488b41cb54) — Sepedi FAL · QP · 2018 · Sepedi
- [Sepedi FAL P1 May June 2018](https://www.hlayiso.com/library/sepedi-fal-p1-may-june-2018/a3f66185-a465-455e-8317-f02dca6bf259) — Sepedi FAL · QP · 2018 · Sepedi
- [Sepedi FAL P1 Feb March 2018](https://www.hlayiso.com/library/sepedi-fal-p1-feb-march-2018/efd4a05a-41e0-483c-9e2b-6a11b42f08a3) — Sepedi FAL · QP · 2018 · Sepedi
- [Sepedi FAL P1 Nov 2023](https://www.hlayiso.com/library/sepedi-fal-p1-nov-2023/6c34b327-0b9f-4df3-b171-c6dba04e540a) — Sepedi FAL · QP · 2023 · Sepedi
- [Sepedi FAL P1 Nov 2022](https://www.hlayiso.com/library/sepedi-fal-p1-nov-2022/ded284cd-a763-4105-8bcb-b2b12e7681e3) — Sepedi FAL · QP · 2022 · Sepedi

## More from Grade 12 Sepedi FAL

- [Gr 12 Sepedi FAL ATP 2023-24](https://www.hlayiso.com/library/gr-12-sepedi-fal-atp-2023-24/aa66bf3c-3748-497a-b1fc-b406f4fd3e4b) — ATP
- [Sepedi FAL P1 May-June 2025 MG](https://www.hlayiso.com/library/sepedi-fal-p1-may-june-2025-mg/d76ab8d2-14f0-4322-9896-51180e3fda90) — Memo · 2025 · Sepedi
- [Sepedi FAL P2 May-June 2025 MG](https://www.hlayiso.com/library/sepedi-fal-p2-may-june-2025-mg/487242e3-1260-489f-8d91-5b201b9dfbca) — Memo · 2025 · Sepedi
- [Sepedi FAL P3 May-June 2025 MG](https://www.hlayiso.com/library/sepedi-fal-p3-may-june-2025-mg/eb83ae83-85f3-4ebb-b6e8-d35f11f32626) — Memo · 2025 · Sepedi
- [Sepedi FAL P1 Nov 2025 MG](https://www.hlayiso.com/library/grade-12-sepedi-fal-2025-nsc-november-exam-memorandum-paper-1-sepedi/806eaadc-1d1b-4333-860a-f230e185fdd3) — Memo · 2025 · Sepedi
- [Sepedi FAL P1 Nov 2025 MG](https://www.hlayiso.com/library/grade-12-sepedi-fal-2025-nsc-november-exam-question-paper-paper-1-sepedi/bcece954-738e-42ad-928b-b5411db789f3) — Memo · 2025 · Sepedi

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
