Afrikaans HL Grade 8 P2 November Mock 2026 Question Paper (Afr)

Kopiereg voorbehou Blaai om asseblief Proef hlayiso mock exams Oefenreeks: Graad 8 eksamenvoorbereiding WWW.HLAYISO.COM SENIOR FASE EINDEJAARSEKSAMEN GRAAD 8 AFRIKAANS HUISTAAL V2 NOVEMBER 2026 (PROEF) PUNTE: 50 TYD: 1½ uur Hierdie vraestel bestaan uit 5 bladsye.

Afrikaans Huistaal/V2 2 Senior Fase Proef Hlayiso/Proef 2026 INSTRUKSIES EN INLIGTING 1. Hierdie vraestel bestaan uit TWEE afdelings: AFDELING A: Kreatiewe teks (Opstel) (30) AFDELING B: Transaksionele teks (20) 2. Beantwoord EEN vraag uit ELKE afdeling. 3. Begin ELKE afdeling op ’n NUWE bladsy. 4. Lees die opdrag by elke vraag wat jy kies, noukeurig en voer dit volledig uit. 5. Skryf in die taal waarin jy geassesseer word. 6. Jy moet jou werk beplan (bv. ’n breinkaart, diagram, vloeidiagram of kernwoorde), proeflees en redigeer. Die beplanning moet VOOR die finale produk gedoen word. Dui jou beplanning duidelik met die woord BEPLANNING aan en trek dit daarna netjies deur. Dui jou finale skryfstuk met die woorde FINALE PRODUK aan. 7. Nommer elke skryfstuk korrek volgens die nommeringstelsel wat in hierdie vraestel gebruik is. 8. Voorsien elke opstel in AFDELING A van ’n gepaste titel. 9. Skryf die getal woorde wat jy gebruik het, tussen hakies onder elke skryfstuk neer. Die titel/opskrif word NIE in aanmerking geneem wanneer die woorde getel word NIE. 10. Jy moet jou tyd soos volg bestee: AFDELING A: ongeveer 55 minute AFDELING B: ongeveer 35 minute 11. Skryf netjies en leesbaar in swart of blou ink. Kopiereg voorbehou Blaai om asseblief

Afrikaans Huistaal/V2 3 Senior Fase Proef Hlayiso/Proef 2026 AFDELING A: KREATIEWE TEKS (OPSTEL) VRAAG 1 Kies EEN van die onderwerpe hieronder en skryf ’n OPSTEL van 200 tot 250 woorde daaroor. Skryf die vraagnommer en die titel van jou opstel neer. Hou die volgende puntetoekenning in gedagte: Inhoud en beplanning 18 Taal, styl en redigering 9 Struktuur 3 1.1 Die aand toe die ligte uitgegaan het [30] OF 1.2 Voltooi die verhaal wat so begin: Ek het die boodskap op my foon drie keer gelees voordat ek besef het dat dit glad nie vir my bedoel was nie … Vertel die verhaal volledig. Gebruik die sin as die eerste sin van jou opstel. [30] OF 1.3 Lees die menings van twee graad 8-leerders: A: “’n Boelie leer net sy les as hy uit die skool geskop word. Ons wil veilig voel op die speelgrond.” B: “Baie boelies het self probleme by die huis. As jy hulle bloot wegstuur, boelie hulle eenvoudig iemand anders by ’n ander skool.” Wat is jou standpunt? Skryf ’n opstel met die titel: Leerders wat ander boelie, moet dadelik geskors word. [30] OF 1.4 Sondagmiddag in Ouma se kombuis Beskryf jou ouma (of ’n ander familielid) se kombuis wanneer die familie op ’n Sondag daar bymekaarkom. Jy mag die woord “Ouma” in die titel vervang. Gebruik al VYF jou sintuie in jou beskrywing. [30] OF 1.5 As ek vir een dag die hoof van my skool kon wees … [30] OF Kopiereg voorbehou Blaai om asseblief

Afrikaans Huistaal/V2 4 Senior Fase Proef Hlayiso/Proef 2026 1.6 Kies EEN van die volgende visuele prikkels en skryf ’n opstel daaroor. Gee jou opstel ’n gepaste titel. Skryf die vraagnommer (1.6.1 OF 1.6.2) en jou eie titel neer. 1.6.1 [30] [Eksaminator se eie tekening] OF 1.6.2 [30] [Eksaminator se eie tekening] TOTAAL AFDELING A: 30 Kopiereg voorbehou Blaai om asseblief

Afrikaans Huistaal/V2 5 Senior Fase Proef Hlayiso/Proef 2026 AFDELING B: TRANSAKSIONELE TEKS VRAAG 2 Kies EEN van die onderwerpe hieronder en skryf ’n teks van 80 tot 100 woorde daaroor (plakkaat: ongeveer 50 tot 80 woorde). Skryf die vraagnommer en die soort teks (bv. 2.2 DAGBOEKINSKRYWING) neer. Hou die volgende puntetoekenning in gedagte: Inhoud, beplanning en formaat 12 Taal, styl en redigering 8 2.1 INFORMELE BRIEF Jou beste vriend(in) uit die laerskool het na ’n ander dorp verhuis en julle gaan nou na verskillende hoërskole. Jou eerste jaar op hoërskool is amper verby. Skryf ’n VRIENDSKAPLIKE BRIEF aan jou vriend(in) waarin jy vertel hoe jou eerste jaar in graad 8 was, EN nooi hom/haar om ’n paar dae van die Desembervakansie by julle te kom kuier. [20] OF 2.2 DAGBOEKINSKRYWING Jy het baie hard vir ’n toets geleer, maar vandag het jy jou punt teruggekry en dit was baie swakker as wat jy verwag het. Vanaand moet jy die toets vir jou ouers wys. Skryf ’n DAGBOEKINSKRYWING waarin jy beskryf wat vandag gebeur het, hoe jy voel EN wat jy van plan is om te doen. [20] OF 2.3 TOESPRAAK Jy is genomineer as kandidaat vir die Verteenwoordigende Raad van Leerders (VRL) by jou skool. Elke kandidaat kry die geleentheid om by die saalbyeenkoms met die leerders te praat. Skryf die TOESPRAAK waarin jy die leerders oortuig om vir jou te stem. [20] OF 2.4 PLAKKAAT Die Eko-klub by jou skool reël ’n skoonmaakveldtog en herwinningsdag op die skoolterrein en in die strate rondom die skool. Hulle soek vrywilligers. Ontwerp ’n PLAKKAAT wat op die kennisgewingborde van die skool opgesit gaan word om leerders aan te moedig om deel te neem. LET WEL: Geen punte word vir tekeninge of versierings toegeken nie. [20] TOTAAL AFDELING B: 20 GROOTTOTAAL: 50 Kopiereg voorbehou