Sepedi HL Grade 12 Paper 3 NSC June 2025 Question Paper

Confidential SENIOR CERTIFICATE EXAMINATIONS/ NATIONAL SENIOR CERTIFICATE EXAMINATIONS SEPEDI LELEME LA GAE (HL) LEPHEPHE LA BORARO (P3) MOPITLO/PHUPU 2025 MEPUTSO: 100 NAKO: Diiri tše 3 Palomoka ya matlakala a dipotšišo ke 5. Tokelo ya ngwalollo e ileditšwe Phetla

Sepedi Leleme la Gae (HL)/P3 2 DBE/Mopitlo/Phupu 2025 SC/NSC Confidential DITAELO LE TSHEDIMOŠO 1. Lephephepotšišo le, le arotšwe ka DIKAROLO TŠE PEDI. KAROLO YA A: Ditaodišo (50) KAROLO YA B: Ditšweletšwa tša tirišano (2 x 25) (50) 2. Araba potšišo E TEE KAROLONG YA A le dipotšišo TŠE PEDI KAROLONG YA B. 3. Šomiša polelo yeo o lekwago ka yona. 4. Thoma KAROLO YE NNGWE le YE NNGWE letlakaleng LE LEFSA. 5. Beakanya taodišo le mehuta ye mengwe ya ditšweletšwa (ka tsela ya mmepe wa monagano, seswantšho, mantšu a bohlokwa le tše dingwe) o be o dire padišišo/palobohlatse. Peakanyo e tšwelele PELE ga taodišo le ditšweletšwa tšeo. 6. Peakanyo e swanetše go bonagala gabotsebotse gore ke peakanyo. Ka gona o eletšwa go thala mothalo go putlaganya peakanyo ye nngwe le ye nngwe. 7. O eletšwa kudukudu go diriša nako yeo o e filwego ka tsela ye: KAROLO YA A: Metsotso ye e ka bago ye 100 KAROLO YA B: Metsotso ye e ka bago ye (2 x 40) 80 8. Nomora dikarabo go ya le ka fao dipotšišo di nomorilwego ka gona. 9. Hlogo ga se ya swanela go akaretšwa ge go balwa mantšu. 10. Ngwala ka bothakga le ka mongwalo wa go balega. 2025 Tokelo ya ngwalollo e ileditšwe Phetla

Sepedi Leleme la Gae (HL)/P3 3 DBE/Mopitlo/Phupu 2025 SC/NSC Confidential KAROLO YA A: DITAODIŠO POTŠIŠO YA 1 Kgetha E TEE ya dihlogo tše di latelago gomme o ngwale taodišo ya botelele bja mantšu a 400–450 (diteng fela). Taodišo e rulaganywe ka lenaneo la go swana le la mmepe wa monagano. O tla fiwa meputso ya diteng le peakanyo, polelo, mongwalelo, palobohlatse gammogo le sebopego. 1.1 ... ruri e bile mohlohleletši wa mmakgonthe [50] 1.2 Bohlale bo tšwa lebading [50] 1.3 Dipolao ka Afrika-Borwa ke tlhobaboroko [50] 1.4 Tiragalo ye e fetošitšego bophelo bja ka [50] 1.5 Mekgwanakgwana ya go iphediša e thiba letšatši. [50] 1.6 Go oketšwa ga ditheko tša madila go ka fokotša tšhomišompe ya ona. Dumela goba o ganetše. [50] Lekodišiša diswantšho tše tša ka tlase (1.7 le 1.8) ka kelohloko gomme o kgethe SE TEE sa tšona o ngwale taodišo ka sona. Efa taodišo ya gago hlogo ya maleba. ELA HLOKO: Dikgopolo tša gago di nyalelane le tše di tšwelelago seswantšhong. 1.7 [Mothopo: www.blogspot.com] [50] Tokelo ya ngwalollo e ileditšwe Phetla

Sepedi Leleme la Gae (HL)/P3 4 DBE/Mopitlo/Phupu 2025 SC/NSC Confidential 1.8 [Mothopo: www.@success pictures] [50] PALOMOKA YA KAROLO YA A: 50 Tokelo ya ngwalollo e ileditšwe Phetla

Sepedi Leleme la Gae (HL)/P3 5 DBE/Mopitlo/Phupu 2025 SC/NSC Confidential KAROLO YA B: DITŠWELETŠWA TŠA TIRIŠANO POTŠIŠO YA 2 Araba dipotšišo TŠE PEDI go tše tshela tše di latelago. Botelele bja karabo ya gago e be mantšu a 180–200 (diteng fela). Setšweletšwa se rulaganywe ka lenaneo la go swana le la mmepe wa monagano. O tla fiwa meputso ya diteng le peakanyo, polelo, mongwalelo, palobohlatse gammogo le sebopego. 2.1 LENGWALO LA SEMMUŠO Batswadi ba gago ga ba phedišane gabotse ka lapeng. Taba ye e go hlokiša khutšo. Ngwalela moruti wa kereke ya geno lengwalo o mo kgopele go tlo tsena taba ye ka bogare. [25] 2.2 EMEILE O lemogile boima bjo bo rwelwego ke bana bao ba dulago ba nnoši ka baka la go hlokofalelwa ke batswadi. Bjalo ka mongwaledi wa bafsa, ngwalela modirelaleago wa selete sa geno emeile o mo lemoše ka bothata bjo. [25] 2.3 TŠA BOPHELO BJA MOHU Mothuši wa ka geno o hlokofetše ka morago ga go lwala nakwana. Thuša ba lapa la gabo go ngwala tša bophelo bja mohu yo. [25] 2.4 POLELO Tona ya Mohlagase e tla go thakgola protšeke ye mpsha ya mohlagase motseng wa geno. Bjalo ka moetapele wa bafsa kgoši o go kgopetše go fa polelo mabapi le taba ye. Ngwala polelo ya gago. [25] 2.5 ATHIKELE YA KGATIŠOBAKA Motseng wa geno go atile ditiragalo tša go utswiwa ga bana ba basetsana. Bjalo ka mongwaledi wa kgatišobaka ya Lebone ngwala athikele yeo ka yona o lemošago setšhaba le go kgala ditiro tše bjalo. [25] 2.6 PEGO Sekolong sa geno go be go swerwe diphadišano tša kgwele ya maoto tša sedikothuto mo sehlopha sa lena se ilego sa thopa sefoka. Ngwala pego ka ditiragalo tša letšatši leo. [25] PALOMOKA YA KAROLO YA B: 50 PALOMOKA YA TLHAHLOBO: 100 Tokelo ya ngwalollo e ileditšwe