Sepedi FAL Grade 12 IEB Paper 2 2019 Question Paper

Downloaded from hlayiso.com NATIONAL SENIOR CERTIFICATE EXAMINATION NOVEMBER 2019 SEPEDI LELEMETLALELETŠO LA PELE: LEPHEPHE II SEPEDI FIRST ADDITIONAL LANGUAGE: PAPER II Nako: diiri tše 2½ 100 meputso HLOKOMELA 1. Lephephe le le na le matlakala a 6, kgonthišiša gore a feletše. 2. Araba dipotšišo ka moka, gomme o šomiše mareo a maleba a Sepedi. 3. O tla lahlegelwa ke meputso ka mopeleto wo o fošagetšego. 4. Ngwala ka bothakga. IEB Copyright © 2019 PHETLA

Downloaded from hlayiso.com NATIONAL SENIOR CERTIFICATE: SEPEDI LELEMETLALELETŠO LA PELE: LEPHEPHE II Letlakala la 2 go a 6 KAROLO YA A PADI KEKANA, M. A. 1989 – NNETE FELA POTŠIŠO YA 1 Bala setsopolwa se ka tsinkelo gore o kgone go araba dipotšišo tša go se latela. Basindikheithi ba be ba meletša Ariel mare ba mo duma ba mo lebeletše a sepela ka go rata pele ga bona, ba mo tšhabišwa ke Bubbles fela go mo kgoma. Maphodisa le ona a be a gahlana naye mekgotheng le kae ba mo fete ba dutše ba re ba a mo nyaka. Ka mo Kwena o be a ikana a galefile gore o ile go lata Ariel a mo gagolaganye diripanaripana tša go felela fase ka diatla ge go kgonega ka lebaka la gore a tšea lekgarebe la gagwe. Basindikheithi e be e le bona ba swerego bothata ka go phela ba mo thibela gore a ka ya a yo dira thato yeo ya gagwe godimo ga Ariel ka pela ka mo a nyakago. Ba be ba tseba gore ge a ka atlega ka go dira thato yeo ya gagwe o be a tlo thesolla kotsi yela e tšwago ka thokong ya Bubbles. Ba be ba sa nyatše polelo ya Bubbles le gannyane. Go bolela nnete, Bubbles e be e le tlhobaetšo ye kgolo ya bona matšatšing a. O be a ba tšhoša. E bile a ba bintšha gare. Ba be ba mo nyaka ka mahlo a mahubedu ba sa kgone go tseba gore ba ka mo hwetša kae. Seo se be se dira gore ba be mogaung wa gagwe, a be le maatla godimo ga bona. A ba bofile tsi, a ba rarile mo ba šitwago le ke gore ba ka dirang. Ge go le ka mokgwa wo, ba bangwe ba basindikheithi ba ile ba rera go šomiša Noko go hwetša morwediagwe … [Letl. 187] 1.1 Hlaloša kamano ya Kwena le Bubbles. (1) 1.2 Go ya ka tsebo ya gago ya puku ye, na thato/tumo ya Kwena ye go bolelwago ka yona ke efe? O be a hlohleletšwa ke eng go dira seo? (2) 1.3 Hlaloša gore ke eng seo se bego se dira gore sindikheithi e meletše Ariel mare, o be o bontšhe lebaka leo le bego le ba palediša go phethagatša morero wa bona. (2) 1.4 Hlaloša gore sindikheithi e tsebile bjang gore Bubbles o khutile kae. (2) 1.5 Noko ke motswadi yo a bontšhitšego lerato baneng ba gagwe. Fahlela kgopolo ye ka mehlala go tšwa pukung. Neela dintlha TŠE PEDI fela. (2) 1.6 Ka dintlha TŠE TLHANO (5) bontšha magato ao a tšerwego ke Ariel go kgonthišiša gore basenyi ba humana kotlo yeo e ba swanetšego. (5) 1.7 "Ba be ba mo nyaka ka mahlo a mahubedu", mmolelwana wo o tšweletša maikutlo afe? (1) [15] IEB Copyright © 2019

Downloaded from hlayiso.com NATIONAL SENIOR CERTIFICATE: SEPEDI LELEMETLALELETŠO LA PELE: LEPHEPHE II Letlakala la 3 go a 6 POTŠIŠO YA 2 2.1 Bontšha o be o sekaseke ka boripana ka fao megabaru e ka hlolago tshenyo le dillo bophelong. Fahlela ka mehlala go tšwa pading ye. (10) 2.2 Bontšha ka fao mongwadi a tšweleditšego maitshwaro a Bubbles pading ye, ka dintlha TŠE TLHANO (5). (5) [15] POTŠIŠO YA 3 Badišiša setsopolwa se se latelago gore o kgone go araba dipotšišo tša go se latela. "O a bona, dipapadi ke selo seo ke tlogago ke sa se rate ge sebapadišwa go gapeletšwa go ba nna." Ke Ariel a lebega kotsi. "O a nkwešiša naa?" Monagano wa Bubbles o be o tloletše go ikgoboketšeng ka pela o iphahlele: "Ga-ga ke-ke tsebe se o bolelago ka sona bjale." A bolela a gagaetša nke ke motho a nyaka lešoba la go tšhaba moo a phonyokge. "O a tseba." Ke Ariel a šupa ka monwana a gatelela. "Aowa!" "Bona mo, ga ke setlatla bjalo ka ge o nagana. Selo sela sa go utswiwa ga sengwalwa ke morero wo o …" [Letl. 98] Tšwetša pele poledišano ye ya ka godimo ka mokgwa wo o kgodišago go fihla ge Ariel a botša Bubbles gore o a tseba gore nonwane yela ya go thelela ga Karabo ke maaka. (O se lebale go šomiša ditšhupasefala/ditaetšosefala). Kabo ya meputso Sebopego sa poledišano (2) Dintlha (8) [10] IEB Copyright © 2019 PHETLA

Downloaded from hlayiso.com NATIONAL SENIOR CERTIFICATE: SEPEDI LELEMETLALELETŠO LA PELE: LEPHEPHE II Letlakala la 4 go a 6 POTŠIŠO YA 4 Sekaseka Nnete Fela o lebeletše teori ya Thulaganyo le dikokwane/magato tše di latelago, o tsopola mehlala ya maleba go tswa pukung. Teori (2) Kalotaba (4) Phekgogo/Sethakgodi (4) Sehloa (4) Tlemollahuto/Khunollahuto (3) Tšhomišo ya Polelo (3) [20] 60 meputso IEB Copyright © 2019

Downloaded from hlayiso.com NATIONAL SENIOR CERTIFICATE: SEPEDI LELEMETLALELETŠO LA PELE: LEPHEPHE II Letlakala la 5 go a 6 KAROLO YA B DINGWALWAŠOMIŠWA POTŠIŠO YA 5 Araba potšišo E TEE go tše di latelago, gomme setšweletšwa sa gago se be botelele bja mantšu a go se fete 200. Lebeledišiša diswantšho tše di latelago gore o tle o kgone go araba dipotšišo. [<www.google.com>] [<www.google.com>] 5.1 Naga ya rena e aparetšwe ke ditiragalo tša go swana le tše di tšwelelago diswantšhong tša ka godimo. Yo mongwe wa baotledi ba difatanaga tše yo a hlokofetšego ke malomeago. O kgopetšwe go ngwala tša bophelo bja mohu. GOBA 5.2 Moloto le Mabore ba boledišana ka ditiragalo tše di tšwelelago diswantšhong tša ka godimo. Ngwala poledišano ya bona yeo ba tšweletšago maikutlo a bona le dikakanyo tšeo ba nago le tšona go šireletša badudi ba mo nageng. [30] IEB Copyright © 2019 PHETLA

Downloaded from hlayiso.com NATIONAL SENIOR CERTIFICATE: SEPEDI LELEMETLALELETŠO LA PELE: LEPHEPHE II Letlakala la 6 go a 6 POTŠIŠO YA 6 Araba potšišo E TEE go tše pedi tše di latelago. Setšweletšwa sa gago se be le mantšu a 100 go iša go 120. Lebeledišiša diswantšho tše di latelago gore o kgone go araba dipotšišo tša go di latela. [<www.google.com>] [<www.google.com>] 6.1 Go na le tlhaelelo ya meetse mo o dulago gona. Ngwalela badudi ba naga ya geno ditaelo o tšweletše mekgwa ye mekaone ya go boloka meetse. GOBA 6.2 Ka baka la bothata bjo bo aparetšego naga ya geno bjo bo tšwelelago diswantšhong, o tšere sephetho sa go epa meetse gore o tle o a rekišetše badudi ba dinaga mabapi. Thala papatšo o bapatše kgwebo ya gago. [10] 40 meputso Palomoka: 100 meputso IEB Copyright © 2019