# Setswana HL Grade 12 P1 NSC November 2018 Question Paper

> Grade 12 Setswana HL Paper 1 question paper from the NSC November Exam 2018, 10 pages. Read online or get the free PDF download, memo linked when available.

- Page: https://www.hlayiso.com/library/setswana-hl-p1-nov-2018/69ebff26-cb07-4600-b11b-c1a4e8d4f4cd
- Updated: 2026-09-27
- Subject: Setswana HL
- Grade: Grade 12
- Language: Setswana
- Document type: Question paper
- Year: 2018
- Exam period: NSC November Exam
- Paper: 1
- Curriculum: CAPS
- Pages: 10

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Setswana HL](https://www.hlayiso.com/library/grade-12/setswana-hl) › [Setswana HL Grade 12 P1 NSC November 2018 Question Paper](https://www.hlayiso.com/library/setswana-hl-p1-nov-2018/69ebff26-cb07-4600-b11b-c1a4e8d4f4cd)

## About this document

Setswana Hl · Grade 12 · NSC November Exam · 2018 · setswana. Question paper, 10 pages. Read online or download the PDF.

Read it free online on the page above; download the PDF from there.

## Matching paper and memo

- [Setswana HL P1 Nov 2018 FINAL Memo](https://www.hlayiso.com/library/setswana-hl-p1-nov-2018-final-memo/c5b8d438-a2da-481a-aaa7-247414d6c782) — Memo · 2018 · Setswana

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                    NATIONAL
                               SENIOR CERTIFICATE

                                    MOPHATO 12

                            SETSWANA PUO YA GAE (HL)

                               PAMPIRI YA NTLHA (P1)

                               NGWANAITSEELE 2018

MADUO: 70

NAKO: Diura di le 2

                            Pampiri e, e na le ditsebe di le 10.

Kwalololo e ileditswe                                              Phetla

### Page 2

Downloaded from hlayiso.com
Setswana Puo ya Gae (HL)/P1                   2               DBE/Ngwanaitseele 2018
                                             NSC

DITAELO LE TSHEDIMOSETSO

1.        Pampiri e, e arogantswe ka DIKAROLO di le THARO.

          KAROLO YA A:        Tekatlhaloganyo    (30)
          KAROLO YA B:        Tshobokanyo        (10)
          KAROLO YA C:        Tiriso ya puo      (30)

2.        Araba dipotso TSOTLHE.

3.        Simolola KAROLO NNGWE le NNGWE mo tsebeng e NTŠHWA.

4.        Thala mola morago ga KAROLO NNGWE le NNGWE.

5.        Nomora karabo NNGWE le NNGWE jaaka potso e nomorilwe.

6.        Tlola mola morago ga karabo NNGWE le NNGWE.

7.        Tlhokomela mopeleto le popego ya dipolelo.

8.        Kabo ya nako e e tshikinngwang:

          KAROLO YA A:        Metsotso e le 50
          KAROLO YA B:        Metsotso e le 30
          KAROLO YA C:        Metsotso e le 40

9.        Kwala ka mokwalo o o buisegang le ka mopeleto o o kannweng ke Lekgotla
          la Bosetšhaba la Puo ya Setswana.

Kwalololo e ileditswe                                                         Phetla

### Page 3

Downloaded from hlayiso.com
Setswana Puo ya Gae (HL)/P1                  3                     DBE/Ngwanaitseele 2018
                                            NSC

KAROLO YA A: TEKATLHALOGANYO

POTSO 1

1.1       Buisa temana e e latelang, mme morago o arabe dipotso.

          SETLHANGWA A (TEMANA)

          1        E rile ka ngwaga wa ketepedinngwe, Seitshiro ke fa a kubugelwa ke
                   bolwetse jo bogolo jwa ngope. Bolwetse jwa gagwe bo ne ba retelela
                   dingaka gammogo le bonkadingala. Go ne go se ope yo o neng a ka
                   bua gore ke bolwetse jwa mofuta ofe. Bookelo jwa Jubilee jwa
                   Hammanskraal bo ne ba mo romela kwa Ga-Rankuwa. Ga-Rankuwa 5
                   yona ya mo romela kwa Kalafong. Kalafong ya leka Tshepong kwa
                   Matlosane. Le yona Tshepong ya mmusetsa kwa Perekwane kwa
                   Gouteng go e kopa go e utlwisa dikgang.
          2        Kwa bofelong ke sa le ke utlwa go twe go teng bookelo bongwe jwa
                   Gelukspan golo gongwe kwa kgaolong ya Ditsobotla e le yona e neng 10
                   ya gowa Thusong teng mo Ditsobotla go leka go e thologa mokgosi.
                   Gaeadingwe morwa'a Ramaloka o ne a tsenya tlhogo, a bitsa badimo
                   ba gagwe ka maina. Mothusi a lela bosigo le motshegare. A sa bone
                   boroko. Le sekolo a se fetola mebala jaaka segata se inyatsa.
          3        Ba ga Ramaloka ba tsena mo tsietsing le mo pitlaganong ka bolwetse 15
                   jwa ga Seitshiro. Gaeadingwe a tlhoatlhoega thata ka ga seno, mme ka
                   monna e le monna, a nona pelo ka mathe, a lelela teng le go swa
                   senku. O ne a na le tsholofelo e e tletseng ya gore gongwe ka lesego
                   Modimo a ka mo utlwela botlhoko, a arabela selelo sa gagwe, mme a
                   mmolokela mogatse mo diphateng tse a leng mo go tsona. 20
                   A gakologelwa gore gaabomotho go thebephatshwa, a gopola gore
                   setso sa bona le sona se na le bokgoni jwa go ka tsosa motho mo
                   diphateng …
          4        'Tsenela ka kwano ngaka Merementsi.'
                   Mokonyakonyo wa ga Merementsi wa arajwa ke lentswe le le mo 25
                   kutlobotlhokong la ga Gaeadingwe.
                   'Dumela rra. O kae mmobodi wa rona?' Ga botsa Merementsi.
          5        Merementsi e ne e le ngaka ya tlhabana ya kgomo. A tswa kwa
                   kgakala gare ga mpa ya lefatshe. Ga twe o ne a tswa a le kwa
                   Botswana. Monna ke yoo tlhe. A tlhakatlhakane, a le montsho ka 30
                   mmala. Sekgwa sa monyamane sona se kitlane thata moo le molomo
                   wa gagwe o neng o sa bonagale. Se ne se ntshofetse se re fii! A rwele
                   tlhoro ya gagwe ya letlalo le ke sa itseng gore ke la phologolo efe, le
                   gona o e bolaile jang, kwa kae.
          6        E rile fa a sena go supediwa phaposi e Seitshiro a neng a robetse mo 35
                   go yona, a tsena, mme a gasa tlhabana ya kgomo go leka go ba
                   rebolela se se ka neng se ja mogatsa'a Gaeadingwe. A di gasa fa
                   fatshe, mme tsa phatlalala. A di leba, mme a thikitha tlhogo jaaka
                   kgomo e tsenwe ke ntsi mo tsebeng, a itshwara ditedu …
Kwalololo e ileditswe                                                              Phetla

### Page 4

Downloaded from hlayiso.com
Setswana Puo ya Gae (HL)/P1                      4                        DBE/Ngwanaitseele 2018
                                                NSC

          7       'Rraetsho, ke tseo di ole makgolela. Jaro o a gana o a latola. Ruri fa ke 40
                  sa le ke nna ngaka dingwaga di le masomeamabeditlhano tse di
                  fetileng, ga ke ise ke rakane le jo bo tshwanang le jono bolwetse.
                  Ga go thatanyana rraetsho, go thata ya lentswe.' Merementsi a
                  tlhobosetsa Gaeadingwe.

          8       'A o raya gore ga go sepe se o ka se dirang ngaka ya me?' A botsa a 45
                  feletswe ke tsholofelo Gaeadingwe. 'Nnyaya rraetsho, ke tlaa leka
                  sengwe. Rona dingaka ga re retelelwe ke bolwetse bope.' A leka go
                  mo tiisa mooko.

          9       E rile fa a bula kgetse ya gagwe e ntsho, e e neng e kokomologile, e
                  tletse e bile e lebega e le bokete, a gasa diteng tsa yona fa fatshe, ga 50
                  tshologa mere fela e e se nang palo. Go ne go le mesunkwana ka go
                  farologana ga yona. Go le mabutswana ka mebala yotlhe ya lefatshe,
                  ditswammung le tsona re sa di tlogele kwa morago. Merementsi o ne a
                  leka mathaithai otlhe a gagwe, mme a itaya kwa ntle jaaka tlhobolo ya
                  boiyane. Ga a ke a ya kgakala le bona Seitshiro … tshipi ya kereke ya 55
                  Lutere ya bo e lela …

          10      'Re a leboga rre Moruti Kagiso. Jaanong re tlaa kopa barutwana ba
                  sekolo sa Ramoabi go buledisa moswi wa rona ka sefela.' Ga kopa
                  moradisi wa letsatsi e bong Rre Galogakwe Ramaloka, ntsalaagwe
                  Gaeadingwe.                                                       60

          11      E rile fa barutwana ba sena go opela sefela se ba se rutilweng sa loso
                  se go tweng Seitshiro o ne a se rata thata kwa sekolong, bogolosegolo
                  fa a ne a katisa khwaere ya gagwe ka e ne e le motshwaratakata kwa
                  sekolong ba bo ba re naya se se supang fa o ne o rata motho. Ga go
                  ope yo a neng a sa opele; tota le bangwe ba barutabana ba ne ba 65
                  se opela.

          12      Seitshiro o bolokegile tota. Batlaphitlhong ya gagwe ba ne ba le kana
                  ka moro wa nama ya mokoduwe. Motho o ne a sa kgone go itshikinya
                  mo a neng a eme gona. Tota le leotonyana la tsie le ne le ka se tsene
                  fa gare ga batlaphitlhong.                                            70

                                     [E nopotswe go tswa mo, Thupana Mantemekwane, SS Phalatse]

          1.1.1          Tlhopha karabo e e maleba ka go kwala tlhaka e e nepagetseng
                         A, B, C kgotsa D.

                         Seitshiro o tlhokafaletse kwa …

                         A   lapeng la gagwe.
                         B   Thusong.
                         C   Tshepong.
                         D   ga Merementsi.                                                         (1)

          1.1.2          Seitshiro o ile maokelong a le makae?                                      (1)

Kwalololo e ileditswe                                                                      Phetla

### Page 5

Downloaded from hlayiso.com
Setswana Puo ya Gae (HL)/P1                       5                        DBE/Ngwanaitseele 2018
                                                 NSC

          1.1.3          Naya maina a mafelo a MABEDI fela a maokelo a Seitshiro a neng
                         a alafiwa kwa go ona mo temaneng.                                          (2)

          1.1.4          Ke bolwetse bofe jo bo neng bo tshwere Seitshiro?                          (1)

          1.1.5          Go tewa eng ka tlhagiso e e reng, 'Sekgwa sa monyamane sona
                         se kitlane thata moo le molomo wa gagwe o neng o sa bonagale'?
                         (TEMANA 5)                                                                 (2)

          1.1.6          Leina Merementsi le kaya eng?                                              (2)

          1.1.7          Gaeadingwe o ne a lekile ka bojotlhe jwa gagwe go batlela
                         Seitshiro thuso e bile a tshedile le molelwane tota. Ke lefelo lefe le
                         le netefatsang tlhagiso e?                                                 (1)

          1.1.8          Tlhagiso e e reng, 'Ga a ke a ya kgakala le bona Seitshiro … tshipi
                         ya kereke ya Lutere ya bo e lela …' e kaya eng? (TEMANA 9)                 (2)

          1.1.9          A re tlaa bo re nepile fa re ka re Seitshiro o ne a rata kopelo?
                         Tshegetsa karabo ya gago ka lebaka.                                        (2)

          1.1.10         Nopola ditlhagiso di le PEDI tse di supang fa bontsintsi jwa batho
                         bo ne bo ile go fitlha Seitshiro.                                          (2)

          1.1.11         A ke ntlha kgotsa kakanyo gore Merementsi jaaka leina la gagwe
                         le kaya, o ne a sa ikaege ka mofuta o le mongwe wa more?
                         Tshegetsa karabo ya gago ka lebaka.                                        (2)

          1.1.12         Goreng Merementsi a ne a re o tlaa leka sengwe le fa a ntse a
                         bone gore go thata ya lentswe?                                             (2)

          1.1.13         Go ya ka wena, a o dumelana le ntlha ya gore tota Gaeadingwe o
                         ne a nna le tsholofelo ya gore gongwe Modimo a ka mo utlwela
                         botlhoko? (TEMANA 3) Tshegetsa karabo ya gago ka lebaka.                   (2)

          1.1.14         Go tla ga batho ka bontsintsi kwa phitlhong ya ga Seitshiro, go mo
                         kaya e ne e le motho wa mofuta mang?                                       (2)

Kwalololo e ileditswe                                                                      Phetla

### Page 6

Downloaded from hlayiso.com
Setswana Puo ya Gae (HL)/P1                  6                      DBE/Ngwanaitseele 2018
                                            NSC

1.2       Leba setshwantsho se se latelang, mme morago o arabe dipotso.

          SETLHANGWA B (SETSHWANTSHO)

                                                  [E nopotswe go tswa mo inthaneteng]

          1.2.1          Naya dintlha di le PEDI tse DITLHANGWA tsa A le B di
                         farologanang ka tsona.                                                  (4)

          1.2.2          Moaparo wa batho ba ba mo setshwantshong, o senola gore
                         maemo a bosa a ne a ntse jang ka letsatsi leo?                          (2)

                                                  PALOGOTLHE YA KAROLO YA A:                     30

Kwalololo e ileditswe                                                                   Phetla

### Page 7

Downloaded from hlayiso.com
Setswana Puo ya Gae (HL)/P1                   7                        DBE/Ngwanaitseele 2018
                                             NSC

KAROLO YA B: TSHOBOKANYO

POTSO 2

Buisa temana e e fa tlase ka kelotlhoko. E tlhagisa dintlha ka ga tiriso ya thekenoloji.

ELA TLHOKO: O tshwanetse go dira tse di latelang:

1.        Sobokanya temana e ka go tlhagisa dintlha di le SUPA tsa ditlamorago tsa
          tiriso ya thekenoloji.
2.        Kwala ka temana, o dirisa mafoko a gago, mme o sa latlhe bokao.
3.        Boleele bo se fete mafoko a a 90.
4.        Tshobokanyo e se ka ya newa setlhogo.
5.        Kwala palo ya mafoko a o a dirisitseng kwa bokhutlong jwa tshobokanyo.

SETLHANGWA C

                              TIRISO YA THEKENOLOJI

Dipatlisiso tse di tseneletseng di supile fa thekenoloji e le botlhokwatlhokwa mo
bathong. E nolofaditse botshelo e bile dilo dingwe di ka se tswelele ntle le yona.
Gape dipatlisiso di supile fa thekenoloji e fedisitse metlotlo le dipuisano gareng ga
balekane, batsadi le bana, ka mongwe le mongwe o tlaa bo a kgomaretse thabolete,
mogala wa letheka le lepothopo a tsere kgang le ditsala tsa gagwe tsa mafaratlhatlha.

Batho ga ba kgone go bona nako e e lekaneng ya boroko, ka gonne ba robala thari ba
nnetse metlotlo mo dithaboleteng tsa bona. Fa re sa robale nako e e lekaneng re ka
feleletsa re lwala. Kwa Amerika go setswe go tlhomilwe maokelo a a thusang batho
ba e leng makgoba a inthanete. Batho ba nna fela mo dilepothopong tsa bona
motshegare otlhe, ba sa kgone go ema go sedila mesifa. Ba bangwe ga ba na le nako
ya go apaya dijo tse di siametseng mebele ka ba le mo inthaneteng.

Go tlaa rekwa dijo tse di tlhotlhwagodimo tsa kwa mabenkeleng a dijo, dilo tse di
botlhokwa jaaka dikolo tsa bana di tlhokwe go duelelwa. Batho ba teng ba dirisa nako
e le ntsi mo inthaneteng ba lebala dilo dingwe tse di botlhokwa jaaka balelapa,
bamasika le go tsaya karolo mo ditirelong tse di farologaneng tsa setšhaba. Ka jalo
botshelo ba rona bo simolola go tlhaela dilo dingwe tsa botlhokwa. Go nna le
tshalelomorago ya ditiro tsa kwa ditheong le ya ditiro tsa mo gae jaaka go tlhatswa
diaparo, go phepafatsa ntlo le tshingwana. Seno se tlisa go sa utlwaneng gareng ga
badiri le bathapi ka ditiro di sa dirwe ka matsetseleko le ka nako e e beilweng.

Manyalo a simolola go tlhakatlhakana ka balekane ba se na nako ya go itumedisana,
nako e ntsi ya bona e le mo ditsaleng tsa bona tsa mafaratlhatlha. Mme Vicky Bates,
yo e leng motsamaisi wa bookelo bo bo thusang makgoba a inthanete kwa United
Kingdom, a re seno ke kgang e e batlang go potlakelwa ka gonne fa motho a na le
mathata a a rileng o tabogela kwa ditsaleng tsa gagwe tsa inthanete.

                                       [E fetoletswe go tswa mo Real Magazine, Moranang 2015]

                                                    PALOGOTLHE YA KAROLO YA B:                    10

Kwalololo e ileditswe                                                                    Phetla

### Page 8

Downloaded from hlayiso.com
Setswana Puo ya Gae (HL)/P1                       8                         DBE/Ngwanaitseele 2018
                                                 NSC

KAROLO YA C: TIRISO YA PUO
POTSO 3
Sekaseka papatso e e fa tlase, mme morago o arabe dipotso.
SETLHANGWA D

                           Tlhotlhwaeeeesa
                         Tlhotlhwa       sa
                          gaisiweng  ke epe
                         gaisiweng ke epe
                              R2 999             Go
                                                 Go tsenyeleditswe:
                                                     tsenyeledtswe:
                            R2999
                         Reka ka sekoloto sa    Kgetsana
                                                Kgetsanalelekarata ya
                                                              karata
          Bareki
         Bareki          R159,00   ka kgwedi!
                          Reka ka sekoloto sa          polokelo
                                                    ya polokelo.
         ba ntlha
             ntlha         R159 ka kgwedi!
         ba le 80
         ba le 80.       BOLOKA R2 000
                         BOLOKA R2000

                                                    Ditshwantsho
                                                    Ditshwantsho
                                                         tota!
                                                        tota!

                                                 [E nopotswe go tswa mo inthaneteng]

3.1       Tlhopha karabo e e maleba ka go kwala tlhaka e e nepagetseng A, B, C
          kgotsa D.
          Tlhagiso e e reng 'Tlhotlhwa e e sa gaisiweng ke epe', e senola mofuta ofe
          wa maano a tlhotlheletso ya puo ya papatso?
          Puo e e …
          A        lebelelang dilo ka letlhakore le le lengwe.
          B        gobelelang.
          C        sekamelang ka fa letlhakoreng le le lengwe.
          D        digelang.                                                                         (1)
3.2       Ke malepa afe a papatso a a dirisitsweng go tlhagisa kuno e e bapadiwang?                  (2)
3.3       Naya maano a le MABEDI a mmapatsi a a dirisitseng go ngoka maikutlo a
          bareki.                                                                                    (2)
3.4       Go reng tlhotlhwa ya R2 999 e kwadilwe ka bontsho jo bo tseneletseng go
          feta tse dingwe?                                                                           (2)
3.5       Nopola sekao sa modirisotaelo go tswa mo papatsong.                                        (1)
3.6       A fa o sekaseka papatso e, o bona go tlaa nna bonolo go fitlhelela kuno e e
          bapadiwang? Tshegetsa karabo ya gago ka lebaka.                                            (2)
                                                                                                     [10]

Kwalololo e ileditswe                                                                       Phetla

### Page 9

Downloaded from hlayiso.com
Setswana Puo ya Gae (HL)/P1                          9                          DBE/Ngwanaitseele 2018
                                                    NSC

POTSO 4

Sekaseka khathunu e e fa tlase, mme morago o arabe dipotso.

SETLHANGWA E

                          Di kae
                          dithathuu?
                                   Re batla go
                                   di bona?

                                       [E nopotswe go tswa mo, Naledi, Laboraro, 3 Phatwe 2016]

4.1       Tlhopha karabo e e maleba ka go kwala tlhaka e e nepagetseng A, B, C
          kgotsa D.

          Mosetsana yo o lebeletsweng ke ba bangwe ke mofenyi wa kgaisano ya:

          A        Kopelo
          B        Bommabontle
          C        Bomotlelara
          D        Botaki jwa dithathuu                                                                    (1)

4.2       Ke maikutlo afe a a tlhagisiwang ke mafoko a a reng 'Re batla go di bona'?
          Tshegetsa karabo ya gago ka lebaka.                                                              (2)

4.3       Ke eng se se bontshang fa basetsana ba šakgetse?                                                 (1)

4.4       Go rotola matlho ga mosetsana yo o rweleng korone go kaya eng? Tshegetsa
          karabo ya gago ka lebaka.                                                                        (2)

4.5       Kwalolola polelo e e latelang, mme o dirise letshwao la puiso le le
          nepagetseng go latela tlhagiso ya khathunu.

          'Re batla go di bona?'                                                                           (1)

4.6       Lefoko le, 'batla', le dirisitswe jaaka mofuta ofe wa lediri mo khathunung?                      (1)

4.7       Go ya ka wena, a o bona go siame gore batho ba bangwe ba, ba goge
          mmabontle ka lebanta ba mmatla dithathuu?                                                        (2)
                                                                                                           [10]
Kwalololo e ileditswe                                                                             Phetla

### Page 10

Downloaded from hlayiso.com
Setswana Puo ya Gae (HL)/P1                         10                         DBE/Ngwanaitseele 2018
                                                   NSC

POTSO 5

Buisa temana e e latelang, mme morago o arabe dipotso.

SETLHANGWA F

1        Kgwedi e re keteka ditso tsa mefutafuta le ditiragalo tsa ngwaoboswa. E
         latela kgwedi e e bonalang ka diphefo tsa ditsuatsue tse di phatlolang
         ditlhare.

2        Porofense ya Bokonebophirima ke nngwe ya diporofense tse di humileng ka
         mafelo a ngwaoboswa. Ntle le mafelo ao, go na le dijo tsa mefutafuta. 5
         Dingwe tsa tsona di ne di jewa ke bagolo fela mo dingwageng tsele tsa
         maloba. Ka nako eo, bojalwa jwa Setswana jo bo diriwang ka mogetlo bo ne
         bo sa nowe ke basimanyana le bodišaše kana bosegatamarokgwana.
         Bo ne bo nowa ke botlhogoputswa, mme ba sa bo nwele go gapa dipodi.

3        Bosegatamarokgwana ba ne ba romiwa fela go ya go rekela botlhogoputswa, 10
         kwa ga mma semangmang. Ba ne ba sa tshwanela go kgaritlha maritsa
         mo phafaneng. Gompieno dilo di fetogile. Go ntse jang? Mebila ya rona e
         nyeuma ka thaka e tshesane e e gakaletseng go itlhadia e kete ke bona ba
         bo dirileng.

4        Tonakgolo a re ba itshiela ba ise ba tie mekwatla. Motlatsatona ena a re ba 15
         kgona go iphitlha mo mokgatleng wa lekgarebe le le ka fa tlase ga dingwaga
         di le 18. A re se, se kgona go dira gore ba tshole bana ba ba nang le bogole.
                         [E nopotswe go tswa mo, The Eye, Lefapha la Katlaatleloloago, Lwetse 2017]

5.1       Naya mofuta wa polelwanakala e e thaletsweng mo go mola 2 le 3.                               (1)

5.2       Fetolela polelo e e ntshofaditsweng go nna ya tira. (Mola 6)                                  (1)

5.3       Letlhalosi 'maloba', mo go mola 7 le dirisitswe jang?                                         (1)

5.4       Leinatswako le le ntshofaditsweng mo go mola 8, le bopilwe ka dipopego dife
          tsa puo?                                                                                      (2)

5.5       Fetolela polelo e e ntshofaditsweng mo go mela 11 le 12 go nna mo
          tumelong.                                                                                     (1)

5.6       Naya mofuta wa leemedi le le tlhagelelang mo go mola 15.                                      (1)

5.7       Dirisa lekwalwatshwano 'tshole' mo polelong e o itlhametseng yona go
          bontsha bokao jo bo farologaneng le jo bo mo temaneng. (Mola 17)                              (1)

5.8       Nopola lebotsi go tswa mo go SETLHANGWA F.                                                    (1)

5.9       Naya lelatodi la lefoko le le ntshofaditsweng mo go mola 17.                                  (1)
                                                                                                        [10]

                                                           PALOGOTLHE YA KAROLO YA C:                   30
                                                           PALOGOTLHE YA TLHATLHOBO:                    70

Kwalololo e ileditswe

## Related documents

- [Setswana HL P2 Nov 2018](https://www.hlayiso.com/library/setswana-hl-p2-nov-2018/e62d8be1-d4a9-41ce-8580-041698a57666) — Setswana HL · QP · 2018 · Setswana
- [Setswana HL P3 Nov 2018](https://www.hlayiso.com/library/setswana-hl-p3-nov-2018/1bca0ff0-1ea3-4e5e-bc33-761aa09d6864) — Setswana HL · QP · 2018 · Setswana
- [Setswana HL P1 May June 2018](https://www.hlayiso.com/library/setswana-hl-p1-may-june-2018/e4609af3-e341-4b14-8bc1-118ee22f2c0b) — Setswana HL · QP · 2018 · Setswana
- [Setswana HL P1 Feb March 2018](https://www.hlayiso.com/library/setswana-hl-p1-feb-march-2018/101fe66b-6b84-49bd-a63d-6e07573c9dcd) — Setswana HL · QP · 2018 · Setswana
- [Setswana HL P1 Nov 2023](https://www.hlayiso.com/library/setswana-hl-p1-nov-2023/e13aeddd-2192-4a48-9373-5df836416149) — Setswana HL · QP · 2023 · Setswana
- [Setswana HL P1 Nov 2022](https://www.hlayiso.com/library/setswana-hl-p1-nov-2022/38928cec-876f-46af-8a96-7d1e9379d449) — Setswana HL · QP · 2022 · Setswana

## More from Grade 12 Setswana HL

- [Gr 12 Setswana HL ATP 2023-24](https://www.hlayiso.com/library/gr-12-setswana-hl-atp-2023-24/afd996d6-a11a-4a4d-8bf9-e13a89494ac1) — ATP
- [Setswana P1 (HL) June 2025 Possible Answers](https://www.hlayiso.com/library/setswana-p1-hl-june-2025-possible-answers/6c4914f8-c425-4ab5-8f4b-333233856880) — Memo · 2025 · Setswana
- [NW 12 SETSWANA HL P1 MG JUNE 2025 2nd add](https://www.hlayiso.com/library/grade-12-setswana-hl-2025-nw-june-exam-question-paper-paper-1-setswana/cfd04c0f-8148-4a2f-8d56-c6f2bbffffcb) — Memo · 2025 · Setswana
- [Setswana HL P1 Nov 2024 MG](https://www.hlayiso.com/library/setswana-hl-p1-nov-2024-mg/aeb21cb3-19a6-4950-87aa-16c653e2bea6) — Memo · 2024 · Setswana
- [Setswana HL P2 Nov 2024 MG](https://www.hlayiso.com/library/setswana-hl-p2-nov-2024-mg/14f02725-a508-4fcb-9716-1319f799d433) — Memo · 2024 · Setswana
- [Setswana HL P1 May-June 2024 MG](https://www.hlayiso.com/library/grade-12-setswana-hl-2024-nsc-june-exam-memorandum-paper-1-setswana/d318bc77-bbd0-47b6-a0fa-0125d59f0b75) — Memo · 2024 · Setswana

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
