Computer Application Technology PAT GR 12 2019 Teacher Guidelines Afr

Downloaded from hlayiso.com REKENAARTOEPASSINGSTEGNOLOGIE RIGLYNE VIR PRAKTIESE ASSESSERINGSTAKE ONDERWYSERRIGLYNE 2019 Hierdie riglyne bestaan uit 7 bladsye. Kopiereg voorbehou Blaai om asseblief

Downloaded from hlayiso.com Rekenaartoepassingstegnologie 2 DBE/PAT 2019 NSS INHOUDSOPGAWE 1. INLEIDING 3 2. RIGLYNE VIR DIE ONDERWYSER 4 2.1 Idees en benaderings om leerders te lei 4 2.2 Oneerlikheid 5 2.3 Verklaring van egtheid van die PAT deur die leerder 5 2.4 Rol van die onderwyser 6 2.5 Toesig/Gekontroleerde omstandighede 6 2.6 Bestuur van die PAT 6 2.7 Assesseringsbewyse 7 2.8 Vereistes 7 2.9 Nienakoming 7 AKRONIEME KABV Kurrikulum-en-assesseringsbeleidsverklaring VOO Verdere Onderwys en Opleiding NSS Nasionale Senior Sertifikaat PAT Praktiese Assesseringstaak AP Assesseringprogram SGA Skoolgebaseerde Assessering Kopiereg voorbehou Blaai om asseblief

Downloaded from hlayiso.com Rekenaartoepassingstegnologie 3 DBE/PAT 2019 NSS 1. INLEIDING Die 17 Kurrikulum-en-assesseringsbeleidsverklaring (KABV)-vakke wat 'n praktiese komponent bevat, sluit almal 'n praktiese assesseringstaak (PAT) in. Hierdie vakke is: • LANDBOU: Landboubestuurswetenskappe, Landboutegnologie • KUNS: Dansstudies, Ontwerp, Dramatiese Kunste, Musiek, Visuele Kunste • WETENSKAPPE: Rekenaartoepassingstegnologie, Inligtingstegnologie, Tegniese Wetenskappe • DIENSTE: Verbruikerstudies, Gasvryheidstudies, Toerisme • TEGNOLOGIE: Siviele Tegnologie, Elektriese Tegnologie, Meganiese Tegnologie en Ingenieursgrafika en -ontwerp 'n Praktiese assesseringstaak(PAT)-punt is 'n verpligte komponent van die finale promosiepunt vir alle kandidate ingeskryf vir vakke wat 'n praktiese komponent het en dit tel 25% van die finale punt vir Rekenaartoepassingstegnologie (RTT). FORMELE ASSESSERING Gedurende die Jaareindeksamen jaar 25% 75% SBA Praktiese Jaareindeksamen-vraestelle (50%) assesseringstaak (PAT) 25% 25% Vraestel 1 (25%) Vraestel 2 (25%) Die PAT word oor die eerste drie kwartale van die skooljaar geïmplementeer. Dit word in verskillende fases of 'n reeks kleiner aktiwiteite afgebreek. Die PAT bied leerders die geleentheid om op 'n gereelde basis gedurende eerste drie kwartale van die skooljaar geassesseer te word en dit maak ook voorsiening vir die assessering van vaardighede wat nie in 'n formele formaat, soos 'n toets of 'n eksamen, geassesseer kan word nie. Dit is dus belangrik dat skole seker maak dat al die leerders die praktiese assesseringstaak binne die toegelate tydperk voltooi om te verseker dat leerders aan die einde van die jaar hulle uitslae ontvang. Die kandidaat sal tot drie weke voor die aanvang van die finale jaareindeksamen tyd gegun word om enige uitstaande werk vir die PAT in te dien (sien 2.9 Nienakoming). Die beplanning en uitvoering van die PAT verskil van vak tot vak. Kopiereg voorbehou Blaai om asseblief

Downloaded from hlayiso.com Rekenaartoepassingstegnologie 4 DBE/PAT 2019 NSS 2. RIGLYNE VIR DIE ONDERWYSER 2.1 Idees en benaderings om leerders te lei Wat moet leerders doen en wat moet hulle verskaf? Daar word van leerders verwag om, onder gepaste toesig: • 'n Belangstellingsarea binne die gegewe onderwerp/scenario te kies; • 'n Duidelike fokusvraag wat ondersoek/nagevors kan word te formuleer; • 'n Reeks take (wat in drie fases verdeel is) te beplan, na te vors en uit te voer, om met bevindinge en gevolgtrekkings, wat met die fokusvraag verband hou, vorendag te kom. • 'n Verslag vir 'n spesifieke gehoor voor te berei; • Elemente van die verslag via 'n webtuiste te kommunikeer; en • Bewyse van al die fases van die projek vir assessering te verskaf. Hoe sal leerders dit doen? Leerders moet: • 'n Individuele projek beplan en voltooi deur 'n reeks inligtingbestuursvaardighede en -strategieë toe te pas om te voldoen aan die doelstellings, soos in die PAT-vereistes uiteengesit; • Sleutelvrae om te vra identifiseer; • Inligting uit 'n reeks bronne bekom, selekteer krities en gebruik, data verwerk en analiseer en 'n begrip van toepaslike skakels, verbindings en kompleksiteite van die onderwerp en fokusvraag demonstreer; • 'n Reeks vaardighede selekteer en gebruik, waaronder die toepassings en tegnologieë wat bestudeer is, probleme oplos, besluite op 'n kritiese, kreatiewe en buigsame manier te neem om die fokusvraag te beantwoord; • Gevolgtrekkings/Aanbevelings ondersteun deur die gebruik van beredeneerde argumente wat op bewyse gegrond is; • Uitkomste evalueer, beide in verband met die PAT-vereistes en hulle eie leer en prestasie; en • Geskikte kommunikasievaardighede en media gebruik om bewyse in 'n gepaste formaat aan te bied. Vereiste vaardighede Leerders moet in staat wees om: • 'n Reeks vaardighede en metodes selekteer en toe te pas om oplossings te vind; • Tekste te vergelyk, selekteer, lees en verstaan en dan gebruik om inligting, idees, argumente en opinies in te samel; • Dokumente op te stel en inligting, idees en opinies effektief en betekenisvol kommunikeer; • Data en inligting doeltreffend te stoor om die effektiewe oproep daarvan moontlik te maak; • Inligting te versamel om die inhoud en die doel van die taak/ondersoek te pas; • Data in te voer, inligting onafhanklik te ontwikkel en formateer om die betekenis en doel daarvan te pas, wat teks en tabelle, beelde/prente, getalle, grafieke en rekords insluit; • Besluitnemings- en probleemoplossingsvaardighede toe te pas; • Beplanning, navorsing, kritiese denke, analise, sintese, evaluering en aanbiedings- vaardighede te demonstreer; • Selfvertroue en inisiatief in die toepassing van die inhoud, toepassingsagteware en -tegnologieë wat in RTT bestudeer is, te ontwikkel; en • Raad en ondersteuning te vra wanneer nodig. Kopiereg voorbehou Blaai om asseblief

Downloaded from hlayiso.com Rekenaartoepassingstegnologie 5 DBE/PAT 2019 NSS Wat moet leerders vooraf geleer word? Voordat die PAT aangepak word, moet leerders die volgende geleer word: • Toepassingsagteware (woordverwerking-, sigblad-, databasis- en webontwikkeling- sagteware) en IKT-vaardighede wat die produksie van die verslag en webtuiste sal verbeter • Navorsing- en inligtingbestuurvaardighede, wat insluit om: o 'n Taak te definieer o 'n Fokusvraag te stel o Navorsingsvrae te vra o Geskikte inligtingsbronne te identifiseer o Bronne te evalueer o Inligting te soek o Navorsingsverslae te skryf met 'n samevatting, inleiding, bespreking, verwysde bronne, afleiding/slot en bronnelys • Projekbestuursvaardighede, waaronder tyd-, hulpbron- en taakbestuur 2.2 Oneerlikheid Leerders moet NIE: • Hulp/Leiding van ander kry sonder om erkenning daaraan te gee nie (hulle moet BYLAE C van die Leerderriglyne voltooi – sien Afdeling 2.3.) • Werk indien wat nie hulle eie is nie • Hulle werk aan ander leerders leen nie • Ander leerders toegang, of die gebruik van, hulle eie onafhanklik verkrygde materiaal gee nie. Dit beteken nie dat kandidate nie hulle boeke aan ander kandidate mag leen nie, maar die kandidate moet nie toegelaat word om plagiaat van ander leerders se navorsing te pleeg nie. • Werk insluit wat direk uit boeke, vanaf die internet of uit ander bronne gekopieer is, sonder om erkenning vir die bronne te gee nie • Werk indien wat deur 'n derde persoon getik of woordverwerk is nie. Kandidate met fisiese gestremdhede moet vooraf toestemming by die relevante assesseringsowerhede kry. Hierdie aksies kom neer op oneerlikheid, waarvoor die leerder gepenaliseer sal word. Indien oneerlikheid geïdentifiseer is, moet die assesseringsowerhede in kennis gestel word en die besonderhede van enige werk wat nie die leerder se eie is nie, moet aangeteken word. 2.3 Verklaring van egtheid van die PAT deur die leerder Nadat die PAT voltooi is, moet leerders die verklaring van egtheid (BYLAE C van die Leerderriglyne) onderteken om te bevestig dat die werk wat ingedien word, hulle eie is. Alle substantiewe raad/hulp wat aan die leerders gegee is, moet in die verklaring opgeteken word. Kopiereg voorbehou Blaai om asseblief

Downloaded from hlayiso.com Rekenaartoepassingstegnologie 6 DBE/PAT 2019 NSS 2.4 Rol van die onderw yser Die onderwyser sal: • Die betrokke inligtingsbestuursinhoud, praktiese vaardighede en strategieë onderrig voor elke fase van die projek begin word'; • Die projek bestuur, en toesig hou oor leerders se werk en dit monitor; • 'n Aanvanklike beplanningsoorsigsessie hou/fasiliteer om die onderwerp/scenario, vereistes, doelstellings en ontwikkeling van die projek te bespreek; • Vooraf-lees fasiliteer om agtergrondinligting oor die onderwerp/scenario in te samel; • Gereelde terugvoer aan leerders gee, beide op 'n informele grondslag en aan die einde van elke fase; • Die leerders se werk aan die einde van elke fase assesseer d.m.v. die kriteria wat uiteengesit is in die gestandaardiseerde assesseringsinstrument wat verskaf word, en terugvoering aan leerders aanteken; • Hulle algemene evaluering bevestig, gebaseer op deurlopende waarneming en terugvoering om 'n finale indruk van die onafhanklike werk, inligtingbestuur, insig en probleemoplossing te verskaf; • Die werk van die leerders modereer na enige standaardisering en interne modereringsprosedures wat vereis word; en • Die egtheid van die PAT verseker, soos bespreek in Afdeling 2.5 hieronder. 2.5 Toesig/Gekontroleerde omstandighede Die onderwyser moet die PAT op so 'n manier bestuur dat hy/sy kan bevestig dat die werk wat geassesseer is, alleenlik die betrokke leerder se werk is, deur: • Die leerder se werk gereeld te monitor om 'kitsprojekte' te voorkom; • Elke leerder se assessering aan die einde van elke fase goed te keur; en • Te bevestig dat die werk wat geassesseer word, sover sy/haar kennis strek, alleenlik die betrokke leerder se werk is. Meer inligting hieroor word in Afdeling 2.8 van die Nasionale Protokol vir Assessering Graad R–12 gegee. 2.6 Bestuur van die PAT Die onderwyser moet sy/haar werkskedule volgens die tyd wat vir die PAT in die RTT-KABV (onderrigplan vir graad 12) toegelaat word, beplan. Daar is verskillende moontlike benaderings tot die bestuur van die PAT: Opsie 1: • Die onderwyser kan weekliks 'n gedeelte van die tyd aan die PAT afstaan terwyl hy/sy terselfdertyd die res van die week met normale onderrig voortgaan om die graad 12- kurrikulum te voltooi. Indien hy/sy hierdie opsie kies, moet hy/sy in die eerste kwartaal met die PAT-proses begin en een fase per kwartaal voltooi. Opsie 2: • Die onderwyser kan 'n aaneenlopende tydperk aan die PAT toeken, byvoorbeeld die laaste week/weke van elke kwartaal, en so ook een fase per kwartaal voltooi. Kopiereg voorbehou Blaai om asseblief

Downloaded from hlayiso.com Rekenaartoepassingstegnologie 7 DBE/PAT 2019 NSS 2.7 Assesseringsbewyse Bewyse wat vir assessering voorgelê word, moet wys hoe die individuele leerder die assesseringsdoelwitte en -kriteria behaal het en die beplanning, terugvoering en vordering van die projek insluit. Die bewyse vir assessering sal die volgende insluit: • Die finale produkte vir die take – 'n webtuiste (tuisblad plus 2 ander geskakelde blaaie) en 'n geskrewe verslag van ongeveer 1 600–2 000 woorde (dit verwys slegs na die inhoud en sluit nie die dekblad, inhoudsopgawe, verwysings en grafika in nie) • Die voltooide leerderassesseringsinstrument (en bewyse soos vir elke fase gespesifiseer) 2.8 Vereistes (Nasionale Protokol vir Assessering Graad R–12, Hoofstuk 3) Praktiese Assesseringstaak-komponente moet: • Uit assesseringstake bestaan wat die leerder se PAT-punt vorm, soos bespreek in Hoofstuk 4 van die Kurrikulum- en Assesseringsbeleidsverklaring vir RTT; • 'n Punt wat vir elke assesseringstaak toegeken is en 'n gekonsolideerde punt insluit; • Gerig word deur assesseringskomponente soos bespreek in Hoofstuk 4 van die Kurrikulum- en Assesseringsbeleidsverklaring vir RTT; • Beskikbaar wees vir monitering en moderering; en • Deur die onderwyser geëvalueer, nagesien en as geloofwaardig goedgekeur word voordat dit as bewys van leerderprestasie voorgelê word. 2.9 Nienakoming (Nasionale Protokol vir Assessering Graad R–12, Hoofstuk 3) Die kandidaat sal tot drie weke voor die begin van die finale RTT-jaareindeksamen tyd gegun word om uitstaande werk vir die PAT in te lewer. Indien 'n leerder, sonder 'n geldige rede, geen PAT vir RTT inlewer nie, sal die leerder nie 'n resultaat vir die vak ontvang nie. In die geval waar 'n leerder nie aan die vereistes van die PAT voldoen nie (insluitend die inleweringsdatums soos deur die provinsie/distrik vasgestel), maar SLEGS waar 'n geldige rede verskaf is, mag hy of sy 'n verdere geleentheid gegun word om vir die voorgeskrewe take geassesseer te word, gebaseer op 'n besluit deur die hoof van die betrokke assesseringsliggaam. Verwys na die Nasionale Protokol vir Assessering Graad R–12 (Hoofstuk 3) vir verdere verduideliking van die prosedure wat gevolg moet word indien die leerder, met geldige redes, versuim om enige uitstaande PAT-vereistes na te kom. Indien 'n leerder nie aan die PAT-vereistes voldoen nie en waar geldige redes voorgelê word , moet die bewyse vir sulke geldige redes by met die bewyse van die leerder se prestasie ingesluit word. Geldige redes vir laat inlewering van die verskillende fases van die PAT sluit die volgende in: • Siekte, gestaaf deur 'n geldige mediese sertifikaat, uitgereik deur 'n geregistreerde mediese praktisyn • Humanitêre redes, wat die dood van 'n nabye familielid insluit, gestaaf deur 'n doodsertifikaat • Die leerder se verskyning in 'n hofsaak, wat deur geskrewe bewyse gestaaf moet word • Enige ander rede wat deur die hoof van die assesseringsliggaam of sy/haar verteenwoordiger as geldig aanvaar word Kopiereg voorbehou