Sepedi FAL Grade 12 IEB Paper 2 2017 Memo

Downloaded from hlayiso.com NATIONAL SENIOR CERTIFICATE EXAMINATION NOVEMBER 2017 SEPEDI LELEMETLALELETŠO LA PELE: LEPHEPHE II SEPEDI FIRST ADDITIONAL LANGUAGE: PAPER II MARKING GUIDELINES Nako: Diiri tše 2½ 100 meputso These marking guidelines are prepared for use by examiners and sub-examiners, all of whom are required to attend a standardisation meeting to ensure that the guidelines are consistently interpreted and applied in the marking of candidates' scripts. The IEB will not enter into any discussions or correspondence about any marking guidelines. It is acknowledged that there may be different views about some matters of emphasis or detail in the guidelines. It is also recognised that, without the benefit of attendance at a standardisation meeting, there may be different interpretations of the application of the marking guidelines. IEB Copyright © 2017 PHETLA

Downloaded from hlayiso.com NATIONAL SENIOR CERTIFICATE: SEPEDI LELEMETLALELETŠO LA PELE: LEPHEPHE II – Letlakala la 2 go a 10 MARKING GUIDELINES KAROLO YA A PADI KEKANA, M. A. 1989 – NNETE FELA POTŠIŠO YA 1 1.1 • Ariel o be a bona e le tshwanelo gore sengwalwa seo a se fe Karabo ka ge e le yena mong wa sona. • O ile a bona Bubbles e le lekgarebe la go ba le boipoto le boikgantšho, bjale o be a rata go mo phuhlamiša. • O be a nyaka go bala sengwalwa seo ka ge a be a sešo a se bala. 1.2 Ariel ke monna yo bohlale ka mabaka a a latelago: • Ge ba le kua dikantorong tša mmasepala, o ile a kgona go šomiša bohlale bja gagwe go lemoga gore badiredi ba gona ga ba thuše batho gabotse gomme a ba laetša ka pefelo gore ga a tlo ba dumelela gore ba ba emišetše lefeela. • O ile a šomiša bohlale bja gagwe go gana go fa Bubbles sengwalwa sa Karabo ka ge a ile a mmotša gore yena (Karabo) a itatele sona. • Go tla ga Bubbles go ile gwa mo lemoša gore go na le se bohlokwa ka sengwalwa seo, ke ka fao a ilego a thoma go se bala ka bjako. • O ile a kgona go lemoga le go gononwa gore go ka ba go na le batho bao ba nyakišišago mesepelo ya gagwe, gomme a nyaka matseka go nyakišiša seo. • O ile a kgona go thuša Bubbles gore sephiri sa masindikheiti se utollwe. • Ge Julia, lekgarebe la gagwe le be le leka go mo hlohleletša gore a le nyale, o šomišitše bohlale bja gagwe go tšea sephetho sa go se dire bjalo. • O ile a kgona go šomiša bohlale bja gagwe go tseba le go lemoga gore seo Karabo a bego a ikemišeditše go ngwala tšhwantšhetšodikgao ka sona se bohlokwa kudu. • Ariel o ile a kgona go bona phegelelo yeo Bubbles a bego a mo lebeletše ka yona ge a be a boile la bobedi go tlo tšea sengwalwa go yena. Ka bohlale bja gagwe, o ile a tla ka leano la go mo thapiša – go gana gape go mo fa sengwalwa. • Le ge Bubbles a ile a dira makatika a gore sengwalwa se utswiwe, Ariel o ile a kgona go bona maaka le boradia bja gagwe. Seo se mo dirile gore a kgone go humana nnete go Bubbles mabapi le go utswiwa ga sengwalwa le gore tše ka moka e be e le morero wa yena Bubbles. • Ariel o šomiša bohlale bja gagwe go ipatametša le go itswalanya le Bubbles gore a tle a kgone go humana ditaba ka botlalo mabapi le banna ba masindikheiti. • O rile go tseba gore go na le batho ba ba mo jago leonyane a leka go itlhokomela le go itota, kudu ge a be a eya Majaneng go Bubbles. • O ile a lemoga gore Bubbles o na le maikemišetšo a go tšhaba nakong ya ge a be a mmotšiša ka Kwena, gomme a mmotša gore a ka se mo tlogele ge a eya lebenkeleng. IEB Copyright © 2017 PHETLA

Downloaded from hlayiso.com NATIONAL SENIOR CERTIFICATE: SEPEDI LELEMETLALELETŠO LA PELE: LEPHEPHE II – Letlakala la 3 go a 10 MARKING GUIDELINES 1.3 • O be a ekwa a mo tšhaba gomme a ka se kgone go mo fenya go swana le batho bao a phelago a ba jabetša. • O be a tšhogile le go tshwenyega ka taba ya gore o be a tshepišitše masindikheiti gore o tla ba tlišetša sengwalwa, bjale o be a šetše a lemogile gore Ariel ga se a ikemišetša go mo fa sona. 1.4 Baithuti ba tla ntšha maikutlo a bona ka mekgwa ya go fapana, go swana le ge ba ka re: • Taba ye Ariel a e dirilego ga se ya loka ka gore o ganne go fa Bubbles sengwalwa. O be a sa swanela go gana kgaetšedi ya Karabo ka sona. • Ariel o dirile gabotse ka go gana go fa Bubbles sengwalwa ka gore o be a sa mo tsebe le gona Karabo o be a swanetše go fa Ariel tumelelo ya go fa Bubbles sengwalwa seo. IEB Copyright © 2017 PHETLA

Downloaded from hlayiso.com NATIONAL SENIOR CERTIFICATE: SEPEDI LELEMETLALELETŠO LA PELE: LEPHEPHE II – Letlakala la 4 go a 10 MARKING GUIDELINES POTŠIŠO YA 2 TEORI Nako le lefelo ke dikokwane tše bohlokwa kudu tša tikologo. Gantši mongwadi ge a ngwala puku o hlola lefelo leo ditiragalo di diregago go lona. Ga a be le lefelo fela eupša o tšweletša le nako yeo ditiragalo di diregago ka yona. E ka ba mehla ya kgale goba ya sebjalebjale. Tše ka moka di bopa tikologo ka botlotla. Tikologo ke ya sebjalebjale mo ditiragalo tša gona di diregago metsengsetoropo ka mabaka a a latelago: • Dikantoro tša khomišinare di gona mo motseng. Ke mo Bubbles le Ariel ba kopanego gona la mathomo. • Noko o na le dikgwebo tša go fapana, ye nngwe ya tšona ke sinema. Dikgwebo tša mohuta wo di humanwa metsengsetoropo. • Karabo le bagwera ba gagwe ba be ba phela bophelo bja go se laolege bja botagwa. Gantši bophelo bjo bobjale bo humanwa metsengsetoropo. • Mongwadi o fela a hlaloša ka mo motse o bego o lebelega ka gona bošego ka mabone a go phadima. • Bonokwane bjo bo bego bo dirwa ke masindikheiti bo kgonagala gabotse metsengsetoropo. • Bubbles o be a lala a boa gae mašego ka gore a sepetša dikgwebo tša gabo. Mehuta ye ya dikgwebo e humanwa metsengsetoropo. • Go na le meago ya kgašo mo Ariel Meso a bego a šoma gona. Yona meago yeo e ka toropong ya Tshwane. • Go be go na le dikoloi tše dintši, ke ka fao Ariel a ilego a se kgone go tseba le go bona gore go na le batho bao ba mo šetšego morago, go fihlela a thušwa ke matseka. • Bophelo bja masošalaete go swana le ka mo Pula a bego a tsebega ka gona, bo kgonagala metsengsetoropo. • Batho ba gona ga ba nagane gabedi pele ba bolaya motho. Masindikheiti ba ile ba laela Champ le Thoba gore ba bolaye Karabo ka gore o ngwadile sengwalwa ka sephiri sa bona. • Champ le Thoba ba be ba šomela masindikheiti gomme ba ba direla dilo ka moka tšeo ba laelwago go di dira, go swana le go bolaya le go utswa. • Batho ba laolwa ke tšhelete, Bubbles o be a phegelela go kgotsofatša tatagwe ka dilo ka moka lebaka e le gore a humane le go ipshina ka lehumo la gagwe. • Batho ba phela ka bofora, go swana le Bubbles yo a dumetšego go nyalwa ke Kwena mola a tseba gore ga a mo rate, lebaka la gagwe e be e le go thabiša tatagwe le masindikheiti. • Matseka a be a le gona mo kgauswi. Ke mo Ariel a ilego a kgopela mogwera wa gagwe Saki gore a yo mo kgopela thušo gore ba lebelele ge eba go na le batho bao ba mo šetšego morago. • Batho ba gona ga ba tsebane. Ariel o be a sa tsebe Kwena le ge a bolailwe mo phakeng ya pele ga gabo. Kua Majaneng baagišane ba be ba sa tsebe Bubbles ebile ga se ba laetše go tshwenyega ka go ba gona ga gagwe mo ntlong ya Pula. • Go be go na le megala ya go lefelwa ya mebileng. Bubbles o ile a e šomiša ge a be a le Phelindaba le ge a be a tšhabetše Ariel kua Majaneng. IEB Copyright © 2017 PHETLA

Downloaded from hlayiso.com NATIONAL SENIOR CERTIFICATE: SEPEDI LELEMETLALELETŠO LA PELE: LEPHEPHE II – Letlakala la 5 go a 10 MARKING GUIDELINES POTŠIŠO YA 3 Moithuti o tla ngwala poledišano ya maleba magareng ga Bubbles le Noko nakong ya ge Noko a hlohleletša Bubbles gore a se ke a botša Ariel nnete mabapi le masindikheiti. Sebopego sa maleba sa poledišano sa go ba le ditaetšosefala. Diteng tša maleba di swanetše go laetša tsebo ya ditiragalo tša puku. Diteng tša poledišano di be le dintlha tše di latelago: • Bubbles o ile a botša tatagwe e lego Noko gore o tšhabetše Ariel. • Noko o be a thabetše seo gomme a eletša Bubbles gore a boe gae gomme a kgopele tshwarelo go masindikheiti. • Bubbles o nyamišitšwe ke go kwa ka mo tatagwe a thabetšego go kgaogana ga gagwe le Ariel ka gona. • Noko o tšwela pele go tshepiša Bubbles gore a ka se mo neele go masindikheiti gore ba mmolaye. • Bubbles o botša tatagwe gore Ariel o mmeetše go fihla ge letšatši le dikela gore a tlo mmotša nnete, go sego bjalo o tlo ya maphodiseng. • Noko o gopotša Bubbles gore ke kgale a mmotša gore Ariel o tlo mo tsentšha mathateng. • Bubbles ga a dumelelane le seo ka gore o a mo rata. • Noko o mo hlohleletša gore a neele Ariel go masindikeiti gore ba mmolaye, ka go realo a ka se hlwe a kgona go bolela diphiri tša masindikheiti. • Bubbles ga a dumelelane le tatagwe gomme o kgaotša poledišano ya bona ka go bea lekopelwana fase. POTŠIŠO YA 4 Thulano ke kokwane ye bohlokwa ya padi. Thulano ya padi ye ke lepheko leo le hlolago karogano ya baanegwa, gomme e diegiša tlemollo ya lehuto. Thulano e bohlokwa ka ge e le yona e hlolago maatlakgogedi a sengwalo. Mmadi o nyaka go tseba pheletšo ya baratani goba ditiragalo. Thulano ke kgakgano goba phapano ye e tšwelelago gare ga baanegwa mo pading. Thulano e ka ba gare ga dihlopha tša baanegwa. Go na le mehuta ye mebedi ya thulano e lego: Thulano ya ka gare; le thulano ya ka ntle. Thulano ya ka gare e tšwelela magareng ga motho le dikgopolo goba monagano wa gagwe mabapi le bothata bjo bo itšego. Motho a ka ikhwetša a na le dikgopolo tše pedi tšeo a sa tsebego gore a ka kgetha efe. Moanegwa o ikhwetša a le kgakanegong ya go se tsebe gore ke efe yeo e ka mo phološago goba ya mo lahletša. Mo moanegwa o swanelwa ke go tšea sephetho. IEB Copyright © 2017 PHETLA

Downloaded from hlayiso.com NATIONAL SENIOR CERTIFICATE: SEPEDI LELEMETLALELETŠO LA PELE: LEPHEPHE II – Letlakala la 6 go a 10 MARKING GUIDELINES Thulano ya ka gare • Bubbles o thulana le go phenkgišana le lefahla la gagwe Karabo ka go leka go thopa lerato la tatagwe. Karabo ga a lemoge seo, Bubbles o na le lehloyo go Karabo ebile o thabišwa ke go bona a dira diphošo tšeo di befedišago tatagwe. Ka lehlakoreng le lengwe, o lwa le menagano le ditiro tša gagwe gore a se bontšhe Karabo boteng bja maikutlo a gagwe. • Lehloyo la Bubbles go Karabo le golela pele ge a lemoga gore ke yena a mo tsentšhitšego mathateng a go yo lebana le Ariel yo a ganago ka sengwalwa. • Bubbles o gakanegile gobane o lemogile gore o thomile go rata Ariel go feta ka mo a ratago Kwena. Ga a sa tseba gore a tšee sephetho sefe. • Morago ga go radia masindikheiti le go tšhabela Majaneng, Bubbles o be a fela a itshola ka seo a se dirilego le ge e le gore lerato la gagwe le Ariel le be le fenya maikutlo a boitsholo. • Ariel o lemoga gore Bubbles ga a rengwe ke hlogo fela o be a sa kwešiše gabotse gore go direga eng ka yena. Thulano ya ka ntle Ke thulano yeo e tšwelelago magare ga baanegwa goba gare ga moanegwa le dilo tše dingwe. Thulano ye le yona e tšwetša pele ditiragalo tša thulaganyo. • Ariel o thulana le bašomedi ba kantorong ya khomišinare mo a bego a eme molokolokong gomme bona ba be ba itshwaretše magang ba sa ba thuše. Gona moo yo mongwe wa bašomedi bao o ile a tsena a na le lekgarebe le lengwe leo ba bego ba nyaka go le thuša le ge le tlile morago ga batho bao ba bego ba eme molokolokong lebaka le letelele. • Thulano ye nngwe e tšwelela magareng ga Noko le Karabo. Karabo ke morwa wa Noko yo a bego a le bookelong bja Kalafong bjale o boile gae. Noko o mmefeletšwe gobane Karabo o be a sa hlokomele mahumo a gagwe ebile ka baka la botagwa le go se hlokomele ga gagwe, o ile a lobiša tatagwe kgwebo yeo e bego e le diatleng tša gagwe. Gape o robetše bookelong ka kotsi ya sefatanaga ge a be a na le bagwera ba gagwe ba bašemane le basetsana. • Julia, lekgarebe la Ariel, o lwa le yena gobane o be a kganyoga gore Ariel a mo nyale. Sa go mmefediša ke gore Ariel o be a sa bolele selo ka tša lenyalo. Julia o ile a befelwa, a botša Ariel gore o mo senyetša nako, gomme a phutha se e lego sa gagwe a sepela. • Bubbles o lwa le Pula ka ge a be a mmotša gore o a bona gore Bubbles ga a rate Kwena ka pelo ya gagwe ka moka. Bubbles o ile a se thabele dipolelo tša mohuta woo. • Noko o ile a laetša khuduego ye kgolo le pefelo ya go šiiša morago ga go humana sengwalwa seo Karabo a se ngwadilego. Diteng tša sona di be di bediša madi a mmele wa gagwe ka pefelo. • Banna ba sindikheiti ba ile ba dulela Karabo lekgotla ba mo sekiša ka kgalefo ba rata go tseba gore o tsebile bjang ka sephiri sa bona. Mafelelong ba tloša Karabo gore a yo bolawa. • Thulano e tšwelela magareng ga Bubbles le Ariel gobane Ariel o be a gana go fa Bubbles sengwalwa sa Karabo. Maikemišetšo a gagwe e be e le go mo phuhlamiša ka ge a bone nke Bubbles o be a na le makoko le boikgantšho. Bubbles le yena o be a hloile Ariel ka ge a palelwa ke go mo fenya ka dikgopolo. IEB Copyright © 2017 PHETLA

Downloaded from hlayiso.com NATIONAL SENIOR CERTIFICATE: SEPEDI LELEMETLALELETŠO LA PELE: LEPHEPHE II – Letlakala la 7 go a 10 MARKING GUIDELINES • Ariel o thulana le lesogana la go utswa sengwalwa nakong ya ge a thuša Bubbles yo a ikgobaditšego leoto ge a ewa. Ariel o lekile go kitimiša lesogana leo fela la tsena ka sefatanageng la ipha naga. • Ariel o lebantšha Bubbles gomme o mmotša gore o badile sengwalwa sela ka go realo o tseba diteng tša sona. O mmotša gore o a tseba gore tše ka moka di diregilego ke maano a Bubbles a go dira gore sengwalwa se utswiwe. A tšwela pele go mmotša gore o a tseba gore Bubbles o bolela maaka ka taba ya gore Karabo o boile gomme o gobetše leoto go ya le ka mo Bubbles a boletšego. Ariel ga a tšhošetšege gomme o botša Bubbles gore o ya maphodiseng. • Bubbles o thulana le tatagwe ka ge a ganana le gore ba bolaye Ariel. O gana gore ba šomiše yena go hwetša Ariel. O lla ka kgakanego gomme ge tatagwe a mmotšiša o mmotša maaka gore o rengwa ke hlogo. • Bubbles o lwa le masindikheiti mmileng wa Mokwele, e le ge a šireletša Ariel gore a se bolawe. O ile a thuntšha Champ le Thoba gomme ya ba ge a thomile go ba lenaba la masindikheiti ka gore o šireleditše le go tšhabiša Ariel Meso. • Noko o lwa le Bubbles ka taba yeo a e dirilego mmileng wa Mokwele, ka go ba mohlanogi gomme a ba a tšhaba le Ariel mola a be a swanetše go thuša masindikheiti gore ba mmolaye. Bubbles o botša tatagwe le Mokaba gore ge ba ka ba ba swara Ariel goba ba leka go mmolaya o tla ya maphodiseng. • Kwena o leka go bolaya Ariel o a palelwa, gomme labobedi ge a yo mo lalela gore a mmolaye, o bonwa ke boChamp le Thoba gomme ba leka go mo tloša ga gaboAriel. Ge ba le gare ba elwa, Kwena o ile a thuntšhwa. • Masindikheiti ba thoma go gononelwa Noko gore le yena ke mohlanogi bjalo ka bana ba gagwe. Ba a mo katoga. Noko o ile a gafela bophelo bja Bubbles matsogong a bona gore ba mo tshepe. • Ariel o lwa le Bubbles morago ga go lemošwa ke Pula gore Kwena e be e le lesogana la Bubbles gomme yena o be a sa tsebe. O lemoga gore Bubbles o sa tšwela pele ka go mmotša maaka. • Ariel o nyaka nnete fela go Bubbles gore a mmotše gore ke bomang bao ba mo šetšego morago. Bubbles o gana go tšwa ka nnete ka go itwatša gomme mafelelong o ile a tšhabela Ariel. • Pula o lwa le Bubbles yo a iphilego naga a tšhabetše Ariel. Pula o mmotša gore o swanetše go boela go Ariel gobane o mo emetše go fihlela ge letšatši le dikela. A mmotša gore Ariel o tlo ya maphodiseng. • Bubbles o lwa le Noko mo mogaleng gobane o be a gana maele a tatagwe a go boela gae a yo kgopela tshwarelo go masindikheiti gomme a gafele Ariel diatleng tša bona gore ba mmolaye. • Mabusha o thuntšha le go bolaya Noko morago ga go lemoga gore Noko ke mohlanogi. O mo kwele a bolela le Bubbles mo mogaleng, a mmotša gore banna ba go romelwa ke masindikheiti ba mo tseleng ya go yo bolaya yena le Ariel. Noko o tšwetše pele ka go botša Bubbles gore Karabo o a phela, gomme a yo mo tšea mo yena tatagwe a bego a mo utile gona. Seo se ile sa befediša Mabusha gomme a mo thuntšha. • Sello le Champ, e lego banna ba go rongwa ke masindikheiti ba fihlile Majaneng gomme ba humana Ariel le Bubbles ba šetše ba boile maphodiseng, ebile ba na le maphodisa ka ntlong. Maphodisa ka ge ba be ba khutile ka diphapošing, ba ile ba ba swara sesolo. • Banna ba masindikheiti, boMabusha le Mello ba ile ba swarwa, dikgwebo tša bona ka moka tša tswalelwa, le dithoto ka moka tša tšewa. IEB Copyright © 2017 PHETLA

Downloaded from hlayiso.com NATIONAL SENIOR CERTIFICATE: SEPEDI LELEMETLALELETŠO LA PELE: LEPHEPHE II – MARKING GUIDELINES Letlakala la 8 go a 10 KAROLO YA B DINGWALWAŠOMIŠWA POTŠIŠO YA 5 5.1 RUBRIKI YA LENGWALO LA SEMMUŠO Meputso: Khoutu 7 Khoutu 6 Khoutu 5 Khoutu 4 Khoutu 3 Khoutu 2 Khoutu 1 O kgonne O O O lekile go O O O go fihlelela fihleletše fihleletše fihlelela fihleletše paletšwe paletšwe ditekolo ka ditekolo ka bontši bja bontši bja tše dingwe ke go go fihlelela MOITHUTI: botlalo botlalo ditekolo ditekolo tša fihlelela ditekolo ditekolo bontši bja ditekolo [30] 100–80% 79–70% 69–60% 59–50% 49–40% 39–30% 29–0% SEBOPEGO 1. Atrese ya mongwadi le letšatšikgwedi di ngwalwe gabotse (Khoneng ya letsogo la go ja godingwana). Ga go šomišwe maswaodikga. Letšatšikgwedi le ngwalwa ka mantšu. Mohlala: 30 Moranang 2004. (3) 2. Atrese ya mongwalelwa e ngwalwa gabotse ka letsogong la nngele. Ga go šomišwe maswaodikga. Ga go ngwalwe tšatšikgwedi. (2) Meputso Meputso Meputso Meputso Meputso Meputso Meputso 9 3. Madume: Go šomišwe Thobela/Morena. Go se šomišwe 9 8 7 6 5 4 3–0 maswaodikga. Madume a ngwalwa ka letsogong la nngele mothaladi o tee ka fase ga atrese ya mongwalelwa. (1) 4. Hlogo ya taba e ngwalwa ka fase ga madume go tshetšwe mothaladi o tee, gomme ya thalelwa. (1) 5. Mafelelo/bofelo go šomišwa tlhakakgolo ya mathomo, gomme bofelo bja laetša kamano gare ga mongwadi le mongwalelwa. O šomiša leina le sefane sa gago wena mongwadi. (2) B DIKAGARE/DITENG Dintlha di sepelelane le sererwa. Moithuti a se fapoge tabeng ye a swanetšego go ngwala ka yona. Meputso Meputso Meputso Meputso Meputso Meputso Meputso 15 Diteng e be tše di kgahlišago. 15 14–13 12–11 10–9 9–8 8–7 6–0 Go laetšwe kwešišo ya seo go ngwalwago ka sona. Morero wa lengwalo o fihlelelwe. C SETAELE LE POLELO Temana ye nngwe le ye nngwe e hlaloše ditaba tša yona. Mafoko a be a a hlamilwego gabotse le tšhomišo ya maleba ya maswaodikga. Meputso Meputso Meputso Meputso Meputso Meputso Meputso 6 Hlokomela: Diphošo tše 5 moithuti o lahlegelwa ke moputso o tee 6 5.5 5 4 3 2 1–0 fela. Mafoko, tirišo ya mantšu ka mo go nepagetšego. Tlotlontšu ya maleba le mopeleto wo o nepagetšego. IEB Copyright © 2017 PHETLA

Downloaded from hlayiso.com NATIONAL SENIOR CERTIFICATE: SEPEDI LELEMETLALELETŠO LA PELE: LEPHEPHE II – MARKING GUIDELINES Letlakala la 9 go a 10 5.2 RUBRIKI YA POLELO Meputso Khoutu 7 Khoutu 6 Khoutu 5 Khoutu 4 Khoutu 3 Khoutu 2 Khoutu 1 [30] O kgonne O O O lekile go O O lekile go O go fihlelela fihleletše fihleletše fihlelela fihleletše fihlelela paletšwe MOITHUTI: ditekolo ka ditekolo ka bontši bja bontši bja tše dingwe bontši bja go fihlelela botlalo botlalo ditekolo ditekolo tša ditekolo Ditekolo ditekolo Kelo 100–80% 79–70% 69–60% 59–50% 49–40% 39–30% 29–0% DITENG Meputso Meputso Meputso Meputso Meputso Meputso Meputso 15 Diteng di sepelelana le hlogo 15 14–13 12–11 10–9 9–8 8–7 6–0 SEBOPEGO Meputso Meputso Meputso Meputso Meputso Meputso Meputso Sebopego sa maleba le botelele bjo bo lekanetšego go ya ka mohuta wa 6 6 5.5 5 4 3 2 1–0 sengwalwana. SETAELE LE POLELO Meputso Meputso Meputso Meputso Meputso Meputso Meputso Retšistara, segalo, mohola, tlotlontšu, tlhamo ya mafoko le mopeleto, 9 9 8 7 6 5 4 3–0 maswaodikga, tšhomišo ya polelo ya maleba. IEB Copyright © 2017 PHETLA

Downloaded from hlayiso.com NATIONAL SENIOR CERTIFICATE: SEPEDI LELEMETLALELETŠO LA PELE: LEPHEPHE II – MARKING GUIDELINES Letlakala la 10 go a 10 POTŠIŠO YA 6 6.1 RUBRIKI YA KARATA YA TALETŠO Meputso: Khoutu 7 Khoutu 6 Khoutu 5 Khoutu 4 Khoutu 3 Khoutu 2 Khoutu 1 O kgonne O O O lekile go O O lekile go O go fihlelela fihleletše fihleletše fihlelela fihleletše fihlelela paletšwe MOITHUTI: ditekolo ka ditekolo ka bontši bja bontši bja tše dingwe bontši bja go fihlelela botlalo botlalo ditekolo ditekolo tša ditekolo ditekolo ditekolo [10] 100–80% 79–70% 69–60% 59–50% 49–40% 39–30% 29–0% DITENG Meputso Meputso Meputso Meputso Meputso Meputso Meputso 3 Diteng di sepelelana le hlogo. 3 2.5 2 2 1.5 1 1–0 SEBOPEGO Meputso Meputso Meputso Meputso Meputso Meputso Meputso Sebopego sa maleba le botelele bjo bo lekanetšego go ya ka mohuta wa 3 3 2.5 2 2 1.5 1 1–0 sengwalwana. SETAELE LE POLELO Meputso Meputso Meputso Meputso Meputso Meputso Meputso Meputso Retšistara, segalo, mohola, tlotlontšu, tlhamo ya mafoko le mopeleto, 4 4 3.5 3 2.5 2 1.5 1–0 maswaodikga le tšhomišo ya polelo. 6.2 RUBRIKI YA PUKUTŠATŠI MOITHUTI: Meputso: Khoutu 7 Khoutu 6 Khoutu 5 Khoutu 4 Khoutu 3 Khoutu 2 Khoutu 1 O kgonne O O O lekile go O O lekile go O go fihlelela fihleletše fihleletše fihlelela fihleletše fihlelela paletšwe ditekolo ka ditekolo ka bontši bja bontši bja tše dingwe bontši bja go fihlelela botlalo botlalo ditekolo ditekolo tša ditekolo ditekolo ditekolo [10] 100–80% 79–70% 69–60% 59–50% 49–40% 39–30% 29–0% DITENG Meputso Meputso Meputso Meputso Meputso Meputso Meputso Tšatšikgwedi, ngwaga, maikutlo a mongwadi, dinako – go ya ka ditiragalo, 4 4 3.5 3 2.5 2 1.5 1–0 ditiragalo tša matšatši a mabedi. E ngwadilwe ka polelo ya mmoledi. SEBOPEGO Meputso Meputso Meputso Meputso Meputso Meputso Meputso Temana e tee ye kopana e tšweletša tiragalo/kgopolo. Ditiragalo tša 3 3 2.5 2 2 1.5 1 1–0 gona di a kgonagala ebile di a kgodišega. SETAELE LE POLELO Kelohloko ye e tseneletšego. Ka pukungtšatši go ngwalwa letšatši ka Meputso Meputso Meputso Meputso Meputso Meputso Meputso letšatši ka fao go nyakega kelohloko gore go se hlaele selo. Mafoko a go 3 3 2.5 2 2 1.5 1 1–0 hlangwa gabotse le maswaodikga ke a maleba, tlotlontšu, tlhamo ya mafoko le mopeleto, maswaodikga le tšhomišo ya polelo ya maleba. Palomoka: 100 meputso IEB Copyright © 2017