# isiXhosa HL Grade 12 P1 Eastern Cape Mock 2015 QP > Grade 12 isiXhosa HL Paper 1 question paper from the Eastern Cape Mock Exam 2015, 13 pages. Read online or download the free PDF. - Page: https://www.hlayiso.com/library/xhosa-hl-p1-gr12-qp-sept2015/90a55f1a-b9d1-4893-9276-76eaae6c3c85 - Updated: 2026-09-27 - Subject: isiXhosa HL - Grade: Grade 12 - Document type: Question paper - Year: 2015 - Exam period: Eastern Cape Mock Exam - Paper: 1 - Curriculum: CAPS - Pages: 13 Breadcrumbs: [Home](https://www.hlayiso.com/) › [Library](https://www.hlayiso.com/library) › [Grade 12](https://www.hlayiso.com/library/grade-12) › [isiXhosa HL](https://www.hlayiso.com/library/grade-12/isixhosa-hl) › [isiXhosa HL Grade 12 P1 Eastern Cape Mock 2015 QP](https://www.hlayiso.com/library/xhosa-hl-p1-gr12-qp-sept2015/90a55f1a-b9d1-4893-9276-76eaae6c3c85) ## About this document Isixhosa Hl · Grade 12 · Eastern Cape Mock Exam · 2015. Question paper, 13 pages. Read online or download the PDF. Read it free online on the page above; download the PDF from there. ## Document text Text extracted from the PDF. Layout, diagrams and tables may not survive extraction. ### Page 1 NATIONAL SENIOR CERTIFICATE IBANGA 12 SEPTEMBA 2015 ISIXHOSA ULWIMI LWASEKHAYA – IPHEPHA 1 AMANQAKU: 70 IXESHA: 2 iiyure Olu viwo lunamaphepha ali-13. ### Page 2 2 ISIXHOSA ULWIMI LWASEKHAYA – IPHEPHA 1 (EC/SEPTEMBA 2015) IMIYALELO NENGCACISO 1. Eli phepha lemibuzo linamaCANDELO AMATHATHU angala: ICANDELO A: Uvavanyo lokuqonda (30) ICANDELO B: Isishwankathelo (10) ICANDELO C: Izakhi nemigaqo yokusetyenziswa kolwimi (30) 2. Phendula YONKE imibuzo. 3. Qala iCandelo ngalinye kwiphepha ELITSHA. 4. Krwela umgca ekupheleni KWECANDELO NGALINYE. 5. Nombola iimpendulo zakho kanye ngokwendlela ekunonjolwe ngayo kweli phepha lemibuzo. 6. Shiya umgca emva kwempendulo nganye ukuze umsebenzi wakho ungaxinani. 7. Qwalasela ngeliso elibukhali upelo nolwakhiwo lwezivakalisi. 8. Yaba ixesha lakho ngolu hlobo: ICANDELO A: Imizuzu engama-50 ICANDELO B: Imizuzu engama-30 ICANDELO C: Imizuzu engama-40 9. Bhala ngokucacileyo nangokucocekileyo. Akuvumelekanga ukufotokopa eli phepha Tyhila iphepha ### Page 3 (EC/SEPTEMBA 2015) ISIXHOSA ULWIMI LWASEKHAYA – IPHEPHA 1 3 ICANDELO A: UVAVANYO LOKUQONDA UMBUZO 1 Funda esi sicatshulwa uze uphendule imibuzo elandelayo. ISICATSHULWA A UKUKHANYA KWEENKWENKWEZI 1 Ilanga lalise lithe chapha ukuya kungena kwabo emotweni. Wathi akuhlala phantsi uNoziqhamo, zehla iinyembezi. UNtozintle wayemana ukuhlala umzuzwana adanduluke okomntu onesiphoso esithi, “ayikholeleki le nto!” Wayesithi akudinwa lolo hlobo atshintshe ngelokuthi “ndimdala ndingaka nje!” Aphinde kwayena atshintshe ngelithi, “sozuve!” Wayenza loo nto bada baya kugaleleka kwaNgalo. Intatheli yayingashiyekanga isisicokovana esihleli ngasemva apha emotweni, imana ishwantshwatha into engaviwa mntu, emzuzwini ithi gqokro inkoduso. 2 UNtozintle wankqonkqoza ngokwakhe emzini wegqwetha. Ucango lwavulwa nguNgalo ngokwakhe, wathi akuyiva inkcazelo kaNtozintle wasuka akabi sangena ngaphakathi wabheka emotweni. Wanqandwa nguNoziqhamo sele ekhwele engaziboni ukuba usanxibe iimpahla zokulala. IkwanguNoziqhamo owaveza into yokuba kusekusasa ukuba ijaji ingaba seofisini yayo ngelo xesha kuba zazisasukela intsimbi yesibhozo. Ijaji yayinokulindeleka eofisini yayo ngentsimbi yethoba ukuya kweyeshumi. Ixhala labo yayikukuba ngentsimbi yeshumi uBantu wayeza kuxhonywa. UNoziqhamo watsho ecebisa ukuba uNgalo ayitsalele umnxeba ijaji endlwini yayo, aphalaze udaba eza nalo. UNgalo wawutsala umnxeba, waxelelwa ukuba ijaji isaphumile, isaye kujoga ngokwentetho yezi mini. Wamqononondisisa owayesemnxebeni ukuba angakhe alinge aphosise, awuhambise umyalezo wokufa nokuphila. Watsho exela ukuba ngentsimbi yethoba uya kuba elinde eofisini yayo. Balifumana njalo ixesha lokuya kukhe bahlangane namanzi ooNoziqhamo. Intatheli ayizange izikhathaze nganto, yona yayilunge injalo. 3 Intsimbi yethoba yabetha kukudala belinde kwamhle kodwa yena engabonakali ndawo. Yathi yakuba ngumkhono emva kweyethoba wanexhala uNgalo. Umlingane wakhe uJolela wayeselekho, begungqa bobabini. Noziqhamo noNtozintle nabo babengakwazi ukuzinza, kuthi kwakuvakala umgqumo zijike iintloko zijonge kwelo cala. UNgalo wada wacela unobhala wejaji ukuba ayiqhagamshele, yathi yakufumaneka, isesemzini wayo weza elucingweni. Wayifumana ijaji ipholelwe ngamalanga, isithi ayikhange iwufumane umyalezo okhawuleze ngolo hlobo, kodwa iza kwenza unakho nakho ize kufika ngethuba. Yaya kufika eofisini yayo emva kwecala leyethoba, ayalibazisa yawa emcimbini. Emva kokuzanelisa ngobungqina obuphambi kwayo, yawa emnxebeni. Yadityaniswa neziphathamandla zakwaNjaziyaluma ngoko nangoko. Olu cingo lwatsalwa xa kanye uBantu wayeqonda ukuba ukufa kufikile, makazibike. Akuvumelekanga ukufotokopa eli phepha Tyhila iphepha ### Page 4 4 ISIXHOSA ULWIMI LWASEKHAYA – IPHEPHA 1 (EC/SEPTEMBA 2015) 4 “Bawo uyandazi wena ...” akazange aligqibe yahlahlamba ifowuni phaya ngasemnyango. Umxhomi waba ngathi uyadukisa, yaphinda yatsho ngamandla ifowuni. Washixiza waya kuyiphakamisa, wamamela, wathi engathethanga, wabuya wayibeka phantsi ngesithukokazi esikhulu, waya esitulweni esinoBantu wachukumisa okuthile, sayeka ukungcangcazela isitulo awayehlaliswe kuso uBantu, kwaphela ukuduma, kwathi cwaka. UBantu wayemangalisiwe ukuba kwenzeka ntoni na. Umxhomi wamkhulula iinyawo nezandla, wasusa iqhiya emehlweni. Phambi kweenyawo zakhe kwakungqengqe ibhokisi mnyama ikhamisile. Umfo ongumxhomi owayesanxibe ngokoluya hlobo lokuqala, wayisunduza ngonyawo, waxelela uBantu ukuba asukume, wamalathisa umnyango. Wakrwaqula ixesha uBantu, wafika kanye iyintsimbi yeshumi, ilixa lokuxhonywa kwakhe. Waphuma ngomnyango esamangalisiwe ukuba kuqhubeka ntoni na. 5 UBantu waphuma kwigumbi lembandezelo waphinda indlela awayethelekelela ukuba wayeze ngayo. Into eyammangalisa ngakumbi kukuba angafakwa makhamandela, kungabikho nomntu wokumkhapha kunjalo nje. Wahamba ebetheka kwiminyangwana ngeminyangwana, wada waya kuthi gqi kwiofisi awayeqale kuyo. Yingxolo phofu eyamkhokelela apho. Wathi akungena kwathi cwaka. Wonke umntu osisiphathamandla wayelapho. Impi enkulu yasuke yaziintsalu, yathi ntalu ntalu ukuphuma ngeminyangwana imanzi ziintloni. Kwafane kwashiyeka umfo ekwakucaca ukuba mtsha, wamchazela konke akwaziyo. Waya kuphuma ngomnyango uBantu, wanqumla ibala lehlazo sekungasekho bambukeleyo. Wathi chu elandela indlela eya esangweni elikhulu. Ingxokozelo evela ngasesangweni wayiva engekaveli. Ukuvela kwakhe kwadizwa kukulenyeza kweekhamera emoyeni. Wakhawulelwa nguNgalo, uJolela, uNoziqhamo noNtozintle owayengazanga athethe koko ubuso bambathiswe luncumokazi. Baxhawulana ngobubelekazi obukhulu namagqwetha akhe nabanye ababeve ngeempukane eziluhlaza, bezokuzibonela ngokwabo kuba indaba yotyelo ayikholi. Wayekho nomalume wakhe owayeze ngokuza kuqinisekisa ukuba uxhonyiwe ukuze athathe isidumbu somtshana wakhe, koko wafikela kudaba olwabetha wakhohlwa. 6 UNoziqhamo wathi akusa isandla uBantu, wasuka waziphosa wonke, wamanga umzuzu ovisayo engenakunanyululwa mntu. Wazintywilisela kuBantu esifubeni, ephatha kuzityikila entanyeni nasebusweni eyinyhididi ziinyembezi zovuyo. Baya kungena ngasemva emotweni kaNtozintle kunzima ukwahlukana. Intatheli kwafuneka iyokukhwela ngaphambili yona, idedele uNoziqhamo noBantu. [Sicatshulwe kwincwadi ethi ‘Unyana womntu’ ebhalwe nguNcedile Saule, amaphepha 117−120, saza sahlelwa] 1.1 Ngubani owalilayo akuba esemotweni? (1) 1.2 Yintoni umsebenzi wentatheli? Xela ube mnye. (1) 1.3 Nika intsingiselo yale ntetho ingezantsi: “emzuzwini ithi gqokro inkoduso” (2) Akuvumelekanga ukufotokopa eli phepha Tyhila iphepha ### Page 5 (EC/SEPTEMBA 2015) ISIXHOSA ULWIMI LWASEKHAYA – IPHEPHA 1 5 1.4 Wayeyintoni uNgalo ngokomsebenzi? (1) 1.5 Ngokwakwisicatshulwa sisiphi esi siganeko sihlasimlisa umzimba sasiza kwenzeka ngale mini? (1) 1.6 Safobe sini esisetyenziswe kwesi sivakalisi silandelayo? “Awuhambise umyalezo wokufa nokuphila” (2) 1.7 Yinyani okanye bubuxoki ukuba ooNoziqhamo zange bahlambe ngale mini? Zixhase ngokucaphula apha kwisicatshulwa. (1) 1.8 Yintoni eyayibangela ukuba ingavakali into ethethwa yintatheli eyayikhwele nooNoziqhamo? (1) 1.9 Yintoni eyaphazamisa umxhomi emsebenzini wakhe awayesele ewuqalisile? (1) 1.10 Xa kusithiwa ‘washixiza waya kuyiphakamisa’ kuthethwa ukuba: A wakhawuleza B wacothoza C wangxama D waqhwalela (2) 1.11 Loluphi udaba awafikela kulo umalume kaBantu olwamenza waxakeka? (1) 1.12 Wamkelwa njani uBantu ukuvela kwakhe ngasesangweni? (1) 1.13 Xela intsingiselo yesi saci ngokwakwisicatshulwa: “ababeve ngeempukane eziluhlaza” (2) 1.14 Yintoni eyayibangela ukuba iziphathamandla zibaleke zineentloni xa zibona uBantu engena kwiofisi ezazihleli kuyo? (2) 1.15 Cacisa intsingiselo evezwa ligama ‘wazintywilisela’ kwisicatshulwa, ube sele ulisebenzisa kwa eli gama kwisivakalisi apho liza kuveza intsingiselo eyahlukileyo kule ikwisicatshulwa Wazintywilisela esifubeni kuBantu. (2) Akuvumelekanga ukufotokopa eli phepha Tyhila iphepha ### Page 6 6 ISIXHOSA ULWIMI LWASEKHAYA – IPHEPHA 1 (EC/SEPTEMBA 2015) ISICATSHULWA B: OKUBONWAYO 1.16 Phendula imibuzo esekwe kule mifanekiso ingezantsi: UMFANEKISO A UMFANEKISO B [Uthatyathwe kwimagazini iBona [Uthatyathwe kwimagazini iMove kaDisemba 2012 iphepha lama-81] yowe-22 Juni 2011, iphepha le-14] 1.16.1 Ingaba esi sibini sikumfanekiso A sonwabile? Zixhase (1) 1.16.2 Xa uyithelekisa le mifanekiso ingaba iyafana okanye yahlukile? Cacisa (2) 1.16.3 Chaza ukuba imifanekiso A no B inxulumanisa naziphi iziganeko ezithe zenzeka kwisicatshulwa A. (2) 1.16.4 Wena wakhe wazibona usenza le nto yenziwa ngulo mntu ukumfanekiso B? Kwakutheni? (2) 1.16.5 Bhala isivakalisi esibonisa isenzo esenzeka macala, omnye komnye usebenzisa umfanekiso A? (2) AMANQAKU ECANDELO A: 30 Akuvumelekanga ukufotokopa eli phepha Tyhila iphepha ### Page 7 (EC/SEPTEMBA 2015) ISIXHOSA ULWIMI LWASEKHAYA – IPHEPHA 1 7 ICANDELO B: ISISHWANKATHELO UMBUZO 2 ISICATSHULWA C  Funda ngocoselelo esi sicatshulwa singezantsi uze ushwankathele ngamazwi akho ungacaphuli kwitekisi.  Impendulo yakho mayingadluli kumagama angama-70.  Shwankathela ngokomhlathi kuphela. Bhala inani lamagama owasebenzisileyo kwizibiyeli.  Iingongoma zakho mazibe-7 (7)  Akulindelekanga ukuba ubhale isihloko sesishwankathelo.  Qaphela indlela echanekileyo yokusetyenziswa kolwimi, iimpawu zobhalo nococeko. (3) U-ENKOSI 1 Yayingekho into eyayixabiseke njengombulelo mandulo. Umbulelo lo ububaluleke ukususela emntwaneni, kumntu omdala de uye kuqhina kwizilwanyana zembala. Umbulelo yindlela ebonakalayo okanye evakalayo ethi ibonakaliswe de iphuhliswe ngubani ukutyhila iimvakalelo, iingcamango okanye iimbono zakhe kulowo othe wamenzela isenzo esithi sibangele incamisa-mxhelo kuye. 2 Unzima u-enkosi kumntu okhululwe engxakini, othi akuncedwa athi: “Wandiweza!” Abantu abaye bakhweliswe ezimotweni ngabantu beemoto, maxa wambi kuye kube nzima kubo ukuthi enkosi kuba umntu esithi akukho mfuneko yakuthi enkosi xa sele emhlawule nemali kakade. Abanye bade bayenze ibe sisinyanzelo ukukhweliswa emotweni yomntu ingabi siso nesicelo. Bakungakhweliswa ufumanise ukuba ilizwe lifile, kuthethwe iilwimi ngeelwimi ngabantwana babantu. Ekuhlaleni kwabantu abameleneyo apho athi ummelwane esenza okuhle kummelwane wakhe, emjongela umzi wakhe xa engekho, ejonga abantwana, nayo yonke into efana nemfuyo yasekhaya nezinye izinto ezinokubiwa ngamasela ebonisa ubuntu nesintu, asuke yena ummelwane athi ukubuya kwakhe athule athi tu. Uya kuthi sele ebona nemfuyo yakhe ukuba ibikhathalelekile, angabi satsho ukuthi: “Enkosi Mmelwane.” 3 Unzima u-enkosi kwinkedama ehlangulwe entlungwini. Uye athi umntu onemfobe akuyithatha ayambese, ayinike ukudla, ayifundise ide iphumelele zonke izifundo zayo, kodwa isuke ibe lolona tshaba lwakhe lokuqala nolokugqibela endaweni yokuba ibonakalise umbulelo wayo. Ngelo xesha lo Msamariya okanye Msamariyakazi uncame izinto zakhe ezinamagama elungiselela loo mpula-kalujaca ukuze ingahleleleki ebantwini. Akuvumelekanga ukufotokopa eli phepha Tyhila iphepha ### Page 8 8 ISIXHOSA ULWIMI LWASEKHAYA – IPHEPHA 1 (EC/SEPTEMBA 2015) 4 Xa ke umbulelo unzima ebantwini unokuba unjani ezilwanyaneni, zona zingakwaziyo ukuthetha? Masithathe inja le uyinika ukutya yonke imihla. Ide ibe nesitya sayo sokutyela oku kutya kuthengwayo. Kodwa maxa wambi iyakwazi ukuthi yakukhululwa entanjeni ize igaba kuwe, ikuvungamele, igragrama wakuyigxotha kuba kaloku ilibele ukuba ngula mniki sondlo lo unguwe. 5 Ingathi noko ngesithatha inyathelo elitsha lokuphuthuma isintu sethu. Sinokukhe sibonise nezinye iintlanga ukuba thina sifudula singabantu ababesaziwa ngesintu esichubekileyo. [Sicatshulwe kwincwadi ethi ‘Amaqhekezana ethu’ ebhalwe nguN.V. Mkonto, amaphepha 1−5, saza sahlelwa] AMANQAKU ECANDELO B: 10 Akuvumelekanga ukufotokopa eli phepha Tyhila iphepha ### Page 9 (EC/SEPTEMBA 2015) ISIXHOSA ULWIMI LWASEKHAYA – IPHEPHA 1 9 ICANDELO C: IZAKHI NEMIGAQO YOKUSETYENZISWA KOLWIMI UMBUZO 3: UKUCAZULULA ISIBHENGEZO-NTENGISO ISICATSHULWA D Funda esi sibhengezo-ntengiso singezantsi uze uphendule imibuzo elandelayo. [Lo mfanekiso uthatyathwe kwimagazini iBona ka Agasti 2013 iphepha le-159 yaza yahlelwa] Akuvumelekanga ukufotokopa eli phepha Tyhila iphepha ### Page 10 10 ISIXHOSA ULWIMI LWASEKHAYA – IPHEPHA 1 (EC/SEPTEMBA 2015) 3.1 Yimveliso yowuphi umzi le ibhengezwa apha? (1) 3.2 Lo mzi uncedisana nayiphi ivenkile kolu khuphiswano? (1) 3.3 Nika igama lemagazini epapashe olu khuphiswano. (1) 3.4 Olu khuphiswano lujolise kwabaphi abantu? Caphula ibinzana okanye isivakalisi ukuzixhasa. (1) 3.5 Yeyiphi imveliso yabantu abangootata kwezi zizotywe apha? (1) 3.6 Xa ujonge esi sibini sisemfanekisweni, ingaba le mveliso iyasisebenzela? Ewe okanye Hayi, uze uzixhase. (1) 3.7 Abantu abatshatayo xa bebahle befanelene siye sithi thina maXhosa: A Iindonga ziwelene B Ooxam bayaphaxulana C Yinyoka nesele D Yinyongo nesibindi (2) 3.8 Ngokoluvo lwakho ucinga ukuba le mveliso ngenxa yolu khuphiswano ingatsala abathengi? Zixhase. (2) [10] Akuvumelekanga ukufotokopa eli phepha Tyhila iphepha ### Page 11 (EC/SEPTEMBA 2015) ISIXHOSA ULWIMI LWASEKHAYA – IPHEPHA 1 11 UMBUZO 4: UKUCAZULULA IKHATHUNI ISICATSHULWA E Kha ujongisise okwenzeka kule khathuni ingezantsi wandule ukuphendula imibuzo esekwe kuyo. [Le khathuni ithatyathwe kwiphephandaba iDaily Dispatch, yaza yahlelwa] 4.1 Xa umntu esenda, ufumana ntoni umzali ngokwakule khathuni? (1) 4.2 Leliphi ilungelo elinyhashwayo lwalo mfundi kuthiwa makaye ekwendeni? (2) 4.3 Kha uxele elinye ilungelo olaziyo elijongene nabantwana kweli lizwe. (1) 4.4 Xa uphulaphule ezi ntetho zaba bantu ungathi ngabantu abasagcine amasiko okanye baphila kweli xesha langoku? Zixhase. (2) 4.5 Guqula le ntetho uyise kwingxelo-ntetho: Umzabalazi uthi, “Sikhule kunjalo nathi mabaye ekwendeni.” (2) 4.6 Bhala esi sivakalisi silandelayo ngokukuko: sikhule kunjalonathi, mabaye ekwendeni. (2) [10] Akuvumelekanga ukufotokopa eli phepha Tyhila iphepha ### Page 12 12 ISIXHOSA ULWIMI LWASEKHAYA – IPHEPHA 1 (EC/SEPTEMBA 2015) UMBUZO 5 ISICATSHULWA F Funda lo mhlathana ukule bhokisana ingezantsi wandule ukuphendula imibuzo elandelayo: Kuthe kungedlulanga nyanga zininzi kwavakala ukuba uDavide udumbele ukuzeka. Ubeqhuba kakuhle nasezifundweni zakhe. Nemali kaMariya wayeyinikiwe nguyise ukuba ayibhatale. Bathe xa becinga ukuba nabo mabatshate wathi uyise kufuneka atshate umtshato omkhulu ukwenzela ukuba afeze ibhongo lakhe kuye. Kaloku uNontando wayengaziva ngalo mfana. Umfana ngoku wayesulungekile sekubalwa nje unyaka onesiqhuma ukuba agqibe izifundo zakhe zobugqwetha. Neqela lakhe lentambula lalisekho kunjalo nje lisaqinile kuba kaloku lasinda ekuweni ngeliya xesha. Kwathengwa ooni nooni ukulungiselela umtshato kaDavide noMariya. Yinto le ngoku eyayiseyithakazelelwa macala onke noyise kaMariya wayenikezele eyithanda ngoku le ndlu. Loo mtshato wawungenyanga kaJuni. Kwamenywa kwaya kumiwa ngeembombo zone zeli. Abantu bathontelana ngokwazi uyise womfana, abanye ngokwazi ii ‘Mellotones’. Waba sisibhadlalala loo mtshato konwabe wonke umntu kodwa abona bantu babonwabe kakhulu yayinguMbulelo noNontando. Uyise kaNontando wathi xa ebona loo nginginya nolo chulumanco lwabantu abeze ngenxa yenzala yentombi yakhe wavakala thetha yedwa iinyembezi zisihla kweso sidlele sishwabeneyo, “Yehova, Thixo wemikhosi, imisebenzi yakho ingummangaliso. Umkhulu Bawo.” [Sicatshulwe kwincwadi ethi ‘Umzi Omtsha’ ebhalwe ngu K.S. Bongela, iphepha le-172, saza sahlelwa] 5.1 Nika isithethantonye segama elinomgca ngaphantsi kweli binzana lingezantsi: ukuba afeze ibhongo lakhe kuye. (1) 5.2 Xela isigaba sentetho segama elikrwelelwe umgca ngaphantsi: Loo mtshato wawungenyanga kaJuni. (1) 5.3 Ingaba igama elibhalwe ngqindilili lisityhilela yiphi intsingiselo: Abantu bathontelana ngokwazi uyise womfana A Beza bethwethwa B Beza ngobuninzi babo C Beza bembalwa kakhulu D Beza bebonakala ukuba bayarhala (1) 5.4 Nika igama ebizwa ngalo inyanga kaJuni ngokwakwaXhosa. (1) Akuvumelekanga ukufotokopa eli phepha Tyhila iphepha ### Page 13 (EC/SEPTEMBA 2015) ISIXHOSA ULWIMI LWASEKHAYA – IPHEPHA 1 13 5.5 Kwesi sivakalisi singezantsi xela ukuba igama elinomgca ngaphantsi lisetyenziswe njani: Waba sisibhadlalala loo mtshato konwabe wonke umntu (1) 5.6 Xela ukuba igama elinomgca ngaphantsi libonisa ntoni. Ubeqhuba kakuhle nasezifundweni zakhe (1) 5.7 Bhala isivakalisi usebenzisa isenzi ‘enza’ kwisivakalisi ze sithabathe iinjongosenzi ezimbini ngenxa yoncedo lwesimamva sesixando. (2) 5.8 Hlahlela esi sivakalisi silandelayo ukhuphe igatya eliyintloko negatya elayamileyo: Igatya eliyintloko Igatya elayamileyo Uyise kaNontando walila xa ebona loo nginginya emzini wakhe. (2) [10] AMANQAKU ECANDELO C: 30 AMANQAKU EWONKE: 70 Akuvumelekanga ukufotokopa eli phepha Tyhila iphepha ## Related documents - [XHOSA HL P1 GR12 MEMO SEPT2015](https://www.hlayiso.com/library/xhosa-hl-p1-gr12-memo-sept2015/2d67c1f3-e1b2-4832-ab48-9784ba9fc0da) — isiXhosa HL · Memo · 2015 - [XHOSA HL P2 QP GR12 SEPT2015](https://www.hlayiso.com/library/xhosa-hl-p2-qp-gr12-sept2015/b1daf025-81ce-421e-ad29-f36bd4410fb7) — isiXhosa HL · QP · 2015 - [XHOSA HL P3 QP GR12 SEPT2015](https://www.hlayiso.com/library/xhosa-hl-p3-qp-gr12-sept2015/50787683-d18e-4357-9064-391a0e1abadb) — isiXhosa HL · QP · 2015 - [IsiXhosa HL P1 Nov 2015](https://www.hlayiso.com/library/isixhosa-hl-p1-nov-2015/e4d56901-bd81-4e00-bce7-b3e81a126f24) — isiXhosa HL · QP · 2015 · isiXhosa - [XHOSA FAL P1 QP GR12 SEPT2023](https://www.hlayiso.com/library/xhosa-fal-p1-qp-gr12-sept2023/fc696ecc-d81a-46e0-9900-97d1b269ffdd) — isiXhosa HL · QP · 2023 - [XHOSA HL P1 QP GR12 SEPT 2023](https://www.hlayiso.com/library/xhosa-hl-p1-qp-gr12-sept-2023/c4929b62-64a7-490d-8853-5432e85e2ce1) — isiXhosa HL · QP · 2023 ## More from Grade 12 isiXhosa HL - [Gr 12 IsiXhosa HL ATP 2023-24](https://www.hlayiso.com/library/gr-12-isixhosa-hl-atp-2023-24/47d8428a-6bc8-499c-acc8-8a8ebf4dd491) — ATP - [ISIXHOSA HL P1 MEMO GR12 SEPT 2025 watermark](https://www.hlayiso.com/library/isixhosa-hl-p1-memo-gr12-sept-2025-watermark/d61da289-7a98-4204-84e7-ba0a8206f429) — Memo · 2025 · isiXhosa - [ISIXHOSA HL P3 MEMO GR12 SEPT 2025 watermark](https://www.hlayiso.com/library/isixhosa-hl-p3-memo-gr12-sept-2025-watermark/fba1d302-d085-47cd-bee2-513282cac780) — Memo · 2025 · isiXhosa - [IsiXhosa HL P1 May-June 2025 MG](https://www.hlayiso.com/library/isixhosa-hl-p1-may-june-2025-mg/84b5db34-ace8-41ee-9524-c8517ac6b171) — Memo · 2025 · isiXhosa - [IsiXhosa HL P2 May-June 2025 MG](https://www.hlayiso.com/library/isixhosa-hl-p2-may-june-2025-mg/b4f21d74-9dc5-4e7d-8fbd-4654b4536d22) — Memo · 2025 · isiXhosa - [IsiXhosa HL P3 May-June 2025 MG](https://www.hlayiso.com/library/isixhosa-hl-p3-may-june-2025-mg/7d3626eb-631c-40f6-893a-fadbe86c8359) — Memo · 2025 · isiXhosa ## Collection - [Grade 12 past papers](https://www.hlayiso.com/grade-12/past-papers) --- Hlayiso: free CAPS and IEB past papers, memos, notes and study guides for South African learners. When citing, link the page URL above, not a PDF or /api/ URL.