# isiXhosa FAL Grade 12 P1 September Preparatory Exams 2022 QP > Grade 12 isiXhosa FAL Paper 1 question paper from the September Preparatory Exams 2022, 12 pages. Read online or download the free PDF. - Page: https://www.hlayiso.com/library/xhosa-fal-p1-qp-gr12-sept-2022/d77281b9-f69c-466b-aa41-78f7754e3c42 - Updated: 2026-09-27 - Subject: isiXhosa FAL - Grade: Grade 12 - Document type: Question paper - Year: 2022 - Exam period: September Preparatory Exams - Paper: 1 - Curriculum: CAPS - Pages: 12 Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiXhosa FAL](https://www.hlayiso.com/library/grade-12/isixhosa-fal) › [isiXhosa FAL Grade 12 P1 September Preparatory Exams 2022 QP](https://www.hlayiso.com/library/xhosa-fal-p1-qp-gr12-sept-2022/d77281b9-f69c-466b-aa41-78f7754e3c42) ## About this document Isixhosa Fal · Grade 12 · September Preparatory Exams · 2022. Question paper, 12 pages. Read online or download the PDF. Read it free online on the page above; download the PDF from there. ## Document text Text extracted from the PDF. Layout, diagrams and tables may not survive extraction. ### Page 1 Downloaded from hlayiso.com NATIONAL SENIOR CERTIFICATE IBANGA 12 SEPTEMBA 2022 ISIXHOSA ULWIMI LOKUQALA OLONGEZELELWEYO (FAL) IPHEPHA LOKUQALA (P1) AMANQAKU: 80 IXESHA: iiyure 2½ Olu viwo lunamaphepha ali-12. ### Page 2 Downloaded from hlayiso.com 2 ISIXHOSA ULWIMI LOKUQALA OLONGEZELELWEYO P1 (EC/SEPTEMBA 2022) IMIYALELO NENGCACISO 1. Eli phepha lemibuzo linamaCANDELO AMATHATHU angala: ICANDELO A: Uvavanyo lokuqonda (30) ICANDELO B: Isishwankathelo (10) ICANDELO C: Izakhi nemigaqo yokusetyenziswa kolwimi (40) 2. Phendula YONKE imibuzo. 3. Qala iCANDELO NGALINYE kwiphepha ELITSHA. 4. Krwela umgca ekupheleni kweCANDELO ngalinye. 5. Nombola iimpendulo zakho ngokuchanekileyo ngokwendlela yokunombola esetyenzisiweyo kwiphepha lemibuzo. 6. Shiya umgca emva kwempendulo NGANYE. 7. Qwalasela ngokukodwa upelo nolwakhiwo lwezivakalisi. 8. Iingcebiso malunga nolwabiwo lwexesha: ICANDELO A: Imizuzu engama-50 ICANDELO B: Imizuzu engama-20 ICANDELO C: Imizuzu engama-50 9. Bhala ngokucocekileyo nangokucacileyo. Akuvumelekanga ukufota eliphepha Tyhila iphepha ### Page 3 Downloaded from hlayiso.com (EC/SEPTEMBA 2022) ISIXHOSA ULWIMI LOKUQALA OLONGEZELELWEYO P1 3 ICANDELO A: UVAVANYO LOKUQONDA UMBUZO 1 1.1 Fundisisa esi sicatshulwa singezantsi uze uphendule imibuzo elandelayo. ISICATSHULWA A AMAHLA NDENYUKA 1 Impumelelo yinto efunwa ngumntu wonke asinto ilula iyasetyenzelwa yaye ifuna imigudu ebonakalayo. Ayifane imwele nje umntu. Isisiphumo somonde, nokuzingisa, ukuncama nokuzila izinto ezithile eziyolisa ubomi. Impumelelo ifuna umntu athi qwa afumane nawaphi na amathuba anokuvela asingise kwicala lezo nto anga angafikelela kuzo. Enye into 5 ebalulekileyo ekuziseni impumelelo kukuba nenjongo. Umntu onenjongo usoloko esebenza nzima ezama ukuziphuhlisa akhulise umnqweno wakhe de afumane impumelelo. Umntu ongenanjongo ke alaziwa icala aya kulo usuka aduke nje kwinginginya angabinamkhondo. 2 Kuzo zonke iingxaki aphume kuzo uLuwanika akazange aphose iintambo 10 ekuziqhubeleni phambili kwimfundo. Ufumene inkxaso enkulu kwinkosikazi yakhe engazange nayo iyeke ukufunda. Omnye umntu obesoloko emkhuthaza ibe nguDoyle kanti noBiggs ubesoloko embhalela iileta ngecebo lokumkhuthaza. ULuwanika uye akatyhafa wazingisa ezifundweni zakhe nangona wayeneengxaki zobomi, uye waphumelela 15 isidanga esiphezulu seHonours zeB.Com. Sithetha nje upeculula iincwadi zeemasters, umanxada-nxada ukuzixhobisa ngolwazi. Inene imfundo sisibane, ikwasiso nesitshixo. Umntu onayo imvulela iingcango zivaliwe iphinde imenze ahlonitshwe. 3 Uthe ngenxa yemfundo yakhe ephakamileyo wanyuselwa kwinqanaba 20 elingentla emsebenzini wakhe. Ube ngumntu oNtsundu wokuqala ukuxhamla abe kwisikhundla esiphezulu esodlula nabaMhlophe. Le meko imtsalele amehlo ayaginyisa mathe kwabebala, abaMhlophe ukutsho. Imithetho yakudala yayingamvumeli oNtsundu aphathe oMhlophe. AbaNtsudu nabo phofu bekhwina bengavi mnandi tu kwaphela sesi 25 sikhundla abekwe kuso uLuwanika ngabaqeshwa bakhe phofu bona kucaca ukuba baqweqwediswa ngumona. Babephatha kuthi ngumntu otheni lo uze kuphatha apha bekho abantu balapha. Abanye babesithi ukhanda iingcambu kuba akazange umntu omnyama aphathe abeLungu. Naxa kunjalo babekho abayibona iyinto entle le. Babede bathi, kuthiwa 30 mayibuye iAfrika kuthethwa ukuba abantu mabafikelele nakuliphi na iqondo bengathintelwa yimithetho yocalucalulo. Abachase le ntetho bahambise iindaba zokuba umntu ofana noLuwanika ngungcothoza, ofumana isikhundla esiphezulu emsebenzini ngokuhleba esenyelisa abanye. Kude kwavela igama elitsha lokuba umntu onjalo ‘yimpimpi. 35 Akuvumelekanga ukufota eliphepha Tyhila iphepha ### Page 4 Downloaded from hlayiso.com 4 ISIXHOSA ULWIMI LOKUQALA OLONGEZELELWEYO P1 (EC/SEPTEMBA 2022) 4 Kuthe ngenye imini iofisi yabo yahanjelwa ngabahloli bezemisebenzi abazizikhulu abathunyelwe ukhuhlola babone ukuba elowo umqeshwa uwenze ngokuchanekileyo umsebenzi wakhe. ULuwanika unconywe ngokukodwa ngendlela awuphethe ngawo umsebenzi wakhe. Le ngxelo iphethe ngokuthi nangona umhle umsebenzi wakhe isikhundla akuso 40 asimfanele kuba kukho abaMhlophe abaphantsi kwakhe. Itsho isithi, makuhlenga-hlengiswe ukuze kunyuselwe abaMhlophe babengentla kuLuwanika. Eyona nto ibe buhlungu yile yokuba kufuneke uLuwanika agobe kumntu onebanga leshumi akuba yena enezidanga zemfundo ephakamileyo. Abanye abasebenzi abaNtsundu bakhe bavungama yile. 45 meko kodwa bavalwe imilomo ngelithi banyola umbuso. Uye wanyanzeleka uLuwanika ukuba azithobe abe ngunobhala womntu ongaphantsi kude le kunaye ngemfundo. Waqonda ke ukuba nangona ezi ndaba bezingabonwabisanga abanye, ziqhwatyelwe izandla ngabaninzi. 5. “Eli nyathelo lifanelekile. Wakha wambona phi umLungu ophethwe 50 ngoNtsundu? Qonda kwale nto yokuba oNtsundu akavumeleki ukubamba omhlophe nokuba umbona esiba. Kwakufuneka aye kubiza ipolisa lomLungu lize kubamba lowo wonayo” litshilo elinye igwangqa. Kuze kuthini ke ukuba akade alifumane elo lomLungu? Ubuzile omnye. “Ndithe kuwe umntu omhlophe akaphathwa ngoNtsundu, ONtsundu 55 uphatha owakowabo kuphela.” Kucace mhlophe ukuba uLuwanika yinkcubabuchopho umdak’ongevasepha wendoda eNtsundu. Sibe mnandi ke khona isiphelo sakhe ebomini kuba uphela sexolela zonke iintshaba zakhe sele ezinika isonka, eziqesha kwifama yakhe engakhange azibuze izinto ezimbi ababemenze zona. Ukuxolela kuba 60 neziphumo ezivuyisayo nezikhulisa ingqondo yomntu. Zenza ubani abe khaphukhaphu nezinto ezimngqongileyo zityhileke kuye. Mawethu impumelelo ayizi lula iyasetyenzelwa yaye ifuna imigudu ebonakalayo. [Sicatshulwe kwincwadi, Nandiweza; nguMbulelo Nzo; iphepha 96–98 saze sahlelwa] Jonga kumhlathi 1. 1.1.1 Yintoni le ifunwa ngumntu wonke ngokwalo mhlathi? (1) 1.1.2 Caphula igama elinye elisisifanokuthi seli gama ‘imizamo.’ kwisivakalisi sokuqala. (1) 1.1.3 Xela izinto eziMBINI ezisisiphumo sempumelelo. (2) 1.1.4 Khetha impendulo echanekileyo kwezi zilandelayo: Umsebenzi wesilabalabi u ‘de’ okumqolo wesi-8 uchaza: A ukuqweba B ukugqwesa C ukugxeka D ukungxama (1) Akuvumelekanga ukufota eliphepha Tyhila iphepha ### Page 5 Downloaded from hlayiso.com (EC/SEPTEMBA 2022) ISIXHOSA ULWIMI LOKUQALA OLONGEZELELWEYO P1 5 Jonga kumhlathi 2. 1.1.5 Chaza isizathu sokuba uLuwanika angaziphos’iintambo. (2) 1.1.6 Mfanekiso ngqondweni mni lo uziswa leli gama libhalwe ngqindilili kwesi sivakalisi silandelayo? Sithetha nje upeculula iincwadi zeemasters … (1) 1.1.7 Xela inzuzo efunyanwa ngumntu ofundileyo njengoko zikhankanyiwe kulo mhlathi. (2) Jonga kumhlathi 3. 1.1.8 Nxulumanisa esi sivakalisi silandelayo ngolwazi olufamana kumhlathi wesibini. Uthe ngenxa yemfundo yakhe ephakamileyo ... (2) 1.1.9 Chaza igalelo lemfundo emsebenzini kaLuwanika. (2) Jonga kumhlathi 4. 1.1.10 Xela iziphumo zabahloli bomsebenzi ngokwalo mhlathi. (2) 1.1.11 Caphula isivakalisi esisesona siveza impixano yangaphakathi kubasebenzi ngemeko kaLuwanika. (2) Jonga kumhlathi 5. 1.1.12 Phawula ngokuphindwaphindwa kwegama elibhalwe ngqindilili kulo mhlathi. (2) 1.1.13 Kunika ngcinga ni oku kubhalwe ngumbhali wale tekisi ngoLawunika kwesi sivakalisi silandelayo? “Kucace mhlophe ukuba uLuwanika yinkcubabuchopho umdak’ongevasepha wendoda eNtsundu.” (2) 1.1.14 Ingaba umbhali wale tekisi uphumelele ukubonakalisa ixabiso lemfundo nelobuntu kwesi sicatshulwa? Xhasa impendulo yakho. (2) Akuvumelekanga ukufota eliphepha Tyhila iphepha ### Page 6 Downloaded from hlayiso.com 6 ISIXHOSA ULWIMI LOKUQALA OLONGEZELELWEYO P1 (EC/SEPTEMBA 2022) 1.2 Funda lo mfanekiso ungezantsi uze uphendule imibuzo elandelayo. ISICATSHULWA B: OKUBONWAYO INTSEBENZISWANO NGAMANDLA [Ithatyathwe ku-dreamstime.com] 1.2.1 Kwahluke njani okwenzeka kumgca woku-1 kowesi-2? (2) 1.2.2 Chaza uvakalelo lwabantu abasemfanekisweni. Xhasa impendulo yakho. (2) 1.2.3 Bhala umyalezo oziswa ngulo mfanekiso. (2) AMANQAKU ECANDELO A: 30 Akuvumelekanga ukufota eliphepha Tyhila iphepha ### Page 7 Downloaded from hlayiso.com (EC/SEPTEMBA 2022) ISIXHOSA ULWIMI LOKUQALA OLONGEZELELWEYO P1 7 ICANDELO B: ISISHWANKATHELO UMBUZO 2 Isicatshulwa C esingezantsi simalunga nendlela yokubhala i-imeyile. Funda esi sicatshulwa silandelayo, wandule usishwankathele ngokuthi unike indlela yokubhala i-imeyile ngokusemgangathweni. Shwankathela ngokwemo yokudwelisa iingongoma. Landela le miyalelo xa ushwankathela. 1. Bhala isishwankankathelo sibe kwimo yeengongoma ungadluli kumagama angama-70. 2. Nombola izivakalisi zakho ukusuka ku-1 ukuya ku-7. 3. Sebenzisa izivakalisi ezipheleleyo ukubhala iingongoma. 4. Sebenzisa AMAZWI AKHO kangangoko unako. 5. Bhala inani lamagama owasebenzisileyo kwizibiyeli ekupheleni kwesishwankathelo. ISICATSHULWA C I-IMEYILE I-imeyile yimbalelwano ebhalwa kwikhompyutha ze ithunyelwe kwangayo. Injongo yayo ikukuthumela umyalezo nolwazi. I-imeyile etiquette yindlela esigcina ngayo ithoni ehloniphekileyo, efanelekileyo kunye neyobuchule kumxholo we-imeyile. Oku kuquka ukusebenzisa upelo oluchanekileyo kunye nolwimi olusemxholweni. Nazi ke iindlela zokubhala i-imeyile echanekileyo nesemgangathweni. Qiniseka ukuba usebenzisa idilesi ye-imeyile echanekileyo yalowo umthumelela umyalezo. Xa wenze njalo kwasekuqaleni wophawula ukuba umyalezo wakho uyakufika apho uyakhona awusayi kuxinga. Usenokunyathelisa iidilesi zei-meyile zabanye abantu xa ngaba le imeyile ithunyelwa kwiqela. Le yindlela yokuzikhusela ungabonakali ushiyelela abanye, ze kubekho izikhalazo zokungawufumani umyalezo. Bulisa ngokuchanekileyo ngokusebenzisa ulwimi olusemxholweni kulowo umthumelelayo, kuba i-imeile iziindidi ezimbini, kukho esesikweni nengekho sesikweni. Qala kwaye ugqibezele ngezibuliso zobungcali zalowo umthumela umyalezo. Bhala cacileyo umongo/umxholo we-imeyile ukuze lowo uthunyelelweyo awazi kakuhle umxholo womyalezo. Umxholo ubaluleke kakhulu xa ubani ethumela umyalezo. Qinisekisa ukuba usebenzisa upelo oluchanekileyo, igrama, kunye neziphumlisi kuyo yonke i-imeyile ngoncedo lolukhangela upelo oluchanekileyo (ispell check). Zimisele ukuyifunda kabini nakathathu phambi kokuba uyithumele ukuhlela upelo, igrama, iziphumlisi kunye nomxholo we-imeyile. Sebenzisa ithoni yobungcali yalo umthumela umyalezo khon’ukuze ifundeke kakuhle yamkeleke kumthunyelwa. Kuphephe ukusebenzisa ikhowudi zeintanethi, ii-emoji, kunye neefonti eziphazamisayo ezinokubonisa umfanekiso ongafanelekanga kuba zingawulahla umxholo womyalezo ngamanye amaxesha. Sebenzisa isiphelo esichanekileyo ngokuxhomekeka kulowo ubhalelwa umyalezo. Sona isiphelo sitolika ukwazana nokusondelelana nalo ubhalelwayo, siya kwahluka ngokomxholo womcimbi obhalelwayo. Bhala igama lakho ukuze icace ukuba isuka kuwe yonke le mbalelwano yale imeyile. [Sicatshulwe kuwww.studentachievementcentre.com saze saguqulelwa esiXhoseni] AMANQAKU ECANDELO B: 10 Akuvumelekanga ukufota eliphepha Tyhila iphepha ### Page 8 Downloaded from hlayiso.com 8 ISIXHOSA ULWIMI LOKUQALA OLONGEZELELWEYO P1 (EC/SEPTEMBA 2022) ICANDELO C: IZAKHI NEMIGAQO YOKUSETYENZISWA KOLWIMI UMBUZO 3: ISIBHENGEZO-NTENGISO Funda esi sibhengezo-ntengiso uze uphendule imibuzo elandelayo. ISICATSHULWA D Iintsholongwane zifa zithi waca yile Ifumaneka kwagqirha-R, sanithayiza. Dischem nakwaHoza Rhoqo kuphela yeyam le. uyisebenzisa Uba nempilo yeyakho Dr.R SANITISER Toll free: 0800 553318 [Sithatyathwe kuaerosolsanitiser.com saze sahlelwa] 3.1 Xela igama lemveliso ethengiswa kule ntengiso. (1) 3.2 Lityhila ntoni eli binzana ‘rhoqo’ uyisebenzisa‘ kwesi sibhengezo? (2) 3.3 Khetha impendulo engachanekanga ngokusetyenziswa kwesi sifanekisozwi ‘waca’ esikule ntengiso kwezi zingezantsi. A Ziyakhula iintsholongwane. B Ziyaphela iintsholongwane. C Ziyaduma iintsholongwane. D Ziyazula iintsholongwane. (1) 3.4 Ungenza njani xa unomnqweno wokuthenga le mveliso ingentla? Xela iindlela zibeMBINI. (2) Akuvumelekanga ukufota eliphepha Tyhila iphepha ### Page 9 Downloaded from hlayiso.com (EC/SEPTEMBA 2022) ISIXHOSA ULWIMI LOKUQALA OLONGEZELELWEYO P1 9 3.5 Caphula igama elibonakalisa ukubanga elisetyenzisiweyo kule ntengiso. (1) 3.6 Chaza umsebenzi wokuphindwaphindwa kweli gama dr.R kule ntengiso. (1) 3.7 Ucinga ukuba lomfanekiso kagqirha ulumelo oluchanekileyo kule ntengiso? Xhasa impendulo yakho. (2) [10] Akuvumelekanga ukufota eliphepha Tyhila iphepha ### Page 10 Downloaded from hlayiso.com 10 ISIXHOSA ULWIMI LOKUQALA OLONGEZELELWEYO P1 (EC/SEPTEMBA 2022) UMBUZO 4: IKHATHUNI Funda le khathuni uze uphendule imibuzo elandelayo. ISICATSHULWA E Sibi esi siyobisi. Tyhini! Usatsho ukuba uzakuba ngugqirha? Akusemdaka. ISAKHELO 1 ISAKHELO 2 Enkosi tata Yiza ndikuhage … sizakuba nogqirha aphe khaya. ISAKHELO 3 ISAKHELO 4 [Ithathwe kusuccesspictures.com yaze yahlelwa] 4.1 Uphawo olubhalwe ecaleni komntu okwisakhelo 1, lunika eyiphi ingcinga? (1) 4.2 Bhala isifinyezi seli gama ugqirha. (1) 4.3 Ngqina ukuba umbulelo ucala nye kule khathuni. (1) 4.4 Chaza umahluko kwimvakalelo ekwisakhelo sesi-2 nesakhelo sesi-4. (2) 4.5 Khetha impendulo echanekileyo kwezi zilandelayo. I-ilepsisi ibonakaliswe ngoluphi uphawu kwisakhelo sesine. A Ngekoma. B Ngamachaphaza. C Ngesingxi. D Ngechaphaza. (1) 4.6 Sizathu sini esinokubangela ukuba ukhethe ukuba ngumzali okwisakhelo sesi-3? Xhasa impendulo yakho. (2) 4.7 Ingaba isenzo sokungxoliswa ngokukhunjuzwa ngomnqweno wakho ebomini siphumelele kule khathuni? (2) [10] Akuvumelekanga ukufota eliphepha Tyhila iphepha ### Page 11 Downloaded from hlayiso.com (EC/SEPTEMBA 2022) ISIXHOSA ULWIMI LOKUQALA OLONGEZELELWEYO P1 11 UMBUZO 5: PROZI 5.1 Funda esi sicatshulwa uze uphendule imibuzo elandelayo. ISICATSHULWA F HAMBA NAM NDIPHELEKE Kulungile ke mandicele ummelwane akukhaphe ingekaqini imini. Beka apha ezo mphahla. Uzimisele ukujika nini mhlekazi? Mfo waseMavundleni uthetha ukuba unebango kwaba bantwana? Ngabantwana bam, kuba usisi akakho. Ndim owayesihla esenyuka exova eqeqesha ndincedisa uSis’ Nomanani. Xa litshonayo ngoku ilanga uzibona ukuba uzele, unabantwana. Khawuhambe wethu nanku ummelwane efika. Into endakusuka ndiyenze kukuya kuqhekeza elaa qhaga lwala ndlu. Ungamazi khona xa unokumbona uMhizana? Hee! Izinto zimanukwenzeka wayekhe wandilumkisa ke udade ngezinto zomhlaba. Umhlaba unento zawo ndikufungisa umma! Umntu unzima kanene. [Sithatyathwe kwincadi kaN.E. Buzani ‘Hamba Nam Ndipheleke’ Iphepha lama 136–137] 5.1.1 Nika isininzi sesi sibizo ‘ummelwane’. (1) 5.1.2 Bhala esi sivakalisi singezantsi ngendlela echanekileyo ngokwemigaqo yokubhala. Beka apha ezo mphahla. (2) 5.1.3 Chonga isibanjalo uze uxele nodidi lwaso kwesi sivakalisi singezantsi. Mfo waseMavundleni uthetha ukuba unebango kwaba bantwana? (2) 5.1.4 Sibhekiselele kubani isakhi esikrwelewe umgca ngaphantsi kwesi sivakalisi silandelayo. Ndim owayesihla esenyuka exova eqeqesha ... (2) 5.1.5 Chonga isenzi esikuhlobo lokukhankanya kwesi sivakalisi silandelayo. Uzimisele ukujika nini mhlekazi. (1) 5.1.6 Nika umsebenzi wesimamva u’kazi’ kwesi sibizi ‘ Mhlekazi’. (2) 5.1.7 Chonga isichazi uze uxelele udidi lwaso kwesi sivakalisi silandelayo. Ngabantwana bam, kuba usisi akakho. (2) Akuvumelekanga ukufota eliphepha Tyhila iphepha ### Page 12 Downloaded from hlayiso.com 12 ISIXHOSA ULWIMI LOKUQALA OLONGEZELELWEYO P1 (EC/SEPTEMBA 2022) 5.1.8 Esi sikhombisi u‘elaa’ ... sisetyenziselwe ukubonisa isikhombisi esikudidi ...: Khetha ibeNYE kwezi zilandelayo ... A lokuqala. B lwesithathu. C lwesithandathu. D lwesibini. (1) 5.1.9 Tyumba isikhuzo esisetyenziswe kwisivakalisi esilandelayo. Hee! Izinto zimanukwenzeka wayekhe wandilumkisa ke udade ngezinto zomhlaba. (1) 5.2 UMFANEKISO Jonga lo mfanekiso uze uphendule imibuzo esekwe kuwo. ISICATSHULWA G MAMELANI NONKE NANTSI INKQUBO IMPUMELELO Jongani pha [Uthathwe kuwww.fulcrum.rock.com waze wahlelwa] 5.2.1 Bhala kwakhona esi sivakalisi silandelayo usebenzise igama elikwizibiyeli libe sisibizo esichanekileyo. (Ukuphumelela) isentabeni. (1) 5.2.2 Yakha isivakalisi sibe kwixesha elizayo ngokubona emfanekisweni. Cwangcisa impendulo yakho ngolu hlobo: Injongosenzi Isenzi Intloko (3) 5.2.3 Fakela isimaphambili esichanekileyo kumagama akwizibiyeli. (..-fana) ubonisa (..-ntu)) indlela eya empumelelweni. (2) [20] AMANQAKU ECANDELO C: 40 AMANQAKU EWONKE: 80 Akuvumelekanga ukufota eliphepha Tyhila iphepha ## Related documents - [XHOSA FAL P1 MEMO GR12 SEPT 2022](https://www.hlayiso.com/library/xhosa-fal-p1-memo-gr12-sept-2022/8c59f7f2-af90-499d-a420-ce2a3a9d1e6a) — isiXhosa FAL · Memo · 2022 - [XHOSA FAL P2 QP GR12 SEPT2022](https://www.hlayiso.com/library/xhosa-fal-p2-qp-gr12-sept2022/1651f4d7-46c1-4b50-a1e9-ea6adceae4f0) — isiXhosa FAL · QP · 2022 - [ISIXHOSA FAL P3 GR12 QP SEPT2022 (Corr 23 Aug)](https://www.hlayiso.com/library/isixhosa-fal-p3-gr12-qp-sept2022-corr-23-aug/84c9883f-167c-4b5b-b7e7-eda3f18f2708) — isiXhosa FAL · QP · 2022 · isiXhosa - [IsiXhosa FAL P1 May-June 2022](https://www.hlayiso.com/library/isixhosa-fal-p1-may-june-2022/5c6e63a5-b00b-47f2-95bf-b139f99ac9d0) — isiXhosa FAL · QP · 2022 · isiXhosa - [XHOSA FAL P1 GR12 QP SEPT2019](https://www.hlayiso.com/library/xhosa-fal-p1-gr12-qp-sept2019/dde83a11-b28f-4e2e-8329-c695a8432578) — isiXhosa FAL · QP · 2019 - [XHOFA P1 GR12 QP SEPT2018](https://www.hlayiso.com/library/xhofa-p1-gr12-qp-sept2018/79f19e56-eb2d-45ba-ac44-48756421ecc8) — isiXhosa FAL · QP · 2018 ## More from Grade 12 isiXhosa FAL - [ISIXHOSA FAL P2 GR12 MEMO SEPT 2025 watermark](https://www.hlayiso.com/library/isixhosa-fal-p2-gr12-memo-sept-2025-watermark/9129edfc-7f89-491a-88fb-23270581f911) — Memo · 2025 · isiXhosa - [ISIXHOSA FAL P3 GR12 MEMO SEPT2025 watermark](https://www.hlayiso.com/library/isixhosa-fal-p3-gr12-memo-sept2025-watermark/854a529e-2cc7-4f28-b2d3-f7735c0d615c) — Memo · 2025 · isiXhosa - [IsiXhosa FAL P1 May-June 2025 MG](https://www.hlayiso.com/library/isixhosa-fal-p1-may-june-2025-mg/6858023a-bdef-4e8f-a091-79d94e109d28) — Memo · 2025 · isiXhosa - [IsiXhosa FAL P3 May-June 2025 MG](https://www.hlayiso.com/library/isixhosa-fal-p3-may-june-2025-mg/e6f77f14-fd5e-4415-9cd4-23e671adcb30) — Memo · 2025 · isiXhosa - [XHOSA FAL P1 MEMO GR12 SEPT 2024](https://www.hlayiso.com/library/xhosa-fal-p1-memo-gr12-sept-2024/4c02fe41-62c6-462b-aa2a-9c6efd2e97ba) — Memo · 2024 - [XHOSA FAL P2 MEMO GR 12 SEPT 2024](https://www.hlayiso.com/library/xhosa-fal-p2-memo-gr-12-sept-2024/b9606eda-21f0-469e-bf5d-ffb2f9da1ea1) — Memo · 2024 ## Collection - [Grade 12 past papers](https://www.hlayiso.com/grade-12/past-papers) --- Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.