# siSwati FAL Grade 12 P1 NSC Supplementary 2015 QP > Grade 12 siSwati FAL Paper 1 question paper from the NSC Supplementary Exam 2015, 14 pages. Read online or download the free PDF. - Page: https://www.hlayiso.com/library/siswati-fal-p1-feb-march-2015/47f1c4f4-23b5-4a3b-9e19-7b912c05a68a - Updated: 2026-09-27 - Subject: siSwati FAL - Grade: Grade 12 - Language: Siswati - Document type: Question paper - Year: 2015 - Exam period: NSC Supplementary Exam - Paper: 1 - Curriculum: CAPS - Pages: 14 Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [siSwati FAL](https://www.hlayiso.com/library/grade-12/siswati-fal) › [siSwati FAL Grade 12 P1 NSC Supplementary 2015 QP](https://www.hlayiso.com/library/siswati-fal-p1-feb-march-2015/47f1c4f4-23b5-4a3b-9e19-7b912c05a68a) ## About this document Siswati Fal · Grade 12 · NSC Supplementary Exam · 2015 · siswati. Question paper, 14 pages. Read online or download the PDF. Read it free online on the page above; download the PDF from there. ## Matching paper and memo - [Siswati FAL P1 Feb March 2015 Memo](https://www.hlayiso.com/library/siswati-fal-p1-feb-march-2015-memo/bb02bad9-e888-4413-8189-0ee6360833eb) — Memo · 2015 · siSwati ## Document text Text extracted from the PDF. Layout, diagrams and tables may not survive extraction. ### Page 1 Downloaded from hlayiso.com NATIONAL SENIOR CERTIFICATE LIBANGA 12 SISWATI LULWIMI LWEKUCALA LWEKWENGETA (FAL) LIPHEPHA LEKUCALA (P1) INDLOVANA/INDLOVULENKHULU 2015 EMAMAKI: 80 SIKHATSI: 2 ema-awa Leliphepha linemakhasi la-14. Emalungelo agodliwe Phenya ### Page 2 Downloaded from hlayiso.com Siswati Lulwimi Lwekucala Lwekwengeta (FAL)/P1 2 DBE/Indlovana–Indlovulenkhulu 2015 NSC TICONDZISO KULABAHLOLWAKO 1. Leliphepha lehlukaniswe TIGABA LETINTSATFU: SIGABA A: Sivisiso (30) SIGABA B: Sifinyeto (10) SIGABA C: Takhi netimiso tekusetjentiswa kwelulwimi (40) 2. Fundza TONKHE ticondziso ngekucophelela. 3. Phendvula YONKHE imibuto ngeSiswati. 4. Cala LESO NALESO sigaba ekhasini LELISHA. 5. Dvwebela ekugcineni kwaleso NALESO sigaba. 6. Tinombolo tetimphendvulo atihambisane naleto letisephepheni lemibuto njengobe tinjalo. 7. Shiya umugca emkhatsini wetimphendvulo takho. 8. Bhala ngebunono nangesandla lesifundzekako. 9. Caphelisisa sipelingi/lupelomagama nendlela lewakha ngayo imisho. 10. Hlela sikhatsi ngalendlela: SIGABA A: 50 emaminithi SIGABA B: 30 emaminithi SIGABA C: 40 emaminithi Emalungelo agodliwe Phenya ### Page 3 Downloaded from hlayiso.com Siswati Lulwimi Lwekucala Lwekwengeta (FAL)/P1 3 DBE/Indlovana–Indlovulenkhulu 2015 NSC SIGABA A: SIVISISO UMBUTO 1 1.1 Fundza letheksthi lengentasi bese uphendvula imibuto letawulandzela. ITHEKSTHI A KUKHULISWA NGUGOGO Lomavila akatange ahlale nenina. Make wakhe wahamba Lomavila aseseluswane lolubovu. Waba ngumtfwalo wagogo Matitila. Bekangumtfwalo loncono ngobe gogo Matitila bekamtsandza futsi atidvudvuta ngaye ngekushiywa ngumake wakhe. Kuye gogo Matitila bekufana ncamashi nekutsi unendvodzakati yakhe Badzanile lotala Lomavila. Gogo Matitila bekamtsandza kakhulu lomtukulu wakhe futsi bekamphatsisa kwelicandza. Bekatsatsa yonkhe imali yemphesheni anake tidzingo taLomavila. Bekamtsengela wena timphahla, wena kudla netintfo tekudlala. Kwatsi nangalesikhatsi sekufanele aye ekhreshi, saphindze sasebenta kamatima kanjalo salukati, samngenisa umtukulu waso esikolweni. Sasitimisele kakhulu kumbona alutfo esiveni umtukulu waso. Uma acedza tigaba tekhreshi walungela kuya esikolweni. Ufundze kahle impela imiphumnela beyijabulisa sibili. Kutsite uma asafundza libanga le-7, wajabula gogo Matitila kutsi Lomavila sewutawuba lusito emsebentini wasekhaya ngobe phela besakhulakhulile. Gogo bekamfundzisa kutsi awashe tindishi, atsanyele nelikamelo lakhe aphindze awashe netimphahla takhe tesikolo. Akatange akujabulele loko Lomavila, bekabona kungatsi gogo uyamhlupha. Bekutsi nakakhuluma naye akwate aphume tinyembeti, asho nekusho kutsi yena utawushayela lababukene nemalungelo ebantfwana lucingo asho kutsi uyahlukumeteka. Gogo bekamtjela kutsi loku ukwentela kutsi akhule akhone kutimela ngobe akati kutsi likusasa limphatseleni. Bekutsi kungasa, nango Lomavila abukela ithelevishini kusukela ekuseni lite liyoshona lilanga. Bekasukuma nasekutikhatsi tekudla, adle acedze abeke sitja ladlele kuso lapho ahleti khona, uma etamile utawusukuma afike asijike ekhatsi esinkini angasiwashi. 'Hhawu mtukulu wami, ungatsi ungibona ngibhizi emabhodweni uphike kubukana nethelevishini, loku uyabona kutsi sisobabili futsi bengitsi utawuba ludvondvolo lwami', kusho salukati ngalelinye lilanga sesidzinwe kusebentela umtukulu lobesagucuke lelikhulu livila lelehluleka nekutenwaya, inyoka lucobo lwayo. 'Gogo mine ngenta umsebenti wesikolo, mnyenti ebangeni le-7, kuphendvula Lomavila ngekukhala'. Emalungelo agodliwe Phenya ### Page 4 Downloaded from hlayiso.com Siswati Lulwimi Lwekucala Lwekwengeta (FAL)/P1 4 DBE/Indlovana–Indlovulenkhulu 2015 NSC Wetsemba naye gogo kepha inhlitiyo yakhe beyophela ngekhatsi ngoba abona kutsi angahlupheka uma kungenteka ashone yena. Kute umuntfu lobekangavisisa umntfwana lobuya esikolweni ajike sikhwama embhedzeni longakagcetjwa, avule emabhodo aphakele, adle, ashiye titja lapho adlele khona, ahambe ayobukela ithelevishini. Tonkhe tinhlelo letidlala kuthelevishini betatiwa nguye. Bekangaphumelela uma bekungaba nemncintiswano wetinhlelo tethelevishini, tikhangisi, emaculo nebaculi bawo. Kuhambe kwahamba kwaphela iminyaka lemibili, washona gogo Matitila, solo akhale njalo ngemtukulu wakhe. Yashelwa ngemanti inhlanti. Bonkhe labebamati bala kuhlala naye. Sonhlalakahle wafuna babe waLomavila, wamtfola lapho bekakhona. Babe wakhe bekanalomunye umfati, Lomavila bekatawuhlala naye. [Sibani Semaswati Libanga 12, Likhasi 33] CAPHELA: • Phendvula yonkhe imibuto ngemagama akho, ngaphandle kwekuba uceliwe kutsi ucaphune. • Embutweni lodzinga imphendvulo yinye, bhala inombolo yembuto ilandzelwe yimphendvulo. 1.1.1 Ngubani Badzanile kuletheksthi? (1) 1.1.2 Yini leyabangela kutsi Lomavila ahlale nagogo wakhe? (1) 1.1.3 Gogo Matitila bekamtsandzelani kangaka umtukulu wakhe? (1) 1.1.4 Bhala KUBILI lokukhombisa kutsi gogo Matitila bekamphatsisa kwelicandza Lomavila. (2) 1.1.5 Yini leyajabulisa gogo Matitila uma Lomavila safundza libanga lesikhombisa? (1) 1.1.6 Bhala KUBILI loku gogo bekakufundzisa Lomavila. (2) 1.1.7 Kuchazani loku lokulandzelako? (a) Umtukulu. (1) (b) Indvodzakati. (1) 1.1.8 Liciniso nobe ngumbono kutsi bantfwana labahlala nabogogo bayavilapha? Sekela imphendvulo yakho ngeliphuzu LINYE. (2) 1.1.9 Sifundvo sini lesisitfola kuletheksthi lengenhla? Bhala emaphuzu LAMABILI. (2) 1.1.10 Uyavumelana yini naloku lokushiwo nguLomavila kutsi uyahlukumeteka? Sekela ngemaphuzu LAMABILI. (2) Emalungelo agodliwe Phenya ### Page 5 Downloaded from hlayiso.com Siswati Lulwimi Lwekucala Lwekwengeta (FAL)/P1 5 DBE/Indlovana–Indlovulenkhulu 2015 NSC 1.1.11 Saphumelela yini sifiso sagogo Matitila ngaLomavila? Sekela ngemaphuzu LAMABILI. (2) 1.1.12 Ngewakho umbono waphumelela yini Lomavila kuhlala nababe wakhe? Sekela ngemaphuzu LAMABILI. (2) 1.2 Buka lesitfombe lesingentasi bese uphendvula imibuto letawulandzela. ITHEKSTHI B Esh!.. [Sunday Times 2011] 1.2.1 Lona lophuma ngelifasitelo wenteni? (1) 1.2.2 Ngusiphi sikhatsi selusuku lokwenteka ngaso lokusesitfombeni? Sekela ngeliphuzu LINYE. (2) 1.2.3 Yini lokufakazela kutsi angahle aboshwe lona losesitfombeni? Khetsa YINYE imphendvulo. A Kunemoto yebanikati bendlu leseyifikile. B Kunemoto yemaphoyisa leseceleni kwendlu. C Lesigebengu asikhoni kubalekela emaphoyisa. D Lesigebengu sitfwele umtfwalo losindzako. (1) Emalungelo agodliwe Phenya ### Page 6 Downloaded from hlayiso.com Siswati Lulwimi Lwekucala Lwekwengeta (FAL)/P1 6 DBE/Indlovana–Indlovulenkhulu 2015 NSC 1.2.4 Kuvela kweveni yemaphoyisa kusita ngani kulesibonwa? Bhala liphuzu LINYE. (1) 1.2.5 Nguliphi ligama lelikulesibonwa lelikhombisa kwetfuka? (1) 1.2.6 Yini lengentiwa kuvikela bugebengu? Bhala emaphuzu LAMABILI. (2) 1.2.7 Sifundvo sini lesitfolakala kulesitfombe lesingenhla? Bhala emaphuzu LAMABILI. (2) [30] SAMBA SIGABA A: 30 Emalungelo agodliwe Phenya ### Page 7 Downloaded from hlayiso.com Siswati Lulwimi Lwekucala Lwekwengeta (FAL)/P1 7 DBE/Indlovana–Indlovulenkhulu 2015 NSC SIGABA B: SIFINYETO UMBUTO 2 Fundza letheksthi lengentasi bese uyayifinyeta ngemagama langabi ngetulu kwala-70. Kuhle kutsi ucabangisise nangabe ufisa kuyofundza enyuvesi. Bhala sifinyeto ngalokumele ukulandzele nawukhetsa loko lofuna kukufundzela. CAPHELA: • Sifinyeto sakho asibe ngemaphuzu LASIKHOMBISA labhaleke ngemisho legcwele lengengci emagameni la-70. • Nika emaphuzu akho tinombolo leticala ku-1 kuya ku-7. • Umusho munye awumumatse liphuzu linye. • Sebentisa emagama AKHO. • Khombisa linani lemagama lowasebentisile kubakaki ekugcineni kwemphendvulo yakho. ITHEKSTHI C KUKHETSA LOFUNA KUKUFUNDZELA Kubalulekile kutsi nawungumfundzi futsi ucabanga kufundzela luhlobo lolutsite lwemsebenti ucale kwenta emalungiselelo ekwamukeleka etikhungweni temfundvo lephakeme kusenesikhatsi lesanele. Loku kumele ukwente usasebangeni le-9. Phela awumane utsi ungacedza libanga le-12 bese kuba ngikhona ucabanga kuyofundza enyuvesi nobe ekolishi lemakhono. Landzela letinyatselo kute ungenti emaphutsa lotatisola ngawo kusasa. Buta bese ufuna lwati mayelana naloko lofuna kukufundzela. Umbuto wekucala wubhekise ngakuwe. Tibute kutsi ngabe unalo yini lutsandvo, likhono nemandla ekufinyelela kulesifiso sakho salomsebenti lotawufundzela, ngabe ngukuphi lonelikhono lekukwenta kalula. Buta labanye labatifundziswa labenta wona lomsebenti kute utfole buhle nebubi bawo. Lolunye lwati lufune emaphephandzabeni naleminye imitfombo yelwati longayitfola njengaku-inthanethi. Akha luhlelo lotalulandzela. Kumele wati kutsi ufuna kufundzelani usesebangeni le-9 bese ukhetsa tifundvo letihambisana naloko lofuna kukufundzela. Hlelela kutfola emamaki laphakeme kuletifundvo lotikhetsile ngekutimisela kute uphumelele luhlolo lwelibanga le-11. Phela lemiphumela yelibanga le-11 ngiyo lotayifaka ihambisane nesicelo sakho sekwemukelwa enyuvesi nobe ekolishi lekufundzisa emakhono. Cabanga ngetidzingo letihambisana naloko lofuna kukufundzela. Ciniseka ngetifundvo lekumele utiphase nangabe ufuna kwemukelwa. Tibute kutsi utalutfola kuphi lwati loluphelele ngalesifundvo. Loku kusho kutsi ufune indzawo, kungaba yifekthri nome lihhovisi lapho utawutfola futsi ubone ngemehlo bantfu benta lomsebenti bukhoma. Kumele wati kutsi lusito lwetimali utalutfola kuphi. Loku kufaka ekhatsi emabhazari netimalimboleko. Emalungelo agodliwe Phenya ### Page 8 Downloaded from hlayiso.com Siswati Lulwimi Lwekucala Lwekwengeta (FAL)/P1 8 DBE/Indlovana–Indlovulenkhulu 2015 NSC Ciniseka kutsi ngabe loluhlobo lwemsebenti lutakusita ngani emphilweni yakho. Hlela tinhloso takho ngaloko lofuna kukwenta. Veta kutsi uhlose kucala ngani bese ucabanga naloko lokuyinhloso yesikhashana, lotakutfola ngemuva kwemnyaka munye, lemibili kuya kulemitsatfu. Tsatsa sinyatselo. Ngemuva kwekwenta konkhe loku lokungenhla, kumele utsatse sincumo sekutimisela kusebenta kamatima, utibone sewuphumelela ngemuva kweminyaka lemine uba nguloko bewufisa kuba ngiko futsi sewukhona kutiphilisa. Buyeketa sincumo lositsetse. Akubonakale kutsi sitakuletsela ematfuba lanjani. Nangabe lesincumo lositsetse sifuna kutsi untjintje indlela yekuphila, yenta njalo. Timisele kungagudluki esincumeni sakho. Beka imfundvo embili. Titjele kutsi sewukulungele. Nasewukwentile konkhe kumele ugcine ngekutitjela kutsi sewusesimeni sekufundzela lomsebenti. Titjele kutsi ungakwenta kantsi futsi utakwenta. Ungavumeli labanye bakususe kuloku lose utimisele kukwenta. Lokwehlule lomunye akusho kutsi nawe kutakwehlula. [Ihunyushwe kuKhetha, DHET and SAQA] [10] SAMBA SIGABA B: 10 Emalungelo agodliwe Phenya ### Page 9 Downloaded from hlayiso.com Siswati Lulwimi Lwekucala Lwekwengeta (FAL)/P1 9 DBE/Indlovana–Indlovulenkhulu 2015 NSC SIGABA C: TAKHI NETIMISO TEKUSETJENTISWA KWELULWIMI UMBUTO 3: KUHLATIYA SIKHANGISI CAPHELA: • Emphendvulweni ledzinga ligama linye kuphela, bhala inombolo yembuto neligama leliyimphendvulo kuphela. • Emibutweni lenetimphendvulo letinyenti lokumele kukhetfwe kuto, bhala inombolo yembuto kanye neletha lemele imphendvulo nobe imphendvulo lephelele. ITHEKSTHI D Fundza lesikhangisi lesingentasi bese uphendvula imibuto letawulandzela. COSHA KOMA NENDLALA! GUCUKELA EMAHEWINI NUMBER (1) SIVUSELELA UMOYA WEBUNTFU EMAHEWU NUMBER (1) • Entiwe ngemphuphu mbamba. • AneVithamini B12 leyenta umtimba ungadzinwa. • Ayacabula kubobabe labasebenta matima. • Asutsisa sikhatsi lesidze. • Acuketse iFayibha leyenta kutsi kudla kugayeke malula. • Avela ngemafleyiva lamatsatfu – bhanana, shokolethi nesitrobheri. [Ihunyushwe kulikhathono leMageu] Emalungelo agodliwe Phenya ### Page 10 Downloaded from hlayiso.com Siswati Lulwimi Lwekucala Lwekwengeta (FAL)/P1 10 DBE/Indlovana–Indlovulenkhulu 2015 NSC 3.1 Sitsini sicubulo salesikhangisi? (1) 3.2 Bhala kube KUBILI lokungenta batsengi batsenge EMAHEWU NUMBER (1). (2) 3.3 Kuliciniso nobe ngumbono kutsi nawunatsa EMAHEWU NUMBER (1) ucosha koma nendlala? Sekela ngeliphuzu LINYE. (2) 3.4 Nika tizatfu LETIMBILI letenta kutsi emagama lalandzelako abhaleke ngekwehluka kulamanye. (2) 3.5 Nciphisa ligama lelidvwetjelwe kulomusho longentasi. Acuketse iFayibha leyenta kutsi kudla kugayeke malula. (1) 3.6 Bhala LELINYE ligama lelinemcondvo lophikisana naleli lelidvwetjelwe kulomusho lolandzelako: Ayacabula kubobabe labasebenta matima. (1) 3.7 Gucula leligama lelidvwetjelwe libe sabito selucobo. AneVithamini B12 leyenta umtimba ungadzinwa. (1) [10] Emalungelo agodliwe Phenya ### Page 11 Downloaded from hlayiso.com Siswati Lulwimi Lwekucala Lwekwengeta (FAL)/P1 11 DBE/Indlovana–Indlovulenkhulu 2015 NSC UMBUTO 4: IKHATHUNI CAPHELA: • Emphendvulweni ledzinga ligama linye kuphela, bhala inombolo yembuto neligama leliyimphendvulo kuphela. • Emibutweni lenetimphendvulo letinyenti lokumele kukhetfwe kuto, bhala inombolo yembuto kanye neletha lemele imphendvulo nobe imphendvulo lephelele. Fundza lekhathuni lengentasi bese uphendvula imibuto letawulandzela. ITHEKSTHI E Bantfwabami yini leniyitsandza kakhulu njengoba nikhula nje? Sipho, mine Ucinisile wena sengikhatsele thandi, kufundza sesifundza Nangimkhulu ngifuna kuba tincwadzi. njengetiboshwa. ngunesi. [Isolezwe, October 2013] 4.1 Lekhathuni iphatselene nani? Sekela ngeliphuzu LINYE. (2) 4.2 Bhala indlela lephikako yalenkhulumo ledvwetjelwe kulomusho lolandzelako: Nangimkhulu ngifuna kuba ngunesi. (1) 4.3 Lungisa ligama lelibhaleke kabi kulomusho longentasi. Ucinisile wena thandi, sesifundza njengetiboshwa. (1) 4.4 Gucula leligama lelidvwetjelwe kulomusho lolandzelako likhombe imphambosi yekwentana. Sipho, mine sengikhatsele kufundza. (1) 4.5 Bhala lomusho ube sesikhatsini lesitako. Ngifuna kuba ngunesi. (1) Emalungelo agodliwe Phenya ### Page 12 Downloaded from hlayiso.com Siswati Lulwimi Lwekucala Lwekwengeta (FAL)/P1 12 DBE/Indlovana–Indlovulenkhulu 2015 NSC 4.6 Shano kutsi lesento lesidvwetjelwe kulomusho longentasi sikuyiphi indlela yesento. Sengikhatsele kufundza. Khetsa YINYE imphendvulo kuleti. A Indlela lesalibito. B Indlela leyamile. C Indlela lecondzisako. D Indlela yesimo. (1) 4.7 Kulomusho longentasi kuneligama lelimele sandziso sesimo. Likhokhe ulibhale. Bantfwabami yini leniyitsandza kakhulu? (1) 4.8 Yini lekhombisa kutsi thishela umile kantsi bafundzi bahleti? Bhala emaphuzu LAMABILI. (2) [10] UMBUTO 5: IPHROZI CAPHELA: • Emphendvulweni ledzinga ligama linye kuphela, bhala imibono yembuto neligama leliyimphendvulo kuphela. • Emibutweni lenetimphendvulo letinyenti lokumele kukhetfwe kuto, bhala inombolo yembuto kanye neletha lemele imphendvulo nobe imphendvulo lephelele. 5.1 Fundza letheksthi lengentasi bese uphendvula imibuto letawulandzela. ITHEKSTHI F KULOBOLA 'Ahambe njani emalungiselelo lapha Hluphi?' Kubuta Dan. 'Hheyi sengatsi ngiyaphupha Dan. Lokukhulu lokungijabulisile ngulokutsi sewucedzile kulobola. Sekuphelile lokukhiphana lebesolo sikwenta. Sekungashiwo sitsandvwa kutsi makhekhe makhekhe,' kuchuba Hluphi. 'Ngulonemona longakhuluma atsi awukenti lutfo. Konkhe sekume ngemumo Dan,' kusho Hluphi. Tihlobo talapha ekhaya tifikile, tonkhe tihamba ngetimoto takalokusho. Lelilanga libusisekile njenganakutalwa inkhosi. Inkhomo lehlatjiwe iyewusikwa lapho kutsengiswa khona inyama. Bomakhelwane bayaphitsitela, nabo batewufaka tandla. Bonogada bafikile, tigebengu angeke talibona lelidlalako. 'Ngiyetsemba uyenetiseka ngalamalungiselelo lengiwentile sitsandvwa,' kusho Dan. 'Ngiyabonga mntfwanaketfu. Ngiyetsemba kutsi nasesihlala sobabili, utangiwashela, ungiphekele nekudla lokumnandzi. Angitsi Hluphi?' Kuchuba Dan. [Icanjiwe] Emalungelo agodliwe Phenya ### Page 13 Downloaded from hlayiso.com Siswati Lulwimi Lwekucala Lwekwengeta (FAL)/P1 13 DBE/Indlovana–Indlovulenkhulu 2015 NSC 5.1.1 Bhala ligama lelitfolakala kuletheksthi lengenhla leliphikisa leli lelidvwetjelwe emshweni longentasi. Ngabe yini lekukwatise kangaka Dan? (1) 5.1.2 Siga senkhulumo lesitsi 'makhekhe makhekhe' sisetjentiswa nakwente njani? Bhala emaphuzu LAMABILI. (2) 5.1.3 Sinongo sini senkhulumo lesivetwe emshweni longentasi? Lolusuku lubusisekile njenganakutalwa inkhosi. (1) 5.1.4 Gucula emagama ladvwetjelwe kulomusho akhombe kuphika. Lokukhulu lokungijabulisile ngulokutsi sewucedzile. (2) 5.1.5 Sebentisa libito lelitsi 'inkhomo' emishweni lemibili livete imicondvo lehlukene. (2) 5.1.6 Bhala ligama libe LINYE endzaweni yemagama ladvwetjelwe. Inkhomo lehlatjiwe iyewusikwa lapho kutsengiswa khona inyama. (1) 5.1.7 Bhala inchazelo yalesisho lesitsi, 'Angeke balibone lelidlalako.' Khetsa imphendvulo yakho. A Angeke balibone lihhashi leligijimako. B Abanayo ithelevishini. C Angeke badlale ibhola. D Angeke baphumelele. (1) 5.1.8 Bhala ligama lelikhomba lutsandvo lelisetjentiswe emshweni longentasi. Sekungashiwo sitsandvwa kutsi 'makhekhe makhekhe.' (1) 5.1.9 Sebentisa ligama lelitsi 'bosidlani' emshweni kute kuvele kutsi uyayati inchazelo yalo. (1) 5.1.10 Bhala lomusho lolandzelako ucale ngekutsi, Dan watsi kuHluphi ... 'Ngiyetsemba uyenetiseka ngalamalungiselelo lengiwentile,' kusho Dan. (2) Emalungelo agodliwe Phenya ### Page 14 Downloaded from hlayiso.com Siswati Lulwimi Lwekucala Lwekwengeta (FAL)/P1 14 DBE/Indlovana–Indlovulenkhulu 2015 NSC 5.2 Fundza lesitfombe lesingentasi bese uphendvula imibuto letawulandzela. ITHEKSTHI G IFREYIMU 1 IFREYIMU 2 Ngiyasebenta Menenja ngicela kuhamba Ngisebentela ngiye ekhaya inyanga umndeni wami. iphelile. Kulungille hamba sitawubonana sewubuya. IFREYIMU 3 IFREYIMU 4 Mani, mani dilayiva Mshayeli ngilayishe ngiya silayishe nesalukati edolobheni. sami. [www.mining.com] 5.2.1 Shano kutsi loluhlavu loludvwetjelwe lukuyiphi imphambosi yesento emshweni longentasi. Ngisebentela umndeni wami. (1) 5.2.2 Nika bunyenti baleligama lelidvwetjelwe lelisefreyimini 1. (1) 5.2.3 Bhala libitomfakela lelitfolakala efreyimini 2. (1) 5.2.4 Nika sinciphiso saleligama lelidvwetjelwe efreyimini 4. (1) 5.2.5 Bhala LELINYE ligama lelinemcondvo lofana naleli lelidvwetjelwe kulomusho longentasi. Mani dilayiva silayishe salukati. (1) 5.2.6 Bhala lomusho lolandzelako ube sesikhatsini lesisandza kwengca. Ngiya edolobheni. (1) [20] SAMBA SIGABA C: 40 SAMBA SAKO KONKHE: 80 Emalungelo agodliwe ## Related documents - [Siswati FAL P2 Feb March 2015](https://www.hlayiso.com/library/siswati-fal-p2-feb-march-2015/8cb0768d-0055-4b2d-846e-f88abcc34e0f) — siSwati FAL · QP · 2015 · siSwati - [Siswati FAL P3 Feb March 2015](https://www.hlayiso.com/library/siswati-fal-p3-feb-march-2015/b3299b99-70d7-4f3b-ab7e-0c47a5a4ddcd) — siSwati FAL · QP · 2015 · siSwati - [Siswati FAL P1 June July 2015](https://www.hlayiso.com/library/siswati-fal-p1-june-july-2015/a171171e-b36d-40a3-a702-4ac6bc3161c1) — siSwati FAL · QP · 2015 · siSwati - [Siswati FAL P1 Feb March 2017](https://www.hlayiso.com/library/siswati-fal-p1-feb-march-2017/fe327a8e-988a-4276-aa17-7998e439a3a9) — siSwati FAL · QP · 2017 · siSwati - [Siswati FAL P1 Feb March 2016](https://www.hlayiso.com/library/siswati-fal-p1-feb-march-2016/5a6842e4-bd34-49a2-aaf2-9d21916634b2) — siSwati FAL · QP · 2016 · siSwati - [Siswati FAL P2 Feb March 2015 Memo](https://www.hlayiso.com/library/siswati-fal-p2-feb-march-2015-memo/b1bfdcb0-9dd4-4468-afd3-b7b8703150ca) — siSwati FAL · Memo · 2015 · siSwati ## More from Grade 12 siSwati FAL - [Gr 12 Siswati FAL ATP 2023-24](https://www.hlayiso.com/library/gr-12-siswati-fal-atp-2023-24/ce3a9844-e0b6-45d1-8a07-5bc3b067b26c) — ATP - [Siswati FAL P1 Nov 2025 MG](https://www.hlayiso.com/library/grade-12-siswati-fal-2025-nsc-november-exam-question-paper-paper-1-siswati/77baa88e-747f-42f2-a24c-b0a40682e171) — Memo · 2025 · siSwati - [Siswati FAL P2 Nov 2025 MG](https://www.hlayiso.com/library/grade-12-siswati-fal-2025-nsc-november-exam-question-paper-paper-2-siswati/dac07b60-c65f-4973-8d28-afc3ae437e5c) — Memo · 2025 · siSwati - [Siswati FAL P1 Nov 2024 MG](https://www.hlayiso.com/library/siswati-fal-p1-nov-2024-mg/f889ad88-6744-4f37-b042-7909905094da) — Memo · 2024 · siSwati - [Siswati FAL P2 Nov 2024 MG](https://www.hlayiso.com/library/siswati-fal-p2-nov-2024-mg/a2d461e4-1cd9-482a-abb8-55e4fd93508d) — Memo · 2024 · siSwati - [Siswati FAL P3 Nov 2024 MG](https://www.hlayiso.com/library/siswati-fal-p3-nov-2024-mg/0bd3d12a-8f2b-400b-b143-8166bf7d47e2) — Memo · 2024 · siSwati ## Collection - [Grade 12 past papers](https://www.hlayiso.com/grade-12/past-papers) --- Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.