# Sesotho FAL Grade 12 P1 NSC November 2023 Question Paper

> Grade 12 Sesotho FAL Paper 1 question paper from the NSC November Exam 2023, 12 pages. Read online or get the free PDF download, memo linked when available.

- Page: https://www.hlayiso.com/library/sesotho-fal-p1-nov-2023/41fe929a-eee1-4350-9dbf-3e1c6f300ed1
- Updated: 2026-09-27
- Subject: Sesotho FAL
- Grade: Grade 12
- Language: Sesotho
- Document type: Question paper
- Year: 2023
- Exam period: NSC November Exam
- Paper: 1
- Curriculum: CAPS
- Pages: 12

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Sesotho FAL](https://www.hlayiso.com/library/grade-12/sesotho-fal) › [Sesotho FAL Grade 12 P1 NSC November 2023 Question Paper](https://www.hlayiso.com/library/sesotho-fal-p1-nov-2023/41fe929a-eee1-4350-9dbf-3e1c6f300ed1)

## About this document

Sesotho Fal · Grade 12 · NSC November Exam · 2023 · sesotho. Question paper, 12 pages. Read online or download the PDF.

Read it free online on the page above; download the PDF from there.

## Matching paper and memo

- [Sesotho FAL P1 Nov 2023 MG](https://www.hlayiso.com/library/sesotho-fal-p1-nov-2023-mg/0471e94c-65c9-4bb6-a9d7-836ded06b2b2) — Memo · 2023 · Sesotho

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                       NATIONAL
                                  SENIOR CERTIFICATE

                                        KEREITE YA 12

                  SESOTHO PUO YA TLATSETSO YA PELE (FAL)

                                    PAMPIRI YA PELE (P1)

                                     PUDUNGWANA 2023

MATSHWAO: 80

NAKO: Dihora tse 2

                               Pampiri ena e na le maqephe a 12.

Difuperweng tsa pampiri ena di se sebediswe ntle ho tumello        Phetla

### Page 2

Downloaded from hlayiso.com
Sesotho Puo ya Tlatsetso ya Pele (FAL)/P1                2              DBE/Pudungwana 2023
                                                        NSC

DITAELO LE DIKELETSO HO MOHLAHLOBUWA

1.        Pampiri ena e arotswe DIKAROLO TSE THARO, e leng:

          KAROLO YA A: Tekokutlwisiso                                 (30)
          KAROLO YA B: Kgutsufatso                                    (10)
          KAROLO YA C: Dibopeho le melao ya tshebediso ya puo         (40)

2.        Araba dipotso TSOHLE.

3.        Qala karolo E NNGWE le E NNGWE leqepheng le letjha.

4.        Seha mola qetellong ya karolo E NNGWE le E NNGWE.

5.        Nomora dikarabo tsa hao feela jwalo ka ha dipotso di nomorilwe pampiring ya
          dipotso.

6.        Tlola mola dipakeng tsa dikarabo tsa hao.

7         Tsepamisa maikutlo haholo mopeletong le popong ya dipolelo tse
          nepahetseng.

8.        O eletswa ho sebedisa nako ya hao tjena:

          KAROLO YA A: metsotso e 50
          KAROLO YA B: metsotso e 20
          KAROLO YA C: metsotso e 50

9.        Ngola ka mongolo o makgethe, mme o balehang.

Difuperweng tsa pampiri ena di se sebediswe ntle ho tumello                        Phetla

### Page 3

Downloaded from hlayiso.com
Sesotho Puo ya Tlatsetso ya Pele (FAL)/P1                3               DBE/Pudungwana 2023
                                                        NSC

KAROLO YA A: TEKOKUTLWISISO

Karolong ena o fuwe mefuta E MMEDI ya ditema. Bala le ho boha tema e nngwe le e
nngwe. Araba ka lentswe LE LE LENG feela moo ho hlokehang, ntle le haeba potso e
hloka tlhaloso kapa karabo e teletsana.

POTSO YA 1

Bala tema ena e latelang ka tlhoko, e be o araba dipotso tse hlahang tlasa yona.

TEMA YA A

                                            HA O MONG

1      Ho ya ka SA Medical and Education Foundation ke diperesente tse 16,5 tsa
       Maafrikaborwa tse tshwerweng ke bohloko bo tlwaelehileng ba kelello. Ditaba
       tse nyarosang mmele ke tse reng ke batho ba fetang dikete tse makgolo a
       robedi lefatsheng ka bophara, ba ipolayang selemo le selemo.

2      Letsatsi la Matjhaba la Thibelo ya ho Ipolaya, e leng la 10 Loetse, le reretswe ho 5
       hlokomedisa le ho kgothalletsa batho ho nka mehato kgahlanong le ho ipolaya.
       Cassey Chambers, molaodi wa tshebetso mokgatlong wa SA Depression and
       Anxiety Group (SADAG), o re kgatello ya maikutlo e sa phekolweng ke yona
       sesosa se ka sehloohong se bakang ho ipolaya.

3      Leigh Joy Mansell-Pleydell o ne a le dilemo tse 21 ha a ne a qala ho leka ho 10
       ipolaya. 'Ka mora tlhekefetso ya maikutlo, ya ho otlwa le ya motabo ke sa le
       ngwana, ke ile ka utlwa ke se ke sa rate ho phela,' ke yena eo. O boetse a re o
       ile a halefa haholo ha dingaka di hlalosa hore ho pholoha ha hae tekong eo ya
       ho ipolaya ke mohlolo. Ka mora ditekonyana tse ding tse mmalwa tsa ho leka ho
       nka bophelo ba hae, o ile a amohelwa sepetleleng sa mahloko a kelello. Leigh o 15
       re o ile a ba le boiphihlelo bo molemo haholo sepetleleng seo. 'Pele ke iswa
       sepetleleng seo, ke ne ke ipotsa hore ebe batswadi ba ka bao e neng e se ba
       madi, ba ne ba nahana eng ka nna.' Tlhokomelo eo a ileng a e fumana
       sepetleleng seo, e ile ya tlisa phetoho e kgolo haholo maikutlong a hae le kamoo
       a neng a lokela ho itjheba kateng. Sena se ile sa mo thusa ho tshwasoloha 20
       kgatellong ya maikutlo le ho iponeng e le ntho feela e se nang molemo.

4      Qaka e kgolo bathong ba nang le bohloko ba kelello ke ho nahana hore ba ke ke
       ba fumana thuso. Ba tshaba ho kgethollwa kapa hona ho se amohelehe ho ba
       bang. Ho ya ka Odwa Nxumalo, moqolotsi wa ditaba ya tshwerweng ke bohloko
       bona, lepetjo le reng, 'ha o le mathateng kopa thuso', le fosahetse. 'Lefatshe le 25
       lokela ho thusa ba mathateng. Matshwao a bohloko bona leha a ka nna a se
       bonahale hantle mothong empa a teng ha o hlile o ka shebisisa hantle,' e sa le
       yena eo.

5      Ho tswafa ha banna ho kopa thuso, e ka nna ya ba le leng la mabaka a etsang
       hore e be bona ba bangata ho feta basadi ba nkang maphelo a bona leha e le 30
       hore ke basadi ba bangata ka palo e habedi ho feta ya banna, bao ho ka nnang
       ha etsahala hore ba fumanwe ba na le bohloko ba kgatello ya maikutlo. Ana ke
       maikutlo a tliliniki ya Mayo.

Difuperweng tsa pampiri ena di se sebediswe ntle ho tumello                          Phetla

### Page 4

Downloaded from hlayiso.com
Sesotho Puo ya Tlatsetso ya Pele (FAL)/P1                4                          DBE/Pudungwana 2023
                                                        NSC

6      Cassey wa mokgatlo wa SADAG o lemohile hore mehaleng e 501 412 e
       amohetsweng mokgatlong ona dipakeng tsa Tlhakubele 2020 le Tlhakubele 35
       2021, bongata ba batho ba neng ba letsitse ke basadi. Ntlha ena e boetse ya
       tiiswa ke mehala e 101 387 e ileng ya amohelwa mokgatlong wa Suicide
       Helpline. 'Basadi ba ema ka maoto ho ipatlela thuso ebile hape ba a letsa ho
       fumanela baratuwa ba bona thuso. Banna ba re letsetsang ke ba qakeng e
       tshabehang, ba hlokang thuso le tshehetso tse potlakileng,' ke Cassey eo.    40

7      Lebaka le etsang hore banna ba se kope thuso kapa ba diehe ho e kopa, e ka
       nna ya ba ke tsela eo ba hodisitsweng ka yona. Bashanyana ba hodiswa ho
       tloha bonyaneng ba rutwa hore monna ke nku ha a lle. Ba bolellwa hangata hore
       ho lla ke letshwao la 'bofokodi'. Athe ka lehlakoreng le leng banana ba
       kgothalletswa ho bua, ho totobatsa maikutlo a bona. Ha ho makatse he ha e le 45
       mona banna ba hloleha ho beha maikutlo a bona pepeneneng, haholoholo
       maikutlo a seng matle kapa a sa thabiseng. Ke ka hona he ba 'iphekolang' ka ho
       nwa le ka tshebediso ya dithethefatsi kapa ka boitshwaro bo bong bo kotsi.

8      Haeba wena kapa e mong eo o mo tsebang a se a sa kgone ho shebana le
       bophelo, letsetsa tliliniking e haufi, ngaka kapa mokgatlo wa SADAG moo o tla 50
       fumana thuso ya mahala.

                     [E qotsitswe le ho fetolelwa ho tswa makasineng wa Jet Club, Phato/Loetse, 2021]

1.1       Ke ditaba dife tse tshosang tseo ho buuwang ka tsona temeng ee? Sheba
          seratswana sa 1.                                                                                 (1)

1.2       Lebaka le leholo le etsang hore batho ba ipolaye ke lefe? Sheba seratswana
          sa 2.                                                                                            (1)

1.3       Qolla mantswe/polelwana e re tsebisang hore batswadi ba Leigh Joy Mansell-
          Pleydell e ne e se batswadi ba hae ba nnete. Sheba seratswana sa 3.                              (1)

1.4       Ke lentswe lefe le nang le moelelo o le mong le 'lokoloha' moleng wa 20?                         (1)

1.5       Bolela melemo E MMEDI eo Leigh Joy Mansell-Pleydell a ileng a e fumana
          sepetleleng sa mahloko a kelello. Sheba seratswana sa 3.                                         (2)

1.6       Qolla maele seratswaneng sa 7 a tiisang hore banna ba rutwa ba sa le
          banyane ho hatella maikutlo a bona.                                                              (2)

1.7       Bolela dintho TSE PEDI tseo banna ba iphekolang ka tsona ha ba utlwile
          bohloko ho ya ka ditaba tsa qotso. Sheba seratswana sa 7.                                        (2)

1.8       Bontsha phapano e teng pakeng tsa banna le basadi nakong eo ba leng
          tsietsing.                                                                                       (2)

1.9       Akaretsa seratswana sa pele ka polelo E LE NNGWE e jereng mohopolo wa
          sehlooho.                                                                                        (2)

Difuperweng tsa pampiri ena di se sebediswe ntle ho tumello                                       Phetla

### Page 5

Downloaded from hlayiso.com
Sesotho Puo ya Tlatsetso ya Pele (FAL)/P1                5            DBE/Pudungwana 2023
                                                        NSC

1.10      Kgetha karabo e nepahetseng ka ho fetisisa ho (A-D). Ngola karabo e
          nepahetseng kapa tlhaku feela.

          Kgatello ya maikutlo ke lefu le ka fodiswang ke ho …

          A     nahana haholo.
          B     nehelana haholo.
          C     imamela haholo.
          D     mamela haholo.                                                            (2)

1.11      Ke taba efe e re tsebisang hore Leigh Joy Mansell-Pleydell o ne a na le
          maikemisetso a tiileng a ho batla ho ipolaya?                                   (1)

1.12      Ke ntlha kapa ke mohopolo taba ya hore ke basadi ba bangata ho feta banna
          ba batlang thuso ha ba le mathateng? Fana ka lebaka la karabo ya hao.           (2)

1.13      Nehelana ka dintlha TSE PEDI tse ileng tsa etsa hore Mansell-Pleydell a
          ikutlwe a se a sa rate ho phela. Sheba seratswana sa 3.                         (2)

1.14      Sehlooho sa tema ena se jere maikutlo afe a mongodi? Fana ka lebaka la
          karabo ya hao.                                                                  (2)

Difuperweng tsa pampiri ena di se sebediswe ntle ho tumello                      Phetla

### Page 6

Downloaded from hlayiso.com
Sesotho Puo ya Tlatsetso ya Pele (FAL)/P1                6                          DBE/Pudungwana 2023
                                                        NSC

Boha tema ena e latelang, ebe o araba dipotso tse hlahang tlasa yona.

TEMA YA B

                              [E qotsitswe le ho lokiswa ho tswa ho www.black and white pictures.com]

1.15      Ditshwantsho tse temeng ntle le sa motho, di amana jwang le sehlooho?                            (2)

1.16      Hlalosa hore leeme le iponahatsa jwang temeng e ka hodimo.                                       (2)

1.17      Sekaseka ditlamorao tse ka bakwang ke tshebediso ya dino tse thibetsweng
          temeng ho motho hang ka mora boikwetliso.                                                        (3)

                                                      MATSHWAO OHLE A KAROLO YA A:                         30

Difuperweng tsa pampiri ena di se sebediswe ntle ho tumello                                       Phetla

### Page 7

Downloaded from hlayiso.com
Sesotho Puo ya Tlatsetso ya Pele (FAL)/P1                7                       DBE/Pudungwana 2023
                                                        NSC

KAROLO YA B: KGUTSUFATSO

POTSO YA 2

Bala ditaba tsa tema e latelang, ebe o di kgutsufatsa ka ho ngola dintlha
TSE SUPILENG, tseo o lokelang ho di etsa ho itshireletsa setswalleng sa inthaneteng.

DITAELO

1.   Ngola dipolelo TSE SUPILENG, tse phethahetseng.
2.   Mantswe e be A SA FETENG a 70.
3.   Nomora dipolelo tsa hao ho tloha ho 1 ho ya ho 7.
4.   Ngola ntlha E LE NNGWE feela polelong ka nngwe.
5.   Qetellong ya kgutsufatso ya hao, bontsha palo ya mantswe ao o a sebedisitseng
     ka masakaneng.

TEMA YA C

                  ITSHIRELETSE SETSWALLENG SA INTHANETENG

Jwale o inthaneteng moo o letetsweng ke motswalle wa hao wa hona mona
kgokahanong ena. Pele o ya le kgongwana hodimo, itshireletse o qobe ditsietsi.

Pele o tswa ho ya teana le yena, tsebisa motswalle kapa e mong wa leloko. Nehelana
ka dintlha tse kang, le kopanela hokae, ka nako efe le hore motho eo ke mang. Ho
molemo hore eo o mo tsebisitseng, a o letsetse nakong ya kopano e le hore haeba
dintho di sa o tsamaele hantle, o iphe lebaka le siyo o je fatshe.

Bophelong ho bohlokwa ho mamela letswalo la hao. Ha o ikutlwa o sa bolokeha,
hopola hore ha o kolote motho. Ntle le qeaqeo, itokolle kopanong eo. Kopanong ya
lona ya pele, itlhophisetse teransepoto hore ha dintho di ka o tjekela, o se be mohaung
wa motho. Ho kopanela sebakeng sa setjhaba jwalo ka laeboraring, misiamong le
phakeng, ke kgetho e bolokehileng.

O se iketse metsi a pula a kgeloswang ha bobebe. Sebedisa bokgoni ba hao ho
batlisisa ka motswalle enwa wa hao. Shebisisa hantle ditshwantsho tseo a o fileng
tsona. Badisisa profaele ya hae hantle. Iphe nako ho phenyekolla lesedi leo a o fileng
lona ka yena. Ikgodise hore o se itahlele ka hara lemena la ditau.
Dikamanong tsa lona, behella thoko dintlha tsa hao tsa bohlokwa tse mohaleng wa
hao tse jwalo ka diakhanto tsa hao tsa banka, nomoro ya hao ya boitsebiso, nomoro
ya phasepoto ya hao, jwalojwalo. Tsohle tse amanang le boitsebiso ba hao ha e be
pinyane ya hao. Kopa ho leoto ha o sa phuthullohe setswalleng seo.

          [E qotsitswe le ho fetolelwa ho tswa makasineng ya True Love, Mphalane/Pudungwane 2022]

                                                        MATSHWAO OHLE A KAROLO YA B:                   10

Difuperweng tsa pampiri ena di se sebediswe ntle ho tumello                                   Phetla

### Page 8

Downloaded from hlayiso.com
Sesotho Puo ya Tlatsetso ya Pele (FAL)/P1                8                           DBE/Pudungwana 2023
                                                        NSC

KAROLO YA C: DIBOPEHO LE MELAO YA TSHEBEDISO YA PUO

POTSO YA 3

Bala papatso e latelang, ebe o araba dipotso tsa manollo ya setshwantsho le tshebediso
ya puo.

TEMA YA D

  Hobaneng o batla ho
  salla morao?
  Phela ka boiketlo ka ho
  iphekola. Iphumanele metsi a
  etsang mehlolo kajeno o tle o
  hlole tse ngata.

                           [E qotsitswe le ho lokiswa ho tswa ho www.black and white pictures.com]

3.1       Potso e sa hlokeng karabo papatsong ee, e sebedisitswe ka sepheo sefe?                              (2)

3.2       Tshebediso ya polelo e latelang e ka ba le tshusumetso efe ho bareki?

          Setimamollo se timang lelakabe la lenyora.                                                          (2)

3.3       Tshebediso ya dipotongwane papatsong ee, e thusa mmapatsi jwang ho
          fihlella sepheo sa hae?                                                                             (3)

3.4       Na papatso ee e totobatsa leeme? Tshehetsa karabo ya hao ka lebaka.                                 (3)
                                                                                                              [10]

Difuperweng tsa pampiri ena di se sebediswe ntle ho tumello                                          Phetla

### Page 9

Downloaded from hlayiso.com
Sesotho Puo ya Tlatsetso ya Pele (FAL)/P1                9                        DBE/Pudungwana 2023
                                                        NSC

POTSO YA 4

TEMA YA E

Bala ditaba tsa khathunu ena e latelang, ebe o araba dipotso tse tla e latela.

                     [E qotsitswe le ho lokiswa ho tswa lesedinyaneng la Sowetan, Pudungwana 2021]

4.1       Tshebediso ya matshwao a mmino a khathunung ee e nyallana jwang le nako
          ya diketsahalo tse khathunung?                                                                 (2)

4.2       Tshebediso ya lereo 'qhomane' e amana jwang le diketsahalo tse
          khathunung?                                                                                    (2)

4.3       Tshohla keketehiso e hlahang khathunung ena.                                                   (3)

4.4       Sekaseka bohlokwa ba lefifi boitshetlehong ba khathunu ena.                                    (3)
                                                                                                         [10]

Difuperweng tsa pampiri ena di se sebediswe ntle ho tumello                                     Phetla

### Page 10

Downloaded from hlayiso.com
Sesotho Puo ya Tlatsetso ya Pele (FAL)/P1                10                        DBE/Pudungwana 2023
                                                        NSC

POTSO YA 5

5.1       Bala tema e latelang, o nto araba dipotso tse thehilweng hodima yona.

          TEMA YA F

                                      MMESA MOHLWANE HA A PANYE

          1       Nnete ke hore tsela eo batswadi ba hodisang bana ka yona e na le
                  seabo sa bohlokwa boitshwarong ba bana. Ho hodisa bana ha se leeto
                  le bobebe kaha motswadi wa batho a ka iphumana a tshwasehile
                  lerabeng la boitshwaro ba ngwana wa hae ya etsang diphoso tse
                  iphetakakang.                                                      5

          2       Ho a hlokeha ke hona hore motswadi a se qeaqee empa a tsepamise
                  maikutlo leetong lena kaha mmesa mohlwane ha a panye. Motswadi
                  ha a a lokela ho bua hanngwe feela ebe o lebella hore dintho di iketse.
                  Kgodiso ya bana ke LEETO le hlokang boitelo le mamello ya ka dinako
                  tsohle.                                                                 10

          3       Ntho e nngwe e ka atlehisang kgodiso ya ngwana ke ho mo behela
                  melao mmoho le dikotlo. Leha ho le jwalo, puisano le kutlwisiso ke
                  mathe le leleme ho hodiseng motho ya phethahetseng, ya tsitsitseng
                  ya tla kgona ho ikemela ka moso.

          4       Ho hlalosetsa bana ditebello tsa hao boitshwarong ba bona, le tsela eo 15
                  ba ka hlahisang maikutlo a bona ka yona ke letlotlo le etsang hore
                  'bathwana' bana ba tle ba itsebe le hona ho utlwisisa batswadi ba
                  bona haholwanyane.

                                 [E qotsitswe le ho lokiswa ho tswa makasineng wa Bona, Phato 2022]

          5.1.1       Lentswe lena 'iphetakakang' le o thusa jwang ho utlwisisa seo
                      mongodi a se bolelang seratswaneng sa 1?                                           (2)

          5.1.2       Bohlokwa ba lentswe 'tshwasehileng' ke bofe polelong e latelang?

                      Motswadi wa batho a ka iphumana a tshwasehile lerabeng la
                      boitshwaro ba ngwana wa hae.                                                       (2)

          5.1.3       Hobaneng ha mongodi a ngotse ditaba tsa tema ee ka diratswana?                     (2)

          5.1.4       Sepheo sa tshebediso ya tshwantshiso polelong e latelang ke
                      sefe? Sheba seratswana sa 3.

                      Puisano le kutlwisiso ke mathe le leleme.                                          (2)

          5.1.5       Maikemisetso a mongodi ke afe ka ho qatsohisa lentswe, 'leeto'
                      mahareng a polelo e latelang?

                      Kgodiso ya bana ke LEETO le hlokang boitelo le mamello ya ka
                      dinako tsohle.                                                                     (2)

Difuperweng tsa pampiri ena di se sebediswe ntle ho tumello                                     Phetla

### Page 11

Downloaded from hlayiso.com
Sesotho Puo ya Tlatsetso ya Pele (FAL)/P1                11                        DBE/Pudungwana 2023
                                                        NSC

          5.1.6       Tshebediso ya maele a sebedisitsweng sehloohong sa tema e o
                      thusa jwang ho utlwisisa ditaba tsa yona?                                           (2)

          5.1.7       Hobaneng ha mongodi a kgethile ho sebedisa nyenyefatso
                      lentsweng lena 'bathwana' moleng wa 17?                                             (2)

5.2       Boha setshwantsho se latelang, o nto araba dipotso tse thehilweng hodima
          sona.

          TEMA YA G

                           Mohlolehi weso,
                           ebe o ikutlwa jwang
                           kajeno ngwaneso?

                                                              Ngaka, haeka mohlolehi eo o
                                                              sa paqame betheng tje!

            Ha ho tshwane le
            maobane ngaka.

                             [Se qotsitswe le ho lokiswa ho tswa bukeng ya Kganya, E Maloisane, 2012]

          5.2.1       Tshohla tshebediso ya lentswe 'mohlolehi' puong ya ngaka le ya
                      mokudi ya nomorilweng 1.                                                            (3)

Difuperweng tsa pampiri ena di se sebediswe ntle ho tumello                                      Phetla

### Page 12

Downloaded from hlayiso.com
Sesotho Puo ya Tlatsetso ya Pele (FAL)/P1                12           DBE/Pudungwana 2023
                                                        NSC

          5.2.2       Kgetha karabo e nepahetseng ka ho fetisisa ho (A–D), o be o
                      nehelane ka lebaka la karabo ya hao.

                      Tshebediso ya lentswe 'kajeno' polelong e latelang, e re tsebisa
                      eng ka ho eta ha ngaka. Tshehetsa kgetho ya hao ka lebaka.

                      O ikutlwa jwang kajeno ngwaneso?

                      A    e qala ho etela mokudi.
                      B    e se e kile ya etela mokudi.
                      C    e tla etela mokudi.
                      D    e nahana ho etela mokudi.                                        (3)

                                                      MATSHWAO OHLE A KAROLO YA C:          40
                                                       MATSHWAO OHLE A PAMPIRI ENA:         80

Difuperweng tsa pampiri ena di se sebediswe ntle ho tumello

## Related documents

- [Sesotho FAL P2 Nov 2023](https://www.hlayiso.com/library/sesotho-fal-p2-nov-2023/9b1058bb-ee1c-4487-acbb-956dd0576483) — Sesotho FAL · QP · 2023 · Sesotho
- [Sesotho FAL P3 Nov 2023](https://www.hlayiso.com/library/sesotho-fal-p3-nov-2023/5a8d76c9-f6da-4c86-8493-642bd0f0d6d7) — Sesotho FAL · QP · 2023 · Sesotho
- [Sesotho FAL P1 May-June 2023](https://www.hlayiso.com/library/sesotho-fal-p1-may-june-2023/2198e0d9-7b81-4ef2-91ee-d5f792f74a8b) — Sesotho FAL · QP · 2023 · Sesotho
- [Sesotho FAL P1 Nov 2022](https://www.hlayiso.com/library/sesotho-fal-p1-nov-2022/4666a02f-4f60-4c2d-a3b0-d533138a28ee) — Sesotho FAL · QP · 2022 · Sesotho
- [Sesotho FAL P1 Nov 2021](https://www.hlayiso.com/library/sesotho-fal-p1-nov-2021/3fae4623-7c96-4467-8396-1a5eb1e51363) — Sesotho FAL · QP · 2021 · Sesotho
- [Sesotho FAL P1 Nov 2019](https://www.hlayiso.com/library/sesotho-fal-p1-nov-2019/b91a77a6-d460-4dcf-a2ec-e601121e8d6d) — Sesotho FAL · QP · 2019 · Sesotho

## More from Grade 12 Sesotho FAL

- [Gr 12 Sesotho FAL ATP 2023-24](https://www.hlayiso.com/library/gr-12-sesotho-fal-atp-2023-24/4a5a6b42-02a8-4c54-8c2b-ae1be2aa474d) — ATP
- [Sesotho FAL P1 Nov 2025 MG](https://www.hlayiso.com/library/grade-12-sesotho-fal-2025-nsc-november-exam-question-paper-paper-1-sesotho/1e766205-6592-4800-a474-2490cb1c1ff7) — Memo · 2025 · Sesotho
- [Sesotho FAL P2 Nov 2025 MG](https://www.hlayiso.com/library/grade-12-sesotho-fal-2025-nsc-november-exam-question-paper-paper-2-sesotho/9e9887ae-3191-4ae1-8c3f-3dec9dd8137d) — Memo · 2025 · Sesotho
- [Sesotho FAL P3 Nov 2025 MG](https://www.hlayiso.com/library/grade-12-sesotho-fal-2025-nsc-november-exam-question-paper-paper-3-sesotho/70b20cb8-1297-4295-928a-149a9d8a15c4) — Memo · 2025 · Sesotho
- [Sesotho FAL P1 Nov 2024 MG](https://www.hlayiso.com/library/sesotho-fal-p1-nov-2024-mg/6885488d-3ea1-4521-bc08-9b8b47535837) — Memo · 2024 · Sesotho
- [Sesotho FAL P2 Nov 2024 MG](https://www.hlayiso.com/library/sesotho-fal-p2-nov-2024-mg/42ba44d7-3b6e-4630-aba1-48748872a0d8) — Memo · 2024 · Sesotho

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
