# Sesotho FAL Grade 12 P1 NSC November 2015 Question Paper

> Grade 12 Sesotho FAL Paper 1 question paper from the NSC November Exam 2015, 11 pages. Read online or get the free PDF download, memo linked when available.

- Page: https://www.hlayiso.com/library/sesotho-fal-p1-nov-2015/f62870be-fe2c-4426-8f37-bd634db1f897
- Updated: 2026-09-27
- Subject: Sesotho FAL
- Grade: Grade 12
- Language: Sesotho
- Document type: Question paper
- Year: 2015
- Exam period: NSC November Exam
- Paper: 1
- Curriculum: CAPS
- Pages: 11

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Sesotho FAL](https://www.hlayiso.com/library/grade-12/sesotho-fal) › [Sesotho FAL Grade 12 P1 NSC November 2015 Question Paper](https://www.hlayiso.com/library/sesotho-fal-p1-nov-2015/f62870be-fe2c-4426-8f37-bd634db1f897)

## About this document

Sesotho Fal · Grade 12 · NSC November Exam · 2015 · sesotho. Question paper, 11 pages. Read online or download the PDF.

Read it free online on the page above; download the PDF from there.

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                        NATIONAL
                                   SENIOR CERTIFICATE

                                           KEREITE YA 12

                  SESOTHO PUO YA TLATSETSO YA PELE (FAL)

                                    PAMPIRI YA PELE (P1)

                                      PUDUNGWANA 2015

MATSHWAO: 80

NAKO: Dihora tse 2

                               Pampiri ena e na le maqephe a 11.

Difuperweng tsa pampiri ena di se sebediswe ntle ho tumello        Phetla

### Page 2

Downloaded from hlayiso.com
Sesotho Puo ya Tlatsetso ya Pele (FAL)/P1          2                 DBE/Pudungwana 2015
                                                  NSC

DITAELO HO MOHLAHLOBUWA

1.        Pampiri ena e arotswe DIKAROLO TSE THARO, e leng:

          KAROLO YA A:          Tekokutlwisiso                (30)
          KAROLO YA B:          Kgutsufatso                   (10)
          KAROLO YA C:          Tshebediso ya puo             (40)

2.        Araba dipotso TSOHLE.

3.        Qala KAROLO E NNGWE le E NNGWE leqepheng LE LETJHA.

4.        Seha mola qetellong ya KAROLO E NNGWE le E NNGWE.

5.        Nomora dikarabo tsa hao feela jwalo ka ha dipotso di nomorilwe pampiring ya
          dipotso.

6.        Tlola mola dipakeng tsa dikarabo tsa hao.

7.        Tsepamisa maikutlo haholo mopeletong le popong ya dipolelo tse
          nepahetseng.

8.        O eletswa ho sebedisa nako ya hao tjena:

          KAROLO YA A:          Metsotso e 50
          KAROLO YA B:          Metsotso e 30
          KAROLO YA C:          Metsotso e 40

9.        Ngola ka mongolo o makgethe, mme o balehang.

Difuperweng tsa pampiri ena di se sebediswe ntle ho tumello                       Phetla

### Page 3

Downloaded from hlayiso.com
Sesotho Puo ya Tlatsetso ya Pele (FAL)/P1          3                DBE/Pudungwana 2015
                                                  NSC

KAROLO YA A: TEKOKUTLWISISO

Karolong ena o fuwe mefuta e mmedi ya ditema. Bala le ho boha tema E NNGWE le E
NNGWE, araba ka lentswe le LE LENG feela moo ho hlokehang, ntle le haeba potso
e hloka tlhaloso kapa karabo e teletsana.

POTSO YA 1

Bala tema ena e latelang ka hloko, e be o araba dipotso tse hlahang tlasa yona.

TEMA YA A

MODISE:           Ke thabetse ho tla ha hao ngwanaka. Monna Motsielwa, ha ke batle
                  ho nna ke potoloha. Ke rata ho toba taba ena ya hao le Matshediso
                  pele re qala ka mosebetsi wa letsatsi. (O a tholathola, a shebile
                  monyako.) A ko buse mati leo monna, esere hlokwana la tsela la
                  tshwana le feta, mme la loma tsebe bao re buang ka bona. 5
                  (Motsielwa o a ema, o kwala lemati, a nto dula fatshe hape.) O
                  mamele hantle, Motsielwa, o nkutlwisise esere wa tloha wa nkahlola
                  hosane, wa re keletso tsa ka di ne di o lahlele selomong.

MOTSIELWA: Ke mametse ntate, mme ke thabela keletso tsa hao mabapi le
           morusu ona.                                                10

MODISE:           Ke hantle monna. O se ke wa nkgenela le teng ha ke o bitsa
                  Motsielwa, ke sa re 'Mr Mokgothu.' (Ba a tsheha.)

MOTSIELWA: Tjhe, tjhe, tjhe, o ka nna wa mpitsa …

MODISE:           Nna monna lebitso lena ke ne ke le tlwaele o sa le poropotlwana. E
                  ke ke ya re ke tswetse mora, ka boela ka mmitsa 'Mr So and So', 15
                  leha a badile dibuka tse thibang letsatsi tsa boShakespeare. (Ba
                  boela ba qaboha.)

MOTSIELWA: Mpitse feela kamoo o ratang kateng ntate Modise. Ha ho phoso ya
           letho moo.

MODISE:           (Ka mora motsotswana.) Motsielwa ngwanaka, ke rata ha o ka 20
                  mphuthullela maikutlo a hao. O se tshabe letho, o se mpatele letho.
                  (O tjhesa peipi, mme o hula mesi e mmedi kapa e meraro.) Re
                  ntshana se inong le ntatao. Ha re dule fatshe jwalo ka metswalle,
                  feela o se be le tshabo ya hore mohlomong ke tla mo tsipela ho
                  hong ka kopano ena. (O tholathola hape, a ntse a kentse Motsielwa 25
                  mahlo.) Tse ngata ke se ke di utlwile batswading ba hao. Ha ke a
                  ikemisetsa ho dumellana le bona kapa le wena … empa ke tla latela
                  seo maikutlo a ka a mpolellang hore se lokile. Na o rata
                  Matshediso?

MOTSIELWA: Ke … ke … ha ke mo rate ntate …                                           30

Difuperweng tsa pampiri ena di se sebediswe ntle ho tumello                       Phetla

### Page 4

Downloaded from hlayiso.com
Sesotho Puo ya Tlatsetso ya Pele (FAL)/P1          4                            DBE/Pudungwana 2015
                                                  NSC

MODISE:           O a belaela monna kapa ke fositse?

MOTSIELWA: E hlile ke a belaela ho bua nnete feela ntate. Mabaka a mpelaetsang
           a teng. Matshediso ke ne ke mo rata ka pelo yohle ya ka.
           Twantshano di bile teng mahareng a rona. Ha di a ka tsa mphedisa
           pelo hobane tsona ke ngwetsi ya malapa ohle. Ke lemohile ha nako 35
           e ntse e ya hore tse ding tsa dintho a ke ke a hlola a di tlohela, mme
           di tla nne di qhale nyalo la rona qetellong. Ha se hakaalo booki bo
           bakileng taba ena. (O a tholathola, a ntse a tjametse mosuwe
           Modise ka mahlong.)

MODISE:           Ke itse o ntshe maikutlo a hao Motsielwa, o hlohlore se o 40
                  kgathatsang ngwanaka. Phuthuloha ke hona, o ikimolle mojaro oo
                  pelo ya hao e o jarisitsweng …

MOTSIELWA: Ntate Modise, bomme ba ile ba tata haholo ho ya nkopela
           ngwanana eo. Ha ba a ka ba mpha sebaka sa ho mmontsha tsela e
           lokileng. Ke ne ke hopotse hore ha a ka ya sekolong lemo tse pedi, 45
           o tla kgutla a fetohile. Feela le yena o hanne le ha a se a tseba hore
           o kopilwe yaba o a fetella. O ne a tseba hantle hore leha nna nka
           fetola maikutlo le maikemisetso a ka, batswadi ba ka ba mo
           tsheheditse, ba batla yena qha! Haholoholo mme. (O a tholathola, a
           shebile fatshe seka motho ya swabileng.) Ke tseba hantle hore 50
           batswadi ba ka ba mo rata haholo, empa nna ho hang ha ke sa
           ikemiseditse ntate Modise. Le ha ba ka re ke ntja-ya-seloma-
           mokgoki kapa yona nta-selomela-kobong, ha ho sa na taba.

MODISE:           Monna Motsielwa, mmao taba ena e mo kopantse hlooho, mme ha a
                  batle ho utlwa letho. Le wena sena o se tseba hantle.         55

MOTSIELWA: Hoja ba ne ba ka ipha nako, ba ne ba tla tseba hore le nna ha e
           ntjese ditheohelang hobane jwale e se eka ha re tshepahale, re
           bakwenehi mahlong a ba ha Maisa. Jwale le teng ho tla nthusang ho
           nyala motho eo ke sa mo rateng? Na e tla ba hantle hore ka moso
           ke sotlane le moya wa motho? Le teng na ho tla ba hotle ha re se re 60
           hlaha dipampiring, e le hore re qhala lenyalo la rona, le hona ka seo
           re se elelletsweng e sa le ka nako? (O tholathola eka o emetse
           karabo.)

                                    [E qotsitswe le ho lokiswa ho tswa bukeng ya Leha le ka Ntahla]

1.1       Ke lentswe lefe moleng wa 10 le bolelang 'moferefere'?                                          (1)

1.2       Ke ketsahalo efe temeng e re bontshang hore ditaba tsa Modise le Motsielwa
          ke tsa bohlokwa haholo? Sheba mola wa 1–5.                                                      (1)

1.3       Meleng ya 1–5 mongodi o sebedisitse mantswe afe bakeng sa 'bobare'?                             (1)

1.4       Meleng ya 14–16 ke mantswe afe a re tsebisang hore Motsielwa o rutehile
          haholo?                                                                                         (1)

Difuperweng tsa pampiri ena di se sebediswe ntle ho tumello                                      Phetla

### Page 5

Downloaded from hlayiso.com
Sesotho Puo ya Tlatsetso ya Pele (FAL)/P1          5                DBE/Pudungwana 2015
                                                  NSC

1.5       Bolela kamano e teng pakeng tsa mme wa Motsielwa le Matshediso.
          Nehelana ka lebaka la karabo ya hao.                                              (2)

1.6       Fana ka ntlha E LE NNGWE e totobatsang ho se tshwane pakeng tsa Modise
          le batswadi ba Motsielwa, tabeng e bakileng bothata temeng.                       (2)

1.7       Nehelana ka mabaka A MABEDI ao Motsielwa a reng ke ona a etsang hore a
          kwenehele Matshediso.                                                             (2)

1.8       Mantswe a latelang a ntate Modise, a re tsebisa eng ka yena?

          Ha ke a ikemisetsa ho dumellana le bona kapa le wena … empa ke tla latela
          seo maikutlo a ka a mpolellang hore se lokile.                                    (2)

1.9       Moleng wa 35, Motsielwa o bolelang ha a re, 'tsona ke ngwetsi ya
          malapa ohle'?                                                                     (2)

1.10      Ke mantswe afe a Motsielwa a re tsebisang hore taba ya hae le Matshediso
          e mo tshwenya haholo? (Sheba mela 56–57)                                          (2)

1.11      Ha ho ne ho ka etsahala hore Motsielwa a nyale Matshediso, mme ebe ba a
          hlalana, o nahana hore ke lebaka lefe le neng le ka etsa hore tlhalano eo ya
          bona e hlahe dipampiring/dikoranteng? (Sheba mola 60–62)

          Kgetha karabo e nepahetseng (A–D).

          A       La hore Motsielwa e ne e le ngwana morui.
          B       La hore Motsielwa o ne a rutehile haholo.
          C       La hore ntatae e ne e le motswalle wa Modise.
          D       La hore Motsielwa e ne e tla be e le mokgwenyana wa Maisa.                (2)

1.12      Bolela hore polelo e latelang ke Nnete kapa Mafosi, o tiise karabo ya hao
          ka lebaka.

          Motsielwa e ne e le tlelereke sekolong sa habo.                                   (2)

1.13      Ditaba tsa tema ena di dumellana jwang le mohopolo wa botho?                      (2)

1.14      Na o dumellana le ketso ya Modise ya ho ikenya ditabeng tsa Motsielwa le
          Matshediso? Tshehetsa karabo ya hao ka lebaka.                                    (2)

Difuperweng tsa pampiri ena di se sebediswe ntle ho tumello                        Phetla

### Page 6

Downloaded from hlayiso.com
Sesotho Puo ya Tlatsetso ya Pele (FAL)/P1          6                             DBE/Pudungwana 2015
                                                  NSC

TEMA YA B

Boha tema e latelang, ebe o araba dipotso tse tla e latela.

                                            X

                                                                             Y

                                   [E qotsitswe le ho lokiswa ho tswa bukeng ya Melts Readers]

1.15      Bolela ntho E LE NNGWE e etswang ke mme ya tshwailweng X
          setshwantshong se ka hodimo.                                                                    (1)

1.16      Ke sefe se bontshang hore pitsa e setshwantshong e a tjhesa?                                    (1)

1.17      Hlwaya dintho TSE PEDI tse totobatsang kgethollo setshwantshong.                                (2)

1.18      Molaetsa o fuperweng ke setshwantsho se ka hodimo ke ofe?                                       (2)

                                                      MATSHWAO OHLE A KAROLO YA A:                        30

Difuperweng tsa pampiri ena di se sebediswe ntle ho tumello                                      Phetla

### Page 7

Downloaded from hlayiso.com
Sesotho Puo ya Tlatsetso ya Pele (FAL)/P1          7                           DBE/Pudungwana 2015
                                                  NSC

KAROLO YA B: KGUTSUFATSO

POTSO YA 2

Bala ditaba tsa tema e latelang, ebe o di kgutsufatsa ka ho ngola dintlha TSE
SUPILENG, tse bontshang kamoo Boikwetliso e ka bang sesosa sa bothata kateng.

DITAELO

1.        Ngola dipolelo tse SUPILENG, tse phethahetseng. Mantswe e be A SA
          FETENG a 70.
2.        Nomora dipolelo tsa hao ho tloha ho 1 ho ya ho 7.
3.        Ngola ntlha E LE NNGWE feela polelong ka nngwe.
4.        Ngola ka mantswe A HAO.
5.        Qetellong ya kgutsufatso ya hao, bontsha palo ya mantswe ao o a
          sebedisitseng ka masakaneng.

TEMA YA C

                    BOIKWETLISO KE BONA SESOSA SA BOTHATA

Ha e be o iphapanya boikwetliso, ditaba tse tla o thabisa ke tsena: Boikwetliso bo
bodisa meno.

Diphuputso di bontshitse hore boramabelo bao e seng ba porofeshenale, ba na le
meno a mabe ho feta a batho ba sa ikwetliseng. Ha mofuta wa papadi o batla
boikwetliso bo bongata, dibapadi tsa yona hangata di ba le meno a bodileng, a
kgenohileng kapa a katilweng. Ha se dinomaphodi tse tswekere tse bakang bothata
empa ho bonahala boikwetliso e hlile e le sona sesosa sa bothata.

Ho nahanwa hore boikwetliso bo matla bo etsa hore meno a foforehe ka ha bo fetola
dikhemikhale tsa mathe. Tlhokomediso e etsuwa ke bafuputsi ba Majeremane, ba ileng
ba bapisa boramabelo ba 35 bao e seng baporofeshenale le batho ba 35 ba sa
ikwetliseng. Papiso e ne e thehilwe hodima tlhokomelo ya lehano, ditlwaelo tsa ho
ikwetlisa le dijo. Diphuputso di ile tsa bontsha hore batho ba sa ikwetliseng, ba na le
meno a matle ho feta ba ikwetlisang.

Boramabelo ba 15 ba ile ba mathiswa lebaleng la dipapadi, mme yaba mathe a bona a
a hlahlojwa. Ha fumanwa hore pele ba matha mathe a bona a ne a itshwanela le a
batho ba sa ikwetliseng empa ka mora ho matha, ha fumanwa hore mathe a bona a ne
a na le letswai le lengatanyana.

Cornelia Frese, mofuputsi wa Sepetlele sa Yunivesithi ya Heidelberg, o re mathe a
letswai haholo a ka etsa hore meno a se sireletsehe yaba hoo ho a a senya.

        [E qotsitswe ya fetolelwa le ho lokiswa ho tswa koranteng ya Sunday Times, Pherekgong, 2015]

                                                      MATSHWAO OHLE A KAROLO YA B:                       10

Difuperweng tsa pampiri ena di se sebediswe ntle ho tumello                                     Phetla

### Page 8

Downloaded from hlayiso.com
Sesotho Puo ya Tlatsetso ya Pele (FAL)/P1          8                            DBE/Pudungwana 2015
                                                  NSC

KAROLO YA C: TSHEBEDISO YA PUO

POTSO YA 3

Bala papatso e latelang, e be o araba dipotso tsa manollo ya setshwantsho le
tshebediso ya puo.

TEMA YA D

                              [E qotsitswe le ho lokiswa ho tswa www.Fladzila.com/Burger King]

3.1       Bolela bohlokwa ba polelo e latelang papatsong ena.
          'Loma hang o kgore letsheare lohle.'                                                            (1)

3.2       Bolela ntho E LE NNGWE e etsang hore sehlahiswa sena se be monate.                              (1)

3.3       Hobaneng ha mmapatsi a sebedisitse burger TSE PEDI tse sa tshwaneng
          papatsong ee?                                                                                   (2)

3.4       Mantswe ana, 'e rothisang mathe' a o thusa jwang ho utlwisisa molaetsa wa
          morekisi papatsong ee?                                                                          (2)

3.5       Polelo ee, 'morena wa diburger' e bolelang? Kgetha karabo e nepahetseng
          ho tse latelang.

          A       Burger e nyane haholo.
          B       Burger e tenya haholo.
          C       Burger e kgolohaholo.
          D       Burger e tshesane haholo.                                                               (2)

3.6       Na mantswe a latelang a ka susumetsa bareki ho reka sehlahiswa see?
          Nehelana ka lebaka la karabo ya hao.

          'Burger ya sebele.'                                                                             (2)
                                                                                                          [10]

Difuperweng tsa pampiri ena di se sebediswe ntle ho tumello                                      Phetla

### Page 9

Downloaded from hlayiso.com
Sesotho Puo ya Tlatsetso ya Pele (FAL)/P1          9                           DBE/Pudungwana 2015
                                                  NSC

POTSO YA 4

Bala ditaba tsa khathunu ena e latelang, o ntano araba dipotso tse tla e latela.

TEMA YA E

                                             Le kajeno o ntse o …
                 Ntate!

                     [E qotsitswe le ho lokiswa ho tswa koranteng ya Sunday World, Phupu 2013]

4.1       Bolela ntho E LE NNGWE e etsahalang setshwantshong se ka hodimo.                                (1)

4.2       29% e khathunung e emetseng?                                                                    (1)

4.3       Bolela ditlamorao TSE PEDI tse bosula, tse ka tliswang ke maemo ao
          mokganni a leng ho ona.                                                                         (2)

4.4       Maikutlo a totobatswang ke sefahleho le matsoho a ngwanana ke afe?                              (2)

4.5       Ho ya ka khathunu ee, kamano ke efe pakeng tsa mokganni le koloi eo a e
          kgannang?                                                                                       (2)

4.6       Ke thuto efe e fuperweng ke khathunu?                                                           (2)
                                                                                                          [10]

Difuperweng tsa pampiri ena di se sebediswe ntle ho tumello                                      Phetla

### Page 10

Downloaded from hlayiso.com
Sesotho Puo ya Tlatsetso ya Pele (FAL)/P1          10                            DBE/Pudungwana 2015
                                                  NSC

POTSO YA 5

5.1       Bala ditaba tsa temana ena, o ntano araba dipotso tse tla e latela.

          TEMA YA F

          Tlatsa dikgeo ka mantswe a nepahetseng, a fang seratswana sena moelelo o
          phethahetseng. Ithuse ka mantswe a ka masakaneng. Nomora karabo e
          nepahetseng feela (5.1.1–5.1.8).

                    THIBELO YA DITHETHEFATSI SEBAKENG SA TSHEBETSO

          1           Ditlamorao tsa tshebediso ya dithethefatsi le jwala nakong ya
                      tshebetso di ka theola sekgahla sa tlhahiso 5.1.1 ... (-holo). Hona
                      ho eketsa diphoso tshebetsong ebile ho baka bolofa ba
                      basebeletsi 5.1.2 ... (mosebetsi) ntle le mabaka a utlwahalang
                      hammoho le 5.1.3 ... (lemala) tse ngata tse sa hlokahaleng.         5

          2           Mehato e ka thusang ho fokotsa bothata bona ke ena e latelang;
                      ho etswe molaotheo o mabapi le thibelo ya dithethefatsi
                      sebakeng sa tshebetso, mme o ngolwe fatshe, le se tla etswa ha
                      mosebeletsi a tlotse molao oo. Ho hlake hore ke dithethefatsi
                      dife tse sa batleheng. Ba boele ba 5.1.4 ... (jwetsa) hore ho tla 10
                      dula ho etswa diteko ho mosebeletsi e mong le e mong nako le
                      nako.

          3           Ho kwetliswe baokamedi ba basebeletsi hore ba tsebe ho hlwaya
                      le ho sebetsana le ba molato, le ba 5.1.5 ... (lwana) ha ba tobuwa
                      ka hore ba sebedisitse dithethefatsi mosebetsing. Kwetliso e 15
                      kenyeletse le hore ba rutwe ho boloka seriti sa khampani.

          4           Ho ka boela ha mengwa 5.1.6 ... (tseba) tsa dithethefatsi di tlo
                      bua le ho araba dipotso tsa basebeletsi. Tlhabollo ya bona e
                      etswe ke motho ya tswang ka ntle ho khampani. A e etsetse
                      sebakeng 5.1.7 ... hae. Ba fuwe matsatsi a phomolo nakong ya 20
                      tlhabollo ya 5.1.8 ... (ona).
                       [E qotsitswe le ho lokiswa botjha/fetolelwa ho tswa ho Succeed Hlakola, 2010]        (8)

          5.1.9       Fetolela polelo e ntshofaditsweng ho lekgathelejwale e moleng
                      wa 8–9.                                                                               (2)

          5.1.10      Sebedisa lentswe le latelang polelong ya hao ka moelelo o
                      fapaneng le o moleng wa 13.

                      Tsebe.                                                                                (2)

          5.1.11      Ngola polelo e latelang hape empa o se o e qala ka lentswe
                      le ntshofaditsweng.

                      'Basebeletsi      ba     sebedisitseng       dithethefatsi     ba     lwantsha
                      baokamedi.'                                                                           (2)

Difuperweng tsa pampiri ena di se sebediswe ntle ho tumello                                        Phetla

### Page 11

Downloaded from hlayiso.com
Sesotho Puo ya Tlatsetso ya Pele (FAL)/P1           11                           DBE/Pudungwana 2015
                                                   NSC

5.2       Boha setshwantsho se latelang, o nto araba dipotso tse thehilweng hodima
          sona.

          TEMA YA G

                      Etsa bonnete               Atjhe! E se ke ya mpa
                      hore o hlile o             ya ba e a baba. Feela
                      pentse dinko,              ke tla o hlola o tla bona.
                      e be o
                      mbolella seo
                      ke o jesang
                      sona.

                                       [E qotsitswe le ho lokiswa ho tswa bukeng ya Sensation]

          5.2.1       Nehelana ka lelatodi la lentswe le ntshofaditsweng polelong e
                      latelang.

                      E se ke ya mpa ya ba e a baba.                                                   (1)

          5.2.2       Lokisa phoso ya puo polelong e latelang.

                      ... e be o mbolella seo ke o jesang sona.                                        (1)

          5.2.3       Sebedisa lentswe le latelang e le lebitso polelong ya hao.

                      mpa                                                                              (2)

          5.2.4       Ipopele polelo eo ho yona                   o   sebedisitseng     lentswe   le
                      ntshofaditsweng e le lethusi.

                      Feela ke tla o hlola o tla bona.                                                 (2)
                                                                                                       [20]

                                                       MATSHWAO OHLE A KAROLO YA C:                    40
                                                        MATSHWAO OHLE A PAMPIRI ENA:                   80

Difuperweng tsa pampiri ena di se sebediswe ntle ho tumello

## Related documents

- [Sesotho FAL P2 Nov 2015](https://www.hlayiso.com/library/sesotho-fal-p2-nov-2015/fc02f70d-812e-4967-b217-f5a02f7ec022) — Sesotho FAL · QP · 2015 · Sesotho
- [Sesotho FAL P3 June-July 2015](https://www.hlayiso.com/library/sesotho-fal-p3-june-july-2015/9be0c52b-5073-4856-b283-de6e3143f9cb) — Sesotho FAL · QP · 2015 · Sesotho
- [Sesotho FAL P1 June July 2015](https://www.hlayiso.com/library/sesotho-fal-p1-june-july-2015/a29d33f1-9fa2-43ef-a026-586652343f18) — Sesotho FAL · QP · 2015 · Sesotho
- [Sesotho FAL P1 Nov 2023](https://www.hlayiso.com/library/sesotho-fal-p1-nov-2023/41fe929a-eee1-4350-9dbf-3e1c6f300ed1) — Sesotho FAL · QP · 2023 · Sesotho
- [Sesotho FAL P1 Nov 2022](https://www.hlayiso.com/library/sesotho-fal-p1-nov-2022/4666a02f-4f60-4c2d-a3b0-d533138a28ee) — Sesotho FAL · QP · 2022 · Sesotho
- [Sesotho FAL P1 Nov 2021](https://www.hlayiso.com/library/sesotho-fal-p1-nov-2021/3fae4623-7c96-4467-8396-1a5eb1e51363) — Sesotho FAL · QP · 2021 · Sesotho

## More from Grade 12 Sesotho FAL

- [Gr 12 Sesotho FAL ATP 2023-24](https://www.hlayiso.com/library/gr-12-sesotho-fal-atp-2023-24/4a5a6b42-02a8-4c54-8c2b-ae1be2aa474d) — ATP
- [Sesotho FAL P1 Nov 2025 MG](https://www.hlayiso.com/library/grade-12-sesotho-fal-2025-nsc-november-exam-question-paper-paper-1-sesotho/1e766205-6592-4800-a474-2490cb1c1ff7) — Memo · 2025 · Sesotho
- [Sesotho FAL P2 Nov 2025 MG](https://www.hlayiso.com/library/grade-12-sesotho-fal-2025-nsc-november-exam-question-paper-paper-2-sesotho/9e9887ae-3191-4ae1-8c3f-3dec9dd8137d) — Memo · 2025 · Sesotho
- [Sesotho FAL P3 Nov 2025 MG](https://www.hlayiso.com/library/grade-12-sesotho-fal-2025-nsc-november-exam-question-paper-paper-3-sesotho/70b20cb8-1297-4295-928a-149a9d8a15c4) — Memo · 2025 · Sesotho
- [Sesotho FAL P1 Nov 2024 MG](https://www.hlayiso.com/library/sesotho-fal-p1-nov-2024-mg/6885488d-3ea1-4521-bc08-9b8b47535837) — Memo · 2024 · Sesotho
- [Sesotho FAL P2 Nov 2024 MG](https://www.hlayiso.com/library/sesotho-fal-p2-nov-2024-mg/42ba44d7-3b6e-4630-aba1-48748872a0d8) — Memo · 2024 · Sesotho

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
