# Sepedi FAL Grade 12 Paper 1 NSC November 2023 Question Paper

> Grade 12 Sepedi FAL Paper 1 question paper from the NSC November Exam 2023, 11 pages. Read online or get the free PDF download, memo linked when available.

- Page: https://www.hlayiso.com/library/sepedi-fal-p1-nov-2023/6c34b327-0b9f-4df3-b171-c6dba04e540a
- Updated: 2026-09-27
- Subject: Sepedi FAL
- Grade: Grade 12
- Language: Sepedi
- Document type: Question paper
- Year: 2023
- Exam period: NSC November Exam
- Paper: 1
- Curriculum: CAPS
- Pages: 11

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Sepedi FAL](https://www.hlayiso.com/library/grade-12/sepedi-fal) › [Sepedi FAL Grade 12 Paper 1 NSC November 2023 Question Paper](https://www.hlayiso.com/library/sepedi-fal-p1-nov-2023/6c34b327-0b9f-4df3-b171-c6dba04e540a)

## About this document

Sepedi Fal · Grade 12 · NSC November Exam · 2023 · sepedi. Question paper, 11 pages. Read online or download the PDF.

Read it free online on the page above; download the PDF from there.

## Matching paper and memo

- [Sepedi FAL P1 Nov 2023 MG](https://www.hlayiso.com/library/sepedi-fal-p1-nov-2023-mg/33353ad4-915d-49bb-a2a4-7aa87fe93eeb) — Memo · 2023 · Sepedi

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                        GRADE 12

                                       NATIONAL
                                  SENIOR CERTIFICATE

                                      KREITI YA 12

                    SEPEDI LELEMETLALELETŠO LA PELE (FAL)

                                  LEPHEPHE LA PELE (P1)

                                      DIBATSELA 2023

MEPUTSO: 80

NAKO: Diiri tše 2

                           Palomoka ya matlakala a dipotšišo ke 11.

Tokelo ya ngwalollo e ileditšwe                                       Phetla

### Page 2

Downloaded from hlayiso.com
Sepedi Lelemetlaleletšo la Pele (FAL)/P1         2                          DBE/Dibatsela 2023
                                                NSC

DITAELO LE TSHEDIMOŠO

1.        Lephephe le, le arotšwe ka DIKAROLO TŠE THARO, e lego YA A, YA B le
          YA C.

          KAROLO YA A:            Tekakwešišo                               (30)
          KAROLO YA B:            Kakaretšo                                 (10)
          KAROLO YA C:            Dibopego le melao ya tšhomišo ya polelo   (40)

2.        Badišiša ditaelo ka šedi.

3.        Araba dipotšišo KA MOKA.

4.        KAROLO YE NNGWE le YE NNGWE e ngwalwe letlakaleng LE LEFSA.

5.        Thalela mošomo wa gago ka morago ga KAROLO YE NNGWE le YE
          NNGWE.

6.        Dikarabo di nomorwe go swana le dipotšišo.

7.        Tshela mothaladi ka morago ga karabo YE NNGWE le YE NNGWE.

8.        Ela hloko mopeleto le tlhamego ya mafoko.

9.        Nako ye e ukangwago:

          KAROLO YA A:            Metsotso ye 50
          KAROLO YA B:            Metsotso ye 20
          KAROLO YA C:            Metsotso ye 50

10.       Ngwala ka bothakga ka mongwalo wo o bonalago.

Tokelo ya ngwalollo e ileditšwe                                                        Phetla

### Page 3

Downloaded from hlayiso.com
Sepedi Lelemetlaleletšo la Pele (FAL)/P1     3                          DBE/Dibatsela 2023
                                            NSC

KAROLO YA A: TEKAKWEŠIŠO

POTŠIŠO YA 1

1.1       Badišiša temana ya tekakwešišo ye e latelago gore o tle o kgone go araba
          dipotšišo ka yona.

          SETŠWELETŠWA SA A

                                  BOINGWADIŠO DIYUNIBESITHING

          1      Ngwaga ge o thoma, o thoma le tša wona. Le go ngwana wa Mphato wa
                 Marematlou go bjalo. Ge morutwana a ngwadile ditlhahlobo tša gare ga
                 ngwaga, o swanetše go tseba go itokišetša tsela ya ngwaga wo o
                 latelago. A tsebe gore o nyaka go dira eng ngwageng wo o latelago. Ge
                 eba o nyaka go tšwetša dithuto tša gagwe pele, a dire dikgopelo nako e 5
                 sa le gona gore a se tlo ba kolobe ya lešalamorago. Bao ba sa dirego
                 dikgopelo ka nako ba fela ba ipotša gore ba tla di bona mohlang woo.
                 Ba lebetše gore tloga tloga e tloga kgale …

          2      Pheto o ngwadile Mphato wa Marematlou, gomme a tšea sepheto sa go
                 ya yunibesithing ngwaga wo o latelago. A dula fase, a nagana ka 10
                 mekgwa ye e fapanego ya go dira dikgopelo e lego, go ngwala
                 lengwalo, go dira dikgopelo ka inthanete le go ikgopelela ka sebele
                 mohla diyunibesithi di bulwa.

          3      Pheto o thoma go bapetša mekgwa ye a lebeletše mehola le ditšhitišo
                 tša yona. A gopola mokgwa wa lengwalo, a bona e le mokgwa wa 15
                 maleba fela lengwalo le tlo tšea nako go fihla mo a ngwalelago gona.
                 Mokgweng wo ga a na le bohlatse bja gore dikgopelo tšeo di tlo fihla ka
                 nako goba aowa.

          4      Mokgwa wa go ikgopelela ka sebele ke go ya diyunibesithing mohla di
                 bulwa. Bohlokwa bja wona ke gore ba go araba ka nako yona yeo ge go 20
                 kgonega. Ge a nagana go tloga mo a dulago gona a lebe mafelong a
                 mangwe go yo dira dikgopelo, a hwetša e le thaba ya taba. Go no thoma
                 go tšwa ka lapeng o eya go namela, ke tšhelete. Ge o fihlile moo, le
                 gona tlala e a go etela. O ka se kgone go tloga methalading ka gore ga
                 o tsebe gore go tlo šala go diragala eng. Ge dikgoro tša lefelo leo di 25
                 bulwa go thongwa megatano le mekgorometšano.

          5      Mokgwa wa inthanete ke wa go tlatša diforomo tša dikgopelo ka
                 inthanete gomme wa romela ka nako yona yeo, wa ba wa ba le bohlatse
                 bja gore di fihlile. Mokgwa wo o boloka nako ka gore o kgona go romela
                 diyunibesithi tša go fapana ka nakonyana gobane sethokgwa se se 30
                 tšwago phuti ga se tsebje.

Tokelo ya ngwalollo e ileditšwe                                                    Phetla

### Page 4

Downloaded from hlayiso.com
Sepedi Lelemetlaleletšo la Pele (FAL)/P1      4                          DBE/Dibatsela 2023
                                             NSC

                  Pheto yena a phetha ka go kgetha mokgwa wa inthanete. A bona e le
                  mokgwa wa go seketša nako, mašeleng, go efoga methaladi ye
                  metelele le go gatana e le ge go bakišanwa go tsena ka dikgoro tša
                  yunibesithi. Le ge go le bjalo barutwana ba re mokgwa wo ga o bonolo 35
                  ka gore ga ba kgone go o šomiša ebile ba hloka mašeleng a go reka
                  data. Se se makatšago ke gore ge ba šetše ba raloka divideo, ba tsena
                  diwhatsApp, difacebook le ditwitter ga go na le yo a bolelago ka go
                  hloka data.

          6       Ge ngwaga o šupologa, Pheto a hwetša lengwalo la kamogelo gomme a 40
                  ya yunibesithi a lokologile. Bao ba tšwafilego go dira dikgopelo ba eme
                  methaladi, ba letetše ge go bulwa ka boiri ya seswai gore ba holege.
                  Nagana o tsogile bošego, ka boiri ya bone goba ya bohlano, o hwetše
                  ba mathomo ba bolela gore bona ba robetše moo. Ge go bulwa le gona,
                  go a kgorometšanwa, ke semphetekegofete, yo mongwe le yo mongwe 45
                  o nyaka go ba wa pele, ešita le yoo a fihlilego morago, o nyaka go ba
                  wa pele. Ge e le Pheto yena tšeo ga di mo ame felo.

          7       Ke tšeo ditaba tša barutwana ba Mphato wa Marematlou. Kgetho ke ya
                  gago, bokamoso ke bja gago. E ka ba wena o dirile dikgopelo? E ka ba
                  o a tseba gore ge ngwaga o šupologa o leba kae?                      50

                                                                    [Mothopo: Boitlhamelo]

          1.1.1        Ke neng mo morutwana a swanetšego go thoma go itokišetša tsela
                       ya ngwaga wo o latelago?                                                (1)

          1.1.2        Efa mekgwa YE MERARO ya go dira dikgopelo tša go amogelwa
                       yunibesithing go tšwa temaneng ya 2.                                    (3)

          1.1.3        Go ya ka temana ya 1 ke eng seo morutwana a swanetšego go se
                       dira ge a nyaka go tšwetša pele dithuto tša gagwe?                      (1)

          1.1.4        Ke mokgwa ofe woo Pheto a o lateletšego go dira dikgopelo?              (1)

          1.1.5        Ke ka lebaka la eng Pheto a se a kgetha mokgwa wa go dira
                       dikgopelo ka sebele? Efa mabaka A MARARO.                               (3)

          1.1.6        Ke eng seo se hlohleletšago barutwana bao ba sego ba dira
                       dikgopelo ka nako go ya diyunibesithi ka sebele?                        (1)

          1.1.7        Efa ditšhitišo TŠE PEDI tšeo di bonalago mokgweng wa lengwalo
                       ge go dirwa dikgopelo.                                                  (2)

          1.1.8        Hlaloša mebolelwana ye go ya le ka fao e šomišitšwego ka gona
                       temaneng.

                       (a) Tlogatloga e tloga kgale …                                          (1)

                       (b) Sethokgwa se se tšwago phuti ga se tsebje.                          (1)

Tokelo ya ngwalollo e ileditšwe                                                       Phetla

### Page 5

Downloaded from hlayiso.com
Sepedi Lelemetlaleletšo la Pele (FAL)/P1      5                                 DBE/Dibatsela 2023
                                             NSC

          1.1.9        Hlaloša mabaka A MABEDI ao a dirilego gore Pheto a se angwe
                       ke ditiragalo tša temana ya 6.                                                (2)

          1.1.10       Ke eng seo se ka šitišago barutwana go dira dikgopelo ka
                       inthanete le ge ba na le data?                                                (2)

          1.1.11       Dikolo di ka dira eng go netefatša gore barutwana ba dira dikgetho
                       tša maleba mabapi le dithuto tša morago ga Mphato wa
                       Marematlou. Efa dintlha TŠE PEDI.                                             (2)

          1.1.12       Maikutlo a gago ke afe mabapi le mmolelwana wo o thaletšwego
                       temaneng ya 1 go ya ka ditiragalo tša temana ya 6?                            (2)

          1.1.13       Go ya ka tsebo ya gago bokamoso bjo bo phadimago bo hwetšwa
                       yunibesithi fela? Fahlela ka dintlha TŠE PEDI.                                (2)

1.2       Lebeledišiša seswantšho se se latelago gore o tle o kgone go araba dipotšišo
          ka sona.

          SETŠWELETŠWA SA B

                                               [Mothopo: www.african attire.co.za]

          1.2.1        Kgetha karabo ya maleba. Moaparo wa seswantšhong se o
                       tšweletša setšo sa morafe wa:

                       A    Basotho
                       B    Bapedi
                       C    Batswana
                       D    Bavenda                                                                  (1)

Tokelo ya ngwalollo e ileditšwe                                                            Phetla

### Page 6

Downloaded from hlayiso.com
Sepedi Lelemetlaleletšo la Pele (FAL)/P1      6                           DBE/Dibatsela 2023
                                             NSC

          1.2.2        Efa dilo TŠE PEDI tšeo basadi ba ba di aperego ka moka.                 (2)

          1.2.3        Gantši moaparo wa mohuta wo o aparwa ge go direga eng? Efa
                       dintlha TŠE PEDI.                                                       (2)

          1.2.4        Ka ntlha E TEE        akanya   molaetša   wo   o   tšweletšwago
                       seswantšhong se.                                                        (1)

                                                      PALOMOKA YA KAROLO YA A:                 30

Tokelo ya ngwalollo e ileditšwe                                                      Phetla

### Page 7

Downloaded from hlayiso.com
Sepedi Lelemetlaleletšo la Pele (FAL)/P1    7                              DBE/Dibatsela 2023
                                           NSC

KAROLO YA B: KAKARETŠO

POTŠIŠO YA 2

Bala temana ye e latelago ka šedi gore o kgone go ngwala kakaretšo ya dintlha
TŠE ŠUPA ka ga dika tša bolwetši bja mooko.

DITAELO

1.    Kakaretšo e ngwalwe ka mokgwa wa dintlha tše 7.
2.    Kakaretšo e be mantšu a magareng ga 60 le 70.
3.    Šomiša mantšu A GAGO.
4.    Laetša palomoka ya mantšu ka mašakaneng mafelelong a kakaretšo.

SETŠWELETŠWA SA C

                                   BOLWETŠI BJA MOOKO

Ba Kgoro ya tša Maphelo ba eletša gore lesea le lengwe le le lengwe le hlabelwe
malwetši a go swana le mooko, polio, lephera le a mangwe. Moento o thoma ge
ngwana a se na go belegwa go fihla ka ngwaga wa botshela go thibela malwetši a go
fetela.

Dika tša bolwetši bja mooko ke ge motho a ekwa go fiša. Tlhobaboroko ke ge motho a
etšwa dišwana tše di tlalago sefahlego le mmele ka moka gomme di mo hlohlonela, di
mo gapeletša gore a di ngwaye. Ge mmele o šetše o hlohlona gomme motho a
ingwaya dišwana go phulega meetsana. Mmele o a ngangega ya ba o mosehla. Ga se
dilo ka moka tše di bonalago gobane nako tše dingwe motho a ka thoma go gohlola.
Dika tše ga di ba sware go swana, ba bangwe ba ba le mahlo a mahwibidu. Ga go
felele moo, batho ba bangwe ba tšwa mamila. Bontši bja bona bo swarwa ke letšhollo.

Tharollo ke go yo nyaka kalafi le semeetseng. Ge motho a hweditše kalafi a e diriše go
ya ka moo a laetšwego ka gona. Ka go realo lefase le tlo bona pholo. Batho ba phela
ka šebešebe ba sa boife selo.

                                                 [E amantšwe go www.mayocliniv.gov.measles]

                                                      PALOMOKA YA KAROLO YA B:                  10

Tokelo ya ngwalollo e ileditšwe                                                        Phetla

### Page 8

Downloaded from hlayiso.com
Sepedi Lelemetlaleletšo la Pele (FAL)/P1         8                           DBE/Dibatsela 2023
                                                NSC

KAROLO YA C: DIBOPEGO LE MELAO YA TŠHOMIŠO YA POLELO

POTŠIŠO YA 3: PAPATŠO

Lebeledišiša papatšo ye gomme o arabe dipotšišo tša go e latela.

SETŠWELETŠWA SA D

                                           MERKELL
       Sediba ke sa motlapele. Dithokgwa, dithaba le meetlwa
       ke bašemanyana.

                                  Ge o rwele nna o rwele mofenyi.
       Ba lesome ba mathomo ba ikhweletša phokoletšo ya diphesente tše 35.
       Di loketše bafsa ba selehono.
                                                              [Mothopo: www.MRLM.stock]

3.1       Efa leina la sebapatšwa se.                                                              (1)

3.2       Kgetha karabo ya maleba go tšwa papatšong ye.

          Na papatšo ye e lebišitšwe go bomang?

          A      Bašomi
          B      Baraloki
          C      Bakitimi
          D      Baapei                                                                            (1)

3.3       Na mmapatši o hlohleletša bareki bjang papatšong ye? Fahlela ka ntlha
          E TEE.                                                                                   (1)

3.4       Bontšha selokene sa papatšo ye.                                                          (1)

3.5       Laetša kgethollo ye e tšwelelago papatšong ye.                                           (1)

3.6       Ka dintlha TŠE PEDI efa tshedimošo ye bohlokwa ye e tlogetšwego
          papatšong ye.                                                                            (2)

3.7       Laetša bontši bja seswantšho sa sebapatšwa go tšwa papatšong ye.                         (1)
3.8       Utolla leba le le tšwelelago papatšong ye o be o fahlele karabo ya gago.                 (2)
                                                                                                   [10]
Tokelo ya ngwalollo e ileditšwe                                                           Phetla

### Page 9

Downloaded from hlayiso.com
Sepedi Lelemetlaleletšo la Pele (FAL)/P1        9                        DBE/Dibatsela 2023
                                               NSC

POTŠIŠO YA 4: KHATHUNE

Lebeledišiša khathune ye le mantšu a yona gomme o arabe dipotšišo tša go latela.

SETŠWELETŠWA SA E

                                  Jo! Mošomo
                                  wo le wona
                                  ga o fele.

                                                       [Mothopo: gettyimages]

4.1       Kgetha karabo ya maleba o be o fahlele ka dintlha TŠE PEDI. Khathune ye e
          laetša:
          A    Moruti
          B    Mošomi
          C    Morutwana
          D    Moithuti                                                                       (3)
4.2       Na pudula ya khathuneng e tšweletša eng mabapi le motho yo.                         (1)
4.3       Na polelommele ya motho wa khathuneng e tšweletša eng. Efa dintlha
          TŠE PEDI                                                                            (2)

4.4       Ka dintlha TŠE PEDI laetša ka fao tirišo ya khomphutha ya khathuneng e ka
          holago motho ka gona.                                                               (2)

4.5       Hlaola lelahlelwa puduleng o be o fe mošomo wa lona.                                (2)
                                                                                              [10]

Tokelo ya ngwalollo e ileditšwe                                                     Phetla

### Page 10

Downloaded from hlayiso.com
Sepedi Lelemetlaleletšo la Pele (FAL)/P1        10                         DBE/Dibatsela 2023
                                               NSC

POTŠIŠO YA 5: SENGWALO

5.1       Bala sengwalo sa ka tlase ka šedi gore o kgone go araba dipotšišo tša go
          latela.

          SETŠWELETŠWA SA F

                                  NGWANA WA MAGANAGOBOTŠWA ...!

          Monnamogolo Sebata o ile go tloga mošomong a leba gae ka ge a be a
          lapile. O ile go fihla a kwa a swerwe ke tlala gomme a kgopela diyamaleng.
          Kgarebjana ya gagwe ya matšato, Phakišang o tšweletše a phakiša a swere
          meetse a go hlapiša tatagwe diatla. Morago ga moo Phakišang a tla a swere
          dijo, gomme tatagwe a leboga. Ka morago a re: 'Aowi! di reng di tletše 5
          makhura?' Le ge go le bjalo o ile a ja ka lebaka la tlala.

          Mola Sebata a thibago noga a emelela a itšeela lebotlelo la meetse a banna,
          a dula fase godimo ga sofa a thoma go fologetša dijo tšela ka lona go hlatswa
          pelo. Seo e be e le bophelo bja gagwe bja ka mehla.

          Ka morago morwedi wa gagwe a bitšwa ke go kwa mokgoši wa ge Sebata a 10
          thoma go lla phišo, hlogo le modikologo. Ka lebaka la go hloka pelo o be a
          lebetše gore ngaka o rile a tlogele dijo tša makhura le mabjala. Lapa la thoma
          go hlobaela. Mosadi a mo eletša go ya bookelong gore a kgone go hwetša
          dihlare tša go okobatša bolwetši. Lehono šo, o ikhwetša a robetše malaong a
          bookelo. O ikokeleditše bolwetši ka lebaka la go se theeletše dikeletšo tša 15
          ngaka.
                                                                               [Boitlhamelo]

          5.1.1        Leina le 'monnamogolo' ke leinagokwa. Laetša ka mokgwa wo le
                       hlamilwego ka gona.                                                       (2)

          5.1.2        Tšweletša lehlathi go tšwa lefokong la 1 o be o fe mohuta wa lona.        (2)

          5.1.3        Ngwalolla lefoko le le latelago ka tirwa.
                       'A kgopela diyamaleng'.                                                   (1)

          5.1.4        Kgetha karabo ya maleba.
                       Sekafoko seo se kotofaditšwego temaneng ya 1 ke:

                       A    Leamanyidiri
                       B    Leamanyišala
                       C    Leamanyirui
                       D    Leamanyihlathi                                                       (1)

          5.1.5        Na dika tše di šomišitšwego temaneng ye di tšweletša eng?

                       (a) Go thiba noga                                                         (1)
                       (b) Go hlatswa pelo                                                       (1)

Tokelo ya ngwalollo e ileditšwe                                                         Phetla

### Page 11

Downloaded from hlayiso.com
Sepedi Lelemetlaleletšo la Pele (FAL)/P1       11                           DBE/Dibatsela 2023
                                              NSC

          5.1.6        'Lapa le thoma go hlobaela'. Ke ka baka la eng 'thoma' e le lethuši?      (1)

          5.1.7        Ke ka lebaka la eng lediri le le kotofaditšwego temaneng ya 3 e le
                       learogi?                                                                  (1)

          5.1.8        Fetolela lešalašupi le le thaletšwego temaneng ya 3 go kgato ya
                       boraro, o be o le šomiše lefokong la go kwagala.                          (2)

          5.1.9        Šomiša lentšu leo le thaletšwego temaneng ya 3 mafokong a gago
                       A MABEDI go tšweletša ditlhalošo tša go fapana le yeo e lego
                       temaneng.                                                                 (2)

5.2       Lebelela seswantšho se le mantšu a sona gomme o arabe dipotšišo tša go
          latela.

          SETŠWELETŠWA SA G

                           Thuto ya
                  1                                   2
                           Sepedi ga e                                           3
                           raloke le
                           bana ...!

          5.2.1        Efa dilo TŠE THARO tšeo di laetšago gore lefelo le ke la borutelo.        (3)

          5.2.2        Hlaloša mošomo wa leswao le le dirišitšwego go tšwa mantšung a
                       mošemane wa 1.                                                            (1)

          5.2.3        Efa modirišo ka tiragalo ya ngwana wa 3 o be o hlaloše gore ke
                       modirišo mang.                                                            (2)
                                                                                                 [20]

                                                          PALOMOKA YA KAROLO YA C:               40
                                                           PALOMOKA YA TLHAHLOBO:                80

Tokelo ya ngwalollo e ileditšwe

## Related documents

- [Sepedi FAL P2 Nov 2023](https://www.hlayiso.com/library/sepedi-fal-p2-nov-2023/f5861b25-5a39-423a-91dc-233145970ab5) — Sepedi FAL · QP · 2023 · Sepedi
- [Sepedi FAL P3 Nov 2023](https://www.hlayiso.com/library/sepedi-fal-p3-nov-2023/ade42960-623d-44db-a1d1-3817273bca8b) — Sepedi FAL · QP · 2023 · Sepedi
- [Sepedi FAL P1 May-June 2023](https://www.hlayiso.com/library/sepedi-fal-p1-may-june-2023/3b623724-82f4-4c0c-82a0-768fa4ccdd87) — Sepedi FAL · QP · 2023 · Sepedi
- [Sepedi FAL P1 Nov 2022](https://www.hlayiso.com/library/sepedi-fal-p1-nov-2022/ded284cd-a763-4105-8bcb-b2b12e7681e3) — Sepedi FAL · QP · 2022 · Sepedi
- [Sepedi FAL P1 Nov 2021](https://www.hlayiso.com/library/sepedi-fal-p1-nov-2021/f737bcbf-3269-4bd5-9171-97adb299a998) — Sepedi FAL · QP · 2021 · Sepedi
- [Sepedi FAL P1 Nov 2019](https://www.hlayiso.com/library/sepedi-fal-p1-nov-2019/2f813fd0-4b60-4bf7-863f-143cc2b5c131) — Sepedi FAL · QP · 2019 · Sepedi

## More from Grade 12 Sepedi FAL

- [Gr 12 Sepedi FAL ATP 2023-24](https://www.hlayiso.com/library/gr-12-sepedi-fal-atp-2023-24/aa66bf3c-3748-497a-b1fc-b406f4fd3e4b) — ATP
- [Sepedi FAL P1 May-June 2025 MG](https://www.hlayiso.com/library/sepedi-fal-p1-may-june-2025-mg/d76ab8d2-14f0-4322-9896-51180e3fda90) — Memo · 2025 · Sepedi
- [Sepedi FAL P2 May-June 2025 MG](https://www.hlayiso.com/library/sepedi-fal-p2-may-june-2025-mg/487242e3-1260-489f-8d91-5b201b9dfbca) — Memo · 2025 · Sepedi
- [Sepedi FAL P3 May-June 2025 MG](https://www.hlayiso.com/library/sepedi-fal-p3-may-june-2025-mg/eb83ae83-85f3-4ebb-b6e8-d35f11f32626) — Memo · 2025 · Sepedi
- [Sepedi FAL P1 Nov 2025 MG](https://www.hlayiso.com/library/grade-12-sepedi-fal-2025-nsc-november-exam-memorandum-paper-1-sepedi/806eaadc-1d1b-4333-860a-f230e185fdd3) — Memo · 2025 · Sepedi
- [Sepedi FAL P1 Nov 2025 MG](https://www.hlayiso.com/library/grade-12-sepedi-fal-2025-nsc-november-exam-question-paper-paper-1-sepedi/bcece954-738e-42ad-928b-b5411db789f3) — Memo · 2025 · Sepedi

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
