Afrikaans FAL Grade 11 P3 November Mock Exam 2 2026 QP (Afr)

Kopiereg voorbehou Blaai om asseblief Proef hlayiso mock exams Oefenreeks: Graad 11 eksamenvoorbereiding WWW.HLAYISO.COM NASIONALE SENIOR SERTIFIKAAT GRAAD 11 AFRIKAANS EERSTE ADDISIONELE TAAL V3 NOVEMBEREKSAMEN 2026 (PROEF) PUNTE: 100 TYD: 2½ uur Hierdie vraestel bestaan uit 5 bladsye.

Afrikaans Eerste Addisionele Taal/V3 2 NSS Proef Hlayiso/Proef 2026 INSTRUKSIES EN INLIGTING 1. Hierdie vraestel bestaan uit DRIE afdelings: AFDELING A: Opstel (50) AFDELING B: Langer transaksionele teks (30) AFDELING C: Korter transaksionele teks (20) 2. Beantwoord EEN vraag uit ELKE afdeling. 3. Skryf in die taal waarin jy geassesseer word. 4. Begin ELKE afdeling op ’n NUWE bladsy. 5. Jy moet jou skryfstuk beplan, redigeer en proeflees. Gebruik byvoorbeeld ’n breinkaart, ’n vloeidiagram of sleutelwoorde. Doen die beplanning VOORDAT jy die finale produk vir elke afdeling skryf. 6. Alle beplanning moet duidelik aangedui en ingelewer word. Trek ’n streep deur jou beplanning nadat jy die finale produk geskryf het. 7. Beplan jou tyd só: AFDELING A: 80 minute AFDELING B: 40 minute AFDELING C: 30 minute 8. Nommer elke skryfstuk soos dit in die vraestel genommer is. 9. Skryf die titel/opskrif boaan elke skryfstuk. 10. Die titel/opskrif word NIE in aanmerking geneem wanneer die woorde getel word NIE. 11. Skryf netjies en leesbaar. AFDELING A: OPSTEL VRAAG 1 • Skryf ’n OPSTEL van 200 tot 250 woorde oor EEN van die volgende onderwerpe. • Skryf die nommer en die titel van die onderwerp wat jy kies, boaan jou skryfstuk neer. 1.1 Ek het nog nooit vir iemand hiervan vertel nie … [50] 1.2 Volgende jaar is ek in matriek: my hoop en my vrees [50] 1.3 Is eerlikheid vandag nog die beste beleid? [50] 1.4 Die mense wat my huis ’n tuiste maak [50] 1.5 “Eendag sal jy my bedank.” [50] Kopiereg voorbehou Blaai om asseblief

Afrikaans Eerste Addisionele Taal/V3 3 NSS Proef Hlayiso/Proef 2026 1.6 Kies EEN van die volgende prente en skryf ’n opstel daaroor. Skryf die vraagnommer (bv. 1.6.1) en jou eie titel neer. LET WEL: Daar moet ’n duidelike verband wees tussen jou opstel en die prent wat jy gekies het. 1.6.1 [50] [Eksaminator se eie tekening] 1.6.2 [50] [Eksaminator se eie tekening] 1.6.3 [50] [Eksaminator se eie tekening] TOTAAL AFDELING A: 50 Kopiereg voorbehou Blaai om asseblief

Afrikaans Eerste Addisionele Taal/V3 4 NSS Proef Hlayiso/Proef 2026 AFDELING B: LANGER TRANSAKSIONELE TEKS VRAAG 2 • Kies EEN van die volgende onderwerpe en skryf 120 tot 150 woorde daaroor. • Skryf die nommer en die titel/opskrif van die onderwerp wat jy kies, boaan jou skryfstuk neer. 2.1 FORMELE BRIEF (BRIEF AAN DIE PERS) Die munisipaliteit wil die enigste openbare biblioteek in jou dorp aan die einde van die jaar sluit om geld te bespaar. Baie leerders gebruik die biblioteek na skool om huiswerk te doen en die internet te gebruik. Skryf ’n FORMELE BRIEF aan die redakteur van jou plaaslike koerant waarin jy jou mening oor die sluiting gee EN TWEE voorstelle maak oor hoe die biblioteek oopgehou kan word. [30] 2.2 ONDERHOUD Jou skool doen ’n erfenisprojek. Elke leerder moet met ’n ouer persoon in die gemeenskap gesels oor hoe die lewe was toe hy/sy jonk was. Jy besluit om met jou 85-jarige buurvrou/buurman te praat. Skryf die ONDERHOUD tussen jou en jou buurvrou/buurman in DIALOOGVORM neer. [30] 2.3 HULDEBLYK (TOESPRAAK) Mnr./Mev. Mokoena, die terreinopsigter van jou skool, tree aan die einde van die jaar af ná 30 jaar diens. Die skool hou ’n afskeidsfunksie en jy is gevra om namens die leerders ’n huldeblyk te lewer. Skryf die HULDEBLYK (toespraak) wat jy by die afskeidsfunksie gaan lewer om mnr./mev. Mokoena vir sy/haar diens te bedank. [30] 2.4 INFORMELE VERSLAG Die graad 11-leerders van jou skool het onlangs ’n uitstappie na ’n wetenskapsentrum gemaak. Jy moet vir die skoolkoerant daaroor skryf. Skryf ’n INFORMELE VERSLAG oor die uitstappie waarin jy vertel wat gebeur het en wat die leerders geleer het. [30] TOTAAL AFDELING B: 30 Kopiereg voorbehou Blaai om asseblief

Afrikaans Eerste Addisionele Taal/V3 5 NSS Proef Hlayiso/Proef 2026 AFDELING C: KORTER TRANSAKSIONELE TEKS VRAAG 3 • Kies EEN van die volgende onderwerpe en skryf 80 tot 100 woorde daaroor. • Skryf die nommer en die titel/opskrif van die onderwerp wat jy kies, boaan jou skryfstuk neer. 3.1 DAGBOEKINSKRYWING Vandag het jy jou leerlingbestuurderslisensietoets geskryf. Die dag het nie heeltemal verloop soos jy beplan het nie. Skryf ’n DAGBOEKINSKRYWING waarin jy vertel wat gebeur het en hoe jy daaroor voel. [20] 3.2 PLAKKAAT Jou skool se VLR samel in die laaste week van die kwartaal blikkieskos en ander kos in vir gesinne in die gemeenskap wat swaarkry. Ontwerp ’n PLAKKAAT vir die skool se kennisgewingbord waarin jy leerders aanmoedig om kos te skenk. Verskaf al die nodige inligting. LET WEL: Jy hoef nie prente te teken nie. Woorde op die plakkaat word getel. [20] 3.3 INSTRUKSIES Die nuwe graad 8-leerders kry volgende jaar vir die eerste keer toegang tot die skool se wi-fi. Jy is gevra om hulle te help om veilig aanlyn te bly. Skryf AGT (8) instruksies (moets en moenies) oor hoe om veilig op die internet en sosiale media te wees. Gee jou instruksies ’n opskrif. [20] TOTAAL AFDELING C: 20 GROOTTOTAAL: 100 Kopiereg voorbehou