# Sepedi HL Grade 12 Paper 1 Gauteng June 2025 Question Paper

> Grade 12 Sepedi HL Paper 1 question paper from the Gauteng June Exam 2025, 12 pages. Read online or get the free PDF download, memo linked when available.

- Page: https://www.hlayiso.com/library/sepedi-p1-hl-june-2025-question-paper/fa2cf2ff-8300-45a4-8a8c-acdb5b17d9ef
- Updated: 2026-09-27
- Subject: Sepedi HL
- Grade: Grade 12
- Language: Sepedi
- Document type: Question paper
- Year: 2025
- Exam period: Gauteng June Exam
- Paper: 1
- Curriculum: CAPS
- Pages: 12

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Sepedi HL](https://www.hlayiso.com/library/grade-12/sepedi-hl) › [Sepedi HL Grade 12 Paper 1 Gauteng June 2025 Question Paper](https://www.hlayiso.com/library/sepedi-p1-hl-june-2025-question-paper/fa2cf2ff-8300-45a4-8a8c-acdb5b17d9ef)

## About this document

Sepedi Hl · Grade 12 · Gauteng June Exam · 2025 · sepedi. Question paper, 12 pages. Read online or download the PDF.

Read it free online on the page above; download the PDF from there.

## Document text

Text extracted from the PDF. Layout, diagrams and tables may not survive extraction.

### Page 1

TLHAHLOBO YA GARE GA NGWAGA
        KREITI YA 12

         PHUPU 2025

     SEPEDI LELEME LA GAE (HL)

       LEPHEPHE LA PELE (P1)

                         MEPUTSO: 70

                         NAKO:       2 Diiri

                         Palomoka ya matlakala ke 12

                                                Phetla

### Page 2

SEPEDI LELEME LA GAE
                                   (LEPHEPHE LA PELE)                    GR12 0625   2

DITAELO LE TSHEDIMOŠO

1.   Lephephe le, le arotšwe ka DIKAROLO TŠE THARO, e lego YA A, YA B le YA C.

     KAROLO YA A: Tekatlhaologanyo                                (30)
     KAROLO YA B: Kakaketšo                                       (10)
     KAROLO YA C: Dibopego le melao ya tšhomišo ya polelo.        (30)

2.   Bala ditaelo KA MOKA ka tlhokomelo.

3.   Araba dipotšišo KA MOKA.

4.   Thoma KAROLO YE NNGWE LE YE NNGWE letlakaleng LE LEFSA.

5.   Thala mothalo morago ga KAROLO YE NNGWE le YE NNGWE.

6.   Dikarabo di nomorwe go swana le dipotšišo.

7.   Hlokomela mopeleto le tlhamo ya mafoko.

8.   Nako yeo e ukanywago ge go arabja lephephe le e ka ba ka tsela ye:

     KAROLO YA A: Metsotso ye e ka bago ye 50
     KAROLO YA B: Metsotso ye e ka bago ye 30
     KAROLO YA C: Metsotso ye e ka bago ye 40

9.   Ngwala ka bothakga le ka mongwalo wa go bonagala.

                                                                                     Phetla

### Page 3

SEPEDI LELEME LA GAE
                                      (LEPHEPHE LA PELE)                   GR12 0625     3

KAROLO YA A: TEKATLHAOLOGANYO

POTŠIŠO YA 1
1.1    Bala setšweletšwa sa ka tlase ka tsinkelo gore o tle o kgone go araba dipotšišo
       tša go latela.

SETŠWELETŠWA SA A

                KE GONA GE BA RE BA HLATSWA DIPENE?

1     Mafelelong a ngwaga wo mongwe le wo mongwe ka mo nageng ya Afrika
      Borwa barutwana ba marematlou ba ngwala ditlhahlobo tša
      makgaolakgang. Barutwana bao ba ngwalago ditlhahlobo tšeo ba na le
      setlwaedi sa gore ge ba fetša go ngwala tlhahlobo ya mafelelo ba itirela
      moletlwana wa go hlatswa dipene. Yona meletlwana yeo ke yona e                5
      tsenyago batswadi meetse matolong. Batswadi ba tšhošwa ke gore bana
      bona ba ka welwa ke kotsi ka ge ba tla be ba hlakane le ba bangwe ba
      maitshwaro a mabe gomme ba huetša bana ba bona. Barutwana ba re ba
      hlatswa dipene ka ge ba feditše ka sekolo. Ba ipotša maaka ka gore sekolo
      se segolo se thoma morago ga marematlou.                                     10

2     Mokgalabje Letsetse ke mohlolo yoo a godišitšego morwedi wa gagwe
      Tšhitelo le ka molao wo mobotse ebile wa go amogelega. Letsetse o ile a
      makala le go tšhoga ge a bona morwedi wa gagwe Tšhitelo a sa boye gae
      ka nako yeo e tlwaelegilego. Ge a re o a botšiša baagišani ba mo fetola ka
      gore bana ba marematlou ba na le moletlwana wa go hlatswa dipene. Seo        15
      sa mo tlaba kudu ka ge Tšhitelo a se a mmotša selo ka ga moletlwana woo
      goba go mo kgopela tšhelete. O ra tswala ruri! Letsetse o rile go bona go
      šegofetše, a napa a phatša leswiswi a tšama a nyakana le morwedi wa
      gagwe Tšhitelo. O be a tšama a tsena moo a kwago lešata la batho le
      mafelong a go rekiša le go nwela madila. Mafelo ka moka ao a tsenego go      20
      wona o be a hwetša e le baswa fela gomme bona ba enwa madila le go
      kgoga metšoko mola mmino le wona o llela godimo.

3     Mokgalabje Letsetse o rile go palelwa ke go hwetša morwedi ka boyena, a
      ya maphodiseng go yo bega gore morwedi wa gagwe ga a hwetšagale.
      Lephodisa leo le bego le thuša yo Letsetse le ile la thoma ka go mmotšiša    25
      gore morwedi wa gagwe o na le mengwaga ye mekae le gona ke nako ye
      kaakang a timeletše. Letsetse a araba gabotse ka gore Tšhitelo o na le
      mengwaga ye lesomešupa ebile o mmone la mafelelo ge a etšwa mesong
      a eya sekolong. Ba rile ba sa botšišana le go arabana, gwa lla mogala
      gomme lephodisa la araba. Morago ga go bea lekopelwana fase a laela          30
      mokgalabje Letsetse gore a dule gona moo o tla boya a mo hwetša. Ka
      nnete Letsetse o ile a šala.

                                                                                         Phetla

### Page 4

SEPEDI LELEME LA GAE
                                     (LEPHEPHE LA PELE)                    GR12 0625          4

4   Ka morago ga iri le seripa lephodisa le ile la boya le kgorometša sehlopha
    sa baswa bao ba bego ba apere diaparo tša dikolo tša go fapafapana.
    Dihempe tša bona di be di ngwadilwe ka mebala ya go fapana. Mokgalabje          35
    Letsetse ge a re mahlo tloga! A bona morwedi wa gagwe a bile a palelwa
    ke go sepela ka lebaka la go khora madila. Letsetse o rile ge a re o a
    mmatamela lephodisa la mo kgaphela thokwana. Mokgalabje wa Modimo
    o ile a makatšwa ke go bona morwedi wa gagwe a tagilwe mola yena a sa
    tsebe a e nwa bjala.                                                            40

5   Letsetse o ile a botšwa gore yo morwedi wa gagwe o bakile bothata bjo
    bogolo. Lephodisa le hlaloseditše Letsetse gore mogala wola wa kgapele
    o be o bega gore go na le moswa yo a hlabilwego ka thipa moletlwaneng
    wo o swarwetšego lepatlelong la dipapadi. Barutwana bao ba tlišitšwego
    mo setišing sa maphodisa ka moka ba be ba le gona fao moletlwaneng              45
    woo. Go kwagala gore moletlo wo o be o beakantšwe ke barutwana ba
    dikolo tša go fapana mola moetapele wa bona e le Tšhitelo, Tšhitelo
    ngwana wa go godišwa gabotse ka molao le go rutwa go tšhaba Modimo.
    Seo se ile sa dira gore Letsetse a ahlame kudu. A sa ahlame bjalo a botšwa
    gore masogana ao a bego a elwa, a be a baka yena Tšhitelo. Letsetse o           50
    rile ge a bolela a lebeletše morwedi wa gagwe a re “leihlo le tee le bekilwe
    ke selabi”. Ge a fetša go bolela bjalo a dula fase ka go felelwa ke maatla
    a bile a buša moya ga boima.

6   Go kwagala gore lesogana leo le hlabilwego ke leo le bego le ratana le
    Tšhitelo. Lona le hlabja ke leo le bego le rekela Tšhitelo dino le dijo moo     55
    moletlong. Ba sa theeleditše ke ge go kwagala molodi wa sellethekeng sa
    lephodisa. Morago ga go se araba le go fetša go bolela ka sona, lephodisa
    la hemela godimo. Monna wa molao o hweditše pego ya gore lesogana lela
    la go hlabja le hlokofetše. Letsetse o rile ge a bula molomo a re” Tšhite
    ngwanaka, gape wena o thola boreledi ka nnete. A re go bolela bjalo             60
    mokgalabje wa batho a napa a wela fase.

                                                                     [Mothopo: Boitlhamelo]

     1.1.1   Go tšwa DITEMANENG TŠA 1 le 2 tsopola:

             (a)   Lentšu leo le šupago gore go hlwa go dirwa bjalo.

             (b)   Mmolelwana wo o hlalošago gore batswadi ba a tšhoga

             (c)   Lentšu leo le bolelago gore monna wa go hlokofalelwa ke mosadi.            (3)

     1.1.2   Morago ga go bala TEMANA YA 1 efa ponelopele ya gago mabapi le
             barutwana bao go bolelwago ka bona temaneng ye. Efa dintlha TŠE
             PEDI fela.                                                                       (2)

     1.1.3   Akaretša TEMANA YA 2 ka dintlha TŠE PEDI.                                        (2)

                                                                                          Phetla

### Page 5

SEPEDI LELEME LA GAE
                               (LEPHEPHE LA PELE)                  GR12 0625       5

1.1.4   Na o dumela gore Letsetse e be e le motswadi wa mmakgonthe,
        hlokomelo le lerato. Efa bohlatse bja seo ka dintlha TŠE PEDI fela o
        lebeletše TEMANA YA BOBEDI le YA BORARO.                                    (2)

1.1.5   Ke ka lebaka le eng mokgalabje Letsetse a ile a makala kudu ge a bona
        Tšhitelo a tagilwe ke madila?                                               (1)

1.1.6   Go ya ka molaotheo wa Afrika Borwa wa tšhomišo ya madila le motsoko,
        go thwe motho a ka thoma go nwa le go kgoga a na le mengwaga ye
        mekae? O nagana gore ke ka labaka la eng go beilwe mengwaga yeo?            (2)

1.1.7   Ke thuto efe yeo batswadi le barutwana ba ka e hwetšago go tšwa
        setšweletšweng sa ka godimo? Efa dintlha TŠE PEDI.                          (2)

1.1.8   Ge o be o le molaodi wa lekgotla la mafelo a go rekiša madila o be o tla
        tšea magato afe ka batho bao ba rekišetšago bana ba ka tlase ga
        mengwaga yeo e beilwego madila? Efa dintlha TŠE PEDI                        (2)

1.1.9   Hlaloša tšhomišo ya diema tšeo di ntshofaditšwego.                          (2)

1.1.10 Na maikutlo a gago ke afe morago ga go bala TEMANA YA 6. Fahlela ka
       ntlha E TEE.                                                                 (2)

                                                                                   Phetla

### Page 6

SEPEDI LELEME LA GAE
                                    (LEPHEPHE LA PELE)                   GR12 0625    6

1.2   Lekodišiša seswantšho sa ka tlase gore o kgone go araba dipotšišo.

      SETŠWELETŠWA SA B

                                                  [Mothopo: www.google.co.za]

      1.2.1   Kgetha karabo ya maleba.

              SETŠWELETŠWA SA B se laetša …

              A   Banna le basadi ba le kgorong
              B   Masogana a go opela
              C   Bafsa ba le mabaleng a dipapadi
              D   Bafsa ba ba nwago mabjala                                            (1)

      1.2.2   Batho ba ba lego mo SETŠWELETŠWA SA B ba ka ntle goba ka gare ga
              ngwako? Fahlela karabo ya gago.                                          (1)

      1.2.3   Bapetša diteng tša SETŠWELETŠWA SA A TEMANA YA 4 le
              SETŠWELETŠWA SA B                                                        (2)

      1.2.4   Ke eng seo se re laetšago gore batho ba ba lego mo go
              SETŠWELETŠWA SA B e ka ba barutwana? Efa ntlha E TEE                     (1)

      1.2.5   Akanya kotsi yeo e ka welago batho ba ba lego go SETŠWELETŠWA
              SA B. Efa dintlha TŠE PEDI.                                              (2)

      1.2.6   Na o a dumela gore bafsa ba nwe bjala pele ba fihla go mengwaga yeo e
              beilwego? Fahlela karabo ya gago ka mabaka a MABEDI a go kwagala         (2)

      1.2.7   Na batswadi ba ka dira eng go fokotša mokgwa wo wa bafsa wa go nwa
              bjala pele nako ya maleba e fihla?                                       (1)
                                                     PALOMOKA YA KAROLO YA A:           30

                                                                                      Phetla

### Page 7

SEPEDI LELEME LA GAE
                                     (LEPHEPHE LA PELE)                    GR12 0625        7

KAROLO YA B: KAKARETŠO

POTŠISO YA 2

Bala setšweletšwa se se latelago ka tsinkelo gomme o se akaretše ka go ntšha
dikgopolokgolo tšeo di laetšago mešomo yeo e dirwago ke Kgoro ya tša Selegae ya Afrika
Borwa. Akaretša ka mantšu ao a sa fetego a 90.

ELA HLOKO:

1.   Kakaretšo ya gago e be le dintlha tše 7 gomme e se fete mantšu a 90.
2.   Ngwala ka tsela ya temana.
3.   Se ngwale hlogo ya kakaretšo.
4.   Bontšha palo ya mantšu mafelelong a kakaretšo.

SETŠWELETŠWA SA C

                    KGORO YA TŠA SELEGAE YA AFRIKA BORWA

Motho yo mongwe le yo mongwe yo e lego modudi wa Afrika Borwa o swanela go ba
lenaneong la badudi leo le swerwego ke Kgoro ya tša Selegae. Gape Kgoro ye e lego ka
fase ga taolo ya Ngaka Leon Amos Schreiber, e lebane le mešomo yeo e fapanego le gona
ye boima.
Ngwana yo a belegwago o direlwa lengwalo goba sona setifikeiti sa matswalo. Sona se dirwa
le go ntšhiwa ke yona Kgoro ye ya Selegae. Lengwalo goba sona setifikeiti seo se tla se na
le nomoro ya boitsebišo yeo e lego moswananoši go motho yo mongwe le yo mongwe.
Modudi yo a nago le mengwaga ye lesometshela gomme a le gona lenaneong la badudi, o
ya Kgorong ya Selegae go yo dira kgopelo ya karata ya boitsebišo. Ba Kgoro ya Selegae ba
tla mo thuša gomme a hwetša karata ya gagwe ntle le go hlaka. Bothata bja dikantoro tša
bona ke methaladi ye metelele fela, eupša thušo yona e gona.
Batho bao ba nyalanago ge ba nyaka gore lenyalo la bona le be la semolao ba ya go le
ngwadiša gona moo Kgorong ye ya Ngaka Leon Amos Schreiber. Bona ba a sainišwa
bobebdi bja bona gomme ba fiwa lengwalo goba setifikeiti sa lenyalo la bona. Ge motho a
ka hlokofala, go iwa go yona Kgoro ye ya Selegae go yo bega lehu leo ka ditokomane ka
moka tšeo di nyakegago gomme bona ba dira setifikeiti sa lehu ba fa bao ba tlilego go bega
lehu leo. Mohu o napile o tlošwa lenaneong la badudi o išwa go la bahu.
Bao ba nyakago go etela dinaga tša ntle, ba swanela go yo dira kgopelo ya go fiwa tumelelo
ya go tšwa ka mo nageng semolao, Kgoro ya Selegae e ba direla phasepoto gomme ba ya
go eta moo ba ratago gona ntle le ditšhitišo.
Go na le batho bao ba rego bona ba ngwadišitšwe ka difane tšeo e sego tša maleba. Kgoro
ya Selegae e ba dumelela go fetolela difane go tša batswadi goba motswadi wa kgetho ya
bona.
Badudi ba dinaga di šele ge ba tlile ka mo nageng ya Afrika Borwa ka mošomo ebile ba na
le tumelelo ya semolao, Kgoro ye e ba direla mangwalo a nakwana a bodudi gore ba se
boetšwe mo ba tšwago mošomo wo ba o tletšego o se wa phethagala.
                                               [Mothopo: Boitlhamelo bja go ba le dinyakišišo]

                                                     PALOMOKA YA KAROLO YA B:                    10

                                                                                           Phetla

### Page 8

SEPEDI LELEME LA GAE
                                     (LEPHEPHE LA PELE)                      GR12 0625     8

KAROLO YA C: DIBOPEGO LE MELAO YA TŠHOMIŠO YA POLELO

   Dithekniki tša papatšo le khathune.
   Tlotlontšu le tšhomišo ya polelo.
   Dibopego tša lefoko.
   Temogo ya tšhomišo ya polelo ka tsinkelo.
POTŠIŠO YA 3: PAPATŠO

Lebeledišiša papatšo ye ya ka tlase gore o tle o kgone go laetša mabokgoni a
tlhathollo ya ditšweletšwa tša go balwa le go bogelwa ka go araba dipotšišo.

SETŠWELETŠWA SA D

                           KHUTŠIŠA MMELE FODIŠA MOYA
               KHUTŠIŠA MMELE, MOGOPOLO LE MOYA LEFELONG LA
                              MAIKHUTŠO LA LAPOLOGA.
         Lefela matšatši a mabedi re go fa le le TEE mahala.
         Boithabišo, go thuntha, go šidullwa mmele…

         Go dumelelwa fela ba mengwaga ye masomepeditee le go feta, bana ga
         ba nyakege!
                                  [Mothopo: five star hotels - Search Images (bing.com)]

                                                                                           Phetla

### Page 9

SEPEDI LELEME LA GAE
                                      (LEPHEPHE LA PELE)                      GR12 0625   9

3.1   Kgetha karabo ya maleba

      Papatšong ye go bapatšwa:

      A   Matangwana a meetse
      B   Meago ya maemo a godimo
      C   Lefelo la boikhutšo
      D   Hotele ye botse                                                                  (1)

3.2   Papatšo ye e lebišitšwe go sehlopha sefe sa batho?                                   (1)

3.3   Ka ntlha E TEE hlaloša ka moo mmapatši a jabetšago bareki ka gona papatšong
      ya ka godimo.                                                                        (1)

3.4   Efa tšhomišo ya maswaodikga a a laletago mo papatšong ye.

      3.4.1 …                                                                              (1)

      3.4.2 !                                                                              (1)

3.5   Ke tshedimošo efe yeo e tlogetšwego papatšong ye? Efa dintlha TŠE PEDI.              (2)

3.6   Ngwala lefoko le le latelago ka kganetšo le ka lebaka le le fetilego.

      Go dumelelwa fela ba mengwega ye masomepeditee.                                      (2)

3.7   Na mmapatši o kgonne go goga šedi ya bareki? Fahlela ka ntlha E TEE.                 (1)
                                                                                          [10]

                                                                                          Phetla

### Page 10

SEPEDI LELEME LA GAE
                                     (LEPHEPHE LA PELE)                  GR12 0625     10

POTŠIŠO YA 4: KHATHUNI

Lebeledišiša khathuni ye ya ka tlase gore o tle o kgone go laetša mabokgoni a
tlhathollo ya ditšweletšwa tša go balwa le go bogelwa ka go araba dipotšišo.

SETŠWELETŠWA SA E

                     B        Ke basetsana fela ba           Ntsholeleng gape
                              nyakago go solelwa.            hle! Nna ga se ka
                                                             khora.
                                                        A

                                                     [MOTHOPO: ITHUTE SEGAGENO]

4.1   Kgetha karabo ya maleba. Tiragalo ye ya ka godimo e diragala …

      A Kerekeng
      B Sekolong
      C Phakeng
      D Lebenkeleng                                                                     (1)

4.2   Ngwala sekafoko seo se laetšago kgethologanyo go tšwa khathuning ya ka
      godimo o be o fe le mohuta wa kgethologanyo yeo.                                  (2)

4.3   Laetša phaphano gare ga podula ya A le B                                          (2)

4.4   Efa leadingwa la sedirišwa seo go tšhelwago seno go sona o be o le šomiše
      lefokong la go kwagala.                                                           (2)

4.5   Re alele molaetša wo o tšweletšwago ke kathuni ya ka godimo.                      (1)

4.6   Tšweletša maikutlo a lesogana leo le swerego dijo o lebeletše ditho tša mmele.
      Fahlela karabo ya gago ka lebaka la go kwagala.                                   (2)
                                                                                       [10]

                                                                                       Phetla

### Page 11

SEPEDI LELEME LA GAE
                                     (LEPHEPHE LA PELE)                    GR12 0625        11

POTŠIŠO YA 5

Badišiša setšweletšwa se sa ka tlase gore o kgone go laetša mabokgoni a kwešišo ya
dipopego le melao ya tšhomišo ya polelo.

SETŠWELETŠWA SA F

                                 BOPHELO BJA BAFSA

Morake      : A!a!a! Tšeo re di kwelego lehono ka phaphošing di ntšhošitše go fetišiša.

Morokwane : Eya kua wena, gape ke go tseba o le bjalo, molomo o phela o tshela noka e
            tletše.

Morake      : Theetša hle. Mosetsana yola ba rego ke Nteseng wa go dula Mshenguville o
              a mo tseba?

Morokwane : Ooo! Yola ga go motho yo a sa mo tsebego. Akere o dira meriri e mefsa ya
            go lekelela go fihla mokokotlong kgwedi ka kgwedi.

Morake      : Hm! Go di bolela ke go kwa mpa mokhoro. Gape o re yena o sa tlo dira bana
              ka gore o a ba golela le gona ga a nyake go ipona a tšhonne bophelong bja
              gagwe.

Morokwane : Ga se yena a nnoši! Go na le sehlotswana sa basetsana seo se hlwago se
            kgantšha taba ye ya motente.

Morake      : Ke hweditše ke mo nyatša kudu ke lebeletše gore o tlile go feletša kae ka
              bophelo bjoo bja gagwe, gona ge mmušo o ka fetola monagano wa go lefela
              ngwana o tee, go tlo diregang ka yena?

Morokwane : Nna ke mosetsana eupša ke ipoditše gore ditaba tša mohuta woo ga di nyake
            rena ba go nkga mekgatho. Ke nyaka go ipona ke swana le Mam Beauty ge
            ke fetša sekolo.

Morake      : Eyaeye! O tloga o na le ponelopele. Mam Beauty o a ikwešiša, ga o bone a
              otlela sebaibai sa mohuta wola.

Morokwane : Ee, ke phela ke mo lebeletše ebile ke kgahlwa le ke gore le go ruta o a ruta.

Morake      : (Ka bohloko) Bonteseng gape ke ba le ba rego ke bo ngwana llela nakana ya
              mokhura…

Morokwane : Nnaena le ge ba ka re motente ke R1000-00, nkase tsoge ke dirile ngwana.
            Bophelo bja ka bo tla pele
                                                   [Mothopo:(Via Afrika) Sepedi Polelo ya Gae]

                                                                                            Phetla

### Page 12

SEPEDI LELEME LA GAE
                                      (LEPHEPHE LA PELE)                  GR12 0625      12

5.1   Go tšwa polelong ya pele ya Morake tšweletša lelahlelwa o be o hlaloše tirišo ya
      lona.                                                                               (2)

5.2   Dinoko tše di ntshofaditšwego di tšweletša mehuta efe ya madiri?                    (2)

5.3   Ngwalolla lefoko la ka tlase ka polelotharedi.

      Morokwane o re “Eya kua wena, gape molomo o tshela noka e tletše”.                  (2)

5.4   Ngwala lehlalošagotee la lentšu le ‘motente’ o be o le šomiše lefokong la go
      kwagala.                                                                            (2)

5.5   Tšweletša sekafoko seo se nago le leba o be o fe le mohuta wa leba leo.             (2)
                                                                                         [10]

                                                       PALOMOKA YA KAROLO YA C:           30

                                                        PALOMOKA YA TLHAHLOBO:            70

                                                                                     BOFELO

## Related documents

- [Sepedi (HL) June 2025 Possible Answers](https://www.hlayiso.com/library/sepedi-hl-june-2025-possible-answers/b62e3e2c-c7f8-4660-b96f-bd9ab7e48039) — Sepedi HL · Memo · 2025 · Sepedi
- [Sepedi HL P1 May-June 2025 MG](https://www.hlayiso.com/library/sepedi-hl-p1-may-june-2025-mg/24e7e49f-6ff0-4ed7-85d1-32645e145c62) — Sepedi HL · Memo · 2025 · Sepedi
- [Sepedi HL P1 Nov 2025 MG](https://www.hlayiso.com/library/grade-12-sepedi-hl-2025-nsc-november-exam-memorandum-paper-1-sepedi/63741d50-f994-4b99-b545-caebbee9c356) — Sepedi HL · Memo · 2025 · Sepedi
- [Sepedi HL P1 Nov 2025 MG](https://www.hlayiso.com/library/grade-12-sepedi-hl-2025-nsc-november-exam-question-paper-paper-1-sepedi/13519b8e-62d0-4aca-8393-8c41472296c3) — Sepedi HL · Memo · 2025 · Sepedi
- [Sepedi HL P1 Nov 2024](https://www.hlayiso.com/library/sepedi-hl-p1-nov-2024/5ec4cd49-d894-4cd1-aea0-ba78ac88b31b) — Sepedi HL · QP · 2024 · Sepedi
- [Sepedi HL P1 May-June 2024](https://www.hlayiso.com/library/grade-12-sepedi-hl-2024-nsc-june-exam-question-paper-paper-1-sepedi/3dfbc738-c7ce-4979-880e-544b517be1d3) — Sepedi HL · QP · 2024 · Sepedi

## More from Grade 12 Sepedi HL

- [Gr 12 Sepedi HL ATP 2023-24](https://www.hlayiso.com/library/gr-12-sepedi-hl-atp-2023-24/1d473445-7b9b-4f2f-bcf4-e68f07348426) — ATP
- [Sepedi HL P2 May-June 2025 MG](https://www.hlayiso.com/library/sepedi-hl-p2-may-june-2025-mg/8de1c8ca-6ec0-4c3e-8a6f-601a6bff4495) — Memo · 2025 · Sepedi
- [Sepedi HL P3 May-June 2025 MG](https://www.hlayiso.com/library/sepedi-hl-p3-may-june-2025-mg/55af0e4f-fc29-4491-bf04-fcec9e0e05d4) — Memo · 2025 · Sepedi
- [Sepedi HL P2 Nov 2025 MG](https://www.hlayiso.com/library/grade-12-sepedi-hl-2025-nsc-november-exam-memorandum-paper-2-sepedi/febe2313-2a97-4a6a-9bdb-f1b936a9e648) — Memo · 2025 · Sepedi
- [Sepedi HL P3 Nov 2025 MG](https://www.hlayiso.com/library/grade-12-sepedi-hl-2025-nsc-november-exam-memorandum-paper-3-sepedi/f71b50bf-1152-41cf-9225-618078e26499) — Memo · 2025 · Sepedi
- [Sepedi HL P2 Nov 2024 MG](https://www.hlayiso.com/library/sepedi-hl-p2-nov-2024-mg/f49e27b2-6d67-4766-8011-8a2d952a070b) — Memo · 2024 · Sepedi

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
