# siSwati FAL Grade 12 P1 NSC November 2018 Question Paper > Grade 12 siSwati FAL Paper 1 question paper from the NSC November Exam 2018, 13 pages. Read online or get the free PDF download, memo linked when available. - Page: https://www.hlayiso.com/library/siswati-fal-p1-nov-2018/5c0ccc9d-d086-4efa-a6bb-96fcc2ef0801 - Updated: 2026-09-27 - Subject: siSwati FAL - Grade: Grade 12 - Language: Siswati - Document type: Question paper - Year: 2018 - Exam period: NSC November Exam - Paper: 1 - Curriculum: CAPS - Pages: 13 Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [siSwati FAL](https://www.hlayiso.com/library/grade-12/siswati-fal) › [siSwati FAL Grade 12 P1 NSC November 2018 Question Paper](https://www.hlayiso.com/library/siswati-fal-p1-nov-2018/5c0ccc9d-d086-4efa-a6bb-96fcc2ef0801) ## About this document Siswati Fal · Grade 12 · NSC November Exam · 2018 · siswati. Question paper, 13 pages. Read online or download the PDF. Read it free online on the page above; download the PDF from there. ## Matching paper and memo - [SISWATI FAL P1 NOV 2018 FINAL MEMO](https://www.hlayiso.com/library/siswati-fal-p1-nov-2018-final-memo/587c9fdf-7926-472a-b9b0-826cc6c0ae7d) — Memo · 2018 · siSwati ## Document text Text extracted from the PDF. Layout, diagrams and tables may not survive extraction. ### Page 1 Downloaded from hlayiso.com NATIONAL SENIOR CERTIFICATE LIBANGA 12 SISWATI LULWIMI LWEKUCALA LWEKWENGETA (FAL) LIPHEPHA LEKUCALA (P1) LWETI 2018 EMAMAKI: 80 SIKHATSI: Ema-awa 2 Leliphepha linemakhasi la-13. Emalungelo agodliwe Phenya ### Page 2 Downloaded from hlayiso.com Siswati Lulwimi Lwekucala Lekwengeta (FAL)/P1 2 DBE/Lweti 2018 NSC TICONDZISO KULABAHLOLWAKO 1. Leliphepha lehlukaniswe TIGABA LETINTSATFU: SIGABA A: Sivisiso (30) SIGABA B: Sifinyeto (10) SIGABA C: Takhi netimiso telulwimi (40) 2. Phendvula YONKHE imibuto ngeSiswati. 3. Cala LESO NALESO sigaba ekhasini LELISHA. 4. Dvwebela ekugcineni kwaleso NALESO sigaba. 5. Tinombolo tetimphendvulo atihambisane naleto letisephepheni lemibuto njengobe tinjalo. 6. Shiya umugca emkhatsini wetimphendvulo takho. 7. Caphelisisa sipelingi/lupelomagama nendlela lewakha ngayo imisho. 8. Kwehlukaniswa kwesikhatsi: SIGABA A: Emaminithi 50 SIGABA B: Emaminithi 20 SIGABA C: Emaminithi 50 9. Bhala ngebunono nangesandla lesifundzekako. Emalungelo agodliwe Phenya ### Page 3 Downloaded from hlayiso.com Siswati Lulwimi Lwekucala Lekwengeta (FAL)/P1 3 DBE/Lweti 2018 NSC SIGABA A: SIVISISO UMBUTO 1 1.1 Fundza letheksthi bese uphendvula imibuto lelandzelako. ITHEKSTHI A IMALI YALUSHABA 1 Umsebenti bewungekho, tifiso betitinyenti tingangentsaba, inhlitiyo ihlala ibalisa. Ngike ngitisole ngekwala kwami kuya esikolweni, batali bami bebangincenga kutsi ngifundze sikolo njengabontsanga yami. Esikhundleni sekufundza ngakhetsa kuhlala ekhaya ngindzindze nje. 2 Banyenti lebebasitakala ngekungafundzi kwami ngobe bebangamsweli 5 umuntfu lebatamtfuma esitolo. Ngisho nabomakhelwane imbala bebatfuma mine uma bantfwana babo basesikolweni. Yinye inkinga lebebahlangabetana nayo, kutsi emabhuluko ami onkhe bekadzabuke tikhwama. Njalo nangiya esitolo bengingabuyi nentjintji, bengitsi ngingayifaka esikhwameni ngifike ekhaya ingasekho. Bese betayele nabo 10 sebati kutsi mine vele intjintji angibuyi nayo. 3 Intfo leyabuye yangihlupha bekusitunge, ngobe bese ngikhulile bangasangitfumi nasesitolo. Tidzingo tami besetiya ngekwandza. Ngatfolana nebangani lebayekela sikolo batsi bona sebakhatsele kufundza. Sahlangana saba licembu linye lebelibitwa ngekutsi Lizembe. 15 Batali betfu bebangasenandzaba natsi futsi bebangajabuli ngetento tetfu. Ingani besihamba sibuye sinemali lenyenti lebesingeke sisho kutsi siyitfole njani. Indzawo yangakitsi bekuyindzawo lenhle lelihlanze. Indvuna yesigodzi sakitsi bekunguLushaba. Phela Lushaba bekayindvodza lecotfo, letsembekile naletsandza bantfu. Bekagweba 20 umuntfu ngekona kwakhe. Sigwebo bekasikhipha silingane nelicala lakho angenandzaba kutsi kone bani. 4 Lushaba bekaphindze abe yindvodza lefuyile futsi lenemali. Tinkhomo takhe betigcwala siganga, bekusengwa lubisi lugcwale imigcoma. Bantfwana bakhe bebakhuluphele bangaka ngobe bebadla kusale. Ingani 25 Lushaba kutsiwa unemali layishiyelwa nguyise. Umkakhe LaMthiya bekangakhoni kuthula nalendzaba, bekacocela lamanye emakhosikati atsi kakhe imali igcwele lisutukesi. Ekamelweni laLushaba bekungamane kungene umuntfu ngisho nalomake labesebenta khona abengangeni. Bekummangalisa kutsi yini lelengaka levalelwe kulelikamelo, bekagcina 30 ngako kumangala angeke abuta muntfu. 5 Kutsiwa Lushaba nakakhumbule uyise abevula lelisutukesi ahlale phasi abale lemali, atsi angacedza ayibuyisele esutukesini ayibeke. Bekangafuni kuyifaka ebhange imali yakhe atsi angeke kubonakale kutsi unemali nangabe lemali ihlala ebhange. Ngalelinye lilanga kwenteka 35 simangaliso. Savuka ekuseni kubikwa indzaba yekushona kwaLushaba lebekangamange abikwe kugula. Kutsiwa wakhala ngekuphelelwa ngumoya kwaba kushona kwakhe njalo. Loko kwavisa bantfu labanyenti bakulendzawo buhlungu lobukhulu. Emva kwetinyanga letintsatfu Lushaba ashonile, kwalandzela umkakhe LaMthiya. Sasala sodvwa 40 salukati lesitala Lushaba, LaMtsetfwa. Sasala nemsebenti wekukhulisa batukulu. Emalungelo agodliwe Phenya ### Page 4 Downloaded from hlayiso.com Siswati Lulwimi Lwekucala Lekwengeta (FAL)/P1 4 DBE/Lweti 2018 NSC 6 Mine nelicembu lami Lizembe besati kutsi kunetizumbulu temali kaLushaba. Besati kutsi angeke isheshe iphele lemali legcwele lisutukesi. Lemali beyisele ibukwe ngulesalukati sodvwa. Imali ikuphela kwentfo 45 lesiyidzinga kwengca tonkhe tintfo emhlabeni. Sacala ngekutfumela tinhloli letiyobuka simo netindzawo tekungena kaLushaba. Phela besiyidzinga lemali layishiyele bantfwabakhe Lushaba. Kwatsi ngalelinye lilanga lahloma Lizembe licondze khona kaLushaba, siya nje sesiyati kutsi salukati lesinguLaMtsetfwa sisheshe silale kantsi futsi asisaboni 50 kahle nasemehlweni, bantfwana bebasebancane. Sangena kaLushaba phakatsi kwalamabili, sashaya sivalo salukati savakala sesibuta kutsi sibobani, sasho emagama ebantfu labangekho kulendzawo siwasusela enhloko. Sala saphetsa salukati satsi angeke sisivulele ngobe asisati. Sakhahlela sivalo savuleka sasho sitseleka ngekhatsi endlini siphetse 55 tilimato, sasitjela kutsi asithule singacali sibange umsindvo ngobe sitasikhomba lesingakate sikubone. Asimange sicitse sikhatsi savele sabuta kutsi sikuphi sikhiya selisutukesi, sisalindzele imphendvulo sabona salukati siphendvula emehlo. 7 Sisamangele kwenteka intfo lebesingakayilindzeli, asibanga naso 60 nesikhatsi sekucabanga kutsi lamadvodza lamatsatfu achamukaphi. Tilimato lebesitiphetse tavele tatiwela phasi, saboshwa sayovalelwa ejele. Sigwetjwe iminyaka lelikhulu namitsatfu umuntfu ngamunye. [Itsetfwe encwadzini, Amanqampunqampu, Likhasi 29–31] 1.1.1 Khetsa YINYE imphendvulo. Kutsiwa yini imali loyishiyelwa batali nasebashonile? A Lisheke B Lifa C Lidola D Libhizinisi (1) 1.1.2 Yini lebeyimenta angabuyi nentjintji nabamtfume esitolo umbhali walendzaba? (1) 1.1.3 Shano kunye lebekwenta kutsi ekamelweni laLushaba kungangeni muntfu. (1) 1.1.4 'Tinkhomo takhe betigcwala siganga' isho kutsini lenkhulumo? (1) 1.1.5 Bhala KUBILI lebekwentiwa nguLushaba nakakhumbule uyise. (2) 1.1.6 Lushaba bekasebenta muphi umsebenti? Usho ngani? (2) 1.1.7 Ligama lelitsi 'Lizembe' likwakhela sitfombe sebantfu labanjani? Sekela imphendvulo yakho. (2) 1.1.8 Endzimeni 3 khokha ubhale emaphuzu LAMABILI lasekela kutsi Lushaba bekayindvuna letsembekile. (2) 1.1.9 Nguliphi liphutsa lelentiwa nguLaMthiya endzimeni 4? Sekela ngeliphuzu LINYE. (2) 1.1.10 Utsini ngalesento saLushaba sekungafuni kufaka imali ebhange? Sekela imphendvulo yakho. (2) Emalungelo agodliwe Phenya ### Page 5 Downloaded from hlayiso.com Siswati Lulwimi Lwekucala Lekwengeta (FAL)/P1 5 DBE/Lweti 2018 NSC 1.1.11 Ngekubona kwakho ngusiphi sifo lesabulala Lushaba? Sekela imphendvulo yakho. (2) 1.1.12 'Imali ikuphela kwentfo lesiyidzinga kwengca tonkhe tintfo emhlabeni.' Fakazela lenkhulumo ngemaphuzu LAMABILI. (2) 1.1.13 Bantfwana besikolo bafundzani kuletheksthi lengenhla? Sekela imphendvulo yakho. (2) 1.1.14 Ucabanga kutsi yini leyenta LaMtsetfwa aphendvule emehlo nababuta sikhiya selisutukesi? Sekela ngemaphuzu LAMABILI. (2) 1.2 Fundzisisa lesibonwa bese uphendvula imibuto lelandzelako. ITHEKSTHI B [Itsetfwe ephephabhukwini, i-Drum, mhla ti-16 Mabasa 2016] 1.2.1 Khetsa YINYE imphendvulo. Bantfu labahamba ngemabhayisikili ebusuku bangativikela njani ekushayisweni timoto? A Ngekugcoka lijezi lelikhulu B Ngekugcoka sikipha lesibovu C Ngekugcoka timphahla letinemariflektha D Ngekugcoka i-avaloni lendze (1) 1.2.2 Yini leyenta lona lokulesibonwa ahambe nelibhodlela? (1) 1.2.3 Nguwuphi umsebenti longentiwa ngelibhayisikili? Nika KUBILI kwaloko. (2) 1.2.4 Bhala KUBILI lokubi ngekusebentisa libhayisikili. (2) SAMBA SESIGABA A: 30 Emalungelo agodliwe Phenya ### Page 6 Downloaded from hlayiso.com Siswati Lulwimi Lwekucala Lekwengeta (FAL)/P1 6 DBE/Lweti 2018 NSC SIGABA B: SIFINYETO UMBUTO 2 Fundza letheksthi bese ubhala emaphuzu lasikhombisa lamayelana nekukhetsa kahle sikhungo semfundvo lephakeme. CAPHELA 1. Emaphuzu LASIKHOMBISA akabe yimisho legcwele futsi abe ngemagama LANGENGCI kula-60. 2. Imisho yakho ayibe netinombolo kusuka ku-1 kuya ku-7. 3. Akube liphuzu LINYE emshweni ngamunye. 4 Sebentisa emagama AKHO. 5. Khombisa linani lemagama lowasebentisile ekugcineni kwesifinyeto uwafake kubakaki. ITHEKSTHI C KUKHETSA KAHLE SIKHUNGO SEMFUNDVO LEPHAKEME Emuva kwekuphasa matekuletjeni kuba matima kubafundzi nebatali kukhetsa tikhungo temfundvo lephakeme. Bosolwati betemfundvo baluleka bafundzi ngekubaluleka kwekukhetsa inyuvesi lefanele emkhakheni lebafisa kuwenta. Kuyasita kutsi nawungumfundzi ukhetse inyuvesi lekhicita bafundzi labakahle etifundvweni lofisa kutenta. Ticu lotentako enyuvesi kumele tikulolongele umsebenti lotawuphuma uwente. Sikhungo asigcile kakhulu emkhakheni lofisa kuwenta njengekufundzisa kupheka, buthishela, bunjiniyela njll. Ngaloko inyuvesi itakhela ligama lelihle futsi ngiko lokwenta bafundzi baheheke. Kubalulekile kukhetsa tikhungo letitimele nobe tahulumende. Bafundzi bangafundza etikhungweni letitimele nobe tahulumende. Ngaphambi kwekubhalisa etikhungweni letitimele cinisekisa kutsi tibhalisiwe emnyangweni weTemfundvo nekuceceshwa. Kuhle kukhetsa tikhungo lapho utawufundziswa bantfu labanelwati ngobe lwati lwemfundvo loyitfolako lweyame kakhulu kumuntfu lokufundzisako. Tinsita tekufundza nato kumele tibe khona. Sikhungo asifake ekhatsi umtapomabhuku, emalabhorathi, indzawo yemakhomphuyutha kanye netindzawo tekufundzela. Tfola kabanti ngemali yekufundza lekhishwa kuleto tikhungo lotikhetsile. Bafundzi labete imali yekufundza bangafaka ticelo tabo ku-NSFAS leyentelwe bafundzi labangakwati kutfola imaliseboleko ebhange, umfundzate nobe batikhokhele bona. Kukhona netinhlangano letifana ne-Eduloan letibolekisa ngemali yekufundza. Ungayiboleka lemali kukhokhela imadlana lesele esikhungweni lofundza kuso kute utfole ticu takho nobe utsenge nanobe yini lenye lehlobene nekufundza. Buka kutsi lesikhungo sisedolobheni lelikhulu nobe lelincane. Kusuka kumfundzi kutsi ufuna kuyofundza edolobheni lelingakanani. Kuhamba uyofundza edolobheni lelikhulu kungakhaliphisa timphilo tebafundzi, baphume sebalungele kuyosebenta emadolobheni lamakhulu. Ebantfwini labangatsandzi imphilo lesheshako kungabasita kuyofundza edolobheni lelincane ngobe batawunaka kakhulu tifundvo tabo. Emalungelo agodliwe Phenya ### Page 7 Downloaded from hlayiso.com Siswati Lulwimi Lwekucala Lekwengeta (FAL)/P1 7 DBE/Lweti 2018 NSC Kubalulekile kukhetsa tikhungo letinemahhovisi lasita bafundzi. Tikhungo temfundvo lephakeme kumele tibe nemahhovisi ekweluleka bafundzi ngekwengcondvo kute basitakale etinkingeni lababukene nato njengetintfo labangasakwati kuphila ngaphandle kwato, incindzetelo, budlelwano kanye netinkinga tasemndenini. Bafundzi batfola nelitfuba lekwati kabanti ngetifundvo lebafisa kukhanyiselwa kuto nekutsi bangaphumelela kanjani. Kubalulekile kufaka sicelo sakho sekufundza etikhungweni letiphakeme. Bafundzi labafaka ticelo tabo etikhungweni letiphakeme kusenesikhatsi kubenta bangalindzi sikhatsi lesidze kuze kuphume imiphumela. Kubasita kutsi nakuphuma imiphumela babe seluhlwini lwekufika batfole tikhala tekufundza tikhona. [Itsetfwe ephephabhukwini, iBona, yamhla ti-3 Lweti 2016, Likhasi 68–69] SAMBA SESIGABA B: 10 Emalungelo agodliwe Phenya ### Page 8 Downloaded from hlayiso.com Siswati Lulwimi Lwekucala Lekwengeta (FAL)/P1 8 DBE/Lweti 2018 NSC SIGABA C: TAKHI NETIMISO TEKUSETJENTISWA KWELULWIMI UMBUTO 3: SIKHANGISI Fundza lesikhangisi bese uphendvula imibuto lelandzelako. ITHEKSTHI D HAWU! SEWUNGAZE UHLASELWE SITRESI, I-STRESS AWAY IKHONA. • Icedza kukhatsateka nekucindzeteleka lokwedlulele. • Yenta ingcondvo icabange kancono. • Labasebentisa yona abaphindzi badzinwe engcondvweni. • Nangabe ingcondvo ibamba iyekele i-stress away iyakucedza nya. • Ilungele kusetjentiswa ngumndeni wonkhe. • Itfolakala e-ILanga Mall kuphela. [Itsetfwe ephephabhukwini, iBona yamhla ti-11 Inyoni 2016] 3.1 Bhala lokwenta lona lokulesikhangisi amamatseke. (1) 3.2 Kulomusho longentasi khokha ligama lelikhomba kubabata. Bhala imphendvulo kuphela. Hawu! sewungaze uhlaselwe sitresi, i-stress away ikhona. (1) 3.3 Khetsa YINYE imphendvulo. Shano kutsi lenkhulumo lengentasi iluhlobo luni lwenkhulumo. Itfolakala e-iLanga Mall kuphela. A Ingemaciniso B Iyimfundzisolite C Itsatsa luhlangotsi D Iyinkhohliso (1) Emalungelo agodliwe Phenya ### Page 9 Downloaded from hlayiso.com Siswati Lulwimi Lwekucala Lekwengeta (FAL)/P1 9 DBE/Lweti 2018 NSC 3.4 Bhala inkhulumo lechaza kungati lekufanele ukwente lekulesikhangisi. (1) 3.5 Nguyiphi inkhulumo lengasilo liciniso kulesikhangisi lesingenhla? Usho ngani? (2) 3.6 Bhala kube KUBILI lokwenta lokhangisako abhale sihloko ngefonti lenkhulu. (2) 3.7 Ucabanga kutsi yini lokwenta lokhangisako abhale leligama lelitsi, 'i-stress away' ngemagama latjekile. (2) [10] UMBUTO 4: IKHATHUNI Fundza lekhathuni bese uphendvula imibuto lelandzelako. ITHEKSTHI E 1. Libito lami nginguFezeka Mdluli. 2. Nalu luhlelo lwa Ngatalelwa eMagudu edolobheni Asibonisane. laseMalalane. Ngitewunetfulela luhlelo lwa Asibonisane kuSABC 19:00 3. Ngifuna bantfu labasha batitsandze futsi batfutfukise nemakhono abo. Bangetsembeli kubatali. Bona abafundze futsi bente umsebenti wetandla njengekubata nekubumba, bativulele emabhizinisi. Umfundzi akatetsembe. [Itsetfwe ephephabhukwini, i-Drum Magazine lamhla ti-24 Mabasa 2013] 4.1 Bhala mcondvophika waleligama lelidvwetjelwe kulomusho longentasi: 'Ngifuna bantfu labasha batitsandze' futsi batfutfukise emakhono abo. (1) Emalungelo agodliwe Phenya ### Page 10 Downloaded from hlayiso.com Siswati Lulwimi Lwekucala Lekwengeta (FAL)/P1 10 DBE/Lweti 2018 NSC 4.2 Khetsa YINYE imphendvulo. Shano kutsi loluhlelo lolwetfulwa kulekhathuni lengenhla lwangasiphi sikhatsi: A Lwangensimbi yekucala B Lwangensimbi yesikhombisa C Lwangensimbi yelishumi D Lwangensimbi yemfica (1) 4.3 Kulomusho longentasi dvwebela sandziso sendzawo: Ngatalelwa eMagudu (1) 4.4 Shano kutsi sinongo sini lesidvwetjelwe enkhulumeni 3. (1) 4.5 Bhala libito lelingumenti nalelingumentiwa kulomusho lolandzelako. Bantfwana bayawutsandza umsebenti. (2) 4.6 Bhala lomusho longentasi uvete bunyenti: 'Umfundzi akatetsembe.' (2) 4.7 Tsatsa sabito selucobo kulomusho longentasi bese usisebentisa emshweni lotakhele wona: 'Bangetsembeli kubatali. Bona abafundze' futsi bente umsebenti wetandla. (2) [10] UMBUTO 5: IPHROZI 5.1 Fundza letheksthi bese uphendvula imibuto lelandzelako. ITHEKSTHI F TSANDZA UMTIMBA WAKHO Bantfu nangabe ubatjela ngekutsi uyajima bayakuhleka batsi utihluphelani ngobe abawuboni umehluko. Ngako ke ungalandzela tinkhulumo tabo ungaphelelwa ngemandla ungasachubeki. Ebantfwini labasebentako sikhatsi sekujima siyimvelakancane. Kumele uzame kutsi kanye nobe kabili ngeliviki utinike sikhashana. 5 Likhaya lingaba netindzawo tekujima letimbalwa. Kuye kube kuhle kutsi welule tinyawo ngekuhamba libangakati. Kuvuka udle, uhlale, ulale kuyingoti kakhulu. Kumele ucaphele kudla lokudlako kutsi kunemphilo yini ngobe sekunetifo letahlukahlukene. Uma ufuna kuncoba letifo kumele ujime ngaso sonkhe sikhatsi. Dlani tibhidvo netitselo unatse emanti lamanyenti. 10 Tisite ngekungadli emakhekhe nenyama lefakwe emafutseni. Lala sikhatsi lesidze uphumule. [Itsetfwe ephephandzabeni, Isolezwe, lamhla ti-10 Kholwane 2016, Likhasi 14] Emalungelo agodliwe Phenya ### Page 11 Downloaded from hlayiso.com Siswati Lulwimi Lwekucala Lekwengeta (FAL)/P1 11 DBE/Lweti 2018 NSC 5.1.1 Bhala luphawu lolufanele kulomusho longentasi. Ngako ke ungalandzela tinkhulumo tabo ungaphelelwa ngemandla. (1) 5.1.2 Khipha ubhale libitomfakela kulomusho lolandzelako. Tisite ngekungadli emakhekhe. (1) 5.1.3 Bhala mcondvofana waleligama lelidvwetjelwe kulomusho longentasi. Ebantfwini labasebentako sikhatsi sekujima siyimvelakancane. (1) 5.1.4 Khetsa ubhale ligama lelingamela lokudvwetjelwe kulomusho longentasi kulawa lalandzelako. (inyama lebilisiwe/inyama letfosiwe) Tisite ngekungadli emakhekhe nenyama lefakwe emafutseni. (1) 5.1.5 Shano kutsi letakhi letidvwetjelwe kulemisho timeleni. (a) Kumele uzame kutsi kanye nobe kabili ngeliviki utinike sikhashana. (1) (b) Kuye kube kuhle kutsi welule tinyawo ngekuhamba libangakati. (1) 5.1.6 Shano kutsi lemisho lelandzelako ikutiphi tindlela tesento. (a) Kuvuka udle, uhlale, ulale kuyingoti kakhulu. (1) (b) Dlani tibhidvo netitselo. (1) 5.1.7 Tsatsa sibaluli kulomusho longentasi usisebentise emshweni lotakhele wona. Ebantfwini labasebentako sikhatsi sekujima siyimvelakancane. (2) 5.1.8 Endzimeni yekucala khipha umusho lonelibitombici uwubhale phasi bese uyalidvwebela. (2) 5.1.9 Gucula lomusho longentasi usho kuphika. Lala sikhatsi lesidze uphumule. (2) Emalungelo agodliwe Phenya ### Page 12 Downloaded from hlayiso.com Siswati Lulwimi Lwekucala Lekwengeta (FAL)/P1 12 DBE/Lweti 2018 NSC 5.2 SITFOMBE Fundza lesibonwa bese uphendvula imibuto lelandzelako. ITHEKSTHI G IFREYIMI 1 Make sengibuyile Ngicabanga ngiyibukisisile lemali ngalemali. Ngiphe angiyitfoli. kudla ngihambe. IFREYIMI 2 Thembi, ngitfole imali ekamelweni Unesibindzi Musa. Utawucondza utsi lamake, ngifuna kuyotsenga tfwi make angakubamba ngobe kweba iselulafoni lensha. loko lokwentako. [Itsetfwe kuSunday Times, Inhlaba 2015, Likhasi 17]] 5.2.1 Khetsa YINYE imphendvulo kuletilandzelako. Liletsa muphi umcondvo leligama lelidvwetjelwe kulomusho longentasi? Unesibindzi Musa. A Kungati B Kungesabi C Kungebi D Kungahambi (1) Emalungelo agodliwe Phenya ### Page 13 Downloaded from hlayiso.com Siswati Lulwimi Lwekucala Lekwengeta (FAL)/P1 13 DBE/Lweti 2018 NSC 5.2.2 Kulomusho longentasi khipha ubhale ligama lelisho kwentisisa intfo. Make sengibuyile ngiyibukisisile lemali angiyitfoli. (1) 5.2.3 Khipha ubhale sentakutsi lesitfolakala efreyimini 2. (1) 5.2.4 Bhala umusho loneligama letheknikhi ulidvwebele. (1) 5.2.5 Gucula lomusho lolandzelako ube sesikhatsini lesengcile. Ngicabanga ngalemali. (2) [20] SAMBA SESIGABA C: 40 SAMBA SAKO KONKHE: 80 Emalungelo agodliwe ## Related documents - [Siswati FAL P2 May June 2018](https://www.hlayiso.com/library/siswati-fal-p2-may-june-2018/8d712f3b-c025-4230-b4c0-7bbe15d646e1) — siSwati FAL · QP · 2018 · siSwati - [Siswati FAL P3 Nov 2018](https://www.hlayiso.com/library/siswati-fal-p3-nov-2018/3fbb8b93-9531-4619-998f-758ebd5e5272) — siSwati FAL · QP · 2018 · siSwati - [Siswati FAL P1 May June 2018](https://www.hlayiso.com/library/siswati-fal-p1-may-june-2018/4f59036b-6d98-48cf-a080-2cab3d581700) — siSwati FAL · QP · 2018 · siSwati - [Siswati FAL P1 Nov 2023](https://www.hlayiso.com/library/siswati-fal-p1-nov-2023/27061e8c-0537-403d-8a46-8b2baed2fafa) — siSwati FAL · QP · 2023 · siSwati - [Siswati FAL P1 Nov 2022](https://www.hlayiso.com/library/siswati-fal-p1-nov-2022/e3a2a1ad-b070-461b-9155-8aa96df2d7a5) — siSwati FAL · QP · 2022 · siSwati - [Siswati FAL P1 Nov 2021](https://www.hlayiso.com/library/siswati-fal-p1-nov-2021/3a4c8726-4210-4f8c-8015-183517969873) — siSwati FAL · QP · 2021 · siSwati ## More from Grade 12 siSwati FAL - [Gr 12 Siswati FAL ATP 2023-24](https://www.hlayiso.com/library/gr-12-siswati-fal-atp-2023-24/ce3a9844-e0b6-45d1-8a07-5bc3b067b26c) — ATP - [Siswati FAL P1 Nov 2025 MG](https://www.hlayiso.com/library/grade-12-siswati-fal-2025-nsc-november-exam-question-paper-paper-1-siswati/77baa88e-747f-42f2-a24c-b0a40682e171) — Memo · 2025 · siSwati - [Siswati FAL P2 Nov 2025 MG](https://www.hlayiso.com/library/grade-12-siswati-fal-2025-nsc-november-exam-question-paper-paper-2-siswati/dac07b60-c65f-4973-8d28-afc3ae437e5c) — Memo · 2025 · siSwati - [Siswati FAL P1 Nov 2024 MG](https://www.hlayiso.com/library/siswati-fal-p1-nov-2024-mg/f889ad88-6744-4f37-b042-7909905094da) — Memo · 2024 · siSwati - [Siswati FAL P2 Nov 2024 MG](https://www.hlayiso.com/library/siswati-fal-p2-nov-2024-mg/a2d461e4-1cd9-482a-abb8-55e4fd93508d) — Memo · 2024 · siSwati - [Siswati FAL P3 Nov 2024 MG](https://www.hlayiso.com/library/siswati-fal-p3-nov-2024-mg/0bd3d12a-8f2b-400b-b143-8166bf7d47e2) — Memo · 2024 · siSwati ## Collection - [Grade 12 past papers](https://www.hlayiso.com/grade-12/past-papers) --- Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.