Sepedi HL Grade 12 P3 NSC Supplementary 2016 Question Paper

Downloaded from hlayiso.com GRADE 12 NATIONAL SENIOR CERTIFICATE KREITI YA 12 SEPEDI LELEME LA GAE (HL) LEPHEPHE LA BORARO (P3) DIBOKWANE/HLAKOLA 2016 MEPUTSO: 100 NAKO: Diiri tše 2½ Palomoka ya matlakala a dipotšišo ke 5. Tokelo ya ngwalollo e ileditšwe PhetlaPhetla

Downloaded from hlayiso.com Sepedi Leleme la Gae (HL)/P3 2 DBE/Dibokwane–Hlakola 2016 NSC DITAELO LE TSHEDIMOŠO 1. Lephephepotšišo le, le arotšwe ka DIKAROLO TŠE PEDI, e lego YA A le YA B. KAROLO YA A: Ditaodišo (50) KAROLO YA B: Ditšweletšwa tša tirišano (2 x 25) (50) ELA HLOKO: Molekwa o swanetše go araba dipotšišo TŠE PEDI mo KAROLONG ye. 2. Araba potšišo E TEE KAROLONG YA A le dipotšišo TŠE PEDI KAROLONG YA B. 3. Šomiša polelo yeo o lekwago ka yona. 4. Thoma karolo YE NNGWE le YE NNGWE letlakaleng LE LEFSA. 5. Beakanya taodišo le mehuta ye mengwe ya ditšweletšwa (ka tsela ya mmepe wa monagano, seswantšho, mantšu a bohlokwa le tše dingwe) o be o fe padišišo/palobohlatse. Peakanyo e tšwelele PELE ga taodišo le ditšweletšwa tšeo. 6. Peakanyo e swanetše go bonagala gabotsebotse gore ke peakanyo. Ka gona o eletšwa go thala mothalo go putlaganya peakanyo. 7. O eletšwa kudukudu go diriša nako yeo o e filwego ka tsela ye: KAROLO YA A: Metsotso ye e ka bago ye 80 KAROLO YA B: Metsotso ye e ka bago ye (2 x 35) 70 8. Nomora dikarabo go ya le ka fao dipotšišo di nomorilwego ka gona. 9. Thaetlele/Hlogo ga se ya swanela go balwa ge go dirwa palo ya mantšu. 10. Ngwala ka bothakga le ka mongwalo wa go balega. Tokelo ya ngwalollo e ileditšwe Phetla

Downloaded from hlayiso.com Sepedi Leleme la Gae (HL)/P3 3 DBE/Dibokwane–Hlakola 2016 NSC KAROLO YA A: DITAODIŠO POTŠIŠO YA 1 Kgetha E TEE ya dihlogo tše di latelago gomme o ngwale taodišo ya botelele bja mantšu a go se fete a 450. Taodišo e rulaganywe ka lenaneo la go swana le mmepe wa monagano, seswantšho, tšhate goba lenaneo leo le ka go thušago go rulaganya. O tla fiwa meputso ya go rulaganya le palobohlatse. 1.1 Tšatši leo ke tsebilego gore Modimo o gona. Ntšha sa mafahleng a gago. [50] 1.2 Mma ke setho se bohlokwa sa lapa le lengwe le le lengwe. [50] 1.3 Go be go befile, ra phološwa ke gore mohlagase o be o le gona. [50] 1.4 Mohola wa papatšo ga se go goga šedi ya bareki fela, eupša ke go ba fa le tshedimošo ka setšweletšwa. Wena o reng? [50] 1.5 Bosenyi bo ka fokotšwa ke go tiišwa ga letsogo la molao ka mo nageng. [50] 1.6 Bafsa ba kgatha tema ye bohlokwa tšwetšopeleng ya setšo sa gabobona. Ganetša goba dumela kgopolo ye. [50] 1.7 Lekodišiša diswantšho tše tša ka tlase ka tsenelelo le tsinkelo gomme o kgethe SE TEE sa tšona o ngwale taodišo ka sona. Dikgopolo tša gago di nyalelane le tšeo di tšwelelago seswantšhong. 1.7.1 Ahlaahla se se tšweletšwago ke seswantšho se o lebeletše dinamelwa. [Mothopo: www.google.com] [50] Tokelo ya ngwalollo e ileditšwe Phetla

Downloaded from hlayiso.com Sepedi Leleme la Gae (HL)/P3 4 DBE/Dibokwane–Hlakola 2016 NSC 1.7.2 Anega seo se tšweletšwago ke seswantšho se. [Mothopo: www.google.com] [50] PALOMOKA YA KAROLO YA A: 50 Tokelo ya ngwalollo e ileditšwe Phetla

Downloaded from hlayiso.com Sepedi Leleme la Gae (HL)/P3 5 DBE/Dibokwane–Hlakola 2016 NSC KAROLO YA B: DITŠWELETŠWA TŠA TIRIŠANO POTŠIŠO YA 2 Araba potšišo TŠE PEDI go tše tshela tše di latelago. Botelele bja karabo ya gago e be mantšu a go se fete a 200. Setšweletšwa se rulaganywe ka lenaneo la go swana le mmepe wa monagano, seswantšho, tšhate goba lenaneo leo le ka thušago go rulaganya. O tla fiwa meputso ya go rulaganya le padišišo/palobohlatse. 2.1 LENGWALO LA SEGWERA Motswala wa gago o amegile kotsing ya sefatanaga. O amogetšwe bookelong bja kgauswi le lefelo leo la kotsi. Mo ngwalele lengwalo la go mo akela pholo. [25] 2.2 LENGWALO LA SEMMUŠO O bone kwalakwatšo ya mošomo wa nakwana lebenkeleng la go rekiša dijo nakong ya maikhutšo a Matswalo a Morena. Ngwalela molaodi wa lebenkele lengwalo o kgopele mošomo wo. [25] 2.3 TŠA BOPHELO BJA MOHU Mogwera wa gago o iketše boyabatho. Thuša ba lapa la gabo ka go ba ngwalela tša bophelo bja mohu. [25] 2.4 PEGO Bafsa ba kereke ya geno ba nyaka go direla batšofadi moletlo wa go ba abela dimpho tša Matswalo a Morena. O be o le yo mongwe wa go tšama a kgopela ditšhelete bathong tša go phethagatša morero wo. Ngwala pego ka ga tšhelete ye le e hweditšego le gore e ya go šoma bjang. [25] 2.5 LENANEOTHERO LE METSOTSO O mongwaledi wa Lekgotla la Bafsa kerekeng ya geno gomme le be le swere kopano mo le bego le boledišana ka maitshwaro a bafsa kerekeng. Ngwala lenaneothero le metsotso ya kopano yeo. [25] 2.6 POLEDIŠANO O bileditšwe seteišeneng sa maphodisa a tikologo ya geno mabapi le go tlo fa bohlatse ka tiragalo ya go tšeelwa setafanaga ka kgang ke digwaelaphaga tše pedi ka Mokibelo mantšibua. Re alele poledišano ya gago le lefokisi nakong ya ge o efa bohlatse. [25] PALOMOKA YA KAROLO YA B: 50 PALOMOKA YA TLHAHLOBO: 100 Tokelo ya ngwalollo e ileditšwe