# Sesotho FAL Grade 12 P2 NSC November 2023 Question Paper

> Grade 12 Sesotho FAL Paper 2 question paper from the NSC November Exam 2023, 21 pages. Read online or get the free PDF download, memo linked when available.

- Page: https://www.hlayiso.com/library/sesotho-fal-p2-nov-2023/9b1058bb-ee1c-4487-acbb-956dd0576483
- Updated: 2026-09-27
- Subject: Sesotho FAL
- Grade: Grade 12
- Language: Sesotho
- Document type: Question paper
- Year: 2023
- Exam period: NSC November Exam
- Paper: 2
- Curriculum: CAPS
- Pages: 21

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Sesotho FAL](https://www.hlayiso.com/library/grade-12/sesotho-fal) › [Sesotho FAL Grade 12 P2 NSC November 2023 Question Paper](https://www.hlayiso.com/library/sesotho-fal-p2-nov-2023/9b1058bb-ee1c-4487-acbb-956dd0576483)

## About this document

Sesotho Fal · Grade 12 · NSC November Exam · 2023 · sesotho. Question paper, 21 pages. Read online or download the PDF.

Read it free online on the page above; download the PDF from there.

## Matching paper and memo

- [Sesotho FAL P2 Nov 2023 MG](https://www.hlayiso.com/library/sesotho-fal-p2-nov-2023-mg/b0045de6-35be-4fea-8916-f8b836b2e268) — Memo · 2023 · Sesotho

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                       NATIONAL
                                  SENIOR CERTIFICATE

                                       KEREITE YA 12

                  SESOTHO PUO YA TLATSETSO YA PELE (FAL)

                                  PAMPIRI YA BOBEDI (P2)

                                      PUDUNGWANA 2023

MATSHWAO: 70

NAKO: Dihora tse 2½

                               Pampiri ena e na le maqephe a 21.

Difuperweng tsa pampiri ena di se sebediswe ntle ho tumello        Phetla

### Page 2

Downloaded from hlayiso.com
Sesotho Puo ya Tlatsetso ya Pele (FAL)/P2                2           DBE/Pudungwana 2023
                                                        NSC

DITAELO LE DIKELETSO HO MOHLAHLOBUWA

1.        Bala ditaelo tsena ka tlhoko pele o araba dipotso.

2.        O SE KE wa latella ho bala pampiri yohle. Tadima karolo e hlahisang
          dikahare tsa pampiri leqepheng le latelang, mme o tshwaye dinomoro tsa
          dipotso tse thehilweng dibukeng tseo o ithutileng tsona. Ka mora moo o bale
          dipotso tseo, o nto kgetha tseo o lakatsang ho di araba.

3.        Pampiri ena e arotswe dikarolo TSE NNE, e leng:

          KAROLO YA A: Pale/Nobele/Novele                     (35)
          KAROLO YA B: Tshwantshiso/Terama                    (35)
          KAROLO YA C: Dipalekgutshwe                         (35)
          KAROLO YA D: Dithothokiso                           (35)

4.        Araba dipotso TSE PEDI feela, potso E LE NNGWE ho tswa dikarolong le ha
          e le DIFE TSE PEDI.

          KAROLO YA A: PALE/NOBELE/NOVELE
          Araba potso ya pale/nobele/novele eo o ithutileng yona.

          KAROLO YA B: TSHWANTSHISO/TERAMA
          Araba potso ya tshwantshiso/terama eo o ithutileng yona.

          KAROLO YA C: DIPALEKGUTSHWE
          Araba dipotso tsa dipalekgutshwe ka BOBEDI.

          KAROLO YA D: DITHOTHOKISO
          Araba dipotso tsa dithothokiso ka BOBEDI.

5.        Sebedisa lenanennetefatso bakeng sa tataiso.

6.        Latela ditaelo tse qalong ya karolo e nngwe le e nngwe ka tlhoko.

7.        Nomora dikarabo tsa hao jwalo ka ha dipotso di nomorilwe pampiring ya
          dipotso.

8.        Qala karolo KA NNGWE leqepheng LE LETJHA.

9.        O eletswa ho sebedisa nako ka moo ho sisintsweng: Sebedisa metsotso e 75
          ho ngola karolo ka nngwe.

10.       Ngola ka mongolo o makgethe o balehang.

Difuperweng tsa pampiri ena di se sebediswe ntle ho tumello                        Phetla

### Page 3

Downloaded from hlayiso.com
Sesotho Puo ya Tlatsetso ya Pele (FAL)/P2                3            DBE/Pudungwana 2023
                                                        NSC

LEQEPHE LA DIKAHARE

Leqephe lena le tla o thusa ho kgetha dipotso tseo o lakatsang ho di araba, ntle le hore
o bale pampiri kaofela.

 KAROLO YA A: PALE/NOBELE/NOVELE

 Araba potso ya pale/nobele/novele eo o ithutileng yona.
           NOMORO YA POTSO                     MATSHWAO                 LEQEPHE
 1. Mahlale a kopane Lekwa                          35                     5

 2.   Bosweu ba Lehlwa                                        35             8

 3.   Sehlekehleke sa Deidro                                  35            10

 KAROLO YA B: TSHWANTSHISO/TERAMA

 Araba potso ya tshwantshiso/terama eo o ithutileng yona.
 4. Sefi                                           35                       13

 KAROLO YA C: DIPALEKGUTSHWE

 Araba dipotso ka BOBEDI tsa dipalekgutshwe.
 5.1 'Phokojwe ho phela e diretsana'                          18            16
                                     MMOHO LE
 5.2 'Eseng kajeno, empa hosane'                              17            17

 KAROLO YA D: DITHOTHOKISO

 Araba dipotso ka BOBEDI tsa thothokiso.
 6.1 'O emetseng'                                             18            19
                                MMOHO LE
 6.2 'Kodiamalla'                                             17            20

Difuperweng tsa pampiri ena di se sebediswe ntle ho tumello                           Phetla

### Page 4

Downloaded from hlayiso.com
Sesotho Puo ya Tlatsetso ya Pele (FAL)/P2                4                   DBE/Pudungwana 2023
                                                        NSC

LENANENNETEFATSO:

Sebedisa lenanennetefatso lena ho nnetefatsa hore na e fela o arabile dipotso tse
hlokehang.

                                            NOMORO               PALO YA       TSHWAYA
           KAROLO YA                          TSA              DIPOTSO TSE        ()
                                            DIPOTSO           LOKELANG HO
                                                                 ARAJWA
 A: PALE/NOBELE/NOVELE
 Dipotso tse kgutshwane                       1–3                  1

 B: TSHWANTSHISO/TERAMA
 Dipotso tse kgutshwane                         4                  1

 C: DIPALEKGUTSHWE
 Dipotso tse kgutshwane                     5.1–5.2                1

 D: DITHOTHOKISO
 Dipotso tse kgutshwane                     6.1–6.2                1

ELA TLHOKO:        Etsa bonnete ba hore o arabile dipotso tse karolong TSE PEDI feela.

Difuperweng tsa pampiri ena di se sebediswe ntle ho tumello                                Phetla

### Page 5

Downloaded from hlayiso.com
Sesotho Puo ya Tlatsetso ya Pele (FAL)/P2                5            DBE/Pudungwana 2023
                                                        NSC

KAROLO YA A: PALE/NOBELE/NOVELE

POTSO YA 1: MAHLALE A KOPANE LEKWA – DN Katsie

Kgetha mme o arabe potso E LE NNGWE e itshetlehileng bukeng eo o ithutileng yona
selemong sena.

Bala qotso ena ka tlhoko, o nto araba dipotso tse thehilweng paleng yohle.

TEMA YA A

Hoba Mananyetsa a tshele lehlabathe ka bolekeng, mme a kwahele, a be a pate
hlabathe leo ka mahe a dinotshi, a be a kgotsofale ke mosebetsi oo o kgabane, a
qalella hape: 'Batho ba Kgauteng ba iketsa ba bohlajana. Ba re rona ka mona ka
Foreisetata re dithoto, re mampara mme re robetse. Ba tlohele wena, ke tla ba fumana
… ke a bona ha ba ntsebe hantle. Haufinyane tjena ba tla qala ho ntseba, ba tla bua 5
ka nna feela. Motho ya tla reka bolekana bona o tla hopola hore ke manepa feela ka
mona … athe ha a tsebe hore ke … ha … haa … o tla lemoha nna ke se ke ile …!

Bosiung boo Mananyetsa a lala a itokisetsa leeto la hosasane. Ya re bo esa a be a
haotse boholo ba thota, mme a qhitsa dikgororo ke ho imelwa ke bolekehadi ba …
lehlabathe-manepa. 'Etlare mohlang ke kgutlang Kgauteng kwana ke tla be ke le 10
kwakwariri, ke le morui. Ke tla kgutla ke le kwete, ke imetswe ke moqeqekohadi wa
leruo le letala. Banna, ke re ke tla be ke shwele lehlakore ke tjhelete … kgale ke
itiehisa ka ho alosa makgomo a Maburu, ha banna ba bang ba sebetsa tjhelete,
ehe …!
O ile jwalo monna wa rona, moya a nkgella wa leboya. O ile a feta haufi le motse wa 15
Sasolburg.

1.1       Bolela lewa la bongodi le sebedisitsweng polelong e latelang:

          'Etlare mohlang ke kgutlang Kgauteng kwana ke tla be ke le kwakwariri, ke le
          morui.'                                                                              (1)

1.2       Mantswe a latelang a Mananyetsa a re tjebela pele diketsahalong dife TSE
          PEDI pele ba theha setswalle?

          Ke tla kgutla ke le kwete, ke imetswe ke moqeqekohadi wa leruo le letala.            (2)

1.3       Qoholla polelo qotsong e tiisang hore Mananyetsa o ne a nyatsa batho ba
          Kgauteng.                                                                            (1)

1.4       Nehelana ka dintho TSE PEDI ho tswa qotsong tse totobatsang semelo sa
          Mananyetsa.                                                                          (2)

1.5       Phethelong ya sengolwa sena, ke ketsahalo efe e latolanang le polelo e
          latelang?

          Ba re rona ka mona ka Foreisetata re dithoto, re mampara mme re robetse.             (1)

Difuperweng tsa pampiri ena di se sebediswe ntle ho tumello                           Phetla

### Page 6

Downloaded from hlayiso.com
Sesotho Puo ya Tlatsetso ya Pele (FAL)/P2                6          DBE/Pudungwana 2023
                                                        NSC

1.6       Karaburetso e polelong e latelang, e o thusa jwang ho utlwisisa maemo a
          neng a rena ha Mananyetsa?

          Bosiung boo Mananyetsa a lala a itokisetsa leeto la hosasane.                      (2)

1.7       Mongodi o sebedisitse phetelletso e polelong e latelang ka sepheo sefe?

          Banna, ke re ke tla be ke shwele lehlakore ke tjhelete.                            (2)

1.8       Nehelana ka lebaka le dumellanang le polelo e latelang.

          Mmadieketseng ke mophetwa wa tlatsetso paleng ena.                                 (2)

1.9       Maele ana phokojwe ho phela e diretsenyana, a dumellana jwang le
          ketsahalo eo ho yona Sekgukguni a ileng a utswa mokotla wa tjhelete lekgetlo
          la bobedi?                                                                         (2)

1.1.10    Sekaseka setaele sa mongodi qotsong ena.                                           (3)

                                                MMOHO LE

Bala qotso ena ka tlhoko, o nto araba dipotso tse thehilweng paleng yohle.

TEMA YA B

Na ekaba taba ee ya mokotlana ona e tla fella kae banna? Boroko ke sera ruri. Ekaba
ke tla etsa jwang … ke re ka tla ka lekeha. Empa seeta sona ke sena. Ha ho potang.
Sekgukguni o halefile … ke re ha ho potang Mananyetsa o ne a fihlile mona. Efeela e
le molotsana wa ho qala le ho qetela. Seeta sena ke se tlohela hona mona; ha ho
thuso se seng feela.'                                                               5

A nna a tsilatsila, empa a qetella a nyolohetse ka hodima lengope. A ipotsa dipotso,
mme a hloka ya mo arabang. Qetellong a ntsha sekgetjhana sa pampitshana
sepatjheng se lebanteng mona. 'Oo, ke a hopola jwale, monna enwa o kile a re ho nna
mohla re neng re kopana, o dula kapa o ahile ha Ramokokwana haufi le Koppies. Ke
ne ke etse hantle hore ke ngole pampitshaneng ena. Ke tla mmatla ke tla be ke mo 10
fumane. Tjhelete yane e ngata a ke ke a e qeta lekgale.

A bona badisana ba kgannela dikgomo ka hae. A ya ho bona, mme bona ba mo
fetisetsa ho ba baholo ka hae. Hoba a itsebise, mme a bolele hore o ntse a batla
ngwanabo eo ho utlwahalang hore o haufi le boKoppies kwana, a fuwa dijo le boroko a
robala. Hosane a hlahiswa leseding hore ha a eya Koppies a nkgelle moya o feng.     15

1.11      Seabo sa seeta seo Sekgukguni a buang ka sona temeng ke sefe?                      (1)

1.12      Sesosa sa kgohlano ke sefe paleng ee?                                              (1)

1.13      Ke lebaka lefe le ileng la etsa ho be bonolo ho mofumahadi le matona a hae
          ho kgolwa ditaba tseo Mananyetsa a neng a ba tlela ka tsona?                       (1)

Difuperweng tsa pampiri ena di se sebediswe ntle ho tumello                         Phetla

### Page 7

Downloaded from hlayiso.com
Sesotho Puo ya Tlatsetso ya Pele (FAL)/P2                7          DBE/Pudungwana 2023
                                                        NSC

1.14      Mehla ya diketsahalo e totobatswang ke ketso ya Sekgukguni ya ho ngola
          aterese sekgetjhaneng sa pampiri ke efe?                                         (1)

1.15      Ke mophetwa ofe ya ileng a thusa Sekgukguni ho fihla ha Mananyetsa
          habobebe?                                                                        (1)

1.16      Ke lewa lefe la bongodi le totobatswang ke mantswe a latelang?

          Ha a hetla, haufi le yena mona … Mananyetsa ke enwa … ebile o ntse a
          bososela!                                                                        (1)

1.17      Bontsha tshwano ya semelo e teng pakeng tsa Mananyetsa le Sekgukguni.
          Nehelana ka dintlha TSE PEDI feela.                                              (2)

1.18      Lewa la bongodi le sebedisitsweng polelong ena le bitswa (Tjebelopele,
          tomatso, kgetlo morao). Tshehetsa karabo ya hao ka lebaka.

          O, ke a hopola jwale, monna enwa o kile a re ho nna mohla re neng re
          kopana, o dula kapa o ahile ha Ramokokwana haufi le Koppies.                     (2)

1.19      Sehalo se ikutlwahatsang mantsweng aa a Sekgukguni ke sefe? Tshehetsa
          karabo ya hao ka lebaka.

          'Ekaba ke tla etsa jwang … ke re ka tla ka lekeha.'                              (2)

1.20      Na o qenehela Sekgukguni ka koduwa e mo hlahetseng ya ho utswetswa
          mokotla wa tjhelete? Tshehetsa karabo ya hao ka lebaka.                          (2)

1.21      Tshohla kamoo o ka beng o ile wa phethela pale ena kateng ha o ne o le
          mongodi wa yona.                                                                 (3)
                                                                                           [35]

Difuperweng tsa pampiri ena di se sebediswe ntle ho tumello                       Phetla

### Page 8

Downloaded from hlayiso.com
Sesotho Puo ya Tlatsetso ya Pele (FAL)/P2                8           DBE/Pudungwana 2023
                                                        NSC

POTSO YA 2 : BOSWEU BA LEHLWA – Sello Moroe

Bala qotso ena ka tlhoko, o nto araba dipotso tse thehilweng paleng yohle.

TEMA YA C

'Keng'? Ke bona bao ba buela hong. Ka ipikitla mahlo pele ke ba araba; ke fufuletswe
ke re te! Ka ntswe le ferekaneng ka re: 'Keng kang?' 'Keng kang ya eng? Ha o duletse
ho hoeletsa eka o a hlanya tjee ke eng ka wena?' Ke Morwesi eo. Ka ha ke ne ke sa
tsebe hore ke tla mo araba ka hore eng, ka kgaohana le bona, mme ka leka ho
nahana hore ho etsahetse eng; ke ntse ke ipholla sefahleho ho tlosa boroko. Morwesi      5
o ne a se a eme a le mong monyako wa kamore ha a tla re: 'Ke a bona hore o se o
hlanya wena, a ko bone hore o fufuletswe jwang, ekare ba o hasitse ka metsi.'

'A ko kgaohane le nna wena', ke nna eo ka bohajana. 'Oho, o duletse ho bua le dipoko
ha o qeta o re re kgaohane le wena moo, joo, rona re tla o tlohela he, Radipoko!' Ha a
bua jwalo a be a se a ntse a ikwalla ka ntle ho kamore.                                  10
Ka utlwa ka ho lla ha dikgoho le makoloi a ntseng a tsamaya ka ntle hore e se e le
hoseng; ha ke sheba tshupanako, ya mpolella hore metsotso e leshome le metso e
mehlano ka mora hora ya bohlano.

2.1       Ke ntho efe eo Hlomi a neng a nahana hore Lerato ha a mo rate ka lebaka la
          yona?                                                                              (1)
2.2       Bolela mofuta wa karaburetso o ikutlwahatsang qotsong e ka hodimo.                 (1)
2.3       Bolela ntho eo Hlomi le Lerato ba neng ba tshwana ka yona.                         (1)
2.4       Bolela dintlha TSE PEDI qotsong tse lokelang ho hlahella tlhekelong.               (2)
2.5       Hlalosa toro e entseng hore Hlomi a tsohe a fufuletswe haholo.                     (2)
2.6       Bohlokwa ba toro eo o e boletseng ho 2.5 ke bofe diketsahalong tsa pale ee?        (2)
2.7       Maele ana, 'Mamello e tswala katleho', a dumellana jwang le ketsahalo eo ho
          yona Lerato a ileng a qetella a dumela ho ba kgarebe ya Hlomi?                     (2)
2.8       Ketsahalo ya hore Morwesi a latelle ho tseba se kgathatsang Hlomi ditabeng
          tsa qotso ee, di re senolela Morwesi e le mophetwa wa semelo sefe?
          Tshehetsa karabo ya hao ka lebaka.                                                 (2)
2.9       Ketso ya ba ha Fibane ya ho dumella Bosweu ba lehlwa ho dula le Hlomi ka
          mora lefu la Lerato e thusitse jwang ntshetsopeleng ya diketsahalo paleng
          ee?                                                                                (2)
2.10      Bolela hore polelo e latelang ke Nnete kapa Mafosi, o be o tshehetse karabo
          ya hao ka lebaka.

          Dineo ke moferekanyi paleng ena.                                                   (2)
2.11      Dumellana le maikutlo a reng mongodi o phethetse pale ena hantle ka lefu la
          Lerato.                                                                            (3)
                                                MMOHO LE

Difuperweng tsa pampiri ena di se sebediswe ntle ho tumello                         Phetla

### Page 9

Downloaded from hlayiso.com
Sesotho Puo ya Tlatsetso ya Pele (FAL)/P2                9            DBE/Pudungwana 2023
                                                        NSC

Bala qotso ena ka tlhoko, o nto araba dipotso tse thehilweng paleng yohle.

TEMA YA D

Ke ne ke itshepile ha ke ne ke le jwalo, ke ena le bonnete ba hore ke a hohela. Bohle
ba ile ba tsamaya mmoho ha nna ke ne ke itsamaela le Trompi jwale ka ha e ne e se e
le tlwaelo.

Re ile ra fihla pele haholo kereke e kena, mme ra tlameha ho ema. Ke ne ke ntse ke
qoqa le Mohle ha re bona Puse le Lerato ba feta. Puse a re dumedisa, athe Lerato 5
yena a re nyemotsa feela a sa re natse hohang. 'Hela ntate, o ntse o le dikelellong
tseo?' Ke Mohle eo a se a ntse a supa Lerato ka dintshi a bile a bososela. 'Ei ntate,
ngwana ona o a tlola wa itsi. Ha ke tsebe hore nka etsa eng hore a tle ka letsoho; a ko
tle ka tsona weso, kana ke a mo rata hle.'

Ke tjho ka lebososelo le lenyenyane le sefahleho se bodutu. Ka bona a tsheha pele a 10
bua: 'Hlaba e tshweu ntate; bona, le ha o ka ja koto, eo yena ke mmamohana ke a o
jwetsa.' O ne a ntse a tsheha ka boswaswi ha a tjho jwalo. 'A ko tlohele boswaswi hle
ntate, kana ke tiile hle.' Ha a bona ka moo ke neng ke tiile ka teng a kgaotsa ho
swaswa.

2.12      Ke lebaka lefe le ka sehloohong le neng le sitisa Hlomi ho ratana le Dineo?            (1)

2.13      Fana ka lebaka le ileng la etsa hore Hlomi a fetohe molwantshuwa paleng
          ena.                                                                                   (1)

2.14      Ketso ya Mohle ya ho supa Lerato ka dintshi e ne e le letshwao la eng?                 (1)

2.15      Puisano ya Mohle le Hlomi ha ba ne ba qeta ho fihla kerekeng e totobatsa
          maikutlo afe a Hlomi?                                                                  (1)

2.16      Ke eng e entsweng ke Mmadito e thusitseng ho rarahanya diketsahalo paleng
          ena?                                                                                   (1)

2.17      Setswalle sa Hlomi le Mokgifa se ile sa fediswa ke eng?                                (1)

2.18      Nehelana ka dintho TSE PEDI paleng tse pakang hore 'Star Jori' e ne e le
          leshodu la moithuti.                                                                   (2)

2.19      Hlalosa kamoo theho ya lebitso Mmamohana e dumellanang kateng le Lerato
          diketsahalong tsa pale ena.                                                            (2)

2.20      Mehla ya diketsahalo tsa pale ee e bile le seabo sefe kamanong ya Hlomi le
          Lerato?                                                                                (2)

2.21      Tshohla kamoo mongodi a sebedisang dipuo le diketso ho senola semelo sa
          Tshiu paleng ena.                                                                      (3)
                                                                                                 [35]

Difuperweng tsa pampiri ena di se sebediswe ntle ho tumello                             Phetla

### Page 10

Downloaded from hlayiso.com
Sesotho Puo ya Tlatsetso ya Pele (FAL)/P2                10         DBE/Pudungwana 2023
                                                        NSC

POTSO YA 3: SEHLEKEHLEKE SA DEIDRO – VT Masima

Bala qotso ena ka tlhoko, o nto araba dipotso tse tla e latela tse thehilweng paleng
yohle.

TEMA YA E

'Ha ho hlokehe hore ke le bolelle kamoo re sebetsang kateng mabapi le batho ba
mofuta ona,' ke Mobishopo Biala eo. Eitse hoba a bue mantswe ana a tonela monna
wa Botswania mahlo. Ka ho etsa jwalo, mahlo kaofela a tafoleng a retelehela ka ho
monna wa rona. Eo yena a bata po, a hatsela a ba a honyella setulong hanyenyane; a
fokola ka ho panya ha leihlo hoo a neng a bile a bonahala jwalo ka motho ya 5
futuhetsweng ke mofikela ha bohlokohloko. Ao, masisapelo a motho ya itsebang
molato …

A senasena meno, a a beha lepalapaleng e le moo a lekang ho iponyapontsha.
Mobishopo Biala le yena a bonya hanyenyane, mme a pepeta pene ya hae a se a e
shebisitse ka ho eo ya molato. Hanghang pene ya fetoha sebetsa; ya tswa nalenyana 10
e kgutshwanyane e tlotseng ka ho panya ha leihlo ho ya ikepela molaleng wa motho
eo wa batho. Motho a tlolela hodimo, letsoho la hae le mamaretse molaleng wa hae; a
tatasela ho se hokae a mpa a hloleha ho ema nako e telele, a ba a wela fatshe
habohloko a se a iketse ha maotwanafinyela. 'Baheso, sena ke se seng sa dibetsa
tseo re ikemiseditseng ho di sebedisa twantshong ya bao ba lekang ho re sitisa 15
mosebetsing wa rona.'

3.1       Bolela hore kopano e qotsong e ne e tshwaretswe hokae.                             (1)

3.2       Karaburetso e hlahang qotsong e ka hodimo ke ya mofuta ofe?                        (1)

3.3       Nehelana ka lebitso la nnete la Chikano Fernado.                                   (1)

3.4       Mongodi o sebedisitse lewa lefe ketsahalong eo ho yona bohle ba ileng ba
          makala ha Mobishopo Biala a bolaya monna wa Botswania ka sehloho?
          Nehelana ka lebaka la karabo ya hao.                                               (2)

3.5       Bolela phapano e teng dipakeng tsa Zero le Ramaqiti.                               (2)

3.6       Mantswe a latelang a Mobishopo Biala, a re tjebela pele diketsahalong dife
          TSE PEDI?

          'Baheso, sena ke se seng sa dibetsa tseo re ikemiseditseng ho di sebedisa
          twantshong ya bao ba lekang ho re sitisa mosebetsing wa rona.'                     (2)

3.7       Ditaba tsa qotso ee, di o thusa jwang ho utlwisisa hore Biala ke mophetwa ya
          tjhitja?                                                                           (2)

3.8       Totobatsa kamoo mongodi a hlahisang semelo sa Chikano kateng
          ketsahalong eo ho yona a ileng a batla a bolawa ke dinokwane toropong ya
          Serowe.                                                                            (2)

Difuperweng tsa pampiri ena di se sebediswe ntle ho tumello                         Phetla

### Page 11

Downloaded from hlayiso.com
Sesotho Puo ya Tlatsetso ya Pele (FAL)/P2                11             DBE/Pudungwana 2023
                                                        NSC

3.9       Ke dintho dife TSE PEDI tseo Ramaqiti a ileng a di etsa hore Nasala a tle a
          se ke a hlola a qosetswa melato ya hae ya Bosothonia?                                (2)

3.10      Sekaseka lewa la tlholo dingolweng le hlahellang phethelong ya sengolwa
          sena.                                                                                (3)

                                             MMOHO LE

Boela o bale qotso e latelang ka tlhoko, o nto araba dipotso tse tla e latela.

TEMA YA F

Kgalase ya fensetere ya pshatleha mme molomo wa sethunya wa nyarela ka tlong.
'Fatshe!!' Chikano a hoa ka lentswe le phefa a se a bile a itahlela ka mora setulo sa
sofa seo a neng a dutse ho sona. Amanda a re o a phahama empa a iphumana a se a
tobane le molomo wa sethunya se ileng sa qala ho kgabola motjetje wa ntho. Amanda
a bonahala e se e le motho ya fihletseng bonono ba ho fofa moyeng ha ditholwana di 5
mo hlahlamolla; di mo ruta tantshi eo a neng a qala le ho qetela ho e
bapala tantshi ya lefu le sehloho.

Eitse hoba Amanda a we, sethunya sa boela sa bina pina ya sona ya mahlomola; sa e
bina jwalo e le ha se fetola ntlo dihele tse nyane ka ha se ne se tlatsitse ntlo
hlakantsutsu ya maqhetswana a ditulo, dikgalase, lerole ha mmoho le lerata le 10
tabolang hlooho ya motho. Eitse mola se yang se thola, Chikano a re a ke a lokolle ka
sa hae le yena, mme motho a bokolla sa ntjanyana e kgahlotsweng fensetereng eo
motjhinikane o neng o hlahile ho yona. Chikano a phahama moo a neng a ipatile teng,
empa pelo ya hae ya phaka ho etsa hlohlodingwane ha banna ba babedi ba tshwereng
dithunya ba ipetsetsa ka tlong.                                                       15

3.11      Bolela mofuta wa kgohlano o hlahang qotsong ena. Nnetefatsa ka ketsahalo
          E LE NNGWE ho tswa qotsong.                                                          (2)

3.12      Ke sekapuo sefe seo mongodi a se sebedisitseng polelong e latelang?
          Tshehetsa karabo ya hao ka lebaka.

          Motho a bokolla sa ntjanyana e kgahlotsweng fensetereng.                             (2)

3.13      Boradithunya ba ileng ba bolaya Amanda ka sehloho qotsong, ba amana
          jwang le Amanda mmoho le Chikano?                                                    (2)

3.14      Ditaba tsa qotso ee di dumellana jwang le sekapolelo se latelang?

          Ho ba lehlohonolo jwalo ka tshitshidi.                                               (2)

3.15      Kgetha karabo e nepahetseng ho tse ka masakaneng o be o nehelane ka
          lebaka la karabo ya hao.
          Mophetwa wa sehlooho paleng ena ke (Chikano, Zero, Dirisang).                        (2)

Difuperweng tsa pampiri ena di se sebediswe ntle ho tumello                           Phetla

### Page 12

Downloaded from hlayiso.com
Sesotho Puo ya Tlatsetso ya Pele (FAL)/P2                12          DBE/Pudungwana 2023
                                                        NSC

3.16      Phoqo e hlaha jwang ketsahalong eo ho yona Chikano a teanang le Amanda
          lekgetlo la pele ha a fihla hoteleng, Oshakati?                                   (2)

3.17      Ke ketsahalo efe paleng ena eo re ka reng e re bontsha mothipoloho?               (2)

3.18      Sekaseka qeto eo o ka e etsang ha o ka iphumana o le maemong a
          tshwanang le a Dirisang (Sister Ruth), a ho kgetha ho baleha le moholwane
          wa hao kapa ho emela hore o tshwarwe o ye tjhankaneng.                            (3)
                                                                                            [35]

                                                      MATSHWAO OHLE A KAROLO YA A:          35

Difuperweng tsa pampiri ena di se sebediswe ntle ho tumello                        Phetla

### Page 13

Downloaded from hlayiso.com
Sesotho Puo ya Tlatsetso ya Pele (FAL)/P2                13           DBE/Pudungwana 2023
                                                        NSC

KAROLO YA B: TSHWANTSHISO/TERAMA

POTSO YA 4: SEFI – DJ Nkutha

Bala qotso e latelang ka tlhoko, o nto araba dipotso tse thehilweng tshwantshisong
yohle.

TEMA YA G

MOTAUNG:           Ha ho lebote moo, le hoja la nka hora kaofela ho ne ho se lebote ho
                   ne ho se kgoba, ha feela le ne le ntshietse kgalase. Ke yona e neng e
                   ntshwere matsoho, ke lla ka yona feela. Le fihla ke se ke nahana ho
                   momorotsa ka yona botlolo ena ke lenyora.
MMATSHELE:         Butle ke tle ke o tshelle hona mona.                                    5
RABODITSE:         O khumbule we mfazi, a nga phambane amakomitjie.
MMATSHELE:         Alles is reg. Ek onthou elke ding. (O tshela jwala.)
MOTAUNG:           Tjhe, la tla la se peteketsa senkweshekweshe sena sa lona. Ke qala
                   ho utlwa weso o bua puo e nngwe. Ke Sezulu kapa Seqhotsa? Di
                   bapile ke a tseba.                                                      10
MMATSHELE:         Tlohela tseo. Kgalase ke eo, nanabela o e momorotse.
MOTAUNG:           Ke a leboha mme. (A enwa.) Ruri o letsoho le letle mosadi towe! Ke
                   hore ekare nka nwa motjetje feela ho ya ka moo bo leng monate ka
                   teng. (A e qetella.)
MMATSHELE:         Tjhe ka nnete ke a leboha Motaung wa ka. O etsa hantle ka ho            15
                   babatsa motho a sa phela ho ena le ha a iketse
                   boyabatho. (A makala.) Hao, ha eka wena Raboditse ha o nwe tjee
                   molato?
RABODITSE:         Ho na le taba eo ke ntseng ke e nahana, ke a thuhisa. Ke tla nwa, ke
                   sa buisana le badimo beso.                                              20
MMATSHELE:         Hakere o ntse o e bona biri e eme ka wena? Tswela pele re bone.
                   (Motaung a thibasela.)

4.1       Qolla maelana A MABEDI puong ya Motaung a bolelang hore ho ne ho se
          molato.                                                                              (2)

4.2       Ke ketsahalo efe tshwantshisong ena eo Raboditse a ileng a nnetefaletsa
          Motaung ka yona hore mosadi o tshwarwa jwang? Ketsahalo ee e totobatsa
          karaburetso ya mofuta ofe?                                                           (2)

4.3       Bolela dintho TSE PEDI tse bakileng kgohlano dipakeng tsa Motaung le
          Mmatiisetso tshwantshisong ena.                                                      (2)

4.4       Sebapadi sa tlatsetso ke sefe qotsong ee? Nehalana ka lebaka la karabo ya
          hao.                                                                                 (2)

4.5       Hlakisa phapano dipakeng tsa tshebediso ya phetapheto ya lentswe
          'momorotsa' le buuwang ke Motaung moleng wa 4 le ha le buuwa ke
          Mmatshele ho wa 11.                                                                  (2)

4.6       Mantswe ana a latelang a re tsebisa maikutlo afe a Motaung malebana le
          setswalle sa hae le Raboditse?

          'Le hoja la nka hora kaofela ho ne ho se lebote ho ne ho se kgoba …'                 (2)
Difuperweng tsa pampiri ena di se sebediswe ntle ho tumello                           Phetla

### Page 14

Downloaded from hlayiso.com
Sesotho Puo ya Tlatsetso ya Pele (FAL)/P2                14          DBE/Pudungwana 2023
                                                        NSC

4.7       Tomatso e hlahela jwang mantsweng a latelang a Mmatshele?

          'Kgalase ke eo, nanabela o e momorotse.'                                           (2)

4.8       Tshebediso ya mantswe a ntshofaditsweng polelong e latelang e tjebela
          mmadi pele jwang tshwantshisong ee?

          Tjhe ka nnete ke a leboha Motaung wa ka.                                           (2)

4.9       Tshebediso ya mantswe a latelang e b ile le t shusumetso efe?

          'Ruri o letsoho le letle mosadi towe!'                                             (2)

4.10      Sekaseka kamoo tshebediso ya puo ya Sezulu polelong e latelang e thusang
          ho ntshetsa pele kgohlano kateng tshwantshisong ena.

          'O khumbule we mfazi, a nga phambane amakomitjie.'                                 (3)

                                                MMOHO LE

Boela o bale qotso e latelang ka tlhoko, o nto araba dipotso tse thehilweng
tshwantshisong yohle.

TEMA YA H

MOTAUNG:              O molomo o moholo wena. Ke re (a hatella) ebang le sa nkutlwe,
                      mona ke ha ka mme ke nna hlooho ya lelapa lena. Wena
                      Mmatiisetso o molala hape o maoto feela, na o a nkutlwa mosadi?
                      (A inamisa hlooho motsotswana, a hopola mantswe a Raboditse le
                      mehlala ya hae.) Le se hlole le itlatlarietsa ka hore ke ise ngwana 5
                      sekolong empa a eya lenyalong. Ke re ha a ye moo. Ke neha lona
                      molao oo mme ka panyo ya leihlo o phethahatswe. Le a nkutlwa
                      lona? (Ba a kgutsa.) Le sa thotse hape. Ke tlo le bula melomo e
                      dilatswa ena ka makotofa le ba le swaba.
MMATIISETSO:          Ho lekane jwale Motaung. Ngwana enwa re dumellane hore o ya 10
                      sekolong, nna ha ke tjhetjhe tabeng eo.
MOTAUNG:              O bolelang ha o re ha o tjhetjhe moo. Ke utlwa eka o bua ka batho
                      ha o re 're', ebe ke bomang batho bao, kapa ke bahlankana ba
                      hao? Qhekwana le kang wena tjena le se le iphetotse kgarebe?
MMATIISETSO:          'Re' e bolela lelapa lohle ho kenyeletsa le wena. Tumellano re e 15
                      ntse mmoho, kajeno o mokwenehi. Tjhe lekgale bo monna ka.
MOTAUNG:              O lebala kapele mosadi. Ha o tsebe ho robala ke ho fetoha. Ha
                      masiu a rwalellana motho le yena o a fetoha. Le ho nna ho jwalo
                      feela.

4.11      Motaung o bolelang ka puo ena ya hae e latelang?

          'O molomo o moholo wena.'                                                          (1)

Difuperweng tsa pampiri ena di se sebediswe ntle ho tumello                         Phetla

### Page 15

Downloaded from hlayiso.com
Sesotho Puo ya Tlatsetso ya Pele (FAL)/P2                15          DBE/Pudungwana 2023
                                                        NSC

4.12      Ke mantswe afe a bontshang nyediso a tswang puong e latelang ya
          Motaung?

          Ke neha lona molao oo mme ka panyo ya leihlo o phethahatswe. Le a
          nkutlwa lona?                                                                     (2)

4.13      Bolela dintho TSE PEDI puong ya Mmatiisetso ho tswa qotsong tse
          bontshang hore ke motho wa maikutlo a phodileng.                                  (2)

4.14      Hlalosa teketliso e iponahatsang ketsahalong eo ho yona Motaung a hanang
          ho isa Tiisetso sekolong.                                                         (2)

4.15      Sepheo sa mongodi ke sefe ka ho sebedisa ditaelo tsa kalaneng?                    (2)

4.16      Motaung o sebedisa puo jwang ho bontsha matla a hae puisanong e
          qotsong?                                                                          (2)

4.17      Sekaseka sehalo se ikutlwahatsang mantsweng a latelang a Motaung.

          'Ke utlwa eka o bua ka batho ha o re 're', ebe ke bomang batho bao, kapa ke
          bahlankana ba hao?'                                                               (3)

                                                      MATSHWAO OHLE A KAROLO YA B:          35

Difuperweng tsa pampiri ena di se sebediswe ntle ho tumello                        Phetla

### Page 16

Downloaded from hlayiso.com
Sesotho Puo ya Tlatsetso ya Pele (FAL)/P2                16            DBE/Pudungwana 2023
                                                        NSC

KAROLO YA C: DIPALEKGUTSHWE

Karolong ena, dipotso di thehilwe hodima dipalekgutswe tse latelang:

     'Phokojwe ho phela e diretsana' – NA Mpembe
     'Eseng kajeno, empa hosane' – MM Mpembe

POTSO YA 5

Bala diqotso tse latelang ho tswa ho dipalekgutswe TSE PEDI ebe o araba dipotso tse
thehilweng ho tswa ho palekgutswe ka nngwe. Palo ya matshwao a abetsweng potso
ka nngwe e sebediswe e le tataiso ya bolelele ba karabo

ELA HLOKO: Araba dipotso tse botsitsweng diqotsong TSE PEDI khr. POTSO 5.1 le
           POTSO 5.2

5.1       'PHOKOJWE HO PHELA E DIRETSANA' – NA Mpembe

          Bala qotso e latelang ka tlhoko, o nto araba dipotso tse thehilweng
          palekgutshweng yohle.

          TEMA YA I

          Moaho o motle, o dikhonakhona wa phahama ha o ntse o hahuwa. Samadula
          le Tefo ho ya ka polane ya kgwebo ya bona, ba ne ba tlilo rekisa dintho tse
          ngatangata: Ho ne ho le teng moo ho rekiswang meroho le ditholwana,
          kerosari, fenishara, dijo, diaparo, dinomaphodi le dimathelahloohong. Moreki
          o ne a ke ke a tswa ka moahong oo a sa fumana seo a se batlang. Ba ne ba 5
          entse tseo ba tshwanelang ho di etsa ha ba qala kgwebo eo. Ba e rehile
          lebitso le mathemalodi la kgwebo, ba buile le mmuelli ka ho ngodisa kgwebo
          eo ya bona, ba entse dikopo tsa metsi, motlakase le mohala; ba rekile dikoloi
          le thepa ya ofisi, ba batla inshorense ya dintho tsohle le kgwebo, ba ba ba
          ikatela ka ho ba le setsebi sa tsamaiso ya matlotlo.                          10

          Kgidik! 'Letjhabile', lebenkelehadi le letjhaletjha la Samadula le Tefo la bulwa
          e le mafelo a kgwedi ka Moqebelo motseng wa Bombela. La bulwa le sele
          ebile le sele le bohweng ba ntja. E ne e le lephehlophehlo le lehlanahlana la
          motimahlaha tsatsing leo. Medidietsane e utlwahala hole, e le letshwele le
          beta poho. Ho phethesela banna le basadi, maqheku le maqhekwana mmoho 15
          le bana. E le seile e kgolo dikarolong tsohle tsa moaho. Bana bona ba hanella
          moo ho rekiswang dibaesekele le dintho tse bapalang. Bareki ba tjhofa diteroli
          ba bang bona ba kakatletse dimanki.

          5.1.1       Bolela sesebediswa SE LE SENG seo bareki ba neng ba se
                      sebedisa ho tshela diphahlo tsa bona mohla lebenkele le letjha le
                      neng le bulwa.                                                          (1)

          5.1.2       Karaburetso e hlahang qotsong ee ke ya mofuta ofe?                      (1)

          5.1.3       Ke diketso dife TSE PEDI qotsong tse bontshang hore Samadula
                      le Tefo ke baphethwa ba bohlale?                                        (2)

Difuperweng tsa pampiri ena di se sebediswe ntle ho tumello                          Phetla

### Page 17

Downloaded from hlayiso.com
Sesotho Puo ya Tlatsetso ya Pele (FAL)/P2                17                 DBE/Pudungwana 2023
                                                        NSC

          5.1.4       Hlalosa hore maele a latelang a o thusa jwang ho utlwisisa maemo
                      a mohla ho neng ho bulwa lebenkele.

                      'Le sele ebile le sele le bohweng ba ntja.'                                  (2)

          5.1.5       Kganyetsano e hlahella jwang dipakeng tsa diketsahalo tse
                      qotsong le maemo a bophelo ka kakaretso motseng wa Bombela?                  (2)

          5.1.6       Ke sefe se totobatsang setaele sa mongodi qotsong ee?                        (2)

          5.1.7       Dumellana le polelo e latelang ka ho nehelana ka lebaka la karabo
                      ya hao.

                      Baphetwa ba sehlooho               ha   ba   babedi   empa   o   mong
                      palekgutshweng ena.                                                          (2)

          5.1.8       Bolela ntho E LE NNGWE ho tswa qotsong e lokelang ho hlaha
                      tlhekelong.                                                                  (1)

          5.1.9       Ditaba tsa palekgutshwe ena di totobatsa mehla efe ya
                      diketsahalo? Nehelana ka lebaka la karabo ya hao.                            (2)

          5.1.10      Manolla kamoo sehlooho sa palekgutshwe ena 'Phokojwe ho phela
                      e diretsana' se amanang kateng le molaetsa wa yona.                          (3)

                                            MMOHO LE

5.2       'ESENG KAJENO, EMPA HOSANE' – MM Mpembe

          Bala qotso e latelang ka tlhoko, o nto araba dipotso tse thehilweng
          palekgutshweng yohle.

          TEMA YA J

          'Ntate Ntwahae, o sa ntsane o belaela hore na ebe ke mang eo e leng
          sesosa sa ho feila ha Selallane? Ke ile ka o kopa ka makgetlo hore o theole
          moya, o botsisise ditaba hantle pele o ka iketsetsa qeto ya hore motho e
          mong o molato. Hona jwale o se o re fetotse batho ba babe, ba sa rateng
          bana, empa molato ke wa mang hore ngwana a feile? Hona jwale le kgamme 5
          titjhere Phala ka tae, la mo teteka, la mmitsa ka mabitso ohle ao le ka a
          hopolang. Bona kamoo le re senyeditseng letsatsi le nako kateng. Re sitilwe
          ho ruta bana dithuto kaofela tsatsing lena, re shebane le ntwa hao e
          maketseng.'

          Ha ho sa ntsane hu buuwa ditaba jwalo, Selallane a re feela rao! A atamela 10
          pela titjhere Phala, a kgumama ka mangole fatshe. Moo a reng o tla bua
          teng, ntatae a be a se a le ho yena, a mo hula hampe feela hore a se
          kgumame. 'O kgumamela eng wena? Na ebe ho na le morena eo o lokelang
          ho mokgumamela moo, sekolong?' Mora a ithutla diatleng tsa hae hoo
          titjhere Phala a ileng a ba a tshoha, a hopola hore mohlomong ba ntse ba na 15
          le morero o itseng ka yena. A raoha setulong, a tlolela moraonyana, a hlile a
          qwaile haholo.

Difuperweng tsa pampiri ena di se sebediswe ntle ho tumello                               Phetla

### Page 18

Downloaded from hlayiso.com
Sesotho Puo ya Tlatsetso ya Pele (FAL)/P2                18                  DBE/Pudungwana 2023
                                                        NSC

          5.2.1       Bolela se ileng sa pholosa titjhere Phala atleng tsa Ntwahae
                      tsatsing leo.                                                                   (2)

          5.2.2       Bolela baphethwa BA BABEDI ba sehlooho palekgutshweng ena
                      ba hlahang qotsong ena.                                                         (2)

          5.2.3       Kgohlano e hlahang qotsong ena ke ya mofuta ofe? Hobaneng o
                      realo?                                                                          (2)

          5.2.4       Hlalosa kamoo ketelo             ya     Ntwahae   sekolong   e   lebisang
                      sehlohlolong kateng.                                                            (2)

          5.2.5       Ho ya ka diketsahalo tsa palekgutshwe ee, na re tla be re nepa ha
                      re re titjhere Phala o ne a le pelonolo? Nehelana ka lebaka la
                      karabo ya hao.                                                                  (2)

          5.2.6       Ditaba tsa qotso ee, di hanana jwang le sebaka seo di etsahallang
                      ho sona?                                                                        (2)

          5.2.7       Selallane o ile a re ke lebaka lefe le etsang hore a lahle thuto ya
                      lapeng labo?                                                                    (2)

          5.2.8       Sekaseka lewa la mothinya o sa lebellwang le hlahellang
                      pheletsong ya palekgutshwe ena.                                                 (3)

                                                      MATSHWAO OHLE A KAROLO YA C:                    35

Difuperweng tsa pampiri ena di se sebediswe ntle ho tumello                                  Phetla

### Page 19

Downloaded from hlayiso.com
Sesotho Puo ya Tlatsetso ya Pele (FAL)/P2                19             DBE/Pudungwana 2023
                                                        NSC

KAROLO YA D: DITHOTHOKISO

Karolong ena, dipotso di thehilwe hodima dithothokiso tse latelang:

     'O emetseng' – TJ Mahapa
     'Kodiamalla' – J Rathebe

ELA HLOKO:          Araba dipotso tse botsitsweng dithothokisong TSE PEDI, khr.
                    POTSO 6.1 le POTSO 6.2.

POTSO YA 6

6.1       Bala thothokiso ena ka tlhoko, ebe o araba dipotso tse tla e latela.

          TEMA YA K

          O EMETSENG – T Mahapa

          1       Hantlentle molato keng sephoqo towe,
          2       Ha o dutse lapeng o ahlame,
          3       Tlasa bethe e le lao sa hao,
          4       Ha thunya se lla se kgabola?

          5       Tjhaba ke sela se a itseka,
          6       Ntwa se e lata letailane,
          7       Se re: 'Ha e boye Afrika, ha e boye',
          8       Wena o ahlame tlong phauphau towe.

          9       O emetseng semaumau towe?
          10      Ha basadi ba tswile ba lwana,
          11      Wena o ahlame tlong o a phoqosela,
          12      Hantlentle molato keng ntjamme.

          13      Hela, nkahlama phaphama,
          14      Tadima ba masea bana ke bane,
          15      Wena o emetseng?
          16      Tadima ba masea bana ke bane,

          17      Hela, tsheremoloha wena, tsoha,
          18      Ikise o yo lwana nkahlama,
          19      Aforikeng e ntjha le wena o be le seabo,
          20      Kapa o emetseng?

          6.1.1       Qolla mantswe A MABEDI a fehlang maikutlo temanathothokisong
                      ya 1.                                                                    (2)

          6.1.2       Ke bokgabo bofe bo sebedisitsweng molathothokisong wa 9?                 (1)

          6.1.3       Ke molathothokiso ofe temanathokisong ya 2 o re tsebisang hore
                      setjhaba ke sona se ileng sa qala ntwa?                                  (1)

Difuperweng tsa pampiri ena di se sebediswe ntle ho tumello                           Phetla

### Page 20

Downloaded from hlayiso.com
Sesotho Puo ya Tlatsetso ya Pele (FAL)/P2                20             DBE/Pudungwana 2023
                                                        NSC

          6.1.4       Hobaneng ha sethothokisi se kgethile ho sebedisa lentswe
                      'kgabola' ha se phetapheta moelelo molathothokisong wa 4?                (2)

          6.1.5       Ke lentswe lefe temanathothokisong ya 1 leo ho sebedisitsweng
                      kgonyetso ho lona?                                                       (1)

          6.1.6       Karaburetso e sebedisitsweng molathothokisong wa 5 le 6 e o
                      thusa jwang ho utlwisisa se bolelwang moo?                               (2)

          6.1.7       Manolla sehalo thothokisong ena.                                         (2)

          6.1.8       Bohlokwa ba kgefutsohare e sebedisitsweng molathothokisong wa
                      17 ke bofe?                                                              (2)

          6.1.9       Anastrofi e sebedisitsweng molathothokisong wa 19 e thusa jwang
                      ho fetisa molaetsa wa sethothokisi temanathothokisong eo?                (2)

          6.1.10      Sekaseka kamoo kgetho ya mantswe e thusang kateng ho fetisa
                      molaetsa wa sethothokisi temanathothokisong ya 1 le ya 3.                (3)

                                             MMOHO LE

6.2       Bala thothokiso ena ka tlhoko, ebe o araba dipotso tse tla e latela.

          TEMA YA L

          KODIAMALLA – JK Rathebe

          1        Meya ya feralla,
          2        Pula tsa ruthutha,
          3        Lebatama la hlola lefatshe,
          4        Radihlodilweng a re befela.

          5        Lapeng la Kgatebe pei ya dula,
          6        Batho kgotso ya fetoha maswabi,
          7        Ntate a bitswa hae kgotsong,
          8        A bitswa ke sa ikanya menwana.

          9        Lefu la hlaba hwa fifala,
          10       La hlaba hona monateng lehlakoreng,
          11       La hlotha tshiya batho ba lla sa mmokotsane,
          12       La qobella mme thapong tse ntsho.

          13       Basotho ntate a ollwa mobung
          14       Ka polao e sehloho ho oroswa,
          15       Thipa ya bolaya ka hlollwa,
          16       Joo! Lefu o sehloho.

          6.2.1       Qolla lentswe le ntseng le bolela Modimo temanathothokisong
                      ya 1.                                                                    (1)

Difuperweng tsa pampiri ena di se sebediswe ntle ho tumello                           Phetla

### Page 21

Downloaded from hlayiso.com
Sesotho Puo ya Tlatsetso ya Pele (FAL)/P2                21                     DBE/Pudungwana 2023
                                                        NSC

          6.2.2       Bolela   bokgabo     ba            bothothokisi      bo     sebedisitsweng
                      molathothokisong wa 7.                                                          (1)

          6.2.3       Ke molathothokiso ofe o re tsebisang hore ntata sethothokisi o
                      hlokahetse se sa le se nyenyane haholo dilemong?                                (1)

          6.2.4       Nehelana ka mofuta wa                   phetapheto    e     sebedisitsweng
                      molathothokisong wa 9 le 10.                                                    (1)

          6.2.5       Hantlentle sethothokisi se bolelang molathothokisong wa 11?                     (2)

          6.2.6       Ho ya ka ditaba tsa qotso ee, ke eng e hlileng ya hlola hore lelapa
                      la Kgatebe le tla hlahelwa ke tse bohloko?                                      (2)

          6.2.7       Nehelana ka lebaka le sa dumellaneng le polelo e latelang.

                      Thothokiso ena ke ya tlhaloso.                                                  (2)

          6.2.8       Temanathothokiso ya 1 e qholotsa maikutlo afe ho wena?
                      Nehelana ka lebaka la karaso ya hao.                                            (2)

          6.2.9       Sepheo sa sethothokisi ka ho se behe letshwao la ho bala
                      molathothokisong wa 13 ke sefe?                                                 (2)

          6.2.10      Tshohla karaburetso e sebedisitsweng temanathothokisong ya 4.                   (3)

                                                      MATSHWAO OHLE A KAROLO YA D:                    35
                                                         MATSHWAO A PAMPIRI YOHLE:                    70

Difuperweng tsa pampiri ena di se sebediswe ntle ho tumello

## Related documents

- [Sesotho FAL P1 Nov 2023](https://www.hlayiso.com/library/sesotho-fal-p1-nov-2023/41fe929a-eee1-4350-9dbf-3e1c6f300ed1) — Sesotho FAL · QP · 2023 · Sesotho
- [Sesotho FAL P3 Nov 2023](https://www.hlayiso.com/library/sesotho-fal-p3-nov-2023/5a8d76c9-f6da-4c86-8493-642bd0f0d6d7) — Sesotho FAL · QP · 2023 · Sesotho
- [Sesotho FAL P2 May-June 2023](https://www.hlayiso.com/library/sesotho-fal-p2-may-june-2023/f3f6a19f-2a34-43a1-87ec-036e2ccdddd4) — Sesotho FAL · QP · 2023 · Sesotho
- [Sesotho FAL P2 Nov 2022](https://www.hlayiso.com/library/sesotho-fal-p2-nov-2022/6d575af7-a648-4cec-b73a-f31ce4b49893) — Sesotho FAL · QP · 2022 · Sesotho
- [Sesotho FAL P2 Nov 2021](https://www.hlayiso.com/library/sesotho-fal-p2-nov-2021/899e52ac-dbf5-4b00-a290-be24968ad0fe) — Sesotho FAL · QP · 2021 · Sesotho
- [Sesotho FAL P2 Nov 2019](https://www.hlayiso.com/library/sesotho-fal-p2-nov-2019/d92e0ae9-9c84-4607-8e24-269efde91644) — Sesotho FAL · QP · 2019 · Sesotho

## More from Grade 12 Sesotho FAL

- [Gr 12 Sesotho FAL ATP 2023-24](https://www.hlayiso.com/library/gr-12-sesotho-fal-atp-2023-24/4a5a6b42-02a8-4c54-8c2b-ae1be2aa474d) — ATP
- [Sesotho FAL P1 Nov 2025 MG](https://www.hlayiso.com/library/grade-12-sesotho-fal-2025-nsc-november-exam-question-paper-paper-1-sesotho/1e766205-6592-4800-a474-2490cb1c1ff7) — Memo · 2025 · Sesotho
- [Sesotho FAL P2 Nov 2025 MG](https://www.hlayiso.com/library/grade-12-sesotho-fal-2025-nsc-november-exam-question-paper-paper-2-sesotho/9e9887ae-3191-4ae1-8c3f-3dec9dd8137d) — Memo · 2025 · Sesotho
- [Sesotho FAL P3 Nov 2025 MG](https://www.hlayiso.com/library/grade-12-sesotho-fal-2025-nsc-november-exam-question-paper-paper-3-sesotho/70b20cb8-1297-4295-928a-149a9d8a15c4) — Memo · 2025 · Sesotho
- [Sesotho FAL P1 Nov 2024 MG](https://www.hlayiso.com/library/sesotho-fal-p1-nov-2024-mg/6885488d-3ea1-4521-bc08-9b8b47535837) — Memo · 2024 · Sesotho
- [Sesotho FAL P2 Nov 2024 MG](https://www.hlayiso.com/library/sesotho-fal-p2-nov-2024-mg/42ba44d7-3b6e-4630-aba1-48748872a0d8) — Memo · 2024 · Sesotho

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
