# Sepedi FAL Grade 12 Paper 1 NSC November 2021 Question Paper

> Grade 12 Sepedi FAL Paper 1 question paper from the NSC November Exam 2021, 10 pages. Read online or get the free PDF download, memo linked when available.

- Page: https://www.hlayiso.com/library/sepedi-fal-p1-nov-2021/f737bcbf-3269-4bd5-9171-97adb299a998
- Updated: 2026-09-27
- Subject: Sepedi FAL
- Grade: Grade 12
- Language: Sepedi
- Document type: Question paper
- Year: 2021
- Exam period: NSC November Exam
- Paper: 1
- Curriculum: CAPS
- Pages: 10

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Sepedi FAL](https://www.hlayiso.com/library/grade-12/sepedi-fal) › [Sepedi FAL Grade 12 Paper 1 NSC November 2021 Question Paper](https://www.hlayiso.com/library/sepedi-fal-p1-nov-2021/f737bcbf-3269-4bd5-9171-97adb299a998)

## About this document

Sepedi Fal · Grade 12 · NSC November Exam · 2021 · sepedi. Question paper, 10 pages. Read online or download the PDF.

Read it free online on the page above; download the PDF from there.

## Matching paper and memo

- [Sepedi FAL P1 Nov 2021 MG](https://www.hlayiso.com/library/sepedi-fal-p1-nov-2021-mg/a96a4f7a-6c68-4c83-9e1e-c3745bb1154f) — Memo · 2021 · Sepedi

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                         NATIONAL
                                    SENIOR CERTIFICATE

                                         KREITI YA 12

                   SEPEDI LELEMETLALELETŠO LA PELE (FAL)

                                    LEPHEPHE LA PELE (P1)

                                        DIBATSELA 2021

MEPUTSO: 80

NAKO: Diiri tše 2

                                  Palomoka ya matlakala a dipotšišo ke 10.

Tokelo ya ngwalollo e ileditšwe                                              Phetla

### Page 2

Downloaded from hlayiso.com
Sepedi Lelemetlaleletšo la Pele (FAL)/P1         2                          DBE/Dibatsela 2021
                                                NSC

DITAELO LE TSHEDIMOŠO

1.        Lephephe le, le arotšwe ka DIKAROLO TŠE THARO, e lego YA A, YA B le
          YA C.

          KAROLO YA A:            Tekatlhaologanyo                          (30)
          KAROLO YA B:            Kakaretšo                                 (10)
          KAROLO YA C:            Dibopego le melao ya tšhomišo ya polelo   (40)

2.        Badišiša ditaelo ka šedi.

3.        Araba dipotšišo KA MOKA.

4.        KAROLO YE NNGWE le YE NNGWE e ngwalwe letlakaleng LE LEFSA.

5.        Thalela mošomo wa gago ka morago ga KAROLO YE NNGWE le YE
          NNGWE.

6.        Dikarabo di nomorwe go swana le dipotšišo.

7.        Tshela mothaladi ka morago ga karabo YE NNGWE le YE NNGWE.

8.        Ela hloko mopeleto le tlhamego ya mafoko.

9.        Nako ye e ukangwago:

          KAROLO YA A:            Metsotso ye 50
          KAROLO YA B:            Metsotso ye 20
          KAROLO YA C:            Metsotso ye 50

10.       Ngwala ka bothakga ka mongwalo wo o bonalago.

Tokelo ya ngwalollo e ileditšwe                                                        Phetla

### Page 3

Downloaded from hlayiso.com
Sepedi Lelemetlaleletšo la Pele (FAL)/P1      3                            DBE/Dibatsela 2021
                                             NSC

KAROLO YA A: TEKATLHAOLOGANYO

POTŠIŠO YA 1

1.1       Badišiša tekatlhaologanyo ye e latelago gore o tle o kgone go araba dipotšišo
          ka yona.

          SETŠWELETŠWA SA A

                                  KGOTLELELO E TSWALA KATLEGO

          1      Bophelo bo na le ditlhotlo tše dintši tšeo di nyakago tlhokomelo. Ka nako
                 tše dingwe o ka re o lokiša ka mo gwa senyega ka mo. Se segolo ke
                 kgotlelelo le maikemišetšo. Se se ra gore ge o wele o a emelela wa
                 itlhohlora, wa leka gape. Sepedi se re, seo se sa felego se a hlola. Le go
                 Mashoto go bile bjalo. Ka morago ga go hlakišwa ke dithuto le go se 5
                 hwetše mošomo, o feleleditše a tšweletše mo bophelong.

          2      Mashoto ke lekgarebe le nnoši go bana babo ba bararo. O reetšwe leina
                 le e le ge mmagwe a thabišitšwe ke go hwetša phejane ya mosetsana.
                 Lapeng la gabo ba be ba tloga ba topa tša fase e le ruri. Ba eja nta ba
                 šeba ka legae. Ge ba be ba tla ja e be e tla ba ge mmušo o file mmagwe 10
                 tšhelete ya kgwedi ka kgwedi ya mphiwafela wa bolwetši. Bana babo ba
                 be ba leka ka mo le ka mo go thuša motswadi wa bona ka bonnyane bjo
                 ba bego ba bo hwetša go tšwa go mešongwana ya nakwana yeo ba
                 bego ba fela ba e swara. Lekgarebe la lebelela tše ka moka la ipotša
                 gore bjo bophelo ga se bjo a bo nyakago. Ka nako yeo o be a dira 15
                 mphato wa lesome sekolong se se phagamego sa Rekgonne.

          3      O rile go fetša mphato wa marematlou a ipotša gore o nyaka go ba
                 mooki a thuše balwetši, kudu ka ge mmagwe a be a sa be kaone
                 mmeleng. Ka morago ga go fetša ngwaga a dutše gae, o ile a hwetša
                 sekgoba sekolong tsoko sa godimo sa praebete go la Gauteng. 20
                 Bomalomea'gwe ke bona ba bego ba mo lefela dithuto. Mmušo ga
                 o lefele baithuti bao ba tsenago dikolong tša praebete.

          4      Gona moo sekolong o be a sa robale, a bala, a ngwala mešongwana ya
                 gagwe ka moka. O be a leka ka mekgwa ye mentši gore go se ke gwa
                 ba le thutwana yeo e mo palelago. Ka nnete a tšwelela ka dihlora, a 25
                 hwetša lengwalo la Auxilliary. Ka lethabo a iša lengwalo la gagwe la
                 boitsebišo dipetleleng tša go fapana go kgopela sekgoba sa mošomo.
                 Ka bomadimabe gwa hloka nko yeo e tšwago lemina. A dula ngwaga ka
                 moka a ba a bona bokaone e le go yo dira diploma gona Kholetšheng
                 yeo. Ka mahlatse a boa le lengwalo la gagwe, ngwana wa Mokone.       30

          5      Mekgolokwane ya duduetšwa gwa ba le tshepo ya gore bjale gona tlala
                 e tšwile ka lapeng. A ipotša gore mošomo ke wa gagwe. A ralala le
                 dipetlela le dikliniki go iša dikgopelo tša gagwe gwa no pala. A leta, a
                 leta a ba a dula fase.

Tokelo ya ngwalollo e ileditšwe                                                       Phetla

### Page 4

Downloaded from hlayiso.com
Sepedi Lelemetlaleletšo la Pele (FAL)/P1      4                           DBE/Dibatsela 2021
                                             NSC

          6       A thoma go leka mafapa a mangwe a dithuto. A leka lefapa la 35
                  sephodisa, la sešole le la balaolasephethephethe. Ga se a tshepa
                  ditsebe tša gagwe ge a hwetša lengwalo la gore a tle ditekong.
                  Mashoto o biditšwe ke balaolasephethephethe. A sepela magato ka
                  moka ao a bego a nyakega gore a dumelelwe mošomong. A katišwa a
                  šala a ntshofetše o ka re ga se yena. A kgotlelela go fihlela a aloga. 40
                  Tšatši leo a alogilego ka lona go ile gwa lliwa sello sa lethabo.
                  Dialogane tša fiwa mafelo a go šoma. Ge ngwaga o thoma Mashoto le
                  yena a thoma mošomo wa gagwe.

          7       Ge re bolela bjale, Mashoto o agetše motswadi wa gagwe ntlo ya
                  kgoparara, o rekile sefatanaga ka ge e le molao wa gona gore ga go 45
                  molaolasephethephethe yo a swanetšego go sepela ka dinamelwa tša
                  bohle. O ralala le dikolo a eletša barutwana gore kgotlelelo e tswala
                  katlego. O ba eletša gore thuto le ka lapeng la bodiidi e a tsena ya
                  hlatswa lapa la šala le phadima le go hlompšha. O re ba phegelele go
                  seo ba se nyakago ba tla tšwelela.                                    50
                                                                             [Boitlhamelo]

          1.1.1        Go tšwa temaneng ya 1 lefokong la 1 tsopola lentšu leo le
                       tšweletšago gore bophelong go na le mathata.                            (1)

          1.1.2        Efa dilo TŠE PEDI tšeo di ka thušago motho go tšwelela
                       bophelong go ya ka TEMANA ya 1.                                         (2)

          1.1.3        Efa dilo TŠE PEDI tšeo di hlakišitšego Mashoto bophelong.               (2)

          1.1.4        Ke ka lebaka la eng mmago Mashoto a mo reetše leina le?                 (1)

          1.1.5        Efa dika TŠE PEDI tšeo di laetšago gore gaboMashoto ba be ba
                       diila kudu.                                                             (2)

          1.1.6        Tšweletša ka mokgwa wo lapa la boMashoto le bego le hwetša dijo
                       ka gona.                                                                (2)

          1.1.7        Bontšha phapano magareng ga sekolo sa praebete le sekolo sa
                       mmušo.                                                                  (2)

          1.1.8        Ka dintlha TŠE PEDI efa mabaka ao a dirago gore mmušo o se
                       lefele dithuto tša baithuti ba praebete.                                (2)

          1.1.9        Ke eng seo se thušitšego Mashoto go tšwelela dithutong tša
                       gagwe. Tšweletša dintlha TŠE PEDI.                                      (2)

Tokelo ya ngwalollo e ileditšwe                                                       Phetla

### Page 5

Downloaded from hlayiso.com
Sepedi Lelemetlaleletšo la Pele (FAL)/P1      5                             DBE/Dibatsela 2021
                                             NSC

          1.1.10       Ka dintlha TŠE PEDI tšweletša ditlamorago tšeo di ka hlolwago ke
                       lefoko leo le ntshofaditšwego. TEMANENG ya 5.                               (2)

          1.1.11       Na o bona gore ke eng seo mofsa a ka se dirago ge a sa emetše
                       sekgoba sa mošomo? Tšweletša dintlha TŠE PEDI.                              (2)

          1.1.12       Maikutlo a gago ke afe mabapi le sephetho sa Mashoto sa go
                       fetogela mafapeng a mangwe? Fahlela.                                        (2)

          1.1.13       Ka dintlha TŠE PEDI efa molaetša wo o tšweletšwago ke lefoko le
                       'thuto le ka lapeng la bodiidi e a tsena'.                                  (2)

1.2       Lebeledišiša seswantšho se se latelago gore o tle o kgone go araba dipotšišo
          ka sona.

          SETŠWELETŠWA SA B

                                                              [Inthanete: www.wildanimals.co.za]

          1.2.1        Ngwala seo se bolelwago ke         maswao      ao    a   tšwelelago
                       seswantšhong se sa ka godimo.                                               (2)

          1.2.2        Kgetha karabo ya maleba.Tsela ye ga se ya bolokega ka lebaka la:

                       A      Dihlare
                       B      Leporogo
                       C      Diphoofolo
                       D      Difatanaga                                                           (1)

          1.2.3        Ke eng seo se ka dirwago gore tsela ye e bolokege?                          (1)

          1.2.4        Ka dintlha TŠE PEDI tšweletša seo baotledi ba ka se dirago ge
                       maemo a le ka tsela ye?                                                     (2)

                                                      PALOMOKA YA KAROLO YA A:                     30

Tokelo ya ngwalollo e ileditšwe                                                          Phetla

### Page 6

Downloaded from hlayiso.com
Sepedi Lelemetlaleletšo la Pele (FAL)/P1         6                     DBE/Dibatsela 2021
                                                NSC

KAROLO YA B: KAKARETŠO

POTŠIŠO YA 2

Akaretša temana ye e latelago o tšweletše maitekelo ao a nyakegago ge morutwana a
ngwala ditlhahlobo.

DITAELO

1.       Kakaretšo e ngwalwe ka mokgwa wa dintlha tše 7.
2.       Kakaretšo e be mantšu a magareng ga 60 le 70.
3.       Šomiša mantšu A GAGO.
4.       Bontšha palo ya mantšu mafelelong a kakaretšo.

SETŠWELETŠWA SA C

                                           DITLHAHLOBO

Morutwana yo mongwe le yo mongwe o tsenwa ke letšhogo ge nako ya ditlhahlobo
e fihla.Ba bangwe ba ba le kgatelelo ya monagano gomme ba feleletša ba paletšwe
le ke go ngwala.

Phomo ke yo mongwe wa barutwana bao ba tšweletšego gabotse dithutong tša bona
ngwaga wa go feta. O ba eleditše gore barutwana ba itlwaetše go lebelela botelele bja
letlakalapotšišo pele ba thoma go ngwala.Se se thuša gore ba kgone go bona bontši
bja dipotšišo gomme ba dira kgetho ya maleba.

Ditaelo di swanetšwe go balwa ka hloko ntle le go no kitimiša mahlo. Motho o ba
le mafolofolo ge a ka thoma ka tšeo a di tsebago. O re barutwana ba fodiše matswalo
ge ba ngwala. Ba tlogele go lebelela tšeo di dirwago ke barutwana ba bangwe ka ge ba
tla feleletša ba tšhoga gomme ba bona o ka re bona ga ba dire tšona. Go bohlokwa go
badišiša ka kgotsofalo ge o fetša go ngwala gore o kgone go phošolla diphošo ka
moka pele o etšwa ka phapošing.

Tše ka moka di dirwe motho a lebeletše nako. Go kweša bohloko go hwetša
morutwana a ngwala ka lebelo gomme a feleletše a ngwadile diphošo goba a iketlile
gomme ge a re phaphara nako ya be e fedile.
                                                                          [Boitlhamelo]

                                                         PALOMOKA YA KAROLO YA B:           10

Tokelo ya ngwalollo e ileditšwe                                                    Phetla

### Page 7

Downloaded from hlayiso.com
Sepedi Lelemetlaleletšo la Pele (FAL)/P1      7                              DBE/Dibatsela 2021
                                             NSC

KAROLO YA C: DIBOPEGO LE MELAO YA TŠHOMIŠO YA POLELO

POTŠIŠO YA 3

Lebeledišiša papatšo ye gomme o arabe dipotšišo tša go e latela.

SETŠWELETŠWA SA D

                                                            [E amantšwe go tšwa go Inthanete]

3.1       Na papatšo ye e lebišitšwe go bomang?                                                   (1)

3.2       Tsopola slogan sa papatšo ye.                                                           (1)

3.3       Ke eng seo mmapatši a se šomišitšego go goga šedi ya bareki. Efa dintlha
          TŠE PEDI.                                                                               (2)

3.4       Kgetha karabo ya maleba: 'Disiliki, dilinen le dikhothone ga e di bone.'

          A       Go theeletša bareki.
          B       Go amogela bareki.
          C       Go kgantšhetša bareki.
          D       Go hlohleletša bareki.                                                          (1)

3.5       Efa mmolelwana wo o šomišitšwego go jabetša bareki go tšwa papatšong.                   (2)

3.6       Ntšha leadingwa leo le bonalago papatšong?                                              (1)

3.7       Bapetša fonte ye kgolo le ye nnyane go ya le ka moo e šomišitšwego ka
          gona.                                                                                   (2)
                                                                                                  [10]

Tokelo ya ngwalollo e ileditšwe                                                          Phetla

### Page 8

Downloaded from hlayiso.com
Sepedi Lelemetlaleletšo la Pele (FAL)/P1          8                           DBE/Dibatsela 2021
                                                 NSC

POTŠIŠO YA 4

Lebeledišiša khathuni ye le mantšu a yona gomme o arabe dipotšišo tša go latela.

SETŠWELETŠWA SA E

                FREIMI YA A                              FREIMI YA B

      Bana, a re     1
      boneng gore le
      šomile bjang                                                    Mmawee!!
      sekolong.                                                       Gape ga se
                                  Re tlo     2
                                                                      nna ke
                                  tšhabela                            paletšwego.
                                  kae?

                                                              [E amantšwe go tšwa go Inthanete]

4.1       Tsopola lebotšiši go tšwa puduleng ya 2 freiming ya A.                                   (1)

4.2       Ke lebopi lefe leo le laetšago bontši puduleng ya 1 freiming ya A?                       (1)

4.3       Ke eng seo se laetšago gore bana ba ba maketše freiming ya B?                            (1)

4.4       Efa lelahlelwa leo le dirišitšwego freiming ya B.                                        (1)

4.5       Laetša phapang puduleng ya 1 freiming ya A le puduleng ya freiming ya B.                 (2)

4.6       Kgetha karabo ya maleba. Ditiragalo tše di diragala kae? fahlela.

          A      Mabenkeleng
          B      Sekolong
          C      Ka gae
          D      Kantorong                                                                         (2)

4.7       Ke maikutlo afe ao a tšweletšwago ke tirišo ya ditho tša mmele tša bana
          freiming ya A? Fahlela.                                                                  (2)
                                                                                                   [10]

Tokelo ya ngwalollo e ileditšwe                                                           Phetla

### Page 9

Downloaded from hlayiso.com
Sepedi Lelemetlaleletšo la Pele (FAL)/P1           9                            DBE/Dibatsela 2021
                                                  NSC

POTŠIŠO YA 5

5.1       Bala sengwalo se sa ka tlase ka šedi gore o tle o kgone go araba dipotšišo
          tša go latela.

          SETŠWELETŠWA SA F

                                      DITLHAHLOBO TŠA KOTARA

          Ditlhahlobo tša kotara ye di nkatile fase. Dithutwaneng tšeo ke di ngwadilego,
          ke be ke sa bone selo. Ge ke etšwa ka phapošing ya go ngwalela, o be o ka
          re ke keketilwe magetla a. Ke hlwa ke re ke nna makgonatšohle kganthe ke
          tla gahlana le dipela di thotha. Di be di bowa ke a go botša.

          Bagwera ba lebeletše tša bona ba se na nako le nna. Le ge go le bjalo ga se 5
          ka lahlela toulo, ke phethile la mogologolo la gore hlakoleng go a sepelwa.
          Matšatšing a a latelago, ka nagana ka leswa. Ka itlhokiša bagwera le maroko.
          Dijo ke be ke no di etela ka metsotswana.

          Ka go realo ka nganga mešifa go fihla ke di bontšha mo diphala di nwago
          meetse. Ke be ke sa šomele meputswana ya fase. Dithutwana tše nne tša 10
          mafelelo tše ke di ngwadilego, ke tšweletše ka dihlora. Nka napa ka katelwa
          fase ke selo sa go se bolele? Go tloga lehono e tla ntseba gore ke nna mang.
          Kotareng ya go latela ke tlo thoma le tšona dithutwana di tloga fase. Bagwera
          bona ke lebetše ka bona, bao ke tlogo ba hlokiša boroko ke barutiši.

                                                                                   [Boitlhamelo]

          5.1.1        Go tšwa temaneng ya 1, tsopola:

                       (a)    Leamanyidiri.

                       (b)    Leina la legoro la 16.                                                 (2)

          5.1.2        Ke lediri lefe leo le laetšago lephethi go ya ka lefoko la 1.                 (1)

          5.1.3        Lentšu le 'ntseba' ke (leitiri/lentiri). Fahlela.                             (2)

          5.1.4        Hlaloša mebolelwana ye e latelago go ya ka moo e dirišitšwego ka
                       gona mo temaneng ye.

                       (a)    Dipela di thotha.

                       (b)    Mo diphala di nwago meetse.                                            (2)

          5.1.5        Ngwala lefoko le, 'Ka go realo ka napa ka nganga 'mešifa' ka:

                       (a)    Tirwa

                       (b)    Kganetšo                                                               (2)

Tokelo ya ngwalollo e ileditšwe                                                             Phetla

### Page 10

Downloaded from hlayiso.com
Sepedi Lelemetlaleletšo la Pele (FAL)/P1         10                                DBE/Dibatsela 2021
                                                 NSC

          5.1.6        Lefoko le le latelago le ka polelotiriši, le fetolele go polelotirišwa.

                       'Nka napa ka katelwa fase ke selo sa go se bolele.'                              (1)

          5.1.7        Bontšha phapano yeo e tlišwago                  ke    meselana       yeo   e
                       kotofaditšwego mantšung a a latelago:

                       (a) Dithutwaneng

                       (b) Dithutwana                                                                   (2)

          5.1.8        Temaneng ya mafelelo, ntšha lešala o be o bolele gore le šoma
                       eng ge le dirišitšwe ka mokgwa wo.                                               (2)

5.2       Lebelela seswantšho se le mantšu a sona gore o tle o kgone go araba
          dipotšišo tšeo di latelago.

          SETŠWELETŠWA SA G

                   Lenyaga puno ke ye botse. Go na le dienywa ka mehuta.

                                                            [www.googlefruit/healthlifeco.za]

          5.2.1        Tsopola 'leba' leo le bonalago lefokong o be o bolele gore ke la                 (2)
                       mohuta ofe?

          5.2.2        Kgetha karabo ya maleba o be o fahlele. Puno ke:

                       A    Lešalašala
                       B    Lehlathifelo
                       C    Lediriletšo
                       D    Leinaletšo                                                                  (2)

          5.2.3        Tšweletša sebopego sa sehlopantšu seo se ntshofaditšwego go
                       tšwa lefokong leo le latelago. 'Lenyaga puno ke ye botse.'                       (2)
                                                                                                        [20]

                                                           PALOMOKA YA KAROLO YA C:                     40
                                                            PALOMOKA YA TLHAHLOBO:                      80

Tokelo ya ngwalollo e ileditšwe

## Related documents

- [Sepedi FAL P2 Nov 2021](https://www.hlayiso.com/library/sepedi-fal-p2-nov-2021/b353e6d1-24c2-4b49-9ce0-7720f083b655) — Sepedi FAL · QP · 2021 · Sepedi
- [Sepedi FAL P3 Nov 2021](https://www.hlayiso.com/library/sepedi-fal-p3-nov-2021/9f8295bd-58d9-451e-8ebb-35390f5bb743) — Sepedi FAL · QP · 2021 · Sepedi
- [Sepedi FAL P1 May June 2021](https://www.hlayiso.com/library/sepedi-fal-p1-may-june-2021/7fd5009a-d69e-4446-8bdf-5bb0fd9e9719) — Sepedi FAL · QP · 2021 · Sepedi
- [Sepedi FAL P1 Nov 2023](https://www.hlayiso.com/library/sepedi-fal-p1-nov-2023/6c34b327-0b9f-4df3-b171-c6dba04e540a) — Sepedi FAL · QP · 2023 · Sepedi
- [Sepedi FAL P1 Nov 2022](https://www.hlayiso.com/library/sepedi-fal-p1-nov-2022/ded284cd-a763-4105-8bcb-b2b12e7681e3) — Sepedi FAL · QP · 2022 · Sepedi
- [Sepedi FAL P1 Nov 2019](https://www.hlayiso.com/library/sepedi-fal-p1-nov-2019/2f813fd0-4b60-4bf7-863f-143cc2b5c131) — Sepedi FAL · QP · 2019 · Sepedi

## More from Grade 12 Sepedi FAL

- [Gr 12 Sepedi FAL ATP 2023-24](https://www.hlayiso.com/library/gr-12-sepedi-fal-atp-2023-24/aa66bf3c-3748-497a-b1fc-b406f4fd3e4b) — ATP
- [Sepedi FAL P1 May-June 2025 MG](https://www.hlayiso.com/library/sepedi-fal-p1-may-june-2025-mg/d76ab8d2-14f0-4322-9896-51180e3fda90) — Memo · 2025 · Sepedi
- [Sepedi FAL P2 May-June 2025 MG](https://www.hlayiso.com/library/sepedi-fal-p2-may-june-2025-mg/487242e3-1260-489f-8d91-5b201b9dfbca) — Memo · 2025 · Sepedi
- [Sepedi FAL P3 May-June 2025 MG](https://www.hlayiso.com/library/sepedi-fal-p3-may-june-2025-mg/eb83ae83-85f3-4ebb-b6e8-d35f11f32626) — Memo · 2025 · Sepedi
- [Sepedi FAL P1 Nov 2025 MG](https://www.hlayiso.com/library/grade-12-sepedi-fal-2025-nsc-november-exam-memorandum-paper-1-sepedi/806eaadc-1d1b-4333-860a-f230e185fdd3) — Memo · 2025 · Sepedi
- [Sepedi FAL P1 Nov 2025 MG](https://www.hlayiso.com/library/grade-12-sepedi-fal-2025-nsc-november-exam-question-paper-paper-1-sepedi/bcece954-738e-42ad-928b-b5411db789f3) — Memo · 2025 · Sepedi

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
