# Sepedi HL Grade 12 Paper 1 NSC June 2018 Question Paper

> Grade 12 Sepedi HL Paper 1 question paper from the NSC June Exam 2018, 10 pages. Read online or get the free PDF download, memo linked when available.

- Page: https://www.hlayiso.com/library/sepedi-hl-p1-may-june-2018/941e177b-d260-43b7-bff5-0cc3a74b94e6
- Updated: 2026-09-27
- Subject: Sepedi HL
- Grade: Grade 12
- Language: Sepedi
- Document type: Question paper
- Year: 2018
- Exam period: NSC June Exam
- Paper: 1
- Curriculum: CAPS
- Pages: 10

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Sepedi HL](https://www.hlayiso.com/library/grade-12/sepedi-hl) › [Sepedi HL Grade 12 Paper 1 NSC June 2018 Question Paper](https://www.hlayiso.com/library/sepedi-hl-p1-may-june-2018/941e177b-d260-43b7-bff5-0cc3a74b94e6)

## About this document

Sepedi Hl · Grade 12 · NSC June Exam · 2018 · sepedi. Question paper, 10 pages. Read online or download the PDF.

Read it free online on the page above; download the PDF from there.

## Matching paper and memo

- [Sepedi HL P1 May June 2018 Memo](https://www.hlayiso.com/library/sepedi-hl-p1-may-june-2018-memo/ce530cdf-b618-4f89-ad0e-38cc62db758f) — Memo · 2018 · Sepedi

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                         GRAAD 12

                    SENIOR CERTIFICATE EXAMINATIONS

                                  SEPEDI LELEME LA GAE (HL)

                                   LEPHEPHE LA PELE (P1)

                                            2018

                                                                        MEPUTSO: 70

                                                                      NAKO: Diiri tše 2

                           Palomoka ya matlakala a dipotšišo ke 10.

Tokelo ya ngwalollo e ileditšwe                                                 Phetla

### Page 2

Downloaded from hlayiso.com
Sepedi Leleme la Gae (HL)/P1                     2                             DBE/2018
                                                SCE

DITAELO LE TSHEDIMOŠO

1.        Lephephe le, le arotšwe ka DIKAROLO TŠE THARO.

          KAROLO YA A: Tekatlhaloganyo                                (30)
          KAROLO YA B: Kakaretšo                                      (10)
          KAROLO YA C: Dibopego le melao ya tšhomišo ya polelo        (30)

2.        Araba dipotšišo KA MOKA.

3.        Thoma KAROLO YE NNGWE le YE NNGWE letlakaleng LE LEFSA.

4.        Thala mothalo ka morago ga KAROLO YE NNGWE le YE NNGWE.

5.        Dikarabo di nomorwe go swana le dipotšišo.

6.        Tshela mothalo ka morago ga karabo YE NNGWE le YE NNGWE.

7.        Hlokomela mopeleto le tlhamo ya mafoko.

8.        Nako yeo e akanywago ge go arabja lephephe le e ka ba ka tsela ye:

          KAROLO YA A:            Metsotso ye e ka bago ye 50
          KAROLO YA B:            Metsotso ye e ka bago ye 30
          KAROLO YA C:            Metsotso ye e ka bago ye 40

9.        Ngwala ka bothakga le ka mongwalo wa go balega.

Tokelo ya ngwalollo e ileditšwe                                                   Phetla

### Page 3

Downloaded from hlayiso.com
Sepedi Leleme la Gae (HL)/P1                 3                                  DBE/2018
                                            SCE

KAROLO YA A: TEKATLHALOGANYO
POTŠIŠO YA 1
1.1       SETŠWELETŠWA SA A
                                         MEKITLANA
          1       Mengwageng ya go feta batho ba be ba tšhaba mekitlana parapara
                  ebile ba e laola eupša mehleng ya lehono mekitlana ke yona e
                  laolago batho. Batho ge ba lahletša ba bangwe ba re gore motho a
                  be le dilo tše dibotse ke ge a ka ba le mekitlana. Mmadikoloto ke yo
                  mongwe wa go tšea polelo ya balahletši bao. O ile a tšea mekitlana 5
                  mafelong a mantši a e rwala ka magetla gomme ya thoma go mo
                  imela. Kgwedi ge e fela Mmadikoloto e be e ke a ka re lefase
                  phatloga ke tsene. Sellathekeng sa gagwe se tla re go lla sa ba sa
                  hwa lentšu e le ge bengdikgwebo ba nyaka ditefelo tša bona tša
                  kgwedi ka kgwedi. Gona moo Mmadikoloto o be a sa tsebe gore a 10
                  lefele mang a tlogele mang ka gore tšhelete ye e nyakegago ya go
                  lefela melato ya gagwe e be e feta mogolo wa gagwe ga
                  makgolokgolo.

          2       Mekitlana ya Mmadikoloto e be e thiba letšatši, e feta le thaba ka
                  bogolo. Yona e hlolwa ke ge a phela bophelo bja go feta mogolo wa 15
                  gagwe, go se amogele maemo a gagwe, go gana go phalwa le
                  polelo ya mogologolo ya go re: 'Šaka la pelo ga le tlale.' Ge a šetše a
                  wetše ka tebetebeng ya melato ka tsela ye, semelo sa gagwe se ile
                  sa thoma go fetoga. Motho yola wa lerato, wa go hlomphega le go
                  loka a aparelwa ke mona, lehloyo, bomenemene le go phela a le 20
                  bodutwana. Ka lebaka la go imelwa ke mekitlana, a thoma go phela
                  ka go balabala.

          3       Mmadikoloto o ile a thoma go etelwa ke kgatelelo ya monagano
                  gomme ya ikgweranya le yena. Malwetši a go fapafapana le ona a ile
                  a ba leruo mmeleng wa gagwe. Go sesefala ga bophelo go ile gwa 25
                  godišwa ke mangwalo a mebalabala a go tšwa go bengdikgwebo
                  bao a tšerego mekitlana go bona. A mangwe a mangwalo ao e be e
                  le go lemoša Mmadikoloto gore ge a sa lefele mekitlana ya gagwe,
                  lešokotšo le namelela kgwedi ka kgwedi. A mangwe a mangwalo a
                  mo tsebiša gore ka ge a paletšwe ke go lefela mekitlana, ba tlile go 30
                  tšea diphahlo, a mangwe a mo lemoša gore ba ngwadišitše maina a
                  gagwe le ba Credit Bureau mola mangwalo a mangwe a mo iša
                  kgorong ya tsheko.

          4       Ge seemo sa ditaba se befela pele, baagišane, bagwera le
                  badirišanemmogo ba be ba hlola ka matsikangope gomme ba 35
                  khwakhwanyega ka disego. Hee … molokoloko wola o bego o
                  kgeregela lapeng la gagwe o kae? Setlwaedi sa go beša nama beke
                  le beke go bešetšwa bosemangmang se feletše kae? Phadišano
                  yela ya go bona mogwera a rekile sefatanaga se sebjangbjang
                  Mmadikoloto le yena ka megabaru a ya go se reka e feletše kae? Ya 40
                  go di feta ka moka ke gore mogwera yo wa rena o be a sa nyake go
                  phalwa. Ge baagišane ba oketša ntlo le yena o a oketša. Lehono šo,
                  o kgangwa ke mekitlana.
Tokelo ya ngwalollo e ileditšwe                                                    Phetla

### Page 4

Downloaded from hlayiso.com
Sepedi Leleme la Gae (HL)/P1                    4                                        DBE/2018
                                               SCE

          5            Ge go sa lebeletšwe ge Mmadikoloto a gakantšhitšwe ke
                       bophelo, baikaketši ba go foraforetša batho ba ile ba re palakata! 45
                       Motho wa batho o ile a ba a re ehuu! a re kgane o phologile
                       kganthe ke gona ge a hwile. Baikaketši ke batho ba go tšama ba
                       re ba thuša batho ba go imelwa ke mekitlana gore ba ba thuše
                       go lefela mekitlana ya bona gomme bona ba lefele mokitlana o
                       tee. Mmadikoloto o rile ge a re phaphara, ya ba mekitlana ya 50
                       gagwe e oketšegile le go feta.

          6            Bonolo Sekudu o rile go bona batho ba nwelela ka gare ga
                       dikoloto, a ngwala athikele mabapi le taba ye. Dinyakišišong tša
                       gagwe o utolotše gore batho ba go ba le mekitlana ba
                       foraforetšwa ke mahodu a go oketša mekitlana ya bona ka 55
                       maaka a gore ba a ba thuša. O eletša batho ba go swana le
                       Mmadikoloto gore ba be le rekhoto ya mekitlana ya bona, ba be
                       le maina a bengdikgwebo bao ba tšerego mekitlana go bona.
                       Mafelelong a kgwedi ye nngwe le ye nngwe go ngwalwe lenaneo
                       leo le tlogo go latelwa ge go lefša mekitlana, go tlogelwe go 60
                       rekwa dilo tšeo di sego bohlokwa.

          7            Kgonthe le go Mmadikoloto go bile bjalo, o ile a napa a tšea
                       maele a Bonolo Sekudu ya ba boikokotlelo bja gagwe. Ya ba
                       mathomo a go tšwa ka tebetebeng ya mekitlana. Ka morago ga
                       kgwedi tše senyane o be a boile a le motho a ba a thoma le go 65
                       hloga dinamana tša mmele.

                                    [E amantšwe go tšwa go Move, 4 Diphalane 2017, Letl 58–59]

          1.1.1        Tsopola lentšu leo le laetšago gore mehleng ya kgale batho ba be
                       ba tšhaba mekitlana kudukudu.                                                  (1)

          1.1.2        Efa ponelopele ya gago mabapi le leina la Mmadikoloto mo
                       temaneng.                                                                      (1)

          1.1.3        Laetša ka moo mongwadi a mothofaditšego sellathekeng ka gona
                       TEMANENG YA 1.                                                                 (1)

          1.1.4        Go ya ka TEMANA YA 2 efa dilo TŠE THARO tšeo di dirago gore
                       motho a ikhwetše a na le mekitlana ya go thiba letšatši.                       (3)

          1.1.5        Ka dintlha TŠE PEDI bapetša diteng tša TEMANA YA 3 le ya 7 o
                       lebeletše bophelo bja Mmadikoloto.                                             (2)

          1.1.6        Ka dintlha TŠE PEDI hlaloša molaetša wo o tšweletšwago ke
                       TEMANA YA 4.                                                                   (2)

          1.1.7        Go ya ka TEMANA YA 4, utolla dilo TŠE THARO tšeo mmušo o ka
                       thušago batho ba go swana le Mmadikoloto ka gona.                              (3)

          1.1.8        Hlaloša mabaka A MARARO ao a ka bago a dirile gore
                       Mmadikoloto a tshepe baikaketši ba.                                            (3)

Tokelo ya ngwalollo e ileditšwe                                                              Phetla

### Page 5

Downloaded from hlayiso.com
Sepedi Leleme la Gae (HL)/P1                   5                                       DBE/2018
                                              SCE

          1.1.9        Ge o be o le Mmadikoloto, ke eng seo o bego o ka ithuta sona
                       mabapi le TEMANA YA 5 le 6? Efa dintlha TŠE PEDI.                           (2)

          1.1.10       Na o a dumela gore seema se, 'moipolai ga a llelwe' se gata ka
                       mošito o tee le seo se diragaletšego Mmadikoloto? Efa mabaka A
                       MABEDI.                                                                     (2)

1.2       SETŠWELETŠWA SA B

                                  MEKITLANA

                                           [E amantšwe go tšwa go: www.google.co.za]

          1.2.1        Kgetha karabo ya maleba. Setšweletšwa se se laetša motho yo
                       a…

                       A    lefelago mekitlana.
                       B    amogelago mekitlana.
                       C    imelwago ke mekitlana.
                       D    thabelago mekitlana.                                                   (1)

          1.2.2        Ke eng sa go laetša gore mekitlana ya motho yo e ka se
                       fokotšege?                                                                  (1)

          1.2.3        Bapetša   seo  se tšweletšwago    ke  seswantšho mo
                       SETŠWELETŠWENG SA B le diteng tša SETŠWELETŠWA SA A
                       temaneng ya 3.                                                              (2)
Tokelo ya ngwalollo e ileditšwe                                                           Phetla

### Page 6

Downloaded from hlayiso.com
Sepedi Leleme la Gae (HL)/P1                   6                                  DBE/2018
                                              SCE

          1.2.4        Ke ka lebaka la eng go tšweleditšwe morwalo wo mogolo
                       seswantšhong?                                                          (1)

          1.2.5        Hlaloša gore ke eng seo se dirago gore motho yo a se eme thwii.        (1)

          1.2.6        Hlatholla seo motho yo a ka se dirago gore a kgone go tšwa ka
                       tebetebeng ya mekitlana. Fahlela karabo ya gago ka dintlha
                       TŠE PEDI.                                                              (2)

          1.2.7        Na maikutlo a gago ke afe mabapi le batho ba go adimiša
                       ditšhelete ba se molaong?                                              (2)

                                                       PALOMOKA YA KAROLO YA A:               30

Tokelo ya ngwalollo e ileditšwe                                                      Phetla

### Page 7

Downloaded from hlayiso.com
Sepedi Leleme la Gae (HL)/P1                 7                                      DBE/2018
                                            SCE

KAROLO YA B: KAKARETŠO

POTŠIŠO YA 2

Setšweletšwa sa C se mabapi le mešomo ye mebotse ya Ndileka Mandela
setšhabeng. Akaretša temana ye ka go tšweletša dikgopolokgolo tšeo ka tšona
Ndileka Mandela a hlohleleditšego setšhaba ka gona go kaonafatša maphelo a
barutwana.

ELA HLOKO:

1.        Kakaretšo e be ka tsela ya temana ya dintlha tše 7.
2.        Mantšu a se fete a 90.
3.        Ga se wa swanela go ngwala hlogo ya kakaretšo.
4.        Bontšha palo ya mantšu mafelelong a kakaretšo.

SETŠWELETŠWA SA C

                        MMALA WA KGOMO O GOLA NAMANENG

Thembekile Mandela Foundation ke mokgatlo wo o thomilwego ke Ndileka Mandela yo
e lego setlogolo sa mathomothomo sa Nelson Mandela. Ndileka o dumelelana le
seema sa gore 'Mmala wa kgomo o gola namaneng'. Seo se laetšago gore e tloga e le
yo mongwe wa leloko la Mandela ke mešomo ya gagwe setšhabeng e sego go bea
sefane sa Mandela phatleng a sa thuše setšhaba. Mothomotho ga a botšiše gore
Afrika-Borwa e ka mo direla eng, o ipotšiša gore yena a ka e direla eng.

Ka letšatši la basadi la di 9 Agostose, mosadi yo o file polelotlhohleletšo go setšhaba
gomme a laetša batho ka fao morutwana a ka lobago matšatši a sekolo ka gona ka
lebaka la bohloki. O dirile boipiletšo bja gore batho ba ithaope go fana ka dieta le
mapai dikolong. O kgopetše setšhaba gore se kgathe tema tlhokomelong ya bana.
Barutwana ba bantši bao ba jago nta ba šeba ka legai, kudukudu ba dinagamagaeng,
ba šitwa ke go ya sekolong ge e le marega ka lebaka la go hloka dieta. Ba fihla
dikolong ba se maemong a go ka ithuta ka ge maoto le menwana di tla be di omišitšwe
ke go tonya. Barutwana ge ba se na mapai a go robala marega ba tlo tsenwa ke phefo
ba lwala gomme ba palelwa ke go ya sekolong. Dikolong go dule go na le dieta le
mapai tšeo di ka fiwago barutwana ba mohuta wo gore dithuto tša bona di se šalele
morago.

O tšwetše pele ka gore bengdikgwebo, dikhamphani le dikereke di ithaope go thuša
dikolo. Se se tla dira gore barutwana ba be le mafolofolo dithutong tša bona. Ga se
barutwana ka moka bao e ka bago baetapele ba ka moso eupša morutwana yo
mongwe le yo mongwe o na le tokelo ya go fiwa sebaka sa go ithuta. Go ruta ngwana
ga se go loba ke go ruta setšhaba ka kakaretšo.

O hlohleleditše barutwana gore ba hlokomele thuto ka ge e tla ba fa tokologo,
tšhireletšo le go fetola maemo a bona setšhabeng. O rumile polelo ya gagwe ka go
gatelela gore setšhaba se thušane go ruta bana ka kakaretšo.
                                                  [E amantšwe go tšwa go: www.google.co.za]

                                                     PALOMOKA YA KAROLO YA B:                   10

Tokelo ya ngwalollo e ileditšwe                                                        Phetla

### Page 8

Downloaded from hlayiso.com
Sepedi Leleme la Gae (HL)/P1                         8                                         DBE/2018
                                                    SCE

KAROLO YA C: DIBOPEGO LE MELAO YA TŠHOMIŠO YA POLELO
POTŠIŠO YA 3
Bala papatšo ya ka tlase (SETŠWELETŠWA SA D) gomme o arabe dipotšišo.
SETŠWELETŠWA SA D

               LEGARE LA MARTOR, LEGARE LA BANNATIA FELA

          LEGARE LA BOGALEGALE LA MARTOR SOLINGEN,
          Mo legare le le fetilego gona, go šala go hlwekile hlwekihlweki.
          REKA LE TEE O HWETŠE LE TEE MAHALAHALA …
          MAJEREMANE BA RE, WA REKA O REKILE!!!
                                                   [E amantšwe go tšwa go: www.google.co.za]

3.1       Efa thekniki yeo mmapatši a e dirišitšego go goga šedi ya moreki.

          A       Fonte ye nnyane
          B       Meago ye megolo
          C       Seswantšho sa legare
          D       Tšweletšo ya batho                                                                       (1)
3.2       Tsopola papadišantšu yeo e dirišitšwego mo papatšong ye.                                         (1)

3.3       Efa phapano gare ga fonte ye kgolo le ye nnyane.                                                 (2)
3.4       Tšweletša lediri le le boeleditšwego papatšong o be o fe mohola wa lona.                         (2)
Tokelo ya ngwalollo e ileditšwe                                                                   Phetla

### Page 9

Downloaded from hlayiso.com
Sepedi Leleme la Gae (HL)/P1                       9                                      DBE/2018
                                                  SCE

3.5       Laetša leinagokwa leo le dirišitšwego papatšong o be o fe le mošomo wa
          lona.                                                                                        (2)

3.6       Hlatholla ka fao papatšo ye e kgonnego go fihliša molaetša wa kgethologanyo
          go bareki ka gona. Efa dintlha TŠE PEDI.                                                     (2)
                                                                                                       [10]

POTŠIŠO YA 4
Bala khathune ya ka tlase gomme o arabe dipotšišo.
SETŠWELETŠWA SA E

            1
  O duletše go bapala                                   3
  ka selefounu mola o                               Ke sa yo
      swanetše go                                  robala nna.                     4
  hlatswa dibjana! Ge                             Dibjana tše di                 BONA
        e le lena                                 ka se tšhabe,                 FELA …
     bakgalabje, le                              mokgekolwana                     KE
   tšwafa ka la gore                             towe! Masa ga                 TSEBILE!
   dibjana di hlatswa                              a na swele.
     ke basadi fela!                   2
                                  Ge nka se
                                  di hlatswe
                                     o tla
                                   ntirang?
                                  Poo ke nna
                                    ka mo!

          FREIMI YA 1                          FREIMI YA 2                 FREIMI YA 3
                                                              [E amantšwe go tšwa go: www.google.co.za]

4.1       Kgetha karabo ya maleba. Tirišo ya ditho tša mmele ya mosadi yo a lego
          FREIMING YA 2 e laetša …

          A       makalo.
          B       manyami.
          C       lethabo.
          D       kganyogo.                                                                            (1)

4.2       Tsopola polelo ya go laetša tshekamelo ka lehlakoreng le tee go tšwa
          FREIMENG YA 1.                                                                               (1)

4.3       Bapetša pudula ya 1 le ya 3.                                                                 (2)

Tokelo ya ngwalollo e ileditšwe                                                               Phetla

### Page 10

Downloaded from hlayiso.com
Sepedi Leleme la Gae (HL)/P1                 10                                     DBE/2018
                                            SCE

4.4       Ka ntlha TŠE PEDI hlaloša ka moo mokgalabje yo a dirišitšego tšhomišo ya
          maatla a bong bošaedi FREIMING YA 2.                                                 (2)
4.5       Tswalanya pudula ya 4 le tlhakakgolo khathuneng ye. Efa dintlha TŠE PEDI.            (2)
4.6       Hlaloša ka moo mokgalabje a dirišitšego nyenyefatšo FREIMING YA 3 go
          tšweletša maikutlo a gagwe. Efa dintlha TŠE PEDI.                                    (2)
                                                                                               [10]

POTŠIŠO YA 5

Bala setšweletšwa sa F gomme o arabe dipotšišo tša ka tlase.

SETŠWELETŠWA SA F

                            EJA DIJO TŠA MALEBA O PHELE

Mebele ya rena e hloka dijo tše di nago le phepo ka mehla. Difihlolo ke dijo tše
bohlokwa go feta tšohle ka gore di re fa maatla ao re a hlokago go thoma letšatši la
rena gabotse. Ditsebi di re mokgwa wo mokaone wa phepo ke go ja makga ao a
tshelelago ka letšatši eupša motho a eja dijo tše nnyane tšeo mmele o ka kgonago
go di šomiša ka yona nako yeo. Go ja mmoto wa dijo ka nako e tee ke mokgwa wo 5
mobe wa go ja. Se se dirwa ke gore mmele ga o kgone go šomiša dijo tše dintši
ka nako e tee. Mmele o fetolela dijo tšeo o sa di šomišego go ba makhura gomme
se se dira gore motho a none.

Mmele o nyaka makhura, letswai le swikiri tše nnyane, ka gona go bohlokwa gore re
fokotše dilo tše ka dijong. Bothata bjo bogolo bja batho ke go se kgone go laola dijo 10
tšeo ba di jago. Ge re ka se kgone go laola kgetho ya dijo re ka se kgone go laola
mebele ya rena. A re tšeeng dikeletšo tša ditsebi ge di re: 'Fokotšang makhura,
letswai le swikiri ka dijong, itšhidolleng gore le kgone go efoga malwetši.'
                                                            [Seipone, 03–17 Lewedi 2013]

5.1       Tsopola mohlala wa lešalašupi go tšwa lefokong la mathomo temaneng ya
          bobedi o be o fe le kgato ya lona.                                                   (2)
5.2       Ngwala lefokonolo leo le kotofaditšwego ka polelotirišwa.                            (1)
5.3       Laetša phapano gare ga dihlophantšu tšeo di thaletšwego ka go fa maina a
          tšona.                                                                               (2)
5.4       Ngwala sekafoko seo se latelago ka kganetšo o be o laetše gore se tlile ka
          modirišo ofe.
          Go ja mmoto wa dijo.                                                                 (2)
5.5       Lentšu le 'makhura' le na le ditlhalošo tše di fapanego. Hlama mafoko
          A MABEDI go laetša phapano yeo.                                                      (2)
5.6       Hlaloša tšhomišo ya moselana wa -ng mantšung a 'Fokotšang' le 'itšhidolleng'         (1)
                                                                                               [10]
                                                      PALOMOKA YA KAROLO YA C:                 30
                                                       PALOMOKA YA TLHAHLOBO:                  70

Tokelo ya ngwalollo e ileditšwe

## Related documents

- [Sepedi HL P2 May June 2018](https://www.hlayiso.com/library/sepedi-hl-p2-may-june-2018/451abade-aaa8-45b7-9242-a4570c4b221f) — Sepedi HL · QP · 2018 · Sepedi
- [Sepedi HL P1 Nov 2018](https://www.hlayiso.com/library/sepedi-hl-p1-nov-2018/048acf0c-718e-4ffb-a4af-f35b1d6e40ec) — Sepedi HL · QP · 2018 · Sepedi
- [Sepedi HL P1 Feb March 2018](https://www.hlayiso.com/library/sepedi-hl-p1-feb-march-2018/f3f0086d-9a6d-42dc-8789-c185ea105638) — Sepedi HL · QP · 2018 · Sepedi
- [Sepedi HL P1 May-June 2024](https://www.hlayiso.com/library/grade-12-sepedi-hl-2024-nsc-june-exam-question-paper-paper-1-sepedi/3dfbc738-c7ce-4979-880e-544b517be1d3) — Sepedi HL · QP · 2024 · Sepedi
- [Sepedi HL P1 May-June 2023](https://www.hlayiso.com/library/sepedi-hl-p1-may-june-2023/a6c9bd6b-3f0c-45ac-af6b-7ca7d4f0c650) — Sepedi HL · QP · 2023 · Sepedi
- [Sepedi HL P1 May June 2021](https://www.hlayiso.com/library/sepedi-hl-p1-may-june-2021/d3955a68-04c3-4412-874a-95ad76d351bb) — Sepedi HL · QP · 2021 · Sepedi

## More from Grade 12 Sepedi HL

- [Gr 12 Sepedi HL ATP 2023-24](https://www.hlayiso.com/library/gr-12-sepedi-hl-atp-2023-24/1d473445-7b9b-4f2f-bcf4-e68f07348426) — ATP
- [Sepedi (HL) June 2025 Possible Answers](https://www.hlayiso.com/library/sepedi-hl-june-2025-possible-answers/b62e3e2c-c7f8-4660-b96f-bd9ab7e48039) — Memo · 2025 · Sepedi
- [Sepedi HL P1 May-June 2025 MG](https://www.hlayiso.com/library/sepedi-hl-p1-may-june-2025-mg/24e7e49f-6ff0-4ed7-85d1-32645e145c62) — Memo · 2025 · Sepedi
- [Sepedi HL P2 May-June 2025 MG](https://www.hlayiso.com/library/sepedi-hl-p2-may-june-2025-mg/8de1c8ca-6ec0-4c3e-8a6f-601a6bff4495) — Memo · 2025 · Sepedi
- [Sepedi HL P3 May-June 2025 MG](https://www.hlayiso.com/library/sepedi-hl-p3-may-june-2025-mg/55af0e4f-fc29-4491-bf04-fcec9e0e05d4) — Memo · 2025 · Sepedi
- [Sepedi HL P1 Nov 2025 MG](https://www.hlayiso.com/library/grade-12-sepedi-hl-2025-nsc-november-exam-memorandum-paper-1-sepedi/63741d50-f994-4b99-b545-caebbee9c356) — Memo · 2025 · Sepedi

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
