Isixhosa Hl Grade 6 November Common Test 2011 Question Paper

Downloaded from hlayiso.com Province of the EASTERN CAPE EDUCATION INTERMEDIATE PHASE IBAKALA 6 EYENKANGA 2011 ISIXHOSA ULWIMI LWASEKHAYA AMANQAKU: 50 IXESHA: 2 iiyure Olu viwo lunamaphepha asi – 7.

Downloaded from hlayiso.com 2 ISIXHOSA ULWIMI LWASEKHAYA (EYENKANGA 2011) IMIYALELO NENGCACISO 1. Eli phepha lemibuzo LINAMACANDELO AMATHATHU. ICANDELO A ICANDELO B ICANDELO C 2. Funda YONKE imiyalelo. 3. Phendula YONKE imibuzo. 4. Nombola impendulo nganye kanye ngokwendlela enonjolwe ngayo kwiphepha lemibuzo. 5. Bhala ngokucacileyo nangokucocekileyo. 6. Qwalasela ngokukodwa upelo nolwakhiwo lwezivakalisi.

Downloaded from hlayiso.com (EYENKANGA 2011) ISIXHOSA ULWIMI LWASEKHAYA 3 ICANDELO A: ISICATSHULWA UMBUZO 1 Funda esi sicatshulwa uze wandule ukuphendula imibuzo: Ingaba uziva udiniwe? Uziva ngathi uphelelwa ngamandla? Ulwa nesifo esinganyangekiyo? Xa usitya ukutya okusempilweni ungaziva udlamkile, ubukeka, umhle kwaye uhlale usemandleni ukuze umelane nobomi. Ukutya nje kakuhle kungathintela izifo ngokuthi komeleze isikhuseli-mzimba sakho. Isikhuseli-mzimba esilwa nezifo ziiseli, iitiswu namalungu omzimba asebenza kunye ukukhusela umzimba wakho kwiintsholongwane ezikugulisayo. Ezi ntsholongwane zingunobangela wezifo (izifo ezifana nesifo sephepha, izilonda, isifo sikagawulayo njl-njl). Umzimba “likhaya” leentsholongwane ezininzi. Ngumsebenzi wesikhuseli-mzimba ukuthintela ezi ntsholongwane ukuba zingangeni emzimbeni. Xa usitya ukutya okungenampilo kuthetha ukuba amajoni omzimba awomelelanga ngokupheleleyo, oko ke kwenza ukuba usoloko ugula. Amajoni akho axhomekeke ekufumaneni iivitamini neeminerali. Umzimba unezondlo ezilwa ukosuleleka nezikwahlasela iintsholongwane ezihlasela amajoni akho. Umzimba uyazivelisela ezi zondlo kodwa ukuze zivele umzimba udinga izithako zokutya. Uyakwazi ukutya okuchasene nezikhuseli-mzimba? Ikofu netshokolethi zintlobo zokutya ezibini ezizezona ntshaba zempilo yakho. Nangona sonke siyithanda ikofu eshushu netshokholethi emnandi, icaffeine efunyanwa kuzo ihlutha umzimba iiminerali neevitamini ezibalulekileyo ikhame namanzi. Xa uyisela ikofu, sela iiglasi ezimbini zamanzi emva kwekomityi nganye yekofu. Ukanti singabalula oku kutya kulandelayo njengokutya okomeleza isikhuseli-mzimba sakho- iminqathe, ikhaphetshu, ivatala, ibhatata, igalikhi, ibrokholi, iti emnyama nejusi yelamuni. (Bona; June 2011) 1.1 Yintoni isikhuseli-mzimba? (1) 1.2 Yintoni eyenzekayo xa isikhuseli-mzimba singomelelanga? (1) 1.3 Zibangwa yintoni izifo? (1) 1.4 Ungazithintela njani izifo? (1) 1.5 Ingaba umzimba uzikhusela njani kwiintsholongwane ezihlasela amajoni? (1) 1.6 Kutheni kusithiwa ikofu netshokolethi ziintshaba zempilo yakho? (1) 1.7 Le ntetho ithi, Umzimba „likhaya‟ leentsholongwane ithetha ntoni? (1) 1.8 Ucinga ukuba yintoni umsebenzi wamajoni omzimba? (1)

Downloaded from hlayiso.com 4 ISIXHOSA ULWIMI LWASEKHAYA (EYENKANGA 2011) 1.9 Xela ukuba ingaba le ntetho ilandelayo yinyani okanye ayiyonyani. 1.9.1 Iminqathe negalikhi zizomelezi zesikhuseli-mzimba. (1) 1.9.2 Nika isizathu sempendulo yakho. (1) 1.10 Khetha igama kwisicatshulwa elithetha into enye negama ngalinye kula magama alandelayo. 1.10.1 ukunqanda (1) 1.10.2 Ukungabinampilo (1) 1.11 1.11.1 Yintoni ekumele ukuba uyenze emva kwekomityi nganye yekofu oyiphungayo? (1) 1.11.2 Nika isizathu sempendulo yakho. (1) 1.12 Nika esi sicatshulwa isihloko. (1) [15]

Downloaded from hlayiso.com (EYENKANGA 2011) ISIXHOSA ULWIMI LWASEKHAYA 5 UMBUZO 2 Abafundi bebanga lesithandathu benza uphando ngolona didi lwetshokholethi luthandwayo ngabafundi. Funda le grafu uze wandule ukuphendula imibuzo elandelayo. Iziphumo zophando 20 18 16 Inani labafundiI 14 12 10 Iziphumo zophando 8 6 4 2 0 A B C D E F A = iCrunch B = iLunch Bar C = iKitKat D = iMunch-munch E = iBar One F = iTempo 2.1 Bangaphi abantwana abathanda iLunch Bar? (1) 2.2 Utitshala ufuna ukuthengela abafundi itshokholethi efanayo. (a) Yeyiphi itshokolethi ekufuneka eyithengile? (1) (b) Nika isizathu sempendulo yakho. (1) 2.3 Ukuba abafundi bebonke eklasini bangama-40, baze abaphendule imibuzo yophando babe ngama-38, ucinga ukuba yintoni isizathu sokuba abanye bangayiphenduli imibuzo. (1) 2.4 Yeyiphi eyona tshokolethi ithandwa kakhulu ngabafundi? (1) [5] AMANQAKU ECANDELO A: 20

Downloaded from hlayiso.com 6 ISIXHOSA ULWIMI LWASEKHAYA (EYENKANGA 2011) ICANDELO B: ULWIMI UMBUZO 3 3.1 Khetha isibizo kwesi sivakalisi: Ukutya nje kakuhle kungathintela izifo. (1) 3.2 Bhala isimelabizo esikwisibiyeli endaweni yesibizo esikrwelwe umgca. Iintsholongwane zingunobangela wesifo sephepha. (esoqobo) (1) 3.3 Bhala esi sivakalisi silandelayo kwixesha eladlulayo. Uziva ngathi uphelelwa ngamandla. (1) 3.4 Bhala esi sivakalisi silandelayo kwixesha elizayo. Uyagula kuba akatyi kutya kusempilweni. (1) 3.5 Khetha isiphawuli kwesi sivakalisi silandelayo. Sela iiglasi ezimbini zamanzi emva kwekomityi nganye yekofu. (1) 3.6 Khetha isibaluli kwesi sivakalisi silandelayo. Iti emnyama yomeleza isikhuseli-mzimba sakho. (1) 3.7 Dibanisa ezi zivakalisi zibini zilandelayo ngesihlanganisi esikwisibiyeli: UThemba uya kusoloko egula. Akayihoyanga impilo yakhe. (ukuba) (1) 3.8 Fakela iziphumlisi (oonobumba abakhulu, iikoma, izingxi njl-njl) kwesi sivakalisi silandelayo. amaxabiso okubonana noogqirha nawamayeza axhomile. (2) 3.9 Nika izichasi zala gama: 3.9.1 Zininzi (1) 3.9.2 Utshaba (1) 3.10 Nika isinye sala magama akrwele umgca ngaphantsi 3.10.1 Iintsholongwane zifumaneka kuyo yonke indawo. (1) 3.10.2 Iminqathe yomeleza isikhuseli-mzimba sakho. (1)

Downloaded from hlayiso.com (EYENKANGA 2011) ISIXHOSA ULWIMI LWASEKHAYA 7 3.11 Gqibezela le ntetho ilandelayo. Sithi: 3.11.1 Inyoka ne … (1) 3.11.2 Inkungu ne … (1) [15] AMANQAKU ECANDELO B: 15 ICANDELO C: UKUBHALA UMBUZO 4 4.1 Ukubhala ileta yobuhlobo Umhlobo wakho ulele kwisibhedlele sabantu abagula ngesifo sephepha. Bhala ileta umomeleze. Sebenzisa le mephu yengqondo njengesikhokelo. Ileta yakho mayibe nezivakalisi ezi-6. sibuliso Idilesi ILETA YOBUHLOBO umyalezo Isiphelo (8) 4.2 Isimemo Ningabafundi bebanga lesithandathu, niza kuba nendibano eza kufundisa abafundi ngokuzigcina besempilweni. Injongo zale ndibano kukuqokelela imali ukulungiselela uhambo lwenu lokuphela konyaka. Bhala isimemo umema abanye abafundi ukuba beze kule ndibano. Isimemo sakho masixele: Umhla, indawo, ixesha namangeno. Indlela osibhale ngayo mayibe yetsala umdla. (7) [15] AMANQAKU ECANDELO C: 15 AMANQAKU EWONKE: 50