# Sepedi HL Grade 12 Paper 1 NSC November 2023 Question Paper

> Grade 12 Sepedi HL Paper 1 question paper from the NSC November Exam 2023, 11 pages. Read online or get the free PDF download, memo linked when available.

- Page: https://www.hlayiso.com/library/sepedi-hl-p1-nov-2023/52c1e3fc-b667-4ec2-bed6-d6454470a4d5
- Updated: 2026-09-27
- Subject: Sepedi HL
- Grade: Grade 12
- Language: Sepedi
- Document type: Question paper
- Year: 2023
- Exam period: NSC November Exam
- Paper: 1
- Curriculum: CAPS
- Pages: 11

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Sepedi HL](https://www.hlayiso.com/library/grade-12/sepedi-hl) › [Sepedi HL Grade 12 Paper 1 NSC November 2023 Question Paper](https://www.hlayiso.com/library/sepedi-hl-p1-nov-2023/52c1e3fc-b667-4ec2-bed6-d6454470a4d5)

## About this document

Sepedi Hl · Grade 12 · NSC November Exam · 2023 · sepedi. Question paper, 11 pages. Read online or download the PDF.

Read it free online on the page above; download the PDF from there.

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                         GRADE 12

                                         NATIONAL
                                    SENIOR CERTIFICATE

                                       KREITI YA 12

                                  SEPEDI LELEME LA GAE (HL)

                                   LEPHEPHE LA PELE (P1)

                                       DIBATSELA 2023

MEPUTSO: 70

NAKO : Diiri tše 2

                           Palomoka ya matlakala a dipotšišo ke 11.

Tokelo ya ngwalollo e ileditšwe                                       Phetla

### Page 2

Downloaded from hlayiso.com
Sepedi Leleme la Gae (HL)/P1                     2                    DBE/Dibatsela 2023
                                                NSC

DITAELO LE TSHEDIMOŠO

1.        Lephephe le, le arotšwe ka DIKAROLO TŠE THARO, e lego YA A, YA B
          le YA C.

          KAROLO YA A: Tekatlhaologanyo                               (30)
          KAROLO YA B: Kakaretšo                                      (10)
          KAROLO YA C: Dibopego le melao ya tšhomišo ya polelo        (30)

2.        Bala ditaelo KA MOKA ka tlhokomelo.

3.        Araba dipotšišo KA MOKA.

4.        Thoma KAROLO YE NNGWE le YE NNGWE letlakaleng LE LEFSA.

5.        Thala mothalo ka morago ga KAROLO YE NNGWE le YE NNGWE.

6.        Dikarabo di nomorwe go swana le dipotšišo.

7.        Tshela mothalo ka morago ga karabo YE NNGWE le YE NNGWE.

8.        Hlokomela mopeleto le tlhamo ya mafoko.

9.        Nako ye e akanywago ge go arabja lephephe le e ka ba ka tsela ye:

          KAROLO YA A:            Metsotso ye e ka bago ye 50
          KAROLO YA B:            Metsotso ye e ka bago ye 30
          KAROLO YA C:            Metsotso ye e ka bago ye 40

10.       Ngwala ka bothakga le ka mongwalo wa go balega.

Tokelo ya ngwalollo e ileditšwe                                                    Phetla

### Page 3

Downloaded from hlayiso.com
Sepedi Leleme la Gae (HL)/P1                 3                          DBE/Dibatsela 2023
                                            NSC

KAROLO YA A: TEKATLHAOLOGANYO

POTŠIŠO YA 1

1.1       Bala ka tlhokomelo setšweletšwa sa ka tlase gore o kgone go araba dipotšišo
          tša go latela.

          SETŠWELETŠWA SA A

                                     POPOTELA E SA KWEGO …

          1      Nkhakhane ke mošemane yo a bego a dula motseng wa Masodi le
                 batswadi ba gagwe le bana babo ba bane, e lego digameetse tše pedi le
                 masoganammele a mabedi. Thagaletswalo lapeng la gabo ke
                 Mmabotse mola kgorulane e le Setimela yo a rilego ge a boa go thopa
                 bonna ba re: 'Ke kgorulane ya bagale, ke Setimela sa boNakedi 5
                 setšeakganglepere'. Lapa la mabobo la seriti, le mang le mang a bego a
                 duma gore nkabe e ka ba labo.

          2      Setimela o be a sa retwe fela, e be e le ngwana wa go hlokwa. Otopedi
                 le mosadia'gwe Ramolobane ba tšere nako ye telele ba nyaka
                 kgorulane, ba ipoela fela. Ka morago ga paka ye teletšana ditlhokwa tša 10
                 ba lalela gomme ba fiwa Setimela. Nkhakhane ka go ba le tseba, o be a
                 bona eka yo Setimela o fiwa maemo lapeng la gabo. Se sa mo dira gore
                 a thome go fetoša maitshwaro a gagwe. Ruri o be a sa leše batswadi ba
                 gagwe di wela fela ba sa gopole gore a ka be a tsenwe ke bopelompe.
                 Nnete ya go hloka bana ba phefo ke go re ba be ba fela ba mmotša go 15
                 re ga a di gadikele go di phura.

          3      Le ge batswadi ba be ba fela ba mmotša a go sasamela, go mogala'
                 Nkhakhane di be di tsena ka mo di etšwa ka go ye nngwe tsebe. O be a
                 sa iše felo ka tšona. O be a iphelela bja gagwe bophelo. Dikgaetšedi le
                 barwarre ba lekile go mo kgeloša tseleng ye a bona e ke ba mo jela 20
                 mona. Ge e le Setimela yena o be a sa nyake go kwa le le tee la go
                 tšwa go yena. Bophelo bja bona e be e le bja katse le legotlo.

          4      O phetše bjalo Nkhakhane, go bonala nke dilo di mo sepelela gabotse
                 bophelong. O be a sa lemoge le go elelwa la mogologolo le le rego:
                 'Tsela ya morara ga e butšwe'. Gabotse a ke re ga se go se lemoge ke 25
                 go lebala. Go lebala ga gagwe go ile gwa mo gatiša mašemo a šele.

          5      Nkhakhane o be a phela ka go utswa dithoto tša batho gomme a di uta
                 ka mo gagabo ntle le temogo ya batswadi. Lehono o tla le seyalemoya,
                 gosasa ke thelebišene, ka lela ke diselefouno. Barwarre le dikgaetšedi
                 ba makatšwa ke go bona a eja lešela, a phela ka lemyemyelo, a tloga e 30
                 sa le ka nyamane a boa ge tšhweutšhiritšhiri e dula dithaba ka marago.
                 Setimela o lekile go bolela le yena ka taba ya go mo nyakiša
                 matogwana ka ge a tseba a sa šome eupša a mo tšhela ka mae a go
                 bola. Dikgaetšedi ka ge ba itulela malapeng a bona ba lekile go mo
                 kgopela gore a tle kua go bona, a ba botša diganagofela. Morwarragwe 35
                 yo e lego morutiši o lekile go mo lemoša kotsi ya go se tsene sekolo a
                 mmotša ge a epolla matong, tše e le dinako tša bona.

Tokelo ya ngwalollo e ileditšwe                                                      Phetla

### Page 4

Downloaded from hlayiso.com
Sepedi Leleme la Gae (HL)/P1                    4                           DBE/Dibatsela 2023
                                               NSC

          6       Malapeng a mangwe o tla ja tlabe wa tlabega go bona batswadi ba
                  amogela dithoto tše bana ba bona ba tlago le tšona fela ba sa šome.
                  Motswadi o tseba gabotse gore ngwana wa gagwe ga a šome fela o boa 40
                  a athile thelebišene a e hlakelele. O be o kwe a re 'Hei, wa tla wa re dira
                  batho wena Ngwato goba Hunadi.' Ga a botšiše go re 'Ka go re ga o
                  šome ngwanaka, se o se rekile ka eng? Kae?' Wo ke molaba wo
                  batswadi ba felago ba wela go wona. Batswadi ba Nkhakhane ga se ba
                  ka ba gopola gore ka le lengwe la matšatši ba ka ikhwetša ba wetše 45
                  molabeng wo. Ba be ba leka ka mešegofela go hlokomela gore bana ba
                  bona ba itshwara setho. Mohlang wo ba lemogago gore ba be ba iphora
                  ka leswafo Mmago Mmabotse o ile a be a idibala.

          7       Tadi e be e amuša tatšana ge Nkhakhane a goroga lapeng la gabo.
                  Ke nnete le be le fiša tšhiritšhiri! Nkhakhane o be a sa gopole gore 50
                  batswadi ba gona. O be a kwele gore ba ile go tsogela ga mmaneagwe
                  kua Basogadi go amogela betši ka ge e be e le mafelelong a beke.
                  Mošemane a lahlwa ke badimo, tatagwe le mmagwe ba be ba le gona.
                  Sefatanaga sa bona se be se tšwele ka mogoloa'gwe mesong a ile
                  lehung kua GaMerebere. Moisa o tsene a hohonka a phokothetše, 55
                  meraba e šišitše e laetša gore e laišitše tša batho. Ge a se no re
                  palakata! ka phapošeng ya gagwe, ge a re mahlo boa! a hwetša tatagwe
                  a eme mojako a mo tsepeletše ka mahlo a a bego a tuka malakabe a
                  pefelo. Nkhakhane a mo fa selefouno ya I-Phone ya mašeleng a go
                  bitša, monnamogolo ga se a senye nako, a ponya gatee a ntšha mogala 60
                  wa gagwe. 'Sersanta kitimelang ka mono, lehodu le swarwa ka
                  morwalo.' Dimpša tša mmušo ke nnete tša fihla ba hwanyolla le tše a
                  bego a di utile mogala' Nkhakhane. Ngwedi o ile wa apogelwa ke maru,
                  lehodu la swarwa ka morwalo.

                                                                       [Mothopo: Boitlhamelo]

          1.1.1        Go tšwa temaneng ya 1 tsopola:

                       (a)    Sekafoko se se šupago 'go boa komeng'.

                       (b)    Lentšu le le šupago gore 'ngwana wa mathomo'.

                       (c)    Lentšu le le šupago gore 'ngwana wa mafelelo'.                        (3)

          1.1.2        Efa mainagokwa A MABEDI temaneng ya 1 a a laetšago gore lapa
                       la Otopedi le Ramolobane le be le hlogonolofaditšwe ka bana ba
                       bašemane le basetsana.                                                       (2)

          1.1.3        Naa o kwešiša eng ka polelo ye: 'Ditlhokwa tša ba lalela' bjalo ka
                       ge e dirišitšwe temaneng ya 2?                                               (1)

          1.1.4        Akaretša temana ya 2 ka dintlha TŠE PEDI.                                    (2)

          1.1.5        Hlaloša ka fao Nkhakhane a bego a phela le ba lapa labo go ya ka
                       diteng tša temana ya 3. Efa dintlha TŠE PEDI.                                (2)

Tokelo ya ngwalollo e ileditšwe                                                            Phetla

### Page 5

Downloaded from hlayiso.com
Sepedi Leleme la Gae (HL)/P1                   5                           DBE/Dibatsela 2023
                                              NSC

          1.1.6        Go ya ka diteng tša temana ya 5, ke eng se se ka dirwago go
                       thuša bana ba go swana le Nkhakhane? Efa dintlha TŠE PEDI.                (2)

          1.1.7        Ka dintlha TŠE PEDI hlatholla molaetša wo o tšweletšwago ke
                       temana ya 6.                                                              (2)

          1.1.8        Ke ka lebaka la eng Nkhakhane a tsene gae a hohonka?                      (1)

          1.1.9        Batswadi ba Nkhakhane ba fapana bjang le batswadi ba bana ba
                       bangwe tabeng ya go tla ka dithoto tša go utswiwa ka gae go ya ka
                       temana ya 7? Efa ntlha E TEE.                                             (1)

          1.1.10       Ke eng se se ka dirwago go fediša ditiro tša bosenyi Afrika-Borwa?
                       Efa dintlha TŠE PEDI.                                                     (2)

          1.1.11       Hlaloša dikgato TŠE PEDI tše maphodisa a swanetšego go di tšea
                       ge a swara batho ba go swana le Nkhakhane go ya ka diteng tša
                       temana ya 7.                                                              (2)

1.2       Lekodišiša seswantšho sa ka tlase gore o kgone go araba dipotšišo.

          SETŠWELETŠWA SA B

                                                             [Mothopo: www.gettyimages.com]

          1.2.1        Kgetha karabo ya maleba.

                       Ke tiragalo efe ye e diragetšego go SETŠWELETŠWA SA B:

                       A    Go sekišwa
                       B    Go golegwa
                       C    Go sepetšwa
                       D    Go boledišwa                                                         (1)

Tokelo ya ngwalollo e ileditšwe                                                         Phetla

### Page 6

Downloaded from hlayiso.com
Sepedi Leleme la Gae (HL)/P1                 6                         DBE/Dibatsela 2023
                                            NSC

          1.2.2        Ke eng se se laetšago gore lefelo le le lego SETŠWELETŠWENG
                       SA B ke bogorogelo bja bagolegwa?                                     (1)

          1.2.3        Bapetša diteng tša SETŠWELETŠWA SA A TEMANENG YA 7 le
                       SETŠWELETŠWA SA B.                                                    (2)

          1.2.4        Ka ntlha E TEE hlaloša se se bontšhago gore motho yo a aperego
                       sekhipha se sešweu ke mogolegwa.                                      (1)

          1.2.5        Akanya maele A MARARO a o ka a fago bafsa mabapi le ditiragalo
                       tša SETŠWELETŠWA SA B.                                                (3)

          1.2.6        Na ke maikutlo afe a a go aparelago mabapi le ditiragalo tša
                       SETŠWELETŠWA SA B? Fahlela karabo ya gago.                            (2)

                                                     PALOMOKA YA KAROLO YA A:                30

Tokelo ya ngwalollo e ileditšwe                                                     Phetla

### Page 7

Downloaded from hlayiso.com
Sepedi Leleme la Gae (HL)/P1                 7                               DBE/Dibatsela 2023
                                            NSC

KAROLO YA B: KAKARETŠO

POTŠIŠO YA 2

Akaretša setšweletšwa se sa ka tlase ka mantšu a gago ka go kgoboketša
dikgopolokgolo tše di laetšago mehola ya Lenaneo la Phepo la Setšhaba Dikolong.

ELA HLOKO:

1.     Kakaretšo ya gago e be le dintlha tše 7 gomme e se fete mantšu a 90.
2.     Ngwala ka tsela ya temana.
3.     Se ngwale hlogo ya kakaretšo.
4.     Bontšha palo ya mantšu mafelelong a kakaretšo.
5.     Kakaretšo e be ka mantšu a gago.

SETŠWELETŠWA SA C

                                  TŠIE E FOFA KA MOŠWANG

Ka ngwaga wa 1994 Mopresidente wa Afrika-Borwa wa maloba, Nelson Mandela ka
go bona gore tlala e wele ka mo nageng, o ile a ithaopa go hloma Lenaneo la Phepo la
Setšhaba ka Dikolong (National School Nutrition Programme/NSNP). Lenaneo le le
okeditše palo ya barutwana dikolong tša mmušo mo Afrika-Borwa. Go tloga ka ngwaga
wa 2004 lenaneo le le tlošitšwe go Kgoro ya Maphelo la išwa go Kgoro ya Thuto
ya Motheo.

Maikemišetšo a lona ke go hlabolla maphelo le maemo a phepo a barutwana gotee
le thuto. Tlhabollo ye e tloša tlala le ditlamorago tša phepompe barutwaneng. Ditsebi di
re: 'O ka se rute morutwana yo a swerwego ke tlala.' Yena o phela a hlephile moko
gomme tshedimošo ye a e fiwago ke barutiši ya tsena ka go ye tsebe ya tšwa ka go
yela. Lenaneo le le thuša gore bana ba tle sekolong ka mehla. Ba fihla ka nako
dikolong, kudukudu dikolong tša digotlane mo ba fiwago le difihlolo ka ge ba tseba
gore go ya sekolong ke go itia mpa ka lenono. Baemedi ba Kgoro ya Thuto ba bolela
gore e sa le mmušo o thoma go fepa barutwana ka dikolong, ba theeletša ka šedi.

Lenaneo la Phepo la Setšhaba Dikolong ga le hole barutwana fela, le godiša le
ekonomi ya naga ka ge le direla balemi ba merogo letseno ka go rekišetša baabi ba
ditirelo ditšweletšwa tša bona. Batho ba ba dulago metseng ya kgaufsi le dikolo le
bona ba hwetša mešomo bjalo ka baapei dikolong gomme ba kgona go iphediša
gammogo le malapa a bona. Mmane Mosima yo e lego moapei Sekolong sa Mphepe
o re o thabišwa ke gore barutwana ba rata dijo tša gagwe. Ge ba etšwa maikhutšong
a dikolo ba mmotša gore ba be ba hlolosetše dijo tša gagwe. O re ka nako ya go ja ba
fetša dijo ka moka gomme dibjana tša šala di phadima tše nkego di hlatswitšwe.
Ditheto le ditebogo di lebišwa go mmušo wa rena.

                                              [Mothopo: Boitlhamelo bjo bo nago le dinyakišišo]

                                                      PALOMOKA YA KAROLO YA B:                        10

Tokelo ya ngwalollo e ileditšwe                                                              Phetla

### Page 8

Downloaded from hlayiso.com
Sepedi Leleme la Gae (HL)/P1                8                               DBE/Dibatsela 2023
                                           NSC

KAROLO YA C: DIBOPEGO LE MELAO YA TŠHOMIŠO YA POLELO

   Dithekniki tša papatšo le khathune.
   Tlotlontšu le tšhomišo ya polelo.
   Dibopego tša lefoko.
   Temogo ya tšhomišo ya polelo ka tsinkelo.

POTŠIŠO YA 3

Lebeledišiša papatšo ye ya ka tlase gore o tle o kgone go laetša mabokgoni a
tlhathollo ya ditšweletšwa tša go balwa le go bogelwa ka go araba dipotšišo.

SETŠWELETŠWA SA D

                                  [Mothopo: https://za.pinterest.com/pin/680817668687465636/]

Tokelo ya ngwalollo e ileditšwe                                                            Phetla

### Page 9

Downloaded from hlayiso.com
Sepedi Leleme la Gae (HL)/P1                  9                            DBE/Dibatsela 2023
                                             NSC

3.1       Kgetha karabo ya maleba.

          Sebapatšwa se dira gore letlalo le:

          A       Letefale
          B       Thelele
          C       Tage
          D       Tie                                                                            (1)

3.2       Tsopola polelo ya go kgetholla go tšwa papatšong.                                      (1)

3.3       Feleletša mafokwana a a latelago ka go:

          3.3.1        Šomiša moselana wa -ana go laetša kgahlego.
                       Lekgarebe le le …                                                         (1)

          3.3.2        Šomiša moselana wa -ng go laetša lefelo.
                       Lekgarebe le rwele toulo …                                                (1)

3.4       Tšweletša tirišo ya thekniki ya potšišorethoriki papatšong ye.                         (1)

3.5       Efa lebaka la tirišo ya ditlhaka tše nnyane papatšong ye.                              (1)

3.6       Efa dintlha TŠE PEDI tše di tlogetšwego papatšong ye.                                  (2)

3.7       Na o a dumela gore mmapatši o kgonne go jabetša bareki papatšong ya
          gagwe? Efa dintlha TŠE PEDI.                                                           (2)
                                                                                                 [10]

Tokelo ya ngwalollo e ileditšwe                                                         Phetla

### Page 10

Downloaded from hlayiso.com
Sepedi Leleme la Gae (HL)/P1                      10                             DBE/Dibatsela 2023
                                                 NSC

POTŠIŠO YA 4: KHATHUNE

Lebeledišiša khathune ye ya ka tlase gore o tle o kgone go laetša mabokgoni a
tlhathollo ya ditšweletšwa tša go balwa le go bogelwa ka go araba dipotšišo.

SETŠWELETŠWA SA E

                                                     Owe! Wa
                                                     ntlhabela lešata
                                                     ka tsela ye, o tla
              Hei wena                               fiwa ke tšhwene.
               motho!
               mphe
             phasewete

      [Mothopo: https://www.rd.com/wp-content/uploads/2019/08/US191251A-1-e1615577075286.jpg?
                                                                               resize=696,901]

4.1         Tsopola polelo ya go laetša:

            4.1.1        Lenyatšo poduleng a A.                                                           (1)

            4.1.2        Pefelo poduleng ya B.                                                            (1)

4.2         Efa phapano gare ga podula ya A le ya B.                                                      (2)

4.3         Kgetha karabo ya maleba.

            Na kalo ya khathune ye e laetša lefelo lefe?

            A       Khefi ya inthanete
            B       Lebenkele la dijo
            C       Bolokišetšong
            D       Boemapese                                                                             (1)

4.4         Efa leina la letsogo le le rwelego sešupanako la monna wa A o be o fe le
            lehlalosetšagotee la lona.                                                                    (2)

4.5         Ke thuto efe ye mothadi wa khathune a e tšweletšago khathuneng ye?                            (1)

4.6         Na maikutlo a gago ke afe mabapi le khathune ye? Fahlela karabo ya gago.                      (2)
                                                                                                          [10]
Tokelo ya ngwalollo e ileditšwe                                                                  Phetla

### Page 11

Downloaded from hlayiso.com
Sepedi Leleme la Gae (HL)/P1                    11                              DBE/Dibatsela 2023
                                               NSC

POTŠIŠO YA 5: TEMANA

Badišiša setšweletšwa se sa ka tlase gore o tle o kgone go laetša mabokgoni a
kwešišo ya dibopego le melao ya tšhomišo ya polelo ka go araba dipotšišo.

SETŠWELETŠWA SA F

                                        GO LEBALA

'Na motho a ka lebala maina a batho ba ka gae ešita le a bana ba gagwe?' Gwa
botšiša Mosima a bonagala a tshwenyegile kudu moyeng ka lebaka la makgolo wa
gagwe yo a lwalago. 'Ee, go a kgonega Mosima', gwa fetola ngaka Kekana yo e lego
ngaka ya malwetši a monagano Bookelong bja Block 14. Yena o hlalošitše gore go
lebala go ka hlolwa ke mabaka a a fapanego. O rile lebaka le lengwe e ka ba bolwetši 5
bja go gobatša le go bolaya monagano bjo bo bitšwago Alzheimer.

O re bolwetši bjo bo swara batho ba mengwaga ye 65 le go feta. Le ge go le bjalo o
boletše gore go na le batho ba bo ka ba hlaselago pele ba fihla mengwageng ye.
Molwetši wa Alzheimer a ka šitwa go phetha mešomo ye bonolo ya letšatši. Ge
bolwetši bo le gare bo gola, a ka thoma go lebala dilo le batho. Ngaka Kekana o 10
boditše Mosima gore go bohlokwa gore a kwešiše tšohle mabapi le bolwetši bjo gore a
tle a amogele le go fa makgoloagwe thekgo ge e le gore bo mo swere ka ge a itaetša a
na le dika tša bjona.

O rile ke ngaka fela ye e ka fago kgonthišišo ya gore motho o swerwe ke bolwetši
bjo. Bolwetši bjo ga bo alafege eupša dingaka di ka fa molwetši dihlare tša go 15
okobatša dika tša bjona nakwana fela.
                                                 [Mothopo: Boitlhamelo bjo bo nago le dinyakišišo]

5.1       Go tšwa temaneng ya 1 efa tirišo ya ditlhakakgolo tše di kotofaditšwego.                   (2)

5.2       5.2.1        Fetolela polelotebanyi ye go polelotharedi:

                       'Ee, go a kgonega Mosima', gwa fetola Ngaka Kekana.                           (1)
          5.2.2        Fetolela lefoko le go kganetšo:

                       'Bolwetši bjo bo swara batho ba mengwaga ye 65 le go feta.'                   (1)

5.3       Laetša lešalaohle temaneng ya 2 o be o fe le tirišo ya lona.                               (2)

5.4       Go tšwa temaneng ya 3 hlaloša tirišo ya lentšu le le thaletšwego o be o le
          šomiše lefokong go tšweletša tirišo ye e fapanego le yeo.                                  (2)

5.5       Ahlaahla tirišo ya polelotirišwa ye e kotofaditšwego temaneng ya 3.                        (2)
                                                                                                     [10]

                                                         PALOMOKA YA KAROLO YA C:                    30
                                                          PALOMOKA YA TLHAHLOBO:                     70

Tokelo ya ngwalollo e ileditšwe

## Related documents

- [Sepedi HL P2 Nov 2023](https://www.hlayiso.com/library/sepedi-hl-p2-nov-2023/ab5ae5e4-9fa3-4dc9-9613-ba4b7d9a8469) — Sepedi HL · QP · 2023 · Sepedi
- [Sepedi HL P3 Nov 2023](https://www.hlayiso.com/library/sepedi-hl-p3-nov-2023/d7872dd6-1348-48f5-aeb6-0cb2ad9dfbbf) — Sepedi HL · QP · 2023 · Sepedi
- [Sepedi HL P1 May-June 2023](https://www.hlayiso.com/library/sepedi-hl-p1-may-june-2023/a6c9bd6b-3f0c-45ac-af6b-7ca7d4f0c650) — Sepedi HL · QP · 2023 · Sepedi
- [Sepedi HL P1 Nov 2022](https://www.hlayiso.com/library/sepedi-hl-p1-nov-2022/2c65fb5d-c29c-4cd1-8ef3-e78acdf8ea99) — Sepedi HL · QP · 2022 · Sepedi
- [Sepedi HL P1 Nov 2021](https://www.hlayiso.com/library/sepedi-hl-p1-nov-2021/a915922e-3906-4d1e-a6ce-2355e7924ef6) — Sepedi HL · QP · 2021 · Sepedi
- [Sepedi HL P1 Nov 2019](https://www.hlayiso.com/library/sepedi-hl-p1-nov-2019/bdb3d58d-a17e-40d2-9ae5-5daa18733936) — Sepedi HL · QP · 2019 · Sepedi

## More from Grade 12 Sepedi HL

- [Gr 12 Sepedi HL ATP 2023-24](https://www.hlayiso.com/library/gr-12-sepedi-hl-atp-2023-24/1d473445-7b9b-4f2f-bcf4-e68f07348426) — ATP
- [Sepedi (HL) June 2025 Possible Answers](https://www.hlayiso.com/library/sepedi-hl-june-2025-possible-answers/b62e3e2c-c7f8-4660-b96f-bd9ab7e48039) — Memo · 2025 · Sepedi
- [Sepedi HL P1 May-June 2025 MG](https://www.hlayiso.com/library/sepedi-hl-p1-may-june-2025-mg/24e7e49f-6ff0-4ed7-85d1-32645e145c62) — Memo · 2025 · Sepedi
- [Sepedi HL P2 May-June 2025 MG](https://www.hlayiso.com/library/sepedi-hl-p2-may-june-2025-mg/8de1c8ca-6ec0-4c3e-8a6f-601a6bff4495) — Memo · 2025 · Sepedi
- [Sepedi HL P3 May-June 2025 MG](https://www.hlayiso.com/library/sepedi-hl-p3-may-june-2025-mg/55af0e4f-fc29-4491-bf04-fcec9e0e05d4) — Memo · 2025 · Sepedi
- [Sepedi HL P1 Nov 2025 MG](https://www.hlayiso.com/library/grade-12-sepedi-hl-2025-nsc-november-exam-memorandum-paper-1-sepedi/63741d50-f994-4b99-b545-caebbee9c356) — Memo · 2025 · Sepedi

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
