# Setswana HL Grade 12 P1 NSC November 2019 Question Paper

> Grade 12 Setswana HL Paper 1 question paper from the NSC November Exam 2019, 9 pages. Read online or get the free PDF download, memo linked when available.

- Page: https://www.hlayiso.com/library/setswana-hl-p1-nov-2019/6207cacc-fd52-4240-8e1b-16a8d373c1a1
- Updated: 2026-09-27
- Subject: Setswana HL
- Grade: Grade 12
- Language: Setswana
- Document type: Question paper
- Year: 2019
- Exam period: NSC November Exam
- Paper: 1
- Curriculum: CAPS
- Pages: 9

Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [Setswana HL](https://www.hlayiso.com/library/grade-12/setswana-hl) › [Setswana HL Grade 12 P1 NSC November 2019 Question Paper](https://www.hlayiso.com/library/setswana-hl-p1-nov-2019/6207cacc-fd52-4240-8e1b-16a8d373c1a1)

## About this document

Setswana Hl · Grade 12 · NSC November Exam · 2019 · setswana. Question paper, 9 pages. Read online or download the PDF.

Read it free online on the page above; download the PDF from there.

## Matching paper and memo

- [Setswana HL P1 Nov 2019 Memo](https://www.hlayiso.com/library/setswana-hl-p1-nov-2019-memo/882bc65a-66ee-46e9-b93c-7afc51f8c757) — Memo · 2019 · Setswana

## Document text

Text extracted from the PDF. Layout, diagrams and tables may not survive extraction.

### Page 1

Downloaded from hlayiso.com

                                   NATIONAL
                              SENIOR CERTIFICATE

                                   MOPHATO 12

                            SETSWANA PUO YA GAE (HL)

                              PAMPIRI YA NTLHA (P1)

                               NGWANAITSEELE 2019

MADUO: 70

NAKO: Diura di le 2

                            Pampiri e, e na le ditsebe di le 9.

Kwalololo e ileditswe                                             Phetla

### Page 2

Downloaded from hlayiso.com
Setswana Puo ya Gae (HL)/P1                   2                 DBE/Ngwanaitseele 2019
                                             NSC

DITAELO LE TSHEDIMOSETSO

1.        Pampiri e, e arogantswe ka DIKAROLO di le THARO.

          KAROLO YA A:        Tekatlhaloganyo      (30)
          KAROLO YA B:        Tshobokanyo          (10)
          KAROLO YA C:        Tiriso ya puo        (30)

2.        Buisa ditaelo TSOTLHE ka kelotlhoko.

3.        Araba dipotso TSOTLHE.

4.        Simolola KAROLO NNGWE le NNGWE mo tsebeng e NTŠHWA.

5.        Thala mola morago ga KAROLO NNGWE le NNGWE.

6.        Nomora karabo NNGWE le NNGWE jaaka potso e nomorilwe.

7.        Tlola mola morago ga karabo NNGWE le NNGWE.

8.        Tlhokomela mopeleto le popego ya dipolelo.

9.        Kabo ya nako e e tshikinngwang:

          KAROLO YA A:        Metsotso e le 50
          KAROLO YA B:        Metsotso e le 30
          KAROLO YA C:        Metsotso e le 40

10.       Kwala ka mokwalo o o buisegang le ka mopeleto o o kannweng ke Lekgotla
          la Bosetšhaba la Puo ya Setswana.

Kwalololo e ileditswe                                                          Phetla

### Page 3

Downloaded from hlayiso.com
Setswana Puo ya Gae (HL)/P1                   3                         DBE/Ngwanaitseele 2019
                                             NSC

KAROLO YA A: TEKATLHALOGANYO

POTSO 1

1.1       Buisa setlhangwa se se latelang, mme morago o arabe dipotso.

          SETLHANGWA A (TEMANA)

          1    Go fetile dikgwedi tse tharo Nkwe a amogile Sajene Pitse seaparo sa
               gagwe sa bopodisi, ka leano le a tshepang fa go se ope yo a ka bong a le
               naganne. Jaanong o tshwanetse go simolola go se dirisetsa tiro e a se
               tseetseng yona. Kana ga a se tseela go se boloka, o se tseetse gore se
               mo tlisetse mausausa a madi. O bone Sajene Pitse a apere seaparo se 5
               sešwa maloba. Go bonala fa go diragetse fela jaaka a ne a naganne:
               gore o fitlhile a bega gore o šwetswe ke seaparo, mme jaaka sajene, a
               fiwa se sengwe ntle le go botsolotswa dipotso. Gompieno mogaka wa
               rona, Nkwe, o simolola go ipaakanyetsa go simolola tiro ya gagwe. O
               ithuta sengwe ka diphoso tse mokgweetsi a ka di dirang mo 10
               pharakanong. O ne a di kwadile mo tsebeng ya buka.

          2    Mo tshokologong a ya go batla thekisi e e tla mo isang toropong. E rile go
               tsena ka toropo a laela mokgweetsi wa thekisi gore a lebe kwa
               keratšheng e e gaufi. A tsena, mme a kopa go rekisediwa oli ya
               bogologolo e e ntshitsweng mo dijanageng. O ne a kaya fa dikgomo tsa 15
               gagwe kwa Kanana di tlhasetswe ke dikgofa. Semangmang o mo lomile
               tsebe gore oli e kgologolo e di bolaya swi! Ba e mo fa ka modutwana wa
               diletara di le masome-a-mabedi. A leboga, mme a le pega mo thekising.
               E rile fa a goroga a rulaganya le mokgweetsi wa thekisi gore a tle go mo
               tsaya ka ura ya borobedi mantsiboa, gore a tle a mo ise kwa Phokeng. 20
               A tsena ka fa lapeng, a sekama.

          3    Ka ura ya bosupa a tsoga. A phuthela seaparo sele sa bopodisi sentle. A
               tsaya botlolo ya litara a e tlatsa ka oli e e maswe ele. A tsaya pene, a leba
               kwa alemanakeng. A tshwaya letsatsi la 3 Moranang 1961. O ne a
               tshwanetse go le gakologelwa. Letsatsi la tshimologo ya khumo ya 25
               gagwe. Selo se se neng se mo kgatlha thata ke gore go ne go tswiwa mo
               moletlong wa Tsogo ya Morena, ka jalo, badiri ba Gauteng ba boela
               tirong. Go tlaa nna le dijanaga tse dintsi mo tseleng e e tswang kwa
               Phokeng go ya Gauteng. Dingwe tsa tsona di tlaa bo di pegile palo e e
               fetileng ya batho. O tlaa rakana le tsona.                                    30

          4    Ka ura ya borobedi thekisi ya goroga. Ba bolola go leba Phokeng. Fa ba
               fitlha, fa marakanelong a tsela ya Swartruggens, Phokeng le Tlhabane, a
               emisa thekisi, mme a laela rathekesi go tla go mo tsaya bosigogare.
               Nkwe a wela tsela e e lebang Phokeng. A tsena mo mokgorong wa
               logong ka fa molemeng, o o dirisiwang ke morekisi mongwe wa dinku, 35
               merogo le maungo. A baya oli mo sekhutlong sa ona. A apara diaparo tsa
               bopodisi ka bofefo. A wela mo tseleng e e boelang kwa toropong.
               Jaanong a leta ka bopelokgale sejanaga sa ntlha se se tla welang mo
               diatleng tsa gagwe.

Kwalololo e ileditswe                                                                  Phetla

### Page 4

Downloaded from hlayiso.com
Setswana Puo ya Gae (HL)/P1                      4                          DBE/Ngwanaitseele 2019
                                                NSC

          5. Ke mo mosong, ga go motho yo o itumetseng jaaka Nkwe. O beile botala 40
             fa pele ga gagwe. Maabane o letse a dirile sentle. Nkwe o ne a kgatlhilwe
             ke tsela e a tsamaisitseng tiro ka yona. E rile fa koloi ya ntlha e feta a e
             emisa. A folosa bapalami. A e tlhatlhoba. Go ne go se na phoso epe fela
             e a ka e supang mo go yona. Jaanong go ne go setse ntlha ya bofelo,
             enjene! A tsena mo koloing. A e tlopela mafura go fitlha fa mokgorong ole 45
             wa gagwe. A bula koloi ka kwa pele. A gasa enjene ka oli e e leswe ele.
             A boela kwa go bona. A fologa a ntse a re, 'Koloi ya gago e siame sentle
             fa e se oli e e dutlang mo enjeneng.' Kotlhao ya enjene e e dutlisang
             leokwane e ne e le R10,00. 'Tlisa diranta tse di lesome!' Mokgweetsi a di
             ntsha. Le fa madi a a simolotseng ka ona a ne a se mantsi, o ne a 50
             kgatlhiwa ke go atlega mo maitekong a gagwe a ntlha. Kana Motswana o
             rile: dinnye di tsala dikgolo.

          6    Nkwe o ne a nnela go fotlha madi. Fa sejanaga se ne se se na phoso, o
               ne a se kgotlhela enjene ka oli. Pele litara ya oli e fela, ke fa e mo diretse
               R300,00. Dijanaga tse dingwe tse a neng a di tshwara ke tse di pegileng 55
               palo e e fetileng ya batho, tsa dithaere tse di borethe, mabone a a sa
               tshubeng sentle. Bontsi jwa madi a gagwe bo ne ba tswa mo dijanageng
               tse di se nang tetla ya go nna dithekisi. Bona o ne a sa ba bontshe
               kutlwelobotlhoko, o ne a ba duedisa R100,00. O ne a tshwara di le
               lesomenngwe. Tsa mabone a a sa tshubeng sentle, a tshwara di le supa. 60
               Tsa dithaere tse di borethe, a tshwara di le lesome. Tsa palo e e fetileng
               ya batho a tshwara di le tlhano. Madi otlhe a gagwe e ne e le R2 325, fa
               re tlhakanya le a koloi e a neng a e tshwarela lebelo.

                                 [E rulagantswe sešwa go tswa go Mantswe a Robong, ML Lephogole]

          1.1.1          Tlhopha karabo e e maleba ka go kwala tlhaka e e nepagetseng
                         A, B, C kgotsa D.

                         Nkwe o ne a dirisa seaparo se a neng a se amogile Sajene Pitse
                         go …

                        A    thusa Sajene Pitse ka tiro.
                        B    boloka batho mo ditseleng.
                        C    tsietsa bakgweetsi.
                        D    thusa Sajene gore a tle a bone se sešwa.                                (1)

          1.1.2          Naya lebaka le le dirang gore Nkwe a emise dijanaga bosigo.                 (2)

          1.1.3          A Nkwe o ne a na le sejanaga? Tshegetsa karabo ya gago ka
                         lebaka.                                                                     (2)

          1.1.4          Goreng Nkwe a ne a tshwaya letsatsi la 3 Moranang 1961 mo
                         alemanakeng?                                                                (2)

          1.1.5          Mo dijanageng tse Nkwe a di tshwereng, ke dife tse a di
                         duedisitseng madi a mannye?                                                 (1)

Kwalololo e ileditswe                                                                       Phetla

### Page 5

Downloaded from hlayiso.com
Setswana Puo ya Gae (HL)/P1                     5                           DBE/Ngwanaitseele 2019
                                               NSC

          1.1.6          Lereo 'botala' mo tlhagisong e e reng 'O beile botala fa pele ga
                         gagwe' le kaya eng? (TEMANA 5)                                               (2)

          1.1.7          Maikaelelo a ga Nkwe ka oli e a neng a e fiwa kwa keratšheng e ne
                         e le afe?                                                                    (1)

          1.1.8          Go latela setlhangwa, ke kotlhao efe e Nkwe a dirileng bontsi jwa
                         madi ka yona?                                                                (1)

          1.1.9          Naya palogotlhe ya dijanaga tse Nkwe a di tshwereng.                         (2)

          1.1.10         Go kaiwa eng ka tlhagiso e e reng, 'Nkwe o ne a nnela go fotlha
                         madi'? (TEMANA 6)                                                            (2)

          1.1.11         Tlhagiso e e reng Nkwe o dirile sentle mo go TEMANA 5, e kaya
                         eng?                                                                         (2)

          1.1.12         Go ya ka wena go ka dirwa eng ka batho ba ba tsietsang batho ka
                         mokgwa o?                                                                    (2)

          1.1.13         A ke ntlha kgotsa kakanyo gore Nkwe o ne a tseela bakgweetsi
                         madi e se ka fa molaong? Tshegetsa ka lebaka.                                (2)

          1.1.14         Fa o ne o le mongwe wa bakgweetsi, mme o sa newe sesupo sa
                         tuelo, o ne o tlaa dira eng?                                                 (2)

1.2       Leba setshwantsho se se latelang, mme morago o arabe dipotso.

          SETLHANGWA B (SETSHWANTSHO)

                                                 [Se nopotswe go tswa mo inthaneteng]

          1.2.1          Naya dintlha di le PEDI tse SETLHANGWA                         A     le
                         SETLHANGWA B di farologanang ka tsona.                                       (4)

          1.2.2          Botlhokwa jwa tiro e e        diriwang    ke   lepodisi   le   le   mo
                         setshwantshong ke bofe?                                                      (2)

                                                       PALOGOTLHE YA KAROLO YA A:                     30

Kwalololo e ileditswe                                                                        Phetla

### Page 6

Downloaded from hlayiso.com
Setswana Puo ya Gae (HL)/P1                    6                           DBE/Ngwanaitseele 2019
                                              NSC

KAROLO YA B: TSHOBOKANYO

POTSO 2
Buisa temana e e fa tlase ka kelotlhoko. E bua ka ga temogo ya tshireletsego kwa
tirong.
ELA TLHOKO:
O tshwanetse go dira tse di latelang:
1.       Sobokanya o dirisa mafoko a gago, mme o sa latlhe bokao jwa temana ka go
         tlhagisa dintlha di le SUPA ka ga tse badiri ba tshwanelang go di dira go
         netefatsa tshireletsego kwa tirong.
2.       Kwala ka temana.
3.       Boleele bo se fete mafoko a a 90.
4.       Tshobokanyo e se ka ya newa setlhogo.
5.       Kwala palo ya mafoko a o a dirisitseng kwa bokhutlong jwa tshobokanyo.
SETLHANGWA C

                        TEMOGO YA TSHIRELETSEGO KWA TIRONG

Tshireletsego ke karolo ya botshelo e e tshwanetseng go elwa tlhoko ka dinako
tsotlhe. Ka dinako dingwe mo mafelong mangwe a ditiro ga go bonolo go ka tlhaola
baeng go tswa mo badiring ba lefelo leo. Re le badiri kana re le baeng ba ba
letleletsweng le ba ba sa letlelelwang, re eletsa go tshepiwa le go ikanngwa rotlhe.

Fa re le kwa ditirong re tlhoka go nna malala a laotswe ka tshireletsego. Tshireletsego
ya kwa ditirong ga e felele kwa dikgorong fa re goroga, e tlhokega le mo teng ga
diofisi. Modiri mongwe le mongwe o tshwanetse go nna podimatseba a eme ka
ditsetsekwane go sireletsa dithoto, tiro ya gagwe le mothapi wa gagwe.

Go dintlha dingwe tse badiri ba tshwanetseng go di ela tlhoko le go di gakologelwa fa
ba le kwa tirong. Dikgwama le dibeke ga di a tshwanelwa go tlogelwa ka gope mo
tafoleng. Beng fa ba tswa, ba di tseye kana ba di tswalele. Madi a bewe mo lefelong le
le bolokesegileng. A tswalelwe kana a tlosiwe mo dikagong fa go rolwa jokwe, a se ka
a tlogelwa mo mpaananeng kana a sa lotlelelwa. Dinotlolo di tlhokomelwe jaaka lesea,
tse di sa dirisiweng di se ka tsa bewa mo tafoleng.

Motho yo o sa itsiweng a botsolotswe dipotso go tila go akanya gore gongwe ke
mongwe wa badiri. A a bodiwe gore a o tlhoka thuso, mme ka se, o ka lemoga
ketsaetsego e e rileng. Moeng a se amogelwe bonolo fela ka ntlha ya gore a re o bone
tetla ya go tsena. O se ka wa tlogela moeng a le nosi mo ofising ya gago, letsa mogala
go batla tshedimosetso e o e tlhokang kana go kopa thuso. Ga go kgathalesege gore
moeng o lebega a le botlhokwa go le kae, o se ka wa mo senolela tshedimosetso epe
e e masisi. Lemosa mogolwane wa gago ka ga kopo ya moeng yoo.

Go se nne ope yo o letlelelwang go sutisa dithoto tsa ofisi ntle le sesupo sa tetla ya go
dira jalo. Ga se badiri botlhe ba ba ikanyegang jaaka wena.
                                        [E rulagantswe sešwa go tswa go Tlhagiso: 7 ya Mopalami]

                                                      PALOGOTLHE YA KAROLO YA B:                     10

Kwalololo e ileditswe                                                                       Phetla

### Page 7

Downloaded from hlayiso.com
Setswana Puo ya Gae (HL)/P1                   7                          DBE/Ngwanaitseele 2019
                                             NSC

KAROLO YA C: TIRISO YA PUO

POTSO 3
Sekaseka phasalatso e e fa tlase, mme morago o arabe dipotso.
SETLHANGWA D

                                                                      EMISA
                                                                       EMISA
                                                                         TB
                                                                        TB!

                                                   [Se nopotswe go tswa mo inthaneteng]

3.1       Tlhopha karabo e e maleba ka go kwala tlhaka e e nepagetseng A, B, C
          kgotsa D.
          Bolwetse jo bo mo phasalatsong e, bo amana le ...
          A      pelo.
          B      madi a magolo.
          C      diphilo.
          D      mafatlha.                                                                         (1)
3.2       Fetolela polelo e e latelang go nna tirwa:

          Dira diteko.                                                                             (1)
3.3       Kwala leina la lefapha le le tlhagisitsweng mo phasalatsong e ka puo ya
          Setswana.                                                                                (1)
3.4       Dirisa lediri 'amogela' go bopa leinaletswa.                                             (1)
3.5       Ke dintlha dife tsa malepa a phasalatso tse di tlhaelang mo phasalatsong e?
          Naya di le PEDI fela.                                                                    (2)
3.6       Mafoko a a reng: 'EMISA TB' a kaya eng mabapi le bolwetse jo?                            (2)
3.7       Go tlhagisa leina la lefapha mo phasalatsong, go kaya eng?                               (2)
                                                                                                   [10]
Kwalololo e ileditswe                                                                     Phetla

### Page 8

Downloaded from hlayiso.com
Setswana Puo ya Gae (HL)/P1                   8                             DBE/Ngwanaitseele 2019
                                             NSC

POTSO 4

Sekaseka khathunu e e fa tlase, mme morago o arabe dipotso.

SETLHANGWA E

                                                            IJAA! Ke a go
                                                            tswa jang fa?

                                 [Se nopotswe go tswa mo Sowetan, 5 Lwetse 2018]

4.1       Tlhopha karabo e e maleba ka go kwala tlhaka e e nepagetseng A, B, C
          kgotsa D.

          Go thubega ga borogo go senola eng?

          A      Bokete jwa serori .
          B      Kwelotlase ya ikonomi.
          C      Kgolo ya naga.
          D      Maemo a a kwa tlase a kago ya ditsela.                                              (1)

4.2       Ijaa!, ke mofuta ofe wa popego ya puo?                                                     (1)

4.3       Sefatlhego sa mokgweetsi wa serori se senola maikutlo afe? Tshegetsa
          karabo ya gago ka lebaka.                                                                  (2)

4.4       Ke eng se se dirisitsweng go supa ikonomi ya naga mo khathunung?                           (2)

4.5       Ke naga efe e go buiwang ka ga yona mo khathunung e? Tshegetsa karabo
          ya gago ka lebaka.                                                                         (2)

4.6       A mokgweetsi wa serori a ka tswa a bua le mongwe kgotsa o akanya fela
          gore o ya go tswa jang fao? Tshegetsa karabo ya gago ka lebaka.                            (2)
                                                                                                     [10]

Kwalololo e ileditswe                                                                      Phetla

### Page 9

Downloaded from hlayiso.com
Setswana Puo ya Gae (HL)/P1                  9                            DBE/Ngwanaitseele 2019
                                            NSC

POTSO 5

Buisa temana e e latelang, mme morago o arabe dipotso.

SETLHANGWA F

1     Fa mogokgo a sena go digela puo ya gagwe ga bidiwa Amantle go arabela dipuo
      tse di neng di builwe mosong oo ka ena. E rile fa a tshwanetse go bua dikeledi tsa
      pumpunyega go tswa mo matlhong a gagwe. Botlhe ba gakgamala gore go
      diragala eng ka ena gonne ba ne ba itse a tlwaetse go bua fa pele ga batho ka e
      ne e le moeteledipele wa setlhopha sa dingangisano mo sekolong.                    5

2     Morago ga metsotso e ka nna meraro a kgona go bua. Fa a simolola go bua o ne
      a re, 'Bagaetsho ke na le nnete ya gore lo gakgametse gore ke lelelang. Fa lo ne
      lo itse kwa ke tswang gona, lo ne lo ka tlhaloganya gore goreng ke lela.'

3     Ke a lela ka ntlha ya bobotlana jwa batsadi ba me. Ke ne ke sa gopola gore a
      letsatsi lengwe go ka nna jaaka go ntse jaana. Nna rre ke modisa kwa morakeng. 10
      O disetsa batho ba bangwe. Ga a tshegofadiwa ka dithoto, fela o ikanya
      Modimo. Ga ke itse gore nka mo leboga jang gonne e rile ke ne ke rata go gana
      go tla sekolong a nthotloetsa thata. Le mme ke mo leboga thata ka fa a
      nkgodisitseng ka teng. Morago go ne ga iwa dijong.

                                     [E nopotswe go tswa go Phitlhelelo Kwa Setlhoeng, J Malao]

5.1       Bolela gore leemedi le le thaletsweng mo go mola 2 le dirisitswe jang mo
          polelong.                                                                                (1)

5.2       Naya mofuta wa letlhophi le le ntshofaditsweng mo go mola 3.                             (1)

5.3       Leinatswako le le thaletsweng mo go mola 5 le bopilwe ka dipopego dife tsa
          puo?                                                                                     (2)

5.4       Dirisa lefoko 'bua' mo polelong ka bokao jo bo farologaneng le jo bo mo go
          mola 5.                                                                                  (2)

5.5       Lekaelagongwe la lefoko le le ntshofaditsweng mo go mola 7 ke ...                        (1)

5.6       Fetolela polelo e e ntshofaditsweng mo go mola 11 mo tumelong.                           (1)

5.7       Naya mofuta wa letlhalosi le le dirisitsweng gabedi mo go mola 13.                       (1)

5.8       Bolela gore polelo e e thaletsweng mo go mola 14 ke ya mofuta ofe.                       (1)
                                                                                                   [10]

                                                    PALOGOTLHE YA KAROLO YA C:                     30
                                                    PALOGOTLHE YA TLHATLHOBO:                      70

Kwalololo e ileditswe

## Related documents

- [Setswana HL P2 Nov 2019](https://www.hlayiso.com/library/setswana-hl-p2-nov-2019/74397c8c-6c0f-4d6b-9521-145b1eaec474) — Setswana HL · QP · 2019 · Setswana
- [Setswana HL P2 Nov 2019 Memp](https://www.hlayiso.com/library/setswana-hl-p2-nov-2019-memp/ae06148e-8862-4f58-955f-d3a49182ba2b) — Setswana HL · QP · 2019 · Setswana
- [Setswana HL P3 Nov 2019](https://www.hlayiso.com/library/setswana-hl-p3-nov-2019/f0a9e6ce-33de-423d-94c2-8372d35a8c9a) — Setswana HL · QP · 2019 · Setswana
- [NW SETSWANA HL P1 SEPTEMBER 2019](https://www.hlayiso.com/library/nw-setswana-hl-p1-september-2019/5f6cb332-f7d5-42ce-928f-24da3e69ae4d) — Setswana HL · QP · 2019 · Setswana
- [Setswana HL P1 Nov 2023](https://www.hlayiso.com/library/setswana-hl-p1-nov-2023/e13aeddd-2192-4a48-9373-5df836416149) — Setswana HL · QP · 2023 · Setswana
- [Setswana HL P1 Nov 2022](https://www.hlayiso.com/library/setswana-hl-p1-nov-2022/38928cec-876f-46af-8a96-7d1e9379d449) — Setswana HL · QP · 2022 · Setswana

## More from Grade 12 Setswana HL

- [Gr 12 Setswana HL ATP 2023-24](https://www.hlayiso.com/library/gr-12-setswana-hl-atp-2023-24/afd996d6-a11a-4a4d-8bf9-e13a89494ac1) — ATP
- [Setswana P1 (HL) June 2025 Possible Answers](https://www.hlayiso.com/library/setswana-p1-hl-june-2025-possible-answers/6c4914f8-c425-4ab5-8f4b-333233856880) — Memo · 2025 · Setswana
- [NW 12 SETSWANA HL P1 MG JUNE 2025 2nd add](https://www.hlayiso.com/library/grade-12-setswana-hl-2025-nw-june-exam-question-paper-paper-1-setswana/cfd04c0f-8148-4a2f-8d56-c6f2bbffffcb) — Memo · 2025 · Setswana
- [Setswana HL P1 Nov 2024 MG](https://www.hlayiso.com/library/setswana-hl-p1-nov-2024-mg/aeb21cb3-19a6-4950-87aa-16c653e2bea6) — Memo · 2024 · Setswana
- [Setswana HL P2 Nov 2024 MG](https://www.hlayiso.com/library/setswana-hl-p2-nov-2024-mg/14f02725-a508-4fcb-9716-1319f799d433) — Memo · 2024 · Setswana
- [Setswana HL P1 May-June 2024 MG](https://www.hlayiso.com/library/grade-12-setswana-hl-2024-nsc-june-exam-memorandum-paper-1-setswana/d318bc77-bbd0-47b6-a0fa-0125d59f0b75) — Memo · 2024 · Setswana

## Collection

- [Grade 12 past papers](https://www.hlayiso.com/grade-12/past-papers)

---

Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.
