# Setswana HL Grade 12 Paper 1 NSC June 2021 Question Paper

> Grade 12 Setswana HL Paper 1 question paper from the NSC June Exam 2021, 9 pages. Read online or get the free PDF download, memo linked when available.

- Page: https://www.hlayiso.com/library/setswana-hl-p1-may-june-2021/bed87c46-87b5-4acf-b55f-caf61c35bb9b
- Updated: 2026-09-27
- Subject: Setswana HL
- Grade: Grade 12
- Language: Setswana
- Document type: Question paper
- Year: 2021
- Exam period: NSC June Exam
- Paper: 1
- Curriculum: CAPS
- Pages: 9

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Setswana HL](https://www.hlayiso.com/library/grade-12/setswana-hl) › [Setswana HL Grade 12 Paper 1 NSC June 2021 Question Paper](https://www.hlayiso.com/library/setswana-hl-p1-may-june-2021/bed87c46-87b5-4acf-b55f-caf61c35bb9b)

## About this document

Setswana Hl · Grade 12 · NSC June Exam · 2021 · setswana. Question paper, 9 pages. Read online or download the PDF.

Read it free online on the page above; download the PDF from there.

## Matching paper and memo

- [Setswana HL P1 May June 2021 MG](https://www.hlayiso.com/library/setswana-hl-p1-may-june-2021-mg/b6aa764b-82d4-4686-8a6a-06b1616ab457) — Memo · 2021 · Setswana

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

              SENIOR CERTIFICATE EXAMINATIONS/
          NATIONAL SENIOR CERTIFICATE EXAMINATIONS

                            SETSWANA PUO YA GAE (HL)

                              PAMPIRI YA NTLHA (P1)

                                           2021

                                                                         MADUO: 70

                                                                  NAKO: Diura di le 2

                            Pampiri e, e na le ditsebe di le 9.

Kwalololo e ileditswe                                                         Phetla

### Page 2

Downloaded from hlayiso.com
Setswana Puo ya Gae (HL)/P1                   2                            DBE/2021
                                           SC/NSC

DITAELO LE TSHEDIMOSETSO

1.        Pampiri e, e arogantswe ka DIKAROLO di le THARO.

          KAROLO YA A:        Tekatlhaloganyo    (30)
          KAROLO YA B:        Tshobokanyo        (10)
          KAROLO YA C:        Tiriso ya puo      (30)

2.        Araba dipotso TSOTLHE.

3.        Simolola KAROLO NNGWE le NNGWE mo tsebeng e NTŠHWA.

4.        Thala mola morago ga KAROLO NNGWE le NNGWE.

5.        Nomora karabo NNGWE le NNGWE jaaka potso e nomorilwe.

6.        Tlola mola morago ga karabo NNGWE le NNGWE.

7.        Tlhokomela mopeleto le popego ya dipolelo.

8.        Kabo ya nako e e tshikinngwang:

          KAROLO YA A:        Metsotso e le 50
          KAROLO YA B:        Metsotso e le 30
          KAROLO YA C:        Metsotso e le 40

9.        Kwala ka mokwalo o o buisegang le ka mopeleto o o kannweng ke Lekgotla
          la Bosetšhaba la Puo ya Setswana.

Kwalololo e ileditswe                                                        Phetla

### Page 3

Downloaded from hlayiso.com
Setswana Puo ya Gae (HL)/P1                    3                                     DBE/2021
                                            SC/NSC

KAROLO YA A: TEKATLHALOGANYO

POTSO 1

1.1       Buisa setlhangwa se se latelang, mme morago o arabe dipotso.

          SETLHANGWA A (TEMANA)

          1     E ne e le setlhotswana sa basimane ba ba neng ba tshwana ka mekgwa
                e bile mo phaphosiborutelong ba se botlhale. Go ne go se sepe se ba
                neng ba se itse mo dithutong, sa bona e ne e le bopoo fela. O ne o ka
                fitlhela motho wa teng a palelwa ke go buisa buka ya mophato wa ntlha a
                peleta mafoko jaaka e kete ga a mo mophatong wa bosupa. Motho wa 5
                teng o ka fitlhela a didimaditse bolotsana e kete katsenyana ya
                modumedi, e re sekolo se tswe fela, o tlaa bona metlholo. Bona
                barutwana ba mofuta o, ga ba falole bonolo mo ditlhatlhobong. Go le
                gantsi ba utlwelwa botlhoko, mme ba fetisiwe fela go fitlha kwa
                mophatong wa marematlou. Botlhogonkope ba ba bosula ba, e rile fa ba 10
                setse ba le kwa sekolong se segolwane, ba palelwa ke go tswelela pele
                ka dithuto, ba ne ba dumelana ka bongwe fela jwa pelo go lebala ka
                sekolo.

          2      Ba ne ba tsenyana ka ditlhogo mo nthagarageng ya bosenyi.
                A utlwalega jang Razer, moeteledipele wa bona, ba mo dikaganyeditse 15
                boNthibeng, Jack le Bosi. Ba sisibetse e kete ba mo phitlhong ya kgosi.
                A ba bontsha ka moo ba tlaa humang ka teng e bile ba tlaa kgweetsa
                dikoloi tsa go tura tsa majabajaba. Jack a mo tlatsa a sa kgale mathe
                ganong a ntse a rototse matlho a makima, a thwantsha menwana e
                meleele a ntse a re, re tlaa be re le dikhothana. Re tlaa itsege lefatshe ka 20
                bophara. Banyana le basimane ba tlaa utlwa ka rona. Go ne go se ope
                yo o kgatlhanong le se se mo tafoleng.

          3     Ba ne ba setse ba itumetse e bile ba bela madi, ba eletsa gore e kete ba
                ka bo ba setse ba simolotse tiro ya bosenyi. E rile pele ba simolola tiro
                ya bona, ba batla leina la setlhopha gore ba tle ba tiye dipelo, ba tume 25
                gaufi le kgakala. Bosi a tlola ka lona a re: 'Matlantla', Razor a le gana.
                Nthibeng a bua ka kotswana a re: 'Maragantšwa'. Ba tlola ka gangwe fela
                ba tshega, ba goeletsa ba re, eitha! Maragantšwa, majita. Go tloga
                letsatsi leo, ba dira gore diaparo tsa bona di kwalwe Maragantšwa.

          4     Maragantšwa a feretlha Tlebetlebe, a ya godimo le tlase, batho ba 30
                Modimo ba ba se nang molato ba tlhoka go hema e le ruri. Bosigo le
                motshegare ba tshwarwa poo ke Maragantšwa. Ba ne ba le mašetla e
                bile ba le swele, ba se na kutlwelobotlhoko. Ba ne ba sa tshabe go ya
                kwa dikamogelong tsa batsofe ba rwele bommamatlhwana, ba fete ba
                tsose lerole la Phatwe go le mariga.                                  35

          5     Maragantšwa a ne a tlhatlhamolola marulelo a metlhatlhagano e megolo
                ba sa ipelaele, kwa dikolong gona go ne go itsege e le matantabelo a
                bona. Ba ne ba feditse dikhomputara tsa dikolo le dipolokelo tsa tshipi,
                mme ba sa tshwarwe. Ka nako eo, ba ne ba ise ba nne le
                makwaloitshupo, ka jalo mapodisi a a tsayang dikgatiso tsa menwana ba 40
Kwalololo e ileditswe                                                                  Phetla

### Page 4

Downloaded from hlayiso.com
Setswana Puo ya Gae (HL)/P1                        4                                          DBE/2021
                                                SC/NSC

                itaya sefololetse. Go ne go se ope mo motseng yo o neng a batla go
                loma mapodisi tsebe ka bona ka ba ne ba tshabega e bile ba itsege ka
                boswele. Batsadi ba bona ba ne ba tlhomola pelo ka ba ne ba
                kgalemeletse ruri, mme go se nko e e tswang lemina. Go bontsha gore
                ba ne ba ba tsosetsa malwetsi a pelo.                                45

          6     Go ne go makatsa go bona badiri ba ba dirang ka natla, bangwe ba
                direla puso, mme ba se na dikoloi tse Maragantšwa a tsamayang ka
                tsona. Ba na le dikoloi tsa mefuta ya sejeremane, mme ba sa dire gope.
                Basimane ba ne ba tuma gaufi le kgakala tota le kwa Gauteng ba ne ba
                budutsa ba sa tshameke. Ba ne ba sa gopole gore 'tsatsi lengwe ba tlaa 50
                tlhagelwa ke madimabe ka gonne go senyetsa batho mo go bona e ne e
                se phoso. Ba ne ba itoile dipelo. Ba ne ba bona botshelo bo le monate,
                go se letsapa le le ba fisang pelo. O ntse jalo monate, o ka go fetola wa
                nna makoko.

          7     Ditsala tsa tswelela ka go bogisa batho ba sutlha ka fa ba tswa ka fa e le 55
                bothelela-bodiba ba madi a magolo. Letsatsi lengwe fa morago ga
                sebaka se se leele, la bona letsatsi la ba tlela jaaka loso ba sa nagana.
                E rile fa koloi e e tsamaisang tšhelete e ba feta mo tseleng, ba e meletsa
                mathe ba bo ba e baya mangole ka koloi ya bona e ne e le lebelo thata.
                E rile pele ga koloi ya madi e tlaa goroga kwa lefelong la mogolo wa 60
                batsofe, Maragantšwa a ponto le šeleng, ba be ba tlhakatlhakane le yona
                ka dithunya, basimane ba ba dipelo di thata. Go ne ga šwa logong ga
                sala molora. Banna ba ba tsamaisang madi ba rutilwe go dirisa sethunya
                sentle. Maragantšwa tsatsi leo, ba ineela, ba tsholetsa diatla mo
                phefong. Ba ipileditse bokoa jwa mmele go sa tlhokege.                     65

                               [E nopotswe go tswa go Botlhoko, monate, di ya thoteng. O Motlhabane]

          1.1.1          Tlhopha karabo e e maleba ka go kwala tlhaka e e nepagetseng
                         A, B, C kgotsa D.

                         Maragantšwa ke setlhopha sa ...

                        A    dirukhutlhi.
                        B    maitsegotlhe.
                        C    boramatlhajana.
                        D    matlantla.                                                                  (1)

          1.1.2          Naya leina la mosimane yo o tlileng ka kakanyo ya bosenyi.                      (1)

          1.1.3          Naya dikgwetlho di le THARO tse di kgoreleditseng basimane go
                         tswelela ka dithuto tsa bona kwa sekolong.                                      (3)

          1.1.4          Fa Maragantšwa a tlogela sekolo, a ne a le mo seemong sefe?                     (1)

          1.1.5          Kwala lereo 'tura' ka Setswana se se tlhololo. (TEMANA 2)                       (1)

          1.1.6          Tlhagiso e e reng 'ba tlhoka go hema' mo go TEMANA 4, e kaya
                         eng?                                                                            (2)

Kwalololo e ileditswe                                                                           Phetla

### Page 5

Downloaded from hlayiso.com
Setswana Puo ya Gae (HL)/P1                       5                                          DBE/2021
                                               SC/NSC

          1.1.7          Ke lefelo lefe le Maragantšwa ba neng ba le tsenelela bonolo?                  (1)

          1.1.8          Goreng Maragantšwa a ne a rwala bommamatlhwana fa ba ya kwa
                         dikamogelong tsa batsofe?                                                      (2)

          1.1.9          Maragantšwa ba ne ba dirisa madi a ba a utswitseng jang?                       (2)

          1.1.10         Ditlamorago tsa bosenyi jwa Maragantšwa e nnile dife?                          (2)

          1.1.11         Tlhalosa gore go tewa jang fa go twe 'la bona letsatsi la ba tlela
                         jaaka loso ba sa nagana'. (TEMANA 7)                                           (2)

          1.1.12         Go ya ka wena, go ka bo go dirilwe eng go thusa basimane ba ba
                         kaiwang mo temaneng go tila ditiragalo tsa bosenyi?                            (2)

          1.1.13         A ke ntlha kgotsa ke kakanyo gore Maragantšwa a ne a itoile
                         dipelo? Tshegetsa karabo ya gago ka lebaka. (TEMANA 6)                         (2)

          1.1.14         Fa o ne o le mongwe wa batho ba ba senyeditsweng ke basimane
                         ba, o ne o tlaa dira eng?                                                      (2)

1.2       Leba setshwantsho se se latelang, mme morago o arabe dipotso.

          SETLHANGWA B (SETSHWANTSHO)

                                      [Se nopotswe go tswa mo inthaneteng ya Google Image]

          1.2.1          Naya ntlha e le NNGWE e SETLHANGWA A le SETLHANGWA B
                         di tshwanang ka yona.                                                          (2)

          1.2.2          Naya ntlha e le NNGWE e SETLHANGWA A le SETLHANGWA B
                         di farologanang ka yona.                                                       (2)

          1.2.3          A o ka dumelana le ntlha ya gore dirukhutlhi tse di mo go
                         SETLHANGWA B, ga di boife sepe? Tshegetsa karabo ya gago ka
                         lebaka.                                                                        (2)
                                                        PALOGOTLHE YA KAROLO YA A:                      30
Kwalololo e ileditswe                                                                         Phetla

### Page 6

Downloaded from hlayiso.com
Setswana Puo ya Gae (HL)/P1                   6                                          DBE/2021
                                           SC/NSC

KAROLO YA B: TSHOBOKANYO

POTSO 2

Buisa temana e e fa tlase ka kelotlhoko. E tlhagisa tshedimosetso ka ga go reka
sejanaga kwa fantising.

ELA TLHOKO: O tshwanetse go dira tse di latelang:

1.     Sobokanya temana e ka go tlhagisa dintlha di le SUPA ka ga tshedimosetso e
       moreki a tshwanetseng go nna le yona fa a reka sejanaga kwa fantising.
2.     Kwala ka temana, o dirisa mafoko a gago, mme o sa latlhe bokao.
3.     Boleele bo se fete mafoko a a ka nnang 90.
4.     Tshobokanyo e se ka ya newa setlhogo.
5.     Kwala palo ya mafoko a o a dirisitseng kwa bokhutlong jwa tshobokanyo.

SETLHANGWA C

                          GO REKA SEJANAGA KWA FANTISING

Batho ba bantsi ga ba nke ba nagana ka ditsela tse dingwe tsa go reka sejanaga. Ba
nagana fela ka tsela e e tlwaelegileng ya go ikela kwa lebenkeleng la dijanaga kgotsa
go reka mo mothong yo mongwe. O ka tlhopha go iponela sejanaga ka go reka kwa
fantising. Fantisi ke sengwe se se ka go itumedisang. Ga se batho ba bantsi ba ba ka
lemogang gore ba ka boloka madi a mantsi go bona dijanaga tsa ditoro tsa bona ka
mokgwa o. Tlhokomela gore go ka nna le dilo dingwe tse dintsi tse di ka se tsamayeng
sentle.

Fa o reka sejanaga kwa fantising, netefatsa gore setheo seo se kwadisitswe le molao
wa tshireletso ya bareki. Setheo se, se bolela fa fantisi e sireletsa bareki ka ditsela tse
tharo tse di latelang: go kwala diphoso tsotlhe tsa sejanaga, mofantisi o tshwanetse go
neela batho nako go lekola sejanaga pele fantisi e simolola, mme ga a tshwanela go
bua bobe ka, kgotsa go tlhagisa maemo a sejanaga. Itse gore dijanaga di rekisiwa ka
maemo ao di leng mo go ona. Se se kaya gore o ka se ka wa se kgweetsa pele o se
reka.

Ka letsatsi la fantisi, o tshwanetse go duela madi a peeletso, mme o bone nomoro ya
go ikwadisetsa theko. O tlhoka lokwaloitshupo, setlankana sa go kgweetsa le lokwalo
la ditirelo tsa masepala. Tlhokomela gore o tsaya maikarabelo a go duelela dilo tsotlhe.
O ka duela ka mekgwa e e farologaneng, e ka nna ka EFT kgotsa karata ya banka. Fa
o ya kwa difantising tse di farologaneng, o ka fitlhela sejanaga sa ditoro tsa gago ka
tlhotlhwa e e kwa tlase. Difantisi dingwe di nna teng beke nngwe le nngwe. Nna o
tlhokometse gore dinomoro tsa enjene di nyalelana le tse di mo ditlankaneng tsa
sejanaga. Mantswe a bofelo: Go reka sejanaga kwa fantising go a tshosa fa e le gore
ga o itse ka fa dilo di tsamaisiwang ka gona. Fa o na le kitso ya go reka dijanaga kwa
fantising, o ka se tlhole o reka ka tsela e nngwe gape.

                                             [Se fetoletswe go tswa go Skyways, Tlhakole, 2020]

                                                    PALOGOTLHE YA KAROLO YA B:                      10

Kwalololo e ileditswe                                                                      Phetla

### Page 7

Downloaded from hlayiso.com
Setswana Puo ya Gae (HL)/P1                     7                                    DBE/2021
                                             SC/NSC

KAROLO YA C: TIRISO YA PUO

POTSO 3
Sekaseka papatso e e fa tlase, mme morago o arabe dipotso.

SETLHANGWA D

                                       KE SE KGWEETSE
                                         FA KE LAPILE

                        LELETSA
                         10111

                                                        [E nopotswe go tswa mo inthaneteng]

3.1       Papatso e, e ka ga ...

          A        tshireletsego mo ditseleng.
          B        go tsaya tshwetso.
          C        go nna monana.
          D        go leletsa 999.                                                              (1)

3.2       Papatso e, e lebisitswe go bomang? Tshegetsa karabo ya gago ka lebaka.                (2)

3.3       Goreng mafoko a a reng 'ke tsaa tshwetso' a kwadilwe ka ditlhaka tse
          dikgolo?                                                                              (2)

3.4       Ke tshedimosetso efe ya malepa a phasalatso e e tlhaelang mo papatsong e?             (1)

3.5       Mafoko a a reng 'ke monana' a kaya eng?                                               (2)

3.6       Fetolela polelo e e latelang mo kganetsong, 'Ke monana'.                              (1)

3.7       Kwala lefoko 'tsaa' ka mopeleto o o nepagetseng.                                      (1)
                                                                                                [10]

Kwalololo e ileditswe                                                                  Phetla

### Page 8

Downloaded from hlayiso.com
Setswana Puo ya Gae (HL)/P1                  8                                           DBE/2021
                                          SC/NSC

POTSO 4

Sekaseka khathunu e e fa tlase, mme morago o arabe dipotso.

SETLHANGWA E

                                            ... jaanong,
                                            lona lo batla go
                                            ithutela eng?

                                                                       Go
                                                                    thapiwa!

                                                        29%
                                                    Botlhokatiro

                                                   [E nopotswe go tswa mo inthaneteng]

4.1       Tlhopha karabo e e maleba ka go kwala tlhaka e e nepagetseng A, B, C
          kgotsa D.

          Khathunu e e fa godimo e mabapi le eng?

          A    Kgaisano
          B    Thuto
          C    Kopano
          D    Dipotsotherisano                                                                     (1)

4.2       Barutwana ba bangwe ba ba sa tsholetsang matsogo ba bonala ba tlhomile
          megopolo ya bona kae? Tshegetsa karabo ya gago ka lebaka.                                 (2)

4.3       Go latela khathunu e, batho ba ba sa direng ba lekanyeditswe ka diperesente
          di le kae?                                                                                (1)

4.4       Lefoko 'lona' mo khathunung ke popego efe ya puo?                                         (1)

4.5       Fetolela polelo e 'Go thapiwa' go modirisokgonego.                                        (1)

4.6       Puo ya mmele ya mosimane yo o tsholeditseng letsogo e senola maikutlo
          afe?                                                                                      (2)

4.7       Go ya ka wena, a karabo ya morutwana yo o buang, e maleba? Tshegetsa
          karabo ya gago ka lebaka.                                                                 (2)
                                                                                                    [10]

Kwalololo e ileditswe                                                                     Phetla

### Page 9

Downloaded from hlayiso.com
Setswana Puo ya Gae (HL)/P1                   9                                       DBE/2021
                                           SC/NSC

POTSO 5

Buisa temana e e latelang, mme morago o arabe dipotso.

SETLHANGWA F

1     Fa ke goroga kwa gae, ka fetela kwa phaposing ya boikhutso go boga
      ditshwantsho tsa ga Mmašadi jaaka di manegilwe mo godimo ga lobota. Ka
      boela ka apeswa ke leru. Ga twe ke tsenwe ke eng? A fa Ditsile ga a njesa
      diphirimisi gore ke rothise tete jaaka setseketseke? Mmašadi o ne a tsoga, a wa
      le nna; jaanong ke fano ke fofa le boDitsile, mosetsana wa matlho a 5
      mafatshwana.

2     Morago ga go kgaratlha ka mogopolo, ka fetsa ka gore nna le Ditsile re tlaa
      nna ditsala fela tse di se nang sepe sa ka kwa sekhutlhwaneng. Re tlhotse
      mmogo sentle, mme le ena o itumeletse go tlhola le nna. A gona go phoso go
      itumela le Ditsile? Kana ga go sepe se se bosula fa gare ga rona! Ka fetsa ka 10
      gore re tlaa nna ditsala tse di ntshanang seinong fela.

3     Ka fitlhela a ntetile. Ra wela mo tseleng. Ra bua ka dilo tse dintsinyana. Ee, ra
      tlwaelana mo nakong e khutshwane, mme ke sa fetse go gakgamalela botho ba
      gagwe, e kete ke gona ke mmonang la ntlha mo botshelong jwa me. Ka fitlhela
      matlho a gagwe a makima, sefatlhego sa gagwe se se edileng, moriri wa gagwe 15
      o o tseetsweng matsapa, tsotlhe di tsamaya le maikutlo a me.

                                            [E nopotswe go tswa go Le Pelong. BD Magoleng]

5.1       Fetolela polelo e e thaletsweng mo go mola 2 le 3 go tiri.                             (1)

5.2       Popego ya puo e e ntshofaditsweng mo go mola 5 ke ya mofuta ofe?                       (1)

5.3       Bolela gore leina le le ntshofaditsweng mo go mola 7 le dirisitswe jang.               (1)

5.4       Naya bontsi jwa leemedi le le thaletsweng mo go mola 9.                                (1)

5.5       Naya lekaelagongwe la lefoko le le ntshofaditsweng mo go mola 12, mme
          morago o le dirise mo polelong e o e itlhametseng.                                     (2)

5.6       Fetolela polelo e e thaletsweng mo go mola 12 go nna mo kganetsong.                    (1)

5.7       Dirisa mogatlana '-ana' go nyenyefatsa leina 'moriri' go tswa mo temana 3,
          mme morago o le dirise mo polelong e o itlhametseng yona go supa kakgolo.              (2)

5.8       Naya mofuta wa popego ya puo e e ntshofaditsweng mo go mola 16.                        (1)
                                                                                                 [10]

                                                    PALOGOTLHE YA KAROLO YA C:                   30
                                                    PALOGOTLHE YA TLHATLHOBO:                    70

Kwalololo e ileditswe

## Related documents

- [Setswana HL P2 May June 2021](https://www.hlayiso.com/library/setswana-hl-p2-may-june-2021/cd8411af-1cef-4266-823f-4c2bdcedea48) — Setswana HL · QP · 2021 · Setswana
- [Setswana HL P3 May June 2021](https://www.hlayiso.com/library/setswana-hl-p3-may-june-2021/0b81f006-b97f-4d13-bef2-e847c14141c3) — Setswana HL · QP · 2021 · Setswana
- [Setswana HL P1 Nov 2021](https://www.hlayiso.com/library/setswana-hl-p1-nov-2021/a73a0ee2-3423-47c0-b4af-e7a9e24121c1) — Setswana HL · QP · 2021 · Setswana
- [Setswana HL P1 May-June 2023](https://www.hlayiso.com/library/setswana-hl-p1-may-june-2023/e7280f4b-9046-4c76-b087-0a4a4d755b74) — Setswana HL · QP · 2023 · Setswana
- [Setswana HL P1 May June 2018](https://www.hlayiso.com/library/setswana-hl-p1-may-june-2018/e4609af3-e341-4b14-8bc1-118ee22f2c0b) — Setswana HL · QP · 2018 · Setswana
- [Setswana HL P1 May June 2016](https://www.hlayiso.com/library/setswana-hl-p1-may-june-2016/f39feee3-2a36-4398-97bb-76d85b5f100f) — Setswana HL · QP · 2016 · Setswana

## More from Grade 12 Setswana HL

- [Gr 12 Setswana HL ATP 2023-24](https://www.hlayiso.com/library/gr-12-setswana-hl-atp-2023-24/afd996d6-a11a-4a4d-8bf9-e13a89494ac1) — ATP
- [Setswana P1 (HL) June 2025 Possible Answers](https://www.hlayiso.com/library/setswana-p1-hl-june-2025-possible-answers/6c4914f8-c425-4ab5-8f4b-333233856880) — Memo · 2025 · Setswana
- [NW 12 SETSWANA HL P1 MG JUNE 2025 2nd add](https://www.hlayiso.com/library/grade-12-setswana-hl-2025-nw-june-exam-question-paper-paper-1-setswana/cfd04c0f-8148-4a2f-8d56-c6f2bbffffcb) — Memo · 2025 · Setswana
- [Setswana HL P1 Nov 2024 MG](https://www.hlayiso.com/library/setswana-hl-p1-nov-2024-mg/aeb21cb3-19a6-4950-87aa-16c653e2bea6) — Memo · 2024 · Setswana
- [Setswana HL P2 Nov 2024 MG](https://www.hlayiso.com/library/setswana-hl-p2-nov-2024-mg/14f02725-a508-4fcb-9716-1319f799d433) — Memo · 2024 · Setswana
- [Setswana HL P1 May-June 2024 MG](https://www.hlayiso.com/library/grade-12-setswana-hl-2024-nsc-june-exam-memorandum-paper-1-setswana/d318bc77-bbd0-47b6-a0fa-0125d59f0b75) — Memo · 2024 · Setswana

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
