# Sepedi FAL Grade 12 P2 NSC Supplementary 2018 Question Paper

> Grade 12 Sepedi FAL Paper 2 question paper from the NSC Supplementary Exam 2018, 17 pages. Read online or get the free PDF download, memo linked when available.

- Page: https://www.hlayiso.com/library/sepedi-fal-p2-feb-march-2018/2cd807af-ee80-442c-b047-55da0e23345f
- Updated: 2026-09-27
- Subject: Sepedi FAL
- Grade: Grade 12
- Language: Sepedi
- Document type: Question paper
- Year: 2018
- Exam period: NSC Supplementary Exam
- Paper: 2
- Curriculum: CAPS
- Pages: 17

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Sepedi FAL](https://www.hlayiso.com/library/grade-12/sepedi-fal) › [Sepedi FAL Grade 12 P2 NSC Supplementary 2018 Question Paper](https://www.hlayiso.com/library/sepedi-fal-p2-feb-march-2018/2cd807af-ee80-442c-b047-55da0e23345f)

## About this document

Sepedi Fal · Grade 12 · NSC Supplementary Exam · 2018 · sepedi. Question paper, 17 pages. Read online or download the PDF.

Read it free online on the page above; download the PDF from there.

## Matching paper and memo

- [Sepedi FAL P2 Feb March 2018 Memo](https://www.hlayiso.com/library/sepedi-fal-p2-feb-march-2018-memo/f2f8174e-914f-456d-929d-f96b97a4b7fd) — Memo · 2018 · Sepedi

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                        NATIONAL
                                   SENIOR CERTIFICATE

                                      KREITI YA 12

                    SEPEDI LELEMETLALELETŠO LA PELE (FAL)

                                  LEPHEPHE LA BOBEDI (P2)

                                  DIBOKWANE/HLAKOLA 2018

MEPUTSO: 70

NAKO: Diiri tše 2

                           Palomoka ya matlakala a dipotšišo ke 17.

Tokelo ya ngwalollo e ileditšwe                                       Phetla

### Page 2

Downloaded from hlayiso.com
Sepedi Lelemetlaleletšo la Pele (FAL)/P2         2              DBE/Dibokwane–Hlakola 2018
                                                NSC

DITAELO LE TSHEDIMOŠO

1.        Badišiša ditaelo ka šedi pele o thoma go araba dipotšišo.

2.        O se ke wa leka go bala lephephe ka moka. Lebelela diteng letlakaleng le le
          latelago gomme o laetše dinomoro tša dipotšišo tša dingwalo tšeo o di
          badilego. Ka morago ga moo, bala dipotšišo gomme o kgethe tšeo o nyakago
          go di araba.

3.        Lephephe le arotšwe ka DIKAROLO TŠE NNE:

          KAROLO YA A:            Padi                (35)
          KAROLO YA B:            Tiragatšo/Terama    (35)
          KAROLO YA C:            Kanegelokopana      (35)
          KAROLO YA D:            Theto               (35)

4.        Araba dipotšišo TŠE PEDI fela go tšwa dikarolong TŠE PEDI.

          KAROLO YA A:            PADI
                                  Araba dipotšišo KA MOKA.

          KAROLO YA B:            TIRAGATŠO/TERAMA
                                  Araba dipotšišo KA MOKA.

          KAROLO YA C:            DIKANEGELOKOPANA
                                  Araba dipotšišo KA MOKA.

          KAROLO YA D:            THETO
                                  Araba dipotšišo KA MOKA.

5.        Diriša lenaneotekolo.

6.        Latela ditaelo ka šedi go KAROLO YE NNGWE le YE NNGWE.

7.        Nomora dikarabo tša gago go swana thwii le ka fao dipotšišo di nomorilwego
          ka gona ka gare ga lephephe la dipotšišo.

8.        Thoma KAROLO YE NNGWE le YE NNGWE letlakaleng LE LEFSA.

9.        Kakanyo mabapi le taolo ya nako:
          Šomiša tekano ya metsotso ye e ka bago ye 60 KAROLONG YE NNGWE le
          YE NNGWE.

10.       Ngwala ka bothakga, ka mongwalo wa go balega.

Tokelo ya ngwalollo e ileditšwe                                                     Phetla

### Page 3

Downloaded from hlayiso.com
Sepedi Lelemetlaleletšo la Pele (FAL)/P2    3             DBE/Dibokwane–Hlakola 2018
                                           NSC

LENANEOTEKOLO:

KAROLO YA A: PADI

Araba dipotšišo KA MOKA.
     NOMORO YA POTŠIŠO                          MEPUTSO          NOMORO YA
                                                                 LETLAKALA
1.    Kgati ya moditi                             35                 5

2.    Dilo tšela ke batho                         35                    7

KAROLO YA B: TIRAGATŠO/TERAMA

Araba dipotšišo KA MOKA.
3.  Di šitile Phaahla                             35                    9

4.    Ga le batswadi ba selo                      35                   11

KAROLO YA C: KANEGELOKOPANA

Araba dipotšišo KA MOKA.
5.1 'Bogadi ke petse'                             18                   13

                                           LE

5.2 'O mo tšhabe parapara'                        17                   14

KAROLO YA D: THETO

Araba dipotšišo KA MOKA.
6.1 'Motsemollakoma'                              18                   15

                                           LE

6.2 'Matete a lefase'                             17                   16

Tokelo ya ngwalollo e ileditšwe                                               Phetla

### Page 4

Downloaded from hlayiso.com
Sepedi Lelemetlaleletšo la Pele (FAL)/P2        4              DBE/Dibokwane–Hlakola 2018
                                               NSC

LENANETEKOLO/LENANETSHWAYATSHWAYO

Dira leswao () go lenanetekolo le le latelago go kgonthišiša ge e ba o lateletše
ditaelo gabotse.

              KAROLO                       NOMORO        PALO YA              LESWAO
                                             YA      DIPOTŠIŠO TŠEO             ()
                                           POTŠIŠO    DI ARABJAGO
A: Padi                                      1–2            1

B: Tiragatšo/Terama                          3–4           1

C: Kanegelokopana                          5.1–5.2         1

D: Theto                                   6.1–6.2         1

HLOKOMELA: Kgonthišiša gore o arabile dipotšišo go tšwa dikarolong TŠE PEDI fela.

Tokelo ya ngwalollo e ileditšwe                                                    Phetla

### Page 5

Downloaded from hlayiso.com
Sepedi Lelemetlaleletšo la Pele (FAL)/P2        5                   DBE/Dibokwane–Hlakola 2018
                                               NSC

KAROLO YA A: PADI
POTŠIŠO YA 1: KGATI YA MODITI – OK Matsepe
Bala ditsopolwa tše ka šedi gore o tle o kgone go araba dipotšišo.
1.1       SETSOPOLWA SA A
          Di ile go tsenelela ka mogopolong le mokong gammogo le ka mading a
          Mmatshehla, a se ke a tseba gore na o a lora goba o hloma bjang. O ile mo
          a inagannego gabotse a bona go se bokaone bjo bo phalago gore a ba
          imetše ka go ikgaša bogadi. Gobagobane ke wa tšeo o dirile gore a tsene
          ka kgoro le sefero ka sekgalela, a direlela gore a bonwe ke mang le mang 5
          gobane go lala o re kgoro le sefero di kae, ke go tšhaba go itebanya
          le mabothata. Go fihleng ga gagwe o be a nnošinoši go etša letšatši lela
          a belegwego ka lona go laetša gore o be a fahletše, le go beanywa o be a
          se a beanywa, ešita le go itšhela ka malladigwegwe o be a se a itšhela!
          Ba ka lapeng ba ile ge ba bona a tsena ka ntle ga go kokota, ba lemoga 10
          gore lehono gona yo e lego phokgo ya dikgati o tla iponatša makgatheng
          a gagwe le batswadi ba lesea lela … ya re le go dula a sešo a dula, a ema
          mojako a re:
          'Nkgotlelele, tla mo!
          'Nna?'                                                                    15
          'Anthe, go na le boNkgotlelele ba bakae ka mo lapeng la ka? Nkgotlelele,
          tla mo!'
          'O reng o hloka le go upše wa re tatagongwana, ge o tloge o re
          Nkgotlelele?'
                                                                                  [Letl.125]

          1.1.1        Tšweletša ka mokgwa           wo   Nkgotlelele   le   Mmatshehla    ba
                       tswalanago ka gona.                                                         (1)
          1.1.2        Efa tikologo ya ditiragalo tša padi ye. Fahlela ka dintlha TŠE PEDI.        (3)
          1.1.3        Ke thulano ya mohuta mang ye e tšwelelago setsopolweng se?
                       Tiiša ka dintlha TŠE PEDI.                                                  (3)
          1.1.4        Tšweletša semelo sa Mmatshehla go ya ka setsopolwa se, gomme
                       o fahlele ka lebaka.                                                        (2)
          1.1.5        Šomiša tsebo ya gago ya padi ye go tšweletša bokamorago bja
                       ditiragalo tša setsopolwa se.                                               (1)
          1.1.6        Hlaloša moya wo o fokago setsopolweng o be o fahlele ka ntlha
                       E TEE.                                                                      (2)
          1.1.7        Kgopolokgolo yeo e tšweletšwago ke lentšu le le kotofaditšwego
                       ke efe? Efa dintlha TŠE PEDI.                                               (2)
          1.1.8        Mongwadi o dirišitše kgethollo ge a anega ka baanegwa:
                       Nkgotlelele le Mmatshehla. Fahlela ka dintlha TŠE PEDI.                     (2)
          1.1.9        Ke molaetša ofe wo o rwelwego ke polelo ya Mmatshehla ye e
                       ngwadilwego ka moseka (sekamišitšwego). Fahlela karabo ya
                       gago ka dintlha TŠE PEDI.                                                   (2)
                                               LE
Tokelo ya ngwalollo e ileditšwe                                                           Phetla

### Page 6

Downloaded from hlayiso.com
Sepedi Lelemetlaleletšo la Pele (FAL)/P2      6                  DBE/Dibokwane–Hlakola 2018
                                             NSC

1.2       SETSOPOLWA SA B

          … Nkgotlelele yena a thabetše ge mothepana yola a sepetše. Ba ile ge ba
          mo hlekesetša ba mmotšiša gore mokgwa ke eng, a re: …
          'Nna ke be ke tšeela gore le a itlaišetša, anthe ruri lena le tiišitše.'
          'Re ka go kgopelela yena gabotse ra be ra go botša, ra ikgata mohlala ra
          kgopela go nyala, ra bipa mabele ya ba mehlaba etšwe o lebetše, matšatši 5
          a nyalano a bewa gomme wa be wa otla dikgomo ka lebaka la eng le
          lehono o re hlanogela ka mokgwa wo o sa kwešišegego? Re tshediše gona
          fao fela.'

          'Ga go na felo fao ke le tshedišago ntshe ka ntle ga go le botša gore ga ke
          iše felo ka yena. Naa le kile la bona kae mo kgomo e kilego ya gwerana le 10
          pokolo? Ke bohlola bja mohuta mang bjoo le nkokametšago ka bjona?'
          'Gabotsebotse o nyaka ge go eba bjang?'

          'Gabotsebotse ke nyaka ge go eba bjang hle gomme ke nyaka mothepana
          yo a swanago le nna? Ka ge bjale ke le boditše, ge eba le rata go nnyadiša
          gona dirang ka mokgwa woo ke le botšago ka gona.'                          15
          'O nyaka lehwepe?'
          'Ga ke lona?'
          'Nnete gona o le nyaka ka maikutlo?'
          'Ke le nyaka ka pelobohloko.'
                                                                               [Letl. 92]

          1.2.1        Tswalanya ditiragalo tša setsopolwa se le leina la Nkgotlelele ka
                       dintlha TŠE PEDI.                                                        (2)

          1.2.2        Akaretša setsopolwa se ka dintlha TŠE PEDI.                              (2)

          1.2.3        Molwantšhwa wa padi ye ke mang? Efa mabaka A MABEDI a
                       go kwagala.                                                              (3)

          1.2.4        Ke thekniki efe yeo mongwadi a e dirišitšego ka mantšu a a
                       thaletšwego? Fahlela karabo ya gago.                                     (2)

          1.2.5        Tšweletša mohola wa poledišano pading ye. Efa dintlha TŠE
                       THARO.                                                                   (3)

          1.2.6        Efa phapantšho yeo e tšwelelago temaneng ya mathomo.                     (2)

          1.2.7        '… Nkgotlelele yena a thabetše ge mothepana yola a sepetše',
                       ke polelo ya mongwadi. Tiišetša ntlha ye.                                (1)

          1.2.8        Tšweletša tebelelo ya Nkgotlelele go Ntlogele ka dintlha TŠE
                       PEDI.                                                                    (2)
                                                                                                [35]

Tokelo ya ngwalollo e ileditšwe                                                        Phetla

### Page 7

Downloaded from hlayiso.com
Sepedi Lelemetlaleletšo la Pele (FAL)/P2        7                   DBE/Dibokwane–Hlakola 2018
                                               NSC

POTŠIŠO YA 2: DILO TŠELA KE BATHO – MC Mphahlele

Bala ditsopolwa tše ka šedi gore o tle o kgone go araba dipotšišo.

2.1       SETSOPOLWA SA C

          Bašemane ke bathwana ba go tshwenya, ba go fela ba ngapana. Basi le
          Mukhabudi ba be ba le bjalo. Go kgakala gore Basi ke yena a bego a
          rumulana. Ruri le ge ba re motho o na le dintwa goba ke ntwadumela,
          Mukhabudi o be a ka se leke go lwantšha Basi ka mo gabo. Dikwero,
          mekodutlo le dikgegeo morwa Makhado o be a phela ka tšona. Mahlapa a 5
          bo swart goed le veil goed le ona o be a a tlwaetše. Matšatši ga a hlabe ka
          go swana. E rile ka letšatši le lengwe e le Labohlano mantšiboa Basi a roga
          Mukhabudi ka mahlapa a go šiiša. Le ge ba fetana ka ngwaga, ka leemo ba
          be ba lekana. Mukhabudi o be a loile, e le ntsho mašitadišepe mola Basi e
          le motekatekana.                                                            10

          Mukhabudi o ile a ipha motho wa gagwe. Bobedi ba ile ba foša matswele
          ka metswako ya ona, ba ragana ka meletse bjalo ka ditonki. Mafelelong ba
          ile ba swarana, ba katana ka maatla. Ntshwanyana e ile ya lahla
          tšhwaanyana ka lefase, ya mo dula godimo. Basi o ile a nelwa ke pula ya
          sefako sa matswele a a tšwago go Mukhabudi. Sebakeng sa go namola, 15
          bašemane ba be ba ipshina ka go boga mosako wa mahala.
                                                                                   [Letl. 20]

          2.1.1        Hlaloša tswalano ya baanegwa ba:

                       (a) Basi le Mukhabudi
                       (b) Mukhabudi le Makhado                                                      (2)

          2.1.2        Tšweletša nako le lefelo la ditiragalo tša setsopolwa se.                     (2)

          2.1.3        Thulano ya setsopolweng ke ya mohuta mang? Fahlela ka dintlha
                       TŠE PEDI.                                                                     (3)

          2.1.4        Šomiša tsebo ya gago ya padi ye go tšweletša bokamorago bja
                       ditiragalo tša setsopolwa se ka dintlha TŠE PEDI.                             (2)

          2.1.5        Moya wo o fokago ke wa mohuta mang? Tiiša karabo ya gago ka
                       dintlha TŠE PEDI.                                                             (3)

          2.1.6        Ke molaetša ofe wo o tšweletšwago ke ditiragalo tša PADI ye?
                       Efa dintlha TŠE PEDI.                                                         (2)

          2.1.7        Akanya ponelopele ya ditiragalo tša Basi le Mukhabudi ka dintlha
                       TŠE PEDI.                                                                     (2)

          2.1.8        Hlaloša kgopolo yeo e tšweletšwago             ke   mantšu      ao       a
                       kotofaditšwego ka dintlha TŠE PEDI.                                           (2)
                                               LE
Tokelo ya ngwalollo e ileditšwe                                                             Phetla

### Page 8

Downloaded from hlayiso.com
Sepedi Lelemetlaleletšo la Pele (FAL)/P2       8                  DBE/Dibokwane–Hlakola 2018
                                              NSC

2.2       SETSOPOLWA SA D

          Mukhabudi o ile a ipotšiša dipotšišo tše mmalwa pele a apola paki ye
          tšhweu, ya boweithara, a e lahlela fase, a e tšwa ka dikgoro. O rile go dira
          bjalo a napa a leba dinamelweng, a fihla a swara thekisi ya go leba
          Turfloop. Ya be e le la mafelelo Mukhabudi a beile leotwana la gagwe ka
          moo khefing ya Popo. Popo le yena o ile a šala a maketše a nagana gore 5
          Boy ya gagwe e ile go mmega maphodiseng gomme ba tla tloga ba tsena,
          ba tlile go dira dinyakišišo le go tšea moputso wa gagwe wa dibeke tše
          pedi. Mogerika o ile a napa a kgoboketša badiredi ba gagwe ka moka, a
          bolela le bona ka setho le botho, a kgopela tshwarelo go bao a kilego a ba
          kgopiša. O ile a ba tshepiša go ba okeletša meputso go tloga go diranta tše 10
          masomepedi go fihla go tše masometharo. Godimo ga moo o ile a ba
          kgopela gore ge maphodisa a ka fihla a ba botšiša gore ba phedišana
          bjang, ba ba fetole ka go re: 'gabotse'. Popo e be e se motho wa go
          arabišana le badiredi ba gagwe. Seo a bego a se gana e be e le go
          botšišwa dipotšišo ke modiredi. Bašomi ba be ba swanetše go theeletša 15
          seo 'baase' a se bolelago ka ditsebe tše pedi, le go šoma. Le letšatši leo go
          ile gwa ba bjalo.
                                                                             [Letl.62–63]

          2.2.1        Akaretša setsopolwa se ka ntlha E TEE.                                   (1)

          2.2.2        Tikologo ya setsopolwa se ke ya mohuta mang? Fahlela ka dintlha
                       TŠE PEDI.                                                                (3)

          2.2.3        Molwantšhwa wa padi ye ke mang? Efa mabaka A MABEDI.                     (3)

          2.2.4        Hlaloša kgegeo yeo e tšweletšwago ke lentšu le 'gabotse'.                (2)

          2.2.5        Popo ke motho wa mohuta mang? Fahlela karabo ya gago.                    (2)

          2.2.6        Efa phapantšho yeo e tšweletšwago ke dikafoko tšeo di
                       thaletšwego.                                                             (2)

          2.2.7        'Mukhabudi o ile a ipotšiša dipotšišo tše mmalwa pele a apola paki
                       ye tšhweu,' ke polelo ya mongwadi. Tiišetša ntlha ye.                    (1)

          2.2.8        Kwešišo ya gago ya padi ye e dira gore o be le maikutlo a mohuta
                       mang? Fahlela ka dintlha TŠE PEDI.                                       (3)
                                                                                                [35]

                                                       PALOMOKA YA KAROLO YA A:                 35

Tokelo ya ngwalollo e ileditšwe                                                        Phetla

### Page 9

Downloaded from hlayiso.com
Sepedi Lelemetlaleletšo la Pele (FAL)/P2       9                  DBE/Dibokwane–Hlakola 2018
                                              NSC

KAROLO YA B: TIRAGATŠO/TERAMA
POTŠIŠO YA 3: DI ŠITILE PHAAHLA – SN Tseke
Bala ditsopolwa tše ka šedi gore o tle o kgone go araba dipotšišo.
3.1       SETSOPOLWA SA E

          (… Ke Lehlanye a nnoši a kokobanego kgorong, dikgopolo tša gagwe ke
          mabilu ao gare ga ona hlapikgolo go thalago Tlhakolane.)
          LEHLANYE: Ge nkabe ke tseba moo rragoTlhakolane a lego ntshe, ke be
                    ke tla ya go mo kgopela gore a mphelesetše lebitleng la
                    badimo ba gabo. Bothata ke gore nka se botšiše mmagwe ka             5
                    gore o tla re ke a mo kodutla … Tšhelete ga a sa e kgopela,
                    o fo tšea, dihuswane o di rekišetša boradinama ineng
                    la ka …
          NAMELE:   (O bona melomo ya Lehlanye e emaema, monwana o
                    šupašupa, gomme o lemoga gore o bolela a nnoši a sa le               10
                    kgojana. O a mo tamiša gore a tlogele polelo ya gagwe.)
                    Tama! Ke dumediša wena Tubatse.
          LEHLANYE: (O a phafoga, gomme o dumela a sa lebelele gore o lebiša
                    mang.) Ke rena re rego a rena ke ao.
          NAMELE:   … Hlogo le yena o rometše lentšu go barutiši ka moka gore            15
                    re tsogele sekolong.
          LEHLANYE: Ke utswa ka tsebe gore Tlhakolane o bolela le mmagwe
                    bošego ge ke le ka mola leferwaneng la ka, eupša ga se ke
                    kwe gabotse ka ge ba be ba hwenahwena. O ra go re le
                    swanyane ya taba ya bona ga o na le yona morutiši?                   20
          NAMELE:   Ka ge o le mokgalabje, ke bile ke go tshepa, ke tla go fa
                    modu wa yona.
          LEHLANYE: O ka no mpha ka botlalo ka ge ke le monna nka se botše
                    motho. Mohlomongwe nka phološa yo morwa wa ka.
                                                                       [Letl. 8–9]

          3.1.1        Na ditiragalo tša setsopolwa se di diragala kae? Fahlela karabo ya
                       gago ka lebaka.                                                         (2)
          3.1.2        Na ke semelo sefe sa Lehlanye seo se tšweletšwago ke
                       setsopolwa se? Fahlela ka dintlha TŠE PEDI.                             (3)
          3.1.3        Efa mešomo YE MEBEDI ya thekniki yeo mongwadi a e
                       šomišitšego ka mantšu ao a ngwadilwego ka mašakaneng?                   (2)
          3.1.4        Ditiragalo tša setsopolwa se di tšweletša thulano ya mohuta mang?
                       Tiiša karabo ya gago ka mabaka A MARARO.                                (4)
          3.1.5        Na tiragatšo ye e ka bapalega sefaleng? Efa dintlha TŠE THARO.          (3)
          3.1.6        Na ke molaetša ofe wo o tšweletšwago ke lentšu le 'monna' go
                       polelo ya Lehlanye ya mafelelo? Efa dintlha TŠE PEDI.                   (2)
          3.1.7        Efa maikutlo a gago mabapi le maitshwaro a Namele. Fahlela
                       ka lebaka.                                                              (2)
                                              LE
Tokelo ya ngwalollo e ileditšwe                                                       Phetla

### Page 10

Downloaded from hlayiso.com
Sepedi Lelemetlaleletšo la Pele (FAL)/P2       10                DBE/Dibokwane–Hlakola 2018
                                              NSC

3.2       SETSOPOLWA SA F

          MAŠUTŠA:          (O kgopela barutwana go opela temana e tee ya 'Ke na le
                            Modisa ke tla be ke hlokang'. Gomme o bala Beibele ka ga
                            mobjadi, o a rapela, o ruma ka go ba bolediša.) Ke a le
                            dumediša ka moka. Ke rata go le reta le go le leboga ka
                            moo le aperego gabotse ka gona, le tlago ka nako ka gona, 5
                            le babaletšego dithuto tša lena ka gona le gona go
                            šomišana le barutiši ba lena gabotse …

                            Mesong ye ke amogetše lengwalo la bona le le bose,
                            la leago, le therešo le moya wa go loka. Bjale seo ba se
                            kgopelago rena ba ofisi e šetše e le matšatši re beakanya 10
                            gore se dirwe. Ge ke bolela ka nako ye, go na le mangwalo
                            a holofetšago gore bosasa ba tla thoma go lokela
                            mohlagase, go gogela meetse ka mo sekolong lego epa
                            melete ya dintlwana tša boširelo tšeo di tlago tsena meetse
                            le tšona gore di hlatswege …                                15
          MOKHUŠA:          Aowa, mong wa ka, ga ke sa bolela selo. Ke be ke gopotše
                            go ba fa tše ka moka o šetšego o di boletše …
          MAŠUTŠA:          (O tšwa kudumela, o išitše matsogo ka morago, o ithekgile
                            ka leboto, gomme o bolela tše nkego o thabile, a befetšwe.)
                            Pele le phatlalala ka magoro a lena, ke nyaka go gatelela 20
                            bothakga boitshwarong, bodulong le bjona boikgabišo bja
                            moo motho a dulago …
                                                                              [Letl. 74]

          3.2.1        Efa mehola YE MERARO ya poledišano bjalo ka kokwane ye
                       bohlokwa ya tiragatšo ye.                                                (3)

          3.2.2        Laetša ka mokgwa woo baanegwa ba ba tswalanago ka gona.

                       (a) Mokhuša le Mašutša
                       (b) Mašutša le Tlhakolane                                                (2)

          3.2.3        Akaretša setsopolwa se ka dintlha TŠE PEDI.                              (2)

          3.2.4        Tšweletša ponelopele ya poledišano ye ka dintlha TŠE PEDI.               (2)

          3.2.5        Tšweletša bokamorago bja ditiragalo tše ka dintlha TŠE THARO.            (3)

          3.2.6        Na sephetho seo se tšerwego ke Mašutša ke sa maleba? Fahlela
                       karabo ya gago ka dintlha TŠE PEDI.                                      (2)

          3.2.7        Ke thuto efe yeo e tšweletšwago ke poledišano ya setsopolwa se?
                       Fahlela ka dintlha TŠE PEDI.                                             (2)

          3.2.8        Utolla kgegeophetogo yeo e bontšhwago ke maitshwaro a Mašutša
                       morago ga go hwetša lengwalo la barutwana.                               (1)
                                                                                                [35]

Tokelo ya ngwalollo e ileditšwe                                                        Phetla

### Page 11

Downloaded from hlayiso.com
Sepedi Lelemetlaleletšo la Pele (FAL)/P2         11                  DBE/Dibokwane–Hlakola 2018
                                                NSC

POTŠIŠO YA 4: GA LE BATSWADI BA SELO – Phillip Mothupi
Bala ditsopolwa tše ka šedi gore o tle o kgone go araba dipotšišo.
4.1       SETSOPOLWA SA G
          MOLOKI:                 Aowa ga go bothata, Morena Setongwana. Ke be ke
                                  kgopela go tsena tabeng ye e ntlišitšego mo ga lena,
                                  batho bešo.
          SETONGWANE:             Ao! Moruti Moloki, kgane le tlile ka taba ge le le mo?
          MOLOKI:                 Go bjalo, Morena Setongwane.                                 5
          SETONGWANE:             Ge go le bjalo gona e goroše ka gore re go adimile tše
                                  pedi tše pedi.
          MOLOKI:                 (O a gohlola) Morena Setongwane, ke tlile mo ka
                                  ditaba tša phedišano ya lena ka mo lapeng.
          SETONGWANE:             (O a tširoga) O tlile ka ditaba tša phedišano ya rena ka     10
                                  mo lapeng?
          MOLOKI:                 Go bjalo. Morena Setongwane.Yo mohumagadi wa
                                  gago (o šupa Nkareng) o tlile kua gae maloba a
                                  mpotša gore ga le phedišane gabotse ka mo gae.
          SETONGWANE:             (Go Nkareng) Oo, o tšama o bolela ka nna mo                  15
                                  motseng wa Motetema, Nkareng?
          NKARENG:                Aowa hle tatagoPulane, ke be ke no hlalošetša yo
                                  Moruti! ka ga seemo sa ditaba ka mo lapeng le.
          SETONGWANE:             (O lebelela Moloki ka bogale) Moruti! Ge o nyaka go
                                  kwana le nna o tlogele go šunyašunya nko ya gago             20
                                  ditabeng tša lapa la ka.
          NKARENG:                (O a ithapeletša) Aowa tatagoPulane, a ga o tlogele
                                  Moruti a hlaloša?
          SETONGWANE:             Wena tswalela molongwana wo wa gago wa go nkga!
                                  O kwele mang a re ke swanetše go laolwa ke                   25
                                  barutinyana ba ba lena ka mo ga ka?
                                                                               [Letl. 38–39]

          4.1.1        Tšweletša tikologo ya ditiragalo tša setsopolwa se. Fahlela ka
                       mohlala O TEE.                                                               (2)
          4.1.2        Nkareng ke motho wa mohuta mang? Fahlela ka dintlha TŠE
                       PEDI.                                                                        (3)
          4.1.3        Tšweletša mešomo YE MEBEDI ya thekniki yeo mongwadi a e
                       šomišitšego go hlaloša ditiragalo tša setsopolwa se.
                       (Ditšhupasefala)                                                             (2)
          4.1.4        Ke ka lebaka la eng Setongwane a thulana le moruti? Fahlela ka
                       dintlha TŠE PEDI.                                                            (2)
          4.1.5        Moya wo o fokago setsopolweng ke wa mohuta mang? Fahlela ka
                       dintlha TŠE PEDI.                                                            (3)
          4.1.6        Na ditiragalo tša papadi ye di ka bapalega sefaleng? Fahlela ka
                       dintlha TŠE PEDI.                                                            (2)
          4.1.7        Hlaloša molaetša wo mogolo wa papadi ye.                                     (2)
          4.1.8        Kanegelokopana ye e kgalemela tlaišo ya bana. Etšwa tema ka
                       dintlha TŠE PEDI.                                                            (2)
                                                LE
Tokelo ya ngwalollo e ileditšwe                                                            Phetla

### Page 12

Downloaded from hlayiso.com
Sepedi Lelemetlaleletšo la Pele (FAL)/P2        12                 DBE/Dibokwane–Hlakola 2018
                                               NSC

4.2       SETSOPOLWA SA H
          SETONGWANE:             (O a kgathola) O thoma go nkgafela bjale, Nkareng.
                                  O kwele mang gore nna ke itše Phafana a kate
                                  Pulane?
          NKARENG:                Ke kwele yena Pulane ka boyena.
          SETONGWANE:             A ke re le nna ke kwele ka yena gore Phafana o             5
                                  mo katile.
          NKARENG:                Bjale o itše go kwa wa dirang? A gona o be o reng o sa
                                  mpotše gore ke kgone go iša taba ye maphodiseng?
          SETONGWANE:             Nna ke be ke no ipotša gore Phafana o dirile se ka
                                  phošo gomme re swanetše go e boledišana selapa             10
                                  gore re se tlo segwa ke batho.
          NKARENG:                Taba ya mohuta wo ga se ya go bolelwa selapa,
                                  Setongwane, ke ya go ya go ba molao.
          SETONGWANE:             Aowa hle, mogatšake, ka ba molao gona a re lebale.
                                  Ke boledišane le Phafane gomme o kwešišitše phošo          15
                                  yeo a ba a ntšha setseka sa go gata molato.
          NKARENG:                Setseka seo o se neile mang ka gore nna ga se ka
                                  se bona?
          SETONGWANE:             R1 000,00 yela ke ilego ka go nea yona e be e le ye
                                  nngwe ya selefša sa go tšwa go Phafana.                    20
          NKARENG:                O moradiana wena Setongwane. A ke re o itše tšhelete
                                  yeo ke ya bjala?
          SETONGWANE:             A re tlogele go bolela ka taba ye ka gore re šetše re
                                  jetše molato teng.
          NKARENG:                E sego ka ngwanake Setongwane. Nna ke yo hlaba             25
                                  mokgoši maphodiseng. Ke nyaka gore taba ye e
                                  tlapele Motetema wo ka moka le goboge.
                                                                             [Letl. 67–68]

          4.2.1        Efa mehola YE MERARO ya poledišano bjalo ka kokwane ye
                       bohlokwa ya tiragatšo ye.                                                  (3)
          4.2.2        Laetša ka tsela yeo baanegwa ba ba tswalanago ka gona:
                       (a) Pulane le Setongwane.
                       (b) Pulane le Nkareng.                                                     (2)
          4.2.3        Efa kakaretšo ya setsopolwa se ka dintlha TŠE PEDI.                        (2)
          4.2.4        Efa ponelopele ya poledišano ye ka dintlha TŠE PEDI.                       (2)
          4.2.5        Tšweletša bokamorago bja ditiragalo tše ka dintlha TŠE THARO.              (3)
          4.2.6        Na sephetho seo se tšerwego ke Nkareng ke sa maleba? Fahlela
                       karabo ya gago ka dintlha TŠE PEDI.                                        (2)
          4.2.7        Ke thuto efe yeo e tšweletšwago ke tiragatšo ye? Fahlela ka
                       dintlha TŠE PEDI.                                                          (2)
          4.2.8        Tšweletša kgopolo ya Nkareng ka polelo yeo e thaletšwego.                  (1)
                                                                                                  [35]
                                                         PALOMOKA YA KAROLO YA B:                 35

Tokelo ya ngwalollo e ileditšwe                                                          Phetla

### Page 13

Downloaded from hlayiso.com
Sepedi Lelemetlaleletšo la Pele (FAL)/P2        13                 DBE/Dibokwane–Hlakola 2018
                                               NSC

KAROLO YA C: KANEGELOKOPANA

POTŠIŠO YA 5: KHUPAMARAMA – Mamphoku Mamabolo

5.1       'BOGADI KE PETSE' – MS Madiba

          SETSOPOLWA SA I

          Mafelelong a kgwedi ge Mahlomola a boa gae, Ntholeng o be a tla leka go
          ntšha dillo tša gagwe, fela ka ge Mahlomola a sa hlwe le yena a nape a
          mmotše gore kgotlelela di tla fela. Ge Mahlomola a eya go mmagwe le
          dikgaetšedi, ba mmotše ge Ntholeng a tsoga mosegare bona ba dula ka
          ngwakong wa ditšhila, yena a hlwekiša phapoši ya gagwe fela a be a ye go 5
          nwela teye ka phapošing yeo ya go robalela a be a time mmatswale. Gona
          moo Mahlomola a nape a be kgakanegong ya gore nnete ke efe maaka ke
          afe. O be a tla leka go homotša Ntholeng gore a be le kgotlelelo.

          Mahlomola ka gae ge a be a ba kgala ba be ba mmotša gore yena o kwa
          mosadi wa gagwe fela bona ga a sa ba iša felo eupša e le bona ba gotšego 10
          le yena ebile ba gotše ka mohlako mmogo. Ba be ba lla ka moka gore
          lenyatšo leo mosadi wa gagwe a ba nyatšago ka lona ke yena a mo lailego
          gore a ba nyatše ka lona. Ntholeng a napa a rerišana le Mahlomola gore ba
          nyake moo ba tlago dula gona gore a katoge muši …
                                                                           [Letl. 65]

          5.1.1        Mahlomola le Ntholeng ba tswalana bjang?                                 (1)

          5.1.2        Temana ya mathomo e tšweletša mohuta ofe wa thulano? Fahlela
                       karabo ya gago.                                                          (2)

          5.1.3        Ditiragalo tša setsopolweng se di diragala lefelong lefe?                (1)

          5.1.4        Efa semelo sa mmagoMahlomola go ya ka setsopolwa se. Fahlela
                       ka dintlha TŠE PEDI.                                                     (3)

          5.1.5        Tšweletša tema yeo e kgathwago ke mongwadi kanegelongkopana
                       ye. Efa dintlha TŠE THARO.                                               (3)

          5.1.6        Moya wo o tšwelelago setsopolweng se ke wa mohuta mang?
                       Fahlela karabo ya gago.                                                  (2)

          5.1.7        Na leina la Mahlomola le nyalelana bjang le ditiragalo tša
                       kanegelokopana ye? Tiiša karabo ya gago ka mabaka A MABEDI.              (2)

          5.1.8        Ke thuto efe yeo e tšweletšwago ke kanegelokopana ye. Fahlela
                       ka dintlha TŠE PEDI.                                                     (2)

          5.1.9        Sephetho seo se tšerwego ke Ntholeng lefokong la mafelelo la
                       setsopolwa se ke sa maleba? Fahlela ka dintlha TŠE PEDI.                 (2)

                                               LE

Tokelo ya ngwalollo e ileditšwe                                                        Phetla

### Page 14

Downloaded from hlayiso.com
Sepedi Lelemetlaleletšo la Pele (FAL)/P2      14                DBE/Dibokwane–Hlakola 2018
                                             NSC

5.2       'O MO TŠHABE PARAPARA' – M Mamabolo
          SETSOPOLWA SA J

          Gona fao go napile gwa tsoga ntwa ya mahlomahubedu. Mokgalabje
          Sethekhu o napile a konya Mampara hlogo ka bokamorago bja sethunya
          seo, monna a gana go topelwa ke bofšega. Ba rile mola ba swanetše gore
          ba solelane tša ka diatleng tša bona gabotse, banna ba bangwe bao ba
          bego ba le kgauswi ba ba lamola …                                      5

          Mokibelong wa yona beke yeo ya gore Mokgalabje Sethekhu a phonyokga
          diatla tša kgolego le morwa wa gagwe, morwedi wa gagwe wa go latela
          Kgokološane o napile a fišafiša. Ba re ba sa re ke go fišafiša batho ba
          kgobe, maoto a thoma go rokologa le go tšwa diphotophoto tša madi. Ba rile
          ge ba re ba rwalela ngwana sepetlele, ba palelwa ke go diša ge ba nyako 10
          tamiša difero tša sepetlele. Hlogo yeo ya bahlaloga e fihlilwe, gwa šala
          semaka bathong.

          Bjala bja setšhila bo hlotlilwe, le letšatši la morero la fihla. Ba apotše mašela
          a maso, ba swana le batho ba bangwe. Lona letšatšing leo, modišana wa
          go latela morwedi wa Sethekhu, yola wa go ikela boyabosaboe, o napile 15
          a lla ka mala ao a mo segago. Ngwana a lla sello sa marumulamegokgo,
          hle batho! E rile mola a sekamile, bona ba fema gore o tšerwe ke
          kgoswane. Kganthe ngwana o amogetšwe farong tša badimo babo. Mmalo,
          Sethekhu wa batho!
                                                                              [Letl. 211]

          5.2.1        Go ya ka tsebo ya gago ya kanegelokopana ye, hlaloša kamano ya
                       baanegwa ba:
                       (a) Sethekhu le Kgokološane.
                       (b) Khazoro le Mampara.                                                  (2)

          5.2.2        Ditiragalo tša setsopolwa se di diragala tikologong ya mohuta
                       mang? Fahlela ntlha ya gago ka mehala YE MERARO.                         (4)

          5.2.3        Efa molwantšhwa wa kanegelokopana ye.                                    (1)

          5.2.4        Tšweletša sekapolelo seo mongwadi a se šomišitšego go hlaloša
                       ditiragalo tša temana ya bobedi ya setsopolwa se. Fahlela ka
                       mehlala YE MEBEDI.                                                       (3)

          5.2.5        Hlaloša mohuta wa thulano yeo e tšwelelago temaneng ya
                       mathomo ya setsopolweng se ka lebaka LE TEE.                             (2)

          5.2.6        Na ditemana tše pedi tša mafelelo tša setsopolwa se di tletše ka
                       moya wa mohuta mang? Fahlela karabo ya gago.                             (2)

          5.2.7        Go ya ka tsebo ya gago ya kanegelokopana ye, na mongwadi
                       o atlegile thumong ya kanegelokopana ye? Fahlela ka dintlha
                       TŠE THARO.                                                               (3)

                                                      PALOMOKA YA KAROLO YA C:                  35

Tokelo ya ngwalollo e ileditšwe                                                        Phetla

### Page 15

Downloaded from hlayiso.com
Sepedi Lelemetlaleletšo la Pele (FAL)/P2      15                 DBE/Dibokwane–Hlakola 2018
                                             NSC

KAROLO YA D: THETO
DIRETO TŠA SESOTHO SA LEBOA – Prof. DM Kgobe
POTŠIŠO YA 6
Araba dipotšišo TŠE PEDI.
6.1       Bala sereto sa ka tlase gomme o arabe dipotšišo tša go se latela.

          Motsemollakoma – NS Puleng
          1            O ba phuthile motsekgoparara,
          2            Bangwe ba tsene maleng a naga,
          3            Go epša taamane le gauta ka kholofelo.
          4            Bangwe ke bomapalane, bangwe dikgohletšamollo;
          5            Bangwe ke baapei, bangwe ke balemi ba dirokolwana,
          6            Bangwe ke bahlapetši ba meagomabaibai,
          7            Ba swere tulamešidi gare ga mpa ya bošego,
          8            Magetleng go lahletšwe jase ya setšoni …
          9            Ba bone kamphetšabeke methepa le masogana,
          10           BoRaisibe le boMatsobane dintepa le makgeswa ba lahlile;
          11           Ba gakantšhitšwe ke ditlabofsa tša ditshehla,
          12           Meriri e otlolotšwe e tshotshoma makhura,
          13           Mahlong go ipipilwe ka dipaketsane – dikhupetšasefahlego,
          14           Theka le a robega go fošwa moletse,
          15           Koša godimo e kuketšwe ke mpherehlakana,
          16           Boausi matswele a kuketšwe lefaufaung,
          17           Go pepenkišwa moselantšhatšhauma,
          18           Ba re ba o bona masogana ba metše mare,
          19           Ba re batamelakgaetšedi ga o tsebe batho,
          20           Wa ka mokotla o a dutla ke šego sa mabele.
          21           Lesogana pea ga e tloge molomong tshereanyabjaša,
          22           Go ketekwa mokete wa boipshino Motsemollakoma,
          23           Go dutšwe šebešebe go iketlilwe ga go tshele,
          24           Gae diputswa poso di lebeletše –
          25           Le a hlaba le a dikela ga go nko e tšwago lemina,
          26           Ba meditšwe ke mekgolokwane ya Borwa,
          27           Gae dirathana di kgaphamamina ka tlala,
          28           Dimpana ke marokoroko, malwetši ke malwetši.
                                                                              [Letl. 54–55]

          6.1.1        Na sereto se ke sa mohuta mang? Fahlela karabo ya gago.                  (2)
          6.1.2        Akaretša temanatheto ya mafelelo ka ntlha E TEE.                         (1)
          6.1.3        Tsopola o be o laetše ka dintlha TŠE PEDI mohuta wa poeletšo
                       temanathetong ya mathomo. Efa mohola wa poeletšo yeo.                    (4)
          6.1.4        Ke kgopolo efe yeo e tšweletšwago ke moreti ka tšhomišo ya
                       lentšu le 'Boausi'? Efa dintlha TŠE PEDI.                                (2)
          6.1.5        Ke moya wa mohuta mang wo o tšweletšwago ke temanatheto
                       ya bobedi? Fahlela ka dintlha TŠE PEDI.                                  (3)

Tokelo ya ngwalollo e ileditšwe                                                        Phetla

### Page 16

Downloaded from hlayiso.com
Sepedi Lelemetlaleletšo la Pele (FAL)/P2      16                DBE/Dibokwane–Hlakola 2018
                                             NSC

          6.1.6        Mo temanathetong ya mafelelo, tsopola mohlala wa sešura o be
                       o laetše dikarolometara tša mothalotheto woo.                          (2)
          6.1.7        Efa mehola YE MEBEDI ya tšhomišo ya leswao la (-)
                       mothalothetong wa 13.                                                  (2)
          6.1.8        Ka dintlha TŠE PEDI laetša thuto yeo e tšweletšwago ke
                       methalotheto ye mebedi ya mafelelo.                                    (2)
                                             LE
6.2       Bala sereto sa ka tlase gomme o arabe dipotšišo tša go se latela.

          Matete a lefase – NS Puleng
          1            Morena mahlo a ka a mpontšha
          2            Mabohlatse a atla tšago, Ramaru;
          3            Ke lebeletše mathoko ka moka a lefase,
          4            Ka kgotsa ge ke bona mabothakga:
          5            Dithaba, meboto, meedi dinoka le mawatle,
          6            Diphoofolo le dimela di kgabišitše naga,
          7            Dinonyana tša legodimo di fofa sebakabakeng,
          8            Bošego le mosegare di neana bokoloti.
          9            Ge tšatši le khuta ka thaba tša bodikela,
          10           Legodimo le tšhepha ka mebele ya lefaufau,
          11           Seedi se senala sa wela lefase,
          12           Tšohle di paka matete le bogolo bjago.
          13           Bana ba belegwa motsotsong wo mongwe le wo mongwe,
          14           Lehu le lona le tšere kgang le bophelo.
          15           O le bopile O le rata lefase,
          16           Go lona wa hlomela hlogedi la bophelo,
          17           Gare ga mahlogedi ka moka a tletše,
          18           Wa kgetha leo o le bopilego ka swantšho sago,
          19           Go ba mookamedi wa tšhemo ya Edene,
          20           Taolo ka moka ya ba atleng tšagwe.
          21           Ge o mo lebelela wa hwetša a hloka molekane,
          22           Gobane o le Ramaatla wa mo robatša boroko,
          23           Wa ntšha kgopo ya gagwe wa e hlomela go Efa.
          24           Sebe se tlile sa mo laka yena motho,
          25           Wa mo rakela faseng gaeng la dillo,
          26           Gore ka dikudumela le megokgo,
          27           A bune seo a se bjetšego;
          28           Re bjala swiswing re buna pepeneneng.
          29           Mogaugedi, lerato la gago ke nyepo,
          30           Bao ba go kwerago o ba buša ka toka,
          31           Bao ba sotlago ba go šala morago,
          32           Le bona o ba baletše matšatši,
          33           Pelo tša bona o di hlabiša ka Moyamokgethwa,
          34           Tša phafogela bogolo bja Mmušo wago.
          35           O theile tšohle ka bokgwari le bohlale,
          36           Wa di buša ka dikga tša tšona ka moka.
                                                                                [Letl. 52]

Tokelo ya ngwalollo e ileditšwe                                                      Phetla

### Page 17

Downloaded from hlayiso.com
Sepedi Lelemetlaleletšo la Pele (FAL)/P2      17                DBE/Dibokwane–Hlakola 2018
                                             NSC

          6.2.1        Tsopola mohlala wa kelelothalo seretong o be o fe le mohola
                       wa yona.                                                              (2)

          6.2.2        Efa sebopego sa ka ntle sa sereto se ka dintlha TŠE THARO.            (3)

          6.2.3        Arola mothalotheto wa 28 ka dikarolometara o be o tšweletše
                       poeletšo ya molawana wa kwano.                                        (2)

          6.2.4        Tšweletša sekapolelo seo moreti a se šomišitšego mothalothetong
                       wa 9 o be o hlaloše mošomo wa sona mothalothetong.                    (2)

          6.2.5        Ka dintlha TŠE PEDI efa molaetša wa sereto se.                        (2)

          6.2.6        Ke moya wa mohuta mang wo o renago seretong se. Tiiša karabo
                       ya gago ka mabaka A MABEDI.                                           (3)

          6.2.7        Hlaloša kgetho le tirišo ya mantšu ao a kotofaditšwego
                       temanathetong ya mafelelo.                                            (3)

                                                      PALOMOKA YA KAROLO YA D:               35
                                                       PALOMOKA YA TLHAHLOBO:                70

Tokelo ya ngwalollo e ileditšwe

## Related documents

- [Sepedi FAL P1 Feb March 2018](https://www.hlayiso.com/library/sepedi-fal-p1-feb-march-2018/efd4a05a-41e0-483c-9e2b-6a11b42f08a3) — Sepedi FAL · QP · 2018 · Sepedi
- [Sepedi FAL P3 Feb March 2018](https://www.hlayiso.com/library/sepedi-fal-p3-feb-march-2018/e9c54679-8198-4e4a-8b49-58489ed6f37f) — Sepedi FAL · QP · 2018 · Sepedi
- [Sepedi FAL P2 May June 2018](https://www.hlayiso.com/library/sepedi-fal-p2-may-june-2018/bd3415c9-0c50-4d91-89e5-2428f3a4da65) — Sepedi FAL · QP · 2018 · Sepedi
- [Sepedi FAL P2 Nov 2018](https://www.hlayiso.com/library/sepedi-fal-p2-nov-2018/6ecaabcb-2c5a-420e-b19a-6cec65c89990) — Sepedi FAL · QP · 2018 · Sepedi
- [Sepedi FAL P2 Feb March 2017](https://www.hlayiso.com/library/sepedi-fal-p2-feb-march-2017/e98e5f12-681d-408e-9543-1f3b973370c7) — Sepedi FAL · QP · 2017 · Sepedi
- [Sepedi FAL P2 Feb March 2015](https://www.hlayiso.com/library/sepedi-fal-p2-feb-march-2015/1f2617df-f2e4-4fc2-8845-098ba74361ef) — Sepedi FAL · QP · 2015 · Sepedi

## More from Grade 12 Sepedi FAL

- [Gr 12 Sepedi FAL ATP 2023-24](https://www.hlayiso.com/library/gr-12-sepedi-fal-atp-2023-24/aa66bf3c-3748-497a-b1fc-b406f4fd3e4b) — ATP
- [Sepedi FAL P1 May-June 2025 MG](https://www.hlayiso.com/library/sepedi-fal-p1-may-june-2025-mg/d76ab8d2-14f0-4322-9896-51180e3fda90) — Memo · 2025 · Sepedi
- [Sepedi FAL P2 May-June 2025 MG](https://www.hlayiso.com/library/sepedi-fal-p2-may-june-2025-mg/487242e3-1260-489f-8d91-5b201b9dfbca) — Memo · 2025 · Sepedi
- [Sepedi FAL P3 May-June 2025 MG](https://www.hlayiso.com/library/sepedi-fal-p3-may-june-2025-mg/eb83ae83-85f3-4ebb-b6e8-d35f11f32626) — Memo · 2025 · Sepedi
- [Sepedi FAL P1 Nov 2025 MG](https://www.hlayiso.com/library/grade-12-sepedi-fal-2025-nsc-november-exam-memorandum-paper-1-sepedi/806eaadc-1d1b-4333-860a-f230e185fdd3) — Memo · 2025 · Sepedi
- [Sepedi FAL P1 Nov 2025 MG](https://www.hlayiso.com/library/grade-12-sepedi-fal-2025-nsc-november-exam-question-paper-paper-1-sepedi/bcece954-738e-42ad-928b-b5411db789f3) — Memo · 2025 · Sepedi

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
