# siSwati HL Grade 12 Paper 1 November 2024 NSC Question Paper > Grade 12 siSwati HL Paper 1 question paper from the November 2024 NSC, 15 pages. Read online or get the free PDF download, memo linked when available. - Page: https://www.hlayiso.com/library/siswati-hl-p1-nov-2024/e5b6305a-16b7-4a24-9c06-9b2cd873944d - Updated: 2026-09-27 - Subject: siSwati HL - Grade: Grade 12 - Language: Siswati - Document type: Question paper - Year: 2024 - Exam period: November 2024 NSC - Paper: 1 - Curriculum: CAPS - Pages: 15 Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [siSwati HL](https://www.hlayiso.com/library/grade-12/siswati-hl) › [siSwati HL Grade 12 Paper 1 November 2024 NSC Question Paper](https://www.hlayiso.com/library/siswati-hl-p1-nov-2024/e5b6305a-16b7-4a24-9c06-9b2cd873944d) ## About this document Siswati Hl · Grade 12 · November 2024 NSC · 2024 · siswati. Question paper, 15 pages. Read online or download the PDF. Read it free online on the page above; download the PDF from there. ## Matching paper and memo - [Siswati HL P1 Nov 2024 MG](https://www.hlayiso.com/library/siswati-hl-p1-nov-2024-mg/913832a6-b6c2-43aa-b5bd-0daa1c55b8e6) — Memo · 2024 · siSwati ## Document text Text extracted from the PDF. Layout, diagrams and tables may not survive extraction. ### Page 1 Confidential NATIONAL SENIOR CERTIFICATE LIBANGA 12 SISWATI LULWIMI LWASEKHAYA (HL) LIPHEPHA LEKUCALA (P1) LWETI 2024 EMAMAKI: 70 SIKHATSI: Ema-awa la-2 Leliphepha linemakhasi la-15. Emalungelo agodliwe Phenya ### Page 2 Siswati Lulwimi Lwasekhaya (HL)/P1 2 DBE/Lweti 2024 NSC Confidential TICONDZISO KULABAHLOLWAKO 1. Leliphepha lehlukaniswe TIGABA LETINTSATFU: SIGABA A: Sivisiso (30) SIGABA B: Sifinyeto (10) SIGABA C: Takhi netimiso tekusetjentiswa kwelulwimi (30) 2. Fundza TONKHE ticondziso ngekunakisisa. 3. Phendvula YONKHE imibuto ngeSiswati. 4. Cala LESO NALESO SIGABA ekhasini LELISHA. 5. Dvweba umugca emva kwaleso naleso sigaba. 6. Tinombolo tetimphendvulo atihambisane naleto letisephepheni lemibuto njengobe tinjalo. 7. Shiya umugca emkhatsini wetimphendvulo takho. 8. Caphelisisa sipelingi/lupelomagama nendlela lewakha ngayo imisho. 9. Siphakamiso sekulawulwa kwesikhatsi: SIGABA A: Lokungenani emaminithi la-50 SIGABA B: Lokungenani emaminithi la-30 SIGABA C: Lokungenani emaminithi la-40 10. Bhala ngebunono nangesandla lesifundzekako. Emalungelo agodliwe Phenya ### Page 3 Siswati Lulwimi Lwasekhaya (HL)/P1 3 DBE/Lweti 2024 NSC Confidential SIGABA A: SIVISISO UMBUTO 1 1.1 Fundza letheksthi bese uphendvula imibuto lelandzelako. Nov ITHEKSTHI A BATALI BAKUSASA 1 Bantfwana balikusasa lalelive ngobe ngibo labatawuba batali bakusasa. Kusenensayeya lenkhulu ngobe bantfwana labanyenti abakhuliswa batali ngendlela lefanele. Labanye bakhula emindenini lapho batali babo bangasahlali ndzawonye ngetizatfu letehlukene. Labanye bakhulela emindenini leneludlame. Tibalo talabo labakhula bahlukunyetwa atatiwa 5 kahle kodvwa kunebufakazi bekutsi bakhona emimangweni yetfu lesiphila kuyo. Labo bantfwana ubabona ngekutsi abalawuleki etikolweni nasemakhaya. Ngekwehluleka kubeketelela lesimo lesilukhuni bacolela kugcwala etitaladini temadolobha alelive laseNingizimu Afrika. Labanyenti baphila ngemali yesibonelelo, labanye bahlala emakhaya etintsandzane. 10 Uma ngabe bantfwana banganakekelwa ngendlela lefanele, hulumende bekatawukonga tigidzigidzi temarandi abuye akhone kwetfula kancono tinsita temmango. 2 Tinyenti timbangela tekutsi labantfwana bangakhuliseki ngendlela lefanele; tonkhe teyame kusendlalelomuva sebatali. Uma batali bakhule bahlupheka 15 babuye bahlukunyetwa, manyenti ematfuba ekutsi bakhulise bantfwana babo ngaleyondlela. Lucwaningo lolwashicilelwa ku-Neuro Health Magazine lutsi babalelwa kumaphesenti la-61 bantfwana labahlukunyetwe yindlela labakhuliswe ngayo batali babo. Labakhule kahle nabo manyenti ematfuba ekutsi bakhulise kahle bantfwana babo ngobe bakubone kubatali 20 babo. Akusibo bonkhe batali labalandzela indlela labakhuliswe ngayo emakhaya uma bakhulisa bantfwana babo. Kubalulekile kwati kabanti ngesendlalelomuva sebatali bemntfwana. Loko kungakunika timphendvulo letinyenti ngendlela batali labaphatsa ngayo bantfwana babo. 3 Akukhatsalekile-ke kutsi uvela kusiphi sendlalelomuva; kuyacaca kutsi 25 wonkhe umuntfu uyadzinga kufundziswa ngemakhono nebuciko bekukhulisa umntfwana. Imfundvo yasekhaya idlala indzima lenkhulu futsi nayo iyimfundvosisekelo ekukhuliseni umntfwana. Lemfundvo itawucinisekisa kutsi labo bantfwana labakhuliswa kahle batawuba batali bakusasa labanemagugu emphilo: buntfu, inhlonipho, kwesekelana, 30 kutitfoba babuye babe nesimongcondvo nesimilo lesemukelekako emmangweni. Emalungelo agodliwe Phenya ### Page 4 Siswati Lulwimi Lwasekhaya (HL)/P1 4 DBE/Lweti 2024 NSC Confidential 4 Lamagugu emphilo labakhule nawo atawubenta bakhone kwehlukanisa emkhatsini wetento letifundzisako naletihlukumetako emntfwini. Bakhona bantfwana labatsi uma bafundziswa kulandzela imitsetfo, imigomo 35 nemibandzela, babone kungatsi kukubahlukumeta loko. Akusiko kumhlukumeta umntfwana uma kutsiwa akente imisebenti yasekhaya ngekungakhetsi bulili, akabuye ekhaya ngesikhatsi lesibekiwe, akalandzele inchubomgomo yekubukela mabonakudze, nekusebentisa makhalekhikhini. Kumhlukumeta kungafaka ekhatsi loku lokulandzelako: kushaywa 40 kabuhlungu, kubaliselwa ngekudla, kukhulunyelwa emagama lavusa imiva aphindze ehlise sitfunti semntfwana. Lapha eNingizimu Afrika bantfwana banenhlanhla ngobe umtsetfosisekelo uwabuke ngeliso lelibukhali emalungelo ebantfwana. Loshaya abuye ahlukumete bantfwana angatitfola aboshiwe. Lamalungelo akasho kutsi tigwegwe atingacondziswa, vele 45 kumele lugotjwe lusemanti. 5 Uma ngabe labantfwana bakhuliseke kahle kusenesikhatsi kunesiciniseko sekutsi litawehla kakhulu linani lebantfwana labadla imbuya ngelutsi, labadla tidzakamiva, labahlukumeta labanye, labangenela bugebengu lobehlukahlukene, labatibandzakanya kutemacasi basebancane, njalonjalo. 50 Lokuba sihibe ekukhuliseni kahle bantfwana ngulendlela imphilo leseyibita ngayo. Kutfolakala make nababe baya emsebentini bashiye bantfwana nemuntfu lobasitako ekhaya. Babuya emsebentini bakhatsele bangabi nesikhatsi lesanele sekufundzisa bantfwana babo ngemphilo. Bachubeka nemisebenti yabo bangabanaki bantfwana bagcine batentela matsandza. 55 Loko kwentiwa kungati njengobe kushiwo kutsi ʹkungati kufana nekungaboni.ʹ Labatali kumele bati kutsi akukho labakutjalako kulabantfwana lokutawubenta kutsi babe batali bakusasa labacotfo labatawuphatsa kahle bantfwana babo. 6 Batali bakusasa kumele bakwati kutsi nobe ngabe bayasebenta kepha 60 kumele bente sikhatsi lesanele sekuba nemindeni yabo. Kuhle kutsi imindeni ihlangane kucocwe ngemphilo kubhobokelwane nabo labantfwana bakhone kubuta imibuto ebatalini kuvikela kutfola lwati lolungasikahle ebanganini. Kuneliphutsa lelivame kwentiwa ngulabanye batali labadla kusale: kugidlabeta bantfwana ngemali lenyenti labangati kutsi batayentani. 65 Labo batali bangecwayiswa ngekutsi bantfwana abanikwe imali ngemuva kwekutsi bente lokujabulisa batali, njengekutiphatsa kahle nobe kwenta imisebenti yasendlini. Loko kutawubakhutsata kutsi bahlale benta tintfo ngendlela lefanele. Emalungelo agodliwe Phenya ### Page 5 Siswati Lulwimi Lwasekhaya (HL)/P1 5 DBE/Lweti 2024 NSC Confidential 7 Batali abanake bantfwana babo bakhule ngalokuphelele: 70 ngekwemfundvo, ingcondvo, imiva, umtimba, emoyeni nekuhlalisana kahle nalabanye bantfu ngobe bantfwana bangumliba loya embili. Batali bobabili ababambisane bafundzise bantfwana labadvuna nalabasikati ngato tonkhe tinhlangotsi temphilo letitsintsa bonkhe bulili. Bangakhohlwa kutsi imfundvo yasekhaya neyasesikolweni isikhali 75 semphumelelo. Abatibandzakanye babelekelele ngemisebenti yesikolo, babesekele uma kunemidlalo nemihlangano etikolweni labafundza kuto. Kwekugcina, bangabuye babajabulise baphume bayoshaywa ngumoya bativocavoce nabo. Akungabateki kutsi labo bantfwana njengebatali bakusasa batawuba ligcabho lelive leNingizimu Afrika. 80 [Itsetfwe:ku-Future SA, volume 3, 2023, yabuye yahunyushwa] 1.1.1 Bhala KUNYE lokungumonakalo lowentiwa bantfwana labangakakhuliseki kahle lokutfolakala endzimeni ye-1. (1) 1.1.2 Angahlomula ngayiphi indlela hulumende uma bantfwana banganakekelwa ngendlela lefanele njengobe kushiwo endzimeni yekucala? Nika YINYE. (1) 1.1.3 Tfola SINYE sizatfu lesivetwe endzimeni ye-2 lesikhombisa kubaluleka kwekwati ngesendlalelomuva sebatali. (1) 1.1.4 Khetsa YINYE imphendvulo. Kutsiwa babalelwa kumaphesenti la-61 labahlukunyetiwe: A Emaphesenti langemashumi lasitfupha nakunye B Emashumi lalishumi nesitfupha nakunye C Emaphesenti lalishumi linye nesitfupha D Emaphesenti langemashumi nesitfupha nakunye (1) 1.1.5 Bhala KUBILI lokusendzimeni ye-3 lokungazuzwa batali bakusasa uma bakhuliswe kahle. (2) 1.1.6 Uma ufundza indzima ye-4, ngutiphi timbangela LETIMBILI letenta kutsi batali babeke imigomo nemibandzela emakhaya? (2) 1.1.7 Nguyiphi imitamo yahulumende levikela kuhlukunyetwa kwebantfwana emakhaya levetwe kuletheksthi? Nika MIBILI. (2) 1.1.8 Ucabanga kutsi nguwuphi umtselela wekutsi batali banganiki bantfwana litfuba lekucoca nabo uma banetinkinga? Chaza. (2) 1.1.9 Ngekubona kwakho yini lekufanele kwentiwe Litiko leTenhlalakahle kute batali babe nelwati lwekukhulisa bantfwana kahle? Chaza. (2) Emalungelo agodliwe Phenya ### Page 6 Siswati Lulwimi Lwasekhaya (HL)/P1 6 DBE/Lweti 2024 NSC Confidential 1.1.10 Batali bakusasa bangabafundzisa njani bantfwana babo kutsi bangayisebentisi budlabha imali lebanikwe yona? (2) 1.1.11 Uvumelana kangakanani nekutsi uma bantfwana bangakhuliseka ngendlela lefanele, lizinga lekutsatsa tidzakamiva lingehla? Sekela imphendvulo yakho. (2) 1.1.12 Ngemaphuzu LAMABILI, phawula ngekubaluleka kwekutsi umtali asekele umntfwana wakhe uma kunemichudzelwano yetemidlalo esikolweni. (2) 1.2 Fundza lesibonwa bese uphendvula imibuto lelandzelako. ITHEKSTHI B IFREYIMU YE-1 IFREYIMU YE-2 IFREYIMU YE-3 IFREYIMU YE-4 [Itsetfwe:ku-http://www.kingfeatures.com] 1.2.1 Yini lekhombisa kutsi batali labaseFREYIMINI YE-1 banelutsandvo nebantfwana babo? Nika KUNYE. (1) 1.2.2 Kungaba namtselela muni kulabantfwana loku labakwenta nebatali babo EFREYIMINI ye-2? Bhala KUNYE. (1) Emalungelo agodliwe Phenya ### Page 7 Siswati Lulwimi Lwasekhaya (HL)/P1 7 DBE/Lweti 2024 NSC Confidential 1.2.3 Ucabanga kutsi lomntfwana lovetwe eFREYIMINI ye-3 ukusiphi simo? (1) 1.2.4 Lesandla salomake eFREYIMINI ye-4 sicondze kutsini kulomntfwana? (1) 1.2.5 Loku lokwenteka eFREYIMINI ye-4 kungaba nawuphi umtselela lomubi kulomntfwana nebatali bakhe? Chaza. (2) 1.2.6 Theksthi A unakuphi lokufanako nawufundza loko lokucindzetelwe endzimeni ye-6 kanye neFREYIMU ye-2 kutheksthi B? (2) 1.2.7 Bhala KUNYE lokungumehluko walokwenteka emkhatsini wenkhulumo lecindzetelwe endzimeni ye-7 kutheksthi A kanye nalokwenteka eFREYIMINI ye-3 kutheksthi B. (2) SAMBA SESIGABA A: 30 Emalungelo agodliwe Phenya ### Page 8 Siswati Lulwimi Lwasekhaya (HL)/P1 8 DBE/Lweti 2024 NSC Confidential SIGABA B: SIFINYETO UMBUTO 2 Fundza letheksthi bese uyayifinyeta ngewakho emagama la-80. Sifinyeto sakho asibe ngendlela yetindzima (emapharagrafu), sivete emaphuzu lasikhombisa laveta timphawu tebuholi. CAPHELA: 1. Akukadzingeki kutsi ubhale sihloko. 2. Khombisa linani lemagama lowasebentisile ekugcineni kwesifinyeto sakho. (Linani lemagama alibe setibiyelweni.) ITHEKSTHI C BUHOLI Bochwepheshe labahlola indlelanchubo yebaholi labahola ngayo etinkampanini letinkhulu, babona kunesikhala kulomkhakha wekuhola. Lesikhala singavalwa ngekutsi wonkhe umuntfu longumholi abe nelwati lwekuhola balingani bakhe. Umholi angatitjeli kutsi njengobe analesikhundla kusho kutsi angeke asaludzinga lolunye lwati. Phela umholi kumele akhone kuncintisana nabontsanga ngekujula ngalokwedlulele ngekwengcondvo ngobe tinkampani letinyenti tiba nebantfu labatinhlobonhlobo ngekwebuve, ngemfundvo nangekwebuhlanga. Loko kusho kutsi netigaba tabo tekukhula engcondvweni tehlukene. Kubalulekile kutsi umholi afundze kwemukela nobe yini bantfu labayikhulumako ngaye ngaphandle kwekuhlutfuka ngobe ingcondvo ifana nelihhashi lemjako, ilawulwa ngumnikati wayo. Kumele ahloniphe imibono yalabo labaholako. Uma ufuna kuba ngumholi lohamba embili kufanele ube nendlela yekubeka indzaba yakho ivakale kahle kuwonkhe umuntfu lokulalele. Kuyenteka umuntfu atsi ukhuluma nebalingani, bavele balale ngobe lowo mholi lowetfula indzaba yakhe usuke ete indlela lekahle yekuyibeka. Labanye bantfwana babonakala basakhula kutsi batawuba baholi. Ubeva ngetinkhulumo tabo uma kucociswana emindenini. Phela kutsiwa umtsentse uhlaba usamila. Kunika sibonelo, lowo mntfwana ubonakala ngekutsi uma batali batsi akulalwe ngesikhatsi lesitsite yena abeke luvo lwakhe ngendlela lativa ngayo. Loku kukhomba kutsi uma asangumholi utawukhona kuvikela imibono yakhe. Sikhundla asiyi ngebulili nobe ngemnyaka. Uma ungumuntfu lomsikati losesikhundleni akukafaneli wesabe labadvuna kanjalo nebaholi labasebancane ngeminyaka abangesabi kwekhuta labadzala kunabo. Umholi kumele akwati kusombulula tinkinga tekungaboni ngeliso linye ngendlela leyakhako, lengabandlululi muntfu futsi letawucinisa budlelwano. Uma sibantfu sifundza ngekubona, ngekwenta nangelwatinchanti lwalabanye bantfu. Emidlalweni leyahlukahlukene kunebaceceshi labacecesha badlali balowo mdlalo bese kuba nebalekeleli balowo locecesha lelo cembu. Umholi locotfo kumele ente siciniseko sekutsi naye uba nemsiti lotamesekela, loko kwenta kutsi kube nenchubekelaphambili. Emalungelo agodliwe Phenya ### Page 9 Siswati Lulwimi Lwasekhaya (HL)/P1 9 DBE/Lweti 2024 NSC Confidential Bantfu bahlala emehlo abo atse njo kubaholi betinkampani, babuka indlela labakhuluma ngayo, labagcoka ngayo nesikhatsi labafika ngaso emsebentini. Kufanele kutsi umholi abe nesiciniseko sekutsi uveta timphawu tekutiphatsa kahle kute nebalingani bakhe bente njengaye. [Ihunyushwe isuselwa:ku-Most inspiring and powerful, vol 18, 2024] SAMBA SESIGABA B: 10 Emalungelo agodliwe Phenya ### Page 10 Siswati Lulwimi Lwasekhaya (HL)/P1 10 DBE/Lweti 2024 NSC Confidential SIGABA C: TAKHI NETIMISO TEKUSETJENTISWA KWELULWIMI UMBUTO 3: SIKHANGISI ITHEKSTHI D Fundza lesikhangisi bese uphendvula imibuto lelandzelako. 4 12 Lamawashi enta loku: 9 3 Agcina imininingwane. Akutjela 7 6 sikhatsi. Emukela tincingo. Aveta umbikoselula Ubhadala ngawo. 1 1. KaMawashi awubuyi ulengisa tandla! 2. Lamawashi akangenwa ngemanti. 3. Makhalekhikhini umphatselani esandleni? 4. Awuphindzi utsenge umhlobiso endlini! 2 5. Tsenga linye utfole lelinye ngesephulelo se-10% 6. Ngaphandle kwetfu awatfolakali ndzawo. 7. Atikashiywa ngaphandle talukati nemakhehla. 3 Sitabantfu mall NO 16 sitabantfumall@mawashi.com 0968001940/013 666 44445 SIVULA NGENSIMBI YESIHLANU EKUSENI! [Itsetfwe:ku-images,searches.yahoo.com] Emalungelo agodliwe Phenya ### Page 11 Siswati Lulwimi Lwasekhaya (HL)/P1 11 DBE/Lweti 2024 NSC Confidential 3.1 Lefonti yalesicubulo ibaluleke ngani kulabatsengisi? (1) 3.2 Lenkhulumo lekunombolo ye-5 ihhunga ngayiphi indlela? (1) 3.3 Khetsa YINYE imphendvulo. Lenkhulumo letsi: ʹAwuphindzi utsenge umhlobiso endlini yakhoʹ. A Itsatsa luhlangotsi. B Itsintsa imiva. C Iyimfundziso lite. D Itsatfwa njengemaciniso. (1) 3.4 Nika sizatfu lesingenta kutsi lomkhicito ungatsengwa ngalokulindzelekile. (1) 3.5 Lenkhulumo lekunombolo ye-6 iluhlobo luni? Sekela imphendvulo yakho. (2) 3.6 Sebentisa lesisho lesikunombolo ye-1 emshweni lotakhele wona. (2) 3.7 Lenkhulumo lekunombolo ye-7 ikhombisa ngayiphi indlela kutsi lamawashi akabandlululi ngeminyaka? Chaza. (2) [10] Emalungelo agodliwe Phenya ### Page 12 Siswati Lulwimi Lwasekhaya (HL)/P1 12 DBE/Lweti 2024 NSC Confidential UMBUTO 4: IKHATHUNI Fundza lekhathuni bese uphendvula imibuto lelandzelako. ITHESKTHI E IFREYIMU YE-1 Kubhadala mine tinhlelo tamabonakudze la! Ngifaka ibhola lapha. Kumatima lamuhla. Umuntfu angeke abukele lutfo. IFREYIMU YE-2 Ngingakadvonsi nemoya sekutsiwa Awati kutsi indzawo angiphume. Bengitsi nami yabomake isedladleni? ngibukela Umkhokha. Solo kusile namuhla kuhleti nangu Siphosetfu. [Itsetfwe:ku-images,searches.yahoo.com] Emalungelo agodliwe Phenya ### Page 13 Siswati Lulwimi Lwasekhaya (HL)/P1 13 DBE/Lweti 2024 NSC Confidential 4.1 Nika sizatfu lesenta kutsiwe lekhathuni ayitsatsi luhlangotsi. (1) 4.2 Khokha inkhulumo letsatfwa njengemaciniso ibe itsintsa imiva yalabanye. (1) 4.3 Takhele umusho ngeligama, ʹedladleniʹ lelicindzetelwe eFREYIMINI ye-2 kulekhathuni. (2) 4.4 Catsanisa indlela lomake nalobabe labahleti ngayo kulekhathuni. (2) 4.5 Kuliciniso nobe kungumbono yini loku lokukhulunywa ngulobabe eFREYIMINI ye-2? Sekela imphendvulo yakho. (2) 4.6 Bhala inkhulumo lecatjangwa ngulomntfwana loseFREYIMINI ye-2 ihambisane nebuso bakhe. (2) [10] Emalungelo agodliwe Phenya ### Page 14 Siswati Lulwimi Lwasekhaya (HL)/P1 14 DBE/Lweti 2024 NSC Confidential UMBUTO 5 Fundza letheksthi bese uphendvula imibuto lelandzelako. ITHEKSTHI F INDLELA YEKUPHILA 1 Ayikho into longayenta kute uvikeleke kuletifo letidlangile kulamalanga letifaka ekhatsi; umdlavuta, sifo sashukela, sifo senhlitiyo, kukhuluphala ngalokwecile naletinye. Ticuku tebantfu tilandza emaphilisi etifo letehlukahlukene njalo emtfolamphilo. Kutsatsa tincumo letifanele emphilweni ngiyo kuphela indlela lengakusita kutsi uvikeleke kuletifo. 5 2 Kuhlala udla kudla lokunemphilo nekutilolonga ngulokunye longakwenta kute uphephe kuletifo. Umcondvo lomuhle lota nabodokotela lababosolwati kukhutsata kutsi kudliwe kudla lokumasekomatsatfu, lokunika emandla, lokwakha umtimba nalokuwuvikelako njengetitselo. Lokunye lokungehlisa lizinga lekudlondlobala kwaletifo kugwema kunatsa emanti lamponjwana 10 nekuntjintja indlela yekuphila. Akukafaneli kutsi emanti lamponjwana abe insakavukela kugezwa kwemehlo. Bantfu labanyenti bangabona kudla etafuleni bafaka sandla, abanandzaba nekutsi lokunye kwalokudla kuyabagulisa. 3 Kufanele kutsi uhlale wenta luhlolo kubodokotela nasetibhedlela letinetinsita letifanele. Batakusita ngekutsatsa titfombe letiveta konkhe lokungekhatsi 15 emntfwini lokungahambi kahle. Loko kutawenta kutsi sifo sisheshe sitfolakale kusenesikhatsi bese siyalapheka nobe sivinjwe singakadlondlobali emtimbeni. Umuntfu akente siciniseko sekutsi uhlala anelwati ngaletifo. Bantfu abalandzele tiphakamiso letivelako emaphephandzabeni nakubomabonakudze ngelucwaningo lolusha lolwentiwa bongcondvongcondvo kute bavikele tifo 20 kusenesikhatsi. [Itsetfwe:ku-Get it Lowveld, yahunyushwa] 5.1 Khokha umusho loneligama lelipeleke kabi endzimeni ye-1 bese uyalilungisa. (1) 5.2 Khetsa YINYE imphendvulo kuletilandzelako: Lesaga lesitsi: ʹInsakavukela kugezwa kwemehloʹ sichaza umsebenti lowentiwa … A onkhe emaviki. B onkhe emalanga. C njalo ekuseni. D njalo ngenyanga. (1) 5.3 Phindza ubhale lomusho lolandzelako bese ufaka ligama lenhlonipho esikhundleni seligama lelicindzetelwe. Bantfu labanyenti bangabona kudla etafuleni bafaka sandla. (1) Emalungelo agodliwe Phenya ### Page 15 Siswati Lulwimi Lwasekhaya (HL)/P1 15 DBE/Lweti 2024 NSC Confidential 5.4 Tsatsa sento, ʹhlalaʹ usisebentise emshweni sikhombise kuphocelela. (1) 5.5 Sebentisa sabitonanibhanca, ʹkonkheʹ njengesikhombabito emshweni lotakhele wona. (2) 5.6 Yakha umusho ngelibitomfutiselo loticabangele lona lelingena ngaphasi kweligama lelicindzetelwe endzimeni yesibili. (2) 5.7 Takhele wakho umusho bese uwucedzela ngemusho lokhontile lokhombisa sizatfu losendzimeni ye-3. (2) [10] SAMBA SESIGABA C: 30 SAMBA SAKO KONKHE: 70 Emalungelo agodliwe ## Related documents - [Siswati HL P2 Nov 2024 MG](https://www.hlayiso.com/library/siswati-hl-p2-nov-2024-mg/1408f010-4005-42fd-bd3e-d6fc067a1f86) — siSwati HL · Memo · 2024 · siSwati - [Siswati HL P3 Nov 2024 MG](https://www.hlayiso.com/library/siswati-hl-p3-nov-2024-mg/07010ec1-3793-42af-b838-2dcc2eb0421f) — siSwati HL · Memo · 2024 · siSwati - [Siswati HL P1 May-June 2024 MG](https://www.hlayiso.com/library/grade-12-siswati-hl-2024-nsc-june-exam-memorandum-paper-1-siswati/0b3a147e-b7e2-4109-b740-772e11bbebe9) — siSwati HL · Memo · 2024 · siSwati - [Siswati HL P3 May-June 2024](https://www.hlayiso.com/library/grade-12-siswati-hl-2024-nsc-june-exam-question-paper-paper-3-siswati/e7f6b9fc-3cc6-4b6d-8a69-1e079656517c) — siSwati HL · QP · 2024 · siSwati - [Siswati HL P1 Nov 2023](https://www.hlayiso.com/library/siswati-hl-p1-nov-2023/82c8aa84-b4ee-42a5-b2f4-fdfd3f6f97c4) — siSwati HL · QP · 2023 · siSwati - [Siswati HL P1 Nov 2022](https://www.hlayiso.com/library/siswati-hl-p1-nov-2022/d830ee3d-9cc3-4740-84ce-bd1e662c0ae8) — siSwati HL · QP · 2022 · siSwati ## More from Grade 12 siSwati HL - [Gr 12 Siswati HL ATP 2023-24](https://www.hlayiso.com/library/gr-12-siswati-hl-atp-2023-24/75f62113-da4b-45a7-9f01-44907b6280d9) — ATP - [Siswati HL P1 Nov 2025 MG](https://www.hlayiso.com/library/grade-12-siswati-hl-2025-nsc-november-exam-question-paper-paper-1-siswati/a8f3db83-0091-43e7-9d76-1fbea05201f3) — Memo · 2025 · siSwati - [Siswati HL P2 Nov 2025 MG](https://www.hlayiso.com/library/grade-12-siswati-hl-2025-nsc-november-exam-question-paper-paper-2-siswati/4d2feb8b-be1e-444e-8d9f-f059409b8ea3) — Memo · 2025 · siSwati - [Siswati HL P3 Nov 2025 MG](https://www.hlayiso.com/library/grade-12-siswati-hl-2025-nsc-november-exam-question-paper-paper-3-siswati/70bf3464-a022-4409-9815-e059f34ed08d) — Memo · 2025 · siSwati - [Siswati HL P2 May-June 2024 MG](https://www.hlayiso.com/library/grade-12-siswati-hl-2024-nsc-june-exam-memorandum-paper-2-siswati/48e0a83f-8bbe-4437-974b-1db74e7552d0) — Memo · 2024 · siSwati - [Siswati HL P3 May-June 2024 MG](https://www.hlayiso.com/library/grade-12-siswati-hl-2024-nsc-june-exam-memorandum-paper-3-siswati/aafa2ee5-5495-4fb9-9024-491aaeb1dbfc) — Memo · 2024 · siSwati ## Collection - [Grade 12 past papers](https://www.hlayiso.com/grade-12/past-papers) --- Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.