Sepedi HL Grade 12 IEB Paper 2 2019 Memo

Downloaded from hlayiso.com NATIONAL SENIOR CERTIFICATE EXAMINATION NOVEMBER 2019 SEPEDI LELEME LA GAE: LEPHEPHE II SEPEDI HOME LANGUAGE: PAPER II MARKING GUIDELINES Nako: diiri tše 3 100 meputso These marking guidelines are prepared for use by examiners and sub-examiners, all of whom are required to attend a standardisation meeting to ensure that the guidelines are consistently interpreted and applied in the marking of candidates' scripts. The IEB will not enter into any discussions or correspondence about any marking guidelines. It is acknowledged that there may be different views about some matters of emphasis or detail in the guidelines. It is also recognised that, without the benefit of attendance at a standardisation meeting, there may be different interpretations of the application of the marking guidelines. IEB Copyright © 2019 PHETLA

Downloaded from hlayiso.com NATIONAL SENIOR CERTIFICATE: SEPEDI LELEME LA GAE: LEPHEPHE II – Letlakala la 2 go a 14 MARKING GUIDELINES KAROLO YA A DINGWALO/DINGWALWA POTŠIŠO YA 1 A MO SWINA NGWANANA' THAKANA 1.1 (a) Tikologo Nako le felo ke dikokwane tše bohlokwa kudu tša tikologo. Gantši mongwadi ge a ngwala puku o hlola lefelo leo ditiragalo di diregago go lona. Mongwadi o tšweletša le nako yeo ditiragalo di diregago ka yona. Ditiragalo di ka direga ka nako ya sebjalebjale goba ya segologolo. Tikologo ya puku ye ke ya sebjalebjale ya go ba le lefetla la segologolo. • Bophelo bja magaeng bo bonala ka tše di latelago: − Batho ba sa tshepha gore nkadingala a ka ba rarollela mathata a bona a selegae. Mologadi o ya go Matonya go yo nyaka moratišo wo o tlogo fetola Lekope gore a rate yena fela. − Mathata a sa rarollwa ka mokgwa wa selapa. Ge Lekope a sepetše ka gae go bitšwa rangwane wa bana gore a tle a ba thuše bothateng bjo bo lego gona. − Nadinadi le mosadi wa gagwe ba ya lapeng la Lekope le Mologadi go yo hlaloša gore ga se bona ba thubago lapa la bona ebile Nadinadi o ganne go hlatsela maaka a Lekope. • Tlhabologo (Sebjalebjale) e bonagala ka tše di latelago: − Mabenkele a kgoparara a Lekope a go ba le dikantoro ke taetšo ya botse ya bophelo bja sebjalebjale. − Go na le hotele ya Mojasagagwe mo Medupi a bonego Mmatlala le Mokalabi gona. − Mengwako ya kgoparara yeo Lekope a agetšego Mologadi, Mmatlala le Pebetse. − Go na le bookelo bja kgauswi mo Lekope a rwaletšwego gona ge a se no hlabega. − Medupi le Segola ba na le ditaxi – Tatagobona o ba laetše gore ba yo tšea dilaesense go malome wa bona. − Difatanaga tšeo di otlelwago – Mmatlala o sepetše ka Benz ya Lekope ge a eya Bokgalaka. − Go na le mangwalo a dinkgekgenene a tlhalo a go tšwa kantorong ya masetrata ao Lekope a a laeditšego Thomo ge a tlile kantorong ya gagwe. − Mengwako ya gona e a rekišwa – Thopadimolaleng o botša Lekope gore Mmatlala o mmoditše gore o tlo rekiša ngwako. − Mmatlala ga a na dihlong tša go ratana le monna yo mogolo le go tšeela motho monna. Bophelo bja mohuta wo bo bonagala kudu ka tikologo ya sebjalebjale. − Didirišwa tša go swana le plastara yeo Lekope a bego a e beile hlogong morago ga go gobatšwa di laetša tikologo ya sebjalebjale. − Go dirišwa megala – Mmatlala o founetše Mokalabi go mmotša gore mpša yela e a hwa ebile e sepetlele. (Dintlha tše 13 fela) Kabo ya meputso Teori: (02) Dintlha: (13) IEB Copyright © 2019 PHETLA

Downloaded from hlayiso.com NATIONAL SENIOR CERTIFICATE: SEPEDI LELEME LA GAE: LEPHEPHE II – Letlakala la 3 go a 14 MARKING GUIDELINES (b) SETSOPOLWA SA A (i) • Go bolelwa ka go nyala mosadi wa bobedi. ● Tshepedišo ya go nyala mosadi yo mongwe. (ii) Lekope o na le swele. Ge Thomo a mmotša gore motse ka moka o a tseba ka kamano ya gagwe le Mmatlala o a befelwa ebile o bitša ditaba tšeo di bolelwago gore ke ditšiebadimo. (Dikarabo di tla fapana go ya ka balekwa) (iii) • Poledišano e utolla molaetša goba morero wa tiragatšo. ● E utolla dimelo tša baanegwa. ● E tšwetša ditiragalo pele. ● E utolla maikutlo a babapadi. (Tše tharo fela) (iv) Pefelo/go selekega – O tenwa ke go kwa gore batho ba bolela ka seo a se dirilego. (Dikarabo tša maleba di dumeletšwe) (v) Aowa. Go na le dilo tše dintši tšeo di sa kgahlišego mabapi le bophelo bja gagwe. (Dikarabo di tla fapana go ya ka balekwa) ● O theeletša le go dumelela mabarebare a mo thubela lapa. ● O fentšwe ke maikutlo a dira taba ya go makatša ya go ratana le ngwana yo monyane go yena. ● Mahumo ao a a šometšego le mosadi wa gagwe o a lesa a phatlalatšwa ke Mmatlala. ● Lekope o swara lapa la gagwe gampe ebile o ba bitša ka maina ge a ekwa borutho bja lerato la Mmatlala. ● Ga a tšee maele go tšwa go batho go swana le Thomo. ● O hlala mosadi, ga a mo tlogelele selo o mo fa ntlo fela a tseba gore ga a šome. ● O raka bana ka lebenkeleng a tseba gore ga se ba ya dikolong. ● Ge a bona dilo di sa mo sepelele gabotse o kgopela Mologadi le bana tshwarelo. (Dintlha tše tshela fela) 1.2 (a) Molaetša Molaetša (message) ke thuto yeo mongwadi a ratago gore mmadi a e bune ge a bala sengwalwa sa gagwe. (Serudu: 1989:49) Molaetša wa tiragatšo ye o theilwe godimo ga mebolelwana ye e latelago: Mokgakgati o a ikgela • Lekope ke monna yo a bego a na le mosadi le bana bao ba šetšego ba gotše efela o fahlwa ke lerato la Mmatlala leo le dirilego gore mafelelong a šale ka boitsholo. • O thoma ka go raka bana ba gagwe le mosadi ka lebenkeleng gore a kgone go iketla le motlabo wa gagwe Mmatlala. IEB Copyright © 2019 PHETLA

Downloaded from hlayiso.com NATIONAL SENIOR CERTIFICATE: SEPEDI LELEME LA GAE: LEPHEPHE II – Letlakala la 4 go a 14 MARKING GUIDELINES • O tlogela ba lapa la gagwe o ya go dula lapeng la gabo Mmatlala, yo yena le mmagwe Pebetse ba ikemišeditšego go mo hula mahumo a gagwe. • Ge a tloga lapeng la gagwe o re Mologadi mosadi wa gagwe o nyaka go mo loya ka ge a re o mo tšwela ga Matonya (Ngaka ya setšo). • Lekope o hlala mosadi wa gagwe o nyala kgarebjana ye. • Pebetse o eletša Mmatlala gore o swanetše go boloka tšhelete gape a botše Lekope gore a mo agele motse wa gagwe. • Dikgwebo tša Lekope di ile tša thoma go tekateka, ka ge Mmatlala a be a tšea tšhelete a ipolokela yona. • Mmatlala o boelana le tatagobana ba gagwe. O tšea dithoto ka moka tša lebenkele le tša ka ntlong. O tlogelela Lekope yo a lego bookelong diaparo fela. Go ba "nka ja mo nka nona" go senyetša batho lethabo le dilo tše botse tšeo ba nago le tšona bophelong ba fetša ka boitsholo. • Maitshwaro a Lekope a go ratana le kgarebjana a mo thubetše lapa la gagwe leo le bego le mo hlompha ka gore o feditše a ba tlogela a yo dula gaboMmatlala. • Lekope o thuba segwera sa gagwe le Nadinadi morago ga go re Nadinadi a gane go ba hlatse ya gagwe. O phara Nadinadi molato wa gore ke yena yo a mo thubetšego lapa. • Morago ga gore Mmatlala a hule Lekope tšhelete, Mokalabi e lego tatagobana ba Mmatlala o boa gae. Mmatlala o thoma go tšhabela Lekope a kopana le yena ebile a se sa hlompha Lekope. • Lekope o thoma go tlaišega moyeng ebile o thoma go lwala. • Morago ga dikgohlano ka lapeng Mmatlala o kgorometša Lekope ebile o swarwa ke bolwetši bja pelo o išwa bookelong fao Mmatlala a mo lahlilego a se sa mo hlola. • Mmatlala o rwala thoto ka moka ga a mo tlogelele selo. • Lekope ge a boa sepetlele o tlala ka boitsholo ebile o kgopela gore a yo hwela lapeng la gagwe le Mologadi. (Dikgopolo tša go kwagala tša balekwa di tla amogelwa) Kabo ya meputso Teori (02) Dintlha: (10) Tšhomišo ya polelo: (03) IEB Copyright © 2019 PHETLA

Downloaded from hlayiso.com NATIONAL SENIOR CERTIFICATE: SEPEDI LELEME LA GAE: LEPHEPHE II – Letlakala la 5 go a 14 MARKING GUIDELINES (b) SETSOPOLWA B (i) • Mmatlala o boelane le tatagobana ba gagwe (Mokalabi) ga a sa hlompha Lekope. ● O hutše Lekope go ya le ka fao a bego a beakantše. (ii) • Aowa, Pebetse o paletšwe ke go kgala Mmatlala tabeng ya go ratana le mokgalabje wa go lekana le yena. ● O dumeletše Lekope a tloga lapeng la gagwe a tlo dula le bona, a tseba gore Lekope o na le lapa la gagwe. ● O hlohleleditše Mmatlala go hula Lekope tšhelete a mmotša gore a e boloke ka maina a bana ba gagwe gape Lekope o swanetše go godiša bana ba Mmatlala le bona a ba šaparolle ka lapeng. ● O boditše Mmatlala gore a hlohleletše Lekope go hlala Mologadi gore a tle a be mogatša mohumi a kgone go ja a lahla. ● O botša Mmatlala gore a botše Lekope gore a mo agele ngwako pele tšhelete e fela. (Tše tharo fela) (iii) Lethabo, Mologadi o bontšhitše gore o be a rata monna wa gagwe ka nnete. (Maikutlo a maleba a amogelega) Ba bangwe ba ka re maikutlo a manyami, Mologadi nkabe a ile a gana go swarela le go amogela Lekope lapeng la gagwe morago ga tše a mo dirilego tšona. (iv) • Ee, ga go na ditšhitišo (Go dirišitšwe ditšhupasefala). ● Baanegwa ba a boledišana. (v) • Leina la puku ye ke A mo swina ngwanana' thakana fao re bonago Lekope a ratana le Mmatlala yo e lego yo monyane go yena. ● Mologadi o be a fela a bolela mantšu a go re o tla go swina ngwanana thakana ge Lekope a ba tlogela a ya go Mmatlala. ● Mmatlala o dira gore Lekope a hlale mosadi wa gagwe a nyale yena, a mo agele ntlo ya kgoparara a be a lokiše le ntlo ya mmagwe. ● Mafelelong mola a mo hutše tšhelete o thoma go se sa mo hlompha ebile o tšhaba le tatagobana ba gagwe (Mokalabi), o tšea dithoto ka moka. ● Lekope ge a le sepetlele ke gona a thoma go bona bohlokwa bja lapa la gagwe, a ba kgopela tshwarelo. ● Ge a tšwa sepetlele Lekope o ba kgakanegong go kwa gore Mmatlala o sepetše ebile le ntlo e a rekišwa. O a hlabega, ge ba mo kitimišetša sepetlele o ba kgopela gore ba mo iše lapeng la gagwe le Mologadi a yo hwela gona. IEB Copyright © 2019 PHETLA

Downloaded from hlayiso.com NATIONAL SENIOR CERTIFICATE: SEPEDI LELEME LA GAE: LEPHEPHE II – Letlakala la 6 go a 14 MARKING GUIDELINES POTŠIŠO YA 2 KEKANA, M. A. 1989–NNETE FELA 2.1 Thuto ke seo mongwadi a ratago gore mmadi a se bune ge a bala sengwalwa sa gagwe. Thuto (moral) ke seo mongwadi a se tšweletšago thwii goba ka tharedi sengwalong sa gagwe ka nepo ya go ruta mmadi se sengwe mo bophelong. (Serudu: 1989:49) (a) Bosenyi ga bo bušetše selo • Basindikheithi ba be ba ikgobokeletša mahumo ka go hula dipanka tšhelete, ka go ngwalelana ditšheke tša bofora. • Karabo o utolla sephiri sa bona o ngwala ka sona tshwantšhetšodikgao ya radio. • Ariel yo e sego letseka o a ba nyakišiša ebile o humana nnete a ba swariša. • Karabo le bagwera ba gagwe ba be ba otlela ba nwele ba humana kotsi ya sefatanaga, bangwe ba bagwera ba gagwe ba hlokofala, yena a robega leoto. (b) Le ge o ka e buela leopeng magokobu a go bona • Basindikheithi ba be ba iphihlile ngwakong wa Noko ba swere lekgotla la bona ba sa lemoge gore go na le motho yo a ka bego a theeleditše seo ba se bolelago. • Noko o ile a leka go phafoša Bubbles gore a tšhabe ka ge sindikheithi e le mohlaleng wa gagwe go tlo mo hlasela bošegong bjoo efela a se lemoge gore Mabusha o boile o mo theeleditše. (Dikarabo tše dingwe tša maleba di tla amogelwa.) GOBA 2.2 Leina la paditseka ye ke "Nnete Fela", go nyakega nnete go masindikheithi ao a bego a dira bonokwane bja go hula dipanka ka bofora. Kamano ya leina la puku le diteng tša yona e tšweletšwa ke ditiragalo tše di latelago: • Mongwadi o tšweletša sindikheithi e dira ditiro tša bosenyi tša go hula dipanka mafelelong nnete e tšwelela nyanyeng. • Karabo o utolla sephiri sa bona ka go ngwala sengwalwa ka bona. • Ariel o šomišwa bjalo ka moanegwa wa go rata nnete le go e fatolla. • Mathomong a puku ge Ariel a le ga khomišinare o kgala bašomedi bao ba bego ba sa šome ka nnete. • Ge Bubbles a romilwe ke sindikheithi go Ariel go yo tšea sengwalwa, o gana ka sona o re Karabo ke yena a swanetšego go itšeela sona. • Kamanong ya Ariel le Julia ge Julia a nyaka go tseba gore o mmeile kae tabeng ya lenyalo o mmotša thwii gore yena o be a se na maikemišetšo a lenyalo. • Ariel ga a dikadike go botša Bubbles morago ga ge sengwalwa se utswitšwe gore o lemogile gore tše ke mathaithai a gagwe. • Ariel o ba le dipotšišo ditiragalong tša mmileng wa Mokwele ka fao o nyaka dikarabo go Bubbles. • Ariel o nyaka go tseba nnete ka ditaba tšeo a di boditšwego ke Pula mabapi le kamano ya Bubbles le Kwena. • Ariel o nyakišiša sindikhethi go fihlela a humana nnete go Bubbles ba kwana gore ba ye maphodiseng. • Maphodisa a swara masindikheithi, dithoto tša bona ka moka di tšewa ke mmušo. (Dintlha tše seswai fela) IEB Copyright © 2019 PHETLA

Downloaded from hlayiso.com NATIONAL SENIOR CERTIFICATE: SEPEDI LELEME LA GAE: LEPHEPHE II – Letlakala la 7 go a 14 MARKING GUIDELINES POTŠIŠO YA 3 3.1 Morero ke kgopolokgolo yeo mongwadi a ratago go e tšweletša ka sengwalwa sa gagwe. Gore morero o tle o bonagale gabotse, mongwadi o diriša dithekniki tša thulaganyo, go swana le tekolanthago, tekolapejana, go hlakahlakanya ditaba, go latelaganya ditaba, boipoeletšo, poeletšo ya ditiragalo, bjalobjalo. Thulano le maatlakgogedi ke tšona di godišago morero wa mongwadi. Leina la paditseka ye "Nnete Fela" le tšweletša morero wa yona e lego nnete fela fao go rutwago gore bosenyi ga bo bušetše selo. Mongwadi o nyaka nnete yeo go masindikheithi, ao a dirago bonokwane bja go fofiša khaete ka go hula dipanka ka bofora gore e tšwelele nyanyeng. Mongwadi o šomiša Ariel go nyakišiša nnete ya taba mafelelong o a e humana masindikheithi a a swarwa. • Motseng wa Phelindaba go be go dula banna ba go huma kudu e lego Noko le Mabusha. Mello o be a dula Gauteng gomme bona ka moka e be e le masindikheithi. • Banna ba ba be ba na le sephiri seo se lebanego le bonokwane bja go hula dipanka. • Seo ba bego ba se dira ke go fofiša khaete. Ke gore ba be ba ngwalelana ditšheke tša bofora gomme ba humane tšhelete ka tšona. • Ba be ba na le dikgwebo tše dintši tšeo ba bego ba širela ka tšona gore batho ba se ke ba lemoga le go botšiša gore bohumi bja bona bo tšwa kae. • Noko o be a dula le bana ba gagwe ba mafahla e lego morwedi, Bubbles le morwa, Karabo. • Karabo, ka go hloka maikarabelo, o ile a weša kgwebo ya sinema yeo tatagwe a bego a mo file yona, mafelelong a humana kotsi ya sefatanaga ka baka la botagwa gomme a robega leoto. • Noko o be a mmefeletšwe kudu ebile a šetše a mmoditše gore o swanetše go mo tšwela motse ge a fola. • Karabo o ile a befelelwa tatagwe le Bubbles ka gore o be a nagana gore Bubbles o itira yo mokaone ebile o phenkgišana le yena gore tatagwe a rate yena go mo feta. • Ka letšatši le lengwe Noko o be a gapeleditše bana ba gagwe gore ba ye paesekopong ya bošego. Ka ge Karabo a be a sa nyake, o ile a kgopela mogwera wa gagwe gore a ye le Bubbles gomme yena a boela gae a fihla a tsena phapošing ya gagwe ka lefastere gore a robale. O ile a palelwa ke go robala ka ge masindikeithi ba be ba swere kopano ka gabo, ka fao o ile a kgona go kwa ditaba ka moka tšeo ba bego ba di ahlaahla bošegong bjoo. Ditaba tša gona di be di lebane le bonokwane bjo ba bo dirago bja go fofiša khaethe. • Karabo o rile go tseba ka sephiri sa masindikheithi a fetša le mogopolo wa gagwe gore o nyaka go laya tatagwe le Bubbles ka ge yena a be a swanelwa ke go rakwa ka lapeng. O be a nyaka gore ba lahlegelwe ke dilo ka moka tšeo ba nago le tšona. • O ile a ngwala tshwantšhetšodikgao ka sephiri sa bona, o šomišitše maina a masindikheithi a nnete, efela a se ngwale la tatagwe la nnete. • Noko o rile go lemoga ka ga sengwalo seo le diteng tša sona, a tsebiša masindikheithi ka ga kotsi yeo. IEB Copyright © 2019 PHETLA

Downloaded from hlayiso.com NATIONAL SENIOR CERTIFICATE: SEPEDI LELEME LA GAE: LEPHEPHE II – Letlakala la 8 go a 14 MARKING GUIDELINES • Bona ge ba tlo sekiša Karabo gore o tsebile bjang ka sephiri sa bona, ke ge a šetše a se file mogaši wa seyalemoya e lego Ariel Meso. • Masindikheithi ba ile ba befelwa gomme ba re Karabo o swanetše gore a bolawe. Ba mo file Champ le Thoba, elego bašomedi ba bona gore ba mmolaye. • Ka lehlakoreng le lengwe ba ile ba romela Bubbles go Ariel gore a yo tšea sengwalo sela. • Ariel o ile a lemoga gore Bubbles ke lekgarebe la go ba le boikgantšho gomme a gana go mo fa sona, e le ge a be a nyaka go phuhlamiša boikgantšho le boipoto bja gagwe. • Bubbles le yena o be a ikhumana a sa dudišege ge a na Ariel fela ka ge a be a nyaka go thabiša tatagwe le lesogana la gagwe Kwena, o ile a phegelela go ba thuša ka go boelela go Ariel. • Bubbles o rile go lemoga gore o palelwa ke go se humana, a loga leano la go radia Ariel, a beakanya le Champ le Thoka gore ba tlo utswetša Ariel sengwalo sela mola yena a ikwišitše. • Ariel o ile a mo topa nta thekeng gomme a mo utollela nnete ya gore o se badile sengwalo sela ebile go swanetšwe go iwe maphodiseng. Bubbles o ile a mmotša nnete le go mo lemoša gore le yena (Ariel) bophelo bja gagwe bo kotsing ka ge a tseba diteng tša sengwalo. • Masindikheithi ba ile ba kgopela Bubbles gore a ba thuše go bolaya Ariel. • Ka ge Bubbles a be a šetše a thomile go rata Ariel, lebakeng la gore a ba thuše, o ile a iphetola lenaba la masindikheithi ka go mo šireletša le go mo tšhabiša gore ba yo khuta Majaneng mo go bego go sa tsebje ke motho. • Nako ye ka moka Bubbles o be a thibela Ariel go ya maphodiseng ka go mmotša gore masindikheithi ba ka tla ba bolaya tatagwe, mola ka lehlakoreng le lengwe a be a botša masindikheithi gore ge ba ka bolaya Ariel o tla ya maphodiseng. • Mafelelong Ariel o rile go kwa ka lehu la Kwena, a sekiša Bubbles gore bjale gona o nyaka nnete ye e feleletšego. Le ge Bubbles a ile a leka go tšhabatšhaba ka nnete, o ile a fetša le pelo gore a botše Ariel nnete. • Masindikheithi ka yona nako yeo ba ile ba kwelela gore Bubbles o khutile Majaneng, ntlong ya mogwera wa gagwe Pula. Ba ile ba romela Champ le Sello gore ba ye gona go yo ba bolaya (Bubbles le Ariel) • Noko o ile a leletša Bubbles mogala go mo tsebiša ka ga babolai bao ba bego ba le tseleng, a ba a mo laetša gore a yo tšea Karabo mo a bego a mo utile gona. • Mabusha o ile a humana Noko a sa bolela le morwedi wa gagwe, morago ga go kwa ditaba ka moka, o ile a mmolaya ka ge e be e le mohlanogi. • Mabusha le banna ba bangwe ba masindikheithi ba ile ba swarwa, dikgwebo tša bona tša tswalelwa gomme ba lahlegelwa ke dithoto tša bona ka moka. • Bubbles le Ariel ba ile ba dula mmogo ka lethabo bjalo ka baratani, Karabo le yena a boa gae ntle le letšhogo. Tšhomišo ya polelo IEB Copyright © 2019 PHETLA

Downloaded from hlayiso.com NATIONAL SENIOR CERTIFICATE: SEPEDI LELEME LA GAE: LEPHEPHE II – Letlakala la 9 go a 14 MARKING GUIDELINES 3.2 Botseka ke eng? Botseka bo lebane le bosenyi/molao, nyakišišo le kotlo. Nnete Fela ke padi ya botseka ya go lebana le sephiri (bonokwane bja masindikheithi). Bosenyi – Ke tiragalo yeo e lego kgahlanong le molao wa naga. • Bosenyi bo lebane le bonokwane bja masindikheithi bja go fofiša khaete. • Basindikheithi ba be ba hula dipanka ka go ngwalelana ditšheke tša bofora, ba ntšha tšhelete yeo e sego ya bona dipankeng. • Basindikheithi ba be ba na le dikgwebo tše dingwe gore batho le maphodisa ba se makale gore ba tšea kae tšhelete. Nyakišišo – Letseka le nyakišiša ka bosenyi bjo bo tšwelelago pukung. • Ariel Meso ke letseka la go se hlahlwe leo le nyakago go tseba nnete mabapi le diteng tša sengwalo sa Karabo seo se tšweletšago bosenyi bjo bo dirwago ke masindikheithi. • Sindikheithi e romela Bubbles go Ariel gore a yo tšea sengwalo seo, phegelelo ya Bubbles e hlohleletša Ariel gore a be le tumo ya go bala sengwalo seo gore a kwe gore ke ka lebaka la eng se nyakwa ka tsela ye. • Bubbles o tla ka leano la gore sengwalwa se utswiwe go Ariel, Ariel o lemoša Bubbles gore o lemogile makatika a gagwe ebile o badile sengwalwa seo o tseba sengwe le sengwe ka sona. • Ariel o ipatametša go Bubbles gore a kgone go tseba tšohle ka masindikheithi. Ariel o kgopela Bubbles gore ba tšwe mmogo ba ye lefelong la go ithabiša go la Hellas. • Ariel morago ga go dumela go felegetša Bubbles mmileng wa Mokwele, thapama o a tšwa o ya lefelong leo go yo le lekola le go itlwaetša lona pele a ka tla le Bubbles. • Ge tiragalo ya Mokwele e fetile Ariel o ba le dipotšišo tšeo di nyakago dikarabo efela Bubbles yo a swanetšego go araba o a itwatša gore a se arabe dipotšišo tšeo a se a ipeakanya. • Ariel ge a le mošomong o tlelwa ke kgopolo ya go leletša Pula go nyakišiša ka bophelo bja Bubbles efela o kgonne go utolla gore Kwena e be e le lesogana la Bubbles. • Ariel o nyaka nnete go Bubbles mabapi le batho bao ba mo jago leonyane le ka taba ya Kwena. • Bubbles ge a palelwa ke go araba dipotšišo tša Ariel o tšhabela Themba. Ariel o mo romela molaetša ka Pula wa gore ge a sa boe pele letšatsi le dikela, o ya maphodiseng. • Bubbles o boela go Ariel go mmotša nnete ka moka ka sindikheithi, ba kwana gore ba swanetše go ya maphodiseng go yo bega molato wo. IEB Copyright © 2019 PHETLA

Downloaded from hlayiso.com NATIONAL SENIOR CERTIFICATE: SEPEDI LELEME LA GAE: LEPHEPHE II – Letlakala la 10 go a 14 MARKING GUIDELINES Kotlo – ke ka fao bosenyi bo fedišwago ka gona go paditseka. • Kwena o ile a bolawa ke bašomedi ba sindikheithi ka phošo, Noko ka baka la bohlanogi bja gagwe o bolawa ke mogwera wa gagwe wa potego Mabusha. • Sindikheithi e ile ya thubja, masindikheithi a mangwe ao a šetšego a ile a swielelwa kgolegong ka moka. • Dithoto tša bona ka moka tša thopša ke mmušo. • Bubbles o boelana le Karabo ba phela gabotse. Bubbles le Ariel ba phela mmogo ka lethabo. Tšhomišo ya polelo: (03) IEB Copyright © 2019 PHETLA

Downloaded from hlayiso.com NATIONAL SENIOR CERTIFICATE: SEPEDI LELEME LA GAE: LEPHEPHE II – MARKING GUIDELINES Letlakala la 11 go a 14 4.1 RUBRIKI YA POLEDIŠANO Moithuti: Meputso Khoutu 7 Khoutu 6 Khoutu 5 Khoutu 4 Khoutu 3 Khoutu 2 Khoutu 1 [20] O kgonne O fihleletše O fihleletše O lekile go O fihleletše O fihleletše O paletšwe go fihlelela ditekolo ka bontši bja fihlelela tše dingwe ditekolo tše go fihlelela ditekolo ka botlalo ditekolo bontši bja tša ditekolo mmalwa ditekolo Kelo botlalo 70–79% 60–69% ditekolo 40–49% 30–39% 0–29% 80–100% 50–59% DITENG Diteng di sepelelana le Meputso Meputso Meputso Meputso Meputso Meputso Meputso 10 hlogo 10 9–9.5 8 7 6 5 0–4 SEBOPEGO Sebopego sa maleba le botelele bjo bo Meputso Meputso Meputso Meputso Meputso Meputso Meputso 4 lekanetšego go ya ka 4 3.5 3 2.5 2 1.5 0–1 mohuta wa sengwalwana SETAELE LE POLELO Retšistara, segalo, mohola, tlotlontšu, Meputso Meputso Meputso Meputso Meputso Meputso Meputso tlhamo ya mafoko le 6 6 5.5 5 4.5 4 3 0–2 mopeleto, maswaodikga, tšhomišo ya polelo ya maleba IEB Copyright © 2019 PHETLA

Downloaded from hlayiso.com NATIONAL SENIOR CERTIFICATE: SEPEDI LELEME LA GAE: LEPHEPHE II – MARKING GUIDELINES Letlakala la 12 go a 14 4.2 RUBRIKI YA PEGO Moithuti: Meputso Khoutu 7 Khoutu 6 Khoutu 5 Khoutu 4 Khoutu 3 Khoutu 2 Khoutu 1 [20] O kgonne O fihleletše O fihleletše O lekile go O fihleletše O fihleletše O paletšwe go go fihlelela ditekolo ka bontši bja fihlelela tše dingwe ditekolo tše fihlelela ditekolo ka botlalo ditekolo bontši bja tša ditekolo mmalwa ditekolo Kelo botlalo 70–79% 60–69% ditekolo 40–49% 30–39% 0–29% 80–100% 50–59% DITENG Diteng di sepelelana le Meputso Meputso Meputso Meputso Meputso Meputso Meputso 10 hlogo 10 9–9.5 8 7 6 5 0–4 SEBOPEGO Sebopego sa maleba le botelele bjo bo Meputso Meputso Meputso Meputso Meputso Meputso Meputso 4 lekanetšego go ya ka 4 3.5 3 2.5 2 1.5 0–1 mohuta wa sengwalwana SETAELE LE POLELO Retšistara, segalo, mohola, tlotlontšu, tlhamo ya mafoko le Meputso Meputso Meputso Meputso Meputso Meputso Meputso 6 mopeleto, 6 5.5 5 4.5 4 3 0–2 maswaodikga, tšhomišo ya polelo ya maleba IEB Copyright © 2019 PHETLA

Downloaded from hlayiso.com NATIONAL SENIOR CERTIFICATE: SEPEDI LELEME LA GAE: LEPHEPHE II – MARKING GUIDELINES Letlakala la 13 go a 14 POTŠIŠO YA 5 5.1 RUBRIKI YA DITSHWAYOTSHWAYO Moithuti: Meputso Khoutu 7 Khoutu 6 Khoutu 5 Khoutu 4 Khoutu 3 Khoutu 2 Khoutu 1 [20] O kgonne O fihleletše O fihleletše O lekile go O fihleletše O fihleletše O paletšwe go go fihlelela ditekolo ka bontši bja fihlelela tše dingwe ditekolo tše fihlelela ditekolo ka botlalo ditekolo bontši bja tša ditekolo mmalwa ditekolo Kelo botlalo 70–79% 60–69% ditekolo 40–49% 30–39% 0–29% 80–100% 50–59% DITENG Diteng di sepelelana le Meputso Meputso Meputso Meputso Meputso Meputso Meputso 10 hlogo 10 9–9.5 8 7 6 5 0–4 SEBOPEGO Sebopego sa maleba le botelele bjo bo Meputso Meputso Meputso Meputso Meputso Meputso Meputso 4 lekanetšego go ya ka 4 3.5 3 2.5 2 1.5 0–1 mohuta wa sengwalwana SETAELE LE POLELO Retšistara, segalo, mohola, tlotlontšu, tlhamo ya mafoko le Meputso Meputso Meputso Meputso Meputso Meputso Meputso 6 mopeleto, 6 5.5 5 4.5 4 3 0–2 maswaodikga, tšhomišo ya polelo ya maleba IEB Copyright © 2019 PHETLA

Downloaded from hlayiso.com NATIONAL SENIOR CERTIFICATE: SEPEDI LELEME LA GAE: LEPHEPHE II – MARKING GUIDELINES Letlakala la 14 go a 14 5.2 RUBRIKI YA POLELO Moithuti: Meputso Khoutu 7 Khoutu 6 Khoutu 5 Khoutu 4 Khoutu 3 Khoutu 2 Khoutu 1 [20] O kgonne O fihleletše O fihleletše O lekile go O fihleletše O fihleletše O paletšwe go fihlelela ditekolo ka bontši bja fihlelela tše dingwe ditekolo tše go fihlelela ditekolo ka botlalo ditekolo bontši bja tša ditekolo mmalwa ditekolo Kelo botlalo 70–79% 60–69% ditekolo 40–49% 30–39% 0–29% 80–100% 50–59% DITENG Diteng di sepelelana le Meputso Meputso Meputso Meputso Meputso Meputso Meputso 10 hlogo 10 9–9.5 8 7 6 5 0–4 SEBOPEGO Sebopego sa maleba le botelele bjo bo Meputso Meputso Meputso Meputso Meputso Meputso Meputso 4 lekanetšego go ya ka 4 3.5 3 2.5 2 1.5 0–1 mohuta wa sengwalwana SETAELE LE POLELO Retšistara, segalo, mohola, tlotlontšu, Meputso Meputso Meputso Meputso Meputso Meputso Meputso tlhamo ya mafoko le 6 6 5.5 5 4.5 4 3 0–2 mopeleto, maswaodikga, tšhomišo ya polelo ya maleba Palomoka: 100 meputso IEB Copyright © 2019